Ka Nupepa Kuokoa, Volume XLIII, Number 1, 6 Ianuali 1905 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

Poalima, Ianuari 6, 1905

 

            “E hoomanao i ka hoohaalulu i kou leo like loa me ko`u. Mai @ aka e hawele ia oe me ka haawina i kuluma ia oe—ka wiwoole.”

 

            i a weheia mai la no hoi ka puka a komo ana ka wiliki ma ka @ wa hookahi no a Pidero i hooho ae ai.

 

            “Ae” e kuu Pidero” wahi a Kale.

 

            “Ua aneane loa au e aloha piha i ko kaula i hoouna mai nei,” @ a Pidero i pane aku ai i ka wiliki me ka hoohalike ana i kona i @ me ko kona haku; aka ua manao wau e make no wau ma ko`u a @ Kristiano no.”

 

            Hoopii malie ae la o Kale o Leona i kona limaakau me ke ano @ a kau iho la maluna o ke poo o ka wiliki a kau haalulu malie @ ka lima no kekahi minute. Alaila huli malie ae la oia a ha@ la mahope o ka wiliki no ka hele ana iwaho mai ka lumi paa- aku.

 

            A i ka hiki ana aku iwaho ua kauohaia aku la ke kaula Maho@ e noho hoomaha iki iloko o ke keena o ka williki aka aole nae @ aku. Ua hakapono aku no ka wiliki maluna o ke kaula eia he wahi hoohuoi iloko ona. Alaila komo mai la ka hilinai @ kale kona ike ana i kona hemo maalahi ana iwaho me ka @ olelo na hoohuoi, a mahope o kona haawi aloha ana i ka wiliki @ ua hanu aku la oia i na ea huihui iaia i hoea aku ai i ke al@

 

            No kekahi manawa i ku iho ai o Kale o Leona a noonoo no kona @ hele ai. Ua huli ae no kona alo i ka home o Beni Hame aka @ koke ae la oia i ka inoa “Lorenzo.”kona manawa nae i hele ai aia kona alo ke huli la no ka muliwai Dalo, aole nae i hooholo kona manakoho i alanui nona.

 

MOKUNA XVI.

 

MAOPOPO OLE KE ALA OMUA.

 

            “Ano.” Wahi a Pidero i puana ae ai i ka manawa ana i hoomaopopo koke iho ai oia wale no ka i iloko o ka lumi paahao; “eia au @ wale no. Ua kilo au a ua maopopo ia`u kuu Haku. Ua hoike @wau i ka mea oiaio iloko o kuu uhane, oia hoi, e mahuka koke @ i ka wa mua loa no e loaa ai ia`u o kahi e hemo ai, eia nae @oia i ae koke e wehe i kona kaulahao. He mea oiaio he kanaka @ kamahao o Kale o Leona iloko o na hakaka paio ana he alo a @ aka na loaa nui ia`u ka makaukau o keia ano hana he hoopu@ a apuhi.”

 

            “Nolaila he mea pono ia`u e nee aku imua me ka hoohakalia ole. Na ka inoa Sana Dominika ke manao nei au e poholo pu no keia @ o`u ma kela puka-aniani ke hemo ae kela kukuluhao hookahi iwaena.”

            O keia na olelo a Pidero Bamabino a ua hoolawaia mai no hoi oia me na mea ai kupono i na paahao a po ia la, aka o ka hoololi paha ana ana ame kona haku aole he wahi mea a hoohuoi ike ia. A i ka manawa no i uhi mai ai ka poeleele o kona hoomaka koke no ia i kana hana.

 

            Ua hana mua oia maluna o na kaulahao i haweleia ai oia me na lako hana ana i paa pu aku ai a aole no i liuliu ua lilo ae la oia i kanaka kuokoa. Alaila me ka hupa he mea hana no nana i paa pu nai ua hoolouia aku la iluna i ke kikina puakaaniani a ma ka uwea i hoopaaia i ua hupa nei i pii aku ai oia, a me ke kila ame ke apapu oia i hoohana aku ai a lele ana he kukuluhao o kahi pukaaniani. A i ka hamama ana o ka puka nona e hemo ai iwaho ua opeope ae la oia i na wahi mea hana ana a paa iloko o ka puolo hookahi a koe kahi hupa ame ke kaula uwea, alaila me ka hupa i hoolouia mai maloko ame ka hookuuia ana o ka uwea ma ka aoao mawaho ame ka @ole iho ua hookuukuu iho la oia iaia iho a kaa ana mawaho o ka lumi paahao.

