Ka Nupepa Kuokoa, Volume XLIII, Number 28, 14 Iulai 1905 — Page 3

Ka Nupepa Kuokoa

KE KILOHANA POOKELA NO KA LAHUI HAWAII.

 

NUPEPA KUOKOA, POALIMA, IULAI 14, 19@

 

MAKAIKIU

 

PETERIKA MAFE.

Ke Kolopa Uneune in na Nihiliti,

Ka Hoopakele o ke Duke Kiekie.

 

MOKUNA XIV.

HAKANESA.

 

“Pehea oe i manao ai pela?”

            “Mamua, i kona wa e noho kumu ana, he kipa pinepine mai

oia ma keia halekuai; na makou no hoi e kauoha i na mea hoohui

hui nana, a i kekahi manawa he kipa mai oia a kuai i mau ohe ani-

ani a me na mea ae e pono ai kona keena oihana; eia nae mai kona

wa i hoopauia ai a hiki i keia manawa aole loa oia i kipa iki mai

maanei.

            “Malia paha,” wahi a ka makaikiu i kona hoomaopopo ana, ua

hemo mai ka waha o keia kanaka, a aia hoi oia ke pane nei i na

ninau a ka maiaikiu me ke kuha’u ole iho, “ua hele akua oia ma

kekahi wahi ikoa aku a kuai i kana mau mea i makemake ai?”

            “Aole pela, ua ka mea eia no oia ke kuai nei i kana mau mea i

makemake ai maanei?”

            “He kauoha anei, a i ole nana no e kii mai?”

            “Ma ke kauoha wale no kana mau mea a loaa nei. He kokua

kona, he wahi kanaka ano kupaianaha no a nana e kii mai nei i na

mea a Loea Melebere e makemake ai.”

            “He umiumihina a loihi anei ko keia kanaka kokua o ka loea?”

            “Ae, a ma kekahi ano ua like no kona nanaina me keia loea. I

kekahi manawa ua manao iho no makou o ka loea no keia kokua e

kipa mau mai nei.”

            “Malia paha oia no ia?”

            “Ua olelo mai oia aole.”

            “Ahe!”

            “Ua hoike mai no oia aole ona pili i keia loea, aka ke hana nei

oia no kana wahi ai ame kona nohona.”

            No ka kakou makaikiu na ike maopopo aku la no oia aole keia

he kanak okoa e hele nei i keia halekuai laau lapaau, aka o ke ka-

naka loea no i hoonalonalo iho hoi iaia, a o ua hoonalonalo la oia no

keia ana e komo mau ana i na manawa apau ana e hui aku ai me na

Nihilili.

            “Heaha ka mea o keia kanaka loea e noho mau nei i kauhale?”

i ninau aku ai ka makaikiu.

            “Aole makou i maopopo, no ka mea aole i loaa ia makou ka ma-

nawa e ninau aku ai iaia, aka ma ka hoike a kona kokua ua loaa iho

la ia makou ka manao ana na hilhila oia mamuli o kona hoopauia

aua mai ke kula kiekie mai.”

            “Owai ka inoa o ua kanaka kokua la ona?”

            “O ia mea kupaianaha no ia, aole o makou mea i ninau aku iaia

i kona inoa.”

            “Kupaianaha oi ka hoi oukou,” wahi a ka makaikiu i pane aku

ai, “aole anei ou makemake e puhi kika?”

            “Me ka mahalo, ke manao nei wau e puhi paka like no kaua,”

wahi a ua kanaka malama halekuai laau lapaau nei i pane mai ai.

“O ka pau ae no hoi ia o ka manawa hana, a aole hoi he poe e komo

mai ana iloko nei no ke koo laua ana.”

            “Malia paha ua ninau aku no oukou i kua kokua la o ke kanake

loea i kona inoa?” i ninau hou aku ai o Peterika.

            “Ae, eia nae he alo oia ke ninauia aku; a i ka manawa e loaa

aku ai iaia kana mea i makemake ai, alaila e i mai no kela na ke

kanaka loea ua mea la, a o ka pua ae la no ia o na kamailio ana.”

            “Ke manao nei wau o keia kanaka loea oia kekahi o na kanaka

akamai loa ka ike hoohuihui, aole anei pela?”

            “Ke manao nei wau aole he kanak i oi aku mamua ona e noha

nei maanei i keia manawa.”

