Ka Nupepa Kuokoa, Volume XLIII, Number 24, 16 Iune 1905 — Page 6
This text was transcribed by: | Rob Escuadro |
This work is dedicated to: | Ko'u keiki hanauna Emmanuel Muketi Bennett o Waianae |
Ka Nupepa Kuokoa
KE KILOHANA POOKELA NO KA LAHUI HAWAII.
NUPEPA KUOKOA, POALIMA, IUNE 16, 1905.
Ma ke Kauoha
KUAHAUA KOHO BALOTA KALANA
OIAI KE KANAWAI 39 o ke Kau Mau o ka 1905 o ka Ahaolelo o ke Teritori o Hawaii. e kauoha ana e malama ia he Koho balota ma ka la Iwakkalua o Iune, A. D. Umikumamaiwa Haneri me Elima no ke Koho Balota mua loa i na Luna Oihana o ke Kalana, a e Kauoha ana e Kuahaua aku ke Kiaaina mahope koke iho o ka holo ana ame ke Apono ia ana o ke Kanawai i olelo ia;
I KEIA WA A NO IA KUMU i kulike ai me ia; owau George R. Carter. Kiaaina o ke Teritori o Hawaii, ma keia ke haawi ia aku nei ke Kauoha he Koho Balota Kuikawa no na Luna Oihana o na Kalana like ole o ke Teritori o Hawaii. e malama ia aku ana i ka Poalua. la 20 o Iune, A. D. 1905, mawaena o ka hora 8 a.m. ame ka hora 5 p.m. iloko o kela ame keia Kalana a puni ke Teritori, koe ke Kalana o Kalawao ame Waikolu ma ka Mokupuni o Molokai.
NA KALANA.
1. KA MOKUPUNI OAHU a me na MOkupuni e ae apau o ke Teritori i komo ole iloko o kekahi Kalana aku, ame na kai e hoopuni ana ia lakou ma keia ke hooliloia nei ke Kalana Oahu, me kona Kahua Poo Pihana Aupuni ma Honolulu.
2. KA MOKUPUNI O HAWAII a me na Mokupuni e ae a e moe ana maloko o ekolu mile a na moana mai ko lakou kapakai aku, ame na kai e hoopuni ana ia lakou ma keia ke hooliloia nei ke Kalana o Hawaii, me kona Kahua Hale Poo Oihana Aupuni ma Hilo.
3. KA MOKUPUNI O MAUI, Molokai, Lanai ame Kahoolawe a me na Mokupuni e ae apau, e moe ana maloko o ekolu mile a na moana mai ko lakou kapakai aku, a me na kai e hoopuni ana ia lakou, koe nae kela Mahele o ka Mokupuni o Molokai i kapaia o Kalaupapa, Kalawao ame Waikolu a i hoomaopopoia hoi o ke Kahua Ma'i Lepera, ma keia ke hooliloia nei kalana o Maui, me kona Hale Poo Oihana Aupuni ma Wailuku.
4. NA MOKUPUNI O KAU AI ame Niihau ame na Mokupuni e ae apau e moe ana maloko o ekolu mile ana moana mai ko lakou kapakai aku, ame na kai e hoopuni ana ia lakou, ma keia ke hooliloia nei ke Kalana o Kauai me kona Kahua hale Poo Oihana Aupuni ma Lihue.
NA LUNA AUPUNI OIHANA KALANA.
Na Luna Aupuni Oihana Kalana e Koho ia aku ai.
KE KALANA OAHU.
EHIKU HOA o ka Papa Luna Kiai, ekolu e koho ia ana mai ka Apana ae o Honolulu; 1 mai ka apana mai o Ewa; 1 mai ka Apana mai o Waianae me Waialua; 1 mai ka Apana mai o Koolauloa me Koolaupoko; 1 Moho Holo Laula.
LUNA MAKAI NUI a ma o kana Oihana la. (ex0officio) oia no hoi ka LUNA KOLONERO: KAKAUOLELO o ke KALANA a ma o kana Oihana la, (ex-officio) oia no ka LUNA KAKAU KOPE NUI, a Kakauolelo hoi no ka PAPA LUNA KIAI; LUNA HOOIA NUI; LUNA HELU A OHI AUHAU NUI; LOIO O KE KALANA ame ka PUUKU, o kakou apau e koho ia no lakou e ka poe kupono i ke koho Balota o ke Kalana.
