Ka Nupepa Kuokoa, Volume XLIII, Number 3, 20 Ianuali 1905 — Page 2
| This text was transcribed by: | Ruth Iwata |
| This work is dedicated to: | Awaiaulu |
Ka Nupepa Kuokoa
KE KILOHANA POOKELA NO KA LAHUI HAWAII.
NUPEPA KUOKOA. POALIMA. IANUARI 20, 1905.
KA
Nupepa Kuakoa
NO KA MAKAHIKI ---- $2.00
NO KOMO MAHINA ----1.00
SUBSCRIPTION RATES
ONE YEAR -----------$2.00
SIX MONTHS --------1.00
O NA OLELO HOOLAHA APAU E HOOUNAIA MAI ANA NO KA HOOLAHA MALOKO O KEIA NUPEPA E HOOUNA PU MAI ME KA AUHAU, A INA AOLE, AOHE NO E HOOKOMOIA. E HOIKEIA AKU NO KA AUHAU OLELO HOOLAHA KE UI MAI I KE KEENA NEI.
O na Dala apau o ka Pepa e hoouna pololei mai i ka HAWAIIAN GAZETTE COMPANY, LTD.
HOOPUKAIA E KA
Hawaiian Gazette Co., Ltd.
Hookomola ma ka Hale Leka o Honolulu Panalaau o Hawaii, ma ke ano Mea o ka Papa Elua.
DAVID L. A-1, : : Lunahooponopono
S. K. NAWAA, : Kokua Lunahooponopono
A. W. PEARSON, : : : : : Lunanui
HONOLULU, OAHU.
POALIMA. : : IANUARI 20, 1906
KA AHAOLELO A NOHO MAI.
Ma ke kauoha a ke Kanawai Panalaau o kakou i hooko mai ai ke Kiaaina George Carter i kana hana, oia ka hoolaha ana, kuahaua ana, peia i loaa ai keia hooia i ka noho i'o mai o ka Ahaolelo Teritori o Hawaii Paeaina, mai ka Aha Senate a ka Hale o na Lunamakaainana, ma ka la 15 o Feberuari ne nei, oia ka Poakolu, a e noho ana iloko wale no o kanaono la a aole e oi, koe wale no a kahea kuikawaia e ka mea iaia ka mana kahea, no ka noho hou ana.
O ka Ahaolelo o kakou e noho mai ana i keia kau, aole he mea hiki ke hoohewahewa i kona ano oia hoi he "Ahaolelo Repubalika" ma ka hului pau ia ana o na noho kaukanawai, a koe, iloko o ka Aha Senate e noho mai ana he hookahi noho i kuleanala e hookahi Demokaraaa wale no, he hoa Demokarata oia aole no keia kau iho la, aka, no ke kau mamua aku, a he ole loa hoi na Home Rula ma ih@ mahele; a iloko o ka Hale o na Lunamakaainana i kau pu aku ai ia ano haawina, ka hului pau ia o na noho e na Repubalika, a koe hookahi, he noho hoi i kuleanaia e hookahi Home Rula, ka Hon. Kaniho o Kohala a he ole wale hoi na Demokarata ma ia mahele. Nolaila i ka houluulu ana i na mea apau he hookahi pana o ka huina holookoa - he "Ahaolelo Repubalika."
A i ka hoomoakaka lea ana i kona repubalika i'o o keia papainoa malalo iho nei na hoa o ka Ahaolelo holookoa, he Repubalika wale no a koe he hookahi Demokarata a he hookahi Home Rula:
AHA SENATE.
Achi, W. C. (R.) ......3 Oahu
Apana, Mokupuni.
Bishop, E. F. (R.) .....3 Oahu
Brown, J. T. (R.) ......1 Hawaii
Dickey, C.H. (R.).....2 Maui
Dowsett, J. M. (R.)...3 Oahu
Gandall, J. K. (R.).....4 Kauai
Hayselden, A. N. (R.)...2 Maui
Hewitt, G. C. (R.) ........1 Hawaii
Isenberg, D. P. R. (R.)..3 Oahu
Kalama, S.E. (R.).........2 Maui
Lane, John C. (R.)........3 Oahu
McCandless, L. L. (R.).3 Oahu
Paris, J. D. (R.).............1 Hawaii
Wilcox, S. W. (R.) .......4 Kauai
Woods, Palmer P. (D.) .1 Hawaii
HALE LUNAMAKAAINANA.