            “He mea pahaohao no nae ke hookuuia ana mai ona mai ke kula

kiekie mai.” i pane aku ai ka makaikiu.

            “A e hoopania no paha no ka mea ua inoino loa kona noonoo;

ua oi aku kona iini i ka huli ana nona iho mamua o ke ao ana i na

haumana i na mea e pili ana i na lala o ia ike.

            “Oia hoi e lohi loa no oia me na halawai, a i ole poino loa no,

a e ikeia no hoi ua oi aku kona iini i ka huli ana i kekahi mau mea

ano nui o ka ike hoohuihui iloko o kona keena oihana, a ma ia ano

ua poina loa oia i ka lawelawe ana i kana hana.”

            “He kanaka waiwai anei oia?”

            “Aole paha; no keaha la oe i ninau mai la pela?”

            “E noonoo ae ana hoi wau pehea la ia e noho nei oiai ua pau

koua ukuhana.”

            “He mea liilii loa ia, no ka mea aole no i nui ka poe e noho pu

nei me ia: oia hookahi wale iho no, kana kauwa ame kana popoki.”

            “Auwe, he popoki ka kekahi ana?”

            “Ae, oia paha ka popoki eleele loa i ikeia. Ua lawa kona loaa

no ka malama ana iaia iho ame kona mau hoa mai na hana liilii e

laweia aku ana nana e huli mai. He kanaka oia i ike nui ia, a nolaila

aole e nele ka hoounaia aku iaia e na koronero na waihona loko o ke

kanaka, i ka wa e makemakeia ai e ike i na kumu o ka make ana o

kekahi mea.”

            “Me he mea la aole i nele ka loaa ana aku he uku mahuahua no

ia hana ana?” wahi hou a ka makaikiu.

            “Ae; a aole wale no hoi oia, aka ua ikeia o ke kanaka loea e noho

kumu nei no ke kula kiekie i keia manawa, ke hele pinepine nei oia

ia Loea Melebere no ke kokuaia mai i ka manawa e loaa ai kekahi

mea paakiki iloko o ke kula.”

            “Ke maopopo aku la ia’u,” wahi a Peterika i pane aku ai, i ka

manawa i loaa aku ai iaia na manao mai ke kanaka malama hale-

kuai laau lapaau aku. “He kanaka kupono loa, o Loea Melebere, e

hele ia aku ai e ike, ina he makemake ko kekahi mea e hanaia mai

i mea hoohuihui nana?”

            “Aole loa he kanaka kupono e ae a ia mea e hele aku ai e ike,

ina no nae e ae mai ana keia kanaka loea a hana mai ia mea.”

            “Alaila, he kanaka wae ka paha keia?”

            “Ae, he kanaka noonoo anoe no keia; aole oia e lawe i na hana

liilii. Ina he makemake kou e hanaia mai kekahi mea e nui ai ka

noonoo ana maluna olaila, oia hoi i mea ano hou, me he mea la e ae

mai ana paha oia e lawelawe.”

            “O ia maoli no ka’u a makemake mei,” wahi a ka makaikiu i

pane aku ai. “Ahea oe pani i na puka o kou halekuai?”

            “O keia ka manawa e pani ai.”

            “Heahea kau e pane mai ai, ina wau e noi aku ana ia oe e holo

aku kaua maluna o ke kaalio a kuhikuhi mai oe ia’u i kahi o ua ka-

naka loea la. E hoomanao no wau ia oe no kou mau luhi ma keia

huakai a’u e makemake nei ia oe.”

            “O, aole oe e olelo mai pela, e hauoli no wau ke hele pu aku me

oe.”

            Papani iho la ua kanaka malama halekuai laau lapaau nei i na

puka o ka halekuai a hele pu aku la me ka makaikiu no ka halelio

oia kulanakauhale, a aole no hoi i liu iho aia laua ke hele la no kahi

o ke kanaka loea.

            “Mai oi loa aku ka pono, ina i hoike mua aku nei wau ia oe,”

wahi a ke kanaka malama halekuai laua lapaau i pane mai ai, ia

laua i kekoke aka ai i kahi e ka ana ka halekula, “mamua aku o ko

Loea Melebere hookuuia ana mai ke kula mai, ua noho oia iloko o

kekahi hale o ke kula, aka i kona manawa i hoopauia mai ai ua hoi

aku la oia iwaho.”

