Ka Nupepa Kuokoa, Volume XLIII, Number 4, 27 January 1905 — Page 6
| This text was transcribed by: | Francene H Aarona |
| This work is dedicated to: | To the teachers who taught us at the Girlʻs School campus of Kamehameha Schools. |
Ka Nupepa Kuokoa
KE KILOHANA POOKELA NO KA LAHUI HAWAII.
6 NUPEPA KUOKOA, PALIMA. IANUARI 27, 1905.
Hooiaio i ka Mana Nui.
---
I KA WA @IA LA @OLE AI I KA LAPAAU @LAKO ANA I IKE MAO IA LA @ @ LA @HUI LA KA LAAU @NO WILLIAMS PINK PILLS I KONA IA MATIKA.
---
He mau haneri a lehulehu wale aku o na kanaka i kaa i ka ma ʻ i rumatika i hoohaia he mau makahiki lehulehu malalo o ka malama a lapaau ana a na kauka naauao me ka loaa ole no nae o ke ola. Ma hope iho e manao no lakou ua pau iho la ko lakou pono a e lilo no lakou i mau lua ʻ hi no keia ma ʻ i. O Mrs. Dinsmore nae ka i kulike ole ae kona manao me ko keia poe mahope o ka hiki ole ana i kona kauka ke hoola iaia. Eia iho kona moolelo :
" He eha makahiki i hala ae nei e waiho ma ʻ i @himakika ikaika ana wau ma ko ʻ u mau lima ame na kuli. I kekahi manawa mahope o ko ʻ u noho ana iluna o ka noho no kekahi manawa pokole me he mea la ua kaumaha ko ʻ u mau au a hiki ole ia ʻ u ke eu ne e hele. E like me ka loihi o ko ʻ u manawa e oni ai aole e loaa mai na eha maluna o ʻ u : aka, ia ʻ u e hoomaha iho ai me he mea la e kau koke iho no kekahi mea kaumaha maluna o ko ʻ u mau kuli.
O ko ʻ u mau lima kekahi i pilikia loa a hiki ole ia ʻ u ke hoomohala me ka loaa ole mai o ka eha : ua pehu ae la, a nui no hoi ka eha ."
" Ua kii anei oe i kauka ?" i ninau ia aku ai oia.
" He lapaau mau ia wau e na kauka no hookahi makahiki a oi : a la wa i pane mai ai kekahi o na kauka : Ua lawe oe i ka laau i kupono e pepehi i na mea apau, eia nae aole wau i make aole hoi i pepehila ka rumatika i loaa ia ʻ u."
" Pehea hoi oe i kaawale ai mai ia pilikia ou ?"
" He lehulehu na manawa a ʻ u i heluhelu ai i na hoolaha e pili ana i ka Dr. Williams ʻ Pink Pills for Pale People, a mahope iho ua hooholo iho la wau e hoao i keia mau huaale. Ua hoomaa iho la wau i ka lawe ana i keia mau huaale e like hoi me na kulikuli no ena mahina a loaa iho la ia ʻ u ke oia."
" Mai ko a oia ana a hiki i keia manawa ua loaa hou anei oe ?"
" Mai la manawa mai ua loaa iki no wau i ko ʻ u pilikia i hala, eia nae ke lawe no ano wau i ka huaale o ka pau ae la no ia."
" Eia o Mrs. F. A. Dinsmore ke noho nei me ka hauoli no ke ola i loaa aku iaia ma Woburn, Mass., me kona kaawale loaa na hoi mai na haawina ehaeha i loaa mau i ka poe i loaa a kaama ʻ i rumatika. I ka manawa e hoomaka ai e loaa he wahi eha ma na ame he hoike ana mai ia i ka maikai ole o ke koko ma ke kino holookoa. He manawa wale no a e puka amaka ae no ia ma kekahi wahi o ke kino, ao ka oi aku no nae o ka puka ae iloko o ka puuwai oiai he make oia no ka hopena e loaa ae ana. O ka hana wale no e pakele ai oia ka malama mau ana i ka maikai o ke koko.
