Ka Nupepa Kuokoa, Volume XLIII, Number 5, 3 Pepeluali 1905 — Haule i ka Pali a Make Loa. [ARTICLE]

Haule i ka Pali a Make Loa.

MAUI, Jan. 2S.—Ma ka Poalua ua halawai iho la kekahi Kepani limahana o ka auwaha o Hamakua me ka make mainoino mamuli o ka haule ana he mau haneri kapuai ma ka pali kuhoho a okaoka liilii kona kino iluna o na pohaku e waiho ana ilalo o ke awawa. Makai iho o Kaluanui, Makawao. e kokoke ana hoi i kahi o O. Burns, ua moe aku la ka auwaha maluna o ke awawq. nona hoi ka hohonu ma kahi o eha a elima oaha haneri kapuai. Ua hanaia he wahi lua o eha-kapuai malaila i mea e Paa ai i ke paipu auwaha. 0 ke Kepani i make aku la ua hookuukuuia aku oia me ke kaula no kahi ona 1 hoounaia ai e hookaawale ae i kekahi pohaku e oioi ana iwaho. I kona hiki ana mai kahi ona i hoounaia ai, uj hana iho la oia i wahi nona e ku ai ma ka aoao o ka pali, a wehe ae la i ke kaula ona- i hoopaaia ai me ka manao piha e loaa pono iaia ka hiki e hana pono. Aole i maopopo loa, oia paha ka i hiki ole ke paa pono ma kona wahi e hana ana, a i ole ua kakaa mai paha ka pohaku ana e hana ana maluna iho ona. Ma ka hoike i loaa ae aole ka ma kona wahi i ike mua ia ia. Ua nanaia ke kino make e Kauka "W F. McConkey, a ua hooholoia aole e noho ke koronero no ka noonoo ana i kona kumu o ka imake ana.