Ka Nupepa Kuokoa, Volume XLIII, Number 24, 16 Iune 1905 — Page 1
| This text was transcribed by: | Gloria Vlachos |
| This work is dedicated to: | Na Lei Hulu I Ka Wekiu |
Ka Nupepa Kuokoa
KE KILOHANA POOKELA NO KA LAHUI HAWAII.
HOOPUKAIA I NA KAKAHIAKA POALIMA APAU.
-----
BUKE XLIII, HELU 24 NUPEPA KUOKOA, POALIMA, IUNE 16, 1905 NA HELU APAU 3072
-----
Mahae na Repubalika.
-----
Like ole na Manao Maluna o Kekahi mau Moho i Waeia e ka Ahaelele.
-----
Hookomo na Moho i ko Lakou mau Palapala Holo Moho - Mahuahua na Inoa ma ko Henry Palapala Mamua o Brown.
-----
Ma ka Poaono i hala i puka amaka @@ ka mahae ana o na Repubalika @@@ ka wae ana ae o ka Ahahuina @@@@ (Aoao Mauu Hilo, wahi a@@@ i mau moho hou e holo @@@ moho a ka Ahaelele Repuba@@@@ ai. a hookomo iho i keia @@@ hou: William Henry, i moho @@@@ : Joseph Fern,m i moho Lu@@@ Honolulu, a o Frank K. Ar@@@@ moho Lunakiai no ka I'ahamau@@@.
Ma keia e ikaika ana na paio ana @@@@ aku o ka manawa a hiki @@@ Poalua ae ka la hoi e hoikeia @@@@ hua o na hana e hooikaikala @@@ mau la.
Ma ia la i hoikeia ae nei ola ka la @@@@ @@@ ai ka puka no na moho @@@ aku ai i ko lakou mau pala @@@@@ moho ma ke Keena o ke @@@ Teritori. a ma ia la i @@@@@ ai ko Henry ame ko Fern @@ moho ana.
Ma na palapala no na moho Luna@@ kahi hoi i kalele nui ai na ma@@ ku-e ia Broan, ua ikeia ka m@@hua o na inoa ma ko Kenry palapala mamua o ko Brown, oiai no nae @@ kumumalima wale no inoa @@ piha o ko ke kanawai makemake. O keia malalo iho nei na poe i kakuuinoa ae i na palapala holo mo@@ na Lunamakai:
WILLIAM HENRY.
F. J. Lowrey, A. F. Griffiths, P. L. Weaver, E. D. Tenney, Charles M. Cooke, W. A. Low, Jonathan Shaw, P. C. Jones, Frank Barwick, Ed. Towse, A. N. Campbell, D. L. Whithington, Theodore Richards, J. M. Whitney, W. L. Moore, L.A. Thurston, A W. Pearson, W. A. Bowen, E. W. Campbell, A. Lewis Jr., G. P. Castle, C. R. Hemenway, P. M. Pond, W. H., Babbitt, John Bilinger, David L. A-1, Asa Kaulia, J. E. Kahoa, Isaac Testa, Moke Kaiha Isaac Harbottle, A. Kaleikau, W. K. Nahalua, D. Paele, P. K. Kapanookalani, Oscar Holek, W. H. Kahumoku, Pupue, S. Keka, D. A. Kalole, J. E. Keano, D. Kapele, D. K. Kamakanahoa, George Makalena, J. K. Kauai, Kaiminoku Luia, C. B. Maile, S. K. Ku, G.S. Helekuniki, J. K. Kanepuu, C. Elvin, Ned Crabbe - Huina 52.
ARTHUR M. BROWN.
Chester A. Doyle, John MNarcailino, W. I. Stanley, J. A. Thompson, Henry Davis, S. M. Kanakanui, J. H. Harbottle, C. Hustace JHr., A. G. Nichols, J. S. Martin, J. S. Walker, Clifford Kimball, E. K. Rathburn, H. D. M. Cobb, J. K. Wilder, J. F. Brown, W. J. Forbes, A. H. Smith, Manuel Leal J. H. Boyd, J. H. Soper, Harry Armitage, Frank Husiace, E.S. Cunhha, A. V. Gear, M. Phillips, Frank J. Krueger, A. G. M. Robertson, W. W. Makino, @. E. Richardson, J. A. Gilman. - Huina 52.
