Ka Nupepa Kuokoa, Volume XLIII, Number 5, 3 Pepeluali 1905 — Page 2

Ka Nupepa Kuokoa

KE KILOHANA POOKELA NO KA LAHUI HAWAII.

 

 

2     NUPEPA  KUOKOA,  POALIMA,  FEBERUARI  3,   1905.

 

KA

Nupepa Kuokoa

 

NO KA MAKAHIKI   -   -   -   -   $2.00

NO EONO MAHINA -   -   -   -   - 1.00

 

SUBSCRIPTION RATES

ONE YEAR  -   -   -   -   -   -   -   -  $2.00

SIX MONTHS   -   -   -   -   -   -   -   1.00

  O NA OLELO HOOLAHA APAU E HOOUNAIA MAI ANA NO KA HOOLAHA MALOKO O KEIA NUPEPA, E HOOUNA PU MAI ME KA AUHAU, A INA AOLE, AOHE NO E HOOKOMOIA. E HOIKEIA AKU NO KA AUHAU OLELO HOOLAHA KE UI MAI I KE KEENA NEI.

 

O na Dala apau o ka Pepa e hoouna pololei

moi i ka HAWAIIAN GAZETTE

COMPANY, LTD.

 

@OOPUKAIA E KA

Hawaiian  Gazette  Co.,  Ltd.

Hookomoia ma ka Hale Leka o Honolulu

Panalaau o Hawaii, ma ke ano

Mea o ka Papa Elua.

 

DAVID L. A-I,     :     :    Lunahooponopono

S. K. NAWAA,  : Kokua Lunahooponopono

A. W. PEARSON,   :   :   :   :   :   :   Lunanui

HONOLULU,  OAHU.

 

POALIMA    :    :    FEBERUARI 3, 1905.

 

Kanawai Kuloko Koho

Laikini Waiona.

 

  O ke kanawai a bila kanawai kuloko koho laikini waiona a Senator D. H. Dickey e puka aku nei ma keia helu o ke Kilohana oia kekahi o na haawina maikai a ka lehulehu o keia Teritore e noonoo ai, a e like me ka hoike manao o ka Senator e waiho aku i na hoohalahala ina he mau mea kahi o ia ano e ulu ae ana. i mea e maopopo ai ka pana o ka manao o ka lehulehu maluna o ka ninau.

  I ke kilo ana o ke Kuokoa ua loaa ka hoomaopopo i ka apo ohaohaia o na kumuhana e like me keia bila kanawai a ka hoa Senator iwaena o ka poe i makee i ka pono nui pililaula pau pu me ka hopakele ana i ke ola o ka uhane hookahi e hoomailoia ana e ka waiona me ka kaa o ke kanaka malaio o ka mana o ke ake oa-rama, a he mea hoomaluhia hoi i kela ame keia wahi e komo nui ole ia ana e ka mana hoohaukae o ka waiona.

  Aka o ka manao ana e pulu pau ia ka waiona, he noonoo hawwa loa ia aku o ke kukulu ana i ka manao no ka hoonee i ka pomaikai pililauia imua me ke kinai ana i ka mana inoino o ke ake ona-rama oia ka hana waiwai loa e pono ai e pulamaia e ke kanaka ina he noonoo hoakanaka kahi iloko ona. Aole he wa e pau ai ka hanaia o ka waiona, a he mea maikai no ia maloko o ka mahele lapaau ke hooiaia mai e na kauka i ka maikai o ka inu ana i ka waiona, a ke Kilohana e manaoio pu nei i ka pili wale no o ka maikai ka waiona me ia mahele lapaau wale no a aole ma kekahi ano e ae pili i ka inu, oiai aia no he mau waiwai nui e ne o na waiona e hoohanaia ai mawaho ae.

  Noiaila i loaa ai ka ike i ka maikai o ka waiona no ka oihana lapaau a malalo wale no o na hooiaio a na kauka e pono ai e huiia me na maikai e ae e hoohanaia ana ma kekahi mau mea a mau hana e ae; aka he mea hoopoino nui ka waiona (o na waiona no apau loa) ke lawelawela a hoohanaia ma ke ano ona-rama e ake ai no ka lealea a makou e manaoio nei, oia maoli no ka iini ame ka makemake o na halekuai waiona e hawi laikinia nei, oia hoi, e hoolilo i na waiona no ka loaa mai o ke dala me ka noonoo ole ae i ko ha'i pono.

