Ka Nupepa Kuokoa, Volume XLIII, Number 17, 28 April 1905 — Page 1

Ka Nupepa Kuokoa

KE KILOHANA POOKELA NO KA LAHUI HAWAII.

@ Helu 17  NA PEPA KUOKOA, April 28, 1905   NA HELU APAU 3065

 

MAKE KA BILA WAIONA

 

Aka, Hookomo Kou o Holstein i ua Kupuino Nei

no ka Lua o ka Manawa

 

No ka Hoopapau Hana i Loohia ai ka Peresidena Senate i ka

Nawaliwali a Alakaiia ka Senate e Kona Hope

 

KA SENATE

 

            La Hana 51, Aperila 17. C Ma keia la hana o ka Aha ua noonooia ae ka bila a Dickey oia ka bila Senate 139, pili i ka hoololi i kekahi mau olelo o ke kanawai kalana, pili i ke kapae ana i na luna helu auhau ame luna ohi auhau, a e waiho ana i ka ohi ana i ka Teritori a hooholoia no hoi ka bila i makaukau no ka iho aku i ka Hale o na Lunamakaainana.

            Mawaho ae o keia bila pili i ke kanawai kalana ua noonoo pu @ ka bila Senate 138 pili i ka hoolako ana i na kalana me na @ na dala mai ka Teritori aku, a waihoia ke kumuhana iloko o ke komite o na ala me loaa i ka wa o kona heluhelu ekolu.

            Na ke komite kuikawa mai ma o Bishop la i waiho mai he hoike @ maluna o ka bila Hale 52 pili i ke noi a ka Hui Kelepona Standard e loaa iaia i kuleana hoomoe uweaolelo iloko o Oahu, a waihoia ka hoike ma ka papa no ka noonoo pu ana me ka bila.

            Hapaiia ka noonoo ana o ka bila Senate 122, oia hoi ka bila haawina no na oihana aupuni a mahope o ka hoololiloli haawina @ ana na hooholoia ae la ua kumuhana nei ma ka heluhelu ekolu me na hoohalahala ole.

            Mahope o ka hoopanee ana i ka noonoo ana o ka bila Hale 183, no ka noonoo hou ia i ka Poaono, ua hookomo bila mai la o Achi e hoololi ana i ka Pauku 1634 o na Kanawai Hooponoponoia a pau no hoi i ka heluhelu ekahi; a na Paris i waiho mai he bila e hoololi ana pili i na holoholona helewale i hoopaaia a pau no hoi i ka heluhelu ekahi a waihoia i ke komite pa # i no ke pa # i ana.

            Na Hewitt i hookomo bila pili i ka hoopololei hou ana i ka bila i vitoia a a # ekuia ai e ha Hale, he kanawai hoi i pili i na kau aha hookolokolo kaapuni a hoopaneeia ka noonoo ana i ka vito a ke Kiaaina maluna o ka bila pili i ka uku o na kiure.

            Na ke komite hooponopono i waiho mai he hoike komite maluna o ka bila pili i ka pooleta hoopukapuka a hooholoia no hoi ka olelo hoohoolo a Achi pili i ka hookaawale ana i kekahi mau Dala no ka waihona aina ma ka heluhelu ekolu me na hoohalahala ole a heluhelu ekoluia no hoi na bila Senate 134, ame 136, a o ka bila 124 ka i waihoia ma ka pana.

            Na ke komite hookolokolo i waiho mai he hoike maluna o ka bila Senate 98 pili i ka uku ana o na auhau i na luna helu o na kalana, e noi ana ke komite e waihoia ka bila ma ka papa a aponoia ka hoike komite.

            Na ke komite hookolokolo no he hoike waha ma o Achi la maluna o ka bila Senate 70, e hoike lokahi ana i na hoololi a ka Hale maluna o ua kumuhana nei, a aponoia ka hoike waha a ke komite a o ka holo no hoi ia o ka bila.

