Ka Nupepa Kuokoa, Volume XLII, Number 53, 30 December 1904 — Page 5
| This text was transcribed by: | Linda Kane |
| This work is dedicated to: | Kaliko |
Ka Nupepa Kuokoa
KE KILOHANA POOKELA NO KA LAHUI HAWAII.
NUPEPA KUOKOA, POALIMA, DEKEMABA 30, 1904 5
Nuhou Kuloko
O ka P@u nei oia ka piha ana o na ka makahiki he kanakolu-kumamawalu o Kiaaina Carter.
Ua h@a aku ka hihia o Mikala @ wahine i hoohuoila ua loaa @ hookaawale, a keia Poalua a @.
M@ kakahiaka Poakahi nei i hoh@ he papaaina Hawaii na ka @ a ho nei ma Kawa.
M@ aku nei ke Kilohana i kona @ Makahiki Hou i na hoaloha ame @ h@lu apau. Hape Nuia ka@
@wale ae he uwati dala ma @ia o ke Camp Helu 3, Kaulu@ ka po Poakahi nei. O ka @ ana e nana ae i ka hoo@ aka aku nei.
M@ni-kumamahiku mau pio i la@ aku no Kauai maluna o ka moku @ W. G. Hall no ko lakou hook@ ma Kauai no na hewa i han@ lakou. Ma ka Poalua nei kona h@ ana.
Piha ukana ka mokuahi Sierra i ku mai ai ma Honolulu nei ma ka Poaloa @ mai Kikane mai. No la piha ua ha @ia iho he ekolu haneri eke kope, @we aku oia he 1500 ahui maia.
@ haawi makana ae na hale oihana o ke kulanakauhale nei i na keiki hana @ hale leia o Honolulu, a ke haawi @ lakou i na hoomaikai no na hoo@ Karisimaka i paholaia aku ia @.
Ua kakau ae o A. G. M. Robertson @ loihi la Kiaaina Carter e ku-e @ i kekahi luna aupuni mai ka noho @ i lala no kekahi komite o na hana k@iaina.
Ka makemake nei o Makai Nui Henry i ka poe e paa nei i na pihi makai o na kokua makai kahiko, e hoihoi ae, a ke ole e hooko la ua makemake oia e ike i na kumu. Ua manao wale oia o keia poe makai e noho nei mawaho o ke taona nei o lakou na poe haihai kanawai inoino loa.
HOI NELE MAI OIA ME KA ILIHUNE.
O Rial he kanaka i hooikaika nui i kona pono ma ka oihana keaka, he lunanui hoi no kekahi mau hui keaka, a i kaahele hoi ma na wahi e ae o ka honua mawaho ae o Amerika, i keia la he kanaka oia i hooneleia me na loaa ole mailoko mai o ka hana ana i hooikaika ai a ua ilihune maoli.
Aole oia wale ka i komo aku iloko o kela haawina walohia aka o ka poe no kekahi i hui pu aku me ia.
Ma ke kipa ana mai o Mr. Rial i Honolulu nei ma ke ku ana mai o ka mokuahi Sierra i ka Poalua nei, oiai oia kekahi o na ohua o ka moku ua hoike mai oia i kekahi o na mea kakau nupepa o ka Advertiser i ka moolelo walohia o ka piha nele maoli. Wahi ana aole o Auseturia he aina hookipa i na hui keaka Amerika. Aole i maopopo ke kumu o na kupa o Auseturia i komo ai iloko o keia hookipa ole oia hoi, no ka hoomaopopo ole maoli paha a ano naaupo maoli paha i na ano hana keaka a hoolealea i maa ma Amerika a i ole he hoowahawaha maoli no paha i na hui keaka i hiki aku ilaila no ka mea he poe hui Amerika lakou.
"He elua o`u manawa o ka hele ana i Auseturia," wahi a Mr. Rial, "a aole au e hoao hou e hele ilaila no ke kolu o ka manawa no ka imiloaa hou ana. O ke komo ana o na hui keaka Amerika ilaila ua makehewa loa ia hana ana pela a ua poho nui maoli. O na hui keaka e paani mai nei ilaila i keia manawa e lilo aku ana no lakou i mea ole a e ikeia aku ana ko lakou hulihoi mai me ka nohaha a hookuha`u manaolana hoi."
