Ka Nupepa Kuokoa, Volume XLIII, Number 18, 5 May 1905 — Akahi no a Hoomaka o Rusia i ke Kaua. [ARTICLE]

Akahi no a Hoomaka o Rusia i ke Kaua.

Maluna o ka mokuahi Sierra i hala aku ia no Amerika i ka Poalua nei. i ikeia ai kekahi o na generala o Rusia e hoi ana no Rusia no ke komo ana aku i na hana o ke keena kaua. O keia kanaka oia no o Generala Shamowski. Aole oia i komo ma ke kaua me lapana, aka oia kekahi o na alakai 0 na pualikoa e ku la ma na palena o Inia, a malaila oia i noho ai a hiki i -ka make ana o kana wahine ame kana keiki.* -1 kona manawa i hoikeia aku ai ina lono teiegarapa i loaa ae ma ia la e pili ana i ko Togro manao ole e kaua aku, ua olu iho la kona noonoo, a ma na kukai olelo ana me ia i loaa ae ai keia mau olelo: "O keia kaua ma ko makou aoao akahi no a hoomakaia. E ae aku ana no wau ua makaukau ole maoli no makou i ka manawa i ala mai ai ke kaua. Aole makou i manao e hlki ana a e kaua mai ana na Kepani. Ma keia ua loaa mai i makou he haawina awaawa s hoomanao mau ia aku ai. Ua a'oia mai o Rusia ma keia e paa mau 1 na mea kaua a e makaukau niau no ke. kaua, me ka nana ole ae i kulana o ke ao nei. Ma keia hope aku e vc\a,kaukau ana makou e halawai me na lahui anau e hoao mai ana. "Eia o Rusia ke hoomakaukau nei no ke kaua, me he mea la aole no he <kaua i ala mua ae. I ko Rusia manawa e -makaukau ai, alaila oia ka manawa e loli ai ka moolelo. I ko makou manawa e makaukau hou ai e kaua gtku no makou i na Kepani a lilo ia makou ka lanakila. "TJa ike iho wau ma ka lono telegarapa i keia J a aole e kaua mai ana o Togo. He mea oiaio paha ia, no ka mea i ka manawa e haule ai o Togo ma ke kaua, alaila oia no ka manawa e maalo aku ai ko lapana manaolana a ia manawa e haulehia ai ua emepaea la malalo o na kapuai wawae o Rusia. Mamua āku nei ua oi aku ka nui o na Kepani mamua o na Rukini ma ka aina a ma ke kai. Ua ikeia ka oiaio o keia ma lalu, Sha-ho, Poto Ata. Mukden ame na wahi e ae. Ua kaawale loa makou mai ko makou kahua e loaa mai ai ko makou mau lako. Ona pua o ko Rusia pualikoa aole lakou i hiki ae ma Manchuria, aka aole he hoohewahewa ana ae e hiki ae ana lakou i keia kau la ae. "E hiki mai ana ka manawa e ili ai o lapana. maluna o 'ka pohaku o kona manaolana ame kon iini'e lilo i mana ikaika ma ke ao nei. E hiki mai ana paha ia manawa iloko o hookahi makahiki mai keia manawa aku a i ole iloko paha o umi makahiki, a i ka wa e hiki mai ai ia manawa e mahelehele liilii ia ana ka Emepaea o lapana. E komo ae ana oia iloko o ke kaua me kekahi mau mana aupuni e ae, me he mea la me Farani paha, Geremania paha, a malia o Amerika pu no kekahi. O kona iini nui oia ka hoonee ana aku iaia ma o a maatiei, e kaili a e lanakila maluna o kekahi mau teritori. I keia manawa ma ko Ru?ia aoao akahi no oia a hoomaka i ke kaua."