Ka Nupepa Kuokoa, Volume XLII, Number 46, 18 November 1904 — Page 6
| This text was transcribed by: | Jean Howard |
| This work is dedicated to: | Awaiaulu |
Ka Nupepa Kuokoa
KE KILOHANA POOKELA NO KA LAHUI HAWAII.
Novemaba 11, 1904
He Hoike no ka Lelekaua ana ia Poto Ata
----------
O ka Poaka o keia pule aku nei la 3, oia ka piha ana o na makahiki he kanalima-kumamalua o ke oia ana o ka Emepera o Iapana, a ua malama ae na makaainana o Iapana i na hana hoomanao ana nona maanei. O keia no hoi ka ia i manaoia ai e haule ana o Poto Ata iloko o na lima o na kae’ae’a o Iapana e paio mai nei me na Rukini, a ua kau nui aku ko Honolulu nei poe, na Kepani ame na lahui e ae, e loaa koke mai ka hopena o ke kaua ma Poto Ata.
Ma ka Poalima i loaa mai ai ka lono e hoike ana aole i lilo o Poto Ata, aka nae ua lilo mai na papu ikaika loa e kokoke ana i ke kulanakauhale, a ua piholo kekahi mau moku iloko o ke awa mamuli o ke kipoka ikaika ia an e na Kepani. Ma ka Poaono nei i loaa mai ai ka hoike mai ke Keena Kanikela o Iapana ma Wasinetona e hoike ana e like me keia malao iho nei:
“Ua hoike ae ke alakai nui o ko kakou ualikoa ma Poto Ata oia hoi ua lilo ae i ka aoao akau ame kekahi hapa waena o ko kakou pualikoa mamua o ke kapoo ana o ka la ma ka la 30 o Okatoba na papu kiekie o Shojuzan, Kiryuzan, Tokeikanzan o ka Akau, a wawahi aku la no hoi i kekahi wahi e lelekaua aoao ia mai ai. O kekahi hapa hoi o ka pualikoa me ka nana ole ae i ko lakou lelekauaia mai me ka ikaika ua lelekaua aku no la, a ma ka hora 2 p.m. o ia la no na lilo ae la ia lakou ka papu “P” e ku ana hoi mawaena o Banryzan ame Tokeikanzan, o na papu o ka Akau. Ua hoomau mai na Rukini i ko lakou kaua ana i keia papu a lilo aku la ia lakou ma ka hora 10:30 p.m. Eia nae ua lilo ae la ia Generala Inoue me ka maalahi ma ka hora 11 p.m., a ua lilopio mai iaia he ekolu mau pukuniahi aina, elua pu mikini, ekolu ma topido i’a a he lehulehu wale aku o na waiwaipio, a ua ike pu no hoi oia he kanaha mau kinomake o na Rukini iloko o ka papu. Ua lilopio mai no hoi i ko kakou poualikoa o ka aoao hema ma ia la hookahi ka papu o Kobuyama e ku ana ma ka aoao akau Tokeikanzan. Ma ka la 31 ae ua lelekaua aku la ko kakou poualikoa i ka pa kapilimoku iloko o ke awa me na poka nui ame na pukuniahi kaua moana, a loaa aku la o Gilyak i na poka no na manawa lehulehu, e hoopiholo ana hoi he elua mau mokuahi. Ma ka la 1 ae o Novemaba ua hoopiholoia e kakou he el@ mau mokuahi nona na tona pakahi o 3,500 ma ke awa ma ke komohana, a i kekahi la ae ua piholo @ou he mokuahi nona na toma he 3,000. O ke pahu ana o kahi hoahu pauda me he mea la ua loheia no elua manawa ma ka akau o ke kulanakauhale. Ma ka la ekolu ae ua hoomaka hou ke kipoka ana i ke awakea e kipoka ana hoi me na pukuniahi kaua moana @ ka pamoku ame na wahi e ae ma ka hikina o ke awa, kahi hoi a makou i ike aku ai i ka puoho ana mai o ke ahi ma ka hora 12:50 p.m., i hoomauia hoi a hiki i ka hora 4 oke kakahiaka o kekahi la ae. Ma ia la hookahi no hoi ua loaa aku na palapu mai ka makou mau pukuniahi kaua moana maluna o ka papu “H”
TAKAHIRA.”