HOPE MAKAI NUI, ame ka HOPE LUNA HELU a OHI AUAHAU, e koho Balota ia no lakou e na poe i kupono i ke koho Balota o kela ame keia Apana pakahi.
KE KALANA O HAWAII.
EHIKU HOA o ka Papa Luna Kiai. Hookahi o lakou e Koho Balota ia mai ka Apana ae o Kohala Akau ame Kohala Hema. 1 mai ka Apana ae o Kona Akau ame Kona Hema. 1mai ka Apana mai o Kau. 1 mai ka Apana ae o Puna. 1 mai ka Apana ae o Hamakua. 2 mai ka Apana ae o Hilo Akau ame Hilo Hema.
NA LUNA MAKAI NUI a ma o kana Oihana la (ex-fficio) oia no hoi ka LUNA KOLONERO; KAKAUOLELO NUI o ke KALANA a ma o kana Oihana la (ex-officio) oia no ke Kakauolelo o ka Papa Luna Kiai; ka Luna Hooia; ka Luna Helu a Ohi Auhau; ka Loio o ke Kalana; ka Puuku; o lakou apau e koho ia no lakou e na poe kupono i ke koho Balota o ke Kalana.
HOPE MAKAI NUI ame ka Hope Luna Helu a Ohi Auhau, e koho Balota ia no lakou e na poe i kupono i ke koho Balota o kela ame keia Apana pakahi.
KE KALANA O MAUI.
ELIMA HOA o ka Papa Luna Kiai. Hookah mai kela ame keia Apana pakahi o na Apana Elima o Lahaina, Wailuku, Hana, Makawao ame Molokai, koe ke kahua Ma'i Lepera.
LUNA MAKAI NUI a ma o kana Oihana la (ex-officio) oia no ka Luna Kolonero; Kakauolelo o ke Kalana a ma o kana Oihana la (ex-officio) oia no ke Kakauolelo o ka Papa Luna Kiai; ka Luna Hooia; ka Luna Helu a Ohi Auhau; Loio o ke Kalana ame ka Puuku; o lakou apau e koho ia no lakou e na poe kupono i ke koho balota o ke Kalana.
HOPE MAKAI NUI ame ka Hope Luna Helu a Ohi Auhau e koho balota ia no lakou e na poe i kupono i ke koho balota o kela ame keia Apana pakahi.
KE KLANA O KAUAI.
ELIMA HOA o ka Papa Luna Kiai. Hookahi mai kela ame keia Apana pakahi o na Apana Elima o Waimea, Koloa, Lihue, Kawaihau ame Hanalei.
LUNA MAKAI NUI a ma o kana Oihana la (ex-officio) oia no ka Luna Kolonero; Kakauolelo o ke Kalana a ma kana Oihana la (ex-officio) oia no ke Kakauolelo o ka Papa Luna Kiai; ka Luna Hooia; ka Luna Helu a Ohi Auhau; Loio o ke Kalana ame ka Puuku: o lakou apau e koho ia no lakou e na poe apau i kupono i ke koho balota o ke Kalana.
HOPE MAKAI NUI ame ka Hope Luna Lehu a Ohi Auhau e koho balota ia no lakou e na poe i kupono i ke koho balota o kela ame keia Apana pakahi.
PAPA HOOPAA INOA MAHELE KOHO.
O ka Papa Hoopaa Inoa o na Mahele koho oia keia malalo iho:
APANA KOHO LUNAMAKAAINANA EKAHI.
Puna, Hilo ame Hamakua, Mokupuni o Hawaii.
MAHELE EKAHI - O kela hapa o Puna e waiho la ma ka hema o Keaau a mai ka palena hikina o Kau a hiki i ka palena hikina o Kamaili, e holo ana ma ia palena a hiki i ka palena komohana o na aina hookuonoono o Kaohe ame ka laina e moe pololei ana i hiki i ka palena o Keaau.
Wahi Koho - Hale Kula o Kalapana.
MAHELE ELUA - Na aina o Keaau ame Olaa.
Wahi Koho - Ma ka Halelio o ka Papa Alanui; 11 3/4 mile Alanui Kaluaopele.
MAHELE EKOLU - O kela wahi o Hilo e moe ana mawaena o ke Alanui ame ke Alaloa o Puna me Ponahawai ame ka laina e moe pololei ana a hiki iloko o ke kai.
