Ka Nupepa Kuokoa, Volume XLIII, Number 15, 14 April 1905 — Page 2

Ka Nupepa Kuokoa

KE KILOHANA POOKELA NO KA LAHUI HAWAII.

 

NUPEPA KUOKOA, POALIMA, APERILA 14, 1905

 

MAKA KIU

PETERIKA MAFE

Ke Kolopa Uneune una Nihiliti,

Ka Hookakele o ke Duke Kiekie.

_____

 

MOKUNA I.

KA BUKE HOOPOINO

_____

 

            "Peterika," wahi a Nikoloka Kaaka, i kekahi kakahiaka, "e kipa mai ana kekahi keonimana e ike ia'u i keia kakahiaka a i ole iloko o na minute pokole mai keia manawa a kana e kamailio nei, a ke makemake nei wau e lohe oe i kana mau mea e ha'i mai ai."

            "Ua pono, e Nikoloka,"

            "Eia nae aole o'u makemake e ike mai kela ia oe."

            "Ua pono hou no." wahi a Peterika.

            "Malia paha o lilo keia i hana nui nau, e kuu keiki," wahi hou a Nikoloka Kaaka.

            Aole o Peterika he keiki ponoi na Makaikin Nikoloka Kaaka, aka he haumana no ia nana e like me Wete Detona; o ka like ole wale no, he kanaka o Peterika i komo nui ma ka hana makaikiu, a ua lawe ae o Nikoloka Kaaka iaia i hoa hui a i limahema nona ma kana mau hihia apau.  No Wete Detona hoi o kana hana mua loa i hana maoli ai, oia wale no, a loaa he inoa nona, oia no kela i hoike mua ia aku ma ke Kilohana nei.  O ko Nikoloka Kaaka kapa ana aku iaia he keiki mamuli wale no ia o kona lilo ana i kumua'o nana e a'o i keia mau opio a lehulehu wale aku o ko Amerika mau makaikim kaulana.

            "Ke manao nei wau pela io ana no."  wahi a Peterika i pane aku ai, me ka uwila ana ae o kona mau maka, oiai aia kona mau aahuki ke hoonioni la i kona pauku kino, e koi ana hoi e komo koke aku iloko o na hana hoolelehauli o ka oihana ana e hiipoi nei.  "He aha la ke ano o ia mea?"

            "He mea pono owau o kaua ke ninau aku ia oe no ia mea mamua o ko'u hoike ana aku i ko'u.  I keia manawa aole a'u mea i ike ai no keia mea."

            Paa ae la o Nikoloka Kaaka i kekahi leta a hoike aku la ia Peterika, me kona hoomau ana aku.

            "Na keia leta i hoike mai ia'u e kipa mai ana kekahi kanaka e ike ia'u, a ke hoike hou mai no hoi ina wau e lawe ana i keia hihia alaila o ka Empera o Rusia ko'u hakuhana."

            Kani ae la ka Peterika hokio i kona lohe ana i keia mea.

            Ua loihi maoli kahi a keia kanaka i hele mai nei i makaikiu no kana hana, eia nae e kali aku kaua a ike aku i ke ano o kana hihia."

            "Aole anei oia i hoike mai i kana hana ame' ka hihia ma kana leta?"  i ninau aku ai o Peterika.

            "Aole.  Ua kakauia mai keia leta ma ka olelo Rukini a ma na huaolelo keonimana no hoi e hoike mai ana ka mea nana i kakau, oia hoi o Paulo Oloveka, ua hookohuia mai oia e Kona Imeperiala Alii, ka Za o Rusia holookoa, i komisina e kii mai ai ia'u e hana aku i keia hihia ma kona aoao, he hana hoi nana i makemake ole ai e hoike mai ia'u maloko o ka leta a hui mai oia me a'u alaila hoike waha mai."

            "Alaila, aole ou manao he mea hoopunipuni keia," wahi a Peterika.

            "Aole loa, aka me he mea la e lilo ana keia i mea nau e kokua mai ai ia'u, a ina no aole wau e hoihoi aku ana i keia hana apau ia oe, ke makemake nei wau e lohe no oe i na mea apau mai ka hoomaka ana, a ua loaa no hoi ia'u ka manao he mea pono e ike ole mai keia agena o ka Emepera no kekahi manawa aia no he mea mawaho ae o Nikoloka Kaaka e lawelawe ana ia mea."

