Ka Nupepa Kuokoa, Volume XLIII, Number 22, 2 June 1905 — Page 6

Lukuia na Mokukaua o Rusia.

 

[Mai ka aoao ekahi mai.]

 

LADANA, Mei 30.   O Ko Adimarala Togo lanakili ua ikeia aku ka oi ae mamua o ko Nelekona ma Rafalaga.

TOKIO, Mei 30.   Mawaho ae o na mea i hoike mua ia he uuku loa na mea i ikeia no keia lanakila oi kelakela o Togo.  Ua hiki ae ko Adimarala Rojestvensky aumokukaua ma ka mokupuni o Quelpart ma ke kakahiaka Poaono a holo ae la lo Tsushima, kahi hoi e ku nei he kahua hoolulu mokukaua no Iapana.  Aole i maopopo ka nui o kona mau moku  He ku i ka naauao ka hooneeia ana o ko Ipana aumokukaua, o ka laina maloko aia ilaila na mokukaua papa ekahi malolo o ka Togo ame Kamimura alakai ana, a o ka laina mawaho oia na mokukaua holomama malalo o ke alakai ana a Katoka.  Na ka mahele mokukaua mama  i lelekaua mua ia Rojestvensky, o ke kulana o ka lelekaua ana ame na mea i hanaia aole i maopopo.  Ma ka po Poaono ua malamaia ae he mau lelekaua holopono ana e na moku topido.  Ma ke Sabati ae i hoomau hou ia aku ai ke kaua ana, no ko Togo onou ana aku i na Rukini no na aekai o Korea.  Aole  i maopopo ko Rojestvensky poino.  Me he mea la ua hiki aku na  moku Rukini I poino ma Vladivostok.  Me he mea la aole e loaa ana na hoike piha o ka lanakila ana mamua o ka pau ana o keia pule. Eia ke kulanakauhale Kapitala ke hoomanao nei no keia lanakila oi kelakela, ua piha na alanui i ka poe e hauoli ana ame na anaina e hooho hauoli ana.

  KANAHAI, Mei 30.    Ua huki iho na moku lawekoa o na Rukini i ko lakou mau hae mawaho ae o Woosung.

   ST. PETERSBURG, Mei 30.    Aole he lono polokei i loaa mai ka aumokukaua i haulehia.  O keia poino ana he puupuu ikaika loa ia i nouia mai i ke aupuni.  Ua kaumaha loaka Za.  I ka hoikeia ana aku o keia lono iaia ua hehee iho  oia ilalo a uwe iho la.  Aia na manao aloha i laa ae ma ke Keena Kaua Moana kahi hoi o na wahine ame na keiki i akoakoa ae ai e ninau no ka lakou poe i aloha ai i komo ma keia poino.  Ua hookapu ke aupuni i ka hoolaha ana i na lono telegarapa mai na aina e mai a hiki i ka manawa e hooiaioia mai ai.  Ke ikeia nei ka waikai ole ok a hoonee kaua hou ana aku ma ka aina.  Eia na Liberala ke hauoli nei  no keia haule ana a ke manao nei lakou e lilo mai ana keia i mea hoopau kaua a loaa hoi ke kumukanawai.  Ua hoikeia mai ua eha o Adimarala Rojestvensky a ua laweia oia e kakahi moku topido.

BELINA, Mei 30.  O ko Togo hooneekaua lanakila ua ike piha ia ae maanei.  Ua ikeia ma ke ano oia kekahi mea ano nui iloko o ka moolelo o ke ao nei.  Ua hoikeia ae na manao pahohao i ka maikai ole o na lawelawe ana a na Rukini.

PARISA, Mei 30.   Eia ke kau nei ko na Rukini haulehia ana a na mahaloia aku ko Rojestvensky koa.  Ua manao ia ua hiki mai ka manawa e komo ake’ake’a aku ai.  O ko Rusia haulehia ana oia ka mea nana i hookaumaha ia Farani.

WASINETONA, Mei 30.  Ua hui kuka ae ka Peresidena ame Kanikela Takahira i keia po.  O ka manao i loaa mai oia hoi ua pili keia hui ana no na manao o ka hoopau kaua.