            Noonooia ka bila Hale 75 a hoomoeia ma ka papa ma ke noi a Dickey a holo no hoi ka bila Hale 185 ma ka heluhelu elua mahope iho o ka noonoo pu ana me ka hoike komite.

            Ma ke noi a Achi ua noonoo hou ia ae ka bila Hale 146 i hooholo heluhelu ekolu ia ai, a mahope o ka hoololi ana i ke poo o ke kanawai ua hooholo hou ia ae la ua bila nei.  Pepehiia a make loa ka bila Hale 180 ma kona wa o ka heluhelu elua ana, aka ua hooholo aku ka Aha i na bila Senate 108, 148 ame 45, a holo no hoi ka bila Senate 137 ma ka heluhelu ekahi a waihoia i ke komite hookolokolo no na pea pili i ka manao kanawai.

            Hapaiia ka noonoo ana o ka bila Senate 123 a holo ma ka heluhelu elua a hoopanee no hoi ka Aha.

 

KA HALE

 

            La Hana 52, Aperila 17. C Mamua o ka hoopanee ana o ka Hale i ka hora elima o ke ahiahi o keia la hana ua hoopuiwa ae o Lunamakaainana Holstein ma ka hookomo ana i ka bila waiona ana hoi i hookomo ai i ka wa i kinohi o ke kau a hoihoi ia mai hoi e Ka Senate me kona mau ano pohihihi mamuli o na hoololi i okomoia.

            Na Harris i hookomo bila pili i ka hoiliili waihona no na aie @na.

            Ma ka hapanui o ka auwina la ua noho ae la ke Komite Hale ma ka lilo ana o ka hanohano noho lunahoomalu ia Smith a noonooia ka bila haawina no na oihana aupuni e pau ana i Iune 30, 1905.  A i ka hookuu ana o keia komite hale ua noho hou ae la ka Hale ma ke ano komite hale a noonooia ka bila laikini malalo o ka noho lunahoomalu ana o Lunamakaainana Sheldon.

            Ma ka noho hou ana ae o ka Hale ma ka hookuu ana o ke komite hale ua heluheluia ae la ka olelo hooholo hui a ka Senate pili i ke noi i ka Ahaolelo Nui aole e kaupalenaia na eka aina o ka hoomana i ke kaukini eka wale no a pau no hoi i ka heluhelu ekahiia.

            He leta na Mr. Trent i ka Hale e hooaiai kokua aku ana i ke kumuhana pili i ke noi hoomoe uweaolelo a ka Hui Kelepona Standard he hooaiai kokua hoi na ka Hui Oihana Kalepa, a kauohaia ke kakauolelo Hale e pane aku i ua hui la i ka hooholo ana o ka Hale i ua bila la.

            Ma ka noonoo ana na apono ae ka Hale i ka olelo hooholo a ka Senate e noi ana i ke kakauolelo Teritori e pa # i ia ke kanawai kalana me na pakui apau i ka wa e pau ai ke kau Ahaolelo i 1500 kope ma ka olelo Beritania a 3000 kope ma ka olelo Hawaii.

            Lokahi ka manao o ka Hale maluna o na hoololi i hookomoia e ka Senate maluna o ka bila Hale 94, a heluhelu elua ia hoi ka bila pili i ke kupono ole o na lunakanawai aha kiekie, a apono hoi ka hale i ka olelo hooholo e koho ana i ekolu mau kauka no ka nana ana i na ma # i hoohuoiia ma Kalihi.

            Na Coelho i hookomo mai he mau palapala hoopii mai ko Moloia poe mai, he elua lana C o ka mua pili i ke noi e hoonoho aku i kauka aupuni no lakou ilaila a o ka lua pili no ia i ke kuai ae i ka uwapo o Kaunakakai no ka lehulehu.