Wahi Koho - Hale waiho ukana o Davies & Co., huina o na Alaunui o Waiakea ame Kalepolepo.
MAHELE EHA - O kela wahi o Hilo e moe ana mawaena o ka Mahele Ekolu ame ke kahawai o Honolii.
Wahi Koho - Hale Hookolokolo Kaapuni ma Hilo.
MAHELE ELIMA - O kela wahi o Hilo e moe ana mawaena o ke kahawai o Honolii ame ka aina o Makahanaloa.
Wahi Koho - Hale Kula o Papaikou.
MAHELE EONO - O kela wahi o Hilo e moe ana mawaena o ka Mahele Elima ame ke kumu o ke Kahawai o Waikaumalo.
Wahi Koho - Hale Kula ma Honomu.
MAHELE EHIKU - O kela wahi o ka Apana Koho Ekahi e moe ana mawaena o ka Mahele Eono ame ka palena o Hamakua, komo pu me ka aina o Humuula.
Wahi Koho - Hale Hookolokolo ma Laupahoehoe.
MAHELE EWALU - O kela wahi o ka Apana Koho Ekahi e moe ana mawaena o ka Mahele Ehiku ame na aina o Kalopa.
Wai Koho - Hale kula o Kaohe.
MAHELE EIWA - O kela wahi o ka Apana Koho Ekahi e moe ana mawaena o ka Mahele Ewalu ame ke kumu o ke Kahawai o Malanahae.
Wahi Koho - Hale Hookolokolo o Honokaa.
MAHELE UMI - O kela wahi o ka Apana Koho Ekahi e moe ana mawaena o ka Mahele Eiwa ame ka Apana o Kohala.
Wahi Koho - Hale Kula o Kukuihaele.
MAHELE UMIKUMAMAKAHI- O kela hapa i koe o Puna e moe ana ma ka hema o ka Mahele Elua ame ka aoao hikina o ka Mahele Ekahi.
Wahi Koho - Ma ka hale hoahu o na pono holoholona o ka aina hanai holoholona ma Kapoho.
APANA KOHO LUNAMAKAAINANA ELUA.
Kohala, Kona ame Kau, Mokupuni o Hawaii.
MAHELE EKAHI - Kohala Akau.
Wahi Koho - Hale Hookolokolo Kaapuni.
MAHELE ELUA - Kohala Hema.
Wahi Koho - Hale Hookolokolo o Waimea.
MAHELE EKOLU - O kela wahi o Kona Akau e moe ana ma ka akau o ka aoao akau o ka palena o Holualoa a e holo ana ma ke kihi akau o Holualoa a hiki i ke kihi hema o Punanahulu.
Wahi Koho - Hale Hookolokolo Kaapuni ma Kailua.
MAHELE EHA - O kela wahi o ka Apana Koho Elua e hoomaka mai ka Mahele Ekolu. Hamakua, Kau, na palena hikina o Kealia 1, Kiilae, Keokea ame Honaunau, ka palena akau o Honaunau ame ke kai.
Wahi Koho - Hale Kula o Kona-waena.
MAHELE ELIMA - O kela wahi o Kona Hema e moe ana mawaena o Keei 2, ame Olelomoana 1.
Wahi Koho - Hale Hookolokolo o Hookena.
MAHELE EONO - O kela wahi o Kona Hema e moe ana mawaena o ka Mahele Elima ame Kau.
Wahi Koho - Hale Kula o Papa.
MAHELE EHIKU - O kela wahi o Kau e moe ana mawaena o Kona Hema ame Punaluu.
Wahi Koho - Hale Hookolokolo o Waiohinu.
MAHELE EWALU - O kela wahi apau i koe iho o Kau.
Wahi Koho - Hale Kula o Pahala.
APANA KOHO LUNAMAKAAINANA EKOLU.
Na Mokupuni o Maui, Molokai, Lanai ame Kahoolawe.
MAHELE ELUA - O kela wahi o Molokai e hoomaka ana ama ka hikina mai Honouliwai me Halawa, a ma ke komohana mai Kawela ame ka Mahele Ekahi.
Wahi Koho - Hale Hookokokolo o Pukoo.
