Ka Nupepa Kuokoa, Volume XLIII, Number 32, 11 ʻAukake 1905 — Page 5
| This text was transcribed by: | Lawrence Gersaba |
| This work is dedicated to: | Judith Nalani Kahoano Gersaba |
Ka Nupepa Kuokoa
KE KILOHANA POOKELA NO KA LAHUI HAWAII.
NUPEPA KUOKOA, POALIMA, AUGATE 11, 1905.
ALEMANAKA O AUGATE, 1905.
1905 AUGATE 1905
Sabati Poakahi Poalua Poakolu Poaha Poalima Poaono
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31
Mahina paba. Augate 14. E puka ana ka la i Augate 7 ma ka hora 3:35 ame Augate 8, 9 ame 19 hora 5:36: Augate 11 ame 12 hora 5:37: Augate 13ame 14. hora 5:38: a e napoo Augate 7 ame 8. hora 6:35: Augate 9 hora 6:34: Augate 10 ame 11 ma ka hora 6:33: Augate 12 hora 6:32: Augate 13 ame 14. hora 6:31.
KAI PII. KAI EMI.
Poakahi Aug. 7, hora 9:15 a.m.; 8:50 Hora 2:20 a. m.; 2:20 p.m.
p
Poalua Augate 8, hora 10:35 a.m.; 10:12 " 3:11 a.m.; 5:40 p.m.
p
Poakolu Aug. 9. hora 11:45 a.m.; 11:30 " 4:11 a.m.; 7:10 p.m.
p
Poaha Aug. 10. hora 12:45 p.m.; - " 5:13 a.m.; 8:09 p.m.
Poalima Aug. 11. hora 1:35 p.m.; 0:5 " 6:11 a.m.; 8:52 p.m.
a
Poaono Aug. 12. hora 2:19 p.m.; 1:48 " 7:06 a.m.; 9:30 p.m.
a
Sabati Aug. 13. hora 2:55 p.m.; 2:34 " 7:55 a.m.; 10 p.m.
a
Poakahi Aug. 14. hora 5:31 p.m.; 3:12 Hora 8:40 a.m.; 10:25 p.m.
Nuhou Kuloko
N@ Hoolaha ana: - Ina he mea @ kau aole paha oe e hoo@ i kou waha. Mai kail@ mea e akeakea mai ana @ oo oe no ka hopena e loaa @ oia. Ina aole oe i hoao e hookomo hoolaha iloko o keia @ aole no hoi he hewa ka @ Hewa ia la?
Ke mau nei no ka owelawela o keia @ la aole hoi o ka oluolu mai mahope @ ka haluku ino ana iho o ko luna @ a @ eio ko lalo nei.
Ma ke Sabati i hala i haawi ae ai o Lanakiai Cox. o Waialua. he paina no ka hauoli pu ana me kolaila poe koho mai ma ke kau koho kalana iho nei.
No ka mahina o Iulai i hala iho la he kanaono-kumamaiwa ka nui o na make ma Honolulu nei. He kanalima kamamakahi kane a he umi-kumamawalu wahine.
Ma ka mokuahi Mongolia o ka Poalua nei i kau aku ai o Hon Samuel Keliinoi. o Maui, a holo aku no Amerika ma ke ano elele no kekahi o na hui ma lu o kakou nei.
Mai poina i kai nana ae i ka hoolaha a Axtell ame Shaw. O laua kai lawe ae i ka makalua o J. C. Axtell ma ka oihana kalepa kia hoomanao, na pa-hao no na ilina, etc.
Ma ka la 4 o keia mahina, ua hoohuiia ae o Miss Elizabeth Lilikalani, kaikamahine a Hon. E. K. Lilikalani, me John Punua, e Rev. W. N. Lono, kahu o ka Ekalesia o Kaumakapili.
O kekahi mea kupaianaha loa ma ka papahana kiko la hana o ka Oihana Opala he ehiku ka la Sabati iloko o ka mahina. Pela i loaa ae nei i na laia o ke komite huki i na hana o ia oihana.
Ma ka la 6 iho nei o Augate. ma ka hora 3:30 p.m., ua hoohuiia ae la ma ka berita mare o Miss Piimoku Kawaikui Kakina me Mr. Kealamakia Moke, na Rev. H. K. Poepoe laua i mare.
Ua hoike ae o Loio Breckons ma ka Poalua nei. o ka manao kanawai ana i waiho ae ai i ka lunahooponopono o ka nupepa Kepani Hawaii Shinpo aole la i haawiia ma kona kulana mana e paa nei. aka he mau hoike ana ia mawaho o kona mana.