J. M. POEPOE.
J. K. Nakookoo, W. H. Kaauwai, D. M. Kupihea, Kauhane, K. Napeha, J. M. Kealoha, G. K. Kauimakaole, L. Ah You. Makakoa K. Kauwai, L. K. Sheldon, J. K. Notley, J. N. Keola, Peter Makia, G. K. Laanui, L. Kapilianui, W. Poe, J.W. Wahane, H. Kaliliha, D. Umauma, Paulo Hokil, Asa Kauila, J. Kauahi, S. Kapu, W. K. Kaleihuia, W. Mo@@man Jr., J. P. Makainai, B. N. Kahalepuna, W. Kalaiho, N. Kealialoa - Huina 53.
O keia malalo iho nei na moho o na aoao kalaiaina i hookomo ae i ko lakou @@ palapala holo moho ma ke Keena o ke Kakauolelo Teritori ma ka Poaono i hala:
NA LUNAMAKAI.
Arhtur M. Brown. (Rep.)
William Henry. (A. M.)
J. M. Poepoe. (H. R. D.)
NA HOPE LUNAMAKAI.
J. S. Kalakiela (Rep.) Honolulu
D. I. Kahaleaahu (H. R. Dem.) Honolulu
W. C. Lane (Rep.) Koolauloa
G. K. Kekauoha (H. R. Dem.) Koolauloa
Frank Pahia (Rep.) Koolaupoko
U. H. Jones (H. R. Dem.) Koolaupoko
Oscar O. Cox (Rep.) Waialua
B. Naukana (H.R. Dem.) Waialua
C. H. Holis (Rep.) Waianae
D. L. Gil@@@ (H.R. Dem.) Waianae
J. Fernandes (Rep.) Ewa
S. Kapu (H.R. Dem.) Ewa
(E nana ma ka aoao 2.)
Kakoo i ka Aoao ke Kupono.
-----
O Keia na Manao Hoala Noonoo a Senatoa Hepburn ma Kakaako.
-----
Koikoi na a'o Kalaiaina i Puka mai Iaia mai e Pili ana i ke Aloha Aina Oiaio ame ke Kupaa ana ma ka Pono.
-----
O kekahi o na ha'iolelo hoala noonoo pili kalaiaina oia hoi ka mea ku i ke aloha aina. oia keia ha'iolelo a Hon. W. P. Hepburn, kekahi Hoa o ka Ahaolelo Nui o Amerika Huipula mai ka Mokuaina mai o Iowa, a he Lunahoomalu o ke Komite Hale maluna o ka Oihana Kalepu Kuwaho he ha'iolelo i haawiia e ia ma ka luakini o Kaukeano i ka po Sabati i hala iho la.
Iwaena o na olelo ana i hoike mai, o keia malalo iho kekahi o lakou a nana hoi i hoala ae i ka noonoo o ka lehulehu i hiki kino aku ilaila.
"Aole au i manaoio ua kaawale ae ke kanaka mai ke ano ko'iko'i ae o ka pono makaainana. He manaoio au iloko o ka aoao kalaiaina a no ka mea ua lilo mai oia i hapa no ke aupuni Repubalika. Aia no he aoao me na kumuoiaio mahope o ka nohona hooponopono aupuni, a aohe he mea e hiki ke hoopau pono ia e ka mea pakahi iho. A no ia mea i lilo mau ai au i kanaka no ka aoao kalaiaina. Aka, aole a'u alo ana no'u iho no ke koho ana no ka moho i ikeia ke kupono ole ma ka olelo ana he moho oia i wae pono ia ma ke ala mau e ko'u aoao, malia, mamuli paha o ko'u hiki ole ana i na koho mahelekoho ana. A'u e ike aku nei aole he iaina o ka like ole mawaena o keia mau hana pililaula ame ko kakou mau hana pilikahi iho."