ST. PETERSBERG, Mei 30.   Ke ikeia aku nei ko Adimarala Nabogatoff haawipio ana me elua mokukaua papa ekahi ma ke kaua moana me na Kepani ma ke ano he hana hoohilahila loa.  Ua ku ae ka moku lawema'i Orel ma Vladivostok.  Ua hiki ae no hoi ka mokukaua holomama Almas ma Vladivostok a hoike ae ua lilo aku o Adimarala Rojestvensky i ke kai mailuna aku o kona moku lawe hae a laweia ae la e kakahi o na moku wawahi topido.  Ua hiki ae oia ma Vladivostok me ka eha ma kona poo.  Eia no ka lehulehu ke noho nei me ka ike ole i ka nui o ka poino i kau mai. 

TOKIO, Mei 30.  Ma keia kaua ana iho nei ua lilo hou mai i na Kepani ka mokuahi Oldhamia i lawepioia ma ka la 19 o Mei, ke kona ukana aila mahi, e ko na Rukini aumokukaua, a ua hoihoiia ae no ka pa kaua moana o Sasebo.  Ua hoopakeleia mai kona kapena.

            Ke manao ia nei maanei e ka poai mana aupuni o na moku Rukini eha i hoohui hou ia mai me na moku i hoike mua ia mai, ua piholo ma keia kaua koke ana iho nei me ko na Kepani aumokukaua.  Mahope o ka mahae ana o ko Rusia aumokukaua, a hoao ae kela ame keia moku Rukini e holo i pakele, a ua manao ia i ka manawa i alualuia ai oia ka manawa i piholo ai kekahi mau moku mai na poka aku a na Kepani, a o kekahi mau moku iho ua hoopahu maoli ia e na luina Rukini no ke kaupale ana i ka lilopio aku.

WASINETONA, Mei 30.  Ua hoikeia mai nei i ke Keena Mokuaina mai Tokio mai ua hoopiholoia na mokukaua papa ekahi o Rusia a koe wale no mna moku Orel ame Nikolai I.  O Keia Haulehia ana o ko Rusia aumokukaua ua pau pono a ua uhi pu ia, a me he mea la aole he wahi mea i koe o ua aumokukaua la.

            O Adimarala Rojestvensky kekahi iwaena o na pio.  Ua piholo kona moku lawe hae a ua hoopakeleia ae ua Adimarala nei a lawaeia iluna o kekahi o ko Iapana mau mokukaua.  O na Adimarala Voelkersam ame Nebogatoff kekahi e noho pio nei ma na lima o na Kepani, o ko lakou mau moku hoi ua hopupioia a i ole hoopiholia.

LADANA, Mei 30.   He mau haneri ka nui o na Rukini i eha e pae nei ma na aekai o Korea ame Ipana, e kau ana no maluna o na apana liilii o ko lakou mau moku i nohaha.  I ka manawa o na moku Rukini i piholo ai mamuli o ka loaa ana i na poka a na Kepani ua pili ae la na luina ame na aliimoku me na wahi apana e lana ana iluna o ka ilikai a he nui aku no na poe i koe a=e lana nei n o ma ka moana.  E hala ana kekahi manawa mamua o ka loaa ana o ka papa hoike piha o na poino.  O na Rukini i eha a i pai aku ma keia mau wahi eia lakou ke malamaia nei e na kamaaina e noho nei ma ia mau aekai.

VLADIVOSTOK, Mei 30.  Ua hoikeia ae o na moku topido ame wawahi na moku i komo nui iloko o na hana lelekaua ana ame kalukuia ana o ko Adimarala Rojestvensky aumokukaua.

            Ua lelekaua aku keia mau moku makika i na moku Rukini iloko o ka paapu o na poka e kiia mai ana mai na pu kani  pinai aku a na Rukini.  Ua hooikaika aku na papu Rukini e kaupale aku i keia lelekaua ana, a ua holopono ma ka hoopiholo ana he hapa o ua aumoku makika nei.

TOKIO, Mei 31.  Ua paapio aku i ka moku waiahi Sayano o Iapana ka moku wawahi Buini o Rusia e lawe ana hoi ia Rojestvensky ame kekahi Adimarala e iho ma ka Poaono, o kaua a elua ua loaa i na palapu, pela no hoi he ewalu poe kanaka Rukini e komo pu ana me na palapu, pela no hoi he ewalu poe kanaka Rukini e komo pu ana me na ukali o ka moku lawe hae Suvaroff.