Maka hoike auhau no ka Mokupuni o Oahu nei no keia makahiki ua ikeia iho na hiki aku i ka $1,200,000 ka mahuahua ae o na auhau o keia makahiki i ko ka makahiki i haia. He hooke maikai loa keia no na hana o ke aupuni Teritori ame Kalana.
E ole ke ku ana o ke Aupuni Kalana loaa ae nei kekahi o na hana popopo loa e ke au o Hapuku ma. O kekahi hua maikai paha keia o ka hooikaika ana e loaa ona Aupuni Kalana i kaa mai na na makaainana e hooponopono ko lakou nohona aupuni ana.
Eia o Miss Reed o ke Kula Keikik@ o Kamehameha ke kaahele nei ma na mokupuni o Hawaii nei no ka huli ana ina paha he maikai ka limu no ka hoolilo ana ae i mea ai e ai ia ai o na haole. E hoike ana oia i keia mea mahope o kona huli ana i ke Keena Mahiai o Amerika.
Maka po Poalua nei i malama ae ai na haumana Alumai o Sana Lui he aka hoolaulea hope loa no ka Makua Thomas. kekahi o na kumu i noho loihi ma ia home imi naauao oiai e haalele iho ana oia ianei a hoi aku no kona home. He uwaki gula ka makana hoomanao a na haumana i makana aku ai i ka lakou kumu.
HALE INU RAMA
PAUOA
WAINA, WAIKEKE ma ke Kalani.
BIA, GINI AME WIKEKE ma ke Kakini.
O na kauoha e hookoia no. a e laweia no ma kou home. Like no ke kuai ana me ko na halekuai kukaa a liilii o ke taona. Hoopokoleia kou luhi, koe kahi kenikeni uku-kaa uwila ina maanei oe e kuai ai. Kipa mai hookahi. kipa no apau loa. Eia ka wai la!
THE PAUOA WINE CO.,
Frank Correa. Lunanui.
Pauoa. palena o ke alahao.
NO LAHAINALUNA.
O keia kula i keia la, aole ia o ke kulana o ke kula i ko na la i hala aku la. ma na hana, a ma ke kulana o na hale kahi e noho ai na haumana, a e kulaia ai lakou.
O ke kula i keia la, a e like me kekamamala o ka ha'iolelo a ke kahukula nui mua i pau, ma ka ia komo o ua mau hale nei, penei: - "O ke kula o Lahainaluna, oia no ke kulanui o ka poe ilihune.
He mau olelo oiaio no ia, a ke o nei a hiki loa mai i keia wa.
Eia na hale nani, ame na lumi i lako me na moe. uluna, a o kahi pale-ulu. na, ame ka uhi moe. a pela ka ke keiki e hoolako, a me kahi kapa e moe iho ai: aohe noonoo ana no ka pakumakika, oiai, he uwea pale makika ko na lumi apau, a he uwila hoi na kukui.
E hoomaka ana ke kula ma ka Poakahi ia 4 o Sepatemaba, 1905, a ke makemakeia nei na haumana e hiki e mai mamua ae o ia manawa, a ina lohi kekahi, e nele ana i ka rumi ole.
Pela hoi na haumana hou. e hiki e mai mamua ae o ka wa e komo ai ke kula. i loaa ka rumi. Mai ka 14 makahiki a pii aku, oia na haumana i makemakeia.
Na ke kumupoo,
C. A. McDonald.
Lahainaluna School. Iulai 28th, 1905.
Loaa ko Honolulu Kaa-Uwila
Lawe Ukana.
I keia manawa ua lawe ae nei o Honolulu i kekahi ano o kela kulanakauhale nui o Nu Ioka ma ka hooholo ana ae o ka Hui Lawe Ukana Wells, Fargo ma na alahao o ka Hui Kaauwila Honolulu he kaauwila lawe ukana nona a eia ke holo nei he elua manawa e kaapuni ai i ke kulanakauhale i ka la, ma na wahi i hoomoeia ai ke alahao a ma ka hebedoma i hala i hoomakaia ae ai ia hana.
Aia he mau kahua liilii ma na wahi like ole o na alahao kahi e lu ai i na ukana ame ka hoouka ana-o ko Waikiki, Kaimuki, Pawaa, Liliha, Puowaina ame Kalihi. Mai keia mau wahi e lu ia ai na ukana a maluna o na kaalio ukana e lawe loa ia ai i na wahi i makemakeia a no na auhau kupono no hoi.