  A ina nei no ka manao e hoopau loa i ke kuai waiona i mea e pau ai ka poino a ka waiona, o ka manao o ke Kuokoa malaila--aole ia he mea e pau ai ka hanaia o ka waiona a aole no e pau ke kuai i ka waiona no ka mea aole e nele ke kuai ma-iuia o ka waiona e like no me ia e hanaia nei, ame ka hooikaika e alo ae i ka maka o ka oihana makai. Pela i kau ai keia @nau waiona iloko o ko makou noonoo i mea nui a e pono ai i ko Hawaii nei poe ke noonoo akahele, oi loa aku i na hoa ahaolelo ka poe na lakou a hooholo i na kanawai.

  He elua haawina i loaa i ka makou hoomaopopo ana ma keia ninau akahi, aole e pau ke kuai o ka waiona ina no e hanaia ana i kanawai e papa ana i ke kuai ana (no ka mea aole e nele ke kuai ma-luia) a o ka lua, he mea pono e pepehiia ka ino o ka waiona a kaomi ia ino i ole e hooliloia ke kanaka i kauwakuapaa no ke ake ona-rama, a nolaila he mea pono e hanaia i kanawai paniku i ke kuai waiona, a maluna o keia mau mahele i manao ai makou i ka waiwai nui o ka hoolei aku o ke kanaka i kona noonoo maluna o keia kanawai kuloko koho laikini walona a ka Senatoa Dickey.

  Aia ma keia bila kanawai ua haawiia ke kuleana haawi laikini a ka Puuku o ke Aupuni i kekahi mea makamake kukulu halekuai rama no ka hoohainu rama ana i kanaka ma ke kaa ano o ke koho o ka hapanui o kekahi mahelekoho ma ke koho "Ae" oia hoi he haina no ka ninau o ka balota "E laikiniia anei ke kuai ana o ka waiona iloko o ia mahelekoho iloko o na makahiki elua? alaila e kukuiu no ua kanaka ia i halekuai rama nona iloko o ia mahelekoho mahope iho o ka loaa ana o ka laikini a he hoike ana no hoi ia i ka makemake o ia mahelekoho i ka ona rama ame na ino apau e puka mai ana mai ka wainoa mai.

  A he mea maopopo o na mahele o ia ano e nele ole ana ke aiai o ka ino iloko o ka noonoo o kanaka, a o ke kanaka a ohana i aloha ole ia ino aole no e nele ka hoikaika e hoomamao mai ia wahi aku, a noho aku ma kahi maluhia, a oiai he nui ka poe me ka hoolimalima (o ko ke kulanakauhale nei) o lakou no auanei ka poe e maalahi ana ka nee ana mai ia mau wahi aku a pau pu no me ka poe mea halekuai rama.

  Aia no hoi iloko o ka bila kanawai ua panikuia ka haawi laikini ana o ka Puuku a o kekahi luna-aupuni e ae no ke kukulu halekuai waiona ana o kekahi kanaka iloko o ka mahelekoho, ke kaa ka hapenui o ka poe koho o ia wahi ma ke koho "Aole," ma ka oleio maopopo ana ae aole e laikiniia ke kuai o ka waiona malaila no na makahiki elua e hiki mai ana a o ke ku ole no hoi ia o ka halekuai waiona iloko o ia mahelekoho, a oia no hoi ka mea nana e hoike ae he mahelekono makemake ole ia i ka ino o ka waiona a ua makee hoi i ka pono o lakou ponoi iho.   x

  Nolaila i ka houluulu ana i na mea apau he hiki ke ike ia aku aia ka hololea o ka laikini waiona ana ame ka ole ma ke koho ana o ka poe koao balota o kela ame keia mahelekohu a makou e manao nei i ka maikai o ka haawiia ana o ke kukulu halekaai rama ma ke koho ana o ka lehulehu. Ma ka aoao o ke Kuokoa he kakou nui kona i na kanawai o keia ano e kaomi ana i ka ino o ka waiona a oi loa aku i keia oiai ua kaulike ia i na aoao a elua, a ina he mea hiki ka hului pau ana a pulumi pau ana i ka ino o ka waiona aole e haohao ke Kuokoa ma ke komo kokua laulima pu ana iloko o na hana kinai ino.

 

Ka Moi Lunalilo.

