Ka Nupepa Kuokoa, Volume XLIII, Number 2, 13 January 1905 — Page 3

Ka Nupepa Kuokoa

KE KILOHANA POOKELA NO KA LAHUI HAWAII.

 

NUPEPA KUOKOA, POALIMA, IANUARI 13, 1905.

 

MAKAIKIU

WETE DETONA

Ke Ahi Lalapa Pio ole i na Nihiliti

Ke Kanaka Amerika Koa lua ole

 

MOKUNA XL.

KUMAKAIA ANA I KE DUKE O KALOUGA.

 

            "Pehea no hoi ke kuapo no hoi kaua. Na'u no hoi ka wahine @au no hoi ke kane. Pehea iho ia ia manao?"

            E, ka palaualelo," wahi a Wete i pane aku ai me kona inaina @i, "aole no hoi ou hele aku e hopu i kau? O ka'u ka i loaa oia iho @ kau e noi mai nei nau. Ua kuhikuhi aku nei wau i kahi e loaa aku @ ua kanaka la ia oe, a he mea maalahi loa hoi nou ka hele ana aku @ hopu iaia a lawe ae. Mawaho ae o keia, ua paa mua ka kaua mau @ a ina oe e hoao mai ana e hoohaahaa i ko'u kulana ma keia hana, e hoike no wau i keia mea i ke generala, a e hoohaahaa ia oe @ ka oihana koa a hoohilahilaia hoi."

            Ma keia mau olelo a Wete i pane aku ai, ua hoka wale iho la no na aliikoa la, a pane mai la oia me ke ano hoka:

            "Ina pela, e hoomau aku me kau pio, aka nae e malama loa oe iaia o hemo aku mai ia oe ae."

            "O keia iho la na olelo maikai, a e hilinai iho oe, aole loa oia e hemo aku ana mai ko'u mau lima aku a hiki i ko'u waiho ana aku iaia iloko o ka halekoa."

            "Ina pela, e awiwi ae wau i holo ole na kanaka la mai ia'u aku."

            "Oia ka hana pono ma kou aoao. A e paa ae hoi wau i ko'u mau koa ame keia wahine mai ka ike ana mai o kou mau koa. He mea maikai e mahelehele liilii ole ia hoi kahi makana e loaa mai ana."

            "Ua pololei keia. E emi aku olua i mau kapuai ihope, a kauoha aku i ka wahine e kulou iho kona poo ilalo, i ike ole aku ai na koa @ia."

            Ua hookoia keia mau kauoha, a iloko o na minute pokole, hala @ la keia puumake o ua mau kamahele la a kaua, e waiho ana hoi i ke alahele me ka malaelae, a ia manawa no hoi i hoomaka hou aku ai na Wete nei a kaua me kona mau hoa e hoomau aku ma ka lakou alanui e hele ana.

            Ua lilo hou aku la ke alakai ana i ko Wete ma mau alakai, a aole i ala hou mai kekahi kuia ia lakou a hiki i ko lakou hiki ana aku ma ka'e o ka Muliwai Niemana.

            Maanei kahi puikaika loa o ka hele ana, no ka mea aia ma kela ame kela wahi ua kukuluia na koa no ke kiai ana, a ua paa pu hoi ka muliwai me na waapa liilii o na koa kiai; eia nae maanei i hoike ae ai keia poe alakai o ka kaua mau kamahele i ko lakou makaukau piha, a ua maopopo wale ia lakou ka manawa a na kiai e hele ae ai, nolaila mahope o ko lakou noho ana no kekahi manawa pokole, ua hoeu hou ae la ko laua nei mau alakai.

            Hoomau aku la lakou nei i ka hele ana ma ka lihi muliwai, a hiki aku la lakou nei ma kekahi wahi ano pouliuli, a maanei i lawe ia ae ai kekahi waapa mai kahi i hunaia ai, a kau aku la lakou nei apau iluna.

            Me na mapuna hoe e lawe palanehe ana iluna o ka iliwai, aia hoi holo aku la ko lakou nei waapa me ka mama maoli, a iloko o ka pouli nui e aaki ana, he mea kamahao loa i ua Wete nei a kaua ka ike maopopo ana o keia poe i kahi a lakou e holo ana. Aole he wahi haawina hoomakaukau maluna o keia poe, a aia ko lakou waapa ke holo la ma o a maanei o ka muliwai, he hana hoi na Wete i hoomaopopo iho ai, eia ko laua mau alakai ke aloalo nei mai kahi mai a lakou i ike ai, oia na wahi a na koa e noho kiai ana.