Ka Hooiaio e Lawa Pono ai
-------------
E PONO KE KAMAAINA O HONOLULU A AE I KEIA HOOIAIO
----------------
O ke kanaka nui Sir Isaac Newton, kekahi o na kuhikuhi puuone a ke ao nei i hoopuka mai ai nona,ua po’a aku la oia ma ka pa-papa he puka nui e poholo pono ai kana popoki nui e hiki ai i ua popoki la ke hele i na kihapai elua a pela no hoi he wahi puka uuku kupono no na popoki keiki e hahai ai mahope o ka popoki nui. O ka nawaliwali i ikeia ma ka hana a Sir Isaac mamuli no ia o ke nele mai i ka manao ole. O ka mea heluhelu e papaleo mai ana no ka hooiaio e waihoia aku ai pili i na HUAALE KUAHANEENEE AME PUUPAA A DOAN e hiki mai ai ika panina o na hooiaio o ka hooiaio oi ae mamua o na hooiaio ma o na olelo a keia kamaaina ua like kona pokole me na mana haawi kum e like me ka mea kilo-hoku i ka manawa ona e lilo ai i kamana.
Eia ka M.H.S. Sinton olelo o ke kulanakauhale nei e olelo nei: “He manawa loihi ko’u loaa ana i na ehaeha o ke kuahaneenee no na makahiki he 12 I ka maopopo ana he hiohiona o ke kuahaneenee ame Puupaa a Doan i hooiahala no ia ano ma’i. Ua loaa io ia’u ka oluolu a nolaila au i hoomau ai i ka ai ana i keia wa ua ola loa wau. Ua ike loa ia ka ikaika o na Huaale Kuahaneenee ame Puupaa a Doan ma ko’u ma’i a oia ka’u e haawi aku nei i ka hoolana manao i ka poe apau i loohia i keia ano ehaeha.
O keia Huaale Kuahaneenee ame Puupaa a Doan he kuaiia e ka poe kuai laau lapaau apau no 50 keneta o ke poho hookahi eono poho no $2.50, a i ole e hoounaia aku i ka loaa ana mai o ke kumukuai ia HOLLISTER DRUG CO., o Honolulu, na Agena Kuai Kukaa o ko Hawaii Paeaina.
===============
Ka Makana a ke Keikialii
-------------
I ke Keikialii Fushimi o Iapana i haalele iho ai i ke kulanakauhale o Honolulu nei a kaahele loa aku ma kana huakai no ka Ainamakua o kakou, ua waiho iho la oia he huina o $1,000 ma ka lima o ke Kanikeia Iapana Saito ma ke ano he makana no na hana puuwai aloha e hanaia ana ma Honolulu nei. He hapa o keia huina i waihoia no ka Hui Manawalea a o kekahi hapa no na hui manawalea o na Kepani.
O keia kekahi o na hana nana i hoike ae i na mea i lohe wale ia no na keikialii o Iapana, oia hoi ko lakou makaukau mau ma na ano apau e kokua i na hana maikai e hanaia ana, a he mea hoi keia nana i hookomo aku i na manao hauoli iloko o na poo aupuni o keia Teritore, mamuli o ke kaa mua ana na lakou e hoohanohano i keia Teritore, mamuli o ke kaa mua ana na lakou e hoohanohano i keia alii kiekie o Iapana i kipa mai i o kakou nei a ike i kona mau makaainana e noho pu nei me kakou. Aole oia i loihi loa ma ka aina nei aka o ka manawa i haawiia no na hana hoohiwahiwa a hookipa hanohano ana iaia aia ke hele pu la me ia. Ua waiho iho kipa a ko Honolulu ame ka nani o ka a ko Honolulu nei ame ka nani o ka aina. Ua mahalo no hoi oia ikona lohe ana eia kona mau makaainana ke hana nei ma na mahiko ma ke ano he mau limahana i kepa ole ia.
