Ka Nupepa Kuokoa, Volume XLIII, Number 30, 28 July 1905 — Page 2

Ka Nupepa Kuokoa

KE KILOHANA POOKELA NO KA LAHUI HAWAII.

 

Ka Nupepa Kuokoa

KE KILOHANA POOKELA NO KA LAHUI HAWAII.

 

KOKUA HOONAAUAO I NA OPIO.

            O ke kokua hoonaauao i na opio Hawaii mai na keikikane a na kaikamahine aole ia he hana hou a i hoomahele ole la iloko o Hawaii, a he nui na opio Hawaii ame ko kekahi poe lahui e ae i hoopomaikaiia mamuli o na lokomaikai i panalia. Eia he nui o na Hawaii i hoonaauaola e na haole kamaaina ame na Hawaii pu-oia hoi, na ko lakou mau kokua ana i noho ai iloko o na kula, e like me ka poe kaikamahine i hoonaauaola iloko o na Kula Hanai Kawaiahaom Maunaolu, Kamehameha ame Kohala, a eo kela hoi o na keikikane, ola na kula o Kamehameha. O ka mea maa i ka ikeia oia na kokua i puka pono mai, a o lakou, ua lilo i poe makuakane no na pua i opuu mai, he nau ohua a makaainana hoi no ka aina no na manawa e nee mai nei, a o na kaikamahine ua lilo ae i mau makuahine no na home, a iwaena o keia poe he poe kekahi o lakou i kau pono ke ano maoli o ke kanakamakua, a he hanohano maopopo la no Hawaii, he hoike pu ana ae i ka waiwai maoli o na kokua hoonaauao i panaiia, oiai hoi kekahi hapa iho i hoolilo ia lakou i poe hoohilahila i ka inoa o ko lakou mau kula i noho ai a naauao, hoohaahaa i ko lakou mau makua, a hoopaumaele i ka inoa nui o Hawaii aina ame ka lahui pu a nana ku'emaka nui aku i ka poe na lakou na kokua i naauao ai. Eia nae, he mau haawina no keia i ike mau ia a i nele ole ke kupu mai, aole nae ia he mea e kuulala ai ki=eia poe a lilo i mea hoohaahaa i ka aina, ke lahui ame na kula kahi i hoonaauaola ai, a aole no hoi no la ino i haawipio wale ai na kokua hoonaauao, a ma keia ala no hoi i ikaika ai ka Ahahui Haumana-Makua Kamehameha (Kamehameha Alumni Association) mai kona hookumula ana i ka makahiki 1895, olai oia maoli kekahi kumuoialo iloko o kona kaua i ku ai a e ku nei no hoi i kela ia, kona kumukanawai, ana e hooikaika nei i keia mau la, a ia mau hana i hoike maopopo ae i kona ikaika lo ana ma ia haawina hoonaauao, a o ka haawina kokua hoonaauao ola hekahi o na haawina pookela, a he kakaikahi wale ka poe i loaa na iini hooko ia ano. Ma ka aoao o ke Kilohana ua nui kona kakoo i na hana o keia ano, a na Hawaii i hoopahemohemo mau ai oiai he kaikahi lakou i hooko ai a i nana ku'emaka nui mau ai, oiai, o na haole kamaaina kekahi i komo nui iloko o keia mau haawina kokua hoonaauao, ela nae, ua huli mai lakou huamana ame na makua pu, a ha'u a have a hoino kahua ole mai la. Ke manao nei ke Kuokoa o ka hooikaika ana iho la o ka Ahahui Kamehameha i ka Poaono i hala no kana Aha imiloaa no ka pomaikai o ka hoonaauao ana i na opio Hawaii ua lawa ia no ke kono ana ia kakou Hawaii apau ame ka poe apau i ike i ka waiwai nui o ia mea he hoonaauao e komo laulima pu a hookahi ka hapai pu ana, a o ka holomua ana no hoi ia o ua kumuhana la, a o ke komo mau ana no hoi ia o na keiki iloko o na kula a hiki i ka wa e hemo pono ai e nele ole ai ko lakou lilo i poe makaainana kupono no ka aina. Aole no paha kakou apau e hiki ke komo iloko o na hana laulima o ka aha-keaka, oiai e wehe hou ana ua Ahahui nei i ka lua o ka lakou ahakeaka ma ka Halekeaka Opiuma ma ke ahiahi o ka apopo, a hoi iho no hoi aole wale no oia na hana kokua e pono ai e hanaia, aole no hoi he kohu o ia aha-keaka in a aole ke anaina o ka poe e hiki aku ai ilalla no ka hoohauoliia mai, a in a aole kakou ma ka laulima kokua pu i na hana o ka awaikeaka alaila o ke komo pu ana iloko o ke anaina ka kakou hana. Eia nae, aole apau loa o Hawaii Paeaina ke hiki ke hooko pela oiai aole ko na kuaaina ame ko na mokupuni e ae e hiki kino mai ilaila, alaila ua hiki no ko lakou mau kokua ana ke apoia e ka Ahahui a o ke kakoo pu ana ia i na hana maikai o keia ano. E noonoo e ka hoakanaka no keia maikai no ha'i.

