Ka Nupepa Kuokoa, Volume XLII, Number 45, 4 Nowemapa 1904 — Page 6
| This text was transcribed by: | Rosemary Robinson |
| This work is dedicated to: | To the Hawai'ian People |
Ka Nupepa Kuokoa
KE KILOHANA POOKELA NO KA LAHUI HAWAII.
POLALIMA. NOVEMABA 4, 1904
He Ili Nani Lima A'ia'i
: ME KA :
LAUOHO ULIULI
KA HUA O KE
Kopa Cutikura
HE MILIONA A OI ka nui o na wahine e auau mau nei me keia KOPA CUTICURA no ka malama ana, hoomaemae ana, ano ka hoonani ana i ko lakou ili, i pau ai ka papaa o ke poo, ka unahi-pii, a i mea no hoi kekahi e pau ai ka helelei ana o ka lauohe, a i hoopalupalu, hoa'ia'i a me ka hoeu'iu'i ana i ka ili o na wahi i hele a manoanoa i ka hooikaika i ka hana, e like me na lima, a peia no hoi e hoopau ai i na eha, ma ka holoi ana i na wahi eha me keia kopa, i ole oi e ike i ka aai me ka welawela; i ole no hoi e hou nui, ma ka holoi ana i na wahi pehu a palahehe; a he oi loa aku ka waiwai nui o keia kopa i na makuahine e lawelawe ana i na hana lehulehu i pili i na keiki a me lakou iho no hoi, a i na wahine no a pau; a he kupono loa no hoi keia kopa no na wahi auau a pau. O ka poe i ikemaka i ka mai kai o keia kopa, aole loa lakou e ae iki ana e hoao i kekahi kopa okoa aku, ke koiia mai; ina no e oieloia ana, he kupono ia ano okoa aku no na mea e pili ana i ka ili, ke poo a me ka lauoho o na hehe a me na keiki. Ua loaa mai keia waiwai nui o ke KOPA CUTIKURA mailoko mai hoi o keia iaau hoola ikaika loa i kapaia, KUTICURA, oia ka laau ikaika loa ma ka hoola ana i na popilikia a pau e pili ana i na mea ika loa i ka pale ana i na mea ino, a he loaa no hoi ke ala maikai o na puailoko o keia kopa. Aole loa e hiki ke hoohalikeia mai kekahi ano kopa e aei hoohuihuiia e ke akamai o kanaka me keia kopa, ma kana mau hana ma-lama, hoola, a me ka hoou'iu'i ana i ka ili, a pela aku. Pela hoi i ka ili oke poo, ka lauoho a me na wahi e ae.
Aole no i lihi launa mai na kopa ona aina e me keia, no ka auhau ana a me ka hana o na keiki liilii. Pela ihoia i lilo ai ka waiwai o na kopa a pau i HOOKAHI no ke KUMUKUAI hoo-@@@, a ne Helu Ekahi keia Kopa no na poino o ka ili a me kahi auau, a hehelu ekahi no hoi no na kamilii a puni ke ao nei.
NO KA HOOLA LOA ANA I NA ANO PEHU A POHAKA PALAHU MA NA WAHI A PUNI KE KINO, e hoomaemae i ka palapu me ke kopa CUTICURA i pau ai ka paapaa lepo a ano e ae paha o ka ili, a pela hoi ke poo, i pau ai ke kepia a me ka papaa piele, alaila, e hooma-u i kahi eha me ka Aila Hamo CUTICURA i mama ae ai ka akiaki ana a ka hu'i a me ka ehaeha, a pela hoi e hoohana ai ka laau i kana hana a ola ka eha, alaila, e inu ka Laau Inu CUTIKURA i mea e mae mae ai ke koko maloko. Ke kuaiia ne keia laau ma na wahi a pau o ka honua nei. Ma Aukekulia: o R. Towns & CO. e Sydney, N.S. W. ko laila Agena; ma Aferika Hema Depot: Lennon, Ltd. Na "Hoakaka no ka Hoola ana i na Bebe a me ko lakou mau ki@@ @@@@ he loaa wale no me ke kuai ole.
