Ka Nupepa Kuokoa, Volume XLII, Number 47, 18 November 1904 Edition 02 — Page 1
| This text was transcribed by: | John Budisurya Luckman |
| This work is dedicated to: | To my hula sister Karen R George, mahalo nui for your aloha! |
Ka Nupepa Kuokoa
KE KILOHANA POOKELA NO KA LAHUI HAWAII.
HOOPUKAIA I NA KAKAHIAKA POALIMA APAU.
@ Helu 47. NUPEPA KUOKOA, POALIMA, NOVEMABA 18, 1904. NA HELU APAU3042
Holo ka Elele Lahui
J.K. Kalanianaole
-
Kau aku Maluna o ka Mokuahi Sonoma ma Kana Huakai Imi Pomaikai Nou E Hawaii.
-
@OLO PU AKU KANA KAKAUOLELO GEORGE B. McCLELLAN ME IA.—PIHA KA UWAPO I NA MAKAAINANA I NAUE AKU E IKE IAIA.
(PHOTO.)
ELELE LAHUI KUHIO.
KA HOOMAIKAI A KA ELELE LAHUI.
-
I na Hoa Makaainana o`u e noho ana mai Hawaii o Keawe a hiki i Niihau, ke haawi aku nei au i ka`u mau hoomaikai palena ole ia oukou mamuli o ka hilinai piha ame ka hanohano a oukou i haawi mai ai ia`u no ka elua o ka manawa e lilo i Elele i Wasinetona no kuu Lahui Aloha.
E like me ka`u i halolelo aku ai imua o oukou, pela no wau e hooko aku ai, a e hana aku ai hoi me kuu ikaika apau e loaa mai he mau pono no kakou, a no ke Teritore o Hawaii nei mai ka Ahaolelo Nui mai o Amerika Huipuia.
(SIGNATURE)
Eiele Lahui o ke Teritore Hawaii.
Ma ka mokiahi Sonoma o ka auwina a @ nei, i haalele mai ai ka Elele @hai Keikialii Jonah Kuhio Kalanianaole, ia Hawaii nei a au aku ma @ huakai huli pomaikai no keia Teritore e like hoi me ke koho lo@ o na makaainana mai Hawaii ia Kauai iaia e lilo i Elele no ka @ o ka manawa.
Me @ pu aku nei i holo aku ai o George H. McClellan, kona kakauolelo a Aeia iho nei, a e holo like ana laua @ Wasinetona no ka huli like ana i na @ e pono ai keia Teritore.
Maka manawa i hoikeia ae nei, ua @ ae ka uwapo i na makaainana no ka ike ana aku iaia, a malaila pu ae na keiki o ka aahu ulaula o ka Apana K@ Elima kahi i haawi ai i na leo @. Ua hiki pu ae @ka bana Hawaii no ka haawi ana i na leo mele hoohauoii.
Ua hoolelia ke Alii huli pomaikai i na wehi o kena onehanau, a iaia e ko mai ana iluna o ka oneki o ka moku, mehe mea la aia no oia i ka uluwehiwehi o na pua aala o kona home kahi i luana ai me kana aliiwahine. Aole oia i lawe aku nei i kana Aliiwahine me ia, aka ua waiho iho nei iaia mahope nei, a hiki i ka manawa kupono e huli aku ai no oia i kana Aliikane mahope.
O ka mano nui o keia holo koke ana o ke Alii no Amerika, mamuli no ia o kona makemake e hooponopono i kana mau hana imi pomaikai no Hawaii nei, i makaukau e no mamua o ka hiki ana mai o ka manawa e hooloheia mai ai o kana mau bila i hookomo aku nei i ka Ahaolelo, a oiai e ala koke mai ana kekahi mau ninau maluna o kekahi o kana mau hana i manao ai no Hawaii nei, imua o na komite o ka Hale, ua makemake oia e hiki malaila i ka manawa a na komite e noho ai i huipu aku oia me lakou a wehewehe aku i na manao o kana mau bila i hookomo aku nei. E like no hoi me kana i hoike mai ai ia kakou aia iloko o na komite ka hana e hana ai, pela oia i iini loa ai e loaa na halawai a na komite iaia.