            Mahope o ko lakou hoomau ana i keia ano holo ana no kekahi manawa, ua hoohuli ae la ke kuhoe i ka ihu o ko lakou waapa a kia pololei aku la no kekahi aoao o ka muliwai, a pupuu hoolei loa, hehi ana ua mau kamahele la i ka lepo o Geremania. Hala ae ka puumake mahope o ua mau kamahele la a kaua, akahi hoi a lana maikai ae ko laua mau noonoo, a he hookahi hana nui i koe a ua Wete nei a kaua, oia ka hoohui ana ae i na aloha elua e weliauia nei e na hoopohihihi ana a Kaunawahine Alamazofa.

            Ia lakou i pae aku ai ma kekahi aoao, ua hoomaopopo loa iho la ua Wete nei a kaua, mamuli o ke ano o keia poe, aia pu na luna aupuni o Geremania ke huipu nei me lakou, eia nae aole ana wahi huaolelo i hoopuka aku ai.

            Ua uku koke aku la oia i keia poe, i ko lakou alakai no nae, i na dala ana i hoopaa aku ai ia lakou, a mahope o ko laua haawi ana aku ia lakou i ko laua aloha, kokua aku la ua Wete nei a kaua i kana milimili i ka hehi ana aku i ka aina maloo.

            "Ua palekana kaua," wahi a Wete i puana malie ae ai imua o Kaunawahine Vera.

            "E hoomaikaiia ae na lani! A nou hoi, pehea la e hiki ai ia'u ke hoomaikai ae ia oe no kau mau hana kokua nui no'u iloko o keia mau pilikia!"

            Maanei e na makamaka heluhelu, e hoike pokole ae ka mea unihu o ka kaua nanea no keia poe nana i lawe mai i ka kaua mau kamahele, kela aliikoa a Wete i kuhikuhi lalau ai, ame ka hopena i kau mai maluna o ke kakela o Welina ame kona haku.

            Ua hoohokaia ke aliikoa, he mea ia na kaua e hoopaapaa ole ae ai. Ua loaa aku kela aliikoa a Wete i hoohiamoe ai e waiho ana no iloko o ke kakela. Ua hoikeia ae keia mea i ke generala nui iaia ke alakai ana i keia mau pualikoa e kiai nei i na palena o Rusia, a i kona lohe ana i na mea apau, ua pii koke ae kona inaina, a kauoha@ keia aliikoa a Wete i hoohiamoe ai, paupu me kona mau koa, e laweia aku lakou a hoopaaia aku iloko o ka halepaahao o na koa.

            Ua hoomaka koke ia ka huli pono ana i na mea apau, a o ka mea nana i hooi loa ae i ka inaina o ua generala la, oia no ka loaa ana ae o ka hoike iaia ma ke awakea o ia la e pili ana i ka hoike a Kaunawahine Alamazofa i hoike ai ma ke kahua hoolulu kaahi ona i ninaninauia ai. Mailoko mai o keia hoike i moakaka loa ae ai na mea apau, a hoomaopopo iho la keia generala i ka pukalua ana o ke pio maloko o kona mau laina koa, ame ka hoohaahaa loa ia ana o ko Rusia oihana kaua aina, a ua kauoha koke ae oia e lawe loa ia keia aliikoa ame kona mau koa no ke kulanakauhale, kahi hoi o lakou apau i hoopaahaoia ai.

            Ua loaa pu ae la na hoahewa ana maluna o na kanaka nana i lawe aku i ka kaua mau hiwahiwa a pakele aku ko lakou mau ola, a mamuli o manao ana o ke aupuni, a e like no hoi me kona manao pakaha, ua kailiia ae ka hanohano o ka home Kakela Welina e ke aupuni, a ua kipakuia aku kona haku hale mai kona kakela aku no kekahi wahi okoa o ka aina.

            O keia iho la ka hopena o ka hana ana a ka kaua Wete, he hopena hoopoino aku hoi ia ha'i; aka ia kaua e ka makamaka heluhelu, ua maopopo ia kaua, he hana imiola keia a ua Wete nei a kaua, a aole ana mea e nana ae ai i ua hopena like ole e loaa ae ana i ko hope poe.

