Ka Nupepa Kuokoa, Volume XLIII, Number 6, 10 February 1905 — Page 2

Ka Nupepa Kuokoa

KE KILOHANA POOKELA NO KA LAHUI HAWAII.

NUPEPA KUOKOA, POALIMA, FEBERUARI 10, 1905

 

KA NUPEPA KUOKOA

 

NO KA MAKAHIKI...........................................$2.00

NO ENO MAHINA......................................... 1.00

SUBSCRIPTION RATES

ONE YEAR.........................................................$2.00

SIX MONTHS .................................................... 1.00

            O NA OLELO HOOLAHA APAU E HOOUNAIA MAI ANA NO KA HOOLAHA MALOKO O KEIA NUPEPA, E HOOUNA PU MAI ME KA AUHAU, A INA AOLE.  AOHE NO E HOOKOMOIA.  E HOIKEIA AKU NO KA AUHAU OLELO HOOLAHA KE UI MAI I KE KEENA NEI.

O na Dala apau o ka Pepa e hoouna pololei mai i ka HAWAIIAN GAZETTE COMPANY, LTD.

 

HOOPUKALA E KA

Hawaiian Gazette Co., Ltd.

Hookomoia ma ka Hale Leka o Honolulu

Panalaau o Hawaii, ma ke ano

Mea o ka Papa Elua.

DAVID L. A-I,   :  :   Lunahooponopono

S. K. NAWAA,   :  Kokua Lunahooponopono

A. W. PEARSON,  :    :   :   :   : Lunanui

HONOLULU, OAHU

POALIMA   :   :   FEBERUARI 10, 1905

 

A POAKOLU NOHO KA AHAOLELO.

 

            E like me ka hoopuka ana ia o ke kuahaua kahea ahaolelo e ke Kiaaina pela e noho ai ka Ahaolelo o ka 1905 i keia Poakolu ae, Feb. 15, 1905, no na hana o ke aupuni, ia manawa hoi e akoakoa ae ai ka poe i lilo ia lakou ka hanohano o ke kulana wahaolelo a kaukanawai ma ko lakou kohoia ana e ka lehulehu, a e like me ka makou i hooaiai mua ai he poe Republika wale no na hoa a koe elua, pela ke kulana o ka Ahaolelo o 1905, oia hoi, he ahaolelo Republika a o na hana no nae e pono e hookoia no ka pono, aole no ka poe Repubalika wale no aka no ka mea e kupa Amerika ana, Repubalika, Demokarata a Home Rula, i nele oile nae ka pomaikai pu o na makaainana e ae i kupa Amerika ole.

            O kekahi ninau nui e ulu nei i keia mau la oia no ka noonoo ana i ka hoa kupono e lilo i lunahoomalu no ka Hale o na Lunamakaainana a aia ka maka o na hoa ame ka lehulehu maluna o na hoa no lakou na inoa i aiai mua—oia na Lunamakaainana Harris ame Long o Oahu ame Holstein o Kohala mawaho ae o na inoa e ae i lauahea wale.

            He mea hiki ole i na hoa ke hookuukuu wale i ka lawe ana mai i  ka noonoo a hookahua maluna o ke kulana kupono oi ae o kekahi hoa o lakou, i mau kumu kupono no lakou e hoonoho aku ai iaia ma ka noho hoomalu no ka mea pela e hololea ai na hana.  Aia ke kuleana holo moho lunahoomalu me na hoa apau, a ma ia mea e hiki ai i na hoa apau ke holo moho no ia noho, aka, aole nae ia o ka maikai loa oiai o ka maikai loa o ka hana, eia ma ka mahele kupono, ma kekahi olelo ana, e loaa na haawina kupono oi ae maluna o kekahi i ikeia mawaho a pau pu me loko ma ke kilo ana i na hana i hanaia e ua hoa la a-no a i ole ia o na hana i hanaia e ia mamua aku: a ke hoomakili na hoa i ko lakou noonoo ma na mea o lakou i makemakeia e hana a oia no hoi ka pono pililaula, alaila aole e hakalia ke kohoia o kekahi o lakou iho i lunahoomalu iloko o ke kupono a iwaena hoi o na Lunamakaainana Harris ame Holstein.

            E manaoia o ka hoopili mau o na hoa i ko lakou mau hana ahaolelo iloko o ka mahele o ka lawelawe oihana maoli (business) alaila aole e nele ka holomua o ka ahaolelo e hoopokoleia ai ka manawa a hoonuiia na hana me ka waiwai nui i ka lehulehu, alaila o Lunamakaainana Harris ka hoa kupono ma ia noho hoomalu, no ka mea he ike oihana kalepa kana a i maa hoi iloko o ia mea, a oiai o ka holomua mau ana o na alakai hana ana ana iloko o na hui nunui ana i pili ai e manao mua ia e aku e holopono ana kana mau alakai hana iloko o ka ahaolelo.

