Ka Nupepa Kuokoa, Volume XLII, Number 47, 18 November 1904 Edition 02 — HE HOOMAIKAI. [ARTICLE]

HE HOOMAIKAI.

E Mr. Lunahooponopono, Aloha oe:— E oluolu mai ia'u i wahi ohua oneki no "Ke Kilohana Pookela no ka Lahul Hawaii;" a eia iho au mai luna a lalo: I na haku makaainana o ka Apana Koho Lunamakaainana Ekolu o ka ritore o Hawaii, mai ka Mahele Koho Ekahi o Kalawae ame Kalaupapa a i ka Mahele Koho Iwakalua ma Kaupo, ke haawi aku nei au i kuu hoomaikai palena ole ia oukou no ka oukou mau kakoo ana mai ia'u ma ka la Koho Balota i hala iho la, mamuli o na heluna balota a oukou i haawi mai ai no'u; a ke haawi pu aku nei no hoi ,au i ko'u mahalo nui ia oukou ina aia mau me oukou ka manao kuokoa ame ke kupono mau no ka pono kaulike o ka lehulehu, ke alahele a ka oukou moho i ake nui ai. Ke haawi pu aku nei no hoi au i ko'u hoomaikai nui i na haku makaainana' o'u a pau loa ma na Mahele Koho he Iwakalua, no ka mea, o ka oukou i manao ai e koho aole' paha ia i kulike me ka ke Akua.i koho ai t nolaila, ua loaa mai ka inea pololei mahope o ke koho ana. A ke haawi pu aku nei no hoi au i ko*if mau hoomaikai no na moho lanakila 6 ka Aoao Repubalika. Me ka manaolana mau e hanaia na Kanawai a me na pono laula o ka iehulehu ma ke alahele a ke kanaka Amerika i hanau pu ai me ia. A ina aole pela, e hoea hou aku ana no au imua o oukou. Owau iho no ka oukou kauwa haahaa. GEORGE KAUHI. j Na Hono a Piilani, Nov. 10, 1904.