Oka Huaale Akala, a Kauka Williams oia ka mea nana e hoomaemae mau i ke koko. O ka la mai kekahi mau laau he ola hookamani. O ka ianei ke ola io. Ke kuaiia nei ma na halekuai laau laapau apau.
---
OLAHANI NA LIMAHANA.
---
( Mai ka aoao 1 mai. )
e hoao hou ana ka nui standard i ka ike pu ae no hoi oia o ka mana hoomalu o ka Emepera o na wa i hala ua wawahiia a liilii mamuli o ke kahe ana o na koko hala ole, a he mea pono e kauaia ke kaua a hiki i ka hopena.
ST. PETERSBURG, Jan. 23.---Ua maluhia ke kulanakauhale i keia la mahope o ka haunaele o ka la Sabati a eia ke noho mana nei ka oihana koa. Ua hoikeia ae eia ka Emepera ke aneane nei ma kauwahi o ka poino he hopena hoi mamuli o ke anoninoni loa a na hana kuloko ame ko waho. Ua @oia ae he wahi haunaele uuku ma Bourse ma kala la. Ua pani ae nei na makai i na halekuai pu apau a ua papaia ke kuai ana i na petoroliuma. He hookahi keena hookolokolo i paniku ae mamuli o ka hoole ana o na loio i ka lawelawe hana ana. Me he mea la e okiia ae ana ke kukui uwiia ma Nevesky i keia po a ke maka ʻ uia nei o ka wai ana kekahi e panikuia ae a e puhiia ana ke kulanakauhale e na lima o ka poe hoohaunaele. Ua kohoia ae he 500 poe i make a e eha ma ke ano he hopena o ka haunaele o ka la Sabati iho nei.
WASINETONA, Jan. 24.---Ua waihoia ae he noi iloko o ka Hale o na Lunamakaainana i keia kakahiaka e hoomaha mamuli o ka hoike ana aku i ke kaumaha no ka poe i make ma St. Petersburg iloko o ka haunaele a ua loaa ae he hookahi manao apono.
SEVASTOPOL. Jan 23---Ke a ia nei e ke ahi na hana a ka mana adimarala.
ST. PETERSBURG. Jan. 24.---He iwakalua kaukani koa e hoaluulu nei ma Tsarskoe-Selo, kahi hoi a ka Emepera e noho nei e kali ana i ka hopena e loaa mai ana mai ka haunaele iloko o ka emepaea. Ua hoikeia ae ua hoike ae o Emepera Nikoloka i kona manao e hookohu aku i komisina huikau o na limahana ame na luna aupuni no ka huli ana i na koi a na limahana a hoao ae hoi me ka ikaika e loaa mai he lololea ana o na hooponopono no keia pilikia.
He mau haunaele liilii wale no ia e ala nei ma na alanui i keia po a aole hoi i ki ae na koa i ka lakou mau pu maluna o na kanaka. Ua pihakui ae na alanui aoao me na kanaka, eia nae ua hoopio koke ia iho na kukui a hoomaka aku la na kanaka e hoi liilii.
He eha mau lunahooponopono nupepa i hoike ae e hoole ana lakou i ke kukala papaia o na hoolaha nupepa, a o ko lakou manao maoli oia ka hoolaha ana i na mea e pili ana i ka pepehi mainoino i hana koke la iho nei e na koa ma na alanui.
Ua hoikeia mai ua ki ae na koa i na limahana ma Kolpino. O ka nui o ka poe i make aole i ikeia. Ua loaa mai no hoi na hoike mai Mosekao mai e hoike mai ana eia la wahi ke pihoihoi mai ne. Eia ke Aupuni ke hahai nei no i ka hana hookahi i hanaia ma St. Petersburg, a ke oleloia nei ua oi aku ke ino malaila.
HALEKULA KIEKIE.