 

E HOOMAU ANA NO.

            "E hoomau ana no wau," wahi a Kiaaina Carter i pane mai ai i ke Kakauolelo a Kokua Kiaaina Atkinson ma ke kelekalapa o ka auwina-la o ka Poakahi nei, ma kekahi olelo moakaka loa ana ae, aohe he mea okoa mawaho ae o George R. Carter ma ka noho kiaaina o Hawaii Teritori, a e hoomau aku no ola i ka oihana no ke koena o kona manawa, a malalo no hoi o kana hooponopono a alakai auponi ana, Noialia aole he hoohewahewa a hohokoho wale hou ana i koe e like me ka na kalaiaina i waha-a mua iho nei me na kuawili hoonuinui kahua oie. Wahi a ka olelo noeau-Maloko o ka waha hamau ka olioli. A me kekahi klekalapa iho hoi o la la hookahi no e hoike mai ana e like me ia e puka aku nei i ka hui kino ana o Kiaaina Carter me Peresidena Rusawela ma ka papaaina o laua i paina ai ma ka home o ka Peresidena i Sagamore Hila i ka ia i hala iho. oia no hoi ka Poakahi nei. E hoike pu ana no hoi ke kelekalapa i ke kukakuka ana o na poo-aupuno, ke kiaaina ame ka peresidena maluna o na hooponopono aupuni o Hawaii Teritori, a hoike hou no hoi ke kelekalapa i ka haawi ana o ke Kiaaina i kona ae i ke a'o o ka Peresidena a e hoomau ana oia ma kona wahi no, a o kekahi, oia no ka hooiaia ana mai o ke Kiaaiana i ka manao lokahi ame ke kakoo o ka hooponopono aupuni oiai nae aole i lana loa kona manao i ka hoohikiwawe ae i ka hoihoi hou ana mai i ka lokahi a moekahi iloko o Hawaii. Aialia ua hiki ia kakou o Hawaii nei ke hoomaopopo ae o kahi o ke kumu o ka pane a ke Kiaaina i ka Hope-Kiaaina Atkinson "e hoomau ana no," ua ulu mai ma ka papaaina a na poo-aupuni i hui ai ma ka home o ka Peresidena i like loa hoi me ha anoai oia mea hookahi i pu-a mua ae ai i o kakou nei i na la mua koke iho nei, a o ke kumu o ka pane i waihoia mai i ka Hope-Kiaaina oia no ka ae ana o Kiaaina Carter i ke a'o o ka Peresidena e hoomau, a o ke kumu o ka ulu ana mai o ke a'o o ka Peresidena e hoomau mamuli no ia o ka waiwai ame ka holopono o na hooponopono aupuni o Kiaaina Carter, pela i ka nana aku a o ka mea i loaa ai keia ike i ka Peresidena mamuli o ko'laua kukakuka ana maluna o na hooponopono aupuni o Hawaii, eia nae he hookahi mea i maopopo loa mawaho ae o keia a'o a ka Peresidena oia no ka hooiaia a kakooia'o na hooponopono aupuni o Carter, a ma kekahi olelo ana ae, he apono a hooia ole ana ia i na ku-e kuloko o Hawaii i paee iho nei iwaena o na kalaiaina waha-a, no ka mea, wahi a ko makou noonoo aeole ia he mea e hooia like ia ai na aoao paonioni a elua. Ina e aponoia kekahi aoao alaila o ka lua o na aoao ke kaa ma ka apono ole, nolaila o ka poe o kakou i waha@a iho nei e hoonui ana i ka ino maluna o ke Kiaaina ame kona ike ole la ana ma ke ano he poo like loa me ka kela haawina kunahihi o ke Komite Repubalika Kalana i like ole loa hoi me kela o ka ke Komite Kuwaena Repubalika Teritori, a in a i hoolohe na lunamanao o ua komite nei ame na Repubalika i waha-a pau pu me kekahi mau hoa-ahaolelo o ke Kau o 1905, he mau hoa o ka Hale Senate a he mau hoa o ka Hale Lunamakaainana, i ka olelo noeau- "Maloko o ka waha hamau ka olioli" in a ua puka-amaka ka maikai a hohono ole mai o a o, a hiki loa i o. Alaila, i ka puka ana mai nei o ka hua o ka huakai o ke Kiaaina a ku ole i ka iini o ka poe ku-e hooponopono aupuni o Kiaaina Carter, o ua poe ku-e nei no ke nalu iho iloko o ko lakou mau uhane iho e pono ai i ka pilipu a pipika wale o ka lakou iho, a heaha la ka lakou pane, a makou e manaoio nei o ka hoolohe o lakou pau pu me na mea apau i ka olelo no eau i kumu alakai-"Mai ka waha mai o ka Lapuwale ka wai awaawa," alaila, o ke komo ole ana ilaila ke ala e hua mai ai ka maikai a makou e kanalua ole ai i ka pane ae oia ame na hoohana noeau ana ka mea e moekahi ai ka lokahi. O ka naauao ia o ka lahui o ke kakoo mau ana i na hooponopono aupuni e like me ka mau o kona maikai a aole ma kekahi ano e ae.