Ke Hamama nei ka Home o na l'a Ola
- I KEIA MANAWA MA -
Kapiolani Paka.
E WEHE HAMAMA IA ANA KA HOME O NA I'A ma na la apau o ka pule mai ka hora 10 a.m. a hiki i ka hora 5 p.m., a mai ka hora 7 a hiki i ka hora 9:30p.m.
Ma na La Sabati e wehe ia ana ma ka hora 1 p.m.
E WEHE HAMAMA IA ANA MA NA Poaha apau me ka AUHAU OLE. Ma na la e ae e auhau ia no he 10 keneta no na kanakamakua a he 5 keneta hoi no na keiki malalo mai o uni-kumamaha makahiki.
He Huaale Maikai
Aole he like o na
"HUALLE A AYERS."
me na huaale e ae no ka mea he mau huaale kokua keia i ka hana a na naau, a he laau hoomaha maikai loa hoi. Ina he paa kou hanalepo o na "HUAALE A AYERS."
ka laau e hemo maikai ai, a e hemo maikai mau ana hoi mahope aku oia manawa.
Aole loa he hiki i kekahi kanaka ke Olelo ae he maikai kona ola kino ina aole he hemo o kona hanalepo ae hookehi manawa o ka la, a oi aku paha. Ina i maopopo keia kanawai o ke ola i na kanaka apau, aole loa e like ka nui o ka poe ma'i me ka mea e ike ia nei i keia mau la.
Ua hana ia owaho me ke kopaa he maikai loa ka lawe ana.
Aohe mau Huaale i oi ae ka maikai mamua o na
"HUAALE A AYERS."
Hoomakaukau ia e Kauka J. C. Ayers & Company, Lowell, Mass., U.S.A.. E loaa no keia mau Huaale ma ka Hale Kuai Laau o Hollister, alanui Papu.
Iwakalua mau kumu Kupono e Koho Pololei ai i ka paa Paloka Repubalika.
NA KUMU KUPONO E KOHO POLOLEI AI I KA PAA
1. He koho ana ia no ka HOOBALOTA REPUBALIKA. MAKAULII
2. He koho ana ia no ka HOLOMUA.
3. He koho ana ia no ka HOOPONO.
4. He koho ana ia no ka HOOKUIKAHI.
5. He koho ana ia no na AUHAU HAAHAA.
6. He koho ana ia no na ALANUI MAIKAI.
7. He koho ana ia no ke OLAKINO MAIKAI.
8. He koho ana ia no na UKUHANA MAIKAI.
9. He koho ana ia no na KULA MAIKAI.
10. He koho ana ia i AUPUNI MAIKAI.
11. He koho kue ia i ka NINAU ILI.
12. He koho kue ia i ka UHAUHA.
13. He koho kue ia i ka HOONAHAHA.
14. He koho kue ia i ka LIMAHANA LAHUI E.
15. He koho kue i ka HUNE O KA AINA.
16. He koho kue i na OLELO HOOPAA OIAIO OLE.
17. He koho kue i ka mea HAWAWA.
18. He koho kue i ka HOOLOLOIAHILI.
19. He koho kue i na UKUHANA HAAHAA.
20. He koho kue i na PALAUEKA.
KE KUPONO O KEIA MAU KUMU.
1. HOOMAKAULII.
O kekahi o na hoike ikaika loa e kakoo ana i ka Hooponopono Aupuni Repubalika oia hoi ke oki ana a i ole ma kekahi olelo ana ae ua hookaulikeia ke ana hoolilo maloko iho o na loaa o ka Teritore. Aole he hoike maopopo e ae mawaho o ke ano o ka hoemiia ana o na lilo i ka makahiki i hala ae nei, e hoihoi iho ana hoi i na lilo ilalo ma kahi i manaoia i na makahiki i hala aku he hana hiki ole, e like me ia e ku nei.