            Ma ko makou manao maoli ua kupono loa o Harris ma ia noho mamuli o kona ike oihana kalepa ke hulia me na haawina makaukau e aoe i loaa iaia ina nae e hoohanaia ma ke kuamoo pololei, eia nae, he mea minamina i na kanaka o keia ano e hoonohoia aku ma kahi e punukuia ai kona waha, oiai o ka maa i ka noho hoomalu oia no ka hamau mau ma ka hoike manao ana a hoonui i ka hana ma ke alakai ana i ka aha.

            Aka, ke hala ka ulu iaia aole e nele ke koikoi a aiai i ka maka o na hoa ka inoa o Hon. Holstein, a no ka mea ola no kekahi o na hoa i lawa ma ia oihana, oiai nae aole paha i like loa me ko ka inoa mua, ma ka mahele oihana kalepa, aka aole i hoohewahewaia kona makaukau e ko Hawaii nei ma ka oihana kanawai a i makaukau pu hoi i na hana ahaolelo oiai oia iloko o na kau o na ahaolelo o na wa i hala ae a o ka oi loa ua hiki iaia ke hana i na hoa apau Hawaii ame haole a ma keia mahele pu makou i manao ai i kona kupono oi ae: i ko ka inoa mua.

            Ua loaa keia mau manao hooaiai mamuli o ka aai loa o keia mau inoa ma keia mau la, aka, aia a hiki mai i ka wa o ka hana, na ia manawa no e hoike mai i ka io o ke kumu o ka hana, aka o ka makou e kalele loa nei oia no ka hooililo nui ole ia o ka manawa ma ka oihana koho lunanui e like me ko na kau i hala ka hoopaapaa wale ana.

            O kekahi haawina nui e hoomanaoia oia no ka hana like o na hoa me ka lawe ole mai i na ninau pili ili no ka mea. aole ia he waiwai na ka ahaolelo e hooko ai i pono pililauia, oiai aole i nele ka pii ana o ia ano haawina hookunahihi noonoo ke kumu i hoopuhili nui ia ai ka noonoo o kekahi poe: a i ke kapae ana i haawina, a e hana like na hoa Hawaii me na hoa haole ma ke ano koahanau maoli, a kaulike aole hoi e like me keia o ko Hilo poe e kunahihi mai nei, alaila ua hiki no ke upu mua e ia aku e holopono no na lawelawe hana e like ole loa ai me na kau hoino hoakanaka i hala iho nei a komo nui ai kekahi mau hoa iloko o ka poino.

            A e like me ka ke Kiaaina i hoohaili ae no ka hele pu o na hoike lilo ma na mea apau o ka ahaolelo me na kikoodala e waihoia aku ai iloko o ke Keena Puuku, pela no ka hoohana ana e pono ai, aole e like me keia i lawelawe hemahema ia ai e ke kau 1903.  A o na noonoo ikiiki palaualelo i lauahea wale ae iwaena o ka Hilo poe e iike me ka meahou hoolele hauli e puka aku nei ma keia helu. no ka hoohalahala nui i ka mana hooko, oia hoi, e pono e kinaiia na bila e hookomoia ai ma o ka pili ia e ka mana hooko, he mea hiki ole i ka poe noonoo maikai ke lawe mai ia mau hoohaili i mau rula a loina alakai no na hana o ka lehulehu. a makou i manaoio ai aole loa e lawe mai ana na hoa ia ano rula i loina nana e hoohana ai, no ka mea, ua kohoia aku lakou e ka lehulehu he poe ma ka noonoo maikai.

            Aka, ma na mea e ikeia aku nei, ma o na liuliu e hoomakaukauia nei no ka waiho aku iloko o ka Ahaolelo ua loaa e aku na anoi ana i ka loaa e o na hiohiona hololea o na hana ahaolelo a ma ka aoao o ke Kuokoa no ka lehulehu, oia maoli no ka makemake ame ka iini nui o ka lehulehu e hanaia mai me ke kanakamakua a i pau kanakamakua no na hana e waiwai nui ai hoi lakou.

 

I MAU PAKA O PUOWAINA ME PUUOHIA.