O kona kohoia ana `iho nei me ka lanakila oi kelakela i loaa ole i kekahi Elele mai Hawaii nei aku, oia no ka mea nana e kokua iaia ma na hana, oiai e ike mai ana kona mau hoa o ka Ahaolelo Nui i ka hilinai piha o ko Hawaii nei i ko lakou-Elele Aliii opiopio i haawi iaia iho no ka pono ame ka pomaikai o kona onehanau. Me ka manaolana e kokua mai ana na Lani i kaua huakai.
-
Ma ka mokuahi Sonoma o ka auwina la Poalua nei i holo aku ai ka Moiwahine Liliuokalani no Amerika.
Hookohuia o William Kamana i Lunapaahao Nui
-
He Hawaii i Noho Loihi ma ka Oihana me ka Inoa Maikai, a Hiki i Kona Hookiekieia aana-
-
MALAMAIA HE ANAINA HOOKIPA NONA MALOKO O KAWA-KA PALAPALA HOOKIPA A NA LUNAPAAHAO I KO LAKOU POO HOU.
Ma ke ahiahi o ka Poalima i hala, Novemaba 11, i hookiekieia ae ai o William Kamana, ka Hope Lunapaahao Nui o Kawa, i Lunapaahao Nui makahi o William Henry i hookiekieia ae i Makai Nui. O keia iho la ka hopena o na nune o na la i kaahope aku no ke kanaka e hookohuia ae ana e hoopiha ma keia makaiua. O ke kulana Hope Lunapaahao Nui ua lilo ae nei ia Temple Burke, he haole i noho ma ke ano lunapaahao no ehiku makahiki i hala ae nei.
O William Kamana, oia kekahi o na kanaka Hawaii i noho loihi ma ka oihana makai o Honolulu nei, a he kanaka hoi i pii iluna a ilalo o kela ame keia manawa. Ua piha iaia na makahiki he 50 i keia manawa, a ua nohoia hoi e ia ma ke ano he hope lunapaahao no Kawa no na makahiki he umi i hala ae nei, malalo hoi o Makai Nui Henry, a o ka hookiekieia ana ae la o keia Hawaii ponoi ma keia kulana kiekie mamuli no ia o na hoike a Mr. Henry ame na hoaloha i ko William Kamana kupono loa e lilo i Lunapaahao Nui.
Ua hanauia o William Kamana ma Waihee, Maui, i ka makahiki 1853, a malaila no oia i hele ai i ke kula a hiki i ka piha ana o na makahiki he 18 iaia, e hele ana hoi i kela ame keia la i
(PHOTO.)
WILLIAM KAMANA KA LUNAPAAhAO NUI.
na mile eha a hiki i kahi o ka halekula. I kona haalele ana i ke kuia i ka umi-kumamawalu o kona mau makahiki, ua hele aku oia i ka hana kumakahiki no $10 o ka mahina, a i ka pau ana o na makahiki ekolu o ka paaua ana ua hoopiiia ae kona ukuhana a i ka $13 o ka mahina me ka loaa o na manao hilinai iaia mai kona mau hakuhana mai.
I ka 1879 ua hoi aku la oia no ka Hui Mahiko o Ookala, a oia no hoi ka manawa e noho lunanui ana o Konela Soper no ia mahiko. Maanei oia i hana ai no $35 o ka mahina, a mamua o kona haalele ana aku ia hana he eono makahiki mahope mai he $60 o ka mahina kona ukuhana e loaa ana ia manawa.
I ka 1886 ua lilo ae la o Soper i Ilamuku Nui, a kauoha aku la oia ia Kamana e hoi mai no Honolulu nei, a hoolilo aku la iaia i kiai no ka Hale Aupuni. Mamuli o ka loli ana ae o ke au o ka manawa ua hoihoila ae o Kamana i makai ku huina, a oia no hoi ka manawa i lilo ai o J.L. Kaulukou i Namuku. Mamuli o kona malama pono i ka hana ua hookiekiela ae oia i Kapena Makai. I ka manawa hoi i loli ae ai ka Oihana Makai a kaa aku malalo o C.B. Wilson, ua hoepau ia ae o Kamana.