            Ma na lono liilii e loaa mai nei ua ikeia aia he 22 moku Rukini i poino.  He 400 koa Kepani i poino.  Ua eha ia o Adimarala Misu.  Ua manaoia ua hoohanaia ae na mokuluu ma keia kaua ana iho nei no ka manawa mua loa iloko o ka moolelo honua me ka holopono. 

VLADIVOSTOK, Mei 31.  Ua ku mai nei na mokukaua Almaz ame Gozny ianei.  O ka poe i ola mai i haalele aku hoi i ko Rusia aumokukaua i kinohi ua hoike ae lakou he elua mau mokukaua papa ekahi o Iapana i poino a he elua mokukaua holomama.

LADANA, Mei 311.  O ko Rusia mokukaua Gromoboi i puka aku mai Vladivostok aku, ua piholo mamuli o ka hookui ana me ka maina a ke Kepani.  Ua make o Adimarala Skrydloff ame ewalu haneri kanaka. 

ST. PETERSBURG, Mei 31.  Ke paha'oha'o nei ke Keena Kaua Moana.  He elua wale no moku o ko Adimarala Rojestvensky aumokukaua i ikeeia ae nei, oia ka mokukaua holomama Almaz ame Gozny (aole i paa ma ka papainoa) oia no hoi na moku i ku ae ma Vladivostok.

            O ka paa ana o kekahi mau moku Rukini oia kekahi hana ku i ke aloha o keia kaua.  Eia no ka aoao kaua ke mumale nei.  Me he mea la e hooholo e ana ke aupuni i kana hana e hana aku ai mamua o ke kaua ana ma Manhuria, e kau ko'iko'i nei hoi ke kaua io ae.

WASINETONA, Mei 31.  Ua kukala ae o Amebasoda Cassini e hoomauia aku ana no ke kaua.

VLADIVOSTOK, Mei 31.  Ua ku mai knei ka moku wawahi Bravi me 200 poe i koe mai ka

moku Oslabya.

ST. PETERSBURG, Mei 31.  Eia na nupepa ke hoopuka nei i manao ku e i ke aupuni, e olelo ana no ko Rusia kaa ana malalo o na kanaka kakaikahi ke kumu o ka haulehia ana.  Ua kahea ae ka Emepera ia Kiaaina Alexieff ame na Kuhina e ae o ka Ahakuka.  O na kuhina apau a koe aku na Kuhina Kaua ame Marina, ua kakoo lakou i ka hoopau ana i ke kaua.  Ua kaheaia ka ohana Imeperiala holookoa iloko o ka  ahakuku no ka hooholo ana ina paha no ka hoopau kaua, a i ole e kahea koke ia i halawai hui o ka lahui.  Ke ike nei ka Emepera i ke koikoi maoli o ke kulana e kau nei. 

TOKIO, Mei 31.  O na aliikoa Rukini i paapio mai ua lhookuuia aku nei akou ma o na palapala waiho meakaua la.  Ua laweia aku o Adimarala Rojestvensky no Sasebo a waihoia aku iloko o ka halema'i.  Eia oia ke waiho ma'i nei mamuli o ka no-ha ana o ka puniu poo a e okiia ana a hooponoponoia kono poo.  He puikaika loa no kona ano, aka ke manaolana ia aku nei e holo pono ana na hooponopono ana.

KO KUROKI KEENA KAUA, Iune 1.  Ua loaa mai i na koa ka lono o ke kaua moana aole nae i pihoihoi ae. 

TOKIO, Iune 1.  Ua hoopuka ae nei ka Emepera he palapala e hoomaikai ana ia Adimaala Togo ame ka Oihana Kaua Moana no ka laua mau hana kamahao.

VLADIVOSTOK, Iune 1.  O ka moku wawahi Torosiahtz, i pakele mai ka poino ae o ke kaua moana, ua ku mai nei ianei.

 

 

 

 

 

 

Ko Rusia Poino i Hoike ia i ke Kanikela Iapaa.

[Mai ka aoao ekahi mai.]