Ua oleloia aia he mau hui keaka i mauleule na manaolana o ka poe na lakou na hooikaika ana, oiai hoi kekahi e ku naueue ana ma o na hoopaapaa a na hoahana o ka hui. O ka poe hana keaka keia mai na kane a na wahine he malihini ko lakou ike i ko lakou mau ukuhana, a ina he manao ko lakou no ka hoi mai aole e nele ko lakou kau mai ma ka papa elua oneki o ka moku.
O ka mea maopopo me he la i ka nana aku oia ka hoao @ou ole aku o kekahi hui keaka Amerika e hele no Auseturia no ka imiloaa ana i keia makahiki ae a hala wale paha elua makahiki.
OLELO HOALOHALOHA.
Hoallohaloha a ka Ahahui Euanelio o na Opio o ka Ekalesia o ka Hoomana Naauao o Kealaula o Kamalamalama o Koula, Honolulu, Oahu, T. H., ia hoahanau olalo S. M. Kema Kamana. Luuluu wale:
Nolaila o makou o na hoahanau na lunanui ame na laia apou o ka Ahahui Euanelio o ka Hoomana Naauao ma o ko makou komite la ke komo pu aku nei me Mrs. Kema Kamana ka wahine mare i hooneleia i ke kane ole ame Miss Kema Kamana ke kaikamahine i hoonele ia i ka makuakane ole ---ame Rev. J. Kekipi ka makuakane hookahi i hoonele la i ke keiki ole ame Rev. J. E. Kekipi i ka mea i hoonele ia i ka pokii ole, ame ka ohana apau. E kanikau pu aku i ka mea i hala ma kela ao ma o a ke noi nei ka makou leo pule i ka makua Manaloa, e hoomama mai i na luuluu ame na kaumaho i ili iho maluna ou---a me ka ohana apau, no ka mea i hala ma kela ao ma o a e hoomaikaiia ke Akua ma na Lani Kiekie Loa he Malu ma ka Honua he aloha i Kanaka. Nana no i haawi mai a Nana no i lawe aku. E hoomaikai ia ke Akua. Amene.
O makou no na komite.
S. K. Kakelaka, Joseph Kahele, Sol Namakaelua, Mrs. L. Kekuwewa, Mrs. J. Kahele, D. Panui.
Koula, Honolulu. Dec. 27, 1904.
NUHOU O NA UWAPO MF AWAPAE
MOKUKAUA HOLOMAMA PROTET O FARANI.
MOKUKAUA FARANI PROTET.
Ma ka Poaono i hala i hoea mai ai ka mokukaua holo mama Protet o Farani ma ke awa o Honolulu nei mai Tahitit mai, mahope o ka alo ana mai iloko o ka ino a hiki ianei. Ua kipu aloha ae oia e like me ka mea maa mau a ua panaiia aku e ko ka aina nei. Me he mea la e holo loa aku ana oia no Kapalakiko ma keia la.
Ma ka hora 10:30 o ke kakahiaka oia la no, ua kipa aku la o Kanikela M. Vizzovana, ko Farani Kanikela maanei, e ike i ke alakai nui o ia mokukaua. Ma ka hora 2 auwina la ua lele mai la o Komodoa Adegard ame Emil Moysan, kona aliikoa nui, ame M. Vizzavona a hele loa ae la e hui me Kiaaina Carter. O Komodoa Adegard oia ke alakai nui o ko Farani aumokukaua o ka Pakipika nei, oiai kona aliikoa kiekie, Emil Moysan ola ka Akukana Kiekie o ka Mahele Kaua Moana o ka Pakipika.
He mokukaua Farani keia i kamaaina i na kai o Hawaii nei oiai he kipa pinepine mai keia moku lanei i kela ame keia makahiki. Ma keia kai Pakipika oia i holoholo ai mai kona manawa mua loa i paa ai malalo o ka oihana kaua moana o kona aupuni. O keia kekahi o na mokukaua holomama maikai loa o Farani, a he iwakaluakumamakahi nota kona holo i ka hora hookahi.