            "Ke hoomaopopo aku la wau i keia mea."

            "Heaha kan e hoomaopopo mai la e kuu keiki?"

            "Oia hoi, ina o ka Za ke makemake nei ia oe, alaila o kona makemake e huli aku oe i keia mau ahahui liilii e lawe nei i na mea hoopa-hu, a wawahi aku ia lakou me ka lakou mau hana ino, a i mea e hiki ai ke hooko ia keia manao he mea pono e loaa ke kanaka i kulike aku kona maalea me ko na poe e malama nei i keia mau ahahui."

            "Ke manao nei wau he wahi koho pololei kena au, e Peterika, a ke ike nei no hoi wau aia he mau mea oiaio iloko o kau koho wale.  Ina he hiki ia oe ke malama ma-lu i kekahi meahuna mai kekahi enemi mai alaila mai hoike oe ia mea i kou hoaloha.  Ke kahi wahi ou e ike ole ia mai ai a e lohe pono ai hoi oe i na mea apau e ha'i ia ana," washi a Kaaka, i kona manawa i lohe ai i ke kani o ka hele i loko o kona keena oihana.

            He elua minute mahope mai komo ana o Nikoloka Kaaka iloko o kona keena hookipa, a ia manawa no i halawai ae ai kona lena ike me ka hoailona aloha i panaiia mai e kekahi kanaka o ke kulana aliikoa, e o mai ana hoi na oho hina elemakule mai kona umiumi ame kona lauoho.

            "Ke manao nei wau o Paulo Oloveke keia," wahi a Makaikiu Kaaka.

            "He oiaio kau, e Mr. Nikoloka Kaaka," wahi a ke kanaka Rukini i pane mai ai, me ke kulana keonimana maopopo.

            "E oluolu oe e noho iho ilalao," wahi a Kaaka i pane aku ai me ka oluolu, eia nae maluna o kona nanaina aole loa he wahi helehelena o ka ohohia mai i ka hana a keia kanaka i kipa aku ai.  "Heaha ka hana au i hoike mai ai ia'u ma kau leta?"

            "E Mr. Kaaka, he mea pono ia oe ke ike mua iho oiai o na huaolelo e puka aku ana mai ko'u waha aku, aole lakou no'u ponoi, aka no ka Imeperiala Kiekie ka Za o Rusia ia mau olelo."

            "Ua maopopo ia'u he komisina oe no ka Empera," wahi a Nikoloka Kaaka i pane aku ai me ka malie, "a ina o kau hana i hele mai nei he mea ia i kupono ia'u ke hana aku alaila e kauoha mai oe ia'u e hana aku peia.  Ma ko'u aoao e'ae mai oe e hoomaopopo iho i mea e loaa aku ai ka'u lawelawe ana, e hilinai piha mai ka mea nana ka hana ia'u, a he mea pono ia'u ke ninaninau i ka agena o ka Za ma ke ano he makaainana Amerika oia."

            Konou mai la o Oloveke, me kona pane pu ana mai:

            "I hoounaia mai wau ianei no ka hoike ana aku i na mea oiaio a no ka ha'i ana hoi i na haina o na ninau e waihoia mai ana ia'u."

            "Ua pono.  E ha'i mai oe i ka moolelo o kau hana, a e ninau aku no wau ia oe ke ku i kahi o ka ninau."  wahi a Kaaka.

            "E Mr. Kaaka, ua hanaia mai he hoao ana e make ka Mea Kiekie."

            "Aole anei na lehulehu wale na hoao ana?"

            "Pela io no, aka o keia ka hoao hope i hana koke ia iho nei."

            "Pela!"

            "A ma Amerika nei no hoi ka hookumuia ana."

            Pii koke ae la na ku'e maka o Kaaka, aole nae he pane ma kona aoao.

            "Ke ike uei wau aole ou hooiaio mai i ka'u i ha'i aku nei," wahi a ke kanaka Rukini.  "E hoomoakaka aku ana wau i keia mea.  He ekolu pule i hala iho la i ka la inehinei ua hoea ae la he wahi puolo uuku, a ma ke ano o ka wa-hi he buke ua mea ia, ma kekahi haleleta o na palena mawaena o Geremania ame Rusia.