Ua hele aku oia e huli i kona ola ia mau la me na keiki Pooia o ke kuhanakauhale nei e kokua ana hoi i ka lawe ana a hoopiha ana i na moku me na ukana. I ka 1891 ua lilo oia kekahi o na kanaka lawelawe ukana maka Hui Alahao ame Aina Oahu. Ma hope koke iho ua kii ia aku oia e Ilamuku Wilson a hoihoi hou ia ae ma ke kulana Kapena Makai, a ua paa oia ia kulana a hiki wale i ka manawa i hookahuliia ai ke Aupuni Moi, a ia manawa ua hoi hou oia e hooikaika ma na hana lawelawe lima. Mahope mai ua lilo ae oia i Makaikiu malalo o Ilamuku Ashley, a i ka wa i lilo ai o hikikoki i Ilamuku ua hookohuia aku oia i Kapena no na Kiaia Wiliki no ka Halepaahao o Kawa, a malaila oia i noho ai a hiki i kona hookiekieia ana ae i Hope Lunapaahao, a kau ae la no hoi ma ke kulana hanohano i loaa aku la iaia i keia manawa.
NA HANA HOOMAIKAI I KA LUNAPAAHAO HOU.
Ma ke Sabati i hala ae nei, Novemaba 13, ua hoikeia ae ka hilinai piha ana o na hope lunapaahao ame na paahao e noho nei ma Kawa i ko lakou poo hou. William Kamana, oiai ma ia la i malamaia ae ai kekahi anaina hoomanao a hoomaikai iaia. O kahi i malamaia ai o keia hana malalo no ia o ke kumulaau kamani e ku nei iloko o ka pa paahao, a o ka manawa i malamaia ai oia no ka manawa haipule o ke kakahiaka. Ua haawi ae na laia o ke komite o ka Ahahui Opiopio i ko lakou manawa haipule no keia hana. Ua liuliu ae na komite o na paahao ia lakou na hana o ia la, a ua komo ae lakou i ko lakou mau aahu piha a ku ae la iloko o ka laina. ua kuuweluia ae na hae Hawaii ame Amerika makahi o ka hana, a hoonohoia ae la no hoi na paahao iluna o na noho i hoomakaukauia no keia hana.
Ua hoomaka na hana ma ka hora umi-kumamakahi malalo o ke alakai ana a Kakauolelo Brown. Mahope o ka heluheluia ana o ka Halelu 100 ame ka himeni ana, oia no hoi ka manawa i puka mai ai o Kamana, a alakaiia ae la e Wiliki W.H. Kealakai a hoonohoia ma kahi i hookaawaieia nona. Ua ku ae ke anaina iluna a hookipa aku la iaia, a mahope o na halolelo ana ame na himeni ana, i ku ae ai o Kealakai ame Kapena C. A. Bi@haw, a mee aku la imua o ko lakou haku hou me na palapala hoomaikai i hakuia ma na olelo Beretania ame Hawaii, a heluhelu aku la imua o William kamana. Mahope o ka pau ana o keia mau palapala i ka heluheluia, i pa@
(E nana ma ka aoao@)
Kekahi mau Moho Lanakila o Hawaii
-
O Carl S. Smith, ka Lunamakaai nana i Kohoia, a Alakai o na Hana Hooikaika ma Hawaii.
-
O JAMES D. LEWIS, LUNAMAKAAINANA O HAWAII HIKINA I LOAA HOU KA HANOHANO NO KA EKOLU O NA MANAWA.
(PHOTO.)