O keia kekahi o na olelo waiwai loa i pu-a mai ka puuwai mai o keia loea kalaiaina o Amerika Huipuia, e a'o ana aole i punukuia ke kanaka ma ke koho holookoa ana i ka paa balota. oia hoi, ke koho ana i na moho kupono ame kupono ole, oiai na ka aoao i wae ae. He a'o ana keia o ke kuokoa, a e koho wale no i na moho kupono i waeia mai e ka aoao, a haalele aku i na moho kupono ole.
Iloko no nae o keia a'o ana ua hooiaio ae no oia i kona ku oiaio maloko o ka aoao kalaiaina a oiai oia ka mea kupono e hana ai, oiai wahi a kona manaolo o ke kakoo ana o ka aoao kalaiaina ola ka iwikuamoo o ke kulana aupuni Repubalika, a ia manawa hookahi no i hoike ae ai ua loea kalaiaina nei i ka hana hoohaahaa loa o kekahi kanak ina e koho oia i ka moho kupono ole a moho hana kekee, a olelo aloalo iho i ke kumu o kona koho ana mamuli o ka waela ana e ka aoao. Ua kalele nui ka ha'iolelo o ka la ma ke kupaa ma ke kulana makeainana oiaio a hoopono, a ua like no ia me ke ano hoopono oiaio pilikahi o ke kanaka.
Mahope o ka hookani ogana ana a mahope o ka himeni a pau no hoi ka heluhelu haawina o ka Palapala Hemolele a mohope iho o na haawi himeni ana i na mele pa-ha la oia ka manawa a Hon. Hepburn i waiho mai ai i na olelo hoonaauao.
Ma keia ahiahi Sabati no hoi i piha ae ai ka luakini a hoi na mea apau me na ike ano hou o ke kulana o ka makaainana oiaio pili i ka aoao kalaiaina.
-----
NA PAIO ANA.
O ka loaa like ana o ka holomua, ke ola ame ka oluolu mai ka laau Chamberlain's Colic, Cholera ame Diarrhoea i na makua ame na keiki oia ka mea nana i alako aku i keia laau e laweia ma na home apau, nolaila aole ona ho@paio e like ai, a o ka poe apau i lawe mau iaia ua maopopo la lakou aole ona lua e like ai. Ke kuaiia nei e BENSON, SMITH & Co. Ltd., na agena ma ko Hawaii Paeaina.
-----
HE MANAO LAULA.
-----
I ka mea Koho Blota:
Akahi no wau a komo iloko o na hana kalaiaina, no ka iini nui o ka naau e loaa na kanaka maikai no ka lawelawe ana i na hana e ke aupuni me ka maemae. Ke noi ikaika aku nei au i kou oluolu: e hooikaika aku oe i na kanaka makee i ka pono maloko o kou kihapai. e koho mai lakou i ka balota o Wm. Henry i Luna Makai no ke Kalana o Oahu nei, me ka wae pu ana i mau inoa kupono noloko mai o na aoao kalaiaina o like ole.
He mea lilili ka nana ana ma ka aoao kalaiaina. o ka mea nui e pono ai oia no ka loaa o na kanaka hoopono ma ka oihana. Mai haowi i kou balota no Brown. no ka mea. ua nui na hana ha'iha'i kanawai iloko o kono mau ia e noho Makai Nui ana i hookuu akeala e la. Ela iho kehahi o ia mau hana:
1. Ua nui loa na halekuai raina lilili i ae wale ia me ka laikini ole. aole paha i emi malalo o hookahi haneri ka huina o ia mau hale.
2. Ua nui loa na hana hookamakama pelapela inoa loa e hanaia ana i hiki ole ke hoomalu.
3. Ua nui loa na hana piliwaiwai o keia me keia ano. e like me ke ki-pa
(E nana ma ka aoao 2.)
