Ka Nupepa Kuokoa, Volume XLII, Number 47, 18 Nowemapa 1904 Edition 02 — Page 3

Ka Nupepa Kuokoa

KE KILOHANA POOKELA NO KA LAHUI HAWAII.

 

MAKAIKIU

WETE DETONA

Ke Ahi Lalapa Pio ole i na Nihiliti

Ke Kanaka Amerika Koa lua ole

 

MOKUNA XXXII.

KA MOO NIHOAWA.

 

Mahope o keia mau olelo hoonaukiuki ana a Wete, nakinaki hou iho la oia a paa pono na wawae ame na lima o ua kanaka la a hooponopono hou ae la i ka welu lole ana i hoopiha ai i ka waha.  Alaila ha@ iho la oia i ua Nihiliti la e waiho ana iluna o ka papahele a hoomaka aku la e huli iloko o na holowaa o ke pakaukau a@ na ume e ku ana.  No ka nele ana o kana mea e huli ana.  a e hoomaka aku ana oia e huli i ua mea la ana e makemake ana ma kekahi wahi okoa aku, ua komo koke mai la ka noonoo Hoko ana a hu'i ae la oia a pane hou aku la i ua Nihiliti nei: 

 

"M@ @ mea la aia no me oe kahi apana pepa uuku a'u e makemake nei?"

 

Mahina o keia noonoo hou i loaa iaia, ua hele aku la oia a huli iho la i na pakeke lole o ua Nihiliti la a hu'e ae la hoi i na mea apau i loaa aku iaia, a hoomaka iho la e huli. 

 

"Ai o keia ka'u mea e makemake nei!  He palapala ae kaahele no ka Duke o Kalouga ame kana wahine.  Aole wau i manao @ ua @ oe i ka wahine.  Laki maoli no maua!  Ha, ha, ha, ho, ho, ho" i aka leo nui ae ai ua Wete nei a kaua, a puana hou ae la oia:  "Pehea la oe ke ike mai i ke kanaka Amerika e hele ana e like me ke Duke o Kalouga, a o Kaunawahine Radolinkisiki hoi ka D@kewahine o Kalouga.  A o kau'u no ia i ha'i mua aku ai ia oe ke kanaka pono ole wau ke hoopunipuniia mai, a loaa iho la no nae kau."

 

Kau mai la na maka o na duke la maluna o Wete me he la e @ihi mai ana i kana hana i hana ai, aka aole he nana aku o ua Wete la, a mahope o kona hookomo ana iho i ua palapala kaahele la iloko o kona kuka, hoomaka koke aku la oia e huli i na paa lole maikai o ua kuke la e waiho ana iloko o kekahi lumi e pili kokoke ana i ka lumi a laua i hakoko ai. 

 

Mahope o ka hala ana o kekahi mau minute ua hoi aku la oia iloko o ka lumi e waiho ana ua duke la me kekahi puolo lole nui, mahope o kona laka ana a paa ka puka o na lumi la, ua pane aku la oia:

 

"Maikai maoli, aole he ikeia mai o ko'u kanaka lawelawe iloko nei o ka luna.  Ina no hoi oia e hele ole mai ana no kekahi mau minute, a'aila ua pono, no ka mea e hookipa aku no ia i kona haku hou, ka Duke o Kalouga, Makailiu Wete Detona o Aerikma.  Ha, ha, ha, ho, ho, ho."

 

Mahope o kona komo ana i kekahi kaka ame kekahi puliki ame ka lole wawae o ka Duke o Kalouga, na wehewehe ae la oia i kona man lole a lawe ae i kona mau palapala apau ame kahi palapala ae kaahele o ua duke la a hookomo iho la iloko o kona kuka hou, alaila noho iho la oia e komo i kona paa lole hou. 

 

"He ano pilikia iki no kou lole ia'u, aka aole ia he mea e nana ae ai.  E manao mai ana na hoaloha o ka Duke o Kalouga ua pu'ipu'i iki ae nei oe i keia manawa.  Ua ano like no ko kaua loihi Alia -- he a-ikala ku paha kou, ea?"

