Ka Nupepa Kuokoa, Volume XLII, Number 51, 16 December 1904 — Page 1

Ka Nupepa Kuokoa

KE KILOHANA POOKELA NO KA LAHUI HAWAII.

HOOPUKAIA I NA KAKAHIAKA POALIMA APAU

BUKE XLII  Helu  51          NUPEPA  KUOKOA,  POALIMA, DEKEMABA  16,  1904         NA  HELU  APAU 3046 

 

 

E  KE KIAI HEAHA KO KA PO? PELA IO ANA ANEI?

 

He Ouli Hakaka Ana Anei Ko Ka Makahiki 1905 e Hoea Mai Ana Mawena o na Hahuhana a me na Limahana?

 

HOIKEIA KEKAHI MAU MANAO HOOLELEHAULI O KA PAIO NUI E ALA MAI ANA MA KE KULANAKAUHALE O KAPALAKIKO AME NA KULANAKAUHALE A TAONA E AE O KALEPONI

 

  Ke loaa mai nei na lono ma Honolulu nei e ala mai ana kekahi paio nui ana mawaena o na limahana Uniona o Amerika me ka poe waiwai ma keia mua koke iho, a i keia wa eia kekahi hana o ia ano ke hoomakaukauia mai nei ma ke kulanakauhale o Kapaiakiko, a e hookoia ana hoi ma ka la 1 o Ianuuari, 1905 e nee mai nei. Ma kekahi mau hoike i loaa mai maiuna o keia mea, na hoike ae na alakai e makemake nei e paio aku me na limahana Uniona, e ho ana keia paio ana i mea e ala mai ai kekahi hookahe koko nui, a e paio ana na aoao a elua a hiki i ka lanakila ana o kekahi o laua.

 

  He nui a lehlehu na kumu i ala mai ai keia manao paio mawaena o na poe waiwai ame ka poe limahana Uniona, a o kekahi mea i ala ma iai keia mau hoolala ana e hanaia mai nei, oia ke koi ana o na limahana e loaa no ko lakou mau ukuhana piha i keia ame keia Poaono, oiai ma Kapalakiko, o na limahana akamai apau, e pau ana ka lakou ma hana ma ka hora 12 o ka Poaono, a o ka hapa la aku i koe ua haawila no na limahana. Ke koi nei keia poe limahana e ukuia lakaou me ko lakou mau ukuhana piha o ia ia, a ke hoole nei hoi ka poe waiwai.

 

  Mawaho ae o keia, eia ka poe waiwai, na hakuhana hoi, ke makemake nei e hoi hou na hana ana e like me ko na wa i hala, a ke hoole loa aku nei hoi kekahi aoao me ka lakou mau kumu hoole kupono.

 

  Penei kekahi mau hoike iloaa ae no ka hoomakaukau o na poe waiwai e paio ka e ae i na limahana Uniona.

 

  KIKAKO, Oct. 18. - Ke manaoianaia aku nei ma Kikako nei ma ka la apopo e hoea mai ana o Herbert V. Ready, ka mea i oleloia oia ka pouhana o ko Kapalakiko kanaka wawahi i na olohani limahana, no ka houluulu ana ae i na kanaka apau o na ano hanalima akamai like ole apau no ka hoouna ana aku ia lakou ma na kulanakauhale o Kaleponi no ka hana ana ma ia mau wahi iloko o ka manawa e olohani ai, ana hoi i olelo ae ai e hoohanaia aku ana e na hakuhana ma keia kau ana ae.

 

  Ua loaa ae ka mana ia Ready e hoike ae eia na hakuhana o Kaleponi ke hoomakaukau nei e wawahi i na uniona ma ke noi ana aku ia lakou e hoopauia ka hoounaia ana o na elele kaahele (walking delegate)  a e hoole ana hoi i ka hana ana i na aelike koe wale no na aelike i hana maoli ia me kekahi limahana.

 

  O na kanaka limahana uniona apau e hoole ana i keia mau noi e kapaeia ana lakou mai na hana mai, wahi ana, a o na kanaka e hana, nei ma Kikako ame ka Hikina e haawilia ana na hana la lakou.