            Ma ia ano iho la, e haalele kaua i ko Rusia poe e huli ana i ko lakou pono iho, a e hoahewa aku ana a hoahewa ae, oiai e hiki hou mai ana no ka manawa no kaua e ike ai i ka kaua eueu e wawahi ana i na hana ha'iha'i kanawai, a e hoopuehuliilii ana hoi i na Nihi@, a e uhaiaholo ae kaua mahope o ka kaua Wete, ame kona hoahele.

 

MOKUNA XLI.

O GEREMANIA AME KA LANAKILA.

 

            Ia Vera e haawi ana i kana mau hoomaikai ana maluna o Wete, aole i nana ae o Wete ia mau mea, oiai ua maopopo no iaia aole laua i kaawale loa aku mai kahi aku o ka poino, oiai ke hoohoo la ua Wete nei a kaua, i na kiai Geremania e noho kokoke ana ma ia mau palena, a ina paha laua e loaa ae ana, he mea maopopo loa e paaia ana laua, a e lilo nui ana he manawa malaila, a oiai o ko laua makemake nui loa ia manawa oia ka hoea koke ana aku i Parisa, a huli koke aku ia Ivana Horawiki, ina ua hookoio aku o Sotia i kaua mau olelo.

            Hopu aku la ua Wete nei a kaua i kona hoa a hele aku la laua me ka awiwi mai ka'e aku o ka muliwai no kekahi wahi mamao aku alaila haalele iho la oia i ke kaunawahine e noho hookahi no kekahi mau minute, a hele aku la e wehewehw i kona lole koa, a puka hou ae la oia e like me kona hoonalonalo ana i puka mai ai mai ko ke Duke o Kalouga kakela.

            I keia manawa aia na ea hu'ihu'i o kaiao ke kokolo mai la, e poahi iho ana hoi i ko laua mau helehelena maluhiluhi a e kipona iho ana hoi i na kahoaka, he wa iki koe hoea mai ka la me kona olino nani.

            Aole i hoomaha iho ua mau kamahele nei a kaua, aka oiai na manaolana e kau mai ana mamua o ko laua alahele, e huki aku ana ia laua e hele, nolaila ua hoomau hou aku la no laua i ka laua huakai huli pono no laua a e haalele hope ae ana hoi i na puumake apau mahope o laua.

            He mea oiaio he mau malihini laua ma keia mau kualono e hou hewa nei i o a i o, eia nae aia no na hoomaopopo ana iloko o ka kakou Wete i ke alahao kaaahi, a haupu wale ae la no oia, aia no he wahi hoolulu kaaahi ma kekahi wahi i mamao ole aku mai a laua aku, a me ia haupu ana i lana loa ae ai kona manao e hoomau o ke ao loa ana, alaila e hala ae ana he mau mea nana e hoapaapa ia laua. O ka ua Wete nei a kaua e ake loa ana ia manawa, oia no ko laua loaa ole mai i kekahi pualikoa a koa paha mamua o ko laua hiki ana aku i kahi hoolulu kaaahi.

            Me ia manao paa iloko ona ua hele aku la laua ma kekahi ala hele a Wete i manao ai e palekana ana laua, me ka iini nui hoi iloko ona e loaa aku ia laua kekahi wahi pupupuhale a ilaila laua e ninau aku ai ho ko laua alahele. Aole i loihi mahope mai hoea mai la laua ma kahi e moe ana kekahi alanui okoa, a mahope o ko laua hahai ana ia alanui loaa aku la ia laua kekahi wahi hale uuku. Ua kokoke no hoi keia e ao loa, a hele loa aku la ua Wete nei a kaua a kikeke aku la ma ka puka.

            O ke kanaka i hele mai ai mamuli o ka Wete kikeke ana, he wahi kanaka hoohuhu, aka ua lilo ae la ia huhu o ua kanaka la i mea ole i ka manawa a Wete i unuhi ae ai i kakahi apana dala a haawi aku la na ua kanaka la, a pane mai la ua kanaka la i na ninau apau a ka kakou Wete, a o keia wale no ka Wete mea i makemake ai.