A he kaa nalowale ole keia ke holo ma na alahao oiai aia na mamalaolelo i palapalaia ma kona mau aoao ma na olelo haole. Hawaii. ame Pake. a ina e makemake a ma ke kauoha o ka poe no lakou na opeope liilii e hooleia iloko o ko lakou pa mai ke kaa aku e hookoia ai-o na ukana nahaha ole nae ia e like me na puolo pepa ame na mea like.
Aia no he mau kulanakauhale e ae o Amerika i holo na kaa ukana ma na alahao uwila aka ua oleloia o Honolulu ke kokoolua o Nu Ioka ma keia mahele kaauwila ukana i hooholoia iho la a e holo mau aku ai no ka hoohikihiki ukana ma na auhau kupono.
E Holo Ana na Kaa Uwila no
Kahauiki.
Eia ke hoomakaia nei ka hoomoe ana i ke alahao o ke Kaa Uwila ma alanui Moi e holo ana no Kahauiki a ke paa ae keia alahao o ka hoomaka koke no ia o keia nui e halihali i na ukana no ia wahi.
Ua manao keia hui ke hiki mai i ka manawa e kukuiuia ai ke kahua hoolulu o na koa ma Kahauiki, e nolia ae ana na kohokoho ana no ka lawe ana i na ukana no ua kahua ia. a ke manaolana nei keia hui e lilo mai ana keia hana iaia.
He hapalua mile wale no ka loihi o keia wahi e hoomoe hou ia nei ke alahao. e hoomaka ana hoi mai ka palena aku o ke alahao ma Kalihi; eia nae ua kokoke iki aku hoi ke alahao i Moanalua. aole hoi e like me ka manawa i hala ae nei ka peki wawae mai o ko Moanalua poe i ke kula loa a loaa ke kua uwila. He pomaikai keia i loaa aku i ko Moanalua poe. a pela no hoi me ko Honolulu nei i makemake e holoholo aku malaila.
He mau wahi e ae no kekahi e manaoia nei hoomoe i ke alahao. Ua manao ia e hooloihi aku i ke alahao o ka hui mai ka palena pau aku o ke alahao ma ka uwapo ae nei o Haaliliamanu a holo loa aku no Iwilei. a ina e hiki ana ilaila o ka hui no ia me ke kahua hoahu aila ea. a lilo ka halihali ana i na ukana o keia wahi i keia hui.
O keia kekahi o na hana nui a keia hui makemake ai. a ua hoomakaia ae na hana halihali ukana. o ka waiu nae. ma ka laina alahao o Kaimuki. a ma ka hoopalahalaha ana ae i kona alahao. e like me ia e hanaia nei ma Kahauiki. he hooko ana ia i ka manao halihali ukana. Ke manao pu ia hoi e loaa like ana no keia ma Puunui ma ame na wahi e ae e hiki ana ke loaa mai he mau pomaikai hou i keia hui.
Aole e loihi loa. o ko kakou holo no ia i Moanalua. Aua keia!
Aina Aupuni e Weheia ae Ana.
"Aia he aina aupuni e wehe koke ia ae ana e kokoke loa ana hoi i ke kulanakauhale o Honolulu," wahi a Komisina Pratt i hoike ae ai ma ka Poalima i haia. "O keia ka aina i ikeia ka Aina o Alewa. ma ke Awawa o Nuuanu."
Aia keia aina mauka aku o Alanui Kauka, a ma ka aoao Ewa hoi o ke Awawa. He 135 ka nui o na eka o keia aina. He aina maikai loa keia no ke kukulu home ana, a he oluolu hoi ka nohona. He lepo maikai ke kanu ana i na meakanu maikai.
Aole i ana ia keia aina i keia manawa, nolaila e hala ana kekahi manawa mamua o ka makaukau ana no ke kuai aku. O ka waiwai o Bihopa kekahi mea kuleana aina ma kahi e kokoke nei i ka aina i manaoia no ka wehe aku.
Waiho $40,000 na ka Ilio.
LOCKPORT, (N. Y.) Iulai 20. - "Mahope o ka ukuia ana o ko'u mau aie oiaio a ku i ke kanawai, ke kauo. ha nei wau e ukuia ka huina o $5000 i ka'u keiki ponoi, Laura Exerington Kneware. O ke koena holookoa i koe iho ke hooili nei wau no ke kukulu ana i home no na ilio homeole ame na popoki, o keia hoi ka'u hana i manao ai ua maikai no ka hoolilo ana aku i keia dala. Ke noi nei hoi wau i ka Surrogate e hookohu ae ola i komisina no ka hooko ana i keia kauoha ma keia hapa o ka'u kauoha hope loa."