 

  O na kanaka apau e komo ae ana ma keia mea e ae  mua oia i keia mahele oloko o kana palapala noi:

  "Ke ae nei anei oe e hele aku no Kapaiakiko a i ole i kekahi mau kulanakauhale okoa aku paha o Kaleponi ame na taona e hana hoi ma ka aoao o ke kanaka ame ke kanaka ame ke kanaka (me ka nana ole ae i kona ano) a maluna hoi o ka papahana e wehe lauia na hana apau no na mea apau."

 

  Ua makemakeia na kanaka apau o na ano hana like ole a o na kulana like ole e hui like ae iloko keia hana "no ka wawahi ana i ka manao uniona."mai Kaleponi aku - (San Francisco Examiner, a hoopukaia ma ka nupepa The Message, Nov. 14, 1904).

 

  Nu IOKA, Nov. 4. - Ua loaa ae nei i na Hoahanau o na Kamana (United Brotherhood of Carpenters and Joiners of America, oia ka inoa pololei o keia hui) o Kapalakiko e noi ana i poe nana e wawahi i ka olohani i 30,000- ko lakou nui.

 

   Ma na hoike mana i loaa ae i na hui uniona o na limahana kuloko mai Kaleponi mai e olelo ana o Herebert Ready, ke poo o na kanaka limahana uniona ole o ke kahakai Pakipika, ua hoounaia mai oia no keia kulanakauhale ame na kulanakauhale okoa ae o ka Hikina no ka hana houluulu ana ae i 30,000 poe limahana uniona ole no ka malama ana i ka manao e wehe hamamaia  na hana apau i na mea apau ma na Aekai Pakipika. O keia 30,000 limahana uniona ole e hiki ae ana lakou ma Kaleponi ma ka la 1 o Ianuari.

 

   Ma na hoike i loaa mai au hoounaia mai o Ready no ka Hikina nei e ka hui Citizensʻ Alliance o Kaleponi, i kukuiua hoi no ka opa pu ana ae i na limahana uniona mailoko  ae o na hana imiwaiwai apau iloko o Kaleponi e hana maiaio o ka manao  " e wehe hamamaia na hana apau" a i ole haalele iho i na hana ma ka la 1 o Ianuari, - (San Francisco Examiner a hoopukaia ma ka nupepa The Message, Nov. 14, 1904.)

 

   Ina he oiaio keia mau hoike, alaila e hoea mai ana na la mua o keia makahiki ae me kekahi hoouka kaua koikoi loa i ike ole ia mamua mawawaena o ke kanaka waiwai ame ke kanaka limahana.

 

   O na hui uniona limahana e ku nei ma na wahi apau o Amerika, ola wale no kahi opu malumalu e hiki ai i ke kanaka limahana o na hana akamai apau ke ikeia mai ko lakou mau pono, a he hana hoi i hoaiaia no ka pulama ana ae i ka pono o na limahana, a hookaawaleia hoi he manawa  e hoonaauaoia ai na hanauna hou a ka poe ilihune. Mamua aku o ke aia ana mai o na limahana a kukulu i mau hui uniona no lakou, e hana ana na limahana mai ka eiwa hora hana o ka la a hiki i ka umi-kumamaha, me na ukuhana haahaa loa. E hele ana hoi na makua i ka hana me na keiki i mahuahua a hoomaopopo i ke ano o ka hana, e hana iloko o na halehana, a hooneleia keia mau kamaiki me na hoonaauao ana, mamuli o ka haahaa o na ukuhana e haawiia ana i na makua, a mamuli hoi o ke koi ikaika ana  o ka ilihune ame ka hune i keia poe kamaiki e hele lakou e huli i ko lakou mau pono iho. I kela wa eia iloko o na kulanakauhale nui o Amerika na hui uniona kahi i ku ai, a au hoo pauia ke komo ana ae o na keiki iloko o na hana ma kekahi mau kulanakauhale, e hana ana hoi i ka hana kupono na ka poe kanakamakua e hana, a ua hoemiia na hora hana, a ua loaa hoi na ukuhana kiekie.