Apana, Mokupuni.
Andrade, Frank (R.) ....4 Oahu
Aylett, William (R.) ......4 Oahu
Broad, Chas. (R.) ........5 Oahu
Coelho, W. J. (R.) .......3 Maui
Copp, George (R.) ......3 Maui
Cox, Oscar Pinanui (R.) 5 Oahu
Fernandez, Antone (R.).1 Hawaii
Greenwell, F. R. (R.) ....2 Hawaii
Haia, W. P. (R.) ...........3 Maui
Harris, W. P. (R.) .........4 Oahu
Holstein, H. L. (R.) .......2 Hawaii
Kalawaia, Thos. H. (R.) .5 Oahu
Kalelopu, A. S. (R.).......5 Oahu
Kalino, J. (R.) ...............3 Maui
Kaniho, H. M. (H. R.)...2 Hawaii
Lewis, J. D. (R.)............1 Hawaii
Lilikaiani, E. K. (R.).......4 Oahu
Long, Carlos A. (R.)......4 Oahu
Knadsen, E.A. (R.)........6 Kauai
Maneiona, Solomon (R.).5 Oahu
Mahikoa, G. W. (R.)......6 Kauai
Nakuma, M. (R.)...........3 Molokai
Paii, Philip (R.)...............3 Maui
Puiaa, C. H. (R.)............2 Hawaii
Quinn, E. W. (R.)...........4 Oahu
Rice, A. H. (R.)..............6 Kauai
Sheldon, W. J. (R.).........6 Kauai
Shipman, W. H. (R.).......1 Hawaii
Smith, Carl S. (R.)...........1 Hawaii
Waterhouse, F. T. P. (R.) 5 Oahu
O kekahi mea e noonoo nui ia nei iwaena ino no o lakou hoa ahaolelo, he hapa iki ka na Senatoa, aka, he oi aku ka na Luoamakaainana aole nae i ka poe i lawa ole me ia ano haawina, a iwaena no la o na hoa haole, oia ke ake ana i ka noho lunahoomalu, a o ka noonoo mua ana me ke akahele a koho keia ame keia o lakou i ka hao kupono aole e nele ka nee maikai o na hana imua.
A iloko o ka noonoo kaukanawai o na hoa, ua hiki ke ikeia ka ikaika ame ke ko'iko'i o la haawina ma ka mahele hana kanawai, hooponopono a imi pakui kanawai, ame na mea like; a lioko no hoi olaila i pau pu aku ai ka poe kalaiaina ma ka hoomaopopo pu ana e like me ke komike kuwaena Repubalika e hana pu nei pau pu me na komike e ae ame kela o ka oihana kalepa: a i ka nana aku e makaukau e ana kekahi mau hana no ka waiho aku iloko o ka Ahaolelo no ke kananaia mai ina i ku i kahi o ka i'o alaila e pono ana a o ka maikai nohoi ia ma ka aoao o ka lehulehu, a ke ku i kahi o ka opala alaila oia aku la no ka hopena e puka mai ai la mau kumuhana, e hoowaiwai ole ai a hoopau wale hoi i ka manawa hana.
Aole wale no o na hoa ahaolelo ame ka poe kaiaiaina ia e hoopapau hana nei i kela manawa no ka huliu e ana mamua o ka noho ana mai o ka Ahaolelo, aka, o ke Kiaaina George Carter, la e hooikaika pauaho ole mai nei ma na haawina i ku iaia pili i ka Ahaolelo. Mamuli o ia ua hoohana pu ia aku na poo o na keena oihana ma ka hoomakaukau ana i ko lakou mau hoike pili i na ukuhana ame na mea apau iloko o na keena pakahi.
Pela i ikela aku ai ka hooikaika nui o na keena aupuni-kela o ko ka Loto Aupuni, Lunanui o na Hana Hou. Puuku Teritori. Lunahooia. Komikina Aina Aupuni, Lunaauhau Nui, Lunakula Nui ame ko na keena e ae: a o ka iako aku o ke Kiaaina me la mau koike oia kekahi iaia e piha pono ai ka hoike, a o ka makaukau ana ona me ia mea oia ka makaukau e ana o ka Ahaolelo me na hana e pono e noonooia mai e ia mawaho ae o na hoomakaukau hana a na hoa kaukanawai a hoopapau nei, a e hoikaika hana no lakou e pono ai.
