Ka Nupepa Kuokoa, Volume XLII, Number 50, 9 Kekemapa 1904 — Page 5

Ka Nupepa Kuokoa

KE KILOHANA POOKELA NO KA LAHUI HAWAII.

NUPEPA KUOKOA, POALIMA, DEKEMABA 9, 1904.

 

Nuhou Kuloko

 

            Ua @ Charles Chillingworth sole oia i hewa, malalo o kona kumuhoopii @ ai, a i ahewaia ai e ke kiure @.

 

            O Honolulu ame Maile na hui popo paku wawae e hookuku ae ana i ka @.  O kela ka paani ana e maopopo, ai @ hui e oi ana.

 

            @ na ipuka aniani o na hale kuai o ke taona nei me na hohi@ .  Nolaila, aole he@ mai o haule anei oe i @.

 

            O ka poe o makemake mai ana e loaa na @ Kumukanawai o Hawaii @ pololei mai i na noi ana @ hui Hawaiian Gazette, me ke kumu@ o ka buke hoopahi.

 

            Ua haawi ae ke koronero nana i huli ka @ pephikanaka o Iwilei i ka lakou @ hooholo, ua make o Suyetomo ma kekahi mau moku pahi i loaa aku @ mai ka lima aku o Koseki.

 

            @ uuku kai holpau ae ma kahi @ o Mrs. Tolson, ma alanui Beritania e kokoke la me kahi o Dr. @ ma ke ahiahi Poaono i hala.  Aole he nui o na waiwai i hoopoino ia e @.

 

            E nana ae i ka manao o Hon. W.C. Achi e puka aku nei ma keia pepa malalo o ke poomanao, "I mau Kanawai maikai no Hawaii."  O keia kekahi o na manao maikai loa e heluhelu iho ai na kanaka a hoomaopopo, no ka mea ke hoike nei keia Senota i kona manao maluna o ka hana ana i Kanawai Kalana.  Ua hamama pu no hoi na kolamu o ke Kilohana i ka poe apau he mau manao ko lakou maluna o keia ninau.

_____

KONOIA MAI O KIAANA CARTER.

 

            Ua loaa mai nei ke kono ia Kiaaina Carter mai ia Wilson ke Kakauolelo o ke Keena Mahiai, e kono mai ana iaia e hele aku no ka halawai a ka Ahaolelo pili Ululaau.  Ua makemake ia i poe mai Hawaii nei aku e hele aku ma keia halawa, a ua noiia mai nei o Kiaaina Carter e waiho aku i na inoa o ka poe e hele aku ana ma ko Hawaii nei aoao.  He elima ka nui o keia poe, a o ke Kiaaina kekahi i makemakeia.  O ka manawa e halawai ai oia ka la 2 o Ianuari, 1905.

            Ua manao o Kiaaina Carter aole e hooko aku i keia kauoha ma kona aoao iho, aka e hoounaia aku ana na inoa o ka poe e hele aku ana ma ko Hawaii nei aoao.  O ke kumu nui e hiki ole ai i ke Kiaaina ke hele aku, oia no ke kaa ana o ka manawa e noho ai keia halawai mamua koke iho o ka manawa e noho mai ai ko kakou Ahaolelo kuloko.  He nui na mea ana e noonoo nei no ka waiho ana aku i ka Ahaolelo, a e hoomakaukau aku oia iloko o keia mau manawa i makemakeia ai oia no ka holo ana aku i keia halawai.

_____

KOHOKOHO HANA ALAHAKA.

 

            Ma ke awakea o ka Poaha i hala i weheia ae ai ke kohokoho ana no ka hana ana i ke alahaka e hanaia aku ana ma ke kahawai o Kalihi, a makahi hoi e manaoia nei no ka hoomoe ana aku i ke alanui Kula.  He eono ka nui o ka poe na lakou i kohokoho ae i na kohokoho ana, a ua hookomo pu ae lakou i ka lakou palapala hoopaa o $450 i pau hoi i ke kakauinoaia.  He hookahi koho i kiolaia oia ka John Neili mamuli o ke kakauinoa ole ia ana o kana palapala hoopaa.

            O keia iho ka poe i hookomo ae i ka lakou mau kohokoho:

            Joe Correa, $8679 130 la Cotton Bros., $8174 150: John Walker, $8100 102 la: Lord & Belser, $7821 100 la:  Costa & Silva, $7777 150 la; L M Whitehouse, $7760 90 la.

_____

HOPE ILAMUKU HOU NO AMERIKA.

 

            Ua hookohuia ae o George Roenits e Ilamuku Hendry i Hope-Ilamuku no Amerika maanei.  E hoomau ana no o Frank L. Winter i ka paa ana i kona kulana mua i noho ai, oia hoi hope ilamuku no Amerika, a o keia hookohu i hanaia iho la mamuli no ia o ka nui o ka hana o ia keena i keia manawa e nee nei.