 

   Ina e haule ana na limahana o Kapalakiko ma keia hana ana, me he mea la o ke ala like mai no ia o na mokuaina apau, alaila pela io ana anei?

 

Ku mai ka Mokukaua Petrel ma Honolulu Nei

 

    Ma ke ahiahi molehulehu o ka Poaha i hala, i kaalo ae ai mawaho o ka nuku o ke awa o Mamala nei, me kona kukui hoolele malamalama e hoomalamalama ana i ke kulanakauhale nei, ka mokukaua lawe pu Petrel, o Amerika noho ana ma Honolulu nei no kekahi mau mahina elima a eono paha, ma ke ano he pani no ka moku Iroquois e haalele iho ana i keia awa a hoi aku paha no Kapalakiko a i ole no Guaina.

 

     O keia kekahi o na mokukaua o Amerika i komo pu aku iloko o ke kaua mawaena o Sepania ame Amerika, a i malamaia hoi malalo o ke alakai ana a Adimraia Dewey, mawaho ae o ke awa o Manila, a i pau ai hoi na mokukaua o Sepania i ka ulupaia, a hoopuehu l@illi ia aku hoi na papu o ke awa o Manila:eia nae ka mea hilu loa, hookahi luina o keia moku e noho ana ia mau la, a i hoohanohano ae @oi i ka inoa o keia moku e noho nei i keia manawa. O ka poe apau oiuna he poe malihini wale no, no lakou hoi ka huina luina o 126 ame na aliimoku.

 

    Ua holo mua mai no keia mokukaua no na kai o Hawaii nei, a ma Hilo kona wahi i kipa ae ai, a ku mamalaila no kekahi mau la, a holo loa ae no na kai o Kina, kahi hoi ana i hui ae ai me ko Adimarala Dewey aumokukaua, a mahope o ke kaua ua hoi aku oia no ka aina makua a holoholo ae hoi ma na kai Komohana. Ma Sana Diego oia i ku ai a loaa aku ke kauoha nona e holo mai no Hawaii nei a he umi-kumamaha la kona holo ana mai a ku i ke awa nei.

 

I KA POAKAHI NA LA KULAIA

 

   Ua hoike ae o Kiaaina Carter ma kana kuahaua e pili ana i na la kulaia e ne@ mai nei. Karisimaka ame Nuia (makahiki hou) mamuli o ke kaa ana o ia mau la ma ke Sabati, ua hoopaneeia aku na hoomanao kulaia ana a hiki i na Poakahi mahope iho o ia mau la Nolaila, e malamaia ana ke Karisimaka maka la 26, a o ka Nuia hoi ma ka la 2 o Ianuari, 1905.

 

Na Materia o ka Ua Kanilehua

 

Liuliu ko Hilo no ka Hoomanao La Hape Nuia

 

E WEHEIA ANA O MOOHEAU PAKA MA IA LA ME NA HAIOLELO MAI IA ADMIMARALA BECKLEY AME KEKAHI POE E IHO

 

    Hilo, Dec. 9 - ua hoike ae ka nupepa Herald ua aneane loa e pau pono na hoomakaukau ana no na hana wehe i ka Paka o Mooheau. Ua malama ae na kahu o ua paka la he halawai ma ka po Poakolu i haia a ma ia halawai i hoike ae ai o Adimaraia Beckley i kana papahana no ka wehe ana ia Mooheau Hale ma ka Poakahi, Ianuari 2.

 

     E hiki ae ana ko Hilo bana malaila a e puhi ana lakou i na mele pili i keia hana. O kekahi o na mele e meleia ana oia ke mele i hakuia e Prof. Carvalho a i hakuia hoi no Admimarala Beckley. E wawah@ia ana he omole champagne ma kahi pale e Miss Juanita Beckley a weheia ae ua hale la no ke taona. He haiolelo kekahi na ua Adimarala la ame kekahi poe okoa iho ma ke ano e apo aka ana i ka makana a ka adimarala ma ka aoao o ko Hilo poe.

