Ka Nupepa Kuokoa, Volume XLII, Number 49, 2 December 1904 — HALA IA KANAKA O KA PONO. [ARTICLE]

HALA IA KANAKA O KA PONO.

Ua hala o Kekela. O keia ka lor.o nana i holke ae i ke akea. ua akoia aku ia niakua o ka pono Kristianu, a Hawaii oiaio hoi i haawi ai i kona mau ia opīopio no ka pono o na uhane a ke Akua i hana mai ai a hoonoho aku maluna o na Mokupuni liilii o Nuuhiwa, iloko o na ale hulilua o ka Moana Pakipika. O keia no hoi ka lono nana i hoike ae, ua pau ka hana, ua kuu ka luhi, ua hoi me kona Mea nana ia i hana mai, a ua makaukau oia e ku aku imua o na Alii o na alii a hoolohe aku i Kana mau olelo o ke aloha: "Ua pono, e kē kauwa maikai. e komo ae oe iloko o ka olioli o ko'u Makua." O Kekela, oia kekahi o na misionari mua loa i hoounaia aku mai Hawāii nei. aku i ko na Aina E, a he kanalima a oi na makahiki ana i noho ai iwaena, o na lahui hihiu e ha'i ana i ka lamaku o ke ola ma o Kristo la. O kela kanalima a oi makahiki i noho hanaia no Kristo he mea nui ia na kakou e noonoo ai. Kanalima makahiki oia no na la ikaika o ke kanaka, aka nae ma kahi o ka hoolilo ana ae ia mau makahiki no ka imi ana i na pomaikai o keia ao, ua hoohana aku oia no kona Makua Lani. Aole wale oia, aka mamua aku o kona holo ana no na Aina E, ua hoolilo mua oia he mau la ma kona one-hanau nei, he mau la e hoomakaukau ana iaia no ka oihana misionari. Ma Kahuku, Oahu nei i noho ai oia e hanai i na hipa, kono koko a i'o ponoi hoi, i ka ai lani. Ma keia e ikeia ai aole wale oia i haawi iaia iho no ko Kristo Aupuni, aka ua hilinai piha oia i ka euanelio o Kristo. a ua maopopo iaia he oiaio na mea apau i palapalaia ma ka Buke Hemolele, a aia he uku nui i oi aku mamua o na makana ame na ukuhana 0 keia ao ma kela Aina Lai maluna. L T a hooikaika oia a ua hiki mai ka hopena, a ke olelo nei ka Palapala Hemolele: "O ka mea hooikaika a hiki i ka hopena, e loaa iaia ke ola mau loa," a ke manaoio nei ke Kilohana, pela iho la ko ka Makua Rev. James H. Kekela kulana. O kana mau hana pono i hana ai e ola mau ana no ia i mau kia hoomanao nona, a i mau haawina e alakai ana 1 na hanauna opiopio o Hawaii nei e hahai aku mahope o kona meheu, a o na la kanikoo a ke Akua i haawi mai ai i keia makua o ka Pono Kri?tiano, he mau mea ia na na kanaka opio e imi aku ai, a o ke alahele e loaa aku ai oia no ke alahele a keia makua i hele ai, ka hilinai ame ka manaoio i ke Akua; ka maka'u i Kona mau kanawai a hana i ka pono. Ke inanaolana n* i ke Kilohana e lilo ana ke ola ana o keia makua, iwaena o ko Kristo mau paahana, i mea na lakou e hoohalike aku ai i loaa ka pono nul, ke ola nia 0 Kristo la. Ma ka aoao o ke Kilohana. ke pahola aku nei i kona lima akau o ke aloha me na keiki makua ole, ame ka ohana holookoa o ka makua i hala e aku la, a ke hoopii ae nei i na kaiokalo ana 1 ka 3Jakua Lani e haha mai Kona lima aloha a kaoae ae i na luuluu na u ana no ka mea i hala, a e iho mai Kona Uhane Hemolelp a hoopunana iho maluna o oukou i na la o ke kaumaha., a e hookomo iho i keia hoomanao ana iloko pakahi o oukou, o ke alahele a ka makua i hele aku la, o ke alahele hookahi no ia o na mea apau e hele aku ai, ina iloko o Kristo ka hilinai ana, a he la no ē hui aku ai me ia he alo a he alo. "Pomaikai ka poe make ke make iloko o Kristo."