 

Wehe ae la ua Wete nei a kaua i kona a-ikala, a ku aku la ma kahi o ke aniani, a hoomaka iho la e hoololi i kona helehelena e like me ka duke e waiho ana iluna o ka papahele.  Okioki iho la oia i kona umiumi oluna e like me ko ka duke.  I ka pau ana o kana hana.  huli mai la oia a pane mai la i ka duke:

 

"Aole anei i loaa ia oe ka noonoo e kuhihewaia mai ana wau o oe no?  Ina wau e ike ana ua loaa mai na hoohuoi ana no'u, alaila e hana ana wau i kekabi hana e manaoia mai ai wau he kanaka e loa.  Ano, e lawe aku ana wau a hookomo kau ia oe ma kekahi wahi e loa ole ai oe no kekahi manwa."

 

Ma ka lumi kaawale e waiho anama ka aoao o ka lumi ana i kii ai i na lole o ke duke, he wahi lumi lole uuku, a e kau ana no ke ki ma ka puka.  Ua nui kupono keia lumi no ka waiho ana i ke duke malaila me ka loaa ole o ka pilikia iaia no kekahi manawa, a iloko o keia lumi i lawe aku ai ua Wete nei a kaua a hoopaa aku la i kana pio.  Mahope mai hoi mai la oia a hoopnopono iho la i na mea oloko o ka lumi o ua duke la i hiki ole ai ke ala mai kekahi hoohuoi.

 

I loa no a pau pono kana mau hooponopono, hemo ana ka puka o ka lumi a komo ana kekahi kanaka iloko.  Alawa aku la o Wete a ike aku la i ua kanaka la, a hoomaopopo iho la oia oia no ke kanaka lawelawe o ke duke, a me ia hoomaopopo i hookohukohu loa iho ai oia. 

 

"E ka Mea Kiekie, ua lohi loa oe i keia po a ua laki iho wau o kou hoea mai, a no ko'u ike ole ana i kou wa i hoi mai ai, nolaila ua lohi loa ia wau," wahi a ua kanaka la i pane mai ai me ka haalulu.

 

"Pela io no, aka aole oe e nana ia mea, aole no hoi o'u makemake ia oe i keia po.  Ua hiki ia oe ke hoi aku a hooluolu," wahi a Wete i pane aku ai.

 

Ua kuuou mai la ua kanaka la, a iaia i anehe aku ai e hoi, ua pane koke aku la o Wete:

 

"Ua ike anei oe ua hoi mai ka dukewahine?"

 

"Aole oia i hoi mai, e kuu haku."

 

"Ina oia e hoi mai ana e ha'i aku oe i kona wahine lawelawe e hele hou ana wau a aole paha e hoi koke mai ana wau a hiki i ke ahiahi o ka la apopo."

 

"Ae, e kuu haku."

 

"Alaila e hoi koke aku oe, a mai poina no nae oe i ka'u kauoha ia oe."

 

"Ae, e kuu haku," a huli aku la ua kauwa la a haalele iho la ia Wete e hene iki ana kana aka i keai hana kolohe nui ana.

 

O keia mau kukaiolelo ana maluna ae nei, ua hanaia aku e Wete no kona makemake e ike ina paha e hoohuoi mai ana keia kanaka lawelawe o ka duke kiekie iaia, a o keia hoi kana loao mua loa ana i kona helehelena hooaalonalo.  Ua ike iho la oia aole oia e hoohuoiia mai ana, a ua maikai hoi kana hoohalikelike i hana ai, nolaila mahope koke iho o na kukaiolelo a kaua i ike ae nei, ua hele i kona hoopakele o ka hiki aku, a kikeke aku la oia ma ka puka.  Wehe koke mai la o Vera i ka puka a pane mai la me ka leo huhu:

 

"O oe anei ia," oiai ua ike mai la oia a ke duke keia e ku aku nei imua o kona alo.   "Heaha kou makemake? Aia aku nei ihea kuu hoaloha?"

 

"O, aole oia i poino," wahi a Wete i pane aku ai e hoohalike ana hoi i kona leo e like me ko ke duke.  "Ua hala e aku nei oia mamua, a mahope aku wau me oe no hoi."