Mamua o ka Hiki ia Makou
Ke hoohana ia lakou o ke ano hao ame gula na mea mua e hoiei mua ia mai ka pauku ha ae. O ia rula hookahi ka mea hiki ke hoopoliia i ka ai@ akepaa o ka i’a cod. O ka ikaika o keia laau aole ma ka momona o ke akepaa. O na kumu hoomailo ame na kumu hoehaeha i uiu mai na ma’i like ole hoomailo kino ua loaa mai na haawina maikai ma ka hoopau ana i keia mau ino e ke cod liver oil. O na ano ikiiki mai na aalolo mai, ke ano maikai ole mai ka opuaiai mai, o na mea hohono hoonaluea i ka ihu ame ke poo ua lawa ia no ke kaomi ana i ka ikaika maikai i loaa iloko o ka laau no ka hapanui o kanaka. O keia aohe he mea e kamailio ai no ka maalahi i ka oihana hoowali ai a ka opu. Aia no he manaoio i loaa pinepine e pili ana i na mea waiwai nui iloko o ka aila o ke akepaa o ka i’a cod, he mau mea waiwai nui hoola hoi. Aka he mea kupono loa e mawehe ae i na ano lilina i hoohuiia me ia . A ua pau ia i ka hooponopono ia a maikai e ka.
WAMPOLES PREPARATIONS
A ma keia laau waiwai nui a i ano like kona ai ana me ka hone (meli) ua loaa pono ia makou ka waiwai nui a i ano like kona ai ana me ka hone (meli) ua loaa pono ia makou ka waiwai io o ka Pu@ Cod Liver Oil i hoohuiia me ke Compound Syrup o ka Hypophosphites. Extracts of Wild Cherry. O keia huina, he waiwai hooulu kino ia a hoomaemae koko a he mea hoano hou i ke kanaka e hiki ole ai ke hookuku ia me kekahi ano laau e ae. He haawi pio wale na ano mai’ apau i keia ano laau a me ka hikiwawe no hoi kana hoola ana, ke kumu o ka hoopuiwa ia o kekahi poe kauka e like me ka hauoli i loaa aku i ka poe i ma’i i hoolaia e ia. Aole e haule kana mana hoolulu a he ola maoli no ma ka holoi ana ae i na ma’i like ole o ka alaala, koko ino, la gripa, hanapilo o ka leo, ame na ma’i o ke akemama, a pela aku. Eia ka olelo a Kauka Louis W. Bishop: “Ke hauoli nei au ma ka olelo ana o ka loaa ana ia’u o kekahi laau i hoomakaukauia he laau i loaa na waiwai io apau o ke ano hoola kino, a he laau ono maoli no i ka ai ana.” O ianei ka mea oi loa i na laau e ae apau. He loaa ka oluolu i ka oolopu mua a he kuai ia ma na halekuai laau Iapaau apau.
HOOLAHA MANAO PANIKU A KUAI
-----------------------
KAPIOLANI ESTATE LIMITED
-------------
Malalo a i ole ma ka pono o ka mana o ke kuai i paa iloko o kekahi moraki i hanaia i ka la 10 o Iune, A.D. 1902, i hanaia hoi e Kapiolani Estate Limited, he hui i kukulu pono ia a e ku nei malalo o na kanawai o ka Teritore o Hawaii a e lawelawe hana ana ma Honolulu iloko o ka Teritore i oleloia, ma ke ano he mea moraki, ia Allen ame Robinson, Limited, he hui i kukulu pono ia a e ku ana hoi malalo o na kanawai o ua Teritore la o Hawaii i oleloia a e lawelawe oihana ana hoi @ Honolulu i oleloia, ma ke ano he mea paa moraki, a i kakau kopeia iloko o ka buke 236 a ma na aoao 261 a hiki i 265 ko Hawaii Keena Hoona Aina a e like hoi me na mea i hoakakaia ma ka Mokuna XXXIII o na Kanawai Ahaolelo o 1874, e pili ana i ke “Kanawai i hanaia no ke Kuai o ka waiwai morakiia me ka hoopii ole ame ke Kauoha o ke Kuai” ame ke Kanawai (Mokuna IX o na Kanawai Ahaolelo o 1890) e pakui ana ia mea hookahi, O allen ame Robinson Limited i oleloia, ma keia ke haawi nei i ka hoolaha ke manao nei e paniku i ka moraki i oleloia no ke kumu i uha’ila oia, hoi: no ka uku oleia o ke kumupaa ame ka ukupanee i paa ma ua moraki la i oleloia; ka wa e uku ai.