            O keia haole i hookohuia ae ia ma keia kulana, he limahana oia ma ke Keena Dute Awa, a i ka wa a Ilamuku Hendry i hoike aku ai ia Lunakanawai Dole no keia hookohu, ua hoike aku oia i kona hoao ana a ike i ke kupono o keia haole, oiai he kanaka oia i makaukau ma ka malama ana i na buke. a pela no hoi me ka loaa pu o ka makaukau ma ke kakau mikini ana.  E noho aku ana keia Hope-Ilamuku ma ke kulana iaia ka malama ana o na buke, kakaupokole ame na hanae ae o ke keena.

_____

buke kanawaikumu o hawaii nei.

 

            O keia buke maluna, oia ka buke Kanawaikumu o Hawaii nei mai ka wa mai o Kamehameha III a hiki iho la i ko kakou Kanawaikumu e ku nei i keia manawa.  Ua hooponoponoia keia buke e Hon. L.A. Kakina, a hoopukaia e ka Hawaiian Gazette Company, Ltd. a o ka poe apau e makemake mai ana e loaa keia mau buke e hiki no ke kauoha ae ma ka inoa o ua hui la me ka hoouna pu ana mai i na dala $5.

            He 298 ka nui o na aoao o keia buke i lilo i na moolelo ame na kanawaikumu he 138 aoao no na kuhikuhi ana.  Ua pa'iia keia buke e like no me na buke kanawai apau, a ua paa hoi i ka ili mawaho ae.

_____

PAA IA ONA KAA OTOMOBILA.

 

            Ma ka auwina la Poalua nei i holonui ae ai kekahi kaa otomobila ma ke alanui Beritania, a mamua iho hoi o ke alo o Makai Kaulio Joe Leal, kela makai no i alualu ai i kela haole Farani ki pu i hoikeia aku ai ma kekahi kolamu o ka nupepa Kuokoa nei i kela pule aku nei.  Ua ano kunana iho ke kanaka o ke aupuni no ka hana pono e hana aku ai maluna o keia kaa ame kona mea nana e hooholo ana, eia nae ua kahea aku la no ua makai nei, me kona hooholo ana aku i kona lio.  Aole i hoolohe mai ke kiakaa otomobila i keia leo kahea, a aia no oia ke kalali la.

            "E!" i kahea hou aku ai ka makai.

            I keia manawa i hoopaa iho ai ke kiakaa otomobila, a huli mai la a ninau mai la:  "Heaha kou makemake?"

            "Ke holo nei oe a oi mamua o umikumamalua mile i Ka hora," wahi a ka makai i panai aku ai, me ke keonimana no hoi ka pane ana.

            Ua hoohuli ae la ke kiakaa otomobila i kona kaa a hoi mai la.  "E holo ana wau he iwakalua-kummalima mile i ka hora," wahi a ua kiakaa otomobila nei i pane hou mai ai.  "Pehea iho la kou makemake ia ano holo ana?"

            Aole i maopopo loa ia Makai Leai kona makemake ia mea, pela no hoi me kona mau poo ae, nolaila holo ae la ua makai la a hoike aku la i keia mea ia Sam Leslit, kona kapena.  Aole i makemake ke kapena ia mea, eia nae ua kauoha aku la oia e hele aku ka makai a hoike aku ia mea i ka Makai Nui a pela oia i hooko aku ai.

            "E hoohiki koke aku i ka palapala hopu no ia mea holo nui," wahi a ka Makai Nui i huli ae ai a kauoha aku i ka makai, he hoike ana hoi aole oia i makemake i ka holonuiia ma na alanui haiki o ke kulanakauhale nei.  "E hele aku kakou imua o ka aha a ilaila kakou e ike ai i na kiakaa otomobila holonui ma na alanui o ka lehulehu."

            E like me ke kauoha pela i hoohikiia ai ka palapala hopu, a holo aku la ua makai nei no ka Hotele Young, kahi ana i hooko aku ai i ka palapala maluna o C.W.C. Deering ka haole holonui me ke kaa otomobila.

_____

HE MAU KAA HOU NO KA HUI KAAUWILA.

 

            He ekolu kaa ohua hou e hanaia mai nei ma ka halehana o ka Hui Kaauwila o Honolulu nei i keia manawa, i ano like aku me na kaa loihi e hooholoia nei ma ko kakou mau alanui.  O keia na kaa i hoounaia mai Amerika mai.