            Ua hoomau hou aku la laua i ka ia hele ana a hoea aku la laua ma kekahi wahi hotele uuku iwaena o kekahi wahi iaona uuku a malaila laua i hoomaha iho ai a loaa no hoi ka laua mau mea ai malaila. Ua hele ka opiowahine i kela manawa a luhi maoli, huipu iho me ka opa o na wawae, ua hiki pono ole iaia ke hele: eia nae aole loa oia i makemake e hoomaha hou laua a hiki i ko laua kau ana iluna o ke kaaahi, oiai ua hoikeia mai la ia laua kahi o ka hale hoolulu kaaahi e ku ana, a ua hooholo iho ua Vera la a kaua, aole loa oia e hoomaha ana a hiki ilaila, a aole hoi oia e hoapono ana iaia iho ke loaa mai kekahi mau ulia ike ole ia e poino ai laua, mamuli o kona luhi ana.

            He mea oiaio, o na olelo a Sofia i hoopuka ai ia laua maluna o ke kaaahi, oia na mea nana e hooikaika loa ana i kona noonoo, a aia kona puuwai i kela manawa ke pailaia la e kona aloha no Ivana Horawiki, ka mea hoi ana i aloha loa ai, a i ala mai ai hoi keia mau hoopilikia ana he nui maluna ona ana e alo nei me kona hoaloha i molia maoli mai i kona ola nona ame kana Ivana. O keia mau hakukoi ana apau iloko ona aole loa oia i hoopuka aku i kekahi mea ia Wete, aka no ua Wete la a kaua ua aniani mua keia mau mea apau iaia. He mea oiaio no hoi aole o Vera wale no keia e iini nei e hiki aku i Parisa, aka o ua Wete nei no kekahi a kaua, oiai aia iloko ona i kela manawa ka iini nui e komo koke aku iloko o kana hana huli i na hana a na Nihiliti a no ka hooko ana hoi i kana i aelike ai me Generala Gerisa.

            Ua hoomaka koke aku laua e hele hou ma ko laua alahele no ke kaaahi, a no ka hapanui o keia alahele a laua, ua kaikai maoli ae ua Wete nei a kaua i ke kaunawahine maluna iho ona, me he keiki la e hiiia ana e kona mama. Ua hoea io aku la laua i kahi hoolulu kaaahi, a ia manawa no hoi e hoomaka mai ana na kukuna malamalama o ka la e hohola ae i kona nani nui maluna o ka aina, a e wehe ae ana hoi na kiai i na puka komo o ua hale la.

            Maanei laua i hoomaha iho ai, a loaa mai la no hoi he manawa no laua e hoomaemae ai ia laua iho no ka hoomau ana aku i ka laua huakai. I aina hou iho la laua maanei, a mahope o ko laua noho ana e kali i ke kaaahi no kekahi manawa loihi, aia hoi ua hoopauia ae la na manao uluku a manaka iloko o Kaunawahine Vera, a liuliu koke ae la laua no ka hoomau ana.

            I kela manawa a laua e kali ana i ke kaaahi, a hoomaopopo hoi ua Wete nei a kaua i ka luhi loa o kona hoa, ua koi aku oia iaia e hoi aku laua no kekahi wahi hotele uuku e ku ana ma kahi kokoke i kekahi wahi hoolulu kaaahi, a e hoomaha hoi laua malaila no na hora he iwakalua-kumamaha, aka ua hoole paakiki loa mai la ke kaunawahine; nolaila, i ke ku ana mai o ke kaaahi, o laua nei no na ohua mua i pii aku iluna, a hoomau aku la ka laua huakai no Belina.

            Iluna aku o ke kaaahi i moe ai ua kaunawahine la, a i ke ala ana mai kona hiamoe mai ia laua i hiki ai i Belina, ua loaa ae la he wahi maha nona. Maanei i koi hou aku ai o Wete iaia e noho iho, oiai oia e holo loa ana no Parisa e huli ai i ko laua pono; eia nae ua hoopaakiki loa mai la ua kaunawahine la:

            "Ke makemake nei wau e ike ia Ivana," wahi a Vera i pane ae ai. "Me he mea la ke noonoo ae wau i keia mau manawa o ko maua kaawale ana, me he mea la he mau makahiki loihi loa. Aole, owau pu kekahi e hele pu me oe."

            Nolaila, hoomau hou aku la laua i ka laua huakai, a no Parisa ka pahu hopu, a ia laua e holo ana ke ike maopopo e la no ua Wete nei a kaua i ka nui o na pohihihi e waiho mai ana mamua o laua, ana hoi e nana ole ae ai, ina i hoolohe o Vera i kana mau olelo, e noho iho oia ma Belina oiai oia e hoomau ana i kana huakai huli no ko laua pono.

 

MOKUNA XLII.

IKE I KO IVANA NALOWALE ANA.