            Ua like kahi o keia kula kiekie e ku nei me kekahi kulanakau-

hale liilii, a ma o aku o keia wahi aole he hale a hiki i ka piha ana

he hapalua mile.

            Mahope o ko laua hoomau ana aku i ko laua hele ana, ua kaohi

mai la ke kokoolua o ka kaua makaikiu i ko laua lio ma kekahi aoao

o ke alanui malalo iho hoi o kekahi puu kiekie.

            “Aia ka hale o ua kanaka loea la,” wahi a ua kanaka la i pane

mai ai, “aia ke waiho la he mau haneri kapuai mai nei aku. E hoao

ana anei oe e loaa aku oia ia oe i keia manawa?”

            “Ae,” wahi a ka makaikiu i pane aku ai.

            “Ina pela, eh mea pono ia’u ke kali aku ia oe maanei, no ka mea

aole o’u makemake e komo aku malaila i ka po e like me keia.”

            “Ua pono,” wahi a Peterika, a ia manawa no hoi i lele iho ai oia

ilalo a komo aku la ma ka puka-pa nui.

            He piina ke ano o ka moe ana o ke alanui, a he pouliuli hoi, oia

aia ke ulu la me kela ame keia aoao na laau nunui ame na maua

loloa. I ka makaikiu e hele nei, aole loa oia i ikeua hiki mai oia i ka

hale. Iaia i hehi ai i ke anuu alapii mua loa, lohe aku la oia i ke

kani ana o ka hele iloko o ka hale.

            “A,” ihooho ae ai ka makaikiu, “he makemake ko keia kanaka

loea e ike aia no he malihini e kipa aku ana e ike iaia. Me he mea

la aia no he mikini i hanaia iloko o keia hale nana e hookani nei i

keia bele.”

            Ua pau iho la ke kani ana ua bele la i ka manawa a ka makai-

kiu i hehi aku ai i ke anuu hope loa, a maopopo ae la no hoi iaia ua

ikeia oia e ka mea e noho ana iloko o ua hale la i kela manawa, eia

nae aole no oia i kali wale iho, aka haha wale aku la no oia ma ka

paia o ka hale me kona manao ana e loaa aku kahi o ke pihi e hooka-

ni aku ai i ka bele.

            Ua nele oia ma kana huli ana, a mahope o ona kunana ana, ua

kikeke aku la oia ma ka puka me ka ikaika. Aole i panaiia mai kana

kikeke ana, a mahope o ke kali ana ua kikeke hou akua la oia.

            Iaia e hoolohe ana o ka lohe aku i ka hele mai o kekahi mea

maloko, ua hoopuiwaia oia i kona lohe ana aku i ka nakeke ana ame

ka leo hooho o kekahi mea mai ke alanui mai. Mahope koke iho,

lohe aku la oia ke pohapoha o na kapuai wawae lio ma ke alanui.

            “Ua pilikiaia ke kanaka malama halekuai,” wahi a ka makaikiu

i noonoo ae ai, a ia manawa no hoi i huli ae ai oia a holo aku la me

ka awiwi, e nana ole ana hoi i ka ihona ana e holo nei.

            Loaa aku la no iaia ke pani puka-pa e hamama ana no e like me

ia ana i haalele iho ai. Aole hoi ana mea i ike aku ai ma ke alanui,

a iaia hoi i ku malie iho ai no kekahi manawa aole no ona lohe aku

i ka onioni mai o kekahi mea.

            I keia manawa akahi no ka maikaikiu a noonoo ae aia paha he

poino nona ma kona kimopoia ana mai, a ina aia io kekahi mea o ia

ano, alaila aole ana hana pono o ka hoao wale no e kaawale aku mai

ia wahi aku me kona ike ole ia mai.

            “Ina eia kekahi mea ke manao nei e kimopo mai ia’u,” i noonoo

iho ai ka makaikiu; “alaila eia oia ke hahai loloa nei mahope o’u.”

            Me keia mau noonoo ana, wehe ae la oia i kna kukui makai a

hoomalamalama aku la i ke alanui. Hoolelel aku la oia i ka mala-

malama mai kekahi aoao a i kekahi a i ka hope loa hele aku la oia

no kahi a waiho ana ke kino onioni ole o kona hoaloha.