Me ka ahaolelo Repubalika noonoo akahele, e hana ana me ka lokahi me ke Kiaaina a e lawe ae ana hoi i kana papa hoonohonoho o na lilo i hooponoponoia e ia ua hiki no ke hoemi hou ia iho na lilo e ika ai ka poe hookaa auha i ka waiwai oia hana ana.
2. HOLOMUA.
Ma keia poo, eia hou no ka aoao Repubalika ke hoike hou nei i kona kupono. Aole loa i ikeia iloko o ka moolelo o keia Paemoku ka holomua iloko o na makahiki elua e like me keia e nee nei. A o keia holomua hoi ke nee nei iloko o ka wa hune o ka aina a kakou e noho nei. Ua nani ae ko kakou mau alanui, ua maikai ae ko kakou mau halekula, o ko kakou mau alahaka ame na uwapo kumoku ua maikua, ae i kno na wa i hala.
3. HOOPONO.
O ka moolelo o na kanaka i waeia ma na paa balota Repubalika ma na Apana apau he mea hiki ole ke hoinoinoia. O lakou ka poe kupono i loaa iluna o ka aina i oi ae hoi ko lakou maikai i ko na paa balota Democarata a i ole Home Rula.
4. HOOKUIKAHI.
O ka lanakila o ka paa balota Repubalika oia no ka loaa ana o ka Ahaolelo e hookuikahi ana iaia iho ame ka hooponopono aupuni.
5. NA AUHAU HAAHAA.
O ka hoomakaulii ma ka hoolilo ana he hookoe ana ia i na loaa ma ka waihona e ikeia ai e ka poe uku auhau me na manao maikai. Aole o na pa-keneta ke hoemiia ana, aka e hiki ana ke hoemiia na huahelu o na makahiki i kaahope ae nei, he huina emi iho hoi no ka hoonee ana aku i ke aupuni.
6. NA ALANUI MAIKAI.
Aole keia he mea e hoakaka aku ai, oiai aole he makaainana, ina ia e holo ana maluna o ke kaa a i ole peki wawae paha i nele ka ike ana i na hana hou i hanaia a e hana ia nei hoi i keia mau la. E koho i loaa na alanui maikai.
7. OLAKINO MAIKAI.
Ua ike no kakou aia ka holomua o keia Teritore maluna o ka hiki ke hoike aku i ko kakou olakino maikai. Aole he mea e noho nei i keia manawa i makemake e kau mai na haawina o 1900 eia nae oia ana ka kakou e hana ai ina kakou e hoonoho aku ana i Ahaolelo e lokahi ole ana me ka lawelawe aupuni e ku nei. O ka loaa ana o kekahi Papa Ola maikai e kakooia ana e ke Kiaaina Maikai e noho nei ame ka Ahaolelo Repubalika oia iho la ka kakou e hiki ai ke hilinai no ka hoomauia o ko kakou olakino maikai.
8. UKUHANA MAIKAI.
Heaha aku ka mea ano nui ia kakou mawaho aku o keia? Ina e loaa ana i ka limahana ka ukuhana maikai no kana hana, e hoolilo aku no oia ia mea i ke kanaka kalepa a e loaa like no ka pomaikai i na mea apau. Ua hoopaaia ka aoao Repubalika no ka ukuhana maikai i na limahana kupa. Ke makemake nei anei oe e paa iloko o ka moolelo i kou kue ana i keia? Ina aole pela alaila e koho pololei i ka paa balota Repubalika.
9. NA KULA MAIKAI.
Ke ku nei ka aoao Repubalika no ka hoonaauao ana ma na wahi apau i ikeia mai ai oia. O ke koho ana i ka paa balota Repubalika he koho ana ia no ka pono holomua o kau mau keiki, i hookahuaia maluna o ke kahua hoonaauao maikai.