 

  Ma ka noho ana o ka Ahaolelo o ka makahiki 1873 iloko o Ianuari, i kau aku ai ka oihana Moi, ka oihana kiekie loa o ka hoomalu lahui a hooponopono aupuni ana maluna o ke Keikialii William C. Lunalilo kekahi o na alii koikoi loa iwaena o na alii o ko Hawaii Paeaina. Ua loaa iaia ia kulana, noho moi, ma ka Ahaolelo mai ma o ka hooholo lokahi ana o na hoa, he mau wahaolelo i hoounaia mai @a wahi like ole o ka aina a ka lehulehu i koho ai a koho ae i moi no lakou oiai ua hala aku o Kamehameha V i ka make iloko o Dekemaba 11, 1872 a waiho hakahaka iho ia kona wahi me ka hoopiha makalua ole ia a hiki wale i ka piha ana ia Lunalilo.

  Mamua o ka hoea ana i ka makahiki 1873, ua hoolaha mua ae la ke Keikialii Lunalilo i kona mau manao ma ka malama o Dekemaba o ka makahiki e nee ana, oia hoi, e a'oia na hoa ahaolelo no ke koho ana iaia i moi a aole paha a i ka hiki ana mai o ka la koho oia ka la 1 o Ianuari, 1873, ua aneane e pau loaa i ke koho ia Lunalilo i moi no ka Paeaina mamuli o keia hoolaha manao ana o ke alii, ka haawina nana i hoopiha aku i ka lehulehu me na manao makemake, ohaoha nona, a pela iho la i moi ai o Lunalilo mahope iho o ka hoohiki kakoo ana i ke kumukanawai, a iloko o ka makahiki hookahi ana i noho moi ai aole i nele ka waiwai o ke aupuni, ka lahui ame ka poe apau i apoia iloko o ka Paeaina. Aka aia no he mau anoninoni hoohalahala i ulu mai mamuli o ka hooikaika ana o na kuhina e hooholoia ke kanawai hookaawale ohana ama ka manao e haawi ia Puuloa i wahi kahua lanahu no Amerika Huipuia. A ma ka noonoo ana i ka manao hana hou i na kuikahi panailike me Amerika no ka oihana hoowaiwai ua lilo ia manao i mea makemake loa ia mawaho ae o na hoohalahala ikiiiki i ulu mai keia mau hoohaili kanawai hookaawale ame ka haawi ana ia Puuloa i kahua lanahu.

  Aole wale o ka noho moi ana o ka Moi Lunalilo ka manawa i ikeia ai o kana maikai loa i haawi ai ia Hawaii, a i kona lahui, oiai oia e noho hoomalu ana iloko wale no o hookahi makahiki me na la keu o iwakaluakumamalima, aka, o ka manaopana i kanuia iloko ona no ke aloha i kona lahui, no ke kukulu home ana no na Hawaii ilihune a kama ole oia kekahi o na haawina maikai i puka mai a ke oia nei a hiki i keia la, kekahi kumu nana i hooikaika i ka hoomanao aiai ana i kona la hanau e like me ia i hoomanaoia ai ma ka Lunalilo Home i ka Poalua i hala iho la.

  Eia keia home ke ku nei a ke malamaia nei  e kona mau waiwai ponoi ana i kauoha ai no ka home ame ka malama ana i ka poe ilihune a palupalu iwaena o kona lahui. Iloko o ka palapala kauoha o ka moi. ua hoopaa mua oia i na waiwai apau i kuleanaia e ia mai kona makuakane mai, a i ka hala ana o ka moi ua hookoia kona makemake e na kahu-waiwai i hookohu pono ia ma ka hooikaika akahele ana lawa ai ka huina i makemakeia e ka moi no ke kukulu ana i ka home ma kahi o iwakalua-kumamalima haneri dala.

  Aole no i lawa na loaa o ka waiwai o ka moi no ka hooko ana i kona makemake aka i ka hala ana o kekahi mau manawa me ka hoohana mau ia o ka waiwai ua pii mahuahua mau na loaa a hiki wale i ka loaa ana o ka huina o $130,000 alaila ua hoalaia ae la ka home o na palupalu mahope iho o ke kuaiia ana o kekahua e ku nei ua home la, a i ka paa ana o ka home, mai ia manawa mai ka malamaia ana o na elemakule ilihune a nawaliwali ma ke kino e hiki pono ole ai ia lakou ke malama ia lakou iho. a o ka mea i oi loa aku oia ka mau o ke ola o keia home malama ilihune malao ponoi o ka waiwai o ka Moi Lunalilo, nolaila i pa-u mau mai ka leo o "Ka Makua o na ilihune," a ke Kuokoa e pane kanalua ole nei i ke ola mau io o na hana maikai o kekahi kanaka iaia e haalele iho ai i keia nohona honua like loa me Moi Lunalilo ame kekahi poe hoonui maikai e ae.