O keia ka palapala kauoha hope i loaa aku ma ke pakaukau a Mrs. Ellen J. Kneware e kakau mau ai, he wahine-kane-make waiwai, i make hoi ma ka la 23 o Iune, e waiho ana hoi he waiwai i hiki aku ka waiwaiio i ke $45,000.
HALAWAI EKALESIA O EWA.
Ma ka halawai Ekalesia o ka Ekalesia o Ewa. ma ke Sabati la 6 o Augate, 1905 i hala. ua kukulu a hoonoho hou ia na pouhana o ka Ekalesia o Ewa, ma ka hoopiha ana i na hakahaka o ka Papa Kahu Waiwai, o ia Ekalesia, a me ku kukulu hou ana i ka Aha Luna o ka Ekalesia. ma o ka noho lunahoomalu ia ana e ke Komite Hoeueu o ua Ekalesia a puni ka Paeaina, Rev. E. . Timoteo, a penei ka hoonohonoho ana.
PAPA KAHU WAIWAI
E. B. Mikalemi, Jno. Kealaula, J. K. Luka, B. M. Mahi, N. Noa Mahi, H. D. Kaaiahua, H. K. Meemano.
PAPA LUNA.
W. N. Kahumoku, Daniel Hoolapa, W. H. Kahumoku, Paulo Kamakala, Kaauwai Kahakamakalani, Maemae, Kahoa (liilii).
Ma ke Kauoha.
HOOLAHA HOOKO MORAKI.
HOOLAHA MANAO E PANIKU A.
ME KE KUAI.
Malalo a ma ka pono (1) o ka mana o ke kuai i paa iloko o kela moraki i hanaia i ka la 13 o Sepatemaba, 1892, i hanaia e C. Yick Leong, C. Din Sing ame Leong Kat. e lawelawe oihana ana ma Honolulu. Mokupuni o Oahu. Teritori o Hawaii, ma ke ano he poe kamana malalo o ka inoa o Hip Kee Company, ma ke ano he poe moraki ia Bishop & Company o Honolulu i olelo mua ia ae nei ma ke ano he Poe Paa Moraki, i kakaukopeia iloko o ka buke 139, ma na aoao 208-210. Keena Kakaukope o Hawaii, a (2) o na manao i paa iloko o kekahi palapala i hoike hou ia aku ia mea like i hanaia i ka la 13 o Sepatemaba, 1900, i hanaia e C. Yick Leong, C. Din Sing ame Leong Kat i oleloia ia Bishop & Company i oleloia a i kakaukopeia iloko o ke Keena Kakaukope i oleloia iloko o ka buke 213 ma na aoao 294-296. a i kulike ai me ka Pauku 2161. (Mokuna 139) o na Kanawai Hooponopono hou ia o Hawaii. o ka poe no lakou na inoa hui malalo iho nei, Bishop & Company, me keia he haawi aku nei lakou i ka hoolaha ke manao nei lakou e paniku i ka moraki i oleloia ame ka palapala pakui no ke kumu i uha'iia. oia hoi: no ka uku ole ia ana o ka huina kumupaa ame ka uku-panee i paa ma ua moraki nei ame ka palapala pakui i oleloia. i ka manawa e uku ai.
Ke haawi hou ia aku nei ka hoolaha o ka waiwai i hooliloia ma ua moraki la i oleloia e kuaiia aku ana ma ke kudala akea ma na keena kudala o James F. Morgan. Helu 847-857. Alanui Kaahumanu. Honolulu i oleloia ae nei. Lunakudala ma ka Poaono ka la 2 o Sepatemaba. 1905. ma ka hora umi-kumamalua awakea.
O ka waiwai i hoopaaia iloko o ka moraki i oleloia e kuai ia aku ai oia kela:
O kela palapala hoolimalima o ka aina a pahale ma ke Alanui Hotele iloko o Honolulu i oleloia. mai a Horace Crabbe ame kana wahine mare mai i ke Kaalaea Mill Co., i hanaia i Augate 3, 1886, a i kakaukopeia iloko o ka buke helu 100. aoao 312-314. o ke Keena Kakaukope Hawaii i hoolilo ponoia ia Leong Kat ma kekahi palapala hoolilo i hanaia ma ka la 9 o Ianuari, 1889. i kakaukopeia iloko o ka buke helu 112, aoao 345, a nana i hoolilo aku ia C. Yick Leong, C. Din Sing ame Leong Kat i oleloia ma ka palapala hoolilo i hanaia i Iulai 16, 1889. a i kakaukope la iloko o ka buke helu 118. aoao 163-164 pau pu me na pono. poo-kuleana. ame na pomaikai apau loa o ka Bishop & Company iloko a i na hale apau loa. na mea i kukuluia ame na hana hou maluna o ka aina i oleloia.