 

Makemake e Ukuia na Palapala Kikoo Dala e ku nei.

            Mamuli o ka lawe ana ae o ke Kalana o Oahu i kona kahua dala ma ka uku ana i kona mau hoolilo me ka dala maoli aole hoi me na hila dala alualu, ua oleloia ae eia ke Aupuni Teritori ke manao nei e hahai aku ma ia alahele a ke Kalana o Oahu nei i hana ae nei no kona mau lilo. No ka manao ana e loaa mai keia hopena ua oleloia ae eia ke Aupuni Teritori ke manao nei e kukai aku no ka hoaie ana i $500,000 a me ia huina dala e ku nei i keia manawa a e paaia nei e ka poe e paa ana ia mau palapala a e uku aku i kona mau limahana ma ke dala maoli. Mai ka manawa mai i hookumuia ai ke Aupuni Kalana, ua hui ae o Puuku Trent ame na Lunakiai a noonoo nui no ka lawae ana ae i ke kulana o ke kalana a kau maluna o na loaa dala maoli. Maluna o keia manao ana ua hooholo ka puuku, i ka manawa e loaa mai ai na Palapala Kikoo o na loaa o ke kalana mai ke Aupuni Teritori mai, e uku aku no i na limahana e like me ia e ukuia nei na ukuhana o ka poe e hana ana iloko o na hale oihana kalepa o ke taona nei. O la hoi, ua manao oia e hookomoia ka loaa a kela ame keia limahana iloko o na wahi leia liilii a uwepala a paa a haawi pololei aku i ka mea i kuleana ia mea. Ua loaa ae no hoi ka manao ana iloko o ka puuku aole e hoolilo aku i na palapala kikoo o ke Kalana no ka huina pa-keneia emi iho o e pa-keneia, olai ma ia hana ana e poho ana ke kalana o Oahu he $600, aka e like me la a ka Papa i hooholo ai i hookahi-hapakolu pa-keneia. Ma keia iho la ua hookahuaia he kahua maikai no ke kalana ma ke kulana o kona mau loaa, a ua oleloia ae aole i makemake ke Aupuni Teritori e haule hope oia ma keia alahele a ke Kalana o Oahu i iawe ae nei. Ma ka hiki ana e loaa kela huina o $500,000 ua hiki i ke Aupuni Teritori ke uku aku i kona mau hila e ku nei a hoihoi ae iaia a ku maluna o ke kahua dala maoli aole hoi me na hila dala alualu e like me na wa i hala aku nei. Ma ke kakahiaka hoi o ka Poakahi nei, mahope o ka loaa ana ae o keia manao e hoomakaulii pu ka teritori i kona mau loaa, ua haiawai ae la na iaia o na hanako nui o kakou nei, a ma la halawai ana i khokeia ae ai ka manao e kakoo ana i ke Aupuni mamuli o ka ae lokahi ana o na hanako e haawi mai i ke dala i ke aupuni ma ke hookahi pa-keneia haule iho mai ke kumuwaiwai mai o na Palapela Kikoo dala hila alualu hei ma kekahi olelo ana ae. O ka loaa ana ae o keia manao lokahi i na hanako he mea ia e h=noopauia ai ka pilikia o na limahana o ke aupuni, no ka mea mamua aku nei, ke loaa mai na hila dala aiualu a ke ka aku i dala maoli i na lanako, e lawe ana na hanako he i pa-keneia maluna o ke dala, a in a hoi o ke kii ana a i na mano ai dala e hoopukapuka dala nei, o ka pii no ia o na pa-keneia e laweia ai mai ka umi a hiki i ka iwakalua, kumamalima keneia a oi aku no paha. Ua ikeia mamuli o keia mau pakeneia leleoi i laweia mai na ukuhana mai o na limahana o ke aupuni, ua pilikia maoli no kekahi mau home a ua noho mau iloko o ka ale kaaole a hiki i keia la, a o ka loaa ana aae o keia ola hou he mea ia e nele ole ai ke i ka i ae, ua mahuahua ka mea i loaa mai mamua o na wa i hala ae nei, a ua uku pono ia hoi ka luhi ana i ka wela o ka la ame na inea e ae o ka hooikaika ana i ka hana.

 

Aha-Keaka Hoonaauao Opio Hawaii.