10. AUPUNI MAIKAI.
O keia iho la ka ke apo o keia mau mea apau. O ke aupuni maikai oia no na mea i hoikeia ae nei maluna. Ua loaa ia kakou ke aupuni maikai i keia manawa i ko ka wa i hala a ke pii mau nei kona maikai. Aole he kanaka noonoo akahele, aia wale no a he wahi niania kona ana i manao ai e panai aku, i loaa ole ke ake e kakooia aku o Kiaaina Carter ma kana hana maikai e hana nei. O ka hana wale no e hooia aku ai i ke kakoo ana iaia oia ke koho ana i Ahaolelo Repubalika. O na aoao e ae ame na moho koho Kuokoa ua hoopaa lakou e paio aku i ke Kiaaina. Mai haawi i kou kakoo ana no lakou.
11. NINAU ILI.
Eia na Democarata ame na Home Rula ke waha-a mai nei ma na halawai a lakou o ka ninau oia hoi mawaena o na Hawaii ame na Haole; ma kekahi olelo ana ae e kauia ka laina o ka ili o ke kanaka i ninau; ke koi mai nei hoi e hana pono ole ia a haalele i ka noonoo pono ana. Aole i ikeia ia mea he ninau ili ma ka aoao Repubalika o ke kanaka he kanaka no ia ilokoo ka pohai Repubalika; a o ka naauao oia kana aole o ka ninau ili. Mai huli aku i na ninau i make kanuia o na wa i hala i loaa mai na ono no ko lakou mau hemahema. E kau na maka imua a e koho no ka holomua ame ka hoolaupa'i ana i ka aina.
12. UHAUHA.
O ka Ahaolelo o 1901 oia ka mea nana e hoike mai ia kakou i na mea e loaa mai ana ia kakou mai na Home Rula mai a aole hoi he mau kumu a kakou e manaolana aku ai e loaa mai ana he mau pomaikai mai na Democarata mai. O ka kakou i ike ai o na kanaka i waeia ma ka paa balota o keia apana he poe lakou i hiki ke hilinaiia aku no ka malama ana mai i na pono o ka poe Hookaa Auhau ma ka hoolilo ana o na dala apau a no ka ike ana hoi ua loaa mai he ola no ia mau dala i hoolilo ia me ka piha pono.
13. HOONAHAHA.
O ka Ahaolelo Home Rula-Democarata he Ahaolelo ia e paio kue ana i na hana maikai a ka hooponopono aupuni e lawe mai ai; o ka manao hoi oia he Ahaolelo loihi me ka uuku o na mea loaa a he ole no paha; aole wale oia, aka, he Ahaolelo e lokahi like ole ana iwaena iho ona. Ke makemake nei anei oe e ike i keia ano Ahaolelo? Ina aole e koho i ka paa balota Repubalika me ka pololei.
14. LIMAHANA LAHUI E.
Ua lawe ae ka hooponopono aupuni i ke kahua ikaika e kue ana i ka hoohanaia ma na hana aupuni i na limahana o na lahui E a aia wale no ka loaa aku o na hana a o na kupa maoli a i ole o na kanaka i kupono e lilo mai i mau kupa. Ua like ka manao me ia o ka aoao Repubalika wale no ka mea nana e hoomau aku pela.
15. HUNE O KA AINA.
Ma ke koho ana i kekahi Ahaolelo e noho lokahi ole ana me ka Mana Hooko o ke Aupuni e hiki mai ana kekahi kau popilikia a uluku o na manao - e wiwi ana na waihona a o na dala i hoopukaia no ka huli waiwai ana e laweia ana lakou mai ka holo ana i o a i o - o ka nee ana o na hana kalepa e pakuia mai ana - a hiki ana no ko kakou hoaie ke hoopukaia, ina e hiki ana,ma na kulana emi iho a e lilo hou ana na hoaie kuloko iloko o ka lima o ka poe waiwai e hamama mai nei ko lakou mau waha e like me ko ka mano i makaukau e ale aku me 10 pa-keneta ukupanee noka mahina hookahi no ka hoolako ana mai ia oe i ke dala.