            "Ua hoounaia mai ua puolo la ma ka inoa o ka Za, a o ke kuni haleleta no Amerika nei, oia hoi mai Nu Ioka ae nei."

            "Heaha aku ka hopena o ua buke i a?"

            "Me he mea la o ka mea nana i hoouna ae i na buke la aole no oia i ike ole i ka hookapu ikaika maluna o na ekeleta kuwaho e komo ae ana ma Rusia. aka nae ua manao paha oia o na mea heluhelu apau e hoounaia ae aua ma ka inoa o ka Emepera e komo laelae no lakou me ka huli mua ole ia.  Ma ia mea ua kuhihewa loa ia oia."

            "Aole anei he loaa aku o ka manao i ka luna nana e huli ole i na mea i hoounaia aku i ka Za?"

            "O na leta a ka Za aole ona kuleana e mana ai ia mau mea, aka no na puolo ame na nupepa ua haawiia ka mana iaia e nana ia mau mea e like me na leta a kekahi poe e aku."

            "Alaila, ua nana ia e ia ua buke ia?"

            "Ae, a oia kona luakupapau a ola hoi ka Za.  Oiai he mea maa mau ka hoounaia ae o na buke ma ka inoa o ka Za. ua kii ae la ka luna nana i mau hoike elua mawaho ae ona no ka nana pu ana i ua buke la owau no ia, Paulo Oloveke.

            "Iloko mana o ke keena o ka luna nana.  E ku ana ola ma ka aoao o kona pakaukau, e paa ana hoi i ka buke ma kekahi lima a he pahi loihi hoi ma kekahi.  O ko'u kokoolua e huli papu aku ana iaia a e kalele ana hoi iluna o ke pakakau.  Aia wau ke ku la ma kekahi wahi mamao iki aku mai ia laua mai a e nanea ana wau i ka nana i kekahi nupepa, me he mea la aole a'u wahi hana aku me laua.

            "Oki iho la ka luna nana i ke kaula i hauhoaia ai ua buke la a wehewehe ae la no hoi i ka wa-hi pepa manoanoa owaho.

            "Waiho iho la oia i ka wa-hi iluna o ke pakaukau, ame kona mau lima elua hoomaka iho la oia e wehe i ua buke la, me ka malie i poino ole ua buke la.

            "Aia hoi he po-ha ana ka'u i lohe, a piha ae la ka lumi i ka uwahi.  Ua kiolaia aku la wau iluna o ka papahele, a waiho a maale aku la.

            "Mamua o ka hiki ana ia'u ke ku ae iluna ua komo awiwi mai la kekahi poe aliikoa iloko o ka lumi a wehe ae la i na puka aniani, oiai ina aole i hanaia pela ina ua make mau mamuli o ka moni ana i ka uwahi.

            "Hookahi o keia mau aliikoa i holo mai a kokua ae la ia'u, a oiai owau wale no ke ola nei e ha'i ae i keia hana weliweli, aole wau e hoopau manawa wale ana ma ka ha'i ana aku no'u iho ame na hapa i hapa ia no'u."

            "No ko'u mau hoa. ________"

            Hoomaha iki i ho la o Oloveke me he mea la ua haalulu oia i ka hoomanao ana ae i ka hopena weliweli i kau iho maluna o knoa mau hoa.

            "Ua komo wau iloko o na kaua weliweli me Tureke," wahi hou a Paulo Oloveke i hoomau hou mai ai, "a he lehulehu na manawa a'u i ku aku ai imua o ka make weliweli a ua lilo ia i mea na'u e noonoo ole ae ai.  Aka nae aole e hiki ia'u ke poina i na mea i ikeia maloko o ua lumi la, oiai ua ike aku la wau i ke poo o ka luna nana e waiho ana ma kahi me ekolu i-a mai ke kino i mokumoku liilii a e huli mai ana i kahi o ke kino e waiho ana, o na lehelehe e hamama ana no me he mea la e kamailio mai ana no; o na maka hoi e aa ana me ka weliweli"

            "Ea, alaila he mikini ikaika maoli no keia!"  wahi a kaaka i hooho ae ai.