            Ma ka po Poaono i hala aku nei i pihaku'i ae ai ka Halekeaka Opiuma o ke Kulanakauhale nei i na kini a ikemaka i ka aha-keaha i weheia e ka Ahahui Haumana-Makua Kamehameha (Kamehameha Alumni Association) a nui ke ohohiaia, a i ke ahiahi o ka la apopo e wehe hou ai ua Ahahui nei i ka lua o na aha o ia ano like, a o na loaa apau mahope iho o ka lawe ana i na hoolilo e hooliloia no ka hoonaauao ana i na opio Hawaii, keikikane a kaikamahine. O kela i weheia ai i ka Poaono i hala ua maikai ka lawelawe a hoohana ana i na haumana Kamehameha na 'lala hoi o ka Ahahui a piha hauoli na kini i hoea ae- ka hapanui o ka manawa i ka akaaka wale no, no na hoomakeaka keaka i hana noeauia mai. O ka mahele mua o na hana oia kekahi o na paani ku i ka aka- oia hoi he poe Paele hana (na lala no i hamo i ko lakou mau helehelena i ka inika a eleele loa) o ka Hema o Amerika Huipuia me na lole hana like ole i pahonohonoia me na apana lole like ole e he ku maoli no i ka aka a huiia me na hana i lawelaweia mai ua hele loa na hana i ka maikai e hoike ana i ka makaukau o na opio. O na himeni Paele i meleia mai ua nani maoli, ame na mele i mele pakahi a palua ia mai ua maikai maoli a o ka puali leo-pa-ha he nani maoli nopili wale no i ke ano nohona o na Paele. O ka leo palua na kekahi mau Paele no ia he kane ame ka lede (kekahi no o na lala) a ua maiau ka lawelawe ana. Iloko o keia hana ua komopoo aku na lala iloko o ka hooikaika ana a aia ma kahi o ke kanakolu a oi aku i laulima pu ae a malalo o ke alakai ana o Mr. W. D. Adams, na hana o ka aha-keaka ame ke kokua o kekahi poe e ae. Ma ka la apopo he mau paani hou kekahi mawaho ae o ka na Hui Himeni Kawaihau, oiai o lakou kekahi e laulima pu ana a ke ike e ia aku nei no na hiohiona ohaoha no keia hana. O ke kuai ana o na kikiki aia no i na lala a mai ia lakou no e loaa ai, o ekolu mahele-kikiki ekolu-hapaha, kikiki hapalua ame kikiki hapaha. Ma ka aoao o ka Ahahui ua nui ko lakou hoiikaika a malalo no hoi o ka na lunanui ame ke komite hoohauoli O na lunanui o ka ahahui oia o Peresidena Harrz Auld, Hope Peresidena J. L. Hopwood, Kakauolelo D. Pahu, Puuku T. Treadway, Lunahoohooia A. A. Dunn ame Kakauleka S. Kaaloa. A o na lala o ke komite hana hoohauoli oia o S. K. Fukumura, lunahoomalu; A. A. Dunn, T. Treadway, M. Hardee, W. R. Taylor ame H. Kaeo.

 

Toko iloko o ka Enaena o ke Kaua.