            He umi-kumamaha ka nui o na noho, he palua nae ke ano, a ma ia ano e loaa ana ka noho no na poe he kanalima-kumamalima ke noho i ka manawa hookahi.  Ma na wahi e pii aku ai e loaa ana he mau noho malaila.  He nui iki aku keia i ko na kaa e holo nei, nolaila o ka poe e noho ana ma ia mau wahi, aole lakou e hookekeia mai e ka poe e pii mai ana.  Ma keia ano no hoi e loaa maikai ana ke kulana o ke kanaka kiakaa, aole hoi e like me keia e holo nei i keia manawa ka hookekeia no ka haiki.

            He nui na mea ano hou e loaa ae ana ke paa keia mau kaa.  E uhiia ana na puka komo me na uhi e like me ko ha'i o ke kaa, a ma keia ano e noho pouliuli ana ke kiakaa, a e loaa maikai ana hoi ka ike iaia i ka po mamua o keia e holo nei i keia manawa.  Ke paa mai keia mau kaa e mahuahua ana na kaa o ia hui e hooholoia ana ma na la kulaia.

_____

KUIKAHI HOU ME KINA.

 

            WAKINETONA, Nov. 21.  -Ke aneane aku nei o Kakauolelo Hay ame Sir Chen Sung Liang Cheng, ko Kina Kuhina, i ka panina o ka laua hana, oia hoi, ka hoolala hou ana i kuikahi mawaena o ko laua mau aupuni, no ke pani ana ma ka makalua o ke kuikahi mua i pau iho la ma ka Poakolu i hala, Dec. 7.

            Ua ano like no keia kuikahi me kona mua, ma o ka hoopale ana i ke komo ana o na Pake limahana; aka, e pakui hou ia iho ana i pauku hou no ka ae ana i na luna aupuni, poe kalepa, na poe imi naauao a me kekahi poe e ae mawaho ae o na limahana, no ke komo ana aku i Amerika me ke ke'ake'a ole ia.

            Ua loaa pu hoi ke kuleana i na Pake he mau waiwai paa ko lakou ma na palena i noho mana ia e Amerika, no ka huli hoi ana no ko lakou aina makuahine me kekahi palapala ae.  E mana ana hoi kela palapala iloko o elua makahiki, e helu ia ana mai kona manawa e haalele ai.

            Aia pu hoi maloko o ke kuikahi he pauku e ae ana ia Amerika e kukulu i keena hoopae limahana ma Kina, no ka huli a ninaninau pono ana i na Pake apau loa e makemake ana e holo mai no Amerika Huipuia.

____

PANE A KIAAINA CARTER I KA EKALESIA O KAUMAKAPILI.

 

Rev. W.N. Lono, Kahu, Ekalesia o Kaumakapili:

S.K. Kamaiopili, Lala o ke Komite.

            E na Keonimana:  -E oluolu olua e waiho aku i ko'u mau hoomaikai ana i na lala o ko olua Ekalesia no ka lakou kakoo lokahi ana mai i ka'u mau hana ma ke ano he Poo Mana Hooko o keia teritore.  O ka loaa ana mai o na apono ana o na makaainana noonoo maikai o keia wahi oia ka mea nana e hoolana nei ia'u no keia mua aku.

            Ko oukou me ka oiaio.

G.R. CARTER, Kiaaina.

            Keena Mana Hooko, Honolulu, Hawaii Nov. 29, 1904.

_____

            Ma na lono i loaa, aia ke hooikaika la ka Adimarala Geo. C. Beckley e lilo o H.L. Holstein (Linekona) Lumamakaainana o ka Apana Elua, Hawaii, i Lunahaiolelo (Speaker) no ka Hale o na Lunamakaainana.  He hana kaulana keia a ke Alii Adimarala e hana nei, a he mea maopopo, aole e nele ana ka hooko la, no ka mea, ua maopopo i ka Adimarala he makaukau kana moho no ia kulana "Speaker."

_____

HOOPIIIA E KA LOIO AMERIKA.

 

            Iloko o ka Aha Hookolokolo Apana o Amerika ma ka Poalua nei i hookomo ae ai o Loio Amerika Breckons he hoopii e ku-e ana i ka poe i ku bona ai no Levi P.Kauhoe, kela lunaieta o Kapaa, Kauai, e noho mai nei ma Kawa no ka hooko ana i kona hoopa'i hoopaahao o hookahi makahiki.  O ua mau mea ia i ku bona ai mahope o Kauhoe he Pake waiwai ma ka inoa o Aloiau ame ka makuakane o ka mea e paa mai nei iloko o ka halepaahao, Ikaaka Kauhoe.

