Ka Nupepa Kuokoa, Volume XLII, Number 45, 4 November 1904 — Page 3

Ka Nupepa Kuokoa

KE KILOHANA POOKELA NO KA LAHUI HAWAII.

NUPEPA KUOKOA, POALIMA. NOVEMABA 4. 1904.

 

       Ia ola e hoopaa i kona manao e malama i kana mea huna iaia wale ae.  Aole no hoi i maopopo iaia pehea la i ikeia ai kona hui ana me kana aloha, a oiai ua hoohuoiia, nolaila ua ha'i aku no oia i ka oiaio ia Beni Hame, a wahi ana o ka mea i koe aole ia e hoike aka e huna no @ @ mea huna iaia wale no.

       "Owai kela mau kanaka?" i ninau hou aku ai o Beni Hame.

       "Aole e hiki ia'u ke ha'i aku ia oe," wahi a Zira i pane aku ai me ke kupaa nui.

       "E akahele e ke kaikamahine.  Mai hoike i ka mea hoopunipuni."

       "Aole au e ha'i aku ana i hookahi mea."

       "A@ owai kela mau kanaka?"

       "Aole a'u nana heaha la kekahi mea mawaho ae o ka'u mea i hoike aku nei ia oe."

       "Ma ka inoa o ke kaula Mahomeda, e ke kaikamahine aole au i ike i k@ nui hookuli a hoolohe ole i ka'u olelo mamua e like me keia.  Ke ninau hou nei wau ia oe owai kela mau kanaka?"

       "Beni Hame, ina o kau hana hope loa o ka omou mai i ka oi o ka@ p@a pokole iloko o kuu umauma nei i keia manawa no, aole loa ia he mea e loaa aku ai kekahi pane mai ia'u aku," wahi a Zaa i pane aku ai me ka nui wiwoole.

       "Aka, na maopopo no ia'u e hoike mai ana oe," wahi a Beni Hame me kahi leo ano akakuu, "a e ha'i aku no hoi wau ia oe i ke alakai kuhihewa ia o kuu hilinai maluna ou, nolaila aole e hiki ia'u ke hilinai hou ia oe ma keia hope aku, a pela wau i hooholo ai e lawe koke ia @ i ka moi i keia hebedoma no."

       @ manao maoli ko Beni Hame no ka hooweliweli ana i ka wahine @ i mea e hemo ai ka io o ka mea huna iloko o ke kaikamahine, alaila na kuhihewa loa ia oia no ka mea ua lilo aku kana mau olelo imua o ke kaikamahine i mea e hooi loa aku ai kona kupaa mahope o kana aloha.

       "Ano e Zira, ke ninau hou aku nei wau ia oe, owai kela mau kanaka?"

       "Ua lohe aku nei oe i ka'u pane."

       "Ano ma ka inoa o Ala, ke apo aku nei wau i kau olelo," wahi a Beni @ pane aku ai me ka huhu nui, a ia manawa hookahi no i hopu aku ai @ i ka poohiwi o ke kaikamahine me kekahi lima ona a hapai a@ @ i kana pahikaua pokole ma kekahi lima a kau aku la imua o @ kaikamahine kokoke i ka puuwai.  "E pane i ka'u ninau a i o@ e @ no kuu pahi i kou koko.  Pane?"

       "Beni Hame, aole i lilo kau pahi i mea no'u e waliwali ai.  A, @ mai i kau mea oi iloko o kuu puuwai ina o kou manao ia a ina wau e make alaila e hoike aku wau ia oe i ka maikai loa o ka waiho aku i kuu kino puanuanu iloko o na lima o ka moi Mahomeda.  E h@ mai e Beni Hame, aka aole hookahi pane e loaa aku ana ia oe @ a'u aku."

       No ka nui huhu loa o ka lunakanawai a hoomaopopo ole oia i kana mea e hana ai ua manana wale kona lima a haule aku la ka pahi mai kona lima aku ilalo i ka papahele.  I ka hoomaopopo ana o Beni Hame i ke ano kamahao loa o ke kaikamahine ia po ua manao wale iho no oia ua ano-e ia kona noonoo.  O ke kaikamahine ana i manaoio nui ai i ka nui hoolohe a akahai i na la i hala a i keia po hoi @a ano okoa ae la a ua lilo ia i mea hoopuhili i ka noonoo o ka lunakanawai.  Ua ike pu iho no o Beni Hame i kona hemahema nui ma ka hoao ana i kana hana hooweliweli no ka mea ua hoopaa @ oia i kana olelo i ka moi no ka haawi ana i ka lima o kana kaikamahine i ka moi.

       "E Zira," i pane aku ai o Beni Hame mahope iho o ka hamau iki ana, a iaia no hoi e hoomalu ana i kona noonoo i uluku nui, "ua ike anei oe i keia mau kanaka a me oe anei laua i keia po?"

       "Makehewa kau ninau hou mai ia'u no ka mea aole hookahi pane e loaae loaa aku ana shrdleutaoinshrdluetaoincmfwypetaoincmfwyp e loaa aku ana ia oe mai a'u aku." A e hou mai i kau pahi, no ka mea ua hiki ia'u ke hoomanawanui ia mea."

       Ua emi malie aku la o Beni i hope pololei i ka puka ma na hiohiona o ka huhu nui maluna ona.  I ka nana aku i ka Naita Beni Hame ua ano like loa kona helehelena me kekahi kepolo no ka nui ikaika o ka huhu iloko ona no ke ko ole o kana mea i makemake ai e puka mai ke kaikamahine mai, a me ia ano hiohiona oia i lalau aku ai i ka poheoheo o ka panipuka a huli mai la no hoi e nana i ke kaikamahine e ku aku ana.

       "E malama i kau mea huna, aka aole he hookahi waiwai o ia m@ @ oe," wahi a Beni i pane aku ai.  "Ua manao paha oe aole au i @.  Ua ike wau i ka mea i hui mai nei me oe iloko o ka malapua, a oia kanaka oia no o Kale o Leona.  Aka, aole oia e pakele no ka @ ma ka inoa o Ala e lilo no kona poo mai kona kino ae; a mai poina iki oe e ke kaikamahine naaupo no ia mea."

       Ma keia mau olelo a ka makuakane ua poina koke iho la ke kaikamahine iaia iho.  Na kona aloha io i kana aloha i kumakaia iaia iho @, no ka mea i kona lohe ana i na olelo weliweli a Beni Hame no ka laweia o ke poo o kana naita ua puoho koke ae la oia me ka pi