LOAA ULIAIA O MIOWERA
O ka mokuahi R. M. S. Miowera o ka laina mokuahi lawe leka o ka Canadaian-Australian, laia i huli hoi mai Sidane mai a i holo aku nei mai Koa aku nei no Vanekoua, i ke awakea e ka Poakolu nei, ua halewai pu mai me ia ma kona alahele aukai he ulia.
Ma na lono i loaa mai ai keia ike i kona ili ana iaia e hookokoke ana ia Vanekoua ma ka huli hoi ana ana i hala mai ka ohu e hoononohu paa ana iloko o ke awa, a i ka nana pono ia ana e ka poe akamai i ka luu ua ikeia ka pilikia o kona kino olalo ae.
Uo loaa aku ua akea mai kekahi mau papaakeleawe a ua opaha a ua ike pu ia no hoi ke komo o ka liu. Mahope iho o ka nana pono ia ana a maopopo lea na wahi e pahonohono ai ua hoohanaia aku la a i ka pau pono ana ua hookuu hou ia aku oia ma kona alahele aukai i Sidane no ka hooponopono pau pono loa ia ana mai ilaila.
---Sydney Elele Dec. 12.
Hauoli Karisimaka ko Honolulu nei poe.
Ma ka po Poaono i hala i piha hou ae ai na alanui o ke kulanakauhale nei me na kanaka e hi-o ana i o a ianei, e hele ana me ka hauoli, a e pupu ana na ohe o-le a na keiki. Aole wale o na keiki liilii wale no kai puhipuhi ae i na o-le, aka pau pu me na keiki i loloa na umiumi a i hina hoi ka lauoho. Ua huipu ae iloko o keia na kaikamahine liilii, a komo pu ma na kaikamahine i lilo i mau makuakane, a he hookahi ka hookakani pu ana. Ua ikeia he mau huakai o na keiki e maki ana apuni na alanui me na o-le ame na mea kani kakani, a ua hele ae na alanui a piha hauoli ma i o a o.
Ua hoike ae na halekuai i ko lakou mau nani like ole, a ua paahana ae ka poe o la mau halekuai a hiki wale i na hora o ke aumoe, e hooko ana i ka makemake o kela ame keia mea e hoea aku ana malaila.
Ma ke kihi o na alanui Hotele ame Papu, kahi hoi e ku ana ka ipuhao a ka Salvation Army, ua puuluulu ae la na kanaka malaila, a iwaena o kekahi poe i hoea ae, ua hele ae he wahi diabolo a hoowalewale ae la i ke kanaka i hoonohoia e kiai i ua ipuhao la, e koi ana hoi iaia e inu gini laua. Ua hoole loa aku ke kanaka o ke Akua, eia nae hoomau aku ia no ua diabolo la i ke koi, me ka manao paha e pelu iho ana na kuli o ke kanaka o ke Aku iaia a hopu aku i ka omole a awala ae, eia nae ua loaa pono aku oia i na olelo maikai a he pipika hoi kau o ua diabolo la a holo a nalowale.
O ka mea maikai loa ma keia hoomanao ana, aole he mau hana hoohaunaele i hanaia, a ina he mau hana hoohaunaele kekahi, aole no e nui no ka mea ua malama ae o Makai Nui Henry i kona mau makai me ka makaukau e hoouna aku ma na wahi e noi ana i mau kokua.
Ua hala aku ua po la me kona mau hiohiona hauoli, poha mai la hoi ka la o kekahi la ae me kona nani nui, a aia na huaolelo "Merry Christmas" ke loheia la mai na lede maka onaona a i na keonimana no hoi. Ua malamaia ae ka la o Imanuela me ka maluhia ame na hoomanao ana maloko o na halepule like ole o keia kulanakauhale. Ma Waikiki i malama ae ai ka bana i ka ahamele Karisimaka, a ua piha ae no ia wahi me ka lehulehu i hiki ae.
Ma ke ano nui, ua malamaia ka la hanau o ka Mesia mai ka poe hoole akua a ka poe i ike i ke Akua, mai na keiki a i na makua. Ua malamaia hoi me ka maluhia, a ua hauoli no hoi me ka maikai.
Haule hou o Honolulu.
Iwaena o na hana hoomanao Karisimaka o ka Poakahi nei o ka hookuku popo peku wawae kekahi i malamaia ae mawaena o na hui Punahou ame Honolulu.