            I ka manawa i ikeia ai ka pokole o na dala a Kauhoe, e like hoi me na hoike iloko o kana buke, ua huliia aku la a loaa he $1,891 ka nui o na dala i pokole.  Mamuli o ke pani ana ae i keia huina ua kau aku ka hoopa'i malani ana maluna o ka mea i hoopaahaoia.  Aole no nae i loaa ae ua huina dala la ma ke dala maoli, aka ua haawiia aku ha palapala ae e uku i ua mau dala la, a o Kauhoe makua ame keia Aloiau na mea nana ua palapala la e hoopaa aku ana hoi e ukuia no ua huina dala nei iloko o na la he 90.  Ua pau ua manawa nei, aole no nae i loaa ae ke dala a maluna o ia uha'i aelike keia hoopii ana.

            O ka mea hilu loa ma keia hihia, o ka palapala ae hookaa dala i ha'iia e Kauhoe makua ame Aloiau, ua kakauia ma ka inoa o ko Amerika Luna Nana Hale, aole hoi ma ka inoa o ke Aupuni.

_____

PELA IO ANA ANEI?

 

            Ma Kapalakiko, ke wawaia la e kukuluia ana ma Hawaii nei he hale hoomaemae kopaa.  Ma ka nupepa Examiner, ua hoikeia, o ka Mahiko Honolulu, e ku nei ma Aiea, ka mahiko e manao nei e hana i keia hana, a eia ianei o J.A.Buck, ka peresidena o ia hui, kahi i nana ai i ke kahua no keia hana.  Aole he mau mea ano nui e ae e pili ana i keia mea i ikeia ae mawaho o keia hoike.

            I ka ninaninauia ana o kekahi mau hale oihana i mahu'i wale ia ua komo iloko o keia hana, ua hoole ae lakou.  I ka ninauia ana hoi ma ke keena oihana o J.A.Buck, aole he mau mea i loaa ae mawaho o ka hoike, eia o J.A.Buck ma Honolulu nei kahi i huli ai no keia mea, a aole he mau hoike e haawiia ana a hiki i kona huli hoi ana aku no Kapalakiko.

            Ma ke Kilohana o ka la 11 o Maraki, o keia makahiki no, ua hoomahu'iia ae keia kumuhana hookahi e Hon. W.C.Achi, a ina o keia ka hiohiona mua no ka hookoia mai o keia manao, alaila ke nee mai nei na mea hoopomaikai ia Hawaii uuku nei, e nee mau aku ai oia imua no ka holomua ame ka hookiekie ana ae iaia.

_____

MANAO PALE.

 

            E ka Nupepa Kuokoa.  Ua kono ia mai au e hoike aku ma ke akea no kekahi mea i manaoino e hoopilikia wale i kou kino ame ko'u inoa maikai, a hoowahawahaia e na makamaka ame na hoaloha, oiai, ua hoolahaia ma kekahi nupepa namu o kela mau la i hala ae nei o keia mahina, e olelo ana:  "Ua hoopiiia o S.H.Kameekapu no ka aihue i ka papa a kekahi haole mawaho o Pawaa makai o ke alaloa e iho la i Waikiki, no ka waiwai i'o papa $20 hapa pahukui $4 huina $24 mahope o ka ainaawakea o ka Poaono la 5 o keia mahina."

            Ua heluheluia mai keia palapala hoopii imua o'u a hoopaaia aku la wau ma ia hale makamaka ole a ma ka la 10, ua noho ka Aha no keia hihia, a ua hoopau wale ia ma ke ano hoohihia a hoopilikia wale no.

            Nolaila, ke hoike aku nei wau ma ke akea, mai kuu wa opiopio noho wau ma ke kulanakauhale o Honolulu nei, ua ike ka lehulehu mai Hawaii a Niihau aole wau he kanaka hakihaki Kanawai Aupuni a o ka Ekalesia o Kaumakapili kuu hoike he hoahanau wau no ia Ekalesia a hiki i keia la.  Nolaila, ke hoike nei wau ma ka inoa o na Lani, o na manao  ino o ke kiaholo he opala ia mea ia ka mana o na Lani.

Me ka mahalo,

S.H.KAMEEKAPU.

Honolulu, Novemaba 26, 1904.

_____

MANAO I MAU PAHU LETA ILUNA O NA KAAUWILA.

 

            Wahi a Mr.P.C.Jones i hoike ae ai, iaia aku nei ma Amerika ua ike aku nei oia ua hoolakoia na kaauwila me na pahu leta e hookomoia ana hoi iloko o ua mau pahu nei na leta mai na wahi mamao loa mai o ke kulanakauhale a laweia aku a hiki i ka hale leta.