Ke haawi pu ia aku nei no hoi ka hooiaha o ka waiwai i hooliloia ma ua moraki la i oleloia e kuaiia aku ana ma ke kudala akea ma na keena kudala o James F. Morgan. Alanui Kaahumanu, Honolulu i olelo mua ia ae nei, ma ka Poaono ka ia 25 o Novemaba 1904, ma ka hora Umi-kumamalua (12) awakea.
O ka waiwai i hooliloia ma ua moraki la i oleloia oia no keia mau moraki malalo iho nei ame na palapala nota hoaie e pili pu ana ilaila, oia hoi:
1. O kela moraki i hanaia e Sarah Angus ia Kapiolani Estate Limited, ma ka la 13 o Iune, 1900, a i kakau kopeia iloko o ke Keena Hoona Aina ma ka buke 207 a ma na aoao 280 ame 253 pau pu me ka nota no Kanakolu-ku-mamahiku Haneri dala ($6,700) e pilipu ana me ia.
2. O keia moraki i hanaia e C.S. Crane ia Kapiolani Estate Limited ma ka la 19 o Iune, 1900 a i kakau kopeia ma ke Keena Hoona Aina iloko o ka buke 207 a ma na aoao 308 a hiki i ka 309, pau pu me ka nota o Umi-kuma-malima Haneri Dala ($1,500) e pilipu ana me ia.
3. O kela moraki i hanaia e Jesse P. Makaina: ia Kapiolani Estate Limited, ma ka la 11 o Augate, 1900, a i kakau kopeia iloko o ke Keena Hoona Aina o ke Aupuni iloko o ka buke 215 a ma na aoao 72 a hiki i ke 74, pau pu me ka nota no Elima Tausani Dala ($5,000) [aia hoi iloko olaila he Kanakolu-kuma-malima Haneri Dala ($3,500) ma ke ano he kumupaa e ku nei i ukuoleia] e pili pu ana me ia.
N.B. O kela mau mahele o ka aina i hooliloia ma ka moraki hope i hoikeia ae nei i hoakakaia ma ka (1) palapala hoolilo a Kapiolani Estate Limited ia J.P. Makainai i hanaia i ka la 18 o Sepatemaba, 1901, a i kakaukopeia iloko o ka buke 226 ma na aoao 375 ame 376 (2) ka palapala hoolilo i hanaia i ka la 29 o Sepatemaba, 1901, mai ia Kapiolani Estate Limited a ia J.P. Makainai, i kakau kopeia hoi iloko o ka buke 227 a ma ka aoao 385 ame (3) palapala hoolilo i hanaia i ka la 21 o Sepatemaba, 1903, mai ia Kapiolani Estate Limited ia J.P. Makainai i kakau kopeia iloko o ka buke 252 a ma na aoao 113 a hiki i 115 ua hookuuia mai ka hanaia ana o ka moraki i oleloia.
ALLEN AND ROBINSON, LIMITED.
Mea Paa Moraki
Ma ke kuike a ma ke dala gula Amerika ka makemake a ma ka aoao o ka mea kuai mai na lilo palapala apau.
No na mea i koe e ike ae ia Holmes ame Stanley, na Loio o ka Mea Paa Moraki.
Hanaia i keia la 31 o Okatoba, 1904.
3010—Nov. 4, 11, 18, 25.
--------------------------------------------------------------
HOOLAHA HOOPAU HUI
KOLOA WINE CO.
---------------
O ka hui e ku ana mamua aku nei mawaena o C.W. Spitz M. Rosenbledt ame James McLellan, malalo hoi o ka inoa hui Koloa Wine Co., ma keia la ua hoopauia ma o ka aelike ana, o Mr. Rosenbeldt ka i haalele mai. O ka hui i keia manawa mawaena no ia o C.W. Spitz, James McLellan ame C.B. Hall, a aia hoi ia lakou na loaa apau. O na aie e ku nei e hookaaia ae ia lakou.