O ka hana hiki wale no ke kaupale aku i keia ano oia ka hana lokahi ana o na lala o ke aupuni e like me kekahi hui kalepa hookahi a ua hiki ke loaa mai keia kulana ma ke koho wale ana no i Ahaolelo Repubalika.
16. NA OLELO HOOPAA OIAIO OLE.
Aole i hoopaa aku ka aoao Repubalika e hana i na hana hiki ole ke hanaia. Aole ia i hoopaa aku e hooponopono i na Kanawai Federala, aole no hoi ia i hoopaa aku e hoihoi hou i ke Aupuni Moi - o na kanawai o keia ano aole lakou iloko o ka mana o ka Ahaolelo Moi - o na kanawai o keia ano aole lakou iloko o ka mana o ka Ahaolelo Teritore no ka hooponopono ana. Aole i hoopaa aku ka aoao Repubalika a oi aku mamua o kana i ike ai aole e hiki ke hanaia a e kana i ike ai aole e hiki ke hanaia a e hana aku ana pela a e hoao ole ana hoi e alakai lalau i ka poe koho no ka manao e lilo mai ko lakou koho ana.
17. HAWAWA.
Owai ka mea i makemake e ike hou aku i kekahi Ahaolelo e hoolilo ana i kona manawa maluna o ka Bila Ilio Wahine - e hoao ana hoi e kapae ae i na Rula Hooponopono o ko America Papa Ola - e hoopaapaa wale ana hoi maluna o na pono pilikino.
Owai ka i makemake i Ahaolelo nana e hoopiono i ko kakou kulana imua o na maka o ka aina makua, e hoolilo ana hoi ia lakou e manaoio mai he poe hawawa kakou, oiai no nae he poe kakou i like ole me ka poe hihiu a naaupo a he poe naauao hoi kakou i like aku no me ko ka aina makua ka naauao. Owai ka i makemake e ike i na kanaka makaukau ole ma kahi o ka poe makaukau e hana mai i ko kakou mau kanawai. Ina aia kehai mea ke kali nei o ka hoala hou ia mai o keia mau mea he makemake ole kona e koho i na Repubalika no ka mea he pe kanaka noonoo maikai lakou a e hookupono ana ia kakou imua o na maka o ke ao nei a e hana ana hoi i na mea i hiki ia lakou e hoopau ae i na mea oiaio ole e puka nei no makou.
18. HOOLOLOIAHILI.
Mai hoololoiahili - oia hoi mai ku wale - e kikoo aku imua a hoao e hooponopono i na mea apau nou iho ame ke Teritore - e koho i na kanaka noonoo akahele i hiki hoi ke hilinai aku e hiki ana i a lakou ke hoano hou ae i na kulana ma ka lawelawe Ahaolelo naauao ana - e koho i ka paa balota Repubalika oiai ma ia ano e loaa ai na kanaka kupono - e ike oe ua hookomo ae oe i kou balota ma kahi e loaa mai ana na kokua a e akeakea ole ia ai ka nee ana o ke aupuni imua i ka holomua - e noonoo mua mamua o kou koho ana aole hoi mahope a aole au mea e hoahewa ai.
19. UKUHANA HAAHAA.
O ka holomua o ka aina e uhai aku no na ukuhana maikai a o ka wa hune he ukuhana haahaa kona i ike mau ia a i kekahi manawa lehulehu aole no oiai aole he hana e loaa ana. O ka holomua he hoike ana ia aia he hana no na mea apau - o ka wa wi hoi aia he hana no na kanaka he umi a i ole he iwakalua wale no - o na kanaka he umi e koi ana ia hana hookahi o ka hua e loaa mai ana o ke kanaka haahaa o ka ukuhana ke loaa ana ia hana - ina o ka loaa o ka hana i na mea apau oia iho la kou makemake e koho oe i ka paa balota Repubalika a e loaa ia hana - ina hoi he makemake kou i ka paio aku me na kanaka eiwa no ia hana hookahi alaila e koho oe i na paa balota o na aoao e ae a e loaa no ia oe i manawa e hakoko ai.