Mai ka hoomaka ana o ka laua hookuku a hiki i ka pau ana, ua lawe haaheo ae na keiki o ka hui Punahou i ka lanakila ma o na ai-puni he 12 ia 0 a Honolulu.
Ua haule hope loa ka hui Honolulu ma keia kau, a o Maile Ilima hoi ke poo me Punahou e hahani aku ana mahope ona, eia nae ua maopopo loa o Maile Ilima ka helu ekahi o keia kau.
AHA HUINA EUANELIO O KA MOKUPUNI O KAUAI, T. H.
Ke hoolahaia aku nei ka lohe i na lala apau o ka Aha Huina Euanelio o ka Mokupuni o Kauai. Oia hoi, e noha ana ka Aha i oleloia maluna ma ka luakini o Lihue, i ka Poaha elua o Ianuari la 12th., hora 10 a.m., 1905.
He Aha Kuikawa no ka noonoo ana i keia kumuhana: "Ka haawi hoomaikai i ke Kiaaina ame ka Makai Kiekie no ka hooko ana i ka manao o na Haipule o keia Terirore, ame kekahi mau kumuhana kupono e ae. Mamuli o ke noi a na Kahu Ekalesia Elua. I ku i ka Rula 5 o ka Aha Huina.
JAMES H. K. KAIWI.
Kakauolelo
HOOPAAPAA KA HANA UWAPO O KALIHI.
Ua ala ae nei he hoopaapaa e pili ana i ka hana ana i ka uwapo o Kalihi ma kahi o ka hooloihi ana i ke alanui Kula. O ka hoopoopoo i ala ae nei aia ma kahi o ka mana i ka Lunanui o na Hana Hou ke hooholo i kona manao, o ka wai la ke koho haahaa loa, a ua laweia aku keia ninau imua o ka Loio Anaru no kona manao kanawai maluna o ia ninau.
Me he mea la i ka manawa i weheia ai na kohokoho ana no ka hana ana i keia uwapo ua ulu pu ae no na hoopaapaa ana ia manawa oiaio ua haahaa iho no kekahi mau kohokoho ana mamua o kekahi, eia nae ia manawa hookahi no aia he like ole o na kohokoho pakahi ana o kela ame keia hana e hanaia ana.
O keia malalo iho nei ke kohokoho i waihoia ae ai ame na lilo pakahi a kela ame kaia mea i koho ai no na hana pakahi:
L. M. Whitehouse, no ka hana ana he $7,766; pohaku i awiliia me ka puna he $10.50 no ke kupita kapuai hookahi, no ke kakia ana i na pou he $2 no kela ame keia kapuai. Costa ame Silva, no ka hana ana he $7,777; no ka hana puna awiliia me ka pohaku he $9 no ke kupita kapuai hookahi no ka paluku ana i na pou he 99 keneta. John Walker, no ka hana ana he $8,100; no ka hana puna ame pohaku i awiliia he $8, a no ka paluku ana i na pou he 90 keneta. Na Hoahanau Cotton Hui no ka hana ana he $8,174; no ka pohaku ame puna i awiliia he $12, no ke kakia ana na pou he $3. Joe Correa, no ka hana ana he $8,675; no ka hana pohaku ame puna i awiliia he $11.50, no ka paluku ana i na pou he 45 keneta.
Ua haawiia ae ka hana ana ia Whitehouse, a ia manawa o Costa ame Silva, ma ke ano o laua na mea koho haahaa i kokoke aku i ka Whitehouse i hoohalahala ae ai laua aole i haawiia ka hana i ka mea koho haahaa e like hoi me na hoakaka ana a ke kanawai. Ua kipa aku ko laua loio imua o Loio Aupuni Anaru ma ka Poalua nei, mamuli hoi o ka waihola ana o keia ninau imua o ka Loio Aupuni e Lunanui o na Hana Hou Holloway, a malaila ua loio la i waiho aku ai i na hoike piha ma ka aoao o na mea e koi nei. I ka Poakahi ae nei e maopopo ai ka olelo hooholo a ka Loio Aupuni Anaru.
NA ANOAI O MAUI.