            Holo ka bila a Coelho i hookomo ai no ka pakui ana i ka bila i hooholoia i ke kau kuikawa pili i ke kukolu hale aupuni no Wailuku a no Lihue.  Ua hooholoia # ae ua bila la ma ka heluhelu ekolu.

            Na ke komite wae i hoike mai pili i kana hana o ka waihoia ana aku iaia e nana e hana a e imi pono maluna o na hui imiloaa ma

Nana ma ka aoao eha.

 

 

 

NA A # O LALAU A IA HAWAII.

 

Imi Balota Ma-lu no ka Holo Moho Kalana Ana

me na a # o Haihai Kanawai.

 

Hoao e Kulai i ko Makai Nui Henry Manao Hoopono, Kaulaiia

Nae na Iwi o Hua i ka la.

 

            O keia leta malalo iho nei oia ka leta i loaa ae ia Makai Nui Henry e pili ana i kana mau hana e hana aku ai, ke lilo ae oia moho kalana, i ka wa e malamaia ai na hana hooikaika koho balota Kalana:

Hamuku Kiekie William Henry, Honolulu, T. H.,

            Aloha. C E ae mai e lawe aku i ka # u mau kuhikuhi no ke kokua ana i kou ikaika holo moho Ilamuku Nui no ke Kalana, a oia keia.

            1.  O na kanaka Hawaii ona apau i hoopaaia mai iloko o ka Halewai me ka hoeha ole aku i kekahi, e hookuu aku mai hoopa # i, a e a # o aku e koho ia oe (koe ka mea koho balota ole).

            2.  Mai hoouna i kou mau kiu (spies) e hopuhopu i na kanaka Hawaii kuai waina laikini ole i keia mau la a hiki i koa puka ana, a mahope aku o ia wa, e hopuhopu ia ai;

            3.  Ina ua hoopii mai ka wahine a kekahi mea koho balota imua eu, e hooikaika oe e hoomalielie loa i pau kona piena, a e koho aku oe i ke kane e koku ia oe ma ke ano luna hooikaika.

            4.  O na uluaoa e ae apau i poino eole kekahi me kekahi e hoopau koke oe me ka hele ole imua o ka Aha, a e noi aku ia lakou e koho ia oe, a i ole i ka balota Repubalika (koe na poe koho balota ole);

            5.  E hoopau koke aku i ke alualu ana i na ilio a ka poe koho balota.  He hana ehaeha loa kela a # u i ike ai e hoomau ia nei.  O na ilio apau i paa e hookuu koke aku aole poho ke aupuni aka, he wahi hana hoopakalaki nae i na poe hooikaika balota.

            6.  E hoolauna ia oe me kela ame keia kane koho balota, a i oi loa aku me kana wahine no keia mau la, aole ma ke ano launa hewa, aka, he makua oe.  He wahi maunu ia.  Kokua liilii i wahi mea inuke;

            7.  O na poe ona apau i hoopaaia mai e ninau aku i ko lakou aoao kalaiaina, a ina he Home Rula a i ole Demokarata paha, e hoopa # i aku, no ka mea, aole balota o na Repubalika ia lakou.  Aka ina e ae mai e koho ia oe ame kou hope, alaila, e kuu aku, a i koho ole, e nana pono i ua kanaka wahahee la, a ke hopu ia mai a ku i ka hewa, hoopa # i nui.

            8.  E hele oe i ka pule ma Kawaiahao a e launa pu me ko ke Akua poe i na la Sabati apau, a na ke Akua no e kokua mai ia oe.

            He nui no ka # u mau mea i makemake ai e a # o aku, aka, ua manao au o luhi oe, no ka mea, he olelo Hawaii, aole o kau olelo ponoi e hikiwawe ai.

            E kala mai oe i keia kakau penikala ana, he hemahema no.  E hoohala nae oe ma ko # u hoike ana aku, aole e puka o Mr. Crabbe ua hana hewa aku oia i na Poola ame kekahi poe oiai oia he Senatoa.