 

            O ka manao ana e hoolilo ia Puowaina ame Puuohia, Honolulu, Oahu, ame na kapakai o Waikiki i mau paka e like me Kapiolani Paka, Kamaki Kuea, ame Aala Paka, e like me ia i hoohailiia e ka Research Club o na Opiokane o Honolulu, ke manao nei ke Kuokoa oia kekahi o na kumuhana maikai a ka lehulehu e hoolei aku ai i ka noonoo ana maluna olaila no ka mea he waiwai ia no ka lehulehu.

            He kumuhana waiwai nui ka hoolilo ana ia Puowaina ame Puuohia i mau wahi hoowaiwai i ka lehulehu me ka paka aole ma ka loaa dala wale no aka ma na mea no apau e waiwai nui ai i ka lehulehu; a o ka manao ana e hoolilo i paka ua maikai ia, no ka mea aole e nele ka hoohialaai mau ia o ia wahi e na kanaka ma ka hoomaha ana e like me ia e hoopiha mau ia nei na Paka e ae.

            O ka hoolilo ana i ke kahua palahalaha oluna o Puowaina i paka, alaila oia aku la no ke alanui e pakuiia aku ai na hana hou e ae i lawa pono ai ka pihapono o ka paka, e laa ka hoonui ae i na alanui, a hoomaikai ae ma ka hoomoe unu e like me ia e hanaia nei ma na alanui oloko iho o ke kulanakauhale, a aole e nele ka hoopihaia aku o ia mau wahi me na laau-loloa kupono no na paka, a e hoolaukanakaia ai hoi, a e lilo ai ka maikai o ia mau wahi i mea e ume koke ia ai na kaa, a hoomoeia na alahao kaauwila i alanui maalahi no na kini e hiki maalahi ai ilaila e like me ia e moe la i Waikiki, ke kumu o ka piha mau o ia mau wahi i kanaka—a ke houluulu i na maikai apau e nele ole ai ka ulu mailaila mai, ke manao nei ke Kilohana o lakou na hiohiona e hoike ai i ka maikai o ke kumuhana.

            He nui na makahiki ae nei i hala, aole i hoowaiwai nui mai o Puowaina e like me ia e upu ia aku nei, mawaho ae o kona mau loaa uuku ma ke dala, malalo o na hoolimalima e like me ia e kaa nei i keia manawa malalo o ka hoolimalima o Kapiolani Estate no eono makahiki i koe; a mawaho ae o kona kulana kilakila e hooho mahalo nui ia nei a hiki wale i keia ia mai na kupa iho, a oi loa aku i na malahini kipa mai.

            Ua maikai o Puowaina nona iho a he nani a he u’i hoi ia no ka aina a aohe he mea hiki ke hoole i ka ume ia o ka noonoo o ke kanaka i ka hooho mahalo ana i kona kulana, aka o ke kukulu ana i paka kahi e pili ai ka lehulehu ilaila, oia auanei ka mana e ume ikaika ai i ka poe makaikai a kaahele owaho mai no ka hele ana ilaila pau pu me na kupa iho, alaila e waiwai auanei na hana hoowaiwai e ae i hiki ke hoohailiia malaila e like me ia e hoohana mau ia nei iloko o ko kakou mau paka iho e ku nei.

            A i ka oiaio ana o keia maikai o ke kulana paka ia Puowaina aole no e nele ka maikai o ia kumuhana ke hoohana aku maluna o Puuohia, ka aina hoi e waiho wale nei maluna aku o Puowaina, me ka hoowaiwai oi ole ae i keia manawa i ko kona maikai e ku nei, a makou e manao nei e oi ae no kona waiwai i ka lehulehu ke lilo ia i paka a wahi hoomaha.

 

E HOOMANAO.

 

            E hoomanao mai no hoi ka poe e manao ana e hoouna mai i na manao a meahou paha no ka hoolaha ana iloko o na kolamu o ka Nupepa Kuokoa nei ma ka hoomikioi ana i ke kakau ana ia lakou maluna o na apana-pepa kupono a e kakau alokahiia a aole o ke alolua.

            Aia he mau palapala i loaa mai ua kakau aloluaia, oia hoi, ma ka aoao mua a ma ka aoao hope a he hoonui hana a hoohauhili a hoonui manawa hoi ia ia makou ame ka poe hoonoho hua no kahi hana uuku.  He hana maiau ia o ka houuku i ka manawa hana no kahi hana uuku i kupono e hoopau pono ia iloko o ia manawa, a hoonui aku i ka manawa hana no ka hana nui; a i ka haohao ana o ka mea nana ka manao hoolaha, e hoomanao koke iho oia, o keia mau hooaiai ana maluna ae na kumu e hoopuka ole ia ai lakou mawaho ae o na kumu hoopuka pilikino a pilikahi hoowaiwai ole i ka lehulehu, koe nae na hooaiai kupale kupono i kupono no ka hoolaha ana.