20. NA PALAUEKA
Mamuli o ka loaa ole ana iluna o ka paa balota Repubalika a i ole kona Kahuahana paha e hiki ai ke kalele iho na kue ana eia na aoao kue ke hoolilo nei ia lakou iho ma ka palaueka e kue ana i ke Kiaaina oiai he Repubalika oia e hana ana i na hana apau imua o ke akea. Aole he mea i maopopo heaha laka mea e loaa mai ana ma keia hana a lakou e hana mai nei, o lakou no kekahi e ike nei ia mea oiai ua maopopo no ia lakou o ko kakou Kiaaina, e like hoi me ko na Teritore e ae, ke hookohuia nei mai Wasinetona mai a eia oia ke uhai nei i ka papahana e koi ana i ka hoopono ma na hana o ke aupuni a o keia ka mea nana e hooikaika mau nei iaia i na la apau imua o ka Peresidena. Malia paha o ko ke Kiaaina hookuke ana i ka poe hana hewa oia paha ke kahua oiaio o keia mau hailuku ana iaia. Ua ike lakou me Carter e noho poo ana maluna o n@ mea apau iloko o keia Teritore he mea hiki ole i kekahi luna aupuni ke lilo i mea e pono ai na hana pono ole pili pakahi wale no.
O ka Ahaolelo hoopono e kakoo ana i ke Kiaaina Hoopono oia ka ka Apana Eha o na Repubalika i hooholo ai a ma ia ano lakou i wae ai i ka lakou mau moho a o ke koho ana o ka lehulehu oia iho la ka hoike ana i ka naauao o ko lakou waeia ana. O keia paa balota oia ka paa i kupono e kohoia ma kona ana maoli a aole hoi ma na palaueka wale no e hookomo aku ai iloko o ka poe koho i ka manao o ka eleele he keokeo ia. O na kanaka hoopono a noonoo akahele oia ka i makemakeia a o na kanaka hoopono a noonoo maikai aia maluna o ka paa balota Repubalika no ko oukou koho mai. Aole he koho ana no lakou e nele ole ai ka hoapono ana iho o ka poe koho i ka maikai ana o ka lakou koho ana. Aole loa he kanaka e ku iho ana a noonoo no ka pono o keia Teritore e hookomo ana i kona balota ma kekahi ano okoa koe wale no ke KOHO POLOLEI ANA I KA PAA BALOTA REPUBALIKA.
NA ANOAI O NA LAI ELUA A KA MANU.
Ka Nupepa Kuokoa Aloha oe: - E oluolu mai ia'u e hoike aku i na mea ano nui o ka la 21 o Oct. nei. oiai ua hiki mai na moho o ka Home Rula ma Kaunakakai nei. oia o D. H. Kahaulelio, J. Kumalae ame ka moho Elele C. Notley, ma ke ahiahi o ka la 21. a noho ka Ahahui Home Rula ma Kaunakakai hora 9. Na George Kekipi i hoomalu i keia Ahahui a me ia auna hookahi no hoi o J. N. Uahinui ka loio kaulana o ka Mokupuni o Hina. Eia ka mea apiki, he wahine wale no ka poe nana i hoolohe ame na elemakule, o ka poe kupono i ke koho paloka piha kui owaho aole i komo iloko e hoolohe ai. O ka Ninau pehea la i komo ole ai ka lehulehu e hoolohe i ka lakou kalaikii ana oiai he 45 inoa o Kaunakakai nei i paa i ka buke a ka poe kakauinoa. O kekahi keia o ka apana hilinai i na la i hala i ka aoao Home Rula. I keia po hoi he mau po paha keia i ka Helu Hawaii ia Ole Kukahi a hiki ia ole pau oki ioa no. Ua ike no paha he moe waa ka po, he ahu iho ko ke ao. O ka mea apiki he ekolu hora ka haiolelo ana o keia poe.