            Ke lana nei no wau e wae ana na Elele Repubalika ia oe i moho Hamuku Kiekie.  E hilinai aku i ke Akua.  E hoonaauao aku i kou Hope e hoopau ka hopuhopu ana a na makai i na Hawaii kuai rama a pela aku;

            E kala mai oe ina ua hoouluhua aku au ia oe ma keia.

Me ka mahalo,

J. W. MIKASOBE

Kekahi Kapena kahiko o ka Apana Eha Mahele Koho Ekahi o ka Aoao Repubalika.

Kamoiliili, Aperila 24, 1905.

 

Aole i Halawai na Mokukaua.

 

            ST. PETERSURG, Apr. 21. C Ua waihoia aku nei ke kauoha no 400,000,000 poka pu raifela.  Eia na ninau ana ma na aina e i mau mokukaua.  Ua hoikeia ae ua kuaiia na mokukaua o Amerika Hema.  Ma na hoike i loaa mai nei mai ke kahuakaua mai eia no na pualikoa Kepani ke nee nei no ka akau, o ka pualikoa kaulio no mamua.

            KANAHAI, Apr. 21 C Ua lono lauahea wale ia ae ua hala ae ko Rojestvensky aumokukaua ma ke kowa o Formosa.

            ST. PETERSBURG, Apr. 22. C Ua hoikeia ae maanei ua holo aku nei ka mahele mokukaua elua no Vladivostok.

            TOKIO, Apr. 22. C O ka manao laula i loaa ae maanei aia no na Rukini ma ke kaikuono o Kamranh.  O na manao e hoopukaia nei e na nupepa no Farani he ku i ka awaawa.

            Ua hoopukaia ae he kuahaua e paa ana no na hana kiai i na koa kahiko e aneane nei i ke hopena o ko lakou mau manawa hana.

            Ua hoikeia ae nei eia ko na Rukini mau pualikoa ke houluulu nei ma ke kaikuono o Possiet no ka manao e kaupale ia Vladivostok.

            SAIGON, Apr. 22. C Ua kauohaia aku nei ka mokukaua holomama Diana o na Rukini, kekahi hoi o na moku i holo ai mai Poto Ata mai, e lawe ae i kona mau mea kaua.

            PARISA, Apr. 22. C Ua hauoha aku nei ka Emepera ia Rogestvensky e haalele iho i na kai o Farani.

            MANILA, Apr. 22. C Ua hoikeia mai i ko na Kepani Kanikela, ma keia kulanakauhale aia ko Adimarala Togo aumokukaua maoli ke noho nei ma ka hema o Fomosa.

            ST. PETERSBURG, Apr. 22. C Ua hoikeia mai aia na mokukaua holomama Rossia, Gromoboi ame Bogatyr, o ko Rusia aumokukaua ma Vladivostok, ke holoholo ia mawaho o ia awa.

            PARISA, Apr. 22. C Ua holo aku o Adimarala Rojesvensky mai ke kaikuono aku o Kamranh, mauli o ke koi ikaika a ka mana aupuni o Farani, a ma ia ano iho la i hookaawaleia ai ke kaumaha maluna o ke kulana noho launa ana.  Aole i maopopo kona wahi i holo aku nei.

            SAIKON, Apr. 23. C Ua hoole aku ko Farani mana aupuni i ka haawi ana aku i ka lanahu i ko Rusia aumokukaua a oi aku mamua o ka piha lanahu e hiki ai ia lakou ke holo aku no ke awa kokoke mai.

            SAIGON. Apr. 24. C Mahope iho o ka haalele ana iho o Rojestvensky ia nei ua loheia aku ke kani nui ana o na pukuniahi, i manao wale ia aku he mau kipu ana paha na na moku kiu.

            MANILA, Apr. 24. C O na mokukaua ekolu i ikeia aku ai mawaho ae o Corregidor ua manao ia aku lakou he mau moku Iapana.  Ke manaolana ia aku nei e hiki mai ana o Adimarala Kamimua ma keia mau kai.