 

"Aole." Ua kumakaia aku nei oe iaia.  Aole loa e neenee hou mai i hookahi kapuai!  Ua makaukau wau no ka hoopakele ana ae ia'u iho!

 

Alaila huki ae la o Vera i ka pahi a Wete i haawi aku ai iaia a paa ae la ma kona lima, a nee aku la oia ihope.

 

I ko Wete ike ana i keia hana a Vera, ua aka leo nui ae la oia, a pane aku la:

 

"Alaila, ua maikai ka'u hoonalonalo ana," e hoopuka ana hoi i keai mau olelo ma kona leo maoli. 

 

"Auwe, o oe no ka."  i pane aku ai o Vera, oiai ua maopopo koke ae la iaia aole keia he mea okoa aka o kona hoaloha no oiai ua lohe pono aku la oia i ko Wete leo.

 

"He oiaio owau no keia:  aka aole pono ia kaua e hoopau wale i ka manawa.  Ua lilo mai nei ko ka duke palapala ae haahele ia'u, a e hoopau ae oe i kou huhu iaia, a e ae mai oe e lilo oe i wahine naua, a e hele aku ma ia ano no kekahi manawa."

 

"Alaila, owau anei kekahi e hoololi ae i ko'u helehelena?"

 

"Aole pela; aka ina ua ike oe i kahi o kana wahine e malama nei i kona mau pono, alaila e hoao no wau e kii aku i kekahi o kona mau pono, i papale ame o@a koloka nou."

 

"Ke maopopo ole nei ia'u kahi ana e malama nei i kona mau pono, aka me he mea la aia no ma kekahi wahi o keia hale,"

 

"Ina pela e kali iho oe maanei, a e hoao ae hoi wau e huli aku i mau pono kaahele nou."

 

Aole keia he hana mama loa na Wete e hana ai, aka ua ikaika ke kono ana a kona mau manao iaia e hana aku i na hana apau e pakele ai ke ola o kana milimili e malama loa nei, nolaila aole oia i hoohakalia iho a hoomaka koke aku la oia e hele huli ia loko o ka hale.

 

Aole i li'uli'u loaa aku la iaia ka lumi o ke dukewahine, no ka mea ma kana hoomaopopo aku o keia kahi i hoohinuhinu loa ia o ka hale, e like me ke ano mau i naa i na haole, ka hoonaninaui i ka lumi o ka lakou mau wahine. 

 

Ike aku la o Wete i kekahi kaikamahine u'i a opiopio no hoi, a no ka maikai o na helehelena o ua kaikamahine la, ua kahea aku la oia iaia a hele mai la no hoi ua kaikamahine la. 

 

"e oluolu ana anei oe e hana mai i kekahi hana no'u?" wahi a Wete i pane aku ai me kona kuemi hope ana aku i kaa aku ia ma kahi ano pouliuli.

 

"Ae, e kuu haku, ina nae he hana hiki ia ia'u ke hana," i panaiia mai ai me ka leo oluolu a waipahe.

 

Hoomaneoneo aku la ua Wete nei a kaua i ka auwae o ua kaikamahine la, alaila haawi aku la he hapalua kini i ua kaikamahine la, a pane aku la:

 

"O ka'u e makemake nei i honi mai ia oe --" oiai ua komo maila ka manao iloko o ua Wete nei a kaua he mea pono iaia ke hana aku e like me ka hana i maa mau i na duke ame na barona, nolaila i honi iho ai oia i ua kaikamahine la, a hoomau aku la, "oluolu oe e lawe mai i kekahi papale o ke dukewahine, a i koloka no hoi.  E oluolu ana anei oe e hana mai i keia hana no'u?"

 

"Heaha la ka ke dukewahine hana e hana ai ina oia e ike ana i keia mea?" wahi a ua kaikamahine la i pane mai ai me kona minoaka ana iho.

 

"Oia hoi no ko'u honi ana iho nei ia oe?  Ina oe e naauao ana, alaila aole oe hoopuka ana i kekahi mea o keia ano," ipane aku ai o wete me kona aka hoomahie ana aku.