MAHELE EKOLU - O Kela wahi o Maui Komohana e moe ana mawaena o na aina o Waikapu iloko o ka Apana o Wailuku ame na aina o Honokowai iloko o ka Apana o Kaanapali.
Wahi Koho - Hale Hookolokolo Kaapuni ma Lahaina.
MAHELE EHA - O kela wahi o Maui Komohana e moe ana mawaena o na aina o Hanakaoo me Waihee, i ikei o Kaanapali.
Wahi Koho - Hale Kula o Honokohau.
MAHELE ELIMA - Mokupuni o Lanai.
Wahi Koho - Halekuai o Kahalepalaoa.
MAHELE EONO - O kela wahi o ka Apana o Wailuku e moe ana ma ka hema o ke kahawai o Wailuku a ma ke komohana o ka laina e holo ana mai ka nuku o ke kahawai o Wailuku holo hema ma na puu one a hiki i ke Kaikuono o Maalaea e komo pu ana me ka Mokupuni o Kahoolawe.
Wahi Koho - Hale hookolokolo Kaapuni ma Wailuku.
MAHELE EHIKU - O kela wahi o ka Apana o Wailuku e hoomaka ana mai ka Mahele Eono, ke kai, na aina o Pulehunui, Kalialinui, Kailua, Hokuula ame Hamakuapoko me ke kai.
Wahi Koho - Keena Waiho Kopaa ma ka Halewili o Puunene.
MAHELE EWALU - O kela wahi apau o Kula ma Maui Hikina e moe ana ma ke komohana o ka laina e holo ana mai Honuaula a hiki i ka palena akau o Pulehunui ma ka laina o na puu elua, Puu o Kali ame Puu o Koha.
Wahi Koho - Halemai ma Kihei.
MAHELE EIWA - O kela wahi i koe iho o Kula ame kela hapa o Hamakuapoko e moe ana ma komohana-hema o ke awawa o maliko a mauka o ke alanui e holo ana mai Kaluanui a hiki i ka halepaahao o Makawao ame laina e moe pololei ana malaila.
Wahi Koho - Halekula o Kealahou.
MAHELE UMI - O kela wahi i koe iho o Hamakuapoko ame kela hapa o Hamakualoa e moe ana ma ke komohana o ke kahawai o Halehaku.
Wahi Koho - Halewili o Hamakuapoko.
MAHELE UMIKUMAMAKAHI - O kela wahi o Maui Hikina e moe ana mawaena o na kahawai o Halehaku ame Oopuloa.
Wahi Koho - Halekula o Huelo.
MAHELE UMIKUMAMALUA - O kela wahi o Maui Hikina e moe ana mawaena o na kahawai o Oopuloa ame Kaupaula.
Wahi Koho - Halekula o Keanae.
MAHELE UMIKUMAMAKOLU - O ka Apana o Hana e moe ana mawaena o na Apana o Koolau ame Kipahulu.
Wahi Koho - Hale Hookolokolo o Hana.
MAHELE UMIKUMAMAHA - Apana o Kipahulu.
Wahi Koho - Halekula o Kipahulu.
MAHELE UMIKUMAMALIMA - O kela wahi o Maui Hikina e moe ana ma ke komohana o ka Apana o Kaupo a ma ka hema o na Mahele 8 me 9.
Wahi Koho - Hale Hookolokolo o Honuaula.
MAHELE UMIKUMAMAONO - Kela aoao komohana o Molokai e moe ana ma ke komohana o ka Mahele 2 ame ka aoao hema o ka Mahele 1.
Wahi Koho - Halekula o Kaunakakai.
MAHELE UMIKUMAMAHIKU - O kela wahi o Molokai e moe ana ma ka hikina o ka Mahele Elua.
Wahi Koho - Halekula o Halawa.
MAHELE UMIKUMAMAWALU - O kela wahi o ka Apana o Wailuku e moe ana mawaena o ke kahawai o Wailuku ame ka Mahele Eha.
Wahi Koho - Halekula o Waihee.
MAHELE UMIKUMAMAIWA - O kela wahi o ka Apana o Koolau e moe ana mawaena o na Mahele Umikumamalua me Umikumamakolu.
Wahi Koho - Halekula o Nahiku.
MAHELE IWAKALUA - O kela wahi o Maui Hikina i ikeia o Apana o Kaupo.
Wahi Koho - Halekula o Kaupo.