           

EIA HOU.

 

            E makaala mai no hoi i ke ola o ke Kuokoa, ma ka hoouna mai ma ke pooleka o hookahi keneta, aole ke pooleka elua kaneta, a i ole ia ma ka bila dala haleleka.  E paa pu ia no hoi na kope mai ko lakou hoounaia aku a komo mua mai ke ola-pepa o $1.00 no eono mahina, $2.00 no ka makahiki i ka ona o ka nupepa, ka hui “Hawaiian Gazette Co., Ltd.,” a e hoouna mai no hoi ma ia inoa a aole i ka lunahooponopono, no ka mea aole i pili ia hana iaia, a i kona keena; i pilikana ole loa hoi i na hana hooponopono, pa’i pa’i a alakai nupepa ana ame na hana ike, na mahele hoi i pili i ke keena hooponopono.

 

Ka Hooiaio e Lawa Pono ai.

E PONO KE KAMAAINA O HONOLULU E AE I KEIA HOOIAIO.

 

O ke kanaka nui Sir Isaac Newton, kekahi o na kuhikuhi puuone a ke ao nei i hoopuka mai ai nona, ua po’a aku la oia ma ka pa-papa he puka nui e poho pono ai kana popoki nui e hiki ai i ua popoki ia ke hele i na kihapai elua a pela no hoi he wahi puka uuku kupono no na popki keiki e hahai ai mahope o ka popoki nui.  O ka nawaliwali i ikeia ma ka hana a Sir Isaac mamuli no ia o ka nele mai i ka manao ole.  O ka mea heluhelu e papaleo mai ana no ka hooiaio e waihola aku ai pili i na HUAALE KUAHANEENEE AME PUUPAA A DOAN e hiki mai ai i ka panina o na hooiaio o ka hooiaio oi ae mamua o na hooiaio ma o na olelo a keia kamaaina ua like kona pokole me na mana haawi kumu e like me ka mea kilo-hoku i ka manawa ona e lilo ai i kamana.

            Eia ka M. H. S. Swinton olelo o ke kulanakauhale nei e olelo nei: “He manawa loihi ko’u loaa ana i na ehaeha o ke kuahaneenee no na makahiki he 12 i ka maopopo ana he hiohiona o ke kuahaneenee ka ma’i e nali mau ana ia’u nolaila ua hoao wau i na Huaale Kuahaneenee ame Puupaa a Doan i hoolahaia no ia ano ma’i.  Ua loaa io ia’u ka oluolu a nolaila au i hoomau a@ i ka ai ana i keia wa ua ola loa wau.  Ua ike loa ia ka ikaika o na Huaale Kuahaneenee ame Puupaa a Doan ma ko’u ma’i a oia ka’u e haawi aku nei i ka hoolana manao i ka poe apau i loohia i keia ano ehaeha.

            O keia Huaale Kuahaneenee ame Puupaa a Doan he kuaiia e ka poe kuai laau lapaau apau no 50 kaneta o ke pono hookahi eono poho no $2.50, a i ole e hoounaia aku i ka loaa ana mai o ke kumukuai ia HOLLISTER DRUG CO., o Honolulu, na Agena Kuai Kukaa o ko Hawaii Paeaina.

 

HE PALAPALA HOALOHALOHA.

 

            I ka wahine kane-make, Mrs. Lilia Naeole ame na keiki makua ole, ka ohana ame na makamaka o Rev. J. M. Naeole, Aloha oukou:  Oiai ua oluolu i ke Akua Mana Loa iloko o kona lokomaikai nui, ke kahea ana mai i ka uhane o kau kane i aloha nui ia, kana kauwa e hele aku i Ona la, ma ka wanaao Sabati, Ianuari 22, 1905, ma Honolulu, Oahu, no ia mea, ua haalele iho ia oe a me na keiki ana i aloha nui ai, ka ohana ame kona mau kini makamaka o ka aina “paia-ala-i-ka-hala,” mai ka la puka ma Ha’eha’e a ka welona a ka La i Lehua, e uwe paiauma aku nona ma keia kapa o ka muliwai me ka naau Mokumokuahua.  Ua hookoia ka olelo.  “E hoi ka lepo i ka lepo, a o ka uhane i ka Mea Nana oia i hana,” a oiai “aohe o kakou home e mau loa ana maanei.