O kekahi mea nui e noonooia nei no ka Ahaolelo oia ke kukulu hou ana i kanawai kalana, ke kumuhana i hoonuinui mau ia e na laiaiaina iloko o na kau koho baiota, a i ka nana aku eia na komikina haku a hookumu a hooponopono kanawai kalana a Kiaaina Carter i hookohu ai ma o ka haawi mana hookohu ana o ka Ahaolelo maluna ona ke liuliu nei a ke Kiaaina i hookohu ai ia N. Fernandez ma ka makalua i waiho hakahakaia e ka Hon. F. W. Beckley (Kahapula).
Iwaena paha o na hana Ahaolelo e liuliuia nei o keia kanawai kalana ke kikowaena o lakou apau oiai oia ka onohi manao o ka lehulehu e kau nui nei, a aia iloko o na hoa ahaolelo na hakuko'i e pono e loaa mua ia lakou no ka hooko ana, ina nei no ke ku i ke koho a ka lehulehu a aole paha.
O na bila haawina oia kekahi o na hana kumau o ka ahaolelo a makou ame ka lehulehu e kau aku nei na maka o ka hana noeauia mai, aole o ka pono hookomo iau nui wale no a oi ino aku ka huina haawina dala mamua o ka loaa aupuni, he hawawa nui hoi ia ma ka aoao o na hoa ahaolelo. A i ka hoouluulu ana i na mea apau, pela iho la ka nui o na hiohiona hana o ka Ahaolelo Repubalika e noho mai ana, a ua oi aku ka pili o ia inoa kalalaina, ke noeau ka hana a na hoa a pau iloko o ka manawa kupono, a e hoopukala mai na hua aole wale no na Repubalika aka no na Demokarata ame Home Rula pu ma ka olelo maopopo ana ae, i pono no na kupa Amerika o he Teritori, mua huiia me ka lehulehu holookoa.
KA OIHANA KALEPA O HAWAII.
Mawaho ae o na hana hoowaiwai o Hawaii nei i hooaiailia i na heiu mua ala he mau oihana mahi kupono e ae kekahi i nele ole i ke komo ma ka mahele mahi i kaa ma ke anuu malalo iho o ka oihana mahiko; he mau mahi e nele ole ai ka hoowaiwai ana i ka mea hookahi, olai, he hiki lakou ke hoohanaia e ka mea hookahi, e hoowaiwai pu ana hoi i kana ohana ame kona poe hoonoho pu o ia wahi hookahi a hoopomaikai pu ma ka pililaula.
O ka mahikulina ame ualakahiki a ko Kula poe o Maui e hoomau nei oia ka kolaila poe ame ko kekahi mau wahi e ae e pono ole ai ke hookuukuu, a ma ka noonoo ana aole he kuleana iki o kekahi kanaka a ohana nohopaa e like me ko Kula poe ame na wahi like e hookuukuu wale ai a haalele i ka home a holo i ke kulanakauhale o Honolulu nei e auwanahele wale ai no a komo nui iloko o ka nele a ka ilihune.
Ua ikela ka waiwai nui o ka hoopomaikai o ka mahikulina i kekahi ohana e hoopapau ana malaila, i ko Kula poe, aole e nele ke kilia mai o ka lakou kulina ma ke ana o hookahi haneli paona i ke eke a i ole e like me ka aelike hoolako kulina e hanaia ai; no ka hoolako ana i ka mea hanai puaa, - i kekahi manawa ma ka hoomoe manawa ana a aia a lilo ka puaa i ke kualia e panaiia aku ia ka ka mea mahikulina; alaila ua kulike loa iho la ia me ka makou hooaiai ana, he hoowaiwai i na hoanoho pu.
Aole ilaila wale no ka hana a ka mahikulina ame ka mahiualakahiki o Kula ame na wahi like a pau aka ua kamoe loa aku iwaho i ka pililaula, oia hoi, aia ke kulina ame ualakahiki ke hoounala nei apuni ka Paeaina holookoa me ia mau waiwai a o ka hooko ana hoi ia i ka makou i kalele iho nei he hoowaiwai i ka pililaula.
KO KONA KOPE.