 

"Aole ia o ko'u manao, ke manao nei wau no keia papale ame keia koloka au e makemake nei."

 

"Aole oia e nana mai ana ia mea, a ina oia e ninau mai ana ia oe ke haawi aku nei wau i ka mana ia oe e ha'i aku oe na'u i kii aku."

 

"Mahea oe e loaa mai ai ia'u?"

 

"Maanei, ina oe e awiwi mai ana."

 

"Alaila, e kali oe ia'u no elima minute,"

 

Ua holo kokeaku la ua kaikamahine la, a iloko o ka manawa ana i ha'i mai ai ia Wete ua hoea mai la oia mena mea i makemakeia.  Honi hou iho la o Wete i ua kaikamahine la, a haawi hou aku la i kekahi apana dala, alaila hoi aku la oia no kahi a Vera e kali mai ana iaia. 

 

 

MOKUNA XXXIII.

 

MA KAHI HOOLULU KAAAHI.

 

Komo iho la o Vera i ke koloka a hookau ae la no hoi i ka papale maluna o kona poo, a puka like aku la laua iwaho o ka hale a hiki aku la laua i ka pahale.  Aia no ka hoomanao ana iloko o wete i ke ano o ke komo ana iloko o ka pa, aka nae aole oia i maopopo i kahi i ku ai o ka hale kaa ame ke alanui e hele aku ai ilaila, kahi hoi ana e makemake nei e hiki aku.  Eia nae ua hele aku la no ia ma kekahi aoao o ka hale me ko Vera hahai no mahope ona.  Ia laua i hiki aku ai ma kekahi kihi o ka hale, kahi hoi i pouliuli loa aku mamua o na wahi e ae mamuli o ka oioi loa o kekahi lanai uuku o ka hale, oia no ka manawa i ike aku ai laua nei i ka hemo ana mai o ka puka-pa, a komo mai la kekahi kaalio iloko o ka pa.  Hopu aku la o Wete ia Vera, a ku iho la laua e kali ana i ka mea e hele mai ana maluna o ke kaa.  Aole keia he mea e aku, oiai i ke ku ana iho o ke kaa, ike aku la laua nei i ka lele ana iho o kekahi wahine, a oia no hoi ka manawa i hele ae ai o kekahi o na kauwa a kokua aku la i kona hakuwahine.

 

I ka hala ana aku o ke dukewahine, oia no hoi ka manawa a Wete i holo koke aku ai a halawai aku la me ke kahukaa a kauoha aku la iaia e ku iho. 

 

" E holo ae oe ma kekahi aoao o ka hale," wahi a Wete i kauoha aku ai i ke kahukaa, "ke makemake nei wau ia oe no kekahi hana." 

 

"Ae, e ka mea hanohano," wahi a ke kahukaa i pane mai ai, oiai ua ike mai la no oia o kona hakukane no keia.

 

Huli ae la o Wete a alakai aku la ia Vera no ka puka-pa a lakou i komo aku ai ia po, a aole no hoi i li'uli'u iho hoea ana ke kaa.  Kokua aku la o Wete ia Vera a kau ana iluna o ke kaa, alaila hele aku la oia a pane aku la i ke kahukaa:

 

"Mai hoolilo oe ia oe i kamipulu ma keia mea, a mai ha'i no hoi oe i keia mea i ke dukewahine.  Eia ka'u wahi makana ia oe."  a ia manawa i hawi aku ai oe Wete i ua kahukaa la i kekahi apana dala, a komo aku la oia a noho iho la ma ko Vera aoao.

 

"@ea oe e makemake nei e hele, e kuu haku?" wahi a ke kanaka ukali i ninau mai ai.

 

"No kahi hoolulu kaahi, a e holo aku e like me ka hikiwawe i loaa ia oe."  a haawi aku la o Wete i apana dala na keia kanaka. 

 

Iloko o ka manawa pokole aia lakou nei ke holo la no kahi hoolulu kaaahi. 

 

"Ke maikai nei keia hapa o ka kaua huakai." wahi a Wete i huli ae ai a pane aku i ke kaunawahine.  "O ka ninau ano nui wale no i keia manawa oia ka loihi o ko kaua manawa e hele aku ai me ka maikai me ka loaa ole mai o kekahi kuia ia kaua."