APANA KOHO LUNAMAKAAINANA EHA.
O kela wahi apau o ka Mokupuni o Oahu e moe ana ma ka aoao hikina ame hema o Alanui Nuuanu,
ame ka laina e holo pololei ana mai ka Pali o Nuuanu a hiki i ka Lae o Mokapu.
MAHELE EKAHI - O kela wahi apau o ka apana i oleloia e moe ana ma ka hema o Alanui Moi ame ke Alanui o Waialae, a mawaena o ka laina e holo ana mai ke kihi o na Alanui Moi me Punahou a hiki i ke alahaka loihi o Ala Moana (Beach Road) ame ke Alanui Waialae ma ka aoao hikina o na Aina o Kaimuki e holo pololei ana a hiki i kahakai.
Wahi Koho - Mai kahi kokoke i ka palena pau o Alanui Punahou.
MAHELE ELUA - O kela wahi apau o ka Apana i oleloia e hoomaka ana e like me na hoakaka mahope ae nei:
E hoomaka ana ma ka huina o ke Alanui Sheridan ame Ala Moana, kahi i ki ia aku o Alanui Piikoi ame ke Alanui Piikoi a e holo ana ma ka palena komohana o ka pa o Lunalilo Home a hiki i ke kihi hema o ka aina o Kalawahine, a e holo ana me ka palena hikina o Kalawahine a hiki i ka hui ana me ka oioina komohana o ke Awawa o Manoa alaila holo ma ka aoao komohana o ka oioina o ke Awawa o Manoa a hiki i ka huina o ke Alanui Manoa ame Punahou; alaila mai Alanui Punahou a hiki i ke Alanui Moi a e holo ana ma ka palena komohana o ka Mahele Ekahi a hiki i kahakai.
Wahi Koho - Ma ke kihi o na Alanui Keeaumoku me Waila.
MAHELE EKOLU - O kela wahi apau o ka Apana i oleloia e hoomaka ana e like me ia i hoakakaia mahope ae nei:
E hoomaka ana mai ka pahu hae kahiko o luna o Puuowaina a hiki i ke alanui Nuuanu a holo a hiki i ka Pali o Nuuanu, alaila holo hikina hema o ka palena o Koolaupoko - Kona a hiki i Konahuanui, alaila holo ma ka palena komohana o ke Awawa o Manoa a hiki i ke kihi akau o ka Mahele Elua, holo ma ka palena komohana o ka Mahele Elua a iho makai o ke kiekiena mawaena o Auwaiolimu ame Kewalo a hiki i kahi i hoomaka ai.
Wahi Koho - Ma ke Alanui Kiekiena Pakipika ame ke alanui Nuuanu.
MAHELE EHA - O kela wahi apau o ka Apana i oleloia e hoomaka ana mai ka Mahele Ekolu na alanui Nuuanu, Vineyard, Emma, Beritania ame Alapai, ame ka laina e moe ana o ke alanui Alapai a hiki kahi e a'e ana ma ke kihi hikina-hema o ka Mahele Ekolu.
Wahi Koho - Emma Kuea.
MAHELE ELIMA - O kela wahi apau o ka Apana i oleloia e hoomaka ana mai na alanui Mililani, Moi, Puowaina Beritania, Alapai, Moi ame Hema ame ke Alowai.
Wahi Koho - Kapuaiwa Hale.
MAHELE EONO - O kela wahi apau o ka Apana i oleloia e hoomaka ana mai na alanui MIlilani, Moi, Puowaina, Beritania, Emma, Vineyard, Nuuanu ame ke Alowai.
Wahi koho - Ma kahi kokoke i ke Kahua Oihana Kinaiahi, kihi o na alanui Beritania me Papu.
MAHELE EHIKU - O kela wahi apau o ka Apana i oleloia e waiho ana mawaho aku o ka Apana o Honolulu.
Wahi Koho - Hale Kula o Waimanalo.
MAHELE EWALU - O kela wahi apau o ka Apana i oleloia e waiho ana ma ka aoao akau o ke alanui Moi, a mawaena o ka Mahele Elua me Ekolu, ame ka Mahele Eha me Elima.
Wahi Koho - Kamaki Kuea.
MAHELE EIWA - O kela wahi apau o ka Apana o Honolulu e hoomaka ana mai ka Mahele Elua, alanui Moi me Hema ame ke kai.