Makai Nui William Henry, ka Moho Lunamakai Holo Ku-e ia A. M. Brown.
Ko William Henry Manao Imua o na Poe Koho o ke Kalana o Oahu.
-----
E NA KEONIMANA:
I ko'u ae ana i ke noi a na poe koho ka poe hoi i noi oluolu mai ai'u e lilo i moho no ke Kulana Makai Nui no keia Kalana ma ke koho balota e hiki mai ana ma ka la 20 o Iune, ina e kohoia, e hoao ana wau ma na ano apau e lawelaweia na hana o ka Oihana Makai, e hiki ai e hooko ia na Kanawai o ka aina me ka ewaewa ole, a i hooi ia ae ai hoi ka makaukau o ka Oihna Makai ma ke Kulana Kiekie.
"O ke kulana o ke poo o ka Oihana Makai, ua ikeia ma ka maa ma na Mokuaina like ole o Amerika Huipuia, ua hookaawaleia ae ia mai na mana ae o na aoao Kalaiaina like ole elike me ke kupono, a ua ike nui ia hoi ia ma na Kulanakauhale nui, aka hoi, na hooholo iho ka Ahaolelo e kohoia ke poo o ka oihana e ka lehulehu, nolaila, ke kau nei he hana na kela ame keia mea koho me ka nana ole i kona aoao Kalaiaina no ke kanaka ana i manao ai e hooko ana oia i ke Kanawai o ka aina i ka wa e uhakiia ai, me ka nana ole nawai la i uhaki; a e paa aua hoi i na makai malalo iho ona i kulike ai me na rula o ka oihana, a e hoopiha ana hoi i na hakahaka o ka oihana e hiki mai ana me na poe kanaka i loaa na hoaponoia no ka maikai o ko lakou mau kulana ame ke ano hoopono.
O ko'u manao he mea pono o na poe noi oihana malalo o keia Keena e ninaninauia ko lakou kupono ma ke kino, a e hoao ana hoi e hooholoia i mau Kanawai e lilo ai ia mau hooponopono ana i mau rula no ka hookohuia ana o na makai, a e hoao ana hoi e loaa na uku i na poe makai malalo o ka'u hoomalu ana i hiki ai ia lakou e hooko i na mea i makemakeia no ka oihana.
O na moolelo o ka Oihana Makai elike me ia i lawelaweia mamua aku o ko'u hookohuia ana, aia no ia mamua o oukou e na poe koho o keia Kalana, a ke kapae ae nei au i na kamailio ana e pili ana ia mau mea: a koe nae keia, ua hoao au me ka hoopono e hookoia na Kanawai o ka aina me ka hoopilimeaai ole, mai ko'u wa mai i hookohuia ai ma ke ano Makai Keikie, a ua hana hoi elike me ka hiki ia'u me ka Oihana Makai malalo iho o'u: a he hiki hoi ia'u ke hooia aku i na poe koho, o ko'u iini nui e lilo o Honolulu ame ke Kalana holookoa i mau wahi e hoolaupai ia ana e ka maluhia, a ia wa hookahi aole hoi e hoohaiki ia na hooluohu ana o ka lehulehu ame na lealea kupono mamuli o na rula oolea e kau ia ana.
O ka maluhia o na oia ame ka waiwai, he mau mea kupono loa ia e nana ia me ka laahia, no ka mea, he mau kumu kupono loa ia no ka holomua o keia Kalana ame ke Teritore, a o kekahi o na kumu e loaa ai ka maluhia oia no e loaa i ka lehulehu Oihana Makai i loaa ka hoopono ame ka makaala, mai ke poo o ka oihana a i na makai haahaa.