 

loaa a lelekauaia aku e ko kakou mahele eha ame elua o na moku makika.  Ua lelekauaia aku oia ma ia po e ko kakou mahele moku makika elua a loaa aku ua moku la i ke kakahiaka ae ua ili ma ka aekai hikina-hema o ka Mokupuni Urleung, mawaho ae o na aekai o Korea.  I ke ahiahi ana aku o ka la 27 ua paapio mai la i ko kakou moku wawahi Sazanami ma ka hema o ka Mokupuni o Urleung, ka moku wawahi Biedovy o Rusia, a maluna ona i loaa aku ai o Adimarala Rojestvensky ame kekahi adimanala okoa iho, o laua a elua ua loaa i na palapu, a ua loaa pu aku na ukali aliikoa mai ka moku lawe hae Gniaz Suvaroff. i hipoloia hoi ma ka la 27 ma ka hora 5:29 p.m. Ua lawepioia mai keia poe apau.I ka wa hoi e holoholo ana ko kakou mokukaua holomama Chitose ma ka akau, i ke kakahiaka o ka la 28, ua loaa aku la iaia kekahi moku wawahi o na Rukini a hoopiholoia.  Ua lelekaua aku hoi ko kakou mokukaua holomama Niitaka ame ka moku wawahi Murakumo, ma ke awakea o ka la 28, i kekahi moku wawahi o na Rukini a hiki i kona piholo ana. I kulike ai me na hoiki lehulehu, i loaa mai nei ame na hoike a na pio, o ka phpena o ke kaua mai ka la 27 mai a i ka la 29, ua like no ia me keia:  Kniaz Suvaroff,  Alexander III,  Borodino, Dmitri Donskoi, Adimarala Nakhimoff, Jemtihung, Adimarala Oushakoff, hookahi mokukaua holomama ame elua moku wawahi topido i piholo.  Ua hopupioia hoi na moku Nicholas I, Orel,  Adimarala Apraksin, Adimarala Senyavin ame ka moku wawahi topido Biedovy.  Ma ka hoike a na pio ua piholo ka mokukaua Osliabia ma ka hora 3 p.m. a ua piholo pu no hoi me ka moku Navirin.  Ma ka la 27 ua ikeia aku ua poino ka mokukaua Almaz, a e holo ana hoi oia me knoa ano pihopiho, eia nae aole i maopopo aku kona hopena.  Aole i loaa mai nei na hoike e pili ana i ka poino i loaa ae i ko kakou  mau moku, oiai aia no lakou ke noke mai nei no i ka huli.  Aole no hoi i maopopo ka huina nui o ka poino.  O ka nui o na poino ma ka mahele ekahi ua oi idi amua o ka eha haneri. Eia no  ke Keikialii Yoshihito olakino iloko o ka maikai.  Ua eha malan@ o Adimarala Misu ma ka la 27.         TAKAHARA

 

            Ke loaa nei na manao i ko Honolulu nei poe Kepani hanohano, o ka lanakila ana mai nei o Adimarala Togo oiaka mea nana e hapai ae ana iaia ma ke kulana Makuika.

            Ua hookomoia ae nei he oi ma ke Keena Puuku e ka hui mokuahi o Waila e hoopau ana i ka ku aa  o ia hui, a ke puka aku nei ka hoolaha a ka Puuku e noi ana i ka pie i kuleana iloko o ua hui nei e hele ae imua ona e koike ae i na kumu e ae ole ia ai ua noi la.

 

 

HOOLAHA MA KE KAUOHA.

TERITORI O HAWAII

KEENA O KA PUUKU, HONOLULU, OAHU

 

            Ma ka Hoopau ana i ka Wilder's Steamship Company. 

            Oia, Ka Wilder's Steamship Company, he hui i hoohuiia ae ku nei malalo a ma ka pono o na kanawai o ka Teritori o Hawaii, ua waiho pono ae ma kia keena i kulike ai me ke kanawai i hanaia a i hookaawaleia no ia mea, he palapala noi no ka hoopau ana i ua hui la i oleloia, pau pu me ka palapala hooia i hoopili pu ia i koiia ai ma ke kanawai.

            Nolaila, ma keia, ke haawiia aku nei ka hoolaha i ka mea a ika poe apau i kuleana a e kuleana nei i keia manawa ma na ano apau iloko o ua hui la i oleloia, o na hoohalahala ku-e apau i ka ie ana i ua noi la i oleloia e waiho ae ma keia keena ma a mamua o ka Poakahi, ma ka hora qw awakea, Iulai 31, 1905, a o kela ame keia mea e makemake ana o loheia e hele kino ae ma ke keena o ka mea nona ka inoa maloloiho h=nei, ma ka Hale Mana Hooko, Honolulu, ma ka hora 12 awakea o ka la i oleloia, no ka hoike ana i ke kumu, ina he mau kumu kehahi no keaha la e ae ole ia ai ke noi i olelo ia.    A.J. CAMPBELL, Puuku Teritoni o Hawaii.  Honolulu, Mei 29, 1905.