 

Kenekuria Um-kumamaiwa.

 

  O ke "Kenekuria Umi-kumamaiwa,"oia ke paneeia aku ana imua o na makamaka ame na hoaloha o ka Nupepa Kuokoa, ke "Kilohana Pookela no ka Lahui Hawaii," e pani ana hoi i ka makula o ka moolelo "Rusia ame Iapana ma ke Kahuakaua Enaena."

  Aole keia he moolelo kaao wale, aka he moolelo oiaio i laweia mai na moolelo oialo o na mea i hanaia e na aupuni nui apau o ka honua nei, iloko o na makahiki he hookahi haneri i kaahope ae nei oia no hoi ke Kenekuria Umi-kumamaiwa o ke kakaa ana o ka honua ma kona mau kaei iho, e hoomaka ana hoi mai ka A. D. 1800 a pau i A. D. 1906.

  Aia iloko o keia moolelo he umi mau mahele, oia hoi, he umi makahiki iloko o ka mahele hookahi, a e hoikeia aku ana ma kela ame keia mahele na hana a na aupuni i hana'i na kaua i kauaia e Napoleona. ke kae'ae'a o Farani. Nelekona. ko Beritania Adimarala kaulana, Welinetona ke ki nana i laka a paa o Napolona a hoohaahaa loa aku iaia. Wasinetona, ko Amerika Peresidena mua loa, a alihikauea hoi Generala Kalani, he kanaka nana i hopupio i na Konofederata o ka Hema, Kamehameha I, ko Hawaii nei Napoleona ame ka lehulehu aku o na kanaka kaulana ame ka lako@ mau hana.

  O keia moolelo ke hooponoponoia nei e S. K. Nawaa, a i kona manawa e puka aku ai, ke manaolana nei makou e apoia mai ana e ko makou mau makamaka. O na moolelo o keia ano he mea hoonaauao ia ia kakou i na mea i hala i hiki ai ia kakou ke hoomaopopo a hoopaa iho iloko o ko kakou mau puuwai i na mea ano nui i hunaia. He moolelo hoi ma ka nui o ka hana e hooponopono ai i kupono i ka makemake o ka poe e heluhelu ana, @a mamuli o ko makou hilinai i ka meakakau i kona makaukau e hana i keia hana nui, nolaila makou e manaolana ae nei e hiki ana iaia ke hoolawa a piha pono ka makemake o ko makou poe heluhelu. I keia pule ae e hoopukaia aku ai no ka wa mua loa.

 

E HOOMANAO.

 

  E hoomanao mai no hoi ka poe e manao ana e hoouna mai i na manao a meahou paha no ka hoolaha ana iloko o na kolamu o ka Nupepa Kuokoa nei ma ka hoomikioia ana i ke kakau ana ia iakou maluna o na apana-pepa kupono @ e kakau alokahiia a aole o ke alolua.

  Aia he mau palapala i loaa mai ua kakau aloluaia, oia hoi, ma ka aoao mua a ma ka aoao hope a he hoonui hana a hoohauhili a hoonui manawa hoi ia ia makou ame ka poe hoonoho hua no kahi hana uuku. He hana maiau ia o ka houuku i ka manawa hana no kahi hana uuku i kupono e hoopau pono ia iloko o ia manawa, a hoonui aku i ka manawa hana no ka hana nui; a i ka haohao ana o ka mea nana ka manao hoolaha, e hoomanao koke iho oia, o keia mau hooaiai ana maluna ae na kuinu e hoopuka ole ia ai lakou mawaho ae o na kumu hoopuka pilikino a pilikahi hoowaiwai ole i ka lehulehu, koe nae na hooaiai kupale kupono i kupono no ka hoolaha ana.

EIA HOU.