MOSEKAO, Jan 24.---Eia no ke mau nei ka laha ana o ka olohani maanei me ka hikiwawe no hoi, e like no hoi me ia i laha ae ai ma St. Petersburg. Ua hoopuka ae nei ke Aupuni i ke kuahaua e papa ana i ka puuluulu ana o na kanaka ma na alanui.
TOKIO. Jan. 25.---Eia ke kiai makaala ia aku nei na mea e hoea mai ana mamuli o keia haunaele kuloko ma Rusia. Ke manaoio ia nei o keia pilikia ka mea nana e kono ana e hoopauia ae ke kaua.
ST. PETERSBURG. Jan. 25.---Ua kukalaia ae nei ke kulanakauhale eia ma ke kulana o ka hoopuniia. Ua kohoia o Trepoff i kiaaina me ka mana piha. He maluhia no ka nanaina o ke kapitala e ku nei eia nae aole he pili aku o na manao maka ʻ u. Ua hoopuka ae nei o Makua Gopon i ke kuahaua e koi ikaika ana i na mea hoopa-hu ame na dainamaita. He nui na poe i hopuia. Ua kakia paa ae na poe halekuai i ko lakou mau puka aniani me na papa.
Eia no ke pii mahuahua nei ke kupilikii o ko Mosekao kulana.
---
Ka Elele Kalanianaole Hana.
---
( Mai ka aoao 1 mai. )
alakai ai ia ʻ u, ua kukai aku wau me Lunahoomalu Gillet o ke Komite o na Hale Aupuni, ua manao o Mr. Gillet he uuku loa kahi manaolana no ka hooholoia o kekahi bila o keia ano, nolaila ua a ʻ o mai la oia ia ʻ u e waiho aku i ka Mr. Young bila ma ke ano "ua noiia mai." No kau Bila Hale Aupuni, ua ha ʻ i aku wau ia Mr. Young ua manao wau e waiho aku i kana bila ma ke ano he kumuhana i noiia mai." eia nae ua hooholo iho oia e waihoia aku ua bila la ana ma kona ano maoli a na kekahi hoa o ka Ahaolelo.
Ua noi aku wau a loaa mai ia Lunahoomalu Gillet ame Mr. Young he manawa e kukakuka ai, a aole hoi wau i waiho aku he kaola ma kona alahele ; eia nae ua hana aku wu i ka hana e hoolilo mau ai i na pono o Honolulu i mea nui ia ʻ u mamua o ka Mr. Young, a hana ole hoi i mea e ku-e ana i ka kakou noi i hale aupuni Federala no Honolulu.
Ua manao wau o ke awa o Honolulu oia ka ninau ano nui mua, a he mea hoi keia a ʻ u e iini nei. O na kokua lokahi like ana o na poe apau i kokua i ka loaa ana he hana kaokoa kupono e komo ai ke awa o Honolulu iloko o ka bila Haawina i keia makahiki ke mahaloia aku nei ; eia nae ua huikau ae nei keia kumuhana a ua loaa ae na mea e paakiki ai a he mama loa hoi ka hoohaule ana mamuli o na lawelawe huikau ana.
Eia o Kakauolelo Atkinson ke iini nei e kokua i keia hana ; eia nae o kekahi o kana hana mua loa mai kona hoi ana mai Nu Ioka mai, me kona ui mua ole mai ia ʻ u, oia hoi kona hele ana aku i ke Kakauolelo Kaua a noi aku iaia e hana aku e like me ka ke Keena Kaua i hana koke iho nei apau. Mamuli o ko Kakauolelo Taft kamaaina pono ole i keia ninau, ua ae aku la oia a haawi koke aku la oia i ke kauoha i kona mau limahana ; o ka hopena e loaa mai ana mai ke Keena Kaua mai e huikau ana, a e hololike ole ana na manao, a e loaa ae ana he mau hilinai ole ia o ko Hawaii kanaka ame na ano hana.