3070 -- Iune 2, 9, 16, 23, 30 -- July 7, 14, 21, 28.

 

 

TERITORI O HAWAII

KEENA O KA PUUKU, HONOLULU, OAHU

 

            Ma ka Hoopau ana i ka Hawaiian Lodge No. 21 of Fre and Accepted Masons.

            Oiai, ka Hawaiian Lodge No. 21 of Free and Accepted Masons, he hui i hoohuiia a e ku nei malolo a ma ka pono o na kanawai o ka Teritori o Hawaii, ua waiho pono ae ma keia keena i kulike ai me ke kanawai, i hanaia a i hookaawaleia no ia mea, he palapala noi no ka hoopau ana i ua hui la i oleloia, pau pu me ka palapala hooia i hoopili pu ia i kooia ai ma ke kanawai. 

            Nolaila, ma keia, ke haawiia aku nei ka hoolaha i ka mea a i ka poe apau i kuleana a e kuleana nei i keia manawa ma na ano apau iloko o ua hui la i oleloia, o na hoohalahala kue apau i ka ae ana i ua noi la i oleloia e waho ae ma keia keena ma a mamua o ka Pialua, Iune 27, 1905, a o kela ame keia mea e makemake ana e loheia e hele kino ae ma ke keena o ka mea nona ka inoa malalo iho nei, ma ka Hale Mana Hooko, Honolulu, ma ka hora 12 awakea o ka la i oleloia, no ka hoike ana i ke kumu, ina he mau kumu kekahi, no keaha la e ae ole ia ai ke noi i oleloia.

A.J. CAMPBELL,

Puuku Teritori O Hawaii, Honolulu.  Aperila 24, 1905.

3065 -- Apr. 28; May 5, 12, 19, 26; Iune 2, 9, 16, 23.

 

 

HOOLAHA AINA AUPUNI.

 

HOOLAHA AINA AIUPUNI

 

            Ma ka Poalima, Iune 9, 1905, ma ka hora 12 awakea, ma ke alo iho o ka Hale Hookolokolo, Honolulu, e kuaiia aku ai ma ke Kudala Akea na hoolimalima o na aina i hoikeia malalo iho nei:

1.  1075 eka oi iki a emi mai, o ka aina kula o Nakula, Kaupo, Maui.  Manawa, he 21 makahiki mai Sepatemaba 1, 1905.  Uku-holimalima haahaa $50.00 no ka makahiki hookahi, e uku hapalua makahiki mua ia.

2.  2400 eda, oi iki a emi mai, o ka aina kula o Opihihale, Kona Hema, Hawaii.  Manawa, he 21 makahiki mai Iune 9, 19905.  Uku-hoolimalima haahaa $250.00 no ka makahiki hookahi, e uku hapalua makahiki mua ia.

            No na kii-aina ame na mea e ae, pili i na aina ame na kahua o ka hoolimalima e noi ae ma ke Keena o na Aina Aupuni, Honolulu.     JAS. W. PRATT,

Komisina o na Aina Aupuni.  Honolulu, Mei 9, 1905.

3067 -- May 12, 19, 26 -- June 2, 9.

 

 

 

HOOLAHA AINA AUPUNI

 

            Ma ka Poakahi, Iune 26, 1905, ma ka hora 12 awakea ma ke alo iho o ka Hale Hookolokolo, Honolulu, e kuaiia aku ana ma ke kudala akea na hoolimalima o na aina i hoomaopopoia malalo iho nei:

1.  80 eka emi a oi iki, o ka aina o Makaka, Kau, Hawaii, i hoonohopapaia e like me ia  malalo iho:

            72 eka aina-mahi ame 8 eka aina-kula ame aina waiho wale iho no e waiwai ole ai ka hoohana ana.

            Manawa he eha (4) makahiki mai Mei 1, 1905 mai.

            Uku hoolimalima haahaa he $255.00 no ka makahiki, e uku hapalua makahiki mua ia.

2.  224 eka oi iki a emi mai o ka aina o Kaalaala, Kau, Haiaii, i hoonohopapaia e like me ia malalo iho:

186 eka aina-mahi ame 38 eka aina-kula ame aina waiho wale a waiwai ole no ka hoohana ana.