MAUI, Dec 24.---E hala ae ana ke Karisimaka maanei me ka maluhia. O na hoomanao laau Karisimaka ame na paina oia na mea e ikeia ana ma keia la ano nui o ka makahiki. Ma ka Poakahi, auwina la, e malamaia ana he paani polo mawaena o ka Melemele ame ka Ulaula, a o keia ka paani mua loa no ka heihei kaihi ana i ke kiaha dala a na lede o Makawao i haawi makana ai. He ekolu ka nui o na paani ana, oia hoi ko ke Karisimaka nei, ko ka Nula ame ko ka la Pokiulai. O ka hui e lilo ana ka lanakila ma keia mau paani ana oia ka hui e lilo ai keia kiaha.
Ua ku ae ka moku Aloha, me ka piha lanahu no ka hui Mahiko Paionia ma Kaanapali, ma ke Sabati i hala, mahope o na la holo he kanaha-kumamakahi mai Tacoma mai. O kana kekahi o na huakai ino loa a hiki wale i kona ku ana mai la. Ua manao kona kapena ua loaa na poino he nui laia mamuli o kona paialewaia ana i o a ianei a e noi ae ana oia e kohoia i papa nana e huli io i na poino.
Eia ke nee mua nei ka eli ana i ka auwaha wai hou-o Hamakua. Eia na limahano ke eli nei malalo o ke alanui Aupuni ma kahi e kokoke ana i ka puka pa o ke Kula Grove ma Makawao. Ke paa ae keia auwaho e holo ana ka wai mai na wahi kiekie o ke kuahiwi.
Ma ka la i o Ianuari, 1905, ma ka hora 2 auwina la, e malama ae ana ko Makawao Papa Alanui he halawai akea ma ka Hale Hookolokolo o Makawao, me ka manao e hui kukakuka pu me na lunamakaainana o na mahele ekolu o na kalapu Repubalika o Hamakua poko, Kula ame Huelo. Ina e hololea ana ka makemake o ka Papa Alanui ame ko ka lehulehu no na mea e pili ana i na hana hou iloko o ka Ahaolelo, alaila e hoopokole ia no na hana Ahaolelo iloko o na la he kanaono.
Nnhou Kuwaho
BALOTA O NA MOHO PERESIDENA.
KIKAKO, Dec. 23.---Ua pau mai nei na hoike oiaio o ke kau koho Peresidena i hala koke iho nei. He 7,627,632 no Rusawela, 5,080,054 o Paka, a he 391,587 no Debs.
KOI I KO FARANI KANIKELA.
TANGIER, Dec. 23.---Ua hoopuni ae ka poe Moroko i ke taona o Alcazar ua hooweliweli e hooneoneo ia wahi ke ole e haawiia aku o Farani Kanikela ia lakou.
HOOLE I KA IKE ANA I NA KEIKI.
DRESDEN, Dei. 23.---Ua hoao ae ke Kama`liiwahine Louise o Saxony i hookaawaleia ma ke oki mare e ike i kana mau keiki me ka holopono ole.
HOOHUI IA TONGA.
KIKANE. Dec. 23.---He elua mokukaua i haalele iho nei ia nei no ko hoohui ana mai i na mokupuni o Tonga.
(O na mokupuni o Tonga, oia na mokupuni o ka Polunesia i koe iho e lawelawe ana no i ko kona mau hana apau ma ke ano aupuni moi. O kona lilo ana ae ia Pelekane oia ka hopena o kona nohoalii ana a o ka hope loa hoi keia o na mokupuni liilii o ka moana Pakipika i kailllikuia kona pono.)
HUI KOPAA O SPRECKELS.
KAPALAKIKO, Dec. 23.---He eha hui i waiho ae nei i koonei hui kopaa hoohaiki. Ke manaoia nei, i ko manawa e loaa mai ai ke kopaa o ko Hawaii ko hoomaemaeia, e loaa ae ana he hoemi kumukuai ana.
HOEMI KUMUKUAI.
KAPALAKIKO, Dec. 23.---O kela poe kuai liilii eha i haalele ai i ko Loveland hui hoohaiki hoomaemae kopaa a e kuai ana hoi i ke kopaa o ka hui mahiko o Honolulu, ua hoemi ae nei i ke kumukuai o ke kopaa wiliia i 5 1-2 keneta.
KAUOHA E HAALELE IHO.