C.W. SPITZ,
M. ROSENBLEDT,
JAMES MCLELLAN,
Honolulu, Okatoba 24, 1904
3039----Oct. 28, Nov. 4
HOOLAHA PONO WAI
--------------------
IMUA O KE KOMISINA O NA ALANUI LIILII AME NA PONO WAI.
MOKUPUNI O OAHU, E HOOHUI ANA I NA APANA LUNAMAKAAINANA EHA
AME ELIMA. HOOLAHA HOOPONOPONO WAI.
-----------------------
Ma ka pono o ka mana i hookauia mai maluna o’u ma ke ano he Komisina o na Alanui Liilii ame na Pono Wai no ka Mokupuni o Oahu nei, e huipu ana na Apana Koho Lunamakaainana Eha ame Elima, Teritore o Hawaii, Ma keia ke haawi aku nei wau i ka hoolaha ma ka ia 21 o Novemaba. A.D. 1904 ma ke Keena Hookolokolo o Lunakanawai J.T. De Bolt iloko o ka Halehookolokolo ma Honolulu, Mokupuni o Oahu, e hoolohe ana wau a e hooholo ana hoi i ka hoopaapaa pono wai i hoomakaia e Harriet E. Wight, mea hoopii vs. (ku-e) i ka The Dowsett Company, Limited, Ah Chong, Ah Sam, Chun Loke, Mrs. Kaluka Elekula, John Hookano Manaia ame Geo. Kawahalama Manuia na poe ma ka aoao pale no ka hooholo ana i ka mea i kuleana i na pono wai apau loa e kahe nei a i ole i loaa ka pono e kahe iloko o kekahi auahawai kahiko a auwai i ikeia ma ka inoa “Auwai o Kukuiholiilii” i loaa hoi kona wai e kahe ana mai ke Kahawai o Nuuanu, a oia kahawai hoi i oleloia ke holo nei ma ke Awawa o Nuaanu, Mokupuni o Oahu, ma ka aoao hikina o ua awawa la, a no ka hooholo ana no hoi i ka mahele kaulike ana o na wai i oleloia, a no ka hooponopono ana i na loina e loaa mai ai ua pono wai la i oleloia ame ka noho mana ana i kona wai e kahe ana no a ma ka aoao o na mea kuleana ia mea.
Ke haawi hou aku nei no hoi wa i ka hoolaha i kela ame keia mea kuleana aina, mea e noho ana iluna o ka aina, a i ole i kekahi mea okoa i loaa ka pono iloko o keia hoopaapaa i hoikeia ae nei e hele ae ma ka manawa ame kahi i olelo mua ia ae nei no ka hooialo ana i ko lakou mau pono i na wai o ua auwahawai kahiko la i hoike-mua ia ae nei, a o na mea e ae i pili iloko o keia ninau hoopaapaa wai i oleloia e like me ia i olelo mua ia ae nei, a i ole o na pono o ia ano hooponoponoia aku ana me ka hiki ole ae o kekahi mea iloko o ua aha la, e hooleia no lakou a e papaia hoi no ka wa mau loa mai ke koi ana a hoohaiahala ana iloko o keia hooponpono i oleloia.
Haawiia mai maloko o ko’u lima i keia la 12 o Okatoba A.D. 1904.
EMMA M. NAKUINA,
Komisina o na Alanui Liilii ame na Pono Wai iloko a no ka Mokupuni o Oahu, e hoohui ana i na Apana Koho Lunamakaainana Eha ame Elima.
3037---Oct. 14, 21, 28 --- Nov.4
-------------------------------
HE OLA NO KA PUU EHA—O ka hanapilo, a o ke kamaiki e loaa ana ia ano he hiki no ke kohoia aku ke kokoke mai la ka puu eha e loaa iaia. Mana Agena ma Hawaii nei.