 

            Iaia no iloko o ka lumi i wehe ae ai oia i ka aahu o kona haku i ke kaa ana iwaho aia oia iloko o ka aahhu Mahomeda a hookahi mea maopopo ke ikeia mai he kanaka Mahomeda oia a e ao. Ua ku hoelono malie iho no oia no kekahi manawa a i  ka maopopo ana iaia ua malie ke kai a oiai he hamau pu wale no oloko o ka pa paahao ua nehe malie aku la oia mahp[e iho o ka owili ana i ka hupa ame ka uwea iloko o ka puolo mea-hana.

 

            “Lanakila! Lanakila!!” wahi a Pidero i hooho ae ai iaia i mamo loa aku ai mai ka halepaahao aku. “E haawi mai ua lani i ka pomaikai o ka hoohui hou ana ia`u me kuu haku.  Ke manao nei wau aole oia i noho hooloihi iho iloko o keia kulanakauhale.”

 

            Me keia mau olelo a Pidero iaia iho no ua nee aku la oia no ke kukulu akau oiai aia malaila ka puka-pa e hamama ana no ke ala i ka Akau. Aole no hoi he keakea i hui aku me ia a puka wale oia iwaho o ke kulanakauhale a ua hoohana mai no hoi ia i kona puuwai; aka ua hoomaopopo pu iho no nae oia aole e lanakila loa a hiki wale i ka wa e maalo ae ai na hiohiona o ke kulanakauhale Mahomeda mai iaia aku, nolaila oia i hooauau aku ai i kana hele ana aia ka pono o ka mamo loa iloko o ka manawa kupono.

 

            Mamua iki o ke aumoe o kela po ua hiki aku la oia i ka uwapo, a i kona hookokoke ana aku ua hooholo koke iho la oia e noii pono e ka noonoo pono i ke ala ana e hele ai oiai aia he elua mana-alanui mai ia wahi aku.

 

            “O ke alanui e moe la no Jina ke ala pokole loa aka o kela e moe la e hiki aku ai i elako he ala maikai ia e hui ole ai me na poino.”

 

            “Pidero,” wahi a kekahi leo i pa-e mai ai me he la mailoko mai o ke o-pu nahelehele kokoke i ka muliwai, mahope koke iho o ka walaau leo nui ana o Pidero iaia iho no.

 

            O, o Kale,” wahi a Pidero i hooho hauoli ae ai me ka puiwa nui.

 

            “A, e kuu Pidero he mea paakiki loa ia`u ka haalele ana ia Ga- Aole no hoi i u iho ua puka koke mai la o Kale o Leona mai kona wahi mai i pee ai, a maluna no o kona kino ka aahu piha o ke ka@ Mohomeda, eia nae aia oia ma kona kulana opio maoli o ke ku @ oe aole o ka haalulu ano elemakule. No ka nui o ka pouli i hiki ole ai ke ike maopopo laua i ko laua helehelena kekahi i kekahi, mawaena o ko laua mau uhane aole i hoohewahewa kekahi i kekahi.

 

            “E hoomaikaiia na lani i ka malama ana ia oe me ka maluhia a hiki i ko kaua hui hou ana,” i hoopuka aku ai o Pidero i kana olelo me ka piha maoli oloko i ka olioli. “Aka, heaha ka mea i hoohakalia ai kou mamao koke aku mai ka poino i maopopo loa ke kau mai ke loaa mai oe iloko no o kona mau palena ponoi?”

 

            “Ae, e kuu Pidero, he mea paakiki lkoa ia`u ka haalele ana ia Garanda a hiki no i keia manawa, a ia oe i hope ua maopopo ia`u ka hiki pono ole ke hololea. Aole paha he uhane ma ka honua nei i hele hookahi me ka mehameha nui e like me a`u i keia la, a me he la ua haalele mai ke ao holookoa ia`u.”