 

     Ua manaoia no hoi e malamaia ae i aha hulahula iloko o ua hale la i ka po ana iho. Ua loaa ae no hoi he mau kamailio ana e malamaia he mau heihei ma Hoolulu Paka ma ka auwina la o ia la, aka nae aole i manaoia e nui ana ka poe e hele ana ma ia wahi oiai e nui ana na mea nana e apo ana i na kanaka i ka wa e weheia ai o Mooheau Hale. He kakaikahi paha ka poe iloko o Hilo nei e heie ole ana e hoolohe i ka Adimarala Beckley hoike ana i ke ano o kana hana ana a loaa ae keia hale nani. Aole no hoi i manao wale ia e pau pono ana ke kahua i ka hoomaemaeia mamua o ka la e weheia ai, eia nae ua noi ia aku kekahi o na kahakii kuloko e hana i na kii e hoike ana hoi i kahi e kanuia aku ai na kumulaau kaumanie. E hanaia ana keia me na waihooluu like ole a e lilo ana keia i hana akamai ke paa ae.

 

    Ua hui kukai ia aku o Kapena Fetter no ka manao ana e mlamaia ae kekahi hookahakaha ana ma ia la e ka Pualikoa "D" a ina aia aole kekahi mea iloko o na rula e papa ana i keia, alaila e lilo ana ka hookahakaha o ia kekahi o na hana e malamaia ana ma ia la. O na kahu o keia paka ame na kahua aupuni o Hilo ua hoike ae lakou i ko lakou manao e kanu na makaainaana i kekahi kumulaau a mea hihi paha iloko o ka paka ma ke awakea o ia la, a e lilo hoi keia i hapa no na hana o ia la. E konoia ana ka poe e hiki ae ana e lawe ae i ka lakou mau meahana paeli ame na kumulaau. O ka ahaaina e haawiia ana ia po he wahi hana ia no kekahi poe kakaikahi wale no, a e hoemiia ana ka nui o na palapala kono e hoopukaia aku ana.

 

NO LAIMANA KA IKAIKA

 

    Aole i loaa ae ke koramu (hapanui) o ke komite hooko o ke Komite Apana o ka aoao Repubalika ma ka po Poakahi o ka pule i haia no ka noonoo ana i ka ninau e pili ana i ka ke komite e hooia ae ai ma ke kulana lunaleta ma ko W.I. Madeira makalua, i loaa ae nei hoi na hooiaio ana au hookiekieia oia. Mahalo o la kumu au kahea ae o Lunahoomalu Beers e malamaia he halawai ma Firemanʻs Hale no ka hooholo ana maluna o keia ninau. Ua maopopo pu ae nei no hoi he hookahi wale no mea e noi nei oiai ua huki ae nei o Chas. Siemesen i kona inoa no Laimana. Me he mea la no Laimana ka noho, oiai uaano pau loa no na lala o ka mana hooko o ka Papa Kalepa i ka kakoo ana i kona paiapaia noi. Aole i loaa mai nei he hoike mana ia lunalete Madeira no na mea e pili ana i ka hoololi e noonooia nei a o ka mea nana i hoohikilele ae i na mea apau oia ka lono i hoikeia ae no kona hookiekieia ana.

 

    Ke upehupehu mai nei no na maka o kekahi poe keiki o na hui popo pekuwawae Honolulu amePunahou. O keia iho ia no ka hopena o keia ano paani, he haʻihaʻi ke a-u o kekahi poe ia i keia, eia nae aole he mea a kuhaʻu iho lakou nei.

 

 

Hoomanao i ke 99 o na Makahiki

 

   Ma ka Poalima no ka pule i hala i hoomanaoia ae ai ka la hanau o Mrs. Parker, makuahine o Rev. H.H. Parker, kahu hoi o ka Ekalesia o Kawaiahao ma kona home mauka ae nei o Nuuanu. O keia ijo la ka piha ana, a ina e ae mai ka Haku o na haku e hoomau mai i ka hanu oia iloko o Kana kauwawahine o no@n ae i keia la 9 o Dekemeba e hoea mai ana, alaila e piha ana na makahili he 100 o keia makuahine o ka pono.