TANGIER. Dec. 24.---Ua kauoha ae na Kanikela o na lahui apau e haalele iho ia Feg. O ka poe Moroko i hoopuni ai ia Alcazar ua haalele iho mamuli o ka ukuia ana o $300.
Eia ko Oukou Makemake Maanei
Na Kekahi Kaaina o Honolulu Nei e Hoolako ia oe me na Kuhikuhi.
Ua oi Hewahewa aku na hoohalahala maluna o na ma`i puu-paa mamua o na ma`i e ae.
O ka hoailona mua o ua ma`i puupaa la oia no ka akiaki liilii ma ke kua, a he maeele ikaika ka hope o ia ma`i ma ka puhaka, a ke ole e lapaau koke ia alaila e lilo ana ia i mea nui loa. Na ia eha koikoi, ke loaa io oia, e kono aku iaia e huli i wahi e oluolu ai. E hoao wale no i na laau kau no keia ano ma`i, aole no e loaa ka oluolu. Makemake anei kekahi i loaa ia ano haawina e loaa kona hoopakele? Ina pela, alaila e uhai aku i na kuhikuhi a keia keonimana.
Ela ka pane a Mr. S. Hanoland kekahi luna o ka Hale Kuke Awa: Mamuli o ko`u loaa ana i ka haawina o ka eha nui ma kuu kua no kekahi manawa, ua hoao iho la wau i ka Huaale Kuahaneenee a Doan ma kuu kuai ana ma ka Halekuai Laau o Hollister ma a ua loaa ia`u ka oluolu a pau loa kuu eha. Ua maopopo loa ia`u he mau huaale io no lakou no ka ma`i kuahaneenee.
E loaa no na huaale kuahaneenee a Doan i ka poe kuai laau apau no 50 keneta o ke poho hookahi, 6 poho i ka $2.50. E hookoia no na kauoha apau ma ka leta ma ke kuike ke hoouna mai i ka Halekuai Laau o Hollister ma, na agena o ka Paeaina. E lawe i ka Doan me ka nana ole i ka ha`i.
He Ili Nani Lima A`ia`i
ME KA
LAUOHO ULIULI.
KOPA CUTIKURA
HE MILIONA A OI ka nui o na wahine e auau mau nei me keia KOPA CUTICURA no ka malama ana, hoomaemae ana, a no ka hoonani ana i ke lakou ili, i pau ai ka papaa o ke poo, ka unahi-pii, a i mea no hoi kekahi e pau ai ka helelei ana o ka lauoho, a i hoopalupalu, hoaila i a me ka hoou`iu`i ana i ka ili o na wahi i hele a manoanoa i ka hooikaika i ka hana e like me na lima, a pela no hoi e hoopau ai i na eha, ma ka heioi ana i na wahi eha me kela kopa, i oie oi e ike i ka aai me ka welawela. I ole no hoi e hou nui, ma ka holoi ana i na wahi pehu a palahehe: a he oi loa aku ka waiwai nui o kela kopa i na makuahine e lawelawe ana i na hana lehulehu i pili i na keiki a me lakou iho no hoi, a i na wahine no a pau, a he kupono loa no hoi keia kopa no na wahi auau a pau. O ka poe i ikemaka i ka maikai o kela kopa, aole loa lakou e ae iki ana e hoao i kekahi kopa okoa aku ke koiia mai; ina no e oleloia ana, he kupono la ano okoa aku no na mea e pili ana i ka ili, ke poo a me ka lauoho o na bebe a me na keiki. Ua loaa mai keia waiwai nui o ke KOPA CUTIKURA mailoko mai hoi e keia laau hooia ikaika loa i kapaia, KUTICURA. @ ka laau ikaika loa ma ka hoola ana i ua popilikia a pau e pili ana i na mea ika loa i ka pale ana i na mea ino, a he loaa no hoi ke ala maikai o na puailoko o keia kopa. Aole loa e hiki ka hoohalikeia mai kekahi ano kopa e aei hoohuihuiia e ke akamai o kanaka me keia kopa, ma kana mau hana ma-lama, hoola a me ka hoou`iu`i ana i ka ili, a pela aku. Pela hoi i ka ili oke poo, ka lauoho a me na wahi e ae.