BISHOP & COMPANY.
Poe Paa Moraki.
Ma ke dala kuike ka makemake a Gula no hoi o Amerika a ma ka aoao o ka mea kuai mai na lilo palapala apau.
No na mea aku i koe e ninau ae ia Homes & Stanley na loio o ka Poe Paa Moraki. ma Alanui Kaahumanu. Honolulu. a i ole. ia James F. Morgan. Alanui Kaahumanu. Honolulu, Lunakudala.
3489 - Aug. 11, 18, 25: Sept. 1.
Hiki Ole ke Hookaawale.
UA IKE KEKAHI POE O HONOLULU NEI I KA HOOKAAWALE
ANA IA LAUA A ELUA.
O ke Kuahaneenee ame ka eha o na puupaa he mau mahoe laua.
Aole e hiki ia oe ke hookaawale ae ia laua.
Aole hoi e hiki ia oe ke kaawale mai ke kuahaneenee mai a hiki i ke oia ana o na puupaa.
Ina e maikai na puupaa a ikaika he mea hiki ole ke hoohewahewa ae e maikai ana na iaia e ae o ko'u kino a ola maikai.
O na Huaale Puupaa a Kuahaneenee a Doan oia ka mea nana e hooikaika a hoowaiwai i na puupaa.
Eia ka pane a Mr. S. Hanoland kekahi luna o ka Hale Kuke Awa. Mamuli o ko'u loaa ana i ka haawina o ka eha nui ma kuu kua no kekahi manawa, ua hoao iho la wau i na Huaale Kuahaneenee a Doan ma kuu kuai ana ma ka Halekuai Laau o Hollister ma a ua loaa ia'u ka oluolu a pau loa kuu eha. Ua maopopo loa ia'u he mau hua. aie io no lakou no ka ma'i kuahaneenee E loaa no na huaale kuahaneenee a Doan i ka poe kuai laau apau no 50 keneta o ke poho hookahi. e poho i ka $2.50. E hookoia no na kauoha apau ma ka leta ma ke kuike ke hoouna mai i ka Halekuai Laau o Hollister ma, na agena o ka Paeaina. E lawe i ka Doan me ka nana ole i ka ha'i.
HOOLA KEKAHI KANAKA KALE PA O INIA KOMOHANA I KANA
KAIKAMAHINE MAI KEKAHI MA'I NUMONIA IKAIKA LOA.
"He manawa i hala ae nei ua loaa iho la ka'u kaikamahine i ke anu ikaika loa. Ua hoike mai oia ia'u i ka eha ikaika iloko o kona umauma, a he kunu inoino hoi kona. Ua haawi aku wau iaia i ka Chamberlain's Cough Remedy e like me na kuhikuhi a iloko o na la elua ua maikai ae la oia a hiki iaia ke hele i ke kula. Ua lawe ko'u ohana i keia laau no na makahiki ehiku i hala ae nei a aole hoi he manawa a'u i ike ai ua haule kana hoola ana," pela i hoike ae ai o James Prendergast, he kanaka kalepa ma Annaao Bay, Jamaica, West India Islands. Ke kuaiia nei e BENSON, SMITH & CO., LTD., na Agena ma Hawaii nei.
HOOLAHA A KA LUNAHOOPONOPONO WAIWAI.
O na poe apau he mau koi ka lakou i ka waiwai o Chas. Allen i make o Waimea, S. Kohala. Hawaii. ke hoike ia aku nei e hoike mai i ka mea nona ka inoa malalo. maloko o eono malama mai ka la e hoopuka ia ai ma ka nupepa Kuokoa a me Hawaiian Gazette, he mau nupepa i pa'i ia ma Honolulu.
A ina aole pela e hoole mau loa ia aku no.
J. KAAPUNI.
Lunahooponopono Waiwai o Chas. Allen.
Waimea. Hawaii. Augate 4, 1905.
Aug. 11, 18, 25: Sept. 1.
Ma Ke Kauoha
TERITORI O HAWAII.
KEENA O KA PUUKU, HONOLULU, OAHU.
Ma ka hoopau ana i ka Union Express Company, Limited.
