Ka Nupepa Kuokoa, Volume XLII, Number 51, 16 December 1904 — WEHEIA KE KEENA NO NA LIMAHANA AKAMAI. [ARTICLE]

WEHEIA KE KEENA NO NA LIMAHANA AKAMAI.

Ua hooholo iho nei ka Hui o ka Poe Mahiai e kukulu i keena ma Honolulu nel no na mahiko, he keena hoi no na limahana akamai, i mea kokua i na mahsko e makemake mai ana e loaa na limahana akamai ia lakou.

Mamua aku nei aole he keena e hiki ai i na mahiko ke huli i mau iimahana akamai no lakou, aka he heie e ninaninau i ka poe limahana akamai e makemake ana e loaa ka hana, a i kekahl manawa ua loaa mai no na kuia. Ma ke kukulu ana i keena o keia ano e pau ana ke ano o ka hana ana o ka wa i hala a e ano hou ana. Ina e makemake mal ana kekahi o na luna mahiko e loaa na limahana kamana amala ame na hanalima akamai e' ae, o ka lakou hana wale no e hana ai o ke kauoha mai i keia keena a na keia keena e hoolako aku ia la-. kou me na limahana a lakou i makemake ai. Ma ke kauoha ana i mau limahana akamai, e hoakaka mai ana kela ame kela luna mahiko i ke ano o ka lakou kanaka i makemake ai ame kona ukuhana.

Ma keia no hoi e loaa ana ka maalahi i ka poe limahana akamai e makemake ana e ioaa aku he hana na lakou ma na mahiko o kakou nei, no ka mea 1 ka manawa e makemake ai kekahi kanaka e loaa kana hana e hele aku no la ma keia keena a noi i hana nana. Ina he mahiko kekahi e makemake ana i kanaka hana a ua kupono hoi ka mea noi no ia hana i makemakela, o ka loaa koke iho la no ia o ka hana. Ua weheia ae nei keia keena a e malamaia ana e ke Kakauolelo o ka Hui o na Poe Mahlai Mr. "W. O. Smith.