A o keia mao hooaiai ana ame na haawina e ae i loaa i kekahi, he mau mea ia e paipai ai iaia no ka hoomau ma ia mahele, a aole no e nele oia i ka ohi i ka hua, ke kumu nui o ka makou paipai ma keia hoomahele ana maluna o na oihana hoowaiwai a Hawaii. O ka pilikia nui iwaena o kakou Hawaii ame kekahi mau lahui e ae no oia no ka punihei ana i ka nohona maalahi o ke kulanakauhale - ka nohona haaheo o ke kuianakauhale - ka nohona laukanaka o ke kulanakauhale, kahi e hui nui ai me na hoaloha a hookahi ka lealea ana - a i ka punihei ana, ua haaleleia aku ia ke kuaaina - ka home ponoi, ua lako - he aina a he mahi ana i ulakolako maoli, a i ka wa e maalo ae ai na kaahele e nele ole ana ko lakou hooho "he kanaka home kela a ua lako nona iho" - a i ka haalele ana ia lako a punihei i ko ke kulanakauhale alaila, he mea maopopo loa, he kanaka oia i hoowahawaha i kona ulakolako a makemake nui i ka noho na kuewa wale.
Aole no hoi i pili keia mau hooalai maluna'e i ko ke kulanakauhale poe ponoi, no lakou na home ponoi ilaila, a i ole ia he nohona hoolimalima i paa mau i ka hana oiai ola a o lakou paha he poe hana paa, a eia no hoi kekahi poe kamaaina o ke kulanakauhale nei o Honolulu ke hooulu mai nei i na hana hoopukapuka oihana kalepa kuai pipi, a hooulu hui limahana a imi hana a makou e manao nei i ka maikai o ia ano hoolala e like me na @pana e hoohana nei kahi hoi e hoolawaia nei na home me na limahana wahine Kepani malama hale ame kuke pela pu no hoi i iawa ai ia mau home me na limahana Kepani kane kuke a malama pa. He hana maikai ma ka aoao o na hoa iala e hoomaopopo i ko lakou kuleana hana pili i ka hui a o a ka Lunahoomalu o ka Hale o na ka hoopahemohemo ana oia aku la no ke alanui e akaa mai ai ka pilina a o ka hua o ia he mea hoomalio hui aka aole oia ka lini o ke kukuluia ana, a e like me ka iini o ke kukulu hana pela ke ano uhane o na lala e pono ai; a i ka hoouluulu ana i na mea apau, e loaa ana ka huina e nele ole ai ke komo ana lioko o ka mahele hoowaiwai.
O kekahi hana i nele ole i ka hoowaiwai i ka aina oia no ka hanai holoholona, e laa ka moe, ke kaka, ka puaa, ke kao, ka hipa a hiki aku i la hanai pipi. O keia kekahi o na hana koikoi, a ia hana hoi e hanai mau nei i keia Paeaina, i hoolawa pu ia mai hoi e na makeke kuwaho - e like me ko ke kulanakauhale o Honolulu nei e hoopihala nei me na i'o holoholona o na makeke Kapalakiko.
O ka hanai moa ame puaa ua hiki laua ke lawelawe like ia e ka mea hookahi e lawelawe ana i ka oihana mahi, a iloko o na manawa i haia ae ua ikeia ka hololea mau o ia ano, a makou e iini nei i ka hoomauia aku no keia makahiki hou.
KO HAWAII NEI MAPA.
Aka i ka loaa ana he aina pamolo e lawa ai i ka wai e like me kela owaho o Waikiki, Kamoiliili, Pawaa, Ewa, Waialua ame na wahi like alalia ua waiwai nui ka hoohana ana, a i ka poe o keia mau wahi he maaiahi loa ke alanui no lakou e lawe ai i ko lakou mau waiwai i na makeke o ke kulanakauhale nei no ka hoolilo ana.
Ua hiki ke kanaka hanai manu (moa ame kaka) hookahi e lawelawe maalahi ia nana e hiki ai ke malama iloko o ke kau la mawaena o 300 ame 500 manu, ma na kula alialia no ka hoomaha a hookuukuu ana, a i ka lawe ana i ka heluna haahaa no ka hoolilo ana he $1.00 a ke $1.50 no ka moawahine ohimaikai, a no na moakane ma na kumukuai like ole aole nae e emi malalo o ke 75 keneta a ke hulia me ke kuai ana o na huamoa a huakaka e nele ole ai ka loaa mau i keia ame keia kakahiaka aole e emi malalo o na kakini elua ua like hoi me 24 moawahine a kaka hanau hua: a i ka hoouluulu ana i na mea apau ua lawa ka loaa no ka holoi ana i na hoolilo ame na hooluhi ana a oi aku, e heluia ai ka loaa oi he puka ma ka oihana.