            Ua hoikeia ae e kekahi o na aliikoa i kau pu ae me Adimarala Togo maluna o kona moku lawehae Mikasa, i ka manawa e malala ana ke kaua moana ma Poto Ata, iloko o Augate i hala, i hoopukaia hoi iloko o Augate i hala, i hoopukaia hoi iloko o kekahi o na helu o ka nupepa Indepenndent, i ke ano o ko Adimarala Togo malama ana iaia iho iloko o ka wa e kaua ana. Ua alakai ae o Togo i ke kaua mailuna aku o ka oneki, e hoole ana hoi i kona hoi ana iluna o ka puoa e ku aku ai a hakilo aku i ke kaua ana. I ka manawa o ka mokukaua Mikasa i akeakea ai i ka holo ana o na mokukaua Rukini, oiai oia e alakai ana i ko Iapana aumokukaua, oia ka manawa i enaena loa mai ai ke kaua ana ma kona mau aoao. Penei kekahi hapa o ua hoike la: "Ua lele mai la kekahi poka 6 iniha a loaa mai la ka rumi palapala aina malalo iho hoi o ka oneki a Adimarala Togo i ku ai, a make iho la na kanaka apau iloko o ua hale la. Ua lele ae la na apana ma kela ame keia aoao o Togo, a he eha o na poe me ia i eha. Mahope o ko Togo hooponopono ana a ike ana no hoi ua loaa mai na kokua ana i na aliikoa i eha, ua hoi aku la no oia no ua wahi la a kau ae ia i kana ohenana. "Aia iluna o ka moku i kela manawa e noho ana kekahi o na kanaka lawelawe kahiko o ka Adimarala, he kanaka hoi i noho ioihi iloko okona ohana. I ka manawa i lohe ai keia kana ka i ka pilikia nui o ka Adimarala, ua haha'i iho la oia i na rula a holo aku la oia lluna o ke alapii e hiki aku ai kahi a ka Adimarala e ku ana. Malaila oia i kunana iho ai, eia nae ua lele mai ia kekahi poka, a loaa iho la ka eha maluna o ke Keikialii Fushimi, oiai oia kekahi iluna o ka moku i kela manawa. Ua holo awiwi aku la ua kauwa nei a hina iho la ma na wawae o ka Adimarala, me ke noi haahaa ana aku lala, no ka pono o Iapana, e hoi aku oia no kahi o ka puoa. Eia nae ua minoaka wale iho la no ua Adimarala Togo nei. "O keia ka manawa i lele mai ai kela poka 6 iniha a loaa ka rumi palapala aina a hookauliiliila ae kona mau uakli. Ua lele mai la kekahi apana hao a eha iho la ua kauwa nei, a ua ka'ika'lia ae oia a laweia aku no ka halema'i iloko no nae o kona hoole paakiki ana. Mai kona wahi hoomoela aku ai ua noi ikaika aku ia ua kauwa nei i ke kauka e hooikaika aku oia i ka Adimarala e haalele aku i kahi ana i ku ai a e hoi ae no a puo'a, a i ole e lalau limanui maoli aku iaia a lawe ae no ua puo'ala. Mahope mai ua hui like ae ia na aliikoa e ku ana iluna o ka oneki i kela manawa, hoopuni ae la ia Adimarala Togo, a kau-omaoli aku ia Togo a hiki i ka puo'a. "O keia hana i hanaia he hoike ana mai ia i ka noonoo maikai o na Kepani i ko lakou anawa e kaua anahe hopena hoi i loaa ae mamuli o na lawelawe hoomalu ana a Adimarala Togo. Mai ka Adimarala mai a hiki i ke kanaka haahaa loa iluna o ka moku ua kaua aku lakou me he mea la he mau mea paahana noloko o kekahi uwaki, aole me ka puapuahulu, aole hoi me ka pihoihoi, aole hoi me ka hooho hauoli ana. Ua make iho na lulna i kukuluia e ki aku i ka pu o ka papu elua, a ua hoopiha koke la aku ko lakou mau makalua e na kanaka mai ka pu e kokoke ana malaila, a aia hoi ke kiheahea la maluna o lakou ke koko o ko lakou mau hoaloha i kaua like ai, eia nae aole lakou i haalele iho a kuha'u hoi, aka ua hoomau aku la no lakou i ke kaua, me ka nee mau ana imua a lawe ae i ka makalua o ka poe e make ana.

 

Pau ke Poluea ana Iluna o ka Moke.

            He elua mau mokuahi e holo nei ma ke Kai Ko-wa o Pelekane i hoolakoia me na moe lewa i hoohuiia me ka uwila no ke pale ana i ka ma'i poluea o na ohua ma'i poluea o na ohua ma'i ma ka holo moana ana. O ke kanaka nana i huli a loaa kela ano moe hou he kanaka poluea oia ke holo iluna o ka moku a ma ke kai hoi i hoikeia ae la maluna. O Walter Whitehouse ka inoa o keia kanaka, he kauka huki niho ma ka hana, a mamuli o kana oihana ua kolia oia e holoholo mau maluna o na moku e holoholo ana ma keia ko-wa. He kanaka ma'i loa keia ke holo moku, a na ia mea i koi ikaika iaia e huli i mea e hoopauia ai keia ma'i nui ona. I keia manawa eia ua kauka la ke holoholo nei a ke moe nei maluna o keia moe ana i huli ikaika ai a loaa kona mole, me ka loaa oie i ka ma'i poluea. O ka lua keia o ka makahiki i hoao ia ai keia ano moe maluna o na mokuahi e noho lunanui ia nei e Vincent, a he ku i ka nani ame ka maikai ame ka oluolu no hoi o na poe ma'i ke moe iluna o keia ano moe, a ua kakoo ikaika ae o Kapena Dixon, kekahi o na kapena o na mokuahi i hoolakoia me keia ano moe i ka maikai io no ka poe ma'i poluea. Ua hanaia keia ano moe ma ka hoolewalewaia ana maluna o kekahi mau kua hao mai ke kaupoku aku o ka hale, a o ka oni ana a ka moku ua paleia mamuli kekahi mau kaula eha i hoopaala ma kela ame keia kihi, a e hui ana keia mau kaula me na peleki uwila, nolaila e kau mau ana keia moe ma ke kulana iliwai like. O ka pela mae ua hoopihaia me ka wai, a aia hoi he peahi na ka uwila e hookakaa, i hiki hoi ke hookakaaia mamuli o ka hoopaa ana i kekahi pihiphi, a o ka wa no ia e koaniani ai ka makani imua o ka mea e moe ana. Ua hoao iho nei kekahi kanaka nupepa o Amerika i kekahi o keia mau moe i ka manawa e malie ana no ke kai, eia nae aia ka hapanui o ka poe i holo pu me ia ke waiho la i ka ma'i a ua hoike ae keia kanaka i ka maikai maoli o keia ano moe. Ua like ke lewa ana o keia ano moe me ke kukui hookauia maluna o kekahi ku oni, a ma kahi e hio ai ka moku malaila no e nee ai ka moe me ka mau no o kona iliwai.