E nana ma ka aoao ewalu.

 

 

KA HUI KINAI WAIONA

 

E Koho Okioki na Karistiano Oiaio i na Moho

o na Aoao Kalaiaina ma Keia Mua Aku.

 

Ka Wiwo Ole o na Hoa Ahaolelo i na Karistiano a Maka # u

Hoi i ka Poe Kuai Waiona

 

            Ma ka po Poakahi nei i malama ae ai ka Ahanui Kinai Waiona i ka halawai makahiki a kohoia na lunanui hoa no ka makahiki e nee aku nei.  Ma keia halawai i haiolelo ae ai o Rev. W. D. Westervelt, ka peresidena mua o ia ahahui, a ma kana haiolelo i puka ae ai kekahi mau olelo e pili ana i ke koho nana i na lala o na Ahaolelo ma keia mua aku.  Penei kekahi mau olelo ana i hoopuka ae ai:

            “Iloko o keia mau makahiki elua e nee mai nei he mea pono ia kakou ke hookomo aku i keia manao he hana na kela ame keia makaainana o Honolulu nei e koho okioki ai i ka paa balota o ka aoao kalainana, a e hoolilo aku i keia i kumuhana ano nui ma ka kakou hana hoole waiona.  O keia ka manawa a kakou e hoike aku ai i na alakai o na aoao kalaiaina he hiki no i na poe koho balota Kristiano ke kuokoa no lakou iho a e koho ana lakou i na kanaka maikai wale no.”

            O kekahi o na manao ana i makemake ai e hoomaopopo na lala o ka Ahahui Kinai Waiona, oia no kela mau manao ano nui a Mr. Woolley i hoike mua ai, oia hoi aole e hiki i ke Aupuni Teritori ke kuai aku i ka pono ame ka lunaikehala o ke kanaka no ke dala, ma ka piepiele ana me na laikini kuai waiona.  Ua olelo pu ae oia o ka hilahila o na hana e hanaia nei maanei ke mohala aku nei ia iwaena o ka poe e noho mai nei ma Amerika a ke ike mai nei lakou i keia mau mea.  Ma keia haiolelo ana no hoi i hoike ae ai o Mr. Westervelt i kona halawai ana aku me kekahi o na lala o ka Ahaolelo e noho nei a kamakamailio pu laua i na mea e pili ana i ka ninau waiona, ua pane aku ua lala la iaia, “Ua haalele aku makou i ke Kanawai koho balota i ka laikiniia o ka waiona, a aole hoi he mea e hanaia ana no ia mea ma keia kau.”  Ua hoike hou ae oia i ka 1904, i ka manawa i hookoia ai ke kanawai koho balota laikini kuai waiona ma Ohio na make iho he 793 mau hale inu rama, a he haawina hoi keia e hoike mai ana i ke kupono o ia kanawai no Hawaii nei, i nana maka ia ai no nae e na lala o ka Ahaolelo e noho nei.

            Mahope o ka pau ana o kana haiolelo i hooloheia aku ai ka Mr. Woolley mau olelo e pili ana no maluna o keia ninau nui a ka Ahahui Kinai Waiona e hana nei.  Penei kekahi mau olelo i puka mai kona waha mai:

            “Aole loa he aoao kalaiaina e manaolana mai ana e loaa aku ana na balota o na Kristiano e like me ka loihi o kona ku ana ma ka aoao o ka ninau e laikiniia ka waiona.  O keia ka leo o na poe helepule.”

            E pili ana hoi i ka Westervelt mea i hoike ae ai e pili ana i kekahi o na lala o ka Ahaolelo, ua hoopuka ae o Mr. Woolley penei:

            “No keaha la i pakike mai ai keia lala o ka Ahaolelo i ka mea e hoike ana i ka manao kinai waiona?  No ka mea ua hiki iaia ke hana mai pela.  Aole e hiki iaia ke pakike aku i ka poe o ka pohai kuai waiona no ka mea e oki mai no lakou i kona puu ke hiki hou aku ia manawa e koho ai a iaia hoi e hele aku ai imua o lakou no ke koho ana i ka Ahaolelo.