He mau hoaiai ana keia no ka pono o ke kanaka mea ohana hookahi, a ke hoomaheleia ma ke alakai kupono ma o na rula kumau o ka hanai a malama ana aole no e nele ka hiki ia ano hana ke au like iloko o ka auwai oihana kalepa o Hawaii e kahe nei. A o na kii e puka aku nei ma keia helu o ke Kilohana - na kii o ka halakahiki, maia, ko wiliko o Olaa, ame na kii e ae o lakou kekahi mau hooaiai ana no keia kumuhana nui i lawe a pa'lia mai na mea e lawelawe hanaia nei. He mea oiaio no, aia he nui o na kaumaha e auamoia ai.
E HOOMANAO.
E hoomanao mai no hoi ka poe e manao ana e hoouna mai i na manao a meahou paha no ka hoolaha ana iloko o na kolamu o ka Nupepa Kuokoa nei ma ka hoomikioi ana i ke kakau ana ia lakou maluna o na apana-pepa kuponoo @, e kakau alokahila a aole o ke alolua.
Aia he mau palapala i loaa mai ua kakau aloluaia, oia hoi, ma ka aoao mua a ma ka aoao hope a he hoonui hana a hoohauhili a hoonui manawa hoi ia la makou ame ka poe hoonoho hua no kahi hana uuku. He hana maiau ia o ka houuku i ka manawa hana no kahi hana uuku i kupono e hoopau pono ia iloko o ia manawa, a hoonui aku i ka manawa hana no ka hana nui: a i ka haohao ana o ka mea nana ka manao hoolaha, e hoomanao koke iho oia, o keia mau hooalai ana maluna ae na kumu e hoopuka ole la ai lakou mawaho ae o na kumu hoopuka pilikino a pilikahi hoowaiwai ole i ka iehulehu. koe nae na hooalai kupale kupono i kupono no ka hoolaha ana.
EIA HOU
E makaala mai no hoi ka ola a ke Kuokou, ma ka hohina mai ma ke pooieka o hookahi keneia. iole ke poho leka alua keneta, a i ole a ma ka @@ dala h@leleia. F. @@a pu a no hona kope mai ko anou hounaia aku a komo mua mai ke @oipaipia o 81 @@ eono mahina, @@ no na makahiki ka ona a ka nupepa ka nui Hawaii a Gazette Co. Ltd. a e hooina mai no hoi ma ia inoa a ahie. ka lunahou ponopono no ka iilela aole : pili na hana iaia, a i kona keona i pilikana hou loa hoi i na hana holiponopono pa pai a alakai nupepa ami ame na ha@@ like, na mahele hoi i pili i ke keena hooponopono.
Ke makemake huu nei ka poe nui hakaka kuikui paapaa e ike i @@@ Huihui ame Ryan M. Fadden au Modlin, na noho o ka Poakahi nei e haulini hou ae no na puni he unii pakahi.
Hoolaha i ka Poe Aie.
KA WAIWAI O HAZALELEPONI K. K. NUA.
Ma ka hookohu pono na ana mai o ka mea nona ka inoa ma ilo iho nei iiia ke ano luna hooko i ka palapala kauoha ame hoike hope ioa o Hazelelepoiiii Keilikanakaoie Kahale Nua, i makema keia ke haawiia aku nei ka hoou@ha i ka poe koi ale apau o ka waiwai i oleloia e waiho mai i ko lakou mai koi : hooialoia, me na paiapala hoike hoolilo. ina he mea kekahi o ia ano, a hiki aku no i na koi i hoopaaia e ka moraki maluna o ka waiwai paa. i ka mea nona ka inoa malalo iho nei mai Wailuku, Maui, maloko o eono mahiiina mai keia la aku a i ole e hoole mau loa la aku no lakou.
(Kakauinoaia) J. NUA,
Lunahooko o ka palapala Kauoha ame
Hoike hope loa a Hazaleleponi Keliikanakaole Kahale Nua i make.Wailuku. T. H. Dekemaba 30, 1904.
3049 - Jan 6, 13, 20, 27 - Feb. 3.
HOOLAHA KUAI A KE KOMIKINA O KA WAIWAI PAA.