            Ke manao nei oia ina e hoolakoia ana na kaauwila o ke kulanakauhale nei he mea ia e mama mai ai ka poe he mau leta ka lakou e hoounaia ana, oiai he nui ka poe e noho nei ma Kapalama, Waikiki, Manoa ame na wahi mawaho o ke kulanakauhale nei e hele mau nei i ke kulanakauhale  nei no ka hookomo ana i ka lakou mau leta, a eia kekahi poe ke hoolilo nei he kenikeni no ka hele wale ana no e hookomo i ka lakou mau leta, oiai no nae ke Aupuni e lawe ana ia mea hookahi no elua keneta wale no o ka leta hookahi.

_____

NA HANA KOLOHE.

 

            Ma ka Poalima aku nei o ka pule i hala, ua halawai aku la ka ike a ka maka o ka luna kiai o Aala Paka me kekahi mau hiohiona nana i hoolele ae i kona hauli; oia hoi e mokaki mai ana kana mau punahele iluna o ka honua, ke kuleana hoi nana e haawi mai kana wahi apana palaoa.  Nolaila, ua kuupau aku la oia no mua o Hope Luna Hoohana, Howland, a waiho aku la i kana mau hoike.

            "Malia paha," wahi a ka Hope Luna Hoohana i pane mai ai iaia, "ua enemi kekahi mea ia oe; nolaila hoona ae la ka inaina i na kumulaau i kanu ia malaila; aka, e akahele nae ke kolohe o haha auanei na lima a-na ole o ke kanawai iaia."

            Nui no paha ka lokoino o ka mea nana keia mau hana.  I kanu hoi ke aupuni ia mau laau i ohuohu a i luhiehu no ka Paka, o ke kii aku hoi ka ia nei e poke.  He nele paha i kahi mea hana ole.

_____

Nuhou Kuwaho.

 

PAINA ME KA PERESIDENA.

            WASINETONA, Nov. 30  -Me ka Peresidena ae o Kakauolelo Atkinson i keia la kahi i paina ai a kukakuka no ka pono o ka Teritore me ka maikai.

HOOMAKAUKAU NO KA LA HOONOHO PERESIDENA.

            WASINETONA, Dec. 1.  -Ua kohoia ae o Generala J.M.Wilson i lunahoomaiu o ke komite hoonoho Peresidena.

KU KAAWALE MAI KA AHA HOOPAU KAUA.

            WASINETONA, Dec. 1.  -Aole i makemake mai o Rusia e komo ae iloko o ka Aha Uwao a hiki i ka pau ana o keia kaua.

MAKE IA KANAKA LELE BALUNA.

            KIKAKO. Dec. 1.  -Ua hoao ae o Peter Nissen ma ka la inehinei e ae aku ma o o ka wailele o Niagara, a ma ia hana ana ua make oia.

KA LOAA O KAHI HOIKEIKE O SANA LUI.

            SANA LUI, Dec. 2.  -O ka huina nui o ka poe i komo ae ma kahi Hoikeike o Luisiana ua hiki aku i ka $19,000,000, a o ka nui o na lilo he $22,000,000, o ka loaa hoi mai na ukukomo mai ame na hoolimalima he $10,000,000, a mai na kokua ana he $12,000,000.  E koe uuku ana he wahi huina dala i ka poe he mau mahele ko lakou.

HOOMAHUAHUA I KO AMERIKA OIHANA KAUA MOANA.

            WASINETONA, Dec. 2.  -Ua apono ae nei ka Papa Kukulu i ka hoike i ekolu mokukaua elima mokukaua holo mama ame eono moku wawahi e hookomo pu ia iloko o ka papahana o ka oihana kaua moana e nee nei.

AE O IAPANA I KA UWAO ANA.

            WASINETONA, Dec. 3.  -Ua ae o Iapana i ke kono e komo pu iloko o ka Aha Uwao hoopau kaua.

UMI-KUMAMAWALU MAKAHIKI O KA NOHO MARE ANA.

            WASINETONA, Dec. 3.  -Ua hoomanao ae o Peresidena Rusawela, ma ka la inehinei i ka piha ana o kona umi-kumamawalu makahiki o ka noho ana ma ka berita laa o ka mare.  O Hope-Peresidena Fairbanks kekahi i waena o ka poe i konoia.

O BLACK I SENTOA.

            NU IOKA, Dec. 4.  -Ua hoike ae ko Odeli auna oloko o ka aoao Repubalika o Kiaaina-i-pau Frank S.Black ke noho ae ana ma ko C.M. Depew makalua ma ke ano he Senatoa no Amerika.

O HEMENWAY MA KO FAIRBANKS MAKALUA.

            INDIANAPOLIS, Dec. 4.  -O Hemenway, kekahi o na lala o ka Ahaolelo Nui ke lilo ae ana i pani ma ko Fairbanks makalua iloko o ka Senate.

BAPETIZOIA KO ITALIA HOOILINA ALII.