 

   Ma ia la a hiki waie i ka po ana, ua hiki kino ae na hoaloha o leia makuahine o ka pono a waiho aku i ka lakou, mau olelo hoomaikai nui. Ma ka aoao o ka makuahine, ua haawai mai ota i na mahalo ana, a e ohaoha mai ana hoi kona mau helehelena hapauea me na minoaka oluoluy e hoike mai ana i ka mau o ka ikaika kino ame ka manao, a aoie hoi i uhi iho na haawina palupalu luahine i mea e hoonaiowale aku ai i kona mau noonoo maikai. He nui na makana i pana@la ae no ka mea nona ka ia. Ua loaa ae he wahi hoomanao hauoli mai ka meaono, o maluna o ua meaono la keia mau olelo kupono loa i ka mea nona ka ia, "Mother" (Makuahine).

 

AIA NA MOKUKAUA RUSIA MA AFERIKA I KEIAWA.

 

Pau na Mokukaua Rukini ma Pota Ata i ka Mahaha a Hoopoinoia ke Kahua Telegrarapa Uweaole o Puu Gula

 

AKAHIO A MAALAHI KA ADIMARALA TOGO HANA A MAKAUKAU OIA E PAIO AKU I KO NA RUKINI AUMOKUKAUA O KE KAI BALATIKA-HOOMOANA KO MANCHURIA MA PUALIKOA.

 

    LADANA, Dec. ( - O na mokukaua apau ame na mokukaua holomama o Rusia ame na moku lawe pu iloko o Poto Ata, koe nae hookahi, ua Pau i ka nohaha a ua hooleleia na luina i ka aina. Aole he mau hoao ana e hookaawale ae i na moku. O na moku i nohaha ua haaleleia aku no lakou ma ko lakou mau wahi e lana ana a ke loaa mau nei i na poka a ka enemi. Ua lono wale ia ae o Askold ka mokukaua holo mamahookahi i koe iho me ka poino ole, eia ke hoopiha nei i ka lnahu, hookomo hou i kona mikini, a hoomakaukau no ka holo aku a hui aku me ko Rojestvensky mau mokukaua.

 

   FUSAN, Dec. 9. - O ka keiki hookahi a General Nogi ua make ma ka puu 203-mita. O kekahi o kana mau keiki ua make ma ka puu o Nanshan. Ke noho keiki ole nei ke Generala.

 

  LADANA, Dec.9.- O ka hapanui o na Mokukaua Rusia o ko ke Kai Balatika aumokukaua au pau ae nei i ka laweia ko lakou mau meakaua a ua waihoia ae.

 

   TOKIO, Dec. 9.- Ua poinoia ka moku lawe pu Giliak, au piholo hoi ka moku lawekoa Amur, a ua hoopoino nui ia kahi hoahu lako kaua. Me he mea la ua haaleie ia na mokukaua a aole hoi he panai mai i na ki poka ana e kaulonoia aku ana ia lakou. Ke manao ia nei ua hiki i na Kepani ke hoopau iho i ka lakou mau kipoka ana a hoopoioli aku i na koaoloko.

 

                               Wasinetona, D.C., Dec.9--

I ko Iapana Kanikeia ma Honolulu,

    Ua hoike ae ke alakai kaua moana e huipu nei me ko ka pualikoa e kaua nei ia Poto Ata ma ke ahiahi o ka Poaha ua a ia ae la ka mokukaua Poitava huli ae la ma kona aoao me kona hope Ilalo: he umi-kumamakahi mau poka i loaa ae maluna o Gilyak; ua a ia ae o Bayan ma ka hora 11:30 p.m., a eia no kk lalapa nei ke ahi ma ka hora 4:15 p.m.

oto Ata ma ka Poaha ua ku aku o Amur me umi-kumamaha poka a piholo iho la kona hope ilalo; he nui hoi o na poka i hoopoino aku i na hale papaa ame kekahi poe hale e kokoke ana i Pehyushan ame kahi hoahu lako kaua.