O ka Lunamakaainana, J. Kumalae oia ka oi o ka kualehelehe ame ka hoino pu i ka Elele J. K. Kalanianaole, i ka elele uhauha inu rama paa i ka hopu ia me ka olelo mai he $500,000 dala i moraki ai kona waiwai hemo ai ke keikiallii kona mea ia e hooikaika nei i ka Elele Repubalika i kaa ke dala. He keu keia a ka hoopunipuni ino loa a keia poe Home Rula mai koho kakou ia lakou nei he imi loaa ka lakou nei hana. Ina paha aole i make o Mio Kahukula Sabati o Hawaii, komo ia ini pakeke la. He hewa ka hoi oe i ka aoao Repubalika he ola hoi kau, na ia aoao e loaa mai nei ka hana ia kakou aohe na Home Rula lalau. I keia poe lalau haalele ia aku na Poka gila oia o Hon. F. W. Beckley ame Pohaku kumu oia o Senatoa E. Kaiue. E umi ka hanu a ka la koho.
Ma keia mau matelia hooni puuwai ko'u hialaai i ike mai ai na aoao e hoino nei ia Repubalika.
Me na keiki hooni o ka mikini ko'u welina nui.
Kiu Mea Hou, L. M. KULUIPO. Kaihuanau, Kawela.
KIA HOOMANAO NO KUINI
Ke aneane loa aku nei e pau na hana hooponopono i ka hale pohaku hou e hanaia nei ma ke kahua o ka Halema'i Moiwahine. O keia kekahi o na hale nani a oluolu hoi no ka poe ma'i e noho aku ana iloko olaila.
E nui ana na lumi e noho ai o ka poe ma'i, a e hiki ana i ke kanahakumamalua moe oloko o keia hale, a e hookomoia aku ana iloko o keia mau keena na lakohale hou i kupono no ka hale ma'i. Aia no hoi he lumi kaha kanaka ame ka lumi waiho laau, a malaila e waihoia ai na lako laau ame na pono kaha kanaka.
Ma na mea maopopo i ikeia ae nei o C. R. Bishop ka mea nana e lu nei i na kokua ana no keia hana, a oia hoi ke kumu o ka holopono ana o ka hana kukulu i keia hale, ame na lako hale e hookomoia aku ana.
Eia no hoi kekahi poe Hawaii kahiko o ke au o ka Moiwahine Emma Kaeleleonalani ke manao nei e hookunu ae i keia hana ma ka lawe ana ae i kekahi mau lumi na lakou e hoolako. Oiai o keia ka halema'i i kapaia ma ka inoa o ko lakou Moiwahine i hala, pela keia poe Hawaii i manao ai e hookupu ae no keia hale i hoike no ko lakou aloha i ka mea i hala.
He MAKEMAKE NA KAMAIKI E LAWE IAIA. - O ke kopaa maemae loa oia kekahi o na mea i hanaia ai ka laau Kumu a Chamberlain, a o ke aa laau i hoohanaia kona wai momona oia ka mea nana e hoola i ano like aku hoi me ko ka hu laau a na keiki e ai mau ai. He makemake na kamaiki e lawe i keai ano laau a aole hoi he mau poino e loaa mai ana mahope aku. He ola kana a he ola hikiwawe hoi. Ke kuaiia nei ma na halekuai laau lapaau apau. BENSON, SMITH & CO., LTD., na Agena ma ko Hawaii Paeaina.
Kakela me Kuke
[KAUPALENAIA]
Poe Kalepa ma ke Komisina
:: A HE ::
POE LAWELAWE KOPA@
Poe Agena no na M@ hiko Lehulehu.