            ROME, Dec. 5.  -Ma ka la inehinei i bapetizoia ae ai ka Hooilina'lii ma Quirinal e like me ka mau.

KA PALAPALA A KA PERESIDENA.

            WASINETONA, Dec. 5.  -E waihoia aku ana ka palapala a ka Peresidena i ka Ahaolelo Nui ma ka Poalua.

HULI NA DEMOKARATA I MAU KUMU PAIO NA LAKOU.

            WASINETONA, Dec. 6.  -Ua hookomo ae o Bourke Cochran o Nu Ioka he bila e kohoia i komite no ka huli ana i ka huina nui o na dala i hooliloia no ke koho balota Peresidena iloko o na makahiki he umi-kumamalua i hala ae nei.

MAKAWELI MA MAZATLAN.

            MAZATLAN, Dec. 6  -O ka mokukuna Makaweli i hoikeia ua poino, ua hoea mai nei ianei.

KOHO BALOTA MA LOS ANGELES.

            LOS ANGELES, Dec. 6.  -Ua haule o Snyder (Dem) ia McAleer (Rep) no ke kulana Meia.  O ka hapanui o na moho Repubalika ua pau i ke kohoia.

KE HOULUULU NEI I NA KOA.

            SALONICA, Dec. 6.  -Ua pepehi ae kekahi puulu kanaka Helene ia iwakalua-kumamaha Bulagaria.  Mamuli o keia ua kauoha ae nei ke Aaupuni o Tureke e houluuluia ae i umi-kumamaono bataliona ma Monastir.

MAHALO NA NUPEPA.

            LADANA, Dec. 7.  -O na manao o na nupepa e pili ana i ka palapala a ka Peresidena ke hoike nei i ka maikai o na manao o ua palapala la.

KO HAWAII NEI LUNAKANAWAI.

            WASINETONA, Dec. 6.  -O ka waeia ana o na inoa o Lunakanawai Kiekie Frear, Hope Lunakanawai Kiekie Hartwell ame Hatch, na Lunakanawai Kaapuni Matthewman, Parsons ame Hardy ua pau aku nei i ka hoounaia i ka Senate no ka hooialoia ana mai.

_____

AOLE O SAMUEL JOHNSON.

 

            Ua puka ae kekahi o na nupepa namu o keia kulanakauhale me ka hoike e olelo ana o Samuel Johnson, kekahi i waihoia aku kona inoa e ke kiure nieniele, imua o Lunakanawai Gear, ma ke ano oia kekahi i hoahewaia no ka hana kolohe ma ka la koho balota i hala ae nei.

            Ua huliia aku ka oiaio o keia mea, a o ka hopena i loaa ae, aole he oiaio.  Ua hoike ae o Loio Anaru i kona manawa i ninauia aku ai penei:

            "Aole he wahi kumuhoopii e ku-e ana ia Samuel Johnson e waiho nei iloko o keia keena a e like me ka'u e ike nei, aole no paha e loaa ae ana he mea o ia ano.  Aole loa makou i ike i kekahi kumuhoopii o kekahi ano a o na ano no hoi apau loa e ku-e ana ia Samuel Johnson."

            Ua hoike ae o Loio Anaru i keia mea no ko Samuel Johnson pono a ke hoole loa ia nei ka oiaio o ia hoolaha ana.

______

            Wahi a na lono lauahea, e aa hou ana o Timoteo e kaili i ka inoa moho mai a Ranear mai.  Ke kanalua nei makou no ka ae ia mai o kana noi.  Malia paha o ae mai o Ranear e heihei laua no ka lealea wale no, aole no kekahi kumu e ae.

_____

He Ili Nani Lima A'ia'i ME KA:

LAUOO ULIULI KA HUA O KE

Kopa Cutikura

            HE MILIONA A OI ka nui o na wahine e auau mau nei me keia KOPA CUTICURA no ka malama ana, hoomaemae ana, a no ka hoonani ana i ao lakou ili, i pau ai ka papaa o ke poo, ka unahi-pii, a i mea no hoi kekahi e pau ai ka helelei ana o ka lauoho, a i hoopalupalu, hoa'ia'i a me ka hoou'iu'i ana i ka ili o na wahi i hele a manoanoa i ka hooikaika i ka hana, e like me na lima, a pela no hoi e hoopau ai i na eha, ma ka holoi ana i na wahi eha me keia kopa, i ole oi e ike i ka aai me ka welawela i ole no hoi e hou nui, ma ka holoi ana i na wahi pehu a palahehe; a he oi loa aku ka waiwai nui o keia kopa i na makuahine e lawelawe ana i na hana lehulehu e pili o na keiki a me lakou iho no hoi, a i na wahine no a pau; a he kupono loa no hoi keia kopa no na wahi auau a pau.  O ka poe i ikemaka i ka maikai o keia kopa, aole loa lakou e ae iki ana e hoao i kekahi kopa okoa aku,ke koila mai: ina no e oleloia ana, he kupono ia ano okoa aku no namea e pili ana i ka ili, ke poo a me ka lauoho o na bebe a me na keiki.  Ua loaa mai keia waiwai nui o ke KOPA CUTIKURA mailoko mai hoi o kela laau hoola ikaika loa i kapaia, KUTICURA, oia ka laau ikaika loa ma ka hoola ana i na popilikia a pau e pili ana i na mea ika loa i ka pale ana i na mea ino, a he loaa no hoi ke ala maikai o na puailoko o kela kopa.  Aole loa e hiki ke hoohalikeia mai kekahi ano kopa e aei hoohulihulia e ke akamai o kanaka me keia kopa, ma kana mau hana ma-lama, hoola a me ka hoou'iu'i ana i ka ili, a pela aku.  Pela hoi i ka ili oke poo, ka lauoho a me na wahi e ae.

            Aole no i lihi launa mai na kopa ona aina e me kela, no ka auhau ana a me ka hana o na keiki liilii.  Pela ihoia i lilo ai ka waiwai o na kopa a pau i HOOKAHI no ke KUMUKUAI hoo@ a he Helu Ekahi keia Kopa no na poino o ke ili a me kahi auau, a hehelu ekahi no hoi no na kamalii a puni ke ao nei.

            NO KA HOOLA LOA ANA I NA ANO PEHU A POHAKA PALAHU MA NA WAHI A PUNI KE KINO, e hoomaemae i ka palapu me ke kopa CUTICURA i pau ai ka paapaa lepo a ano e ae paha o ka ili, a pela hoi ke poo, i pau ai ke kepia a me ka papaa piele, alaila, e hoomalu i kahi eha me ka Aila Hamo CUTICURA mama ae ai ka akiaki ana a ka hu'i a me ka ehaeha, a pela hoi e hoohana ai ka laau i kana hana a ola ka eha, alaila e inu.

            Ka Laau Inu CUTIKURA i mea a maemae ai ke koko maloko.  Ke kualia he keia laau ma na wahi a pau o ka honua nei.  Ma Aukekuila:  o R.Towns non, Ltd. Na "Hoakaka no ka Hoola ana i na Bebe a me ko lakou mau kinaunau," he loaa wale no me ke kuai ole.

_____

HOOLAHA I KA POE HAHAI HOLOHOLONA, KAAHELE KUAHIWI, etc.

 

            KE HOOLIMALIMA AKU NEI A KUAI AKU HOI MAKOU I NA HALELOLE, PALULU LA, NA LAKO NO KE KAAHELE KUAHIWI ANA, NA LAKO HAHAI HOLOHOLONA AME NA LAKO LAWAIA.

            NA AHAMAKA, NA NOHO KAAHELE, AME NA NOHO KULE, NA PU AME NA POKA.

 

PEARSON & POTTER CO., LIMITED.

931 ALANUI PAPU.

_____

E Loaa ka Ikaika.

 

            I mea e loaa ai ka pomaikai ame ka hauoli e pono e loaa i ke kanaka ka ikaika averika kupono.  O ka poe nawaliwali o lakou ka poe i nele mau i na momona aalolo a ke ao nei e haawi ai iaia.  Iloko no hoi o keia haawi no la a ka ao nei he nui maoli no ka poe nawaliwali iloko o ke ao nei.  ua haawi lakou ma ko lakou aoao i na mea apau, ko lakou ikaika iho i mea e loaa mai ai ke ano maikai o ke ola kino e ikaika ai hoi ke kanaka, eia nae, o lakou no ka poe e haule ai ma ke kulana o ke ano maikai ole o ke ola ana, ke kumu hoi e emi mai ai o na paona kaumaha o ke kino.

            O ke ano nawaliwali e hoikeia mai no ia mamuli o keia mau ano-ono ole mai ka ai, nawaliwali ka oihana hoowali ai o ka opu inoino mai ke koko a nele no hoi i na waiwai o ke koko.  O ka pilikia maoli mamuli no ia o ke koko ame ka oihana hoowali ai.  O ka laau lapaau no keia mau mea, oia no ka laau ikaika hoomaemae a hooulu io e like me ka WAMPOLES PREPARATIONS he laau e hooikaika ai a loaa ke kulana ikaika i ke kanaka nawaliwali.  He laau maikai keia a he ono i ka ai ana he ano like me ka hone meli, a he mau waiwai hoola kona iloko iho ona mailoko mai o ka Aila Maemae o ke Akepaa o ka I'a Cod mai na i'a Cod makamaka hou mai i hui pu ia me ke Compound Syrup of Hypophosphites ame ka Extracts of Malt ame Wild Cherry.