Aole no i lihi launa mai na kopa ona aina e me kela, no ka auhau ana a me ka hana o na keiki liilii. Pela ihola i lilo ai ka waiwai o na kopa a pau i HOOKAHI no ke KUMUKUAI hoo@, a he Helu Ekahi kela Kopa no na poino o ka ili a me kahi auau, a hehelu ekahi no hoi no na kamalii a puni ke ao nei.
NO KA HOOLA LOA ANA I NA ANO PEHU A POHAKA PALAHU MA NA WAHI A PUNI KE KINO, e hoomaemae i ka palapu me ke kopa CUTICURA i pau ai ka paapaa lepo a ano e ae paha o ka ili, a pela hoi ka poo, i pau ai ke kepia a me ka papaa piele, alaila, e hooma-u i kahi eha me ka Aila Hamo CUTICURA mama ae ai ka akiaki ana a ka hu`i a me ka ehaeha, a pela hoi e hoohana ai ka laau i kana hana a ola ka eha, alaila, e ino ka Laau Inu CUTIKURA i mea e maemae ai ke koko maloko. Ke kualia nei keia laau ma na wahi a pau o ka honua nei. Ma Aukekulia: o R. Towns & Co., o Sydney , N. S. W. ko laila Agena; ma Aferika Hema Depot, Lennon, Ltd. Na "Hoakaka no ka Hoola ana i na Bebe a me ko lakou mau kinaunau," he loaa wale no me ke kuai ole.
HOOLAHA I KA POE HAHAI HOLO-
HOLONA, KAAHELE KUAHIWI, etc
KE HOOLIMALIMA AKU NEI A KUAI AKU HOI
MAKOU I NA HALELOLE, PALULU LA, NA LAKO
NO KE KAAHELE KUAHIWI ANA, NA LAKO HAHAI
HOLOHOLONA AME NA LAKO LAWAIA.
NA AHAMAKA, NA NOHO KAAHELE, AME NA NO-
HO KULE, NA PU AME NA POKA.
PEARSON 7 POTTER CO.,
LIMITED.
931 ALANUI PAPU.
Mai haawi pio
O ka mau ma ke kulana hookahi, a aole hoi o ka eha ka mea e nauki ia nei ke kaa ma`i loihi ana. Ua like keia ala ana me kekahi la ua loihi. O ka nana ana aku i na mea apau, ua like ia me ka nana ana me na makaaniani bolu ame ka hele ana iloko o ke Awawa o ka Malu. Pau ka nana ana i na mea o waho, nana no iaia iho. O na hoailona o kela ame keia ano o na ano ma`i like ole, e ulu mau ana ka noonoo ana a ka mea i loohia. I ka ma`i no keia mau mea a hiki i ka wa e komo mai ai kekahi mau noonoo maikai ana iloko o kona poo. I kekahi manawa, he mau mahina wale no ko ka mea ma`i noho ana iloko o keia kulana, i kekahi manawa no na makahiki he loihi. E hooili aku i kela mea maluna o ke ano o ka ma`i, no ka mea, aohe like o ke ano o ka poe ma`i apau loa. E lohe mau ia ana keia olelo mai ka lehelehe mai o keia mau uhane popilikia. "O, aohe o`u mea e pono ai, aole loa au e oluolu hou ae ana." Ae, e loaa no ia oe ka oluolu. Me kou manaoio ole no nae i ka pono a na laau lapaau e ae no nae oe i ka
WAMPOLES PREPARATIONS
e hana nou e like me kona hana ana no ka pono o kekahi poe he nui wale, he poe hoi i loaa i na nawaliwali inoino a kupilikii e like me kou. O ka ma`i hiki ole iaia ke hoola, he ma`i oia ole ia. He laau kela i like ka momona ame ka ono me ko ka hone meli a ua hoola hoi iaia na mea hoonoono ai a hoola hoi o ke Cod Liver Oil Maemae, i loaa mai ai mai ke akepaa mai o ka i`o cod hou loa ame ke Compound Syrup of Hypophophites ame ka Extracts of Malt Wild Cherry. He hiki ke hoomaemae i ke koko, kipaku aku i na laau make mai ke kino aku, hoomaikai i na hana a na lala, a e loaa no oolea i ke kino i hoonawaliwali ia e ka ma`i. Aole he lohi a hopohopo na hana. E hoao a e mahalo mai ia makou no keia hoakaka. E loaa no ka pono i ka lawe mua ana aku o ka ea huihui ia oe maloko o kekahi lumi paa loa. Na ka Omole mua e hoapono mai. "Aole loa oe e hoohokaia e keia laau." He kualia e na mea kuai laau maanei a ma na wahi no a puni ke ao holookoa.