Oiai, ka Union Express Company, Limited, he hui hoohuiia a e ku nei malalo a ma ka pono o na kanawai o ka Teritori o Hawaii. ua waiho pono ae ma keia keena i kulike ai me ke kanawai i hanaia a i hookawaleia no ia mea, he palapala noi no ka hoopau ana i ua hui la i oleloia, pau pu me ka palapala hooia i hoopili pu ia i koiia ai ma ke kanawai.
Nolaila, ma keia, ke haawiia aku nei ka hoolaha i ka mea a i ka poe apau i kuleana a e kuleana nei i keia manawa ma na ano apau iloko o ua hui la i oleloia o na hoohalahala ku-e apau i ka ae ana i ua noi la i oleloia e waiho ae ma keia keena ma a mamua o ka hora 12 awakea. Poalima, Augate 18, 1905, a o kela ame keia mea e makemake ana e loheia e hele kino ae ma ke keena o ka mea nona ka inoa malalo iho nei, ma ka hale mana Hooko, Honolulu. ma ka hora 12 awakea o ka ia i oleloia, no ka hoike ana i ke kumu, ina he mau kumu kekahi no keaha ia e ae ole ia ai ke noi i olelo ia.
A. J. CAMPBELL,
Puuku Teritori o Hawaii.
Honolulu, Iune 14, 1905.
3072 - June 16, 23, 30; July 7, 14, 21, 28; Aug. 4, 11, 18.
Aila Lauoho a Ayer's.
he ai ia na ka lauoho. He hoolako oia i ka lauoho me kekahi mea i kupono e loaa ina i makemakeia e maikai kona ulu ana.
I ka manawa e maloo ai ka lauoho a paakiki, mokumoku mai ke kumu, helelei a i ole lilo ae i lauoho hina, ua loaa mai ia mau haawina mamuli o ka loaa ole o ka ai kupono nona. He mea olalo o ka.
AYER'S HAIR VIGOR.
aole la he mea laweia malako. Mawaho no ia e hamo iho ai, a nana e hooulu a hanai hoi i ke kumu o ka lauoho.
He hoihoi hou mai kana i ka lauoho a kona ano mua. a hooulu mai hoi i lauoho maikai a nui. He lauoho nani a loihi.
Ina he makemake kou e hoomauia kou opiopio alaila e lawe ae i ka
AYER'S HAIR VIGOR.
Ua hoomakaukauia keia aila lauoho o Dr. J. C. Ayer & Co., Lowell, Mass. U. S. A.
E Malama i kou Ili
KE ANO O KA MALAMA, HOOMAEMAE ME KA HOOUI ANA I KA
HE A ME KA HELEHELENA.
No ka malama, hoomaemae a me ka hooui ana i na ili, i ole ai e loaa i ka huehue, ili pohaka, ili akaakaa wale. kolekole, lena, hou nui, ili nakakaka, ili lahilahi, a i na ano kinaunau lehulehu wale o ka ili, aole loa kekahi kopa ili a helehelena paha e hiki ke hoohalikeia me ke KOPA KUTICURA. no ka mea. aohe kopa e ae e hiki ai ke imi aku a loaa na kumu penei: ka paakiki, upehupehu a hoopaaia paha o na pukapuka o ka ili.
E Malama i kou Lauoho
KE ANO O KE PALE ANA I KA LAUOHO HELEHEI, NA EHAEHA O
KA ILI POO ME KE KEPIA.
E holoi pono i ke poo me ka lauoho me ka wai KOPA KUTICURA pumehana, holoi i ke kopa me ka wai pumehana, hoomaloo maikai, alaila, name nalie me ka KUTICURA, ka laau hamo maemae loa, ke komi malie ia a komo iloko o ka ili o ke poo. O keia wahi laau hoonui lilo ole, iloko o kona ano ole, he oi aku o ka maikai no ka hoomaemae ana i ka ili o ke poo. a e pau ana ka ekaeka o ka lauoho me ka ili a me ke kepia. e oluolu ana na aai eha. ka wewela. a e hooikaika ana i na kumu lauoho. e hoolawa ana i naa me na mea kupono e ulu ai, a e ulu auanei ka lauoho maluna o ka ili maemae, a oia maikai no hoi, ma kahi i nele ai i na laau e ae a pau.
E Malama i kou Lima
KE ANO O KA HANA ANA I NA LIMA A PALUPALU ME KE
AIAI I KA PO HOOKAHI.