  E makaala mai no hoi i ke oia o ke Kuokoa, ma ka hoouna mai ma ke pooleka o hookahi keneta, aole ke pooleka elua keneta, a i ole ia ma ka bila dala haleleta. E paa pu ia no hoi na kope mai ko lakou hoounaia aku a komo mua mai ke ola-epa o $1.00 no eono mahina, $2.00 no ka makahiki i ka ona o ka nupepa, ka hui "Hawaiian Gazette Co., Ltd.," a e hoouna mai no hoi ma ia inoa a aole i ka lunahooponopono, no ka mea aole i pili ia hana iaia, a i kona keena; i pilikana ole loa hoi i na hana hooponopono, pa'i pa'i a alakai nupepa ana ame na hana like, na mahele hoi i pili i ke keena hooponopono

 

Hoololi Manawa Holo o na

Kaa Uwila

 

  I ka Poakolu iho la oia ka la ekahi o Feberuari nei i hoololi ai ka holo ana o na kaauwila o ka Hui Kaauwila o Honolulu mai kona papakuhikuhi hooholo kaauwila i ku mua iho nei.

  A i keia manawa aia na kaauwila o Punahou, ke holo nei ma ka huina alahao ma Pawaa i alanui Alekanakelo huli ma alanui Waila a iho ma alanui Pensacola a holo i alanui Lunalilo e hiki aku ai i ke alanui Alapai, a malaila aku holo ma ke alanui Beritania a alanui Papu, iho i kai a ku i alanui Allen, he holo ana o umi minute mamua o ka hui hou ana no Pawaa, a e ikeia ai hoi ka laina kaa Punahou.

  O na kaauwila o ke Alanui Beritania ke holo nei mai ka huina alahao o Pawaa ma ke alanui Beritania a huli ma ke alanui Alapai a ma ke alanui Hokele a pii loa ma ke alanui Liliha no Puunui a mailaila mai huli hou no Pawaa. No ka kaauwila holo ki-ke mai Puunui mai e holo ana no lakou a hiki Pawaa a huli hou, a o na kaauwila e ae e holo wale ana no mai Puunui mai a ka Paalii i ke alanui Miller, a o na kaa no hoi ia no lakou na manawa holo o umi minute ma ke ala hookahi, a o keia hoi mawaena o ka Paalii a waho o Pawaa he iwakalua minute; a e ikeia no hoi keia laina kaa ka laina kaauwila o Alanui Hokele.

  O na kaa hoi o ke alanui Moi e holo ana lakou e hui aku ai me ko Waialae kaa ma Pawaa i na umi ame kanaha minue apau mahope iho o ka hora aole hoi e like me manawa mua ma kela ame keia 15 ame 45 minute. A 'o ko Waialae @hoi e hui ana me na kaa o ko ka Punahou i kela ame keia umi ame kanaha minute, mahope o ka hora, a i na kanaha minute hoi mahope iho o ka hora e hui ai me ko ka Hokele laina e holo la i alanui Beritania.

  O na kaa o ke alanui Alakea ke haalele mau nei i na poo-palena o lakou oia hoi o uka o Pauoa ame kai i ka Halehanahao o Honolulu (Ulakoheo Hou) i na umi minute apau mahope iho o ka hora aole hoi e like me mamua i ka elima minute a ma ko lakou aia holo hoi e hui ai me na kaa o na alanui Moi ame Hokele ame Beritania.

  O na kaa hoi o ke alanui Nuuanu ke haalele nei i ke kihi o na alanui Moi ame Papu ame uka o Maunaala i ka elima minute mahope iho o ka hora a i kela ame keia umi minute mahope ma! e hui ai ke kaa o Maunaala ma kona ala e iho ana no ke kulanakauhale me ke kaa o Punahou e hole ana no Pawaa ma ke kuiki ma Ewa iho o ka Luakini Kakolika ma alanui Papu, a pela no hoi e hui ai ma ke kuike ke kaa o Punahou e holo ana no ke kulanakauhale mai Pawaa mai me ke kaa o ke alanui Nuuanu e holo ana no uka o Maunaala.

  No ke kaauwila hoi o Mnoa, ke holo nei oia e hui ai me na kaa o ka @iaa Punahou--i na kaa e holo ana no ke kulanakauhale e hui ana oia i ka @4, 34, ame 54 minute mahope iho o k@ hora, a e hui mau ai hoi me na kaa Punahou e holo ana mai ke kulahakauhale mai i ka 6, 26, ame 46 minute mahope o ka hora.

  O na kaa o ke aianui Moi e haa@eie ana i ke alanui Papu ame Moi i ka @ ame 57 minute mahope iho o ka hora a o ko ka laina Hokele hoi e haalele mau ana lakou i ka huina alanu Papu me Hokele he 27 minue mahope o ka hora a o na kaa hoi o Punahou e haalele mau ana i ka huina o na alanui Papu me Hokele i ka hora 11:13 p. m.