 

Pomaikai Mahope o Kanalima Makahiki.

            CHICAGO,- Iloko o ka halelalo o kona home ma West Monroe Alanui Helu 447 i loaa aku ai ia John P, Foss ka mea i noho iloko olaila no kekahi mau makahiki loihi. Iloko o kekahi pahuhao he ekolu mau palapala mahele hui he mau kea no lakou ka waiwaiio o $1,500,000 i nalowale no akahi hapalua kenekulia, a he mau kea o ka hui aila-ea o Kikako. Ua hoomaka koke ae oia ma ka hoopii ana imua o ka aha no ka loaa mai o ka waiwaiio o ia mau kea mai ka Hui Aila-ea Lahui ka hui hoi i lilo ae ai ka Hui Aila-ea Lahui ka hui hoi i lilo ae ai ka Hui Aila-ea Kikako. O Mr. Foss he kanaka oia o 89 makahiki a i noho loihi a kamaaina ia Kikako mai kona mau la opio mai no ka noho ana. Iloko oia o ke kalepa papa a laau kukulu hale i hooikaika ai me kona hoahanau ponoi a he mau kanaka kalepa laua i ike nui ia la mau la, a i ka manawa i hoomaka ae ai ke kukulu ana i ka hui aila-ea o laua kekahi i lawe i mau mahele o ka hui he 1,500 kea me ka loaa pu ana mai o na palapala no ia mau kea. Ua maalo ae ko laua pa-papa ma ka manawa i kukuluia ae ai kahi hoolulu kaaahi Nniona a o ka pahuhao o ko laua keena-hana o ka pa-papa ua laweia i kahi noho o Mr. Foss, a i ka pau ana o ka hale i ke ahi ua hoihoiia aku la na pepa oihana ia Mr. John Foss ame na huku pu. Mahope iho o ka hala ana o na makahiki loihi loa he kanalima ua loaa ae ia ua mau palapala nei ma ka uila wale ma ka hulihele ana o Mr. Foss no kekahi mau pepa okoa ana i noonoo ai, a no lakou a huli ana i loaa aku ai keia mau pepa waiwai nui. Ua loaa keia mau palapala iala i kona wa elemakule a nawaliwali ma ke ano hune pu, eia nae, he waiwai iloko o ka hoopaapaa. Ua loaa mai he mau lono ma Honolulu nei maioko o na leta ua loaa ae he iwakaina-kumamalima inoa maluna o kekahi palapala e hoopau ana ia Lunamakai Keolanui mai ka hana mai. Ua loaa mai he leta ma Honolulu nei e ninau mai ana ia Komiaina o na Aina Aupuni Pratt, in a paha e loaa ana he aina e kokoke ana i Honolulu nei no ke Kukulu ana i halehana ailika, a eia ke hoeueuia nei na manao o ka poe mea aina maluna o keia kumuhana.

 