 

"No'u nei, e aho wau e make ia'u iho no mamua o ko'u paa hou ana aku," wahi a ke kaunawahine i pane ae ai. 

 

"Ke manaolana nei wau aole loa e hoea mai ana ia mea ia kaua.  e hoomau i kou manaolana ana, e ke kaunawahine, a mai maka'@ oe i ka mea e hoea mai ana ia kaua."

 

"O, ke hilinai piha nei wau maluna o kou ike kamahao, a o keia hoi ka mea nana e hapai mai nei iloko o'u i ka manaolana e palekana ana no kaua.  Ua ike wau i kou noonoo akahele i na manawa apau a kaua i komo ai iloko o ka pilikia a oia hoi ka mea nana i hoomalielie mai i ko'u mau manao uluku me he mea la no aole i ala mai kekahi pilikia maluna o'u."

 

O keia huakai a lakou no kahi holulu kaaahi he loihi maoli no, a ia lakou e holo ana aia o Wete ke hoonohonoho la i kana papahana e hana aku ai no ko laua pakele.  Ua maopopo no iaia e halawai ana laua me kekahi kuia ma kahi hoolulu kaaahi, a no keia hoi kana mea e hoonohonoho ana i ala mai hoi ia o na kuia ua makaukau laua no ka nee ana aku ma kekahi alahele okoa. 

 

Ma kahi hoolulu kaaahi ua maopopo no ia Wete e nana pono ia ana oia e ka oihana makai, ana hoi e manao nei ua loaa aku na kauoha ia lakou e nana pono i ke kanaka Amerika ame Vera pu.  Ma ko Wete aoao aole ona kanalua no ka mea ua ike iho la oia e kuhihewaia mai ana no oia ke duke, aka aia ma kahi o Vera kona hopohopo.

 

I ko laua nei hiki ana aku i kahi hoolulu kaaahi, uawaiho aku la o wete i ke kaunawahine e ku ma kahi o ka puka, kahi pouliuli hoi, a hele loa aku la oia no kahi kuai kikiki.  I ka loaa ana mai o ko laua mau kukuku, oia no kona manawa i lohe aku ai i ka leo anuwe o kekahi wahine.  Ua huli koke ae la oia a ike aku la ia Vera e hakoko mai ana me kekahi wahine nana i lalau ae i ko Vera papale a hemo ana mai kona poo ae. 

 

Aole he nui o ka poe iloko o ka lumi ia manawa, a na lohe ae la no hoi keia poe i ka halulu o keia mau wahine e kukahalake nei.  ua holo koke aku la o Wete a hiki i kahi o na wahine e aumeume ana a komo aku la mawaena o laua.  Aole oia i huli iho a nana i ka wahine i kimopo mai i kana malihini oiai ua maopopo iho la no iaia o Kaunawahine Sofia no ia.  Me ka wela e walania ana iloko o ua kaunawahine nei no Vera, ua hoomaka koke mai la oia e pehi i na olelo ino maluna o Vera. 

 

(Aole i pau.)

 

 

KALE O LEONA

 

Ka Naita Puuwai

Hao Wiwoole - - -

 

KA HOOPAKELE O KE KAIKAMAHINE ALII

I LAWE MALUIA.

 

MOKUNA X.

 

MAHUKA A MARE MA KA MANA O KA PAHIKA@A

 

I ke kakahiaka nui o kekahi la ae ua hele holoholu ak@ @ Kale o Leona ma kahi o ka muliwai Zenila, kahi ana i hoo@ ai olaila kahi e loaa ai na lio maikai no ka mea he n@ kula @ kekahi olaila, a oiai oia kona makemake o ka hele ana ila@. @ kona hiki ana aku ua piha koke ae la oia i ka poe kalepa l@ nui na lio o ka laweia ana mai imua ona. 