            Manawa hoolimalima he elima (5) ma kahiki mai Iune 5, 1905, aku.

            Uku hoolimalima haahaa he $470.00 no ka makahiki, e uku hapalua makahiki mua ia.

3.  467 eka, oi iki a emi mai, o ka aina o Moaula, Kau, Haiaii, i hoonohopapaia e like me ia malalo iho:

292 eka aina-mahi ame 175 eka aina-kula ame aina waiwai ole no ka hoohana ana.

            Manawa hoolimalima he elima (5) makahiki mai Iune 15, 1906 aku.

            Uku hoolimalima haahaa he $900.00 no ka makahiki, e uku hapalua makahiki mua ia.

            No na palapala aina ame na mea e ae e noi ae i ke Keena o na Aina Aupuni, Honolulu.                 JAS. W. PRATT,

            Komikikina Aina Aupuni.  Honolulu, Mei 26, 1905

3070-- June 2.  9.  16.  23

 

 

 

 

HOOLAHA HOOKO MORAKI

 

HOOLAHA MANAO E PANIKU ME KUAI.

 

LIZZIE KAINANA PUAHI.

 

            Mamuli o ka mana o ke kuai i paa iloko o kekahi palapala morakai o ka la 14 o Ianuari, 1903, i hanaia e a mawaena o Lizzie Kainana Puahi o Honolulu, Oahu, Teritori o Hawaii, Mea Moraki Mai, ame Frances I. Crehore o Boston, Masschusetts, Mea Paa Moraki, a i kakaukopeia iloko o ke Keena Kakaukope, Oahu, iloko.

 

 

HOOLAHA HOOKO MORAKI

o ka Buke 243 aoao 169-172, a mamuli o na Pauku 2161 ame 2162 o na Kanawai Hooponoponoia o Hawaii, 195, o Frances I. Crehore (w) i oleloia, Mea Paa Moraki, ma keia ke haawi nei i ka hoolaha ke manao nei oia e maniku i ka moraki i oleloia no ke kumu i uha'iia e hoike ana:  o ka uku ole ia o ka ukupanee maluna o ka nota aie o ka Mea Moraki Mai i oleloia i pili a i paa iloko o ka moraki i oleloia, i ka manawa e uku ai.

            Ke haawai pu ia aku nei no hoi ka hoolaha o na aina pakahi apau loa i paa a i hoakakaia iloko o ka moraki i oleloia ame na hana hou maluna iho, a i hoakakaia mahope ae nei, e kuaiia aku ana ma ke kudala akea ma na keena kudala o James F Morgan, Alanui Kaahumanu, iloko o Honolulu, ma ka Poaono, ka la ekolu o Iune, A.D. 1905, ma ka hora 12 awakea o ka La i oleloia.

            O ka waiwai i paa iloko o ka moraki i oleloia a i manaoia e kuai aku e like me ia i hoike mua ia ae nei, oia keia:

            1.  O kela mahele o ka aina i kapala o Kawaaloa e waiho la iloko o ka Ili o Apili, Kalihi, Mokupuni o Oahu, Teritori o Hawaii, oia no hoi ka apana 15 o ka L.C. A. 803, Palapala Sila Nui 604 ia Alexander Adams iliaina 73.6-10 eka.

            2.  O kela poe mahele o ka aina e waiho la iloko o Kalihi i oleloia oia no hoi na apana 2 ame 3 o ka L.C.A. 1801, Palapala Sila Nui 3288 ia Naai.

Apana 2: He owawa maia kalo ame ko ulu iloko o Huea, Kamananui, Kalihi, Oahu, iliaina 2 eka.

            3.  O kela mahele o ka aina e waiho la ma Kaakopua ma Alanui Emma iloko o Honolulu i oleloia,  oia no hoi ka hapa o ka Apana 27, i hoakakaia iloko o ka Palapala Sila Nui 2220, L.C. A. "B" ia Waikane.  Nona ka iliaina o 3285 kapuai kuea.

            4.  O kela mahele o ka aina e waiho la ma Keneloa, Waikiki, ma ka Mokupuni o Oahu i oleloia nona hoi ka iliaina o 6 59-100 kaulahao, oia no hoi ka hapa o ka Palapala Sila Nui Helu 2837 L.C.A. 6088 ia Manamana no Kapaole, a i hoakaka pono loa ia iloko o ka palapala kuai o Moses Puahi ia Mrs. Lizzie H. Hiram i hanaia i Iune 18, 1891, i kakaukopeia iloko o ka Buke 130, aoao 369, ame na aina e ae e waiho la iloko o Kaneloa i oleloia a ka Mea Moraki Mai i oleloia i loaa ai he poo kuleana maopopo maoli maluna o lakou.