HEIKE MAAMAU OLE

            LOAA KA POMAIKAI I KEKAHI POE O HONOLULU MAMULI O KA IKE I LOAA I KONA HOA MAKAAINANA. He kanaka naauao ua kanaka la ke loaa iala ka pomaikai mamuli o ka ike i loaa aku i kona hoa makaainana ame kona mau hoaloha. Eia keia a oukou e ike mai ai a o na kane, na wahine ame na keiki o Honolulu nei i ike i na ehaeha o ke kua, ame na haawina kaumaha mamuli o ka poino ana o na puupaa, a i ole na ehaeha paha mai ka hanawai ae, e hoike ae ai i ka ike maa mau ole a e loaa hoi ka pomaikai maik ka ike mai a kela hoa makaainana. Ua hoike mai o Rev. J. Nua o Kawaiahao i kona manao ia makou maluna o keia mau huaale kuahaneenee ame puupaa a Doan. "Ua loaa ia'u ka ehaeha nui ma o ka ma'i ia o na puupaa a'u hoi i manaoio ai ua loaa mai kela pilikia ia'u mamuli o ka hapai nui ana i na mea kaumaha i ko'u wa opiopio. O na inaeele ame ka eha ma kuu kua o lakou na hoailona e hoike ana i ke ano o kuu pilikia. O keia mau pilikia o'u ua hoomaka mai lakou mai ka manawa o'u he 28 makahiki, a hiki wale i keia manawa ua piha ia'u he 49 makahiki e hiki ole ai ia kakou ke hoohewahewa iho i ka loihi o ia manawa. A iloko o keia mau makahiki i noho ai au iloko o keia ehaeha ma kuu kua. Mamuli o ka hoomau ana o ka ehaeha o keia ma'i ia'u ua koiia mai au e ike aku i na kauka aole wale o lakou aka o ka ai ana he mau laau okoa aku aole nae he loaa iki o ka maha ia'u e like me ka maikai loa i loaa ia'u mai na HUAALE KUAHANEENEE AME PUUPAA A DOAN mai. Ua loaa maoli no ia'u ka maha kamahao lua ole mai ka manawa a'u i lawe ai i keia mau huaale. Ua oluolu maoli no ko'u uhane ma o ka lakou hua maikai la i loaa mai ai ia'u he mea hoi no'u e malama mau ai ia mau hua ale iloko o ko'u poli ianei a i na aina o ka hema ke hele au no ka oihana haiueanello. Aohe he laau lapaau kupono loa no na ma'i puupaa ame kuahaneenee e like me na Huaale Kuahaneenee ame Puupaa a Doan. E loaa no keia ano laau na Huaale Kuahaneenee ame Puupaa a Doan ma na halekuai Laau apau, he 50 keneta ko ke poho, a he eono poho no $2.50. E kakau mai ia Hollister Drug Co., na Agena o keia laau ma Hawaii nei a e hookoia no na kauoha ma ke kuike no na.

 

HE HOOMAIAAI.

            I o'u hoa makaainana o Kona Akau. Hawaii, na poe i koho balota iho la i ka la 20 o Iune, 1905, Aloha: "Ua hiki no ia'u ke kaena ae, no ka mea, he hi-a ua moe, aia ilalo." E ae mai ia'u e haawi, aku i kuu mau hoomaikai a nui ia oukou, na poe i koho ia'u, a me na poe i koho ole: he mau keiki oukou na'u, a owau no ko oukou luaui, aneane loa e 15 makahiki i hala ae nei, o oukou no na hoike no ka'u hana i hana ai iloko o ka apana, aka, ua haule au me na lima maimae, i ka la koho i hala aku la, a ke mahalo ae nei au i na lani, aole io no e komo ke kamelo ma ka puka kuikele o ka pa o Ierusalema, me na ukana e hihimanu ana. O na imiepa i loheia no'u e na poe ha'iolelo oiai au e ma'i ana, he maka'u wale no ia, hilahila ole ka paio ma ke kua. "Ua maopopo no ia oukou, iluna au o ka moe ma'i, a hiki i ka la koho aka, ua hala ae la keia nana aku ia mua, 'Aole e kali ana ke au, ame ka manaw i ke kanaka" Mawaho ae o keia aloha a'u keiki o ka aina, aia ka wai i ka maka o ka opua, e hina ae la i Awalau. "E hoomanao i ka hulu makua." Ke kalokalo ae nei au i na Lani, e a'o mai ia kakou, i ole e lalau hou ma ka aoao pono ole. Na ke Akua ola loa, e kokua ia kakou. Me ka mahalo, J. K. NAHALEPAINUI. Kailua, N. Kona, Hawaii, Iulai 10, 1905.

 

HE PANE I KE KOMITE HOALOHALOHA.

            T. F. Nakai ame ke komite huiia, Olowalu, Apana o Lahaina, Aloha oe: ame na lala apau o ke komite: O ka oukou palapala hoalohaloha ia'u ame ka ohana, no ka'u keiki i aloha nuiia i hala, Noa Kahaulelio, ke lawe mai nei au i ka oukou mau kanaenae ana, ame ka oukou mau leo kalokalo i ka makua Kahikolu Akua mau loa, a i ka mau loa, ka Alepa ame ka Omega, ke Kumu ame ka Welau, ka mua ame ka hope; a e kakau iho au ia leo hoomaikai mai na Anela Kiai mai o ka Ekalesia ame ke Kula Sabati, a Ahahui apau o Imipono Kristi ano o Olowalu, apana o Lahaina, mokupuni o Maui, T. H., a Kalana, ma ka Papa hoomanao o ko'u Puuwai a i ka hopena o na mea apau. Me ka walohia no D. Kahaulello me ka ohana apau. Wailehua, Lahaina, Iulai 19, 1905.

 

HALEPULE I KUKULUIA NO 17 KENEKURIA.