 

            I ke kakahiaka nui o kekahi la hoea aku la o Wete ma i Parisa a hoihoi koke aku la o Wete ia Vera no kekahi hotele kahi hoi a ua Wete nei i hai mua ai i rumi no kana milimili.

            Mamuli o ka ikaika o ke aloha e pauma ana iloko o ka puuwai o ke kaunawahine, na hoopaakiki mai la no oia e hele like ao laua @ hui me Ivana Horawiki, a mamuli no hoi kekahi o kona @ mau i na huaolelo a Kaunawahine Sofia i hoopuka ai ia lakou ma luna o ke kaaahi.

            Ma keia ua hoole paakiki aku la ua Wete nei kaua, a mamuli o ko Vera hilinai piha ana maluna o Wete a hoomaopopo hoi @ ka holopono mau o ka Wete mau lawelawe ana, ua ae iho la oia e noho iloko o ka hotele a hookuu aku i ka kaua makaikiu e hele hookahi ma kana hana huli.

(Aole i pau.)

 

KALE O LEONA

Ka Naita Puuwai

Hao Wiwoole - - -

KA HOOPAKELE O KE KAIKAMAHINE ALII

I LAWE MALUIA.

 

MOKUNA @

MAOPOPO OLE KE ALA OMUA.

 

            "E oluolu e kuu Haku Kale e hoolo@ iki mai @," wahi a @ i kahamaha ae ai i ko laua @. "he @ no ia ia kaua. Heaha la ka mea @ aka, ina ua hooikaika nui @ ma ano @ a o kau hana hoi ia i hana ai. A @ ki ai ke pakele heaha iho @ wale ana o ka hoi hou ana @ nei ka mea nana e @ manawa pokole loa a e hiki @ dolida oiai oe e noho paahao hou @ kua haku i keia mau mea, alaila ua @ wale aku no."

            "Alaila, heaha ka hana hiki iau ke hana!"

            E n@ aku imua no ka akau, a i ko kaua wa e hiki aku ai ilaila malia o kokua mai o Moi Keoni ia oe."

            No kekahi mau minute na hamau iho la o Kale. Iaia e noonoo ana me ka emi ana iho o kona uluku aia oia ke hoomaopopo la i ka pololei o ka Pidero mau wehewehe ana. He mea oiaio ua @ aku oia iloko o ke kulana puikaika a waiwai ole hoi ka hoi hou ana i hope i ke kulanakauhale, a hoomaopopo hou iho la @ puhiliia o kona noonoo mamuli o kona aloha i kana wahine.

            "E Pidero," wahi ana, e hele au m@ aka @ puuwai @ kumokuahua wau e ae nei e haalele i ke kulanakauhale. @ Zira!! ina he ikaika ka iloko o kuu kino no ka hoopakele ana @ e kuu aloha ina no o kuu ola apau ke lilo aku, o na Lani@ maopopo i ka hiki ole ia'u ke hoopakele ia oe i keia manawa@

            Alaila nee aku la ka ukali me na @ oluolu @ kona haku.

            "E ka Haku Kale, aia he nui o kou mau hoaloha @ aloha nui ia oe ke noho mai la i Leona.

            "Uwoki e kuu Pidero maikai. Aole oe i ike i ka @ mo nei. Aka e nee aku kaua, a ke hana kaua pela @ ole kaua ne nee ai ame ka hikiwawe."

            "Pela, a malia ma ke ala e loaa aku ai ko @"

            Alaila hoomaka aku la ka nee ana no ka. Akau @ iho la nae ke aloha wahine me ka kakou @ hoi hou ihope aka i ka hoomalu kupono ana i kona @ ke hele la imua me ka ukaliia e kona hoe kuio.

            "E Kale," wahi a Pidero, ia laua e hookokoke loa @ iloko o ka ululaau mamua pono o laua, ua loaa anei ia @ huoi no keia hoopaaahoia ou ma o Abadala la?

            "A!" i hooho puiwa ae ai ka naita i ka wa no ona i lohe @ ai i ka inoa Abadala.

            "Ke manao nei au na keia Abadala keia mau hana," wahi hou a Pidero i hoomaopopo hou aku ai i kana kumuhana. "Pehea anei i hikiwawe ai kela poe koa i uhai ai mahope o kakou i kela @ aole e ha'iia e kekahi mea i maopopo i ko kaua ano ame ka kaua mau hoolala hana."