Wahi Koho - Kihi o na alanui Hema me Kawaiahao.
MAHELE UMI - O kela wahi apau o ka Apana o Honolulu e hoomaka ana mai ka Mahele Ekahi, Elua, Ekolu ame Ehiku.
Wahi Koho - Kihi o na alanui Moi me Alekanedero.
APANA KOHO LUNAMAKAAINANA ELIMA.
O kela wahi apau o ka mokupuni o Oahu e waiho ana ma ke komohana ame ka akau o ke Alanui Nuuanu
ame ka laina e holo pololei ana mai ka pali o Nuuanu a hiki i ka Lae o Mokapu.
MAHELE EKAHI - O kela wahi apau o ka Apana Hookolokolo ame kahi Ohi Auhau o Koolaupoko e waiho ana ma ke komohana ame ka akau o ka laina e holo pololei ana mai ka Pali o Nuuanu a hiki i ka Lae o Mokapu.
Wahi Koho - Hale Hookolokolo o Kaneohe.
MAHELE ELUA - Ka Apana Hookolokolo ame Ohi Auhau o Koolauloa.
Wahi Koho - Hale Hookolokolo o Koolauloa.
MAHELE EKOLU - O ka Apana Hookolokolo me Ohi Auhau o Waialua.
Wahi Koho - Hale Hookookolo o Waialua.
MAHELE EHA - Ka Apana Hookolokolo me Ohi Auhau Waianae.
Wahi Koho - Hale Hookolokolo o Waianae.
MAHELE ELIMA - O kela wahi apau o ka Apana Hookolokolo ame Ohi Auhau o Ewa, oia na aina o Hoaeae ame Honouliuli.
Wahi Koho - Hale Pohai o Ewa.
MAHELE EONO - O kela wahi i koe iho apau o ka Apana Hookolokolo ame Ohi Auhau o Ewa.
Wahi Koho - Hale Hookolokolo o Ewa.
MAHELE EHIKU - O kela wahi apau o Honolulu a i ole o Kona e waiho ana makai o ke Alanui Moi, a mawaena o ka mahele eono ame ke alanui Halepule o Kapalama ame ka aoao hema o ke Alahao Oahu, e holo ana malaila a hiki i poo e kokoke ana i ke kai ame kela wahi apau o ka Apana i oleloia e waiho ana mauka o a e holo komohana akau a hiki i ka huina o na alanui Kula me Emma a holo ana ma alanui Kula, ke Alanui Moi mawaena o ka Mahele Eono ame ka palena mawaena o Kalihi ame Kahauiki.
Wahi Koho - Kahi Paumawai o Kalihi.
MAHELE EWALU - O kela wahi apau o Honolulu a i ole Kona e waiho ana mauka o ke alanui Moi mai ke alanui aupuni aku o ke Awawa o Kalihi a hiki i ke alanui Liliha a ma ka laina mai ke poo e moe la o ke alanui Kauka mai, a e holo ana ma ka pali a hui me ka aoao komohana o ke Awawa o Nuuanu.
Wahi Koho - Mauka o ke Kula o Kaiulani, Alanui Moi.
MAHELE EIWA - O kela wahi apau o Honolulu a i ole Kona e waiho la mawaena o ka Mahele Ewalu ame ke alanui Nuuanu a mauka o ka laina e moe ana ma ke alanui Kula, ke kahawai o Nuuanu ame ke alanui Beritania.
Wahi Koho - Ma ka huina o na alanui Kuakini me Nuuanu.
MAHELE UMI - O kela wahi apau o Honolulu a i ole Kona e hoomaka ana mai ke alanui Nuuanu a na mahele Eiwa, Ewalu me Ehiku ame ke Alowai.
MAHELE UMIKUMAMAKAHI - O kela wahi apau o Honolulu a i ole Kona e waiho ana mauka o ke alanui Moi a mawaena o na Mahele Ehiku me Ewalu.
Wahi Koho - Alanui @ mauka o ke Kula o @ .
APANA KOHO LUNAMAKAAINANA EONO.
Mokupuni o Kauai ame Niihau.
MAHELE EKAHI - Ka Mokupuni o Niihau.
Wahi oKoho - Ma ka halekula o Niihau.