            TROYES, (Farani), Iulai 8.-O ka Halepule o St. Urban i hoomakaia ke kukulu ana i ke kenekuria ekolu, o ka paa koke ana iho nei no ia, a ua malamala iho nei he anaiana haipule laa i ka wa i hoomoela ai ka pohaku hope loa i paa ai ua halepule la. Ua hoomakaia keia halepule e kukulu he umi kumamahiku kenekurta i hala ae nei maialo o ke kauoha ana a Pope Urbanus I, a ela ke ku nei ma ke kahua i ku ai kona hale i hanau ai. Ua manaola e ka poe naauao loa ma ke kahakii o kela halepule o St. Urbanus oia kekahi o na kii maikai loa o ke ano Gothic iloko o Farani, a o keke kekahi wahi maikai loa a na poe makaikai mai Amerika aku e hoonele ole ai i ke kipa ana e makaikai. O na ame Aupuni o Palolo i hoike mua la aku ale weheia ae ana no ka poe i makemake e hookuonoono ua hoopukaia ae nei ae hoolaha a e ikeia ana ma kekahi awhi kaawale o ka pepe o keia la.

 

HOOIAIA E NA POE KUAI MA NA WAHI APAE.

            Penei ka hoike a Mr. M. L@@@ @ mea malama halekuu ma @@@@@@ N. S. W. Aukekalia: "Aole loa @@@@nawa i haule la'u i ka @@@@@ ana @@@ ka Chamberlain's Cole. Ch@@@@ @@ Diarrhoea Remedy no ka mea @@ ke no wau i kona maikai." Ke @@@@ @@ keia laau ispaau aole loa @@@@ kuai ana. E hoike mai no na @@@@@ kuai ma na wahi apau i ke@@@ hookahi a makou e hoike aku @@@@ kuaila nei e BENSON, SMITH & @@ @@@ na Agena ma Hawaii @@.

 

HOOLAHA KUMAU Kakela me Kuke (KAUPALENAIA) Poe Kalepa ma ke Komisina A HE Poe Lawelawe Kopaa. Poe Agena no na Ma hiko Lehulehu.

 

Kauka Mitamura

            Alanui Kukui Ololi Helu @@, Honolulu Na Hora Hana: Hora 9 a. m. a 12 m: 5 p. m. a 7 p. m. koe ke Sabati. Sabati ma ka hooholo ana. Telephone Blue 3166 P. O. Box @@.

 

Na Kia Hoomanao ame na Pa.

            No kou ilina e mau loa ana. No na mea aku i koe ame na kumukuai e ike ae ia. J. C. AXTELL helu 1048 Alanui Alakea.

 

HUI HOOLEWA HONOLULU.

            Ke hoolalo nei kela hui i keka mau hana kokua i kona mau laia i @@@ wa ua oi mamua o 1300 lala a ke pa mau nei i kela ame keia la. J. H. TOWNSEND, Kaukauolea.

 

Hui 'Alahao ame Aina o Oahu MAI HONOLULU: AKU

            No Waianae, Waialua, Kahuko @@@ na wahi hoolulu ma ke ala@@@ 9:15 a. m. 3:20 p. m. No Pearl City, Ewa Mill, ame na wahi hoolulu ma ke alahao- 7:30 a. m. 9:15 a. m., 11:05 a. m., 2:15 p. m., 3:20 p. m., 5:15 p. m., @@@@ p. m., 11:15 p. m. MAI WAHO MAI. Ku i Honolulu mai Kahuku. Waiaiua ame Walanae mai 8:36 a. m., 5:31 p. m. Ku i Honolulu mai @@@ Mill @@@ Pearl City mai- 7:46 a. m., 8:36 a. m., 10:38 a. m., 1:40 p. m., 4:21 p. m., 5:31 p. m., 7:30 p. m. Kela ame kela ia. Sabati wale no. Koe ke Sabati. G. P. DENISON. Lunahooaana. F. C. SMITH. G. O. & T. @.

 

Ka Huaale Helu Ekahi

            O na kane ame na wahine @@@@@ like ole ame na kulana like @@@@@ eli lanahu, na lolo, na kahuna @@@@@ mekanika, na kelamoku, @@ @@@ @@@ ai, na baumana, na kup@@@@@ @@@ kaahele, na poe holo maka@@@@ @@@ la ma ka moana, ma na pa@@@ @@@@ lena aina, iloko o na lua @@@@ @@@ oihana a i ole kula hoon@@@@@@@@ iloko o ke kulanakauhale a @@@@@ @@ na kuaaina, -e ike ana no @@@ @@ Huaale a Ayear's oia ka he@@@@@@ @@ ka hoomaemae ana mamu@@@@@@@ mau laau e ae, a ma na m@@@@ @@@ i kupoao no ka hoohemo ana.

 

Huaale a Ayer's

            he hoohemo kana me ka maikai; ka hoola nei keia mau huaale i ka eha iloko o ke poo, manawahua ame na pilikia apau oloko o ka opu. Ua hanaia me ke ko momona. Aole he mau huaale maikai loa i like aku me na HUAALE A AYER'S. Ua hoomakaukauia e Dr. J. C. Ayer & Co., Lowell, Mass., U. S. A.