 

Ma ka nana pono ana ua loaa io aku la kekahi lio kino @ a ua kupono hoi i kona makemake a he lio Arabia no hoi o ke @ lana ikaika no ka hele i kahi loihi.  He lio hulu ahiaahina @ mahope iho o kona hoaoia ana i ka nui o kona mama h@ holo koke iho la o Kale, oia ka lio ana e kuai ai.  Ua au@ ke kumukuai o ka lio oi aku maluna o ke ana mau o ke kumu@ o ka lio, a oiai ua lawa no ke Kauna Kale no ka hoolawa ana i ke kumukuai a huiia me kona makemake i ka lio ua hoohele iho ia oia a lilo mai la no hoi ka lio iaia. 

 

Ua kau koke ae la no ia maluna o ua lilo la a hoi aku la no ke kulanakauhale a me ke kainapu maikai wale no ia o ka hele ana a hiki wale i ka hotele, a oia no ka manawa ana i hoomaopopo loa ai i ka maikai io o ka holoholona -- he lio oluolu e loaa ai no ka hilinai i kona haku nona.

 

Ma ia manawa ua makaukau oia me ka lio a ua hooholo paa iho no hoi oai no ka papahana o kana hoolala hana no ka h@ ana a kali malie aku la oia o ka napoo koke o ka la no ka hooko ana i kana papahana a me ka hoonanauki no hoi ia hoomanawanui kali ana no ka hoopili mai, i ka wahine opio i lilo kona puuwai, i k@ ana nona. 

 

He po pouli ia.  Ua pouli no ka mahina ole; eia nae aia na hoku kinikini e imoimo ana ke kumu i ano makaokao iki ae ai.  Ia po ua kau aku la o Kale o Leona ame kona ukali maluna o k@ @ hiki ana aku i kekahi wahi kupono, he wahi ia i ulu mano@ @ na kumulaau oka -- ilaila laua i nakii ai i na lio o laua me ke keia o ka lio a Pidiro i ka'i hele mai ai.  Ua aahu ka naita opio me kona kapa-kula ame na lako kaua no hoi oia i makaukau nona iho a p@ no hoi o Pidiro me he mea la he hele kaua keia huakai a lana. 

 

A haalele iho la laua i kahi o na lio i nakiiia ua iho mai la laua ma ke alanui me he la ma kahi o kanalima anana alaila huli ke'a ae la laua mai ke alanui aupuni aku a hele aku no ka ululaau alan@ e ku ana ilalo pono o ka puu; a iloko olaila i kali iho ai laua no Zira oiai oia kahi a ka wahine opio i hoopaa mai ai no kona hui mai me kana naita i aloha nui ai.  a o kona makemake no hoi ia aole @ ka hele aku i ka home ponoi o Beni Hame kahi e maopopo pono @ ai ka holopono o na hana no ka hoopakele ana iaia. 

 

I ka naita opio hoi e kali ana aia ka wahine opio ke liuliu la n@ kona hui aku me ia.  aia he mau kiai i hoomakaukau mua ia e ka makuakane no na hana apau a kana kaikamahine Zira e hana ai, aka ua hoomaopopo no o Zira no keia mau hana a kona makua a eia nae ua paa e no kona manao e haalele iaia. 

 

O kekahi o na wahine hana o ka home o Beni Hame ua waiho a aki iaia ka hana ko'iko'i o ka makaala ana no zira aka i kela po na hiamoe loa oia malalo o kekahi la hoohiamoe ke kumu i kanalua ole ai ka hoomakaukau ana o Zira ma kona aoao. 

 

Ma na mea waiwai makamae nui i ka wahine opio oia ka i pulamaia mai no ka lawe pu ana i hui pu ia mai me ke ke'a a leiia ae la ma kona a-i oiai ua hoopaaaia ke ke'a me ka leia-i gula.  A ma ka hookui'ku'i ana i kona nau lole i pau ka waiwai ua loaa iho la kona kaula o ka iho ana ma ka puka-aniani ma ka hookuukuuia ana o ia mea ma ka puka-aniani.

 

A mahope iho o kona hiki maalahi ana i ka honua a kali iki iho la no ka nana pono ana ina ua maalahi ke alahele nona o kona hoomaka aku la no ia e holo mama iki e kaawale aku ai mai ka home o ka hoopilihua nui wale, oiai kona uhi e uhi paa ana i kona poo papale ole. 