 

            “Aka, ua hui hou ae nei kaua, a he mea pono e nee aku imua me ka hoohakalia ole, e kuu haku.”

 

            “E Pidero ,aole e hiki ia`u ke hele.”

 

            “No keaha noi e kuu haku?”

 

            “O, ia Zira.”

 

            “Ua ike no oe i ka puikaika o ia hana no keia manawa.”

 

            “Aka, ua hoopaa wau i ka`u olelo iloko o ka oihana naita e hoopakele iaia ma ka lawe ana iaia mai keia kulanakauhale ae o Garanda.”

 

            “Eia nae, ua ike no oe aole e hiki ke hana ia mea no keia manawa. No keaha ka mea e kiola wale ai i ke ola no ka ole?”

 

            “Ua hiki no ia oe ke nee aku nou iho e Pidero, aka, no`u iho e hoi hou ana wau i hope. Ua hele mai nei au a hiki ianei, a iane au la hiki ole ke nee hou aku imua. Eia o Zira ke noho ehaeha nei a he mea pono ia`u e hoopakele iaia; a aole no hoi ia he hana paakiki. E hele aku e Pidero, a no`u iho e noho no wau.”

 

            Ma keia mau olelo a Kale o Leona ua hoopuiwa nui loa ia o Pidero no ka nui paakiki o kona haku.

 

            “E hele like no kaua,” wahi a Pidero i pane aku ai mahope o ka han au iki ana.

 

            “Aole, e hoi hou ana wau i Garanda.”

 

            “Alaila, e kuu haku, e ukali no wau ia oe ma kou wahi e hele ai.”

 

            “Aka, ina wau e papa aku ana ia oe mai ka hahai ana mai ia`u, pehea oe?”

 

            “Alaila, e kuu haku e hookuli no wau ia kauoha au ke waiho mai ia`u na`u e hooko.”

 

            Ua hamau iho la ka naita no kekahi manawa.

(Aole i pau.)

 

RUSIA AME IAPANA

MA KE

Kahua Enaena o ke Kaua

Kakauia e Bernard H. Kelekolio.

 

KUKALA IAPANA I KE KAUA—HOOUNA OIA I KANA MAU

KEIKI WIWO OLE MALUNA O KE KAHUA KAUA—ULU-

PAIA NA AUMOKUKAUA O RUSIA MA KE AWA O POTO

ATA.

 

            He mea maopopo ua hoehaehaia aku na manao o ka Emepera ame kona mau poo Aupuni mamuli o ka ulupaia ana o na likiona kana o Rusia ma keia kaua o ka Muliwai Ialu a i mea e huna ai i ka hilahila nui i papaniia aku a paa maluna o kona mau papalina, ua hoike ae la Oia ma kekahi Palapala i na makaainana apau o Rusia a i kau ia e kona puiima, i keia mau manao malalo iho:

 

            “Ma ka la 29 iho nei o Aperila ua halawai aku ko kakou pualikoa nona ka huina o Elima Kaukani me na pualikoa Iapana malalo o Generala Kuroki nona hoi ka huina o Hookahi Haneri Kaukani ma ka muliwai ~Ialu. Ua hoao mai keia pualikoa nui hewa hewa malalo o Kuroki e a`e ma kela aoao o ka muliwai i hoikeia ae nei, aka ua ku aku ko kakou pualikoa a ku-e. He Elima la ka paa ana o ko kakou puali uuku i keia pualikoa nui hewahewa o Hookahi Haneri Kaukani, a i ka ike ana o ko kakou pualikoa uuku ua nui hewahewa ka enemi, ua haalele aku lakou i ko lakou Kahua me ka pio-o ole. Ke manaolana nei au e hiki mai ana ka la a aole no i loihi loa aku, e alo aku ai na likiona pualikoa o Rusia i ke Aupuni Imipiriela o Iapana, he Hana Hewa loa ia o ka lele kaua ana mai maluna o ko kakou Aina, ka Aina Imipiriela hoi i iini paa e malamaia ka malahia o ke ao nei.” O keia iho la ka Palapala i kakauinoaia e ka Emepera a hoounaia aku i ka loa ame ka laula o ka aina, he mau manao e hoolanalana ana i na manao o kona mau makaainana a e hunahuna ana hoi i ka hilahila ame ke kaumaha i ka manawa hookahi. Aka me ka nana ole ai i keia Palapala Hoolana manaao o ka Emepera i hoopuka ai, aia no na makaainana o Iapana ke hauoli la ma ke kulanakauhale o Tokio no ka lanakila kamahao i hahai aku mahope o na keiki hiwahiwa a Generala Kuroki, ia Generala Kuroki hoi e hoomaha ana ma ke kulanakauhale o Antung ia manawa hookahi no. I ka puhee ana o na pualikoa Rusia, e haalele ana hoi maluna o ke kahua kaua i na pukuniahi ame na koa make a me na koa i hoehaia, ua pupuhi mua iho la na enemi i ke kulanakauhale o Antung i ke ahi, a hoholo nui aku la no ke kulanakauhale o Feng-wang Cheng. Ma keia kulanakauhale ua hoao iho la na pualikoa Rukini malalo hoi o Generala Kakalika e hoopuni me na papukaua a e paio aku hoi me na koa aiwaiwa o Generala Kuroki no ka paniku ana aku i ka lilo ana malalo o Generala Kuroki ka Ane-moku holookoa o Liaotong.