HOOLAIA MAHOPE O EONO MAKAHIKI.---Penei i kakau mai ai o Mrs. M. A. Clark, o Timberry Range, N. S. W., Aukekelalia:: "Ke makemake nei wau e hoike aku ia oe i ka haawina kupaianaha i loaa mai la`u mai kau laau wai nui mai. Ua loohiaia wau i kekahi kunu ikaika loa no eono makahiki a aole he oia i loaa mai ia`u a hiki i ko`u lawe ana i ka Chamberlain's Cough Remedy. He hookahi no omole i ko`u ola no ia, a ke hoomaikai ae nei wau a ke hoike ae nei aole i loaa hou mai he kunu ikaika. E hana aku i kau mea i ike ai he pono no ka poe iloko o na ehaeha "Ke kuaila nei ma na halekuai laau iapaau apau. BENSON SMITH & CO., LTD., na Agena ma ko Hawaii Paeaina.
PU-HA KA MAHINA.
BOSETONA. Dec. 18.---Wahi a Kukua Professor William H. Pickering o kahi Kilo Hoku o Harvard, ua ewaewa ka mahina he 1,000 mau wahi like ole. Ua hoike ae o Professor Pickering i keia hoike ma keia po e pili ana hoi i ka hoike mai Berkeley, Kaleponi, a hoike ana i ka mea i loaa ae ia Kokua Kilohoku J. B. Perrine o kahi Kilohoku a Lick a kekahi owa nui, a i ole ma e moe ana ma ka loa o ke awawa o Alps nona ka loihi o ewalu mi@.
"Aole keia he mea ano nui, @ wahi ana i pane ae ai i ka manawa i hoikeia aku ai ka hoike iaia. "Ke hoomanao ae nei wau i kou ike anu i kena owa i ka 1892 eia nae aole a ia i hoopaa ia mea iloko o kau hoike no ka mea aole ia he mea ano nui ma ka hoohalike ana me kekahi iho a`u i ike ai. E olelo ae wau ua owa @ mahina ma na wahi he 1,000.
"Eia keia mau owa ke waiho nei ma kela ame keia wahi o kona ili koe nae aia no he mau owa kakaikahi ma kona mau kaei. O keia i hoikeia ae nei eia ia ma ka latitu 50. Ua loaa ae @ mau mea mamuli o ka hui ana o na apo o ka mahina."
UWATI NALOWALE.
Ma ka lanai o ka halekula o ke Camp Helu 2, Kauluwela ma ka po Poakahi. Dec. 26, ua nalowale he uwati kala, helu 3976981. O ka mea e loaa ana e hoihoi ae la`u ma Kauluwela Camp a e loaa aku no he makana kupono.
3048---Dec. 30.---Jan. 6.
He Huaale Maikai
Aole he like o na
"HUAALE A AYERS."
me na huaale e ae no ka mea he mau
huaale kokua kela i ka hana a na
naau, a he laau hoomaha maikai loa
hoi. Ina he paa kou hanalepo o na
"HUAALE A AYERS."
ka laau e hemo maikai ai, a e hemo
maikai mau ana hoi mahope aku
oia manawa.
Aole loa he hiki i kekahi kanaka ke
Olelo ae he maikai kona ola kino
ina aole he hemo o kona hanalepe
he hookahi manawa o ka la, a oi aku
paha. Ina i maopopo keia kanawai e
ke ola i na kanaka apau, aole loa
e like ka nui ka poe ma`i me ka
mea e ike ia nei keia mau la.
Ua hana ia owaho me ke kopaa he
maikai loa ka lawe ana.
Aohe mau Huaale i oi ae ka maikai
mamua o na
"HUAALE A AYERS."
Hoomakaukau ia a Kauka J. C. Ayers
& Company, Lowell, Mass. U. S. A.
E loaa no keia mau Huaale ma ka
Hale Kuai Laau o Hollister, alanui
Papu.