            “Aole wahi paa maanei,

            Nolaila ko ke ao uwe,

            U ole nae ka mea maikai,

            He maha kona maluna’e,

            Ma kela ao, ma kela ao.”

     Ua hookuu mai oia i keia ole ana, ua hoomaha i na luhi o keia ao Mauleule me ka hoomanawanui i na popilikia i loohia mai iaia.

            Ua noho Kahu o Rev. J. M. Naeole no ka Ekalesia o Kalaupapa me Kalawao no kekahi mau makahiki.  Ua kokua nui oia i na wahine ma ka hooikaika a paipai mau ana e hoomauia ka malama ana i ka halawai no na wahine o keia Ekalesia; aole wale ma ia ano, aka, ua hoike mai oia i kona manao aloha i na hoahanau wahine a me na kane pu no o keia Ekalesia, ma ke kipa ana aku e ike a e haipule pu me lakou i ko lakou wa nawaliwali.  NoJaila ma kana mau hana maikai oiai oia ma keia aina, ua hoopilipaa ia ka manao o na lala o keia halawai wahine i keia kahu a hiki i kona waiho ana iho i kona lawelawe hana ana ma keia kihapai, a hoi aku no Honolulu kahi ana i hookuu mai ai i keia ola ana.

            Nolaila, o makou o  na lala o ka halawai wahine o ka Ekalesia Ahahuina o Kalaupapa, Molokai, ma o ko makou mau komite la, ke hui nei a ke hooholo pu nei:

            HOOHOLOIA.  Ke hui pu aku nei makou me oe e ka Wahine-Kane-make i hookaumahaia, na keiki aloha, ka ohana ame na makamaka, ma ka u pu ana no ka mea i hala.

            HOOHOLOIA.  Ke nonoi nei makou i ka Makua Lani e hoomama mai i ko kakou mau naau kaumana a luuluu: a e alakai oia ia kakou ma ka wa i koe o ko kakou ola ana iloko o kona lokomaikai.

            HOOHOLO HOU IA. E hoounaia ka palapala kumu i ka wahine-kane-make a i mau kope pakahi i na Nupepa Kuokoa me Aloha Aina.

            Ke Komite.  Mrs. Lono Lee Shu, Mrs. Makina Keanu, Mrs. Robeka Kaanaana, Mrs. Kaleo Holopinai, Mrs. Sarah Alohikea.

            Luakini o Kanaana Hou, Kalaupapa, Molokai, Ianuari 30, 1905.

 

Lahilahi Loa kona Koko.

HOLOOKOA MAMULI O KA LOAA NA PILIKIA NUI I KE KINO MAIKAI OLE O KE KOKO.

O KA LAAU LAPAAU NANA E HANA I KOKO HOU, HOOKAAWALE AKU I KA NAWALIWALI AME KA HAUPUUPU WALE.

 

            He mau haneri wahine o noho nei ma keia honua i loaa i ka nawaliwali mamuli o ka nalulu, poniuniu, molohai ame ka hiki ole ke moe maikai a he kakaikahi wale iwaena o lakou i maopopo ua loaa mai keia mau pilikia mamuli o ka maikai ole o ke koko.  Ia lakou e lawe ae ai i ka laau lapaau. e lawe no lakou i hookahi laau no ka nalulu, o kekahi no ko makou opu a o ke kolu no na aakoko, eia nae a hala ae he manawa aole no e loaa mai ke oia i makemakeia, a aole hoi i hoomaopopo mamuli no o ke kokoino i loaa mai ai keia mau nawaliwali ame na pilikia kaumaha lehulehu wale i pili i ke kino. 

            Ina aia io no ke laau maikai loa no ka hoomaikai ana i ke koko, eloaa no ke koko maikai apuni ke kino a e naio loa aku no keia mau mea hoouluhua nui wale i ka noonoo, e like hoi me ko lakou nalo ana aku mai ia Mrs. Ella F. Stone, he wahine hoi i kaamai no kekahi mau makahiki loihi a i poino loa hoi mamua o kona hoomaopopo ana i ke ano o kona mai’i.

            “Ua kau mai ka ma’i koikoi loa maluna o’u he mau makahiki lehulehu i hala ae nei.” wahi a Mrs. Stone, “ua hoomaka mai i ka 1896 me ka nalulu mau, poniuniu ame ka haupuupu wale.  A hiki i 1960 aole loa i loaa ia’u ka laau nana e hoopakele ae ia’u mai keia poino ae.  I keia manawa he lahilahi loa ko’u koko a ma kekahi wahi o ko’u kino aole he wahi koko.  He hoaloha no’u i pilipaa kona mau manaolana maluna o ka Dr. Williams’ Pink Pills, nana i koi mai ia’u e hoao i keia mau huaale a kiiia no hoi i pahu huaale no’u.