E holoi a lumai i na lima i ka wae makaukau ai e moe, iloko o ka hualua KOPA KUTICURA manoanoa hoi i hoopumehanaia. Hoomaloo pono a hamo puni me ke KUTICURA HAMO, ka laau hoola ili oi loa, a o ka oi aku no hoi o ka laau hamo maemae loa. E komo i mikilima alualu i ka po. me ka hana nae i mau pukapuka ma na manamana. No na lima ula, kalakala, a nokumoku, maloo, nakakaka, maneo, owelawela o na poholima, maiao kekee, me na manamana hu'i, o keia lapaau ana no hookahi po wale no ka mea kupanaha loa, a he mea hoopomaikai no hoi i ka poe a pau i eha, mokumoku, kalakala a lahilahi paha o na lima.
Ke Kulana o ka Banako o Hawaii Limited.
Ma ka pau ana o na hana, Iune 30, 1905.
Waihona no na Aie. Waihona Maopopo.
Hoaie, Hoemi ame Bila Ki. Kumapaa ukuia (6000
koo Oi-lele.............................$1,565,448.33 mahele)........................$ 600,000.00
Na Bona................................... 387,500.00 Koena Uku ole ia........... 300,000.00
Waihona hui............................. 9,482.63 Puka mahele ole ia........ 33,255.47
Waiwai-paa me Lakohale Waihona uku hoomau.... 15,000.00
Banako................................... 30,563.94 Dala Hookomoia............ 1,786,291.40
Koi mai na Banako mai........... 186,684.62 Koi i na Banako.............. 200.00
Dala Kuike.............................. 544,876.87 Mahele-puka koi ole ia.... 726.00
Waihona e ae.......................... 916.48
___________ ____________
$2,735,472.87 $2,735,472.87
Owau, o C. H. COOKE. Mea Maia ma Dala, ke hoohiki oiaio nei o ka Hoike maluna ae he oiaio e like me ka ike maopopo ame ka manaoio i loaa ia'u.
C. H. COOKE,
Mea Malama Dala.
Nanaia a maopopo ka pololei:
P. C. Jones )
E. D. Tenney ) Lunaalakai
J. A. McCandless )
Zeno K. Meyers - Lunahooia.
Kakauinoaia a hoohikila imua o'u i keia la 6 o Iulai, A. D. 1905.
Edward W. Campbell.
Notari o ka lehulehu, Apana Kaapuni Ekahi.
3079 - Aug. 4, 11, 18.
Haule loa na hui kinipopo Elks ame Kamehameha ma ka Poaono i hala. He 7 ai-puni a Punahou a he hookahi no a Elks. pela no hoi o Kamehameha ia 9 a Honolulu.
Nui ka wi o Kaupo, Maui i keia mau la no ka nui o ka wela o ka la, maloo na mea kanu, nolaila, ua hele na makua ame na keiki ma kela ame keia wahi no ka huli ola.
HOOLAHA MA KE KAUOHA.
TERITORI O HAWAII.
KEENA O KA PUUKU, HONOLULU, OAHU.
Ma ka Hoopau ana i ka Hustace & Compahy, Limited.
Oiai, ka Hustace & Company, Limited, he hui hoohuiia a e ku nei malalo a ma ka pono o na kanawai o ka Teritori o Hawaii, ua waiho pono ae ma keia keena i kulike ai me ke kanawai i hanaia a i hookaawaleia no ia mea, he palapala noi no ka hoopau ana i ua hui la i oleloia, pau pu me ka palapala hooia i hoopili pu ia i koiia ai ma ke kanawai.
Nolaila, ma keia. ke haawiia aku nei ka hoolaha i ka mea a i ka poe apau i kuleana a e kuleana nei i keia manawa ma na ano apau iloko o ua hui la i oleloia, o na hoohalahala ku-e apau i ka ae ana i ua noi ia i oleloia e waiho ae ma keia keena ma a mamua o ka hora 12 awakea, Poalima, Augate 18, 1905. a o kela ame keia mea e makemake ana e loheia e hele kino ae ma ke keena o ka mea nona ka inoa malalo iho nei. ma ka Hale Mana Hooko, Honolulu, ma ka hora 12 awakea o ka la i oleloia, no ka hoike ana i ke kumu. ina he mau kumu kekahi. no keaha la e ae ole ia ai ke noi i oleloia.
A. J. CAMPBELL.
Puuku Teritori o Hawaii.
Honolulu, Iune 14, 1905.
3072 - June 16, 23, 30; July 7, 14, 21, 28; Aug. 4, 11, 18.
HOIKE A THE FIRST AMERICAN SAVINGS AND TRUST
COMPANY O HAWAII.
