Ka Nupepa Kuokoa, Volume XLII, Number 47, 18 November 1904 Edition 02 — AOLE I PAU O LOIO ANARU [ARTICLE]

AOLE I PAU O LOIO ANARU

[ Ma keia mau la hauwawa iho nei o ! na hana kalaiaina I loaa ae ai ka lohe ua hoihoi aku o Lolo Aupuni Anaru i kona hookohu, e hoomaka ana hoi mai ka manawa e loaa ae ai ke pani ma kona makalua. He nui na loio i uiia aku no keia hana, aka aole he hookahi iwaena o lakou i ae mai e lawe ae i ke kaumaha maluna o ko la- ! kou mau kipoohiwi. Ma ka Poaono [ nei ua noi hou aku o Kiaaina Carter ia Loio Anaru e noonoo hou no kana palapala waiho olhana, a mahope o na kukakuka ana, ua hooholo o Anaru e noho hou ma ka oihana. j O keia hooholo ana o Loio Anaru e ] noho hou ma ka oihana, oia ka mea nana i hoomama aku i na noonoo o Kiaaina Carter, oiai he nui na hana e hoea mai ana ma keia mua aku. Eia ae ke kau ahaolelo a noho mai, a o keia hoi kekahi hana nui ma ka aoao o Kiaaina ame ka oihana Loio Aupuni, oiai e ninauia ana na manao kanawai ke hiki mai he mau ninau maluna o kekahi mau mea a na hoa o ka ahaolelo e pohihihl ai.