Ina paha wau i komo akeakea aku i ka Kakauolelo Atkinson hana pili i na bona e like me ia ana i hana ae nei, ke manao nei wau ua pono na kanaka o Hawaii e hoohalahala mai i ka ʻ u i hana ai.
Ua wae wau ia Mr. McClellan i Kakauolelo na ʻ u me ke aponoia mai e na hui kalepa o Hawaii ; ua hana like maua me ka maikai no ka loaa mai o keia haawina paakiki pili i ka lawelaweia o ke kumuhana awapae, a o kona hana oia kekahi i mahaloia. Mahope o ka launa mua ana me Mr. Burton, ua ha ʻ i aku la oia i kana kakauolelo o ka maua mau hoike kekahi o na hoike ikaika loa i waihoia aku e pili ana i ka hana e waiho nei iaia. He mea e ehaeha ai no ka naau i ka hoike ikaika loa i waihoia aku e pili ana i ka hana e waiho nei iaia. He mea e ehaeha ai no ka naau i ka hoike ana ae i na mea pilikahi, aka me he mea la he mea pono no i mea e hiki ai ke hoike aku o ka ʻ u kakauolelo ame a ʻ u pu ua hiki no ia maua ke waiho aku me ka naauao i na kumuhana pili no Hawaii nei iloko o ka Ahaolelo Nui.
Aole wau e anunu ana apau i ka hanohano o ka loaa ana mai he hoolohe mai ia Mr. Burton, aka ina ua koiia mamuli o ka Mr. Atkinson hooikaika ana, ina paha hoi ua loaa koke ae iaia i hui mua ae ai iloko o Dekemaba, aole hoi iloko o na pule elua mahope iho o ka haalele ana iho o Mr. Atkinson i ke kulanakauhale nei.
Ke mahalo nei wau i na kokua a na makaainana o Hawaii e hele mai ana a hui like a hana pu ma kekahi papahana ma ke Kapitala nei. Aka no kekahi mau kanaka kakaikahi ma Honolulu e paa ai ia Kakuolelo Atkinson a i ole i kekahi mea okoa ae maanei no ka mahina ma ke ano he limahana kaokoa, he hana wale no ia e alakai ai iloko o na unene ana a e hoopilikia ai i na pono o Hawaii. Kou Oiaio, J. K. KALANIANAOLE.
---
Kakauinoaia na Bona Hawaii.
---
Ma ka Poaono i hala i paniku ae ai ke Keena o Kakauolelo Atkinson, a aia hoi iloko olaila he hookahi miliona dala : o keia ka miliona dala a Kakauolelo Atkinson i kii aku nei ma Amerika.
Iloko o ke Keena i kela manawa e noho ana o Puuku Campbell ame Henry Hapai ame na keiki lawelawe, ame Mr. Terrel, ka haole nana i lawe mai nei i keia huina dala. He hookahi tausani ka nui o keia mau bona nona hoi ka waiwai o hookahi tausani dala pakahi.
Na Henry Hapai i kakauinoa ae i keia mau bona, me Puuku Campbell, a i ka manawa e pau ai e hoikeia aku no ia Mr. Terrel a nana e nana mai a ike ua pono na mea apau.
---
Aole he mau lono kaua ano nui mai ke kahuakaua mai o Mukana ma Manchuria, eia nae o Sana Peteroboro ia e owaowala mai nei. Heaha ana la ka hopena o Rusia ?
Eia ko oukou makemake maanei.
---
NA KEKAHI KAMAAINA O HONOLULU NEI E HOOLAKO IA OE ME NA KUHIKUHI.
---
Ua oi hewahewa aku na hoohalahala maluna o na ma ʻ i puu-paa mamua o na ma ʻ i e ae.