E ku la ma Ukumehana ame Olowalu, Maui:
Mamuli o ke kauoha i hanaia e ka Hon. A. N. Kepoikai. Lun. Kanawai o ka Aha Kaapuni o ka Apana Kaapuni Elua, Teritore o Hawaii, i hookemoia i ka la 31 o Dekemaba, A. D. 1904, iloko o ka hana i kapaia, Kahemahema (w) et al. vs. Jack Puupaa, he Bila no ka mahele ana, o ka mea nona ka inoa malalo iho nei, ma ke ano he komikin@ i hookohu pono koke ia iho nei, e kuai aku ana oia ma ke kudala akea i ka mea koho kiekie a maikai loa, i kaa nae malalo o ka hoopaa ana o ka Aha:
Ma ka Poaono, ka la 25 o Feberuari. A. D> 1905, hora 12 awakea o ka la ii oleloia, ma ke alo iho o ka Hale Hookolokolo ma Lahaina, Mokupuni o Maui Teritore o Hawaii i ka waiwai paa i hoakakaia malalo iho nei, e hoikeana:
1. O kela apana a mahele o ka aina e waiho la iloko o Ukumehameha, Mokapuni o Maui, i apo a ho ikakaia e like me ia malalo iho:
Apanai: Aina Kalo ma "Makenewa" E hoomaka ana ma ke kihi akau e hui ana ia Puaaloa ma ka pali, a holo Hema 71 3/4 deg. Kom., 1.75 kaulahao ma ka aina Puaaloaa;
Hema 14 1/2 deg. Hik. 2.66 kaulahao ma ko Pikanele;
Hema 69 1/2 deg. Kom. 0.28 kaulahao ma ia wahi no;
Hema 5 deg. Hik. 086 kaulahao ma ia wahi no;
Hema 83 1/4 deg. Hik. 1.13 kaulahao ma ko Puaalou;
Akau 19 deg. Hik. 0.98 kaulahao ma ko Kaauwai:
Akau 67 deg. Hik. 0.73 kaulahao ma la wahi no;
Akau 17 deg. Kom. 3.13 kaulahao ma ka pali a hiki i ke kihi mua, nona ka iliaina o 2 Ruda, 27 Roda.
Apana 2: Aina Kalo ame Kula: E hoomaka ana ma ke kihi Hema ma kahi e hui ana me Kekuahanai;
Akau 3 1-2 deg. Hik. 14.80 kaulahao ma o Kekuahanai;
Akau 70 1-2 deg. Kom. 0.30 kaulahao ma ko Puaaloa;
Hema 14 3-4 deg. Kom. 6.02 kaulahao ma ia wahi no;
Hema 4 1-2 deg. Kom. 4.92 kaulahao ma ia wahi no;
Akau 85 3-4 deg. Kom. 0.65 kaulahao ma ko Pikanele:
Hema 14 3-4 deg. Hik. 1.00 kaulahao ma ia wahi no;
Hema 44 deg. Hik. 1.28 kaulahao ma ia wahi no;
Hema 8 deg. Kom. 1.07 kaulahao ma ke Konohiki a ke kihi mua nona ka iliaina o 1 Eka, 3 Ruda, 5 Reda.
O ka iliaina o keia mau apana ua hiki aku i ka huina pau o 2 Eka, 1 Ruda, 32 Roda; a oia no hoi na aina i kuleanaia ia S. Golia ma ka L. @ A. 6578 i hoopaaia e ka R. P. 4389.
(2) O kela apana a mahele o ka aina e waiho la i Kamani, Olowalu, Maui heakakaia malalo iho nei: E hoomaka ina ma ke kihi komohana o kea wae he e hui ana me Pipipi ame ke Konehiki a holo mailaila aku;
Akau 19 deg. Hik. 1.47 kaulahao ma Pipipi;
Hema 74 deg. Kom 1.31 kaulahao ma ke Konohiki;
Hema 19 deg. Kom. 1.47 kaulahao ma ke Konohiki;
Akau 74 deg. Kom. 1.31 kaulahao ma ke Konohiki a kahi i hoomaka ai nona ka iliaina o 30.8 Roda, a oia no hoi ka apana 1 o ke kuleana o Kailiula, he pahale, a i hoakakala iloko o ka L. @ A. 8573, R. P. 3810.