  O ke kaa hope loa o ka holo ana o ke alanui Moi e holo ana mai Kalihi mai he haalele mau i ka huina o na alanui Papu me Moi i ka hora 11:27 p. m. a hui aku me ko Waialae: a o ka laina kaa Hokele hoi he haalele mau i ka huina o na alanui Papu me Hokele i ka hora 11:27 p. m. e hui pu aku ai hoi me ko Waialae. A o ke kaa hope loa o ka laina kaa o Punahou e holo hikina ana he haalele mau i na alanui Papu me Allen i ka hora 11:30 p. m. e hui aku ai me ko Manoa a o kela hoi o Nuuanu e holo ana iuka oiaila he haalele mau i ka huina o na alanui Papu me Moi i ka hora 11:25 p. m. ahaaina nui ma lunalilo home

 

Haule i ka Pali a Make Loa.

  MAUI. Jan. 23.--Ma ka Poalua ua halawai iho ia kekahi Kepani limahana o ka auwaha o Hamakua me ka make mainoino mamuli o ka haule ana he mau haneri kapuai ma ka pali kuhoho a okaoka liilii kona kino iluna o na pohaku e waiho ana ilalo o ke awawa. Makai iho o Kaluanui, Makawao, e kokoke ana hoi i kahi o O. Burns, ua moe aku la ka auwaha maluna o ke awawa nona hoi ka hohonu ma kahi o eha a elima paha haneri kapuai. Ua hanaia he wahi lua o eha-kapuai malaila i mea e paa ai i ke paipu auwaha. O ke Kepani i make aku la ua hookuukuuia aku oia me ke kaula no kahi ona i hoounaia ai e hookaawale ae i kekahi pohaku e oioi ana iwaho. I kona hiki ana mai kahi ona i hoounaia ai, ua hana iho la oia i wahi nona e ku ai ma ka aoao o ka pali, a wehe ae la i ke kaula ona i hoopaaia ai me ka manao paha e loaa pono iaia ka hiki e hana pono.

  Aole i maopopo loa, oia paha ka i hiki ole ke paa pono ma kona wahi e hana ana, a i ole ua kakaa mai paha ka pohaku ana e hana ana maluna iho ona. Ma ka hoike i loaa e aole ka pohaku ma kona wahi i ike mua ia ia. Ua nanaia ke kino make e Kauka W F. McConkey, a ua hooholoia aole e noho ke koronero no ka noonoo ana i kona kumu o ka make ana.

 

Make i ke Kinipopo.

 

  HILO, Jan. 26.--Ua make o John Souza, he kanaka opio e hana ana iloko o ko Serrao halekuai meaai ma ke ano he kahukaa, ma ka la Sabati nei mamuli o ke ku ana i ke kinipopo. E paani kinipopo ana oia me kekahi poe ma Wainaku a iaia e hoao ana e holo malu a komo i kekahi pahu ua nou aku la ke keiki hopupopo i ka poo, me kona manao e lilo ana o Souza, eia nae ua loaa aku la oia i ka popo ma ke poo. Mahope koke iho o keia ulia i loaa iaia ua haalele iho la oia i ke kahua kinipopo a hoi aku la no kona home. a ilaila oia i ha'i aku ai i ka eha o kona poo. Ua hoi aku la oia e moe a mahope mai ua ikeia iho la e waiho ana oia me ka ma'i loa. Ua kiiia ke kauka, eia nae ua hala loa ka wa kupono e kokua aku ai laia a make iho la oia i ke kakahiaka ma ka hora 5. Ua maneleia aku oia mai ka halepule Kakolika aku ma ke kakahiaka Poalua malaio o ka lawelawe ana a ka hui ma-lu Foresters, oiai he iaia oia no la hui. He 21 ona makahiki a he opio hoi i noho me ka inoa maikai.

 

Ka Mr. Hayden

Hoike

 

  HAAWI AE I KONA MANAO NO KA LAAU LAPAAU MAIKAI LOA NO KA LOLO HOIKE AKEA AE OIA O KA HUAALE AKALA A KAUKA WILLIAMS @HA KA MEA MANA I HOOLA I KONA MAE OIAI UA PAHU A NA LAAU @ PAAU E AE.