            “O ke koho a ka poe helepule, ke kaumaha nei wai i ka hoike ae, ua komo pu aku ia a koho pu aku me ka poe kuai waiona ke hiki mai i ka manawa koho balota.  Malalo iho la o ia kumu e lanakila ai ka poe kuai waiona.  O ka hoomana e nawaliwali ana e loaa mau ai i na hana hoohaahaa a ka poe kuai waiona ua pono ia e waiho iho i ka hana.”           

            Ua hoike pu ae no hoi o Mr. Woolley i ke kumu o kona haule ana iaia i holo balota Peresidena ai (me kona minoaka pu i ka manawa ana e hoike ana) oia hoi aole i koho na kanaka Kristiano e like me ka lakou i haako # u ai.  “Ma na wahi apau a # u e hele ai ua oi aku ka nui o ka poe i hele ae e hoolohe ia # u mamua o Peresidena Rusawela, a ua oi aku no hoi ka maikai o ka # u mau haiolelo mamua o ka Rusawela, a ma ka nana ana aku me he mea la e lilo mai ana ia makou ka lanakila.”

 

Na Lealea o ka po Poano i Hala.

 

            Ma ka po Poaono i hala i malamaia ae ai he mau hana lealea ma ka uwapo o Ainahou ae nei e na hui heihei waapa Makala ame Healani, a ma ia wahi i hoea ae ai kekahi anaina nui e ike i na hana o ia po.

            O ka lealea nui i makemakeia ai oia no ka heihei au mawaena o na keiki o keia mau hui, a pela no hoi na hana kuwalawala ame ka lele ana mai kahi kiekie mai o 80 kapuai kiekie.  Ma keia wahi ae ka bana Aupuni kahi i hoolealea ai i ke anaina.

            O ka heihei au o Hustace ka i hiki mua ae ma ka pahuhopu a o Renear aku mahope aka nae ua ala mai he mau hoopaapaa ana, oiai ua pinepine na manawa a Kopke i alai ai ia Renear mamuli o keia hoohalahala ana ua haawi ae na lunakanawai i ka olelo hooholo ua eo ka heihei ia Renear.  Mamua nae o ka haawiia ana o ka olelo hooholo no Renear ua hoike mua ae oia i kona manao e heihei hou me Hustace, a e heihei hou ana laua i ke ahiahi o ka la apopo.

            O kekahi mau heihei au i malamaia ae mawaena no ia o na keiki liilii, a ua lilo ka eo ia Palika, a o ka heihei barela ua lilo ae ia Louis Richards.

            I ka manawa e malamaia ana keia mau hana aia no he mau ku # iku # i puupuu ana ma ka aoao mauka, na hakoko Kepani ame kekahi mau hana lealea e ae.  Ua malamaia ae na hana kuwalawala; heihei au o na wahine ame ka lelekawa ana a George Freeth mai kekahi wahi kiekie o 80 paha kapua.

            O ka heihei hope loa he heihei au pahu pokole.  He heihei keia e auia ana e na poe au ma na mahele i maheleia na kela ame keia e au a hiki no hoi i ka pahuhopu.  Oia hoi e au ana ke keiki mua a loaa ke keiki elua na ia keiki e au aku a loaa ke keiki ekolu, a pela aku no hoi ke keiki ekolu i ka ha o na keiki a hiki no hoi i ka pahu hopu.  Ua lilo ka eo o keia heihei i ka Hui Makala.

            He maikai na hana i hanaia ma keia po, a mamuli hoi o ku holopono ana oia lawelawe ana, eia ke manao hou ia nei e malamaia aku i lealea apau wai i ka po e like iho la me keia ia hanaia iho la.