Laau i hoike mai i kona moolelo maikai e like me keia laau—a ua oi aku hoi mamua o kanakolu makahiki o ka hoohanaia ana o keia laau me ka loaa ole mai o kekahi hoohalahala. Ke kuaiia nei ma na halekuai laau lapaau apau. BENSON, SMITH & CO., LTD., hoailona mua loa no ka puu eha oia ka hope aku o keia hanapilo e hoomaka ana ka puu e kalakala a kunu mai hoi me ka aaki. Ina e haawiia ka laau Chamberlain’s Cough Remedy mahope o ka puka ana mai o ka hanapilo e kaupaleia no ka loaa ana mai i ka puu eha. Eia keia laau ke hoohania nei ma na home apau ma keia aina nui a aole hoi he manawa i loaa aku ai ke kaumaha maluna o na makuahine no lakou na kamaiki i loaa i keia haawina. Aole loa makou i lohe mai i kekahi hoohalahala ana e pili ana nona. Aole he
HOOLAHA KUMAU
------------------------
Kakela me Kuke
(KAUPALENAIA)
--
Poe Kalepa ma ke Komisina
:: A HE ::
POE LAWELAWE KOPAA
------------
Poe Agena no na Ma Hiko Lehulehu
----------------------
Hui Alahao ame Aina o Oahu
MANAWA @
Oct. 6, 1904
(drawing of train)
MAI HONOLULU @
No Waianae, Waialua, Kahuku @ na wahi hoolulu ma ke ala@
*9:15 a.m., *3:20 p.m.
No Pearl City, Ewa Mill, ame na @
Hoolulu ma ke alahao @
*9:15 a.m., *11:05 a.m. @
*3:20 p.m., *5:15 p.m. @
!11:15 p.m.
MAI WAHO MAI
Ku i Honolulu mai Kahuku. Waialua ame Waianae mai *8:36 a.m.
*5:31 p.m.
Ku i Honolulu mai Ewa Mill ame Pearl City mai ---!7:46 a.m. @
10:38 a.m., *1:40 p.m., *4:31 p.m.
*5:31 p.m., *7:30 p.m.
*Kela ame keia la,
!Sabati wale no,
!Koe ke Sabati
G.P. DENISON
Lunahoohana
F.C. SMITH,
G.P.& T.A.
---------------------------
Na Papale I – e Nunui
O na Lede ame na K@on@m@na o @ ano hou e loaa no ma ka@
FUKURODA
Helu 28-32 Alanui H@
--------------------------------
HUI HOOLEWA HONOLULU
-----------------
Ke hooiaio nei keia hui i kona @ hana kokua i kona mau lala. I k@ wa ua oi mamua o 1300 lala, a ke @ mau nei i kela ame keia la.
J. H. THOWNSEND Kakauo@
--------------------------------------------------
Ina He Makemake
-KOU I KA—
Lauoho Maikai
E Heluhelu i keia
Malia paha ke pau nei kou @ ka helelei, a koe kaka@ E @ i ka iaau mamua o ka @ i ka helelei, e hana i laau i ulu@ ai. O ka laau
“Laau Hooulu Lauoho a Ayer’s
Ka mea e @ uiu hou @ kauoho ke ulu mai, a @ Ina he nawali ka ulu @ oho, o ka
“Laau Hooulu Lauoho a Ayer’s”
ka mea e manoanoa a @
ke loaa i keia laau @
lelei ana. I na he paha @
ke Kepia, o ka
“Laau Hooulu Lauoho a Ayer’s
ka laau e pau ai a mae@
Ke loaa i keia laau e h@
ulu ana o kou lauoho@
kou wa bebe
H@omekaukau ia e Kauka @ & Company, Lowell, Mass @ E loaa no keia mau Hua@
Hale Kuai Laau o Ho@
Papu
Ke Hamama nei ka Home o na I’a Ola
--I KEIA MANAWA MA—
Kapiolani Paka
E WEHE HAMAMA IA ANA KA HOME O NA I’A ma na la apau o ka hora 5 p.m. ,
a mai ka ho@ i ka hora 9:30 p.m.
Ma na La Sabati e wehe @ ka hora 1 p.m.
E WEHE HAMAMA IA A @
Poaha apau me ka AUHAU @ na la e ae e auhau ia no he@ keneta no na kanakamakua a he 5 keneta @ no na keiki mahalo mai o uma-ku@ maha makahiki.
(very large drawing of a ship)
KO BERITANIA NUI AUMOKUKAUA O KE KAIWAENAHONUA
(caption)