            “I ka pau ana o  ka pahu mua aole wau i ike i ko’u maikai ae, eia nae ua paa ko’u manao e haawi i ka hoao maoli ana i keia laau nolaila ua hoomau aku la no wau i ka lawe ana.  I ka pau ana o ka pahu mua hoomaka iho la wau e ike i ko’u maikai ae.  Pii mahuahua mai la ko’u maikai ae.  Pii mahuahua mai la ko’u ikaika a loaa mai la no hoi ka manaolana iloko o’u e loaa ana ia’u ke ola.

            “He ewalu a i ole he umi o’u pahu huaale i lawe ai, a ia’u i hoopau ae i ka lawe ana ua hoi hou mai la ko’u mau paona mua ame ke olakino maikai a o keia ola i loaa ia’u ke mau nei a hiki i keia manawa.  Ua hiki ia’u ke ai i na mea apau e loaa mai ana ia’u me ka loaa ole mai o ka pilikia ia’u, a oiai e loaa mau ana ka nalulu o ke poo ia’u mamua, i keia manawa aole i loaa hou ia’u e like me na wa i hala.  Ke hooiaio aku nei wau me ka hauoli imua o ka lehulehu i ka Huaale Akala a Kauka Williams no ka Poe Haikea, a o ka oi aku no nae i ka poe i loaa na haawina nawaliwali e like me ko’u.”

            Ua ikeia aku o Mrs. Stone ma kona wahi home nani ma Lakewood, R. I., a mamuli o ka loaa ana o keia ike iaia e pili ana no ka hana a ka Hua ale Akala a Kauka Williams ua hookaulana loa ia aku ma kona wahi a ua lilo keia laau i mea hiaai loa ia e kolaila poe.  O keia mau huaale kaulana eia ke kauiia nei ma na halekuai laau lapaau apau.  Ua hoopukaia he buke i kupono no na wahine he mau kuhikuhi hoi e hoonaauao ana i ka lawe ana i keia mau huaale a i hoolahaia e Dr. Williams Medicine Company, Schenectady, N. Y.  O ka inoa o ua buke la, oia iho keia “Plain Talks to Women” (He mau Kukaiolelo Maopopo me na Wahine), a e hoounaia aku no ke noiia mai pela.

           

            E HOOMAKAUKAU NO KE KUNUKALEA.—O ka manawa i hoomaunaunaia no ke kiai ana i ke kauka i ka manawa e hoike mai ai na haawina o ka ma’i kunukalea mluna o ke keiki he mea no ia e make ai ke keiki i kekahi manawa.  O ka laau i hilinaiia a oia no hoi ka laau kupono loa e malama mau ia ma na home i makaukau no ka lawe koke ana o ia no ka Laau Kunu a Chanberlain.  Aole loa he manawa i haulehia ai kana hana a he laau kaupale no hoi i ka ma’i ke haawi koke ia i ke keiki i ka manawa e loaa mai ai na haawina o ka ma’i.  Eia ke kuaiia nei ma na halekuai laau lapaau apau.  BENSON, SMITH & CO., LTD., kon Agena ma Hawaii nei.

 

            I ka wa i weheia ai ke kino wailua o ka Moi Kalakaua mai kona pahu i laweia mai ai mai Kapalakiko mai, ua kauoha ae o Mrs. Kaeo, kekahi o na ukali o ka Moi e kanuia oia me ia pahu ke make oia.  Ua malamaia ua pahu la e E. K. Lilikalani, a i @a make ana o Mrs. Kaeo ua hookoia kana noi.

 

HOOLAHA HOOKO MORAKI.

HOOLAHA MANAO PANIKU A KUAI A KA MEA PAA MORAKI.

PUUNUI TRACT.

 

            I kulike ai me na @@@ o kekahi moraki i hanaia e William C. A@hi ia Wong Wa Foy, i hana@@ ma ka la 4 o Okatoba, 1898, a ka@@@ukop@@a ma ka Buke 187, aoao 46 ame 47, i keia manawa ke paaia nei e ka Western and Hawaiian Investment Company. Ltd., ma ke ano he mea malama moraki. ma keia ke haawiia nei ka hoolaha ke manao nei ka mea paa moraki e paniku ia mea no na kumu i uha@@@@ oia hoi: Ka uku ole ia ana o ka ukupanee ame ke kumupaa i ka manawa @ uku ai.