E hoao ana au ma na ano apau e hiki mai ia hopena elike me ka hiki ia'u, a e kau aku ana hoi ko'u mau manaolana ana mamuli o na kokua ana o ka lehulehu ame na Pana-pai e kokua mai ia'u no ka malama ana i ka inoa maikai o keia Mokupuni ame ke Kalana o Oahu ame Honolulu, no ka mea, me ka loaa ole oia mau kakoo ana, aole @ e loaa kekahi Poo no ka Oihana Makai e lanakila ai maluna o na karaima ame na hana ino ha nui.
(E nana ma ka aoao elima.)
O Henry ka Moho Kuokoa.
-----
Kakoo ka Ahahui Makaainana Iaia ame na Moho Kupono e ae.
-----
Maopopo ka Papahana o ka Ahahuina a paa na Manao e Hooko me ka Oiaio no ka Pono Laula o na mea Pono.
-----
Ma ka Poaono i hala i kakoo ae ai ka Ahahui Makaainana la William Henry ka Makai Kiekie Teritori o keia wa@@ i moho Lunamakai no ke Kalana o Oahu a ia la no hoi i hookomo aku ai oia i kona palapala holo moho no ia oihana i ke Aupuni ma ke Keena Kakauolelo Teritori - he palapala hoi i kakauinoaia e ka poe i oi loa ae e like me ia e puka aku nei ma kekahi wahi o ke Kuokoa.
A mawaho ae o keia moho aia he mau moho o na aoao Repubalika ame Demokarata-Home Rula i huiia i kako@ pu ia e keia Ahahui. o na moho kupono wale no nae. e like me R. H. Trent, moho puuku Demokarata-Home Rula. eia nae ke ku-e nei oia i ka Ahahui Makaainana. E. R. Adams, lunakiai holo laula Repubalika: Jack Lucas, Lunakiai ( R ): Geo. W. Smith, Lunakiai ( R ): J. Bicknell, Lunahooia ( R ): E. A. Douthitt, Loio Kalana, ( R ): Watson, Demokarata-Home Rula huiia ame kekahi poe moho e iho a koe ka poe i kakoo ole ia e like me Quinn. lunakiai no Honolulu. he Repubalika hoi a pau pu no hoi kekahi poe moho Demokarata-Home Rula huiia.
A o Mr. Joseph J. Fern, kekahi moho i waeia ae a kau pu aku ke kakoo o ka Ahahui Makaainana, he moho Repubalika kuokoa nae e holo ku-e ana ia Quinn, oia kekahi i hookomo aku i kona palapala holo moho i ke Keena Kakauolelo.
KA AHAHUI KANAAINANA.
O keia kekahi ahahui i kukulu koke ia iho mei iloko o keia makahiki no, ma ka malama o Ianuari, a ua hiki aku ka nui o kona mau lala i ka haneri ame kanalima a oi, a mailoko mai o keia huina lala i waeia mai ai he umikumamalima ma ke koho ana o ne iaia, a o keia iho ia ke Komite Hooko. a e mau aku lakou ma ia wahi no ka manawa i hoomaopopoia oia ka akahi makahiki: a o keia poe na lala o ke Komite: - Messers. David L. A-i, Lorrin Andrews, W. R. Castle, C. H. Dickey, A. F. Griffiths, W. E. Horn. John A. Hughes, F. J. Lowery, Theodore Richards, Doremus Su@@der. George W. Wmith, Ed Towse, R. H. Trent, D. L. Withington ame Dr. C. B. Wood.
He Ahahui hou keia i noho poo ia e W. R. Castle, ka Peresidena o ka Ahahui, a o na lala no hoi oia no na makaainana a poe makee maikai e ae apau o keia kulanakauhale nei o Honolulu me ka nana ole ae owai la oia, Pake, Iapana, haole. Oiwi Hawaii ame na Lahui e ae. ame ka nana ole ae no hoi i ka hoomana o ke kanaka ame ka hana ina paha he kama-na, oia, he ioio, limahana, kahunapule. mea oihana kalepa ame na kanaka e ae o na oihana like ole, a e like me ia e ku nei, he nui o ka poe ko'iko'i loa o ka aina i haawi ae i ko lakou kakoo ana o komo maoli i mau lala no keia ahahui.