            "O keia ka oi aku o ka ikaika i ikeia," i pane koke mai ai o Oloveke.  "O ko'u kokoolua kekahi i make no ma ia wahi, eia nae hoi aole i oi aku ka manaonao e like me ko ka luna nana.

            "O ua pahu la, a i ole o ua buke la ua hanaia e make ai ka mea e lawelawe ana, a ua manaoia hoi e hapa aku ia hana maluna o ka Za.

            "Iwaena o na mea maopopo loa e pili ana i keia mea oia hoi ua hoounaia ae ua puolo la mai Amerika nei ae.  Ua telegarapaia aku keia mea i ka anu kuhina ma St. Petersburg, a mahope o ko lakou noonoo pokole ana, ua loaa mai la ke kauoha ia'u e holo mai no Amerika nei, waiho aku i keia mea imua o Nikoloka Kaaka, a hoohana aku iaia e huli aku a loaa a e kinai aku'i ka poe lapuwale i komo ma keia hana kimopo.

            "Ma ke kaaahi a ma ka moku ko'u kaahele ana e like me ka hikiwawe i loaa ia'u a eia wau imua o kou alo i keia manawa."

            "Ua ha'i mai anei oe apau loa na mea i pili i keia mea ia'u?" wahi a kaaka i ninau aku ai.

            "Ae."

            "Ke kaumaha nei wau i ka hoonuinui wale ia o ko'u hike ke hana i na lana huli hihia oiai he poe okoa ae no kekahi i kulike ka makaulau me ko'u, a i ole oi aku no palia.  O ka mua he mea maopopo ole ina he poe Nihiliti kekahi maanei e hana nei i na gana pinoole, aka aole wau e hoole aku ana i ko ladou noho io maanei.

            "O ka mea ano nui.  e Paulo Oloveke, ua lawe ole mai oe i hoike, aole hoi he mau moali e hoomaka aku ai ka hana.  Mai manao mai oe e hiki ana ia'u ke kiani wale ae no i ka laau kupua e like me na 'lii o na hana hookalakupua, a hoohuli ae i ka hale, pau pu me ko ke kanaka puuwai, a \ahuwale koloko."

            "Ua ninau mai nei oe ia'u."  wahi a Oloveke i kahamaha mai ai, "ina ua ha'i aku wai i na mea apau a'u i ike ai.  Ua ha'i piha aku nei wau, aka nae aole i loaa ia'u.  a i ole lawe ae hoi i manawa e hoike aku ai ia oe i na moali a'u i lawe mai nei."

            "Pela!  Alaila aia me oe kekahi mau mea i hiki ke ikeia aku?"

            "Ae e Mr. Kaaka."

            "Heaha aa mau mea la?"

            "O ka pepa i wa-hiia ai na puolo la.  a he hapa o ka ili a'e owaho e ua buke la.  O na mea e ae apau ua lilo i ole a iloko hoi o na apana liilii hiki ole ke lawelaweia."

            "Eia anei ia mau mea apau me oe?"

            "Ae.  Aia ke waiho mai la maluna o kela pakaukau e ku la mahope ou."

            Huli ae ia o Kaaka a ike aku la i kekahi wahi puolo uuku e kau ana iluna o ke pakaukau, a ike io iho la no ia i na mea i ha'iia mai iaia, a ike pu iho la no hoi oia i ke kuni e kau ana maluna o ka wahi e hoike ana ua hookomoia ua puolo la iloko o ka haleleta o Nu Ioka he elima pule mamua aku o keia hui kamailio ana.

            Mawaho ae o keia he wahi apana ili buki i ikeia he "apo" ma ka oihana humu buke.  E kau ana he mau hua palapala alohilohi wai gula maluna o ua apana la a hoomaopopo iho la o Kaaka maanei i kuniia ai ka ioa o ua buke ia.  I ke pa-hu ana ua nahae iho la ka wa-hi ma ka loa o ka buke a holo aoao ae la, a o na hua palapala e koe ana a ikeia hoi e Kaaka oia iho keia.:

            "Mistr - ---"

            "Ua pono iho la keia mamua o ka ole," wahi a Kaaka mahope o kona nana ana no kekahi manawa.