            Ma ke dala kuike ka makemake a ma ke dala Amerika no hoi a ma ka aoao o ka mea kuai mai na lilo palapala apaul

            No na mea aku i koe e ninau ae ia Balou ame Marx, Stangenwald Building, Honolulu , na Loio o ka Mea Paa Moraki.

            Hanaia ma Honolulu Mei 12, 1905.

            FRANCES I. CREHORE,

            Mea Paa Moraki.

            3067 -- May 12, 19, 26 -- Iune 2.

 

 

HOOLAHA HOOKO MORAKI

 

            Mamuli o kekahi mana kuai i hoike ia maloko o kekahi palapala moraki i hanaia mawaena o Yong Hee, Yng Lum me kekahi poe e aku, ma ka inoa hui o Kwong Yee Wai Co., o ka aoao mua, ame Yong In oia o Y Ah In, o ka aoao elua, ma ka la 2 o Okatoba, M. H. 1902 i kakaukopeia ma ka buke 237, aoao 483, a mamuli o ka uha'iia ana o na kumu aelike o kela moraki, oia hoi ka uku ole ia o ka ukupanee me kekahi uaha'i e ae, nolaila, ke hoolahaia aku nei e ka mea nona ka aoao elua o ua moraki nei, e hooko ana oia ia mana kuai.

            A ke hoolaha hou ia aku nei aia mahope aku o na pule ekolu mai keia la aku, alaila, e hoolahaia aku na waiwai i hoikeia ma ia moraki no ke kudala ana, ma ke keena kudala o Fisher, A les Co., ma Honolulu, ma ka la 3 o Iune, 1905, hora 12 o ia la.

            Aia ma kahi o Kakela me Wikinekona na olelo hoakaka no keia mea.

            Hanaia i keia la 2 o Mei, 1905.

            YONG IN (a i Y. AH IN),

            Mea Moraki Mai.

            Penei ka waiwai i moraki ia:

            1.  Palapala Hoolimalima o Kawaihapai, o W.R. Castle ia Lam Sing, i hanaia ma ka la 8 o Sepatemaba, 1890, a i kakaukopeia iloko o ka Buke 128, aoao 176.

            2.  Palapala Hoolimalima a Napuakau ame kekahi poe e iho ia Wing Fat Wai, ma ka buke 128, aoao 184.

            3.  Palapala Hoolimalima a Mokuhia ia Wing Fat Wai ma ka Buke 128, aoao 187.

            4.  Palapala Hoolimalima a Hattie Kekino ia Ah In, ma ka Buke 185, aoao 358.

            5.  O na hale apau e ku ana maluna o ua poe aina nei i oleloia, na holoholona hana, na mea hana, na lakohale, na meaulu e ulu ana a okiia, na puaa, na moa ame na manu hanai e ae ame kela ame keia ano a kuhikuhi o ka waiwai, oia no hoi ka hapa o ka mahilaiki e malama a hoohanaia e Yong He ame kekahi poe e iho i oleloia malalo o ka inoa o ka Hui Kwong Yee Wai ma Kawaihapai i oleloia.

3066 -- May 5, 12, 19, 26 --- June 2.

 

HOOLAHA MANA HOOKOLOKOLO

 

ILOKO O KA AHA KAAPUNI, APANA HOOKOLOKOLO EKAHI O KO HAWAII PAEAINA.  MA KA HANA O KA WAIWAI O MAUI (k) O HNOLULU, OAHU, I  MAKE KAUOHA OLE.

 

            Ma ka heluhelu ana i ka palapala poopii a Wm. A Kala, he kaikaina ma ka hanauna o ka mea i make, e hoike ana ua make kauoha ole o Maui (k) o Honolulu i oleloia, ma Honolulu i ka la 23 o Aperila.  M.H. 1905, a e nonoi ana e hookohuia oia i lunahooponopono waiwai nolaila

            Ua kauohaia o ka Poakolu, la 19 o Iune, M.H. 1905, hora 10 kakahiaka, ma ka rumi hookolokolo o ua aha la, ma Honolulu, oia kahi ame ka manawa e hoolohe ia' i o ua palapala hoopii la, ame ka poe apau i makemake e hoike mai i kumu a mau kumu paha, no keaha la e ae ole ia'i kana hoopii. Na ka Aha:

            Kakauia Honolulu, T.H. May 17, 1905.