 

Me ke auau no hoi i hoomau aku ai oia me ka nalohia ana aku o ka makau'u iloko o kona puuwai no na poino o ke alahele ina he mea kekahi o ia ano ma ke ala.  A i kona hookokoke loa ana aku ma kahi ana e hiu ai oiai oia i komo aku ai iloko o ka ulualani ua lohe aku la oia i ke puanaia ana mai o kona inoa, a me ka moakaka loa no ia lohe ana aku ona i ka leo ana i hoohewahewa ole ai. 

 

"Zira."

 

"Eia au," i pane aku ai ka opio wahine mahuka a waiho aku la no hoi kona nui kino iloko o ka apo ana mai a kana naita. 

 

"E hoomaikaiia na lani," wahi a Kale i puana ae ai me ka olioli nui.  "Aole anei ou ano nawaliwali e kuu aloha?"

 

"Aole, aole.  Ua ikaika wau no ka hana o keia po."

 

"Alaila aole a kakou kali hou ana i koe.  E alakai aku e kuu Pidiro i ke ala a e makaukau na lio me ka hakalia ole."

 

alaila paa iho la ka naita i ka lima palupalu o kana aloha iloko o kona ponoi a hoomaka aku la lakou e auau no kahi o na lio e ku ana. 

 

"Aole o'u kanalua no keia hana au e komo nei ideia po?" i ninau hawanawana aku ai o Kale ia lakou i kaa aku ai iwaho o ke alanui. 

 

"Aole.  Ua olioli nui loa au i ko'u kaawale ana mai ka home hoopilihua nui wale ia'u"

 

"A e mau aku no ia hauoli ou."

 

A mai ia oe mai no ia e loaa ai e kuu aloha," i hoopili aku ai o Zira.

 

"Ae, e ka wahine u'i -- e mau loa aku no ia.  O, aia ka hauoli ke kali mai la nou iloko o Leona.  Ilaila e loaa ai he nui na hoaloha e pulama mai ai ia oe.  O keia puuwai e waiho nei iloko o'u ua hamama ka puka nou i ka wa mua no o kuu ike ana ia oe a hiki i keia manawa aole e hiki ia'u ke hoike maopopo ae i ka pihaku'i oloko o'u nou a'u no hoi i loaa ai ka hoomaopopo pono loa no kou ano pilo kokoke ia'u."

 

"Pili kokoke?" i hoopili aku ai o Zira.

 

"ae.  aole hookahi koko Mahomeda iloko o kou mau aa e holo nei."

 

"O, owau no kekahi i manaopaa iho aole he koko o ia ano iloko o'u."

 

"aole no o ke Aupuni Mahomeda kou home ponoi," wahi a Kale. 

 

"Ua maopopo anei ia oe ko'u wahi i hele mai ai?  Ua ike anei oe i ko'u wahi i hanau ai?"

 

"Ae. I Leona.  Mai -- eia na lio o kakou."

 

"me ka eleu kakou e pono ai," wahi a Pidiro iaia i ka'i mai ai i ka lio a kona Haku i kuai ai no Zira," no ka mea aole e li'uli'u loa e puka mai ai ka mahina."

 

A i ka wa e hiki mai ai ia manawa e kaawale loa ai kakou mai nei aku," i puana ae ai ka naita me ka olioli iloko o kona puuwai no ka holomua o keia hoolala ana.

 

"Na'u e kokua aku ia oe no ke kau ana iluna o ka lio -- a he lio oluolu a laka a kupono nou, a ina e kiki aku i ka wa e kupono ai oia no ka hoohana i kona mama holo oia ananei kou wa e ike ai i kona nui mama ame kona maikai i kona kahu.  Alaila pii ae la ka wahine opio iluna o ka lio a hookuene pono iho la no ka makaukau e nee aku iloko o ka huakai o ka po."

 

"O oe e Pidiro ke ukali mahope mai," wahi a ka naita iaia i kau ae ai iluna o kona lio, "a e makaala aku i na pilikia mahope