            "Alaila, e lawe ana oe i keia hana?"  i nimau koke mai ai ke kanaka Rukini.

            "E noonoo mua wau."

            "Ina no hoi e waiho mua ia aku ana i uku hoopaa mamua -------"

            "Aole, me ka mahalo.  Ina wau e lawe ana i keia hana e hoike aku no wau ia oe, a e kamailio no kaua no na mea e pili ana i ka ukuhana mahope aku.  Aole oe e kali loihi loa a e hoike aku no wau ia oe, e Paulo Oloveke."

(Aoie i pau.)

 

Kenekuria Umi-kumamaiwa

- - - AME - - -

Kana Mau Hana Kamahao.

(Kakauia e Simeo   K. Nawaa.)

__________

 

MOKUNA III.

(KAU POO MUA.)

FARANI AME NAPOLEONA.  (Hoomauia)

___________

 

            Ua loaa mai la ka pe'a unku oluna o ke kia hope i kekahi poka e lilo aku la ;o kekahi o na pe'a i a waena ame kekahi o na pe'a i a @@@@@ ioa aia laua ke koheoheo la me he lipine la. a ua loaa mai @@ @@ huila hoohuli hoe i ka poka a nohaha liilii.  O keia ame kama@@@ poe i eha a i make oia wale no ka poino i loaa aku maluna o "@@kila" iaia e ku aku ana imaa o keia mau mea apau.

            Mamua iho o ka hora ekahi o ka auwina la ua hala ae la @@ Lanakila mahope pono o ka mokukaua "Bucentaure" o ka ene@@ @@muli o ka pili loa o keia holo ana aku ua huikau ae la keia mai moku, a oia no hoi ka manawa i haai aku ai na pu o "Lanakila" kulike aku hoi me ka Collingwood i hana ai.  O ka pa @@@@@ kanaono-kumamawalu ma ka aoao makani a mamua no hoi o @a ka pu mua hoi i kiia aku mai ko Nelekona moku aku, a e @@@@ @ @@ poka poepoe ame hookahi barela o na poka liilii, a komo aku @@ @@ piha pu ma ko "Bucentaure" mau puka aniani o ka hale o ho@@.

            Ia "Lanakila" e nee malie ana imua ua kiia aku la kona mau pu he kanalima ma ka aoao makani, i hoopiha palua a pakela ia @@@ pa-ha kekahi mau pu.

            Ua hoikeia e na aliimoku o "Busentaure" mahope mai hea wakalua o lakou pu i poino mai keia papa pu i kiia aku ai, a anea@@ @@ ka eha haneri poe i make a i eha.

            I ka manawa no hoi i hala loa aku ai o "Lanakila" ma kekahi aoao o ka laina o na mokukaua o ka enemi, aia hoi ua ahuwale @@ la oia i na mokukaua "Neptune" ame "Redoutable," a aia na puka a ka enemi ke halahu la ma keia ame keia aoao a e koele ana @@ kekahi iluna o "Lanakila" a ma kona mau aoao no hoi.

            La manawa hookahi no aia na pu o "Lanakila ke panai la, @@@@ aku ana hoi i ka elele o ka make maluna o kona mau hoa paio.  M@ he mea la o ka Kapena Hardy manao i kona manawa i kaawale @@ mai ka mokukaua "Bucentaure" oia ka hoohuli hikiwawe ana @@ ia "Lanakila" a kaa aku ma ka aoao o kona hoa paio, eia na@@@ hiki ole iaia ke hana aku peia; no ka mea ua pili kokoke mai ka mokukana "Redoutable" o ka enemi, ma ke ano ulia paha a i ole e ka manao no paha ia o ka enemi polaila ua huikau ae la laua a @@ iho la.

            Mamuli o ka ikaika o na ki papa ana o na papu oluna ame @@ waena o ka mokukaua "Lanakila" ua hoopuehuia aku na koa Farani mai ka lakou mau pu aku; eia nae aia m ka aoao o na Farini ka pone o ke kaua i kela manawa a aneane no na Pelekane e poino.