            Ke haawi pu ia aku nei no hoi ka hoolaha mahope o ka pau ana o na pule ekolu mai ka la aku o keia hoolaha ana o ka waiwai i paa ma ua moraki la i oleloia e hooiahaia ana no ke kuai aku ma ke kulala akea, ma na keena kudala o James F. Morgan, iloko o Honolulu, ma ka Poaono. Maraki 4, 1905, ma ka hora 12 awakea @ o ka la i oleloia.

            No na mea aku i koe e hiki no ke loaa aku mai a Castle ame Withington, na loio o ka mea paa moraki.

            Hanaia ma Honolulu, Feberuari 10, 1905.

THE WESTERN AND HAWAIIAN INVESTMENT COMPANY, LTD.,

         Mea Malama Moraki.

            O na aina i paa ma ua moraki la oia iho keia:

            O kela mau aina apau loa, mau apana, mau hapa a i ole mau apana aina liilii, na alanui apana aina a i ole apana aina liilii o ka aina e waiho la ma ka aoao Ewa o ke awawa o Nuuanu, i ikeia hoi Puunui Tract, o ia no hoi ka aina i hooliloia i ka mea moraki ma ka palapala kuai a Wong Wa Foy, kahu, i hanaia i ka la 4 o Okatoba, 1898, a i kopeia iloko o ka buke 183, ma na aoao 479 ame 480. a

            O keia no hoi ka aina i hooliloia ia Wong Wa Foy, kahu, ma ka palapala kuai a E. B. Waterhouse ame kekahi poe e ae, i hanaia i Iulai 11, 1896. a i kopeia iloko o ka Buke 159, aoao 497, a i hoakaka pono loa ia hoi e like me ia malalo iho.

            Na Pa-hale 2, 3, ame 10 kuea A.

            Na pa-hale 3, 10, 13, 15, 23, a 27 huiia 29 a 32 i huiia ame 34 a 36 i huiia, kuea 2.

            Na pa-hale 15 a 26 i huiia, kuea 3.

            Na pa-hale 28 ame 30 kuea, 3.

            Na pa-hale 31 a 38 i huia, kuea 3.

            Na pa-hale 43 a 52 i huiia, kuea 3.

            Na pa-hale 14 a 24 i huiia, kuea 4.

            Na pa-hale 20 a 25 i huiia, kuea 5.

            O ka aoao mauka oke kuea 6 nona hoi ka iliaina o a aneane 18 eka.

            Pela no hoi na mahele i kuai ole ia, na apana aina liilii, na alanui na pahale ame na hapa o na aina apau loa i hooliloia ma ka palapala kuai i hoikeia maluna’e a E. B. Waterhouse ame kekahi poe e ae, ia Wong Wa Foy, kahu.

            Koe a hookoe i na aina, na pa-hale, na apana ame na hapa o ka aina i hookuu pono ia e ka mea malama moraki o ka moraki maluna’e, e like hoi me ia malalo iho nei, oia hoi:

            Ka hookuu i hanaia Malaki 3, 1900, i kakau kopeia ma ka Buke 204, aoao 203, pa-hale 20 a he hapa o ka pali, kuea 5.

            Ka hookuu i hanaia Maraki 30, 1900, i kakau kopeia ma ka Buke 204, aoao 281, pa-hale 21 a he hapa o ka pali, kuea 5.

            Ka hookuu i hanaia Iune 6, 1900, i kakau kopeia ma ka Buke 207, aoao 256, pa-hale 25, kuea 2.

            Ka hookuu i hanaia Novemaba 19, 1900, i kakau kopeia ma ka Buke 214, aoao 330, na pahale 15, 16, 17, 18, 35, 36, 37 ame 38, kuea 3.

            Ka hookuu i hanaia Dekemaba 10, 1900, i kakau kopeia ma ka Buke 215, aoao 345, na pa-hale 17, 21, 22 ame 23, kuea 4.

            Ka hookuu i hanaia Dekemaba 12, 1900, i kakau kopeia ma ka Buke 21@, aoao 349, na pa-hale 47, 48, 49, @@ kuea 3 ame pa-hale 16 kuea 4.

            Ka hookuu i hanaia Iune 22, 1901, i kakau kopeia ma ka Buke 226, aoao 114, pa-hale 18, kuea 4.

            Ka hookuu i hanaia Sepatemaba 10, 1901, i kakau kopeia ma ka Buke 2@@, aoao 371, na pa-hale 31 ame 33, kuea 3.

