Ka Nupepa Kuokoa, Volume XLII, Number 50, 9 December 1904 — KUIKAHI HOU ME KINA. [ARTICLE]

KUIKAHI HOU ME KINA.

WAKINETONA, Nov. 21.—Ke aneane aku nei o Kakauolelo Hay ame Sir Chen Sunp Liangr Cheng, ko Kina Kuhina, i ka panina o ka laua hana, oia hoi, ka hoolala hou ana i kuikahi mawaena o ko laua mau aupuni. no ke pani ana ma ka makalua o ke kuikahi mua i pau iho la ma ka Pokkolu i hala. Dec. 7. ITa ano like no keia kAikahi me kona mua. ma o ka hoopale ana i ke komo ana o na Pake limahana; aka, e pakui hou ia iho ana i pauku hou no ka ae ana i na luna aupuni, poe kalepa. na poe imi naauao a me kekahi poe e ae mawaho ae o na limahana, no ke komo ana aku i Amerika me ke ke'ake'a oie ia. Ua loaa pu hoi ke kuleana i na Pake he waiwai paa ko lakou ma na palena i noho mana ia e Amerika. no ka huli hoi ana no ko lakou aina makuahine me kekahi palapala ae. E mana ana hoi \kela palapala iloko o elua makahiki, e'helu ia ana mai kona manawa e haalele al. Aia pu hoi maloko o ke kuikahi he pauku e ae ana ia Amerika e kukulu i keena hoopae limahana ma Kina. no ka huli a ninaninau pono ana 1 na Pake apau loa e makemake ana e holo ; mai no Amerika Huipuia.