 

            Ma ka la eha o ka mahina o Mei ua hoike mai la ke Keena Kaua ma Tokio ua paa o Poto Ata i ka silaia e na mokuahi Iapana, i o na moku liilii wale no ka mea hiki ke puka mai iwaho a komo aku. Oiai i keia mea hou maikai i hoopu`aia ae ai na silaia o Poto Ata a paa, ua loaa iho la ka manao i na makaainana apau o Nippon ua pau ke kaua oiai ua hoopaahaoia aku ka aumokukana o Rusia iloko o ke awa aka he kuhihewa wale no keia oiai aole i paa loa ke awa i ka silaia. I kekahi mau la mahope iho oia hoi ka la 6 o ka mahina o Mei, ua hoike ae la ke Keena Kaua o Iapana e hoomau ana o Iapana he Pualikoa Kuokoa no ka Ane-moku o Liaotong, kahi hoi o ka papu ikaika o Poto Ata e ku nei. Mamuli o keia nuhou i hoopukaia e ka Keena Kaua o ke Aupuni o Iapana, ua hoopio-o aku ia i na Generala kaulana o Rusia, a no keia kumu hookahi no hoi nana i kono aku i ke kiaaina nui o Manekekuria Adimarala Alakipi, e hele aku e nana i ka papu ikaika o Poto Ata a no ka malama ana i kekahi mau kukaioleo ana me Kenerala Kuropatkin.

 

            Ma keia e hoomaopopo mai ai kaua e ka makamaka heluhelu ua ano hopohopo o Admirala Alakipi i ke kulana o Poto Ata i kona manawa i ike ai e oouna ana o Iapana he pualikoa kuokoa no ka lele kaua ana maluna o ka papu ikaika o Poto Ata. Ia Adimarala Alakipi  i hoea aku ai iloko o ka papu kana ikaika o Poto Ata no ke kukaiolelo ana me Generala Kuropatkin, e hoolai`i ana mawaho o ke Awa o Pitiwo he iwakalua-kumamakolu moku halihali koa Iapana me eha mokukaua holomama o ka papa ekahi, e halihali ana i ka huina pualikoa o Iwakalua-kumamaono kaukani, he pualikoa aiwaiwa wale no no ka Aina Kaulana o Dai Nippon, a he mau Opuu Loke hoi no ia Aupuni. Na ka pualikoa kaulana o Palani ka Pua Lilia o ko Napoliona likiona Pualikoa nana i wawahi aku i na kuea Paa o na pualikoa o Welinekona ame na pualikoa o Buluka huiia ma ke kaua hahana o Wakalu, aka na keia pualikoa o Iapana malalo hoi o Generala Nogi, ka Pua Kiliniuma o ia Aupuni uuku, nana auanei e ulupa a wawahi aku i na papu ikaika e hoopuni ana i ke kulanakauhale uuku o Poto Ata. Malalo o ka malumalu o na pukuniahi o na mokukaua holomama Iapana i hoikeia ae la maluna ua hoolele ia aku keia Pualikoa kaualana o Iapana malalo o Generala Nogi no uka o ka aina o Pitiwo, he mau heleuna mile hoi ka mamao maluna aku o Poto Ata. I keia mau heluna koa o Iwakalua-kumamaono kaukani e hooleleia ana no uka o ke awa o Pitziwo, aia pua na heluna pualikoa o Umi kaukani malalo hoi o Generala Oku kahi hooleleia ai ma ke awa o Dalani (Dalny).