O ka manao nui ame ke kaono maoli o keia ahahui oia no keia i lawelawela ma na aina naauao na wahi i kukuiuia ai o keia ano ahahui, a oia no hoi keia mau ahahui o keia ano i kukuluia a e ku nei iloko o kekahi mau mokuaina o Amerika Huipuia - a ola manao nui oia keia: O KA MAKEE A HOOPAKELE I KA PONO O KA LEHULEHU NOLAILA. O KO KEIA E KU NEI ILOKO O HONOLULU OIA KELA I HOIKE MUA IA AE NEI - O KA MAKEE I KA PONO O KA LEHULEHU.
A o keia manao nui ua maheieia iloko o na mahele a e ikeia no e like me ka nui o na komite liilii i waeia mailoko ae o na lala o ke komite hooko, pela i loaa ai na komite liilii kumau malalo iho nei; komite o na paka ame alanui ame hana o ka lehulehu. komite hoonaauao hana ku i ke aloha ame ola, komite o na hana ahaolelo kanawai ko na luna aupuni ame komite makee maluhia ame malama a makee kanawai komite waiwai ame hookomo iaia, a iloko o keia mau mahele i komo ai na mea apau pili i ka pono o ka lehulehu, pili i ka hookohu ana i na kanaka kupono wale no maluna o na oihana o ke aupuni hooikaika e kinai i na hana@@ ku-e kanawai e hoalaia ae ana iloko o ke kulanakauhale, nana a makee i ke ola o ka lehulehu, a hooikaika e kinai i na hana hoohaumia e like me hookamakama ame na ino e ae e i ike ke kinai ana i ka laha ikaika o ka waiona ame piliwaiwai ame ka hooikaika e hooholoia i mau kanawai maikai no ka aina ame ka hooikaika ana e malamala a e hookoia na kanawai ame na maikai e ae pililaole e ae ipau no i manaoia e hoopakele ana i ka pono pili@@@ o ka lehulehu.
A o keia mau oiaio a pau ua kakooia lokou apau e ke kumukanawai ke kahua hoi o ka keia Ahahui e ku nei, a maluna hoi oia@la e hoohanala nei na hana no ka hooko ana i ka makemake o ka manao nui o keia Ahahui a pela @ loaa ai ka ike aia he manawa e nui ino ai na lala. a o ka nui ana no hoi
(E nana ma ka aoao 2.)
E PAU ANA ANEI KE KAUA?
-----
A po Mai o Iapana a me Rusia i ko Peresidena Rusewela Manao Aloha
-----
Ke Lanakila nei no na Iapana ma Manchuria - Hoomoikai ka Za ia Rojestvensky no Kona koa.
-----
ST. PETERSBURG, Iune 8. - Ua kipa aku nei o Amebasoda Meyers e ike i ka Emepera no ke kukai ana no na mea e pili ana i ka hoopau kaua.
He ikaika na olelo o na nupepa e ku-e ikaika ana i ka Peresidena Rusawela hana e pili ana i na mokukaua holomama Rusia ma Manila.
WASINETONA, Iune 8. - Ua hoalaia mai na manao kuloko iwaena o na launa kuwaho ana mamuli o ka ninau ana mai o ka Za i na mea e pili ana i na kumu hoopau kaua a Iapana. Ke manao ia nei eia na kukai ana no ka hoopau ana i ke kaua ke malamala nei.
MANILA, Iune 8. - Ua kauoha mai nei ke aupuni o St. Petersburg ia Kapena Enquest no ka paa ana i kona mau moku maanei.
TOKIO, Iune 8. - Ua hoopuehuia aku na Rukini ma ke kaua ma Manchuria. Ua nee aku nei na Kepani no Shahoise a hookuke aku i na Rukini.
NAGASAKI, Iune 8. - Ua paa aku ka moku lawekoa Riou o Rusia i ka mokuahi Churnum o Pelekane a p@@a aku hoi e na aliimoku o ua moku lawekoa la a kiola aku he huina nui o na b@ na pulupulu ame waiwai metala.