            George Lucas, Kakauolelo, May 26 -- June 2, 9.

 

 

 

NA PAIO ANA.

 

            O ka loaa like ana o ka holomua, ke ola ame ka oluolu mai ka laau Chamberlain's Colic, Cholera ame Diarrhoea i na makua ame na keikioia ka mea nana i alako aku i keia laau e laweia ma na home apau, nolaila aole on@ hoapaio e like ai, a o ka poe apau i lawe mau iaia ua maopopo ia lakou aole ona lua e like ai.  Ke kuaiia nei e BENSON, SMITH & Co, Ltd., na agena ma ko Hawaii Paeaina.

 

 

HOOLAHA KUMAU

 

Kakela me Kuke

[KAUPALENAIA]

Poe Kalepa ma ke Komisina

A HE

Poe Lawelawe Kopaa.

Poe Agena no na ma hiko Lehulehu

 

 

Hui Alahao ame Aina o Oahu

MANAWA HOLO

Oct. 6  1904

 

MAI HONOLULU AKU

No Waianae, Waialua, Kahuku ame na wahi hoolulu ma ke alahao  *9:15 a.m.,  *3:20 p.m.

No Pearl CIty, Ewa Mill, ame na wahi hoolulu ma ke alahao   +7:30 a.m., *9:15a.m., *11:05 a.m., *2:15 p.m., *3:20 p.m., *5:15 p.m., ++9:30 p.m., ++11:15 p.m.

 

MAI WAHO MAI.

Ku i Honolulu mai Kahuku, Waialua, ame Waianae mai *8:36 a.m.,  *5:31 p.m.

Ku i Honolulu mai Ewa Mill ame Pearl City mai +7:46 a.m., *8:36 a.m., 10:38 a.m., *1:40 p.m., *4:31 p.m., *5:31 p.m., *7:30 p.m.

 

*Kela ame keia la.

++Sabati wale no.

+Koe ke Sabati

G.P. DENISON,

Lunahoohana

F.C. SMITH, G.P. & T.A.

 

 

Na Kia Hoomanao ame na Pa.

No kou ilina e mau loa ana

No na mea aku i koe ame na kumukuai e ike ae ia

J.C. AXTELL.

Helu 1048 Alanui Alakea

 

 

O KE

Koko Ino ka mea e loaa ai na Pilikia ma ke Kino.

E Heluhelu i keia mau Manao.

O KA LAAU

AYER'S SARSAPARILLA

--KA laau nana e hookaawale na ma'i ino mai kou koko aku.  He laau hoonoono ai, a he laau e hooikaika naa i kou mau lala apau  O ka Laau Ayer's Sarsaparilla ka laau kaulana loa a puni ke ao holookoa.  Ina e hoomau ia ka lawelawe ana i keia laau e loaa ana ka ke ola kino maikai a me ke koko maemae, hoi hou mai ka ula o kou mau lehelehe, pu'ipu'i maikai kou mau palapala, a loaa ke kulana ola kino maikai.  

            He loaa na pu'u paa o ke kino i ka laau Ayer's Sarsaparilla, e hoopakele ana mai ka ma'i puu paa (Brights' Disease ame na ma'i oia ano.  Ke koi ikaika aku nei makou e lawe ia keia ano laau ma kahi i ike ia na ma'i Puu paa apau.

            Hoomakaukau ia e Kauka J.C. Ayers & Company, Lowell, Mass., U.S.A.

            E loaa no keia mau Huaale ma na hale kuai laau apau.

 

 

 

Kauka Mitamura

 

Alanui Kukui Ololi Helu, 68, Honolulu.

Na Hora Hana:

            Hora 9 a.m. a 12 m; 5 p.m. a 7 p.m koe ke Sabati.  Sabati ma ka hooholo ana.

Telephone Blue 3466    P.O. Box 842.

 

 

HUI HOOLEWA HONOLULU

 

            Ke hoo@a@o nei keia hui i kana mau hana kokua i kona mau la@a, a ke pu mau nei i keia ame keia la.    J.H. TOWNSEND,  kakauolel@