Ma ke dala kuike ka makemake a ma ke dala gula Amerika no hoi a ma ka aoao o ka mea kuai na lilo palapala apau.
R. PIKAO HOSE.
Komikina
Hanaia, Wailuku, Maui, Dekemaba 31, 1904.
3049 - Jan 6, 13, 20, 27 - Feb. 3, 10.
MA AMERIKA he laau ohohia loa ia ka laau kunu a Chamberlain e na makuahine ame na keiki no ka hoola ana i ke huau, hupekole ami ke kana kalea. Aole he mau mea hoopilikia iloko ona a he loaa koke hoi ke oia.. Ke kuaiia nei e na halekuei laau lapaau apuni ke ao nei. BENSON SMITH & CO., LTD., na agena ma Hawaii nei.
HOOLAHA KUMAU
Kakela me Kuke
KAUPALENAIA
Poe Kalepa ma ke Komisina
A H
POE LAWELAWE KOPAA
Poe Agena no na Ma hiko Lehulehu.
Hui Alahao ame Aina o Oahu
MANAWA HO@O
Oct. 6, 1904
MAI HONOLULU @@
No Waianae, Waialua K@@@@ ame na wani ho@@u @ no @anao 09:15 a.m., @p@@
No Pena @@ Ewa M@@ @@@ wahi hoo ualu na @e a ahao @@@ a.m. 03 @ p.m. @@@ @@@ nua @@ 15 p.m.
MAI WAHO MAI
Ku i Honolulu mai Kahua. Waialua ame Waianae mai @ @ a.m. 05:31 p.m.
Ku i Honolulu mai Ewa Mili ama Pearl City mai@@ 40 p.m. @@@ m@ 05:31 p.m. 07:30 p.m.
oKela ame keia la.
@Sabati wale no.
@Koe ke Sabati.
G.P. DENISON.
Lunahoonana
F. C. SMITH,
G. P. & T.A.
HUI HOOLEWA HONOLULU.
Ke hoolalo nui kuia huu i k!@@ mao hana kokua i kona mau haa. I koa wa ua oi mamua o @@ laia, a ke pii mau nei i kela ame keia la.
J. H. THOWNSEND. KULEANA
Kauka Mitamura
Alanui Kukui Olo@ Hela @, Honolulu, Na Hora Hana
Hora 9 a.m. a 12 m. 4:30 p.m. a @ 10 p.m. Sabati, Hora 9 a.m. a @@u a.m. Telephone Blue j466 P O Hoe Sat.
Ke Hamama nei ka Home o na l'a Ola
- I KEIA MANAWA MA -
Kapiolani Paka.
E WEHE HAMAMA IA ANA KA HOME O NA UA ma na @ @@@ @ ka pule mai ka hora 10 a.m. @@@ na hora 5 p.m. a mai ka hora @@ @ hiki i ka hora 3 p.m.
Ma na La Sabati e wehe @@@ ma ka hora 1 p.m.
E WEHE HAMAMA IA ANA - @ na Poaha apau me ka AUHA@@@ma na la e ae e auhea ia @ he i @@@a no na kanakamakua a he 3 k@@ nei no na keiki nalalo mai o @@ @@@maha n@ka'a ni.
Ina He Makemake
-KOU I KA -
Lauoho Maikai
E Heluhelu i keia
Malia paha ke pau kei a@u @au @ka heleiei, a a ke keaa kahi. H@aaa i ka iaau manua o ka pau @a ana i ka helelei, e hana i laau e @@ @a ai ka helelei, e hana i laau e aia a a ai. O ka iaau
"Laau Hooulu Lauoho a Ayer's" ka mea e ulu hou ai. He nan, ie ianoho ke ulu mai, a ne nui 5
Ina he nawali ka ulu ana o kou iaaoho, o ka
"Lau Hooulu Lauoho a Ayer's " ka mea e manaonoa ai ka ulu ana o ke loaa i keia laau pau i ua ka helelei ana. I na he piha aou pao ke Kepia, o ka
"Laau Hooulu Lauoho a Ayer's" ka laau e pau ai a maemae @@u puu. Ke loaa i keia laau e hui hou ana le ulu ana o koa lanoho a like me ae kou wa bebe.
Hoomakaukau ia a Kauka J. C. Ayers & Comnpany, Lowell Maui, U. S. A.
E loaa no keia mau @neale ma ke Hale Kuni Laau o McMother, adami Papa.