            Ka hookuu i hanaia Maraki 6, 1902, i kakau kopeia ma ka Buke 232, aoao 472, na pa-hale 26, kuea 2, ame na pa-hale 43 ame 45, kuea 3, pa-hale 25, kuea 5, ame ka hapa o ka pali.

            Ka hookuu i hanaia Feberuari 12, 1903, i kakau kopeia ma ka Buke @@@, aoao 257, pa-hale 32, kuea 2.

            Ka hookuu i hanaia Augate 7, 1903, i kakau kopeia ma ka Buke 251, aoao 49, na pa-hale 30 ame 31, kuea 2.

            Ka hookuu i hanaia Dekemaba @, 1899, i kakau kopeia ma ka Buke 204, aoao 45, pa-hale 3, kuea A.

            Ka hookuu i hanaia Dekemaba 21, 1900, i kakau kopeia ma ka Buke 213, aoao 4@@ na pa-hale @@@@@ pa-hale @@@ kuea @@@

            E loaa @@@@@ pala hookuu: @@@ mea aku i k@@@ @@@ Feb @@@@

[image]

 

 

             HALE KAAWAI O KA OIHANA KINAIAHI O HONOLULU.

 

HOOLAHA KUMAU

Kakela me Kuke

[KAUPALENAIA]

Poe Kalepa ma ke Komisina

:: A HE::

POE LAWELAWE KOPAA

 

Poe Agena no na Ma hiko Lehulehu.

Hui Alahao ame Aina o Oahu

MANAWA HOLO

Oct. 6, 1904

 

MAI HONOLULU AKU

No Waianae, Waialua, Kahuku ame na wahi hoolulu ma ke alahao--*9:15 a.m., *3:20 p.m.

No Pearl City, Ewa Mill, ame na wahi hoolulu ma ke alahao--@7:30 a.m., *9:15 a.m., *11:05 a.m., *2:15 p.m., *3:20 p.m., *5:15 p.m., @9:30 p.m., @11:15 p.m.

 

MAI WAHO MAI.

Ku i Honolulu mai Kahuku, Waialua, ame Waianae mai *8:36 a.m., *5:31 p.m.

Ku i Honolulu mai Ewa Mill ame Pearl City mai--@7:46 a.m., *8:36 a.m., *10:38 a.m., *1:40 p.m., *4:31 p.m., *5:31 p.m., *7:30 p.m.

*Kela ame keia la.

@ Sabati wale no.

@ Koe ke Sabati.

 

G. P. DENISON,

   Lunahoohana.

F. C. SMITH,

   G. P. & T. A.

 

HUI HOOLEWA HONOLULU.

 

            Ke hooiaio nei kela hui i kana mau hana kokua i kona mau lala.  I kela wa ua oi mamaua o 1300 lala, a ke @@ mau nei i kela ame kela la.

     J. H. THOWNSEND.               Kakauolelo.

 

Kauka Mitamura

 

Alanui Kukui Ololi Helu 68, Honolulu, Na Hora Hana:

            Hora 9 a.m. a 12 m.; 6:30 p.m. a 7:@@ p.m. Sabati, Hora 9 a.m. a 10:30 a.m.

            Telephone Blue 3466    P. O. Box 842.

 

            INA HE MAKEMAKE KOU e kuai i na waiwai emi e like me na palule, lei-ai, a-ikala, kimono, na waiwai: gala mai hoohala i ke kipa ana ae e ike ia

FUKURODA.

Helu 28—32 Alanui Mo@

He opio Hawaii ke hookipa ae ana ia oe.

 

He Huaale Maikai

Aole he like o na

“HUAALE A AYERS,”

me na huaale e ae no ka mea he mau huaale kokua kela i ka hana a na naau, a he laau hoomaha maikai loa hoi.  Ina he paa kou hanalepo o na “HUAALE A AYERS.”

 

ka laau e hemo maikai ai, a e hemo maikai mau ana hoi mahope aku oia manawa.

            Aole loa he hiki i kekahi kanaka ke Olelo ae he maikai kona oia kino ina aole he hemo o kona hanalepo he hookahi manawa o ka la, a oi aku paha.  Ina i maopopo keia kanawai o ke ola i na kanaka apau, aole loa e like ka nui o ka poe ma’i me ka mea e ike ia nei i keia mau ia.

            Ua hana ia owaho me ke kopaa he maikai loa ka lawe ana.

            Aohe mau Huaale i oi ae ka maikai mamua o na

“HUAALE A AYERS.”

Hoomakaukau ia e Kauka J. C. Ayer & Company, Lowell, Mass., U. S. A.

E loaa no keia mau Huaale ma ka Hale kuai laau o Hollister, alanui pa@@.