            Aia ua kanaka la ke waiho la iluna o ka lepo me he mea la ua

make, aka mahope o ka nana pono ana o ka makaikiu, maopopo iho

la iaia aole i make, aka ua maule, mamuli paha o ka haule ana mai-

luna aku o ke kaa a i ole mamuli paha o kona powaia ana, ua mao-

popo ole i ka makaikiu na kumu.

            He mea maa mau i noa makaikiu malalo o ka Makaikiu Nikoloka

Kaaka oihana makaikiu ka malama pu ana me lakou i na mea e pono

ai ke loaa na ulia, nolaila, ia Peterika i kukuli iho ai ma ka aoao o

kona hoaloha, wehe ae la ua makaikiu nei he omole lama, a hooha-

nini iho la iloko o ka waha o ua kanaka la, a hana iho la hoi i na

hana apau i maa i ka hoola ana i ka poe i maule, a aole i liuliu iho

pohala ae la na maka o ua kanaka la.

            Ua puiwa ae la ua kanaka la me ke ano maka’u i kona ike ana

mai i ka makaikiu e ku aku ana imua o kona alo, aka iaia i hoomao-

popo mai ai iaia nei, ua hooikaika ae la oia e ku iluna.

            “E moe malie oe,” i pane iho ai ka makaikiu me ka oluolu, “ke

ponopono iki mai nei oe; ua ike no paha oe owai la wau?”

            “Ae,” wahi a ua kanaka malama halekuai la, me ka leo malie, “ua

ike no wau o oe ke kanaka i ninau ai no Melebere.”

            “Ua pololei oe; pehea iho la oe i keia manawa?”

            Onioni ae la ua kanaka la, a no kekahi manawa, a pane mai la

oia:

            “Ke manao nei wau ua maikai ae la wau, aka he eha nae ko’u

mau kuli.”

            “Aole he iwi i ha’i malaila,” i pane iho ai o Peterika mahope o

kona haha ana aku ma na kuli o ua kanaka la.

            “Pela io no, eia nae he keu aku a ka eha,” i pane ae ai ua kana-

ka la.

            “Heaha ka mea i hoea mai ia oe?” i ninau iho ai ka makaikiu

            “Ua haule iho kekahi mea maluna o’u.”
            “Aole anei oe i ike i ua mea la?”

            “ Ua pohihihi wau ia mea. O, ke hoomaupopo ae la wau.”

            “Heaha ua mea la?”

            “Me he mea la o ka popoki a Loea Melebere.”

            “Paa ae la ka makaikiu i ke kukui imua o na maka o ua kanaka

la, a kaulono pono iho la kona mau maka maluna o ua kanaka la.

            “E noonoo hou iho oe,” wahi a ka makaikiu i pane iho ai, “ke

manao nei anei oe he popoki io no ka mea i lele mai maluna o’u?”

            “Ae,” wahi a ua kanaka la i pane mai ai, a ia manawa no hoi

i noho ae ai oia iluna, “o ua popoki nei io no, eia nae ua lele mai kela

maluna o’u me ka hikiwawe a hiki ole ia’u ke ike. Ma ko’u ike iho

ia’u ua like wau me kekahi mea i loaa i ka uwila.”

            Nana pono iho la ka makaikiu i ka helehelena o ua kanaka la.

Ike iho la oia e waiho io ana no kekahhi mau moali, i like aku hoi me

ke koe ana o na maiuu o ka popoki.

            “Aia ihea ko papale?” i ninau iho ai ka makaikiu.

            “Aole wau i ike. Malia paha ua haule aku nei ma kekahi wa-

hi.”

            Ku ae la ua kanaka la iluna a kuo’e hele aku la ma ke alanui.

            “E hoouli ae oe i ka malamalama o kau kukui iluna,” i kauoha

mai ai ua kanaka la.

            I ka makaikiu i hooko aku ai, a huli aku la no hoi hona mau

maka iluna, aia hoi ike aku la oia i kekahi lalal laau lau ole e kau

ana maluna e moe ana hoi maluna o ka puka-pa.

            “Aia ka puka-pa o kahi o ke kanaka loea,” wahi a na kanaka la

i pane mai ai, “a o keia hoi kahi a ke kaa o kaua i ku ai. O kau mea

wale no i ike oia ko’u loaa ana i kekahi puupuu ikaika loa mahope

mai o ko’u poo a na ia mea i hoohina ia’u ilalo, a ia’u i hina ai ike

aku la wau i ka lele ana aku o kekahi mea.