            Ua lele mai la kekahi poka aloha ole a ka enemi a ku mai la ka Haku Nelekona iaia e ku ana ma ka oneki hamama.  Ua komo aku na poka ia ma ke ami poohiwi, puka aku la ma ke akemama, a puka hou ma ka iwikua a moe malie iho la mahope o ke kua.  Ma Kahi i hina ai o kona kakauolelo, Kauka Scott malaila no oia i hina ai.  Ia Kapena Hardy i hoao ai e hoala ae iaia, ua pane iho la o Admarala Nelekona.  "Akahi au a make ia lakou la."  "Aole pela hoa manaolana," i pane iho ai o Hardy.  "Ae, no ka mea ua ku kua @@kua a puka ma kekahi aoao," i panai aku ai o Nelekona.

            Ua kaikaiia aku o Nelekona no ka hale olalo, a oiai ua ikeia aole he wahi manaolana no kona ola ae, aole oia i make koke a hala na hora ekolu mahope mai.  Ua panai koke ia aku ka elele o ka make maluna o ka enemi, a oiai no nae aole i maopopo ka mea nana ka poka i ku ai o Nelekona, aole loa hookahi kanaka maluna o na kia@ ka mokukaua "Redoutable" i hoi ola iho ilalo.

            O keia manawa a Nelekona i ku ai oia no ka manawa ikaika l@@ o na ki poka ana mai a na koa Farani me ka lakou mau pu raifela; nolaila iloko o na minute pokole mahope o ko Nelekona ku ana i ka poka ua make iho a na eha no hoi o kanaha poe koa i make a i eha.

            Ua huna kele loa ia ko ka Haku Nelekona poino ana a aia no kona mau mokukaua ke paluku ia i ko ka enemi, a o ke lono o ka lanakila aua o Beritania Nui ma keia kaua ana, i laweia aku hoi a me a nana i hooluolu aku i kona noonoo, a haalele mai la ka ohana i ke kino me ka oluolu no ka lanakila mau o Beritania Nui.  O keia ke kaua i rula paa ai o Beritania Nui i na ale o ka moana, a hiki i keia wa ke kau nei uo ka weli i na aupuni nui o ka poepoe honua nei i ka hoopapa ana aku iaia maluna o na ale hihiu o ka moana.

 

MOKUNA IV

 

(KAU POO MUA)

 

NAPOLEONA MALUNA O KA PANEPOO

 

            "HOAKAKA. - O na mea ano nui ma ka mokuna mamua ae nei oia keia:  Ko Beritania Nui kukala kaua ana ia Farini; Ka ohumukipi o Cadonal; ka pepehiia ana o ka Duke d'Enghien: ko Napoleona poniia ana; ka haawipio ma Uma, ame ka lanakila o Auseteralika)

            O ka lanakila ma Auseteralika oia ka mea nana i hapai ae a Napoleona ma ke panepoo o Europa.  Iloko o hookahi makahiki a@ kona mana ma Europa holookoa.  Me Geremania Komohana i huiia malalo o ka Napoleona hoomalu; kona kaikuaana iosepa, i hooliloia aku i Moi no Napela; pela no ia kaikaina ona, Lui, Moi, o Holana, a oia iho no hoi ka hooilina alii o Italia ua ikaika maoli no o Napoleona.  O kona lanakila ana oia ka mea nauai hoopau ae i ka Emepaea Hemolele o Roma, he inoa hoi i haaleleia me ka ikaika e Emepera Francis (1806.)

            Ma keia ua makaukau o Napoleona e hookau aku i ka hoopa'i maluna o Perusia, i ikeia hoi kona manao ma ke kaua i hoike mua a ae nei.  Iloko o na pule pokole mahope mai ua panaiia aku ka Moi Federika Williama ame kona mau makaainana me ke kaumaha mamuli o ko lakou aa ana mai e kaua me ke kanaka lanakila o Auseteralika.  Ma Jena ame Auerstadt ua hoopuiwaia aku ko Perusia pualikoa a pau i ka wawahiia.

            Ma ka papa hoomanao a Kauna de Segur, ko Napoleona, ukali, e loaa ana ia kaua he mau hiohiona o na hana i hanala ma ia kaua ana, penei:

            "E kokoke aku ana i ka hora elima oiai o Napoleona e noho