 

   LADANA, Dec.10.- Mahope o elima ia o ke kipoka ana o Generala Oku me na pukuniahi, ua hoopuehuia aku na Rukini mai ka mokupuni aku o Gushan, he elima mile ma@alo mai o Liaoyang. Ua haalele iho na Rukini ha huina nui o na lako ai a he lehulehu o na pu, a hoi aku ia he ewalu mile. I ka manawa e kipokaia ana au loaa aku ia kahi hoahu aliamahu a a la ae, a na la mea i hoomalamalama nui ae. O ka poino ma ka aoaoo na Kepani he 5,000.

   O ka nui o ka poino ma ka aoao o na Kepani ma ka puu 203-mita au oi aku ia i ko ka kaua o Nanshan.

 

   MUKDEN, Dec.12- Ua nee ku-e ae na Kepani i na Rukini ma ka hikina o ke alahao, eia naeua hoopuehuia aku me ka nui o ka poino Eia na Kepani ke hookahua nei ma ka Hema o Manchuria.

 

   KO KUROKI KEENA KAUA, Dec 12.-Mamuli o ke anu e pahola nei ame ka nui manoanoa o ka hau, aole he mau boonee kaua e lawelawela nei,

 

   TOKIO, Dec 12.- Eia no ke ulupaia nei na mokukaua o Poto Ata e na pukuniahi a na Kepani.

 

  BREST, Dec.12.- Ua ikeia aku he mokukaua holo mama Rusia, a ua manao ia aku e huli hoi ana no Rusia.

 

  MUKDEN, Dec. 12.- O ke lelekaua a na Kepani maluna o na wahi kaupale o na Rukini ua hoopuehuia.

 

  TOKIO, Dec. 12. - O ke kipoki a ka pualikoa e kaua nei ia Poto Ata ua hoopoino aku ia i nma hana ma Puu Gula. ho-aia kahi hoahu lako kaua e ke ahi a hoopoinoia ke kahua telegaraspa uweaole.

                                 Wasinetona, Dec. 12, 1904

I ko Iapana Kanikeia, Honolulu:

       Ua hoike mai nei ko kakou pialikoa e laua nei ia Poto Ata o ke kipoka ma ka la 11 ua hookau aku ia i na poino he nui maluna o ko ka enemi kahua Telegarapa Uweaole malalo iho a ka Puu Gula a ho0aia ae hoi kahi hoahu iako kaua e ke ahi.

 

                                                                                                                  HIOKI

   CAPETOWN,Dec. 13.- He elua mokukaua i hala ae nei ma ka Lae Cape e holo ana no ka Hikina.

 

   TOKIO, Dec. 13.- Ua hoopuehuia aku na Rukini ma kekahi mau kaua lilili ana ma Manchuria. Ua pau aer nei na hooponopono ana no ke kau anu.

 

   MOSSAMEDES, Portugese West Afericas, Dec. 13.- He iwakalua-kumamakahi mokukaua o ko Rusia Aumokukaua o ke Kai Balatika ua ku mai nei ianei.

 

   ST. PETERSBURG, Dec. 14.- Ua kupono o ka manao o na alakai nui o Rusia ke kulana ma Manchuria.

    Ma ka palapala kuahaua aupuni i hooiahaia ae nei ua hoemila ka hoopaʻl o Sasoneff, ka mea nana i pepehi o von Piehve, he umi-kumamaha makahiki hoopaahao.

 

   TOKIO Dec. 14.- Ua hoike mai o Adimarala Togo o na moku topido o kona aumokukaua ua lelekaua aku lakou i ka mokukaua Sevastopol. Aole i maopopo ka hopena i loaa ae ma keia.

 

   TOKIO, Dec. 15.- Ua hoikeia mai nei ua topidoia ka mokukaua Rusia Sevastopol a ua loaa aku ua moku la mahope o na hoao ana he nui.