 

            O keia awa o Pitziwo ame Dalny ua pili kokoke no ia he mau mile wale no ke kaawale mai kekahi a kekahi, a na keia mau hana kukilakila ma ka aoao o ke Aupuni Imipiriela o Iapana i hoopuiwa nui aku i ka Emepera ame kona aha kukakuka, oiai ua hoomaopopo koke iho la lakou i ke kulana kupilikii maoli o Poto Ata ame kona mau koa kupale o Iwakalua kaukani wale no a oi.

 

            I keia mau pualikoa Iapana malalo hoi o Generala Nogi ame Generala Oku e hoolulu ana maloko o ke kulanakauhale o Piziwo ame Dalani, aia no a Generala Kuroki ame kona pualikoa ke hookokoke la i ke kulanakauhale nani o Feng huang-Cheng; he kulanakauhale hoi e moe ana ma ke alahele e hoea aku ai ma ke poo kaulanakauhale Nui o Liaoana, ke kahua Hoole@e Nui o Generala Kuropatkin, ko Rusia Alihikaua Nui. Ma ka la ehiku o ia mahina e Mei, ua nee papa aku na pualikoa aiwaiwa o Generala Kuroki imu o ke kulanakauhale o Feng-Huang-Cheng iloko o na mahele ekolu, oiai o keia kulanakauhale ia manawa e pale ikaika ia ana no ia e kekahi mau pualikoa o Rusia. I ka hookokoke ana o Generala Kuroki imua o ke kulanakauhale o Feng-Huang-Cheng, a eiwa hoi mile ke kaawale, na haawi ae la oia i ke kauoha i kona pualikoa e kukulu i ko lakou mau hale pe`a a e hoo@aha hoi no lakou iho. Mamuli o ka nui oluolu o lokomaikai o keia generala Kuroki, ua lilo oia he mea nui imua o na maka o na koa malale hoi ona, a na Hooliloia no hoi oia ma ke kulana a ma ke ano he makua no lakou.

 

            He mea oiaio ua hoomaha iho la o Generala Kuroki no kekahi mau la me kona pualikoa kaua he eiwa mile ka mamao mai ke kulanakauhale mai o Feng-Huang-Cheng, a i kona hoomaopopo ana ua loaa ka maha i kona pualikoa a ua ano pau ae no hoi kekahi maluhiluhi o ka hoomanawanui ana iloko o na la anu ame ka hau e @ paa ana i ka Aina, ua haawi ae la oia i ke kauoha i kona mau Inkanela e liuliu no ka lele kana ana aku i ke kulanakauhale o Feng Huang-Cheng, me ka manaolana la hoi iloko o ka l`uuwai o ka kakou koa hiwahiwa e ku mai ana ua pualikoa Rukini a ke`ake`a mai hoi ia ianei mai ke komo ana aku iloko o ke kulanakauhal.

 