            He laau keia no keia mau la e hele nei.  O na ano maikai loa o na ano laau maikai apau o lakou na waiwai iloko o keia laau he laau hooulu ikaika iloko o ka poe i nohoia e ka nawaliwali mamua.  Hookahi no omole laau o ka lawa no ia o ka makemake Eia ka Kauka F.Hangetler o Canada pane:  "Ua ike wau i ka waiwai nui o keia laau au, no ka hoola ana i ka poe nawaliwali mamuli o na ma'i o ke ano haalulu mailoko mai o ka ma'i pilikia o na aalolo ame ka eha o ka opu.  Ua hoohana aku wau i keia laau i ka'u poe ma'i a i ko'u ohana no hoi a ua ike wau i ka waiwai nui mai ka la mua no a'u i hoohana ai.  He ikaika kona iloko o na ma'i o ke koko ana ko ka akemama.  Aole oe e hoohokaia.  He kuaiia kela laau ma na wahi apau o ka honua.

_____

            Ke manao nei ka hui Kamehameha o na keiki i puka mai ia kula mai e hoouna makana Karisimaka aku i ka poe e noho nei ma ka Aina o ka Ehaeha, a o ka poe apau he mau mea ka lakou i manao ai e haawi makana, lole, huke ame na nupepa paha, e hiki no ia lakou ke waiho ae ma ko lakou hale hui ma ka Helu 1337, alanui Papu, aole e kaa aku mahope o ka la 17 o keia mahina i makaukau no ka hoouna ana aku ma ka la 19.

            Ua make kekahi Paniolo ma ka inoa o Remon, ma ka Poakolu nei mamuli o ke piholo ana iloko o ka wai ma kahi o na lo'i laiki ma Kapalama ae nei.  Ua ikeia oia e kekahi poe keiki i ka hina ana ilalo, a na lakou i kahea ae ae a loaa na kokua.  Ua hookauia ae oia maluna o ke kaa ukana o Otto Gertz, a laweia mai no ka Halewai, mamua nae o ka hiki ana ae ilaila, ua make iho la oia.

 

            E alawa ae i na hoolaha a ke Komisina o na Aina Aupuni e puka aku nei ma keia pepa no na aina o Pupukea ame Paumalu, ame ka aina Aupuni o ke Awawa o Nuuanu.  O na aina o Pupukea ame Paumalu, he mau aina la e wehela ana no ka hookuonoono ana.

_____

            HOOLAIA MAHOPE O EONO MAKAHIKI.  -Penei i kakau mai ai o Mrs. M.A.Clark, o Timberry Range, N.S.W., Aukekelalia:  "Ke makemake nei wau e hoike aku ia oe i ka haawina kupaianaha i loaa mai ia'u mai kau laau waiwai nui mai.  Ua loohiaia wau i kekahi kunu ikaika loa no eono makahiki a aole @ i loaa mai ia'u a hiki i ko'u lawe ana i ka Chamberlain's Cough Remedy.  He hookahi no omole o ko'u ole no ia, a ke hoomaikai ae nei wau a ke hoike ae nei aole i loaa hou mai he kunu ikaika.  E hana aku i kau mea i ike ai he pono no keia leta i loaa aku ai he pono no ka poe iloko o na ehaeha.  "Ke kuaila nei ma na halekuai laau lapaau apau.  BENSON, SMITH & CO., LTD. na Agena ma ko Hawaii Paeaina.

_____

Ina He Makemake KOU I KA Lauoho Maikai

 

E Heluhelu i keia

 

Malia paha ke pau nei kou lauoho ka helelei, a koe kakaikahi.  E kau i ka laau mamua o ka pau loa ana i ka helelei, e hana i laau e ulu hoa ai.  O ka laau

 

"Laau Hooulu Lauoho a Ayer's" ka mea e ulu hou ai.  he nani ka lauoho ke ulu mai, a he nui hoi.  Ina he nawali ka ulu ana o kou lauoho, o ka

 

"Laau Hooulu Lauoho a Ayer's" ka mea e manoanoa ai ka ulu ana, a ke loaa i keia laau pau loa ka helelei ana.  I na he piha kou poo ke Kepia, o ka

 

"Laau Hoolu Lauoho a Ayer's" ka laau e pau ai a maemae kou poo.  Ke loaa i keia laau e hoi hou ana ka ulu ana o kou lauoho a like me ke kou wa bebe.

 

Hoomakaukau ia e Kauka J.C.Ayers & Company, Lowell, Mass., U.S.A.  E loaa no keia mau Huaale ma ka Hale Kuai Laau o Hollister, alanui Papu.