            “He mea oiaio ua hoao ae no wau e paa mai i ka lio oiai ua pui-

wa oia a hoomaka aku la e holo, eia nae ua kiolaia iho la wau iluna

o ka honua. I keia manawa ua hiki ia’u ke hoomaopopo pono iho,

aka ia oe i hoala ae nei ia’u aole au i hoomaopopo oiai ua ano ko’u

noonoo.”

(Aole i pau.)

 

 

NA WARENA

OPIO

ILOKO O KA ENAENA O KA

LUKUWALE.

He Moolelo o ka Lukuwale Ana ia o na Pele-

kane ma Inia.

 

VIII.

PAIO HAHANA ME KA WIWOOLE.

 

            “Ua lawa keia ahi e a no kekahi manawa loihi e lawa ai ka ma-

nawa no ka hoopau ana a holomua ka’u papahana e manao

nei e hooko, “ wahi hou a Mekia Warena.

            Aka aole wale o ka na koa Pelekane ke ahi a hoomalamalama

ana iloko o ka pouli, oiai aia he nui o na ahi e a ana ma ua wahi o

na Inia e hoomoana ana a ma ia mau ahi no hoi i loaa ai ka ike aia

no kekahi poe Inia ua ano kokoke mai i ke kahua hoomoana o na

koa Pelekane, -- kekahi o lakou ano kokoke i na alanui, a he loheia

aku no hoi na walaau o na ko a lohe pu ia aku no hoi na uwa ana

mai na kahua mamao aku.

            A ma na mea i hoomaopopoia aku mai na walaau ana aia he

mau pukuniahi kekahi me na koa Inia ano kokoke mai no ka manao

ana paha e po’ipu mai. A oiai aia ke ahi nui o na Pelekane ke hoo-

malamalama la i ka ipuka hookahi o ke waho e na mai ai e komo

iloko o ke kauhale, ua loaa iho la na noonoo ana i na Pelekane aole

he kaua e hooukaia mai e na enemi a hala wale ka po, aka ua paa ko

lakou manao e kiai makaala loa.

            Ma ka hora eiwa o kela po aia na koa Pelekane pakahi apau

ma kahi o na lio e ku ana i makaukau me na noho ame na lako o

lakou apau. Aole o ko lakou poe wawae wale no ka i wa hiia me ka

lole a manoanoa pono i koekoele ole i ka manawa e nee ai ka puali,

aka o na meakaua kahi, alaila hoomaka aku la ka puali nee me ka

malie loa malalo o ke alakai ana o ka Mekia a hiki i kahi o na koa

he umi ana i hoouna ai i ka auwina la kaua poina ole no ke kiu ana

ia, la no lakou e nee akahele ai me ka ike ole ia mai.

            A i ka hiki ana i keia wahi, he wahi hoi ia i kaawale loa mai

kahi aku o na enemi e hoononoho mai ana a ma ia wahi hoi na ulu-

nahelehele e ulu nui ana e nalo ai no ke pee ana iloko olaila, a ma

ia wahi no hoi e moe ana he pa i kiekie kupono e nalo ai na lio me ka

ike ole ia mai ma kekahi aoao, me ke kanaka ole oluna. A ma ia

wahi aole hookahi mea walaau aka he hamau wale no, a aohe no hoi

he ui ana oiai ua ike a hoomaopopo kela ame keia koa i kana kauoha

i haawiia aku iaia no ka hooko ana, ame ka hamau no hoi i nee aku

ai ka puali oiai na koa e helewawae ana me ke alakai ana i na lio,

a hiki wale i ko lakou mamao ana me ka loaa ole o kekahi ulioa.

            He umi ia miute o ko lakou nee malie ana a aole no hoi he

kiai Inia i ikeia a maopopo lea loa ae la aole he kiu a na enemi ma-

hope o lakou a manaolana ae la lakou i kou lakou pahemo lanakila -

a ina e kaawale aku lakou ma kahi o ka hapalua mile o ka hemolele

loa no ia o ko lakou lanakila.

            Ua maopopo loa i na Pelekane aia he manao a he noonoo me na

Inia aole e haalele na Pelekane i ko lakou kahua hoomoana a hiki i

ke ao, a oia hoi ka manawa i haupu wale aku ai na Pelekane no na

Inia e lelekaua hou mai ai maluna o lakou, a maluna o ia noonoo

ana i ikaika ai ka nee ana o na puali ia po, a maalahi ai ka nee ana;

a ma ia nee malie ana a hala kekahi mau manawa aole no hoi i ka

loihi loa, ua maopopo loa ae la ko lakou pakele loa, a malaila no hoi

i kau ae ai lakou maluna o na lio a nee akahele aku la no hoi no mua

e nee ana no Bitari.