            I na pualikoa kua o Generala Kuroki e hookokoke ana i ke kulanakauhale nona hoi ka inoa i hoikeia ae nei mamua, Feng-Huang-Cheng, na pouli pu na paia lewa me ka uwahi oiai, mamua o ka haalele ana o na pualikoa Rusia i keia kulanakauhale, @ pupuhi mua aku la lakou i na Poao i hiki ole ia lakou ke lawe pu me lakou. He mea makehewa i ka mea kakau nei ke olelo ae na komo haaheo hou aku la no na koa aiwaiwa o Generala Kuroki iloko o ke kulanakauhale o Feng-Huang-Cheng, he kulanakauhale nani hoi e ku ana ma ke alahele nui e hoea aku ai ma ke kahua Hoohalu o Generala Kuropatkin. Mamuli o ka haule pio ana o keia kalanakauhale malalo o na pualikoa kilakila o Generala Kuroki nana i ma wehe ae i ke alahele e nee aku ai imua o Generala Kuropatkin ame kona mau Likiona kana, a no keia kuma @ hoi na kuahana aku o Generala Kuroki imua o kona mau pualikoa a hana ao hoi o na makaainana o ia kulanakauhale, e hauoli lakou a aole hoi e pihoi hoi no ka hoopoinoia aku o ko lakou noho lanakila ana a waiwai paha, no ka mea, ua hele mai lakou aole no ka hoopoino aku, aka no ka hoomaluhia ana aku i ka nohona Lahui o na makaainana o Manekekuria, ke kumu a me ka mole i ulu mai ai o keia kaua,. He mea oiaio na pahola aku la keia oleio kuahaua a keia keiki kaeaea o Nippon a apo mai la ka Lahui o Manekekuria i keia olelo kua hana me ka hauoli piha.

 

            Ma na wahi apau o keia kalanakauhale i lilo pio mai hoi malalo o ka mana kaua o Generala Kuroki e welo ana ka ha e @ o Iapana, a ma kela ame keia pe-a o keia aina laula e wawalo ana ka leo hooho o ka hauoli, po ke kula`i ana ia o ka mana kana o Rusia. O ka olu keia o ke Aupuni Nui o Kina o ka hoohilahilaia o ka Mana oihana kaua o ke Aupuni Nui o Rusia, a o ke kula`i ana ia o kona mana kaua e ke Aupuni uuku o Nippon, he hipuu ikaika ia e hipuu paa ana i ka nohona hoaloha ana mawaena o ke Aupuni Nui o Kina ame ka Aina uuku o ka Mikado. He mea oiaio ua hoohauoli nui ia aku na makaainana a puni ka Aina i ka manawa i hoea uku ai ka telegalama a Generala Kuroki i ke poo Keena Kaua e hoike ana, ua lilo pio mai ai ke kulanakauhale o Feng-Huang-Cheng malalo o kona mana, a aia hoi ka hae ula poepoe ke welo la maluna o ka Hale Poo Aupuni.

 

            He ka`i ipukukui u`i ka i malamaia ma kela ahiahi ma ke poo kulanakauhale o Tokio a he mau kaukani a kaukani i hoea aku malaila no ka laulima pu ana ma na hana hoohauoli no ka lanakila haaheo o na mana kaua o Iapana maluna o kona hoa paio. He mea oiaio no hoi ua ma-ki aku keia mau heluna k@ me na ipukukui e kau aheahe ana i ka makani no ka Halealii o ka Emepera, a mawaho o ka pa o keia kakela nani o ka Mikado, ua hoonakolokoloia ae na paia lewa me na leo huro o ka “Banzai,” e luma`i ana hoi i ka maluhia o ia po mahina nani, a e hoopiha ana ma ia makalua na leo hanakuli o ka hauoli, a no ka mea ua hoao iho no lakou e kaohi a e uumi hoi, aka, o ka lanakila haaheo o na keiki liilii poka kila o Iapana maluna o ke Aupuni i hooweliweli i ka lakou nohona Aupuni Aina, oia ka mea ano nui nana i hoakoni ae i ko lakou mau puuwai a puka me ka leo. Nani kukilakila ke Aupuni uuku i hooweliweliia. Wahi a kekahi Iapana ko`iko`i i olelo ai. “O ka lilo ana o Poto Ata malalo Rusia, ua like no ia me kekahi pahi oi lua e kau mai ana imua o ka puuwai o Iapana.” A oia no hoi i ka manawa hookahi ua hoomanawanui aku o Iapana i ka Rusia mau hana akeakamai a pahele no hoi, he mea oiaio o keia hoomanawanui ma ka aoao o Iapuna i hooweliweliia, @a kaupalenaia iho la, a haalele aku la o Iapana i kona manaolana maluna o ke kuahu la`a o ke Kahua Kaua, a ilaila e hooponopono ia ai ko laua mau kina`una`u.

(Aole i pau.)

 

 

Ke Kulana o na Rukini Maluna o Kekahi Mokukaua o Lakou e Loaa Mau Ana i na Poka a na Kepani Malalo o Adimarala Togo