CARL S. SMITH, KA LUNAMAKAAINANA O HAWAII
O Carl Schurz Smith, ka Lunamakaainana i kohola mai nei no Hawaii Hikina, ua hanauia oia ma Nu Enelani, iloko o ka mahina o Sepatemaba 4, 1870. Ua hele ae oia me kona ohana a noho ma Kaleponi i 1873, a no na makahiki he umi-kumamalima kona noho ana ma San Jose, ma kela mokuaina no i hoikeia ae nei maluna, a malaila oia i hele ai i ke kula kiekie o Kaleponi (University of California), a komo ae hoi ma ke kula o Berkeley, Sepatemaba, 1888, a malaila lia i noho ai no elua makahiki.
Ua noho kumukula oia ma Cottage Grove, Oregon i 1890-91, a me kana loaa i loaa mai ma keia oihana i komo ae ai oia ma ke Kula o Standford University i 1891, a elua makahiki mahope mai ua puka mai ia oia mai keia kula mai. I kekahi makahiki mai ua kome aku la oia iloko o ke kula Kanawai o Northwestern University. Kikako a puka mai la oia me ka inoa maikai i ka 1895.
Mai ka 1894 a hiki i ka 1897, ua noho oia ma ke ano he hope malama buke no ke Kula Kanawai o Kikako, a laia maanei ua nui kana mau hana i hana ai.
Ua mare aku oia ia Miss Nellie Wood o Iowa i 1897, a holo mai la no Honolulu nei, a noho hana me Kini ame Ballou. I 1898 ua loaa ae la he inanawa nona e lawelawe ai nona ho, a ua hoi aku oia no Hilo, a lawelawe i ka oihana loio malaila, a oia kekahi o na lala makaukau loa o ka papa Lolo o keia Teritore.
Ua hookohuia aku oia e noho Lunakawai Kaapuni no ka Aha Hookolokolo Kaapuni Eha, e hoopiha ana hoi i ka manawa o Lunakawai Waila, a iaia e lawelawe ana i kana hana ua mahaloia aku oia.
Mawaho ae o kona waeia ana i moho Lunamakaainana, ua kohoia ae oia i Lunahoomalu no ke Komite Apana o na Repubalika no Hawaii Hikina, a mamuli o kana lawelawe naauao ana i loaa ai ka lanakila kamahao no na Repubalika ma ka Apana Koho Ekahi. Me he mea la o kona lilo ana ae la i laia no ka Ahaolelo o keia Teritore, oia kekahi kokua waiwai nui i loaa i keia Teritore, oia he kanaka naauao oia a he akahele ma kana hana.
(PHOTO.)
JAMES D. LEWIS, KO HAWAII HIKINA LUNAMAKAAINANA.
Ua hanauia o James D Lewis ma Pawaa. Honolulu i ka la 29 o Mei, 1862, a ua hele mua i ke kula a Wm. Guilek Hoko o 1873, a mahope komo aku i Punahou. Ua haaiele la kula a ua hele i ka hana ma ka Halehana Hao o Honolulu a mahope iho komo aku la me Wm. Austin i ka hana Uwapo Alahaka, hale o ke Aupuni a hiki i ka make ana o Austin mahope mai ua hele aku e hana nona iho a ua noho ma na mahiko he lehulehu ma ke ano he kamana a hiki i keia wa ke lawelawe nei no ma ia oihana ma Hilo, a he 13 makahiki e noho nei ma keia wahi e hana ana me ke Aupuni ame na poe mea hana ma ke ano he uku pau ame kukulu.
Ma ka makahiki 19@, ua komo aku iloko o na hana kalaiaina a ua waeia he moho Lunamakaainana ma ka aoao Repubalika aka o ka makahiki ia o ka hauoki aole Repubalika i puka 1901, ua waela i Moho e pani ma ka hakahaka o Ewaliko i make, a ua lanakila; 1902, ua wae hou ia i moho na ka Repubalika no a ua lanakila no, ua noho ma ke kau o 1903, a ma ka moolelo o ka Hale o na Lunamakaainana e maopopo pono ai kana mau mea i hana ai malaila. Mamuli o ka lilo ana o na balota kiekie iaia mai ka apana 1, ua
(E nana ma ka aoao 6.)