O ka hoailona mua o ua ma ʻ i puupaa la oia no ka akiaki liilii ma ke kua, a he maeele ikaika ka hope o ia mai ʻ i ma ka puhaka, a ke ole e lapaau koke ia alaila e lilo ana ia i mea nui loa. Na ia eha koikoi, ke loaa io oia, e kono aku iaia e huli i wahi e oluolu ai. E hoao wale no i na laau kau no keia ano ma ʻ i, aole no e loaa ka oluolu. Makemake anei kekahi i loaa ia ano haawina e loaa kona hoopakele ? Ina pela, alaila e uhai aku i na kuhikuhi a keia keonimana.
Eia ka pane a Mr. S. Hanoland kekahi luna o ka Hale Kuke Awa : Mamuli o ko ʻ u loaa ana i ka haawina o ka eha nui ma kuu kua no kekahi manawa, ua hoao iho la wau i na Huaale Kuahaneenee a Doan ma kuu kuai ana ma ka Halekuai Laau o Hollister ma a ua loaa ia ʻ u kaoluolu a pau loa kuu eha. Ua maopopo loa ia ʻ u he mau huaale io no lakou no ka ma ʻ i kua haneenee.
E loaa no na huaale kuahaneenee a Doan i ka poe kuai laau apau no 50 keneta o ke poho hookahi, 6 poho i ka $2.50. E hookoia no na kauoha apau ma ka leta ma ke kuike ke hoouna mai i ka Halekuai Laau o Hollister ma, na agena o ka Paeaina. E lawe i ka Doan me ka nana ole i ka ha ʻ i.
---
Lono Hauoli no Hawaii Nei.
---
Ma ka Poalua iho nei i loaa mai ai he telegarapa ia Kiaaina Carter mai ia Elele Kalanianaole e hoike mai ana e hoike ae ana ke komite i ka bila awapae laula, a ia iloko olaila he $400,000 no ke awa o Honolulu pau pu me ke ana ana i ke awa o Hilo.
Ma ka aoao o ke Kiaaina ua panai aku oia i na hoomaikai ana he nui, me kona hoike pu ana aku, o keia iho la ka manawa e papalua hou aku ai na hana ma ko Hawaii nei aoao.
Aole i maopopo ka mahele ana i keia huina dala, oiaia aole i hoike piha mai ka elele Lahui ma kana telegarapa. Aole no hoi i loaa ka huina i manaoia no ko kakou awa, aka e aho paha ka lawe ana mai i ka mea i loaa mamua o ka hoohemahema aku a nele loa kakou.
---
O Rev. S. Kapu oia ke kumua ʻ o himeni o Lahainalua a Lunaaina no hoi Ke holopono nei kana hana no ia kula kaulana o Hawaii nei ka " Ipu kukui pio ole i ka Makani Kauaula. "
PAUAHI HALE O PUNAHOU.
E Malama i kou Ili
KE ANO O KA MALAMA, HOOMAEMAE MA KA HOOUI ANA I KA ILI A ME KA HELEHELENA
No ka malama, hoomaemae a me ka @hooui ana ma @
ka huehue, ili pohaka, ili akaakaa wale, kolokolo loaa @
ili lahilahi, a i na ano kinaunau lehulehu wale o @
ili a helehelena paha e hiki ke hoohal ʻ ikoia me ke KOPA KUTICURA @
mea, aohe kopa e ae e hiki ai ke imi aku a loaa na kumu @ ka @paakiki upehupehu a hoopaaia paha o na pukapuka o ka ili.
E Malama i kou Lauoho
KE ANO O KE PALE ANA I KA LAUOHO HELELEI, NA EHAEHA O KA ILI POO ME KE KEPIA.
E holoi pono i ke poo me ka lauoho me ka wai KOPA KUTICURA @
@hana, holoi i ke kopa me ka wai pumehana, hoomaloo maikai @
malie me ke KUTICURA, ka laau hamo maemae loa, ke k@
komo iloko o ka ili o ke poo. O keia wahi laau hoonui lilo ole @
ano ole, he oi aku o ka maikai no ka hoomaemae ana i ka ili o ka @
ana ka ekaeka o ka lauoho me ka ili a me ke kepia, e oluolu ana @
ka wewela, a e hooikaika ana i na kumu lauoho, e hoolawa ana @
me kupono e ulu ai, a e ulu auanei ka lauoho maluna o ka ili @maemae a @
maikai no hoi, ma kahi i nele ai i na laau e ae a pau.