 

  O na kahoaka mua o na me@ @o oia iho keia: ka haalulu o na h@ ka pau hikiwawe ana o ka ik@k@ i n@ lima ame na wawae. a he loaa hikiwawe ana hoi o ka pii@a i ka aoao hookahi; hinewanewa hana a i ole ka hiki hapa ana i na li@ ke oaio@ k@ molohai mai o na hele@na. @ kahi manawa ka on@ i kuna'i@ e k@ auwae me kumu ole. na eha ikaika hiki pono ole ke hanu maikai hiki pono ole ke kamailia @e mea maa mau o ka hoike hikimua oia ke kaumaha po'ipu o ke poo ame ki nowaliwali o na aa huki o ke kino o ke kanaka.

  Ma ke kukaiolelo ana me Mr. W. J. L. Hyden. ua hoike ae oia. Ke manao maoli nei wau o ka Huaale Ak@la a Kauka Williams no ka Poe H@k@ he laau oi aku ia o ka maikai o ka mea ua hooia mai keia mau huaalia'u i ka manawa i puhili ai na kauka ame na laau e ae i ka haawi ana mai he wahi ola ia'u. O ka noonoo nui loa ana i na hana oia ka mea nana i hoohaili mai maluna o'u i ka haalulu o na lala a o ka hopena ola ka loaa ana o ka lolo ia'u. He lehulehu na manawa i hiki ole ai ia'u ke onioni ae. hiki ole ke lawelawe ko'u mau lima a hiki ole ke ku ae iluna mai ka noho ae. I kekahi manawa e hiki no ia'u ke hoonioni i ko'u mau au a hiki no ia'u ke hele. eia nae ua kau mai ka maka'u maluna o'u i ka hele mamao loa ana aku mai ka hale mai o hiki iho ua ma'i la o'u hiki ole ia'u ke hoi i kauhale, a he hapai maoli ia ko'u hiki.

  "I ko'u manawa hoi e waiho ana iloko o keia pilikia, aia hoi ua loaa iho la wau i ka ma'i fiva hi, a waiho iho la wau iluna o ko'u wahi moe no eha mahina. He mau kauka maikai ko'u na lakou i lapaau ia'u, a oiai nae ua hoolaia ko'u ma'i fiva ma ka lakou lawelawe ana, aole no he kaawale aku o na haawina molohai o ka fiva hi mai ia'u aku, a ua hiki ole no hoi i keia poe kauka ke hoola i ko'u ma'i lolo.

  "Ua kokoke no wau e hoopau i ka manaolana no ko'u ola ae, a ia manawa i hookonokono mai ai kekahi o ko'u mau hoaloha e hoao i ka Dr. Williams' Pink Pills fr Pale People. i ka pau ana o hookahi pahu ia'u ua ike iho la wau i ka hopena nana e hoohoihoi mau ana ia'u e hoomau aku i ka lawe ana. Ua pii malie ae la ko'u maikai, a i ka pau ana o na pahu ehiku ia'u ua hoolaia iho la ko'u ma'i lolo a kaawale loa aku la hoi na haawina o ka fiva mai ia'u aku. He elua makahiki i keia manawa ke hauoli nei wau me ke olakio maikai a ua hele aku wau i ka'u hana me ka loaa ole mai o na kuia."

  Aia o Mr. Hayden ma ka helu 252 West 39th, Alanui Nu Ioka. Ua hoolaia e ka Huaale Akala a Kauka Williams he mau ma'i lehulehu i like aku me ko keia, ame na ma'i e ae o ke koko. Ke kuaiia nei keia mau huaale ma na halekuai laau laapau apau. O ka laau mama loa o ka lawelawe ana a hololea hoi ke ola ana he mea pono no e hoaoia e na poe ma'i apau i loaa i ka ma'i lolo o na ano apau.