            Ma keia manawa ua puka ae la ka mahina a loaa iho la ko la-

kou kukui a i ka hala ana o akahi ame ka hapa mile ua ike aku la

lakou i na hiohiona o ke kauhale o Bitari kahi o lakou e nee nei no

ka hoopakele ana ia mau makaainana Pelekane o lakou, a ma ia

wahi no hoi lakou i hoomaha iho ai a holo loa aku la o Warena me

kekahi mau koa ona ame Kapena Kenta imua no ke kiu ana ina ua

malaelae ke alo no lakou.

            “Aia he mau kaapipi mamua pono aku nei o kakou, “ wahi a Mekia

Warena i pane aku ai i kekahi o na alakai Inia, “a e wehe i ka lole o

na wawae o kou lio, a e holo aku ilaila me he malihini la, a e hoike

mai i ke ano o ia mau kaapipi mahope iho o kou nanan pno ana i ke

ano.”

            Ua hooko io aku la ke alakai Inia, a aole no hoi i puiwa oia e

like me ka lakou i haupu mui ai, oia hoi, he kaapipi ia i piha me na

koa Inia i loaa i na palapu o ke kaua. i kona hoea ana aku i na

kaapipi e nee malie ana ua hui io aku la no oia mahope iho o ka

haawi aloha ana a ike pono io aku la oia, he mau kaapipi o na Inia

eha, a mahope o ka haawi aloha hou ana ua hoomau aku la ua kiu

Inia nei no mua a i kona hiki ana i kekahi wahi ululaau uuku ua

kipa ae la oia iloko olaila a huli hoi mai la i kahi o na koa Pelekane,

me ka ike ole ia mai e na Inia kaapipi e nee malie ana.

            “Eha kaapipi i piha i na koa eha,” wahi a ke kiu Inia i pane aku

ai i ka Mekia.

            “Oia maoli no eao,” wahi a Mekia Warena i hooho ae ai, “a he

pomaikai nui hoi ia no kakou.”

            Alaila haawi ae loa oia i ke kauoha i na puali holookoa e holo – o

na laina mua no nae a e holo aku me ke kanalua ole a e bopupio i

na kalaiwa kaapipi, a e hoopiha i ko lakou waha me ka lole i hiki

ole ke walaau a o ka poe eha oluna o na kaa e laweia ae lakou mai

na kaa ae a waiho ma kahi kupono me ka hoeha ole ame ka lawelawe

maikai hoi.

            “Aole keia poe Inia eha oluna o na kaapipi ua paumaele na

lima i ke koko o na wahine ame na kamalii Pelekane, oiai aole a la-

kou lukuwale, a mai komo ole no lakou iloko o keia kipi ina aole

lakou i hookikinaia e na koa Sipoe, a o ke kaua a lakou i komo ai i

keia ahiahi he hoike ana ia i ko lakou wiwoole, he hana hoi na la-

kou i kooko aku e like me ka nui o ka malamalama i loaa ia lakou.”

O keia na olelo kauoha a hoolana manao o Mekia Warena i wehe-

wehe aku ai i na koa, a hoomaka aku la no hoi lakou no ka hooko

hana.

 

MOKUNA IX.

 

PAAPIO A PAKELE MAMULI O KE KIKA.

 

            Ua hoopuiwa loa ia na kalaiwa kaapipi i ka hoea ana aku o ke-

kahi puali koa kaulio me ka malie a halulu lio ole hoi, a oi loa aku

ko lakou puiwa i ka hoomaopopo ana mai he poe koa Pelekane la-

kou, a hooi loa ia aku no hoi ka puiwa i ka lele ana o ua poe koa nei

mai na lio mai a hoopuia aku la lakou me ka hoopaaia o na lima me

na wawae i ke kaula, a laweia aku la lakou ma kekahi wahi mamao

mai ke alanui aku.

            He hookahi o lakou i hoopaaia ae aole nae i hoopihaia ka waha

me ka lole, a maluna o ia koa Inia ka ninaninau ana o ke kahua hana