            "Ae, he mea oiaio, na kekahi kanaka kauwa i awaha aku," @ kakoo aku ai ka naita i ka manao hoohuahualau a kona ukali. "Eia nae, he nui no na kanaka o ka Moi Mahomeda, a na lakou paha i awaha aku no ka mahuka ana o ka wahine opio."

            "Aole pela wau i noonoo ai," wahi hou a Pidero. He kanaka kupaianaha maoli no kela e hiki ole ai ke paa iho o ka pii mai o na manao hoohuoi."

            "He kanaka kamahao io no kela e Pidero, aka aole ana hoo poino ana no ka mea aia oia iloko o ka halepaahao i kela manawa."

            "Iloko o ka halepaahao?"

            "Ae," wahi hou a Kale.

            "Ua ike anei oe ilaila?"

            "Ae, e Pidero. Na ka wiliki oia i hookuu mai iloko o kou lu mipaahao; a ua nui no hoi ke ano e o kana ano kamailio ana: a he mau kumuhana ano-e no hoi kana e kamailio ai."
            "Heaha kana olelo? Heah kana i ha'i mai ai ia oe e kuu haku."

            "O kona mau noonoo apau aia wale no maluna o Zira."

            "A, aole ana mea i hoike mai nona iho," i ninau hou aku ai o Pidero.

            "Aohe hookahi; o kana wale no e olelo ai pili wale no ia ia Zira a ua hoike pu mai no hoi oia i ka nui ino o kona noonoo maluna @ na hana kumakaia a ka Moi i makemake ai e kau aku maluna o ka wahine opio. Ua ha'i pu mai no hoi oia no kona poino @ ko'u ua ulu mai ia mai ko ka wahine opio mai."

            "He kupaianaha io no keia kanaka."

            "He wahi ano kanalua ko'u no kona kulana Mahomeda. Ua noonoo wale ae no wau aole oia he Mahomeda.

            "Aole oia he Mahomeda?" i hooho ae ai o Pidero me ke ku koke ana iho a noonoo iho la.

            "O ko'u manao ana ia, oia hoi aole oia he Mahomeda," wahi hou a Kale i kalele hou iho ai i kana olelo.

            "I ka wa hea oia i hoopaahaoia ai, ua maopopo anei ia ia oe e kuu haku?"

            "Wahi ana ua hoopaahaoia oia ma ka po i hui ai me kaua, oia hoi, i kela wanaao."

            "Sana Dominika."

            "Heaha  kou manao e Pidero nona?"

            E kuu haku, he kanaka kupaianaha maoli kela a o ko'u ma nao he Mahomeda no oia."

            Ma keia mau kukaiolelo hele ana o na kamahele o ka po aia no laua a elua ke hoomaopopo la i ka pa ko'iko'i o ka laua mau olelo ia laua pakahi iho. No Pidero ua holo aku kona @ i hope loa o ko lakou moolelo. A ia laua iloko o ke alahele o ka ululaau ua hoomau aku laua me ka hamau a kamakamailio ole no kekahi mau manawa.

MOKUNA XVII.

PA I KA PUUPUU IKAIKA.

 

            O ka malamalama o na kukui nani oloko o ka Halealii Mahomeda, he ano a uwiuwiki i kekahi po a ma kekahi aoao o ka holo e ku ana ka Moi Mahomeda. E paipai malie ana oia i kona mau wahi au ano inauleule a me ia ano oia e hoohana ai i kona mau lima a hiki wale i ke kalele ana maluna o ke kuau o kaua pahikaua e lawelawe ana ma kona aoao.

            A kokoke hoi i kekahi kiamahala e ku ana ka Lunakanawa@ Beni Hame. Aia maluna o kona helehelena na hihohiona kun@hihi e hakapono ana hoi kona mau maka maluna o ka moi @ noo ano-e. Aia he nui o na aialo o ka Halealii e @ no hoi maluna o lakou na hiohiona kunahihi a e hakapono ana no hoi na maka maluna o ko lakou moi.

            "A, Beni Hame," wahi a ka moi, ke manao nei wau ua aloha ko kaikamahine i ka naita kristiano."

            "Ma ka inoa o Alahe, e make keia ilio e pono ai!"

            "E pono oia e make," wahi a Beni Hame i kal@ hou iho ai. E ae anei oe e auamo i ke koikoi o ka ino i kauia mai hoi maluna @ ke kanaka Mahomeda, a e nanamaka aku hoi?"

            "Aole," wahi a ka moi.