MAHELE ELUA - O kela wahi o ka Apana o Kona e waiho ana mawaena o na Pali ame @ e hoomaka ana mawaena o @ mahiko o Kekaha me Waimea ame ka laina e moe ana ma ke @ pali ma ka aoao komohana o @ Awawa o Waimea.
Wahi Koho - Halekula o Kekaha.
MAHELE EKOLU - O kela wahi apau o ka Apana o Ko@ @ waiho la mawaena o ka M@ Elua ame ka aina o Hanapepe.
Wahi Koho - Hale Hookolokolo o Waimea.
MAHELE EHA - Mai a e komo pu ana o Kalaheo a hiki me ke komo pu ana o Hanapepe.
Wahi Koho - Halekula o Hanapepe.
MAHELE ELIMA - O kela wahi apau o ka Apana o Kona e waiho la ma ka aoao hikina o ka aina o Kalaheo.
Wahi Koho - Hale Hookolokolo o Koloa.
MAHELE EONO - O ka Apana apau o Puna e holo ana ma na aina o Wailua a hiki me ke komo pu ana me na aina o Kipu.
Wahi Koho - Hale Hookolokolo o Lihue.
MAHELE EHIKU - O kela wahi apau o ka Apana o Puna e holo ana mai ka aina o Papaa a hiki i ka huipu ana me ka aina o Wailua.
Wahi Koho - Hale Hookolokolo o Kapaa.
MAHELE EWALU - E hele ana mai ka muliwai o Kalihiwai a hiki i ka hui ana me ka aina o Papaa.
Wahi Koho - Halekula o Kilauea.
MAHELE EIWA - E holo ana ana mai ka Muliwai o Kalihiwai hiki ma ka palena akau o ka Apa na o Kona.
Wahi Koho - Hale Hookolokolo o Waioli.
I HOIKE NO KA OIAIO O KEIA ke kau nei au i ko'u Lima a ke hoopili nei au i ke sila o ka Teritori o Hawaii.
Hanaia ma ka Hale Mana Hooko ma Honolulu i keia la 17 o Aperila, A. D. 1905.
GEORGE R. CARTER.
Na ke Kiaaina,
A. L. C. ATKINSON,
Kskauolelo o ka Teritori o Hawaii.
3065 - April 28; May 12, 26; June 2, 23.
KUAHAUA.
OIAI, o ke KANAWAI 54 o ke Kau Mau o 1905 o ka Ahaolelo o ka Teritori o Hawaii ua hoololi aku i ke KANAWAI 39 i kapaia "He Kanawai e Kukulu ana i na Kalana maloko o ka Teritori o Hawaii ame ka Hooponopono ana ia Aupuni" ma ka hoopau ana i na huaolelo "ka Lunahelu ame Lunaohi Auhau" iloko o ka Pauku 12. Mokuna 6 o ke Kanawai 39 i oleloia ame ka hoopau ana i na huaolelo "ame ka Hope Lunahelu ame Lunaohi Auhau" iloko o ka Pauku 13. Mokuna 6 o ke Kanawai i oleloia.
ANO, NOLAILA, i kulike ai me @ Owau, o George R. Carter, Kiaaina o ka Teritori o Hawaii, ma keia ke haawi nei i ka hoolaha o na mea apau i pili i ke koho ana i na Lunahelu ame Lunaohi Auhau, ame na Hope Lunahelu ame Lunaohi Auhau iloko o ke Kuahaua Koho Balota Kalana i hoopukaia e a'u ma ka la 17 o Aperila A. D. 1905, ma keia ke hoopauia nei a aole he Lunahelu ame Lunaohi Auhau a aole he Hope Lunahelu ame Lunaohi Auhau e a hiki ke kohola ake Koho Balota Oihana Kalana Mua e malamaia ai ma ka la iwakalua o Iune M. H. Umi-kumamaiwa Haneri ame Elima, aole no hoi he Inoa o kekahi mea a mau mea paha e laweia mai a pa'iia maluna o na balota ma ke @ moho a mau moho no ia oihana a mau oihana.
I HOIKE NO KA OIAIO O KEIA ke kau nei au i ko'u Lima a ke hoopili nei au i ke sila o ka Teritori o Hawaii.
Hanaia ma ka Hale Mana Hooko ma Honolulu i keia la 3 o Mei, A. D. 1905.
G. R. CARTER.
3067 - May 12, 26; June 9, 23.