Ka Nupepa Kuokoa, Volume XLIII, Number 5, 3 Pepeluali 1905 — Make i ke Kinipopo. [ARTICLE]
Make i ke Kinipopo.
HILiO. Jan, 26.—Ua make o John Souza. he kanaka opio e hana ana iloko o ko Serrao haleknai meaal ma ke ano he kahukaa, ma ka la Sabati nei mamuli o ke ku ana i ke kinipopo. E paani kininopo ana oia me Kekahi poe ma Wainaku a iaia e hoao ana e holo malu a komo i kekahi pahu ua nou aku la ke keiki hopupopo i ka poo, me kona manao e lilo ana o Souza, eia nae ua loaa aku la oia i ka oopo ma ke poo. Mahope koke iho o keia ulia i loaa iaia ua haalele iho la oia i ke kahua kinipopo a hoi aku la no kona home. a ilaila oia i ha'i aku ai i ka eha o kona poo. Ua hoi aku !a oia e moe a mahope mai ua ikeia iho la e waiho ana oia me ka ma'i loa. Ua kiiia ke kauka, eia nae ua hala loa ka wa kupono e kokua aku ai iaia a make iho ia oia i ke kakahiaka ma ka hora 5. Ua maneleia aku oia mai ka halepule Kakolika aku mia ke kakahiaka Poalua malalo o ka lawelawe ana a ka hui ma-lu Foresters, oiai he lala oia no ia hui. He 21 ona makahiki a he opio hoi f noho me ka inoa mnlkai.