TERITORI O HAWAII )
MOKUPUNI O OAHU ) as
KULANAKAUHALE O)
HONOLULU )
Ma ka hoohikiia ana o Cecil Brown ame G. W. Cooper ua hoike ae laua ma ka palapala a olelo ae he mau lunanui laua. o Cecil Brown ka Peresidena a o W. G. Cooper ka Mea Malama Dala no The First American Savings and Trust Company of Hawaii, Ltd. a o ka papa heluwaiwai malalo iho nei he hoike piha pono ia. he oiaio, pono a pololei no na hana o ua hui ia i oleloia The First American Savings and Trust Company of Hawaii, Ltd. a hiki i ka la 30 o Iune. 1905. a pau pu me iala. a he papa heluwaiwai i koiia o ka Pauku 11 o ke Kanawai Banako 0 1884.
O ke Kumupaa i hoomanaia o ka Hui he $200,000.00 i maheleia iloko o 2,000 mahele o $100.00 waiwaiio o ka mahele hookahi. O na mahele i hoopukaia he 2,000 a he kanalima pa keneta i hiki aku i ka $100,000.00 i ukuia iloko o ka waihona a koe he $100,000 no ka ukuia mai.
O na loaa waihona maopopo maoli o ka Hui ma ka la ekahi o Iulai, 1905. oia keia malalo iho:
HOOLAHA MA KE KAUOHA.
Kumupaa ukuia...................................................................$100,000.00
Na Dala Hokomoia...............................................................359,599.07
Na Bila Uku aku.................................................................... 35,000.00
Na Puka Mahele ole ia........................................................... 2,189.53
Waihona waihoia................................................................... 199.00
Na waiwai no na koi o ka hui ma ka la ekahi o Iulai oia keia malalo iho: -
Na Bila loaa mai.......................$281,737.11
Na Bona..................................... 175,000.00
Waihona hui.............................. 500.00
Waiwai Paa............................... 25,275.00
Dala Kuike i ka
Banako.................................... 10,362.05
Ukupanee i Iune 30,
1905........................................ 4,113.44
__________ _________
$496,987.60 $496,987.60
CECIL BROWN,
Peresidena.
W. G. COOPER,
Mea Malama Dala.
Kakauinoaia a hoohikiia imua o'u i keia la 31 o Iulai, 1905.
(Kakauinoaia) W. P. ROTH,
Notari o ka Lehulehu, Apana Kaapuni Ekahi.
Nanaia a maopopo ka pololei:
Cecil Brown. )
M. P. Robinson ) Lunaalakai
W. G. Cooper )
Ma keia ke hooia nei wau o ka hoike maluna ae he kope oiaio a pololei maoli ia o ka hoike kumu a papa heluwaiwai o ka First American Savings and Trust Company of Hawaii, Ltd., i hoohikiia mai imua o'u ma ka la 1 o Iulai, 1905.
Kakauinoaia e a'u me ka aila i keia la 1 o Iulai, 1905.
(Kakauinoaia) W. P. ROTH.
Notari o ka lehulehu. Apana Kaapuni Ekahi.
3079 - Aug. 4, 11, 18.
TERITORI O HAWAII.
KEENA O KA PUUKU. HONOLULU,
OAHU .
Ma ka hoopau ana i ka E. Peck & Company, Limited.
Oiai. ka E. Peck & Company Limited, he hui i hoohuiia a e ku nei malalo a ma ka pono o na kanawai o ka Teritori o Hawaii. ua waiho pono ae ma keia keena i kulike ai me ka kanawai i hanaia a i hookaawaleia no ia mea. he palapala noi no ka hoopau ana i ua hui ia i oleloia pau pu me ka palapala hooia i hoopili pu ia i koiia ai ma ke kanawai.
Nolaila, ma keia ke haawiia aku nei ka hoolaha i ka mea a i ka poe apau i kuleana a e kuleana nei i keia manawa ma na ano apau iloko o ua hoi la i oleloia, o na hoohalahala ku-e apau i ka ae ana i na noi la i oleloia e waiho ae ma keia keena ma a mamua o ka hora 12 awakea. Poalima, Augate 13, 1905. a o kela ame keia mea a makemake ana e loheia a hele kino ae ma ke keena o ka mea nona ka inoa malalo iho nei. ma ka Hale mana Hooka, Honolulu. ma ka hora 12 awakea o ka la i oleloia. no ka hoike ana i ke kumu ina he mau kumu kekahi no keaha la a ae oia ia ai ke noi i olelo ia.
A. J. CAMPBELL.
Puuku Teritori o Hawaii.
Honolulu. Iune 14, 1905.
3872 - June 14, 23, 30; July 7, 14, 21, 28; Aug. 4, 11, 18.