Hui Alahao ame Aina o Oahu
MANAWA HOLO
Oct. 6, 1904.
MAI HONOLULU AKU
No Waianae, Waialua, Kahuku @ na wahi hoolulu ma ke alahao - *9:15 a.m., *3:20 p.m.
No Pearl City, Ewa Mill, ame na wahi hoolulu ma ke alahao - 7:30 a.m., *9:15 a.m., *11:05 a.m., *2:15 p.m., *3:20 p.m., *5:15 p.m., @:@ p.m., 11:15 p.m.
MAI WAHO MAI.
Ku i Honolulu mai Kahuku, Waialua ame Waianae mai *8:36 a.m. *5:31 p.m.
Ku i Honolulu mai Ewa Mill ame Pearl City mai - 7:46 a.m., *8:35 a.m., 10:38 a.m., *1:40 p.m., *4:31 p.m., *5:31 p.m., *7.30 p.m.
* Kela ame keia la.
@ Sabati wale no.
Koe ke Sabati.
G. P. DENISON, Lunahoohana. F. C. SMITH, G. P. & T. @@@@
Na Papele l-e Nunu@@@
O na Lede ame na Keonimana @@@ ano hou e loaa no ma ka@@@
FUKURODA
Helu 28-32 - - - @@@@@@
HUI HOOLEWA HONOLULU
Ke hooiaio nei keia hui i ka@@ @ hana kokou i kona mau la@@ i @@ wa ua oi mamua o 1300 iaia, a ke @@@ mau nei i keia ame keia la. J. H. THOWNSEND, Kaka@@@@
$1.00 i ka pule e hoahu ai, iloko @@@ pule e loaa ana i ka mea h@@@@ $150.00 ke hoahu iloko o ka
Fidelity Funding Co
O KAPALAKIKO.
Ua hoihoi aku keia hui i ka @@@ hiki i hala, no hookahi mak@@@@ poe i hoahu he $275,000.00 a @@@@ keneta uku-panee i ka @@@ @@@@@@ hu mai i ka lakou mau @@@@@ o elua makahiki.
E loaano na mea apau k@ @@@@ ia.
R. D. HIGHTOWER. Agena ma Hawaii. @@@@@ 41 ame 52 Young Block. H@@@@@
Hopuia o Dow m@@ Mossman.
I ka po Poalua. Oct 25 @@@@@@@@@ o H. M. Dow, ke poo @@@@@@@@ Makai Nui Brown ame H@@@@@ Mossman, ke kakauolelo a ka @@@@@@ Nui Chas. Chillingworth, @@@ poholalo i na dala o ka @@@@ kai.
Ma ka hihia o H. M. Dow @@@@@ $572 ka nui o na dala i poho@@@@@ huina ua laweia mai na @@@@@@ hia a ua hoaieia aku e@@ @@@@@@ me ka ukupanee kiekie.
Ma ko H. C. Mossmann hihia @@ ikeia iho he $455.40 ka huina @@@@@ ia. Ma kana mau buke u@ @@@@ ukuia kekahi mau bila @@@@@@@@@@@@ i hanaia peia, a o keia, @@@@@@ keena pa'i palapala o Honolulu @@@@.
O H. C. Mossmann ka mea @@@@ laua i hopuia ae mahope koke @@@@@ pau ana o ka huilia ana e Luna @@@@@@ Fisher. Na Hope Mak@ Nui @@@lins i hooko ae i ke kauoha hopu.
I ke aumoe ua hopuia iho la o H. M. Dow ma kona home, a hookuuia oa @ ka hele ae i ka la e hookolokoioia @@@.
Ma ka Poaha, Oct. 27, u@ @@@@@ ko Dow hihia iloko o ka Aha Apana ua hookuuia oia no ka mea o na @@@ i lilo ai he mau dala pela hihia @@@@ hooholo ka lunakanawai aole ia @ waiwai no ke Aupuni.