 

  O KA HOOPALALEHA WALE ANA HE MEA PILIKIA IA.--O ka haapanui o na kanaka he hoopalaleha wale lakou i ka lapaau ana i ke anu, a ina no e hoouluhua ole ia oia e ia mea, o ka oi loa aku la ia o ka hoohemahemaia. He mea maa mau o ke anu i ili iho maluna o ke kanaka i ke kau anu e paa ana no ia iloko o ke kanaka a hiki i ke kau wela. He hupo loa ka manao ana e hana pela, no ka mea malia paha o loaa mai no ka oluolu ke hiki mai i ke kau la, eia nae aole e nele ka hoonawaliwaliia o kekahi mau lala o ke kino a ma ia ano e loaa mai ai kekahi mau ma'i okoa ae. Aole loa he mea pono e hoohemahema wale ia ke anu, ina no ke keiki ka mea i loaa a i ole kanakamakua paha, no ka mea he mea nui ke ola i hoomaunauna wale ia. Ina he wahi omole o ka laau kunu a Chamberiain ko kauhale, nona hoi ke kumukuai haahaa loa, ke lawe oe iaia e loaa koke no ka maha a ua hiki ia oe ke kaupale aku i na ma'i pilikia e ae. Ke kuaiia nei ma na halekuai laau lapaau apau. BENSON SMITH & CO., LTD., na Agena ma ko Hawaii Paeaina nei.

 

KULA'LII O KEHEHUNA.

 

HOOLAHA KUMAU

 

Kakela me Kuke

[KAUPALENAIA@

 

Poe Kalepa ma

            ke Komisina

:: A HE ::

POE  LAWELAWE  KOPA@

 

Poe Agena no na M@

hiko Lehulehu.

 

Hui Alahao ame Aina o Oahu

MANAWA HOLO

Oct. 6, 1904.

MAI HONOLULU @

  No Waianae, Waialua. Ka@ku am@ na wani hoolulu ma ke a@hao *9:15 a. m., *3:20 p.m

  No Pearl City, Ewa Mill a@e @ wah@ hoolulu ma ke alahao @ m., *9:15 a. m., *11:05 a. m. *@ a. m *3:20 p. m., *5:15 p. m. @ m. +11:15 p. m.

MAI WAHO MAI

  Ku i Honolulu mai Kahuku. Waialua, ame Waianae mai *8 26 a. m., *5:31 p m.

  Ku i Honolulu mai Ewa Mill ame Pearl City mai--+7:46 a. m., *8@6 a. m., 10:38 a. m., *1:40 p. m.., *1@ p. m, *5:31 p., m., *7:30 p. m.

   *Kela ame keia la,

   @Sabati wale no.

   +Koe ke Sabati.

G. P. DENISON,

    Lunahoonana.

                   F. C. SMITH,

                       Q. P. & T. A.

 

HUI HOOLEWA HONOLULU.

 

  Ke hooiaio nei keia hui kana ma@ hana kokua i kona mau lala. I kela@ wa ua oi mamua o 1300 lala, a ke p@ mau nei i kela ame keia la.

  J. H. THOWNSEND.   Kika@la

 

Kauka Mitamura

 

Alanui Kukui Ololi Helu 68, Honolulu, Na Hora Hana:

  Hora 9 a. m. a 12 m.; 6:30 p. m; a 7 3@ p. m. Sabati, Hora 9 a. m. a 10 @0 a. m.

Telephone Blue 3466    P. O. Box @42

 

  INA HE MAKEMAKE KO@ ku@ i na waiwai emi e like me n@

lei-ai, a-ikala, kimono, na waia @ mai hoohala  i ke kipa ana a@

FUKURODA.

Helu  28-32  Alanui M@

  He opio Hawaii ke hookip@ ia oe.

 

Poe Akepau i loaa hou

ke OIa Kino Maikai.

  Ke hoike mau mai nei na @ok@ ia makou mai na wahi like ole mai o keao nei no ka nui o ka poe i aneane e loaa i ka ma'i Akepau i hoopakele la mai keia ma'i mai mamuli o ka laau

"Ayer's Cherry Pectoral."

  Ke loaa i keia laau e loaa ana i ka ma'i ka maha no ka wa mau loa, a aole no kekahi manawa pokole e like me kekahi ano laau okoa ae.

  Aohe Laau Kunu i oi ae o ka maikai mamua o ka LAAU KUNU

  "Ayer's Cherry Pectoral."

He mea maikai e ike i keia, no ka mea ua hoola keia laau i ka poe i loaa i keia haawina no aneane kanaono makahiki. E malama mau i keia laau. Ina aole au omole laau kunu o keia ano, e kuai koke mamua o ka loaa ana i ke kunu. Ina ua loaa kekahi iloko o ka ohana i ke anu e hooinu i keia laau a e loaa no ka maha.

  Hoomakaukau ia e Kauka J. C. Ayer & Co., Lowell, Mass., U. S. A.

  E loaa no keia mau Huaale ma na halekuai laau a pau.