WASINETONA, Iune 9.- Ua hoike ae ka Za i ko Amerika Amebasoda Meyer i kona ae ana e hoopau i ke kaua mamuli o na a'o ana. Aole i waiho kau o M. Meyer he hoopaa no ka noonoo ana aku ua waiho wale aku no oia i ko ka Peresidena manao hoaloha ame ka manao maikai.
ST. PETERSBURG, Iune 9. - Ua noho lunahoomalu ae ka Emepera i keia la ma ka halawai hoopau kaua a kona mau kuhina.
Ua hoouna aku nei ka Emepera he telegarapa ia Adimarala Rojestvensky e hoomaikai aku ana iaia no kaua i hana ai. Eia ke Aupuni ke hoomakaukau nei e hoopuka ae i ke kuahaua ua hooholo ka Emepera e hoopau i ke kaua me Iapana.
WASINETONA, Iune 9. - Ua hoike mai nei o Kiaaina Wright of Pilipine o na mokukaua o Rusia i holo aku a hoolilo ae ia Manila i puuhonua no lakou mahope o ke kaua ana me Togo ma ke Ko-wa o Korea e noho iho ana lakou malaila. E ku ana lakou malaila a hiki i ka pau ana o ke kaua, me ka laweia ana o ko lakou mau meakaua.
WASINETONA, Iune 10. - Ua hoouna aku nei ka Peresidena he lono i na Aupuni o Iapana ame Rusia e koi Ikaika aku ana ia laua no ka pono o na kanaka e hoopau laua i ke kaua. Ua hoikeia aku he mea pono i na aupuni kaua ke komo ae ma na kukai ana mawaena no o laua.
ST. PETERSBURG, Iune 10. - Ua loaa mai nei i ka Emepera ka hoike a Adimarala Enquest e pili ana i ke kaua o ke Ko-wa ame na mea e pili ana i kona pakele ana.
WASINETONA, Iune 11. - Ua loaa mai nei maanei na apo ana a Iapana ame Rusia i ko Peresidena Rusawela waiho ana aku i kona mau manao maikai no laua.
ST. PETERSBURG, Iune 11.- O Parisa oia kahi a Rusia i makemake ai ilaila e noonooia ai no ka hoopau ana i ke kaua, eia nae e ae ana no oia ina no ma Manchuria a i ole ma Wasinetona.
TOKIO, Iune 12. - UA hookukeia aku na Rukini mai Liangahichuan. I keia manawa ala na Kepani ke noho ia ma Ershihiipa ame Tungchiatau.
Eia ko Iapana mana aupuni ke punuka nei i kona manao maluna o ka ninau hoopau kaua. Ke maka'u nei lakou i ka hoopau ana i ke kaua no kekahi manawa o lilo mai ia i mea e poino ai ka lanakila kamahao a Adimarala Togo ame na manawa kupono loa no Ilamuku Oyama, a ke manao nei lakou he mea nui ka noonoo ana maluna o ka ninau koopau kaua.
WASINETONA, Iune 13. - Ua malama ae ka Peresidena i ke kukahuka ana me ko Iapana Kuhina Takahira, ame Kauna Cassini, ko Rusia Amebasoda, e pili ana i ke koho ana i kahi e malamala ai na kukai ana i ka ninau hoopau kaua. Aole he makemake o Iapana e hui na poe e kuana ma na aoao o keia mau aupuni kaua ma Parisa, a he ku-e hoi ko Rusia i ke koho ana ia Mukden a i ole ia Chefoo. Aole no hoi he ano hololike o na manao o na aoao a i elua ma Wasinetona e hanaia ai ia mea.
PARISA, Iune 13. - Mamuli o ka manao o na lono i loaa mai nei mai St. Petersburg mai o na manao iwaena o na luna aupuni maanei ke hoohalahala nei no ka hopena e loaa mai ana ma ka hana no ka hoopau ana i ke kaua.