    O ke kipoka ana mai ka puu 203-mita au hoopoino aku ia i na hale papaa ma Tigerʻs Tail ame ekolu mau moku kalepa.

    Ma ka ikeaku mai ka puu aku ua ikeia aole loa he wahi moku e lana ana iloko o ke awa. O na mea wale no e ikeia ana oia na kia e oku ana iluna, na puka ewahi ame na apana moku e lana hele ana.

    Aole he holoholo o na kanaka ma na alanui o Poto Ata, aole hoi he poe e kiai ana la lakou a au pau na hale i ka a ia e ke ahi a pau pu i ka nohaha.

    O ko Rusia ikaika kaua moana ma ka Hikinaua pau i ka nohaha, koe nae na mokukaua holo mama e noho mai nei i keia kau anu ma Vladivostok. O ko Iapana aumokukaua, koe na moku makika e noho nei ma ke kuiana kiai, e pau ae ana lakou iluna o na alahuki moku.

    I keia manawa eia na pualikoa Kepani i hoonohoia ma ke Kaikuono o Pigeon ke n@e ae nei no na papu ma ke komohana.

 

   Ua noha ae kekahi paipuwai umi-kumamalua iniha o ka iaina paipuwai o ke alanui Nuuanu, ma ka huina o Pakipika Kiekiena. I ka po Poaiua nei a kahe ae la ka wai me he waikahe la.

 

No ka Mlama Ana i ka Pono o na Paahao ma Kawa.

 

   Ua hooholo ae nei o Makai Nui Henry e hoopauia na hana kapulu o na wa i hala ae nei, i hanaia hoi ma Kawa, e pili ana no na loio e huli pomakai nei mai na pio i hoop@ahaoia ma Kawa.

   No na manawa i hala ae nei he mea maa i kekahi poe ka hoopilipili ana aku ma awa e huli ana i wahi hana na lakou malaila mai na pio mai i hoopaahaoia aku mailaila, a ua olelo pu ia no hoi   o na makai kekahi

poe i komo pu iloko o keia hana, e huli ana hoi i hana na kekahi poe loio o Honolulu nei, a ua manao wale ia ke hana nei na makai no kekahi mau uku komisina i haawila ia lakou. O keia mau hana e pauia ana a au hooholo iho ka Makai Nui e pa@ila kekahi mau papainoa o na Ioio o ke kulanakauhale nei, a hookau aku ma na wahi e hiki ai i na pio paahao ke ike. Ina e makemake ana kekahi o lakou e loaa ona lolo nona, ua hiki ia mea ke nana ma ke papaino@  o na loio e koho i kona makemake, aole hoi ma ka onoonou aku a kekahi poe e hana ana no ko lakou mau pomaikai piikino wale iho no.

 

  Ma keia hana a ka Makai Nui e hanamai nei, ke hoike mai neoi oia i kona makemake e hoano hou ia na hana o kona kau mai ko keia i hala aole wale ma Honolulu nei waie no, aka ma na wahi no apau o keia Teritore. He mea maopopo  loa o ke kanaka i paa aku iloko o keia wahi, e lawe mua ana oia i ka loio i onouia aku iaia, a ma ke ano mau i ikela, o ka loio i haawai mua laia iho, aole ia o ke kanaka e nana ana i ka pono o kana hihia. O ka hopena e loaa mai ana, e pau ana ke @aia a au pio ia a nele hoi oia, oiai nae he pokeokeo ma kekahi aoao.

  O kekahi hana ano hou a Makai Nui Henry e manao nei e hana oia no ka maiamaia ana o na waiwai o ka poe e paa aku ana iloko o Kuapapanui. Ke hopuuia kekahi mea ma keia mua aku a lawela ae ilaila, a ina he mau waiwai kekahi e loaa aku ana iloko o kona mau pakeke, e laweia a hoihoi loa ia aku iloko o ke keena o na wiliki. Ma keia hana ana e kailiia ae ai na manao ana e kolohe i na wiwai o ka poe i hoopaaha iloko o Kuapapanui.