E Malama i kou Lima
KE ANO O KA HANA ANA I NA LIMA A PALUPALU ME KE @ @ PO HOOKAHI.
E holoi a lumai i na lima i ka wa e makaukau ai e mae, iloko @
lua KOPA KUTICURA manoanoa hoi i hoopumehanaia. Hooma@
hamo puni me ke KUTICURA HAMO, ka laau hooia ili oi loa, a o @
no hoi o ka laau hamo maemae loa. E komo i mikilima laualu i ka @
hana nae i mau pukapuka ma na manamana. No na lima ula kai@
mokumoku, maloo, nakakaka, maneo, owelawela o na poholima ma @
me na manamana hu ʻ i, o keia lapaau ana no hookahi po wale no ka @
panaha loa, a he mea hoopomaikai no hoi i ka poe a pau i eha, m@
kalakala a lahilahi paha o na lima.
HOOLAHA I KA POE HAHAI HOLOHOLONA, KAAHELE KUAHIWI, etc
* * *
KE HOOLIMALIMA AKU NEI A KUAI AKU HOI MAKOU I NA HALELOLE, PALULU LA, NA LAKO NO KE KAAHELE KUAHIWI ANA, NA LAKO HAHAI HOLOHOLONA AME NA LAKO LAWAIA.
NA AHAMAKA, NA NOHO KAAHELE, AME NA NOHO KULE, NA PU AME NA POKA.
---
PEARSON & POTTER CO.,
LIMITED.
931 ALANUI PAPU.
INA HE MAKEMAKE KOU e kuai i na waiwai emi e like me na palule, lei-ai, a-ikala, kimono, nawaiwai gula,, mai hoohala i ke kipa anaae e ike ia
FUKURODA.
Helu 28 - 32 Alanui Moi.
He opio Hawaii ke hookipa ae ana ia oe.
Ka Kakou Mea i Ike ai.
---
I ka manawa e piha ai na makahiki he umi-kumamaono i kekahi kaikamahine, oia ka manawa e malama pono loa ia ai ke ola kino. O na makuahine ka poe i maopopo aole ka wa kaikamahine he wa malaelae mai na popilikia mai. He mea pono e loaa i ke kaikamahine e ulu ana ke kino ka ola kino oolea no ka hoomakaukau ana iaia iho no na hana e kau mai ana maluna ona i wona manawa e oo pono iho ai. He hookahi wale no kumu e loaa ai ke ola kino maikai, a oia ka maikai ana o ka hoowali ana i ka ai. eia nae, he nui na kaikamahine opiopio e ulu nei ke kino e ikeia nei aohe ai mai i na mea ai no lakou e pono ai ; aohe ono mai o ka ai, wahi a lakou, a ina no hoi e onoula aku ana na mea ai iloko o ko lakou puu, aohe no e pono, no ka mea aohe pono o ka opu. No ia kumu, wiwi mai ke kino, keokeo ano e ka helehelena a ano olowi na poohiwi, Olelo mai na hoaloha o ka ohana eia ke emi ano e mai nei ka milimili nui o ka hale, a i ole, ma ka nana aku, e loaa ana paha oia i ka ma ʻ i hokii ma kekahi o keia mau la e nee aku nei. Mai maka ʻ u e ua makuahine. Te tausani o na kaikamahine kino pilalahi, nawaliwali, i ulu ae a lilo i poe wahine nunui puipui maikai a u ʻ i hoi ma o ka hana hou ia ana ame ke ki hou ia ana e ka
WAMPOLES PREPARATIONS
he mea momonae like me ka hone meli, a loaa hoi na mea hoonoono ai ame hooia o ka Pure Cod Liver Oil, i huiia me ke Compound Syrup of Hypophosphites ame ka Extracts of Malt ame Wild Cherry. Ua hiki i keia laau ke hana i na mea apau i hiki ke hanaia e ka cod liver oil maemae loa ma o ka homaemae ana i ke koko, ame ke kukulu hou ana i ke kino, a i ole no paha, ua oi ae no paha ka maikai o keia laau. Ua olelo mai o Kauka P. A. David, he loea ma ka oihana awiliwili laau no ke Kula Kiekie Bishop o Montreal : " Ua lawelawe wau i ko laau cod liver oil ma ko ʻ u halema ʻ i ame ko ʻ u oihana lapaau ponoi, a he nui na loaa kupono i puka pono a ma ko ʻ u manao o keia kekahi o na mea maikai loa a ʻ u i maopopo ai no ke kukulu hou ana i ke kino, a no kona momona, he mea keia e makemake nui la ai, a hiki hoi ke laweia me ka maalahi." Ua maopopo lea ka lanakila o keia mea e like me ka maopopo e kena no ka makewai ma o ka inu ana i ka wai. E hoao, a e ike no oe hei oi aku o ka maikai o ke ola ana ma keia honua me ka loaa ole i na onawaliwali, eha a kaumaha paha ka noonoo. " Aole oia e hoohoka ia oe." E loaa no ma na halekuai laau maanei a ma na wahi apau.
. O KE.
Koko Ino ka mea e loaa ai na Pilikia ma ke Kino.
---
E Heluhelu i keia mau Manao.
O KA LAAU---
AYER ʻ S SARSAPARILLA
---KA
laau nana e hookaawale na ma ʻ i ino mai kou koko aku. He laau hoonoono ai, a he laau e hooikaika ana i kou mau lala apau. O ka Laau Ayer ʻ s Sarsaparilla ka laau kaulana loa a puni ke ao holokoa. Ina e hoomau ia ka lawelawe ana i kela laau e loaa ana ka ke ola kino maikai a me ke koko maemae, hoi hou mai ka ula o @kou mau lehelehe, pu ʻ ipu ʻ i maikai kou mau papalina, a loaa ke kulana ola kino maikai.
He loaa na pu ʻ u paa o ke kino i ka laau Ayer ʻ s Sarsaparilla, e hoopakele ana mai ka ma ʻ i puu paa ( Brights ʻ Disease ) ame na ma ʻ i oia ano. Ke koi ikaika aku nei makou e lawe ia keia ano laau ma kahi i ike ia na ma ʻ i Puu paa apau.
Hoomakaukau ia e Kauka J. C. Ayers & Company, Lowell, Mass., U. S. A. E loaa no keia mau Huaale ma na hale kuai laau apau.
MA AMERIKA he laau ohohia loa @ ka laau kunu a Chamberlain e na @ makuahine ame na keiki no ka hoola @ i ke kunu, hupekole ame ke kuna k@ a. Aole he mau mea hoopiha @ ona a he loaa koke noi ke o ʻ u @ kuaiia nei e na halekuai laau @ apuni ke ao nei. BENSON, SMITH & CO., LTD., na agena ma Hawaii nei.
HOOLAHA.
---
Ke haawi nei o Chum Hoon i ka @hoolaha ua pau ae nei kona hui ana @ o ka hui o Wing Sang Company ma 150 alanui Moi, a ua hoolilo aku @no i kona mau kuleana apau iloko o ka hui ia Chang Kim Sing. CHUM HOON. ( KAKAUINOAIA ) 3651---Jan. 20 - 27.
NANA ANA AOHE AUHAU
Na Kauka Huki Niho Noeau.
He hanaia ka hana me na Auhau haahaa loa. - - - - - - -
---
F. L. FERGUSON,
Lunahoohana.
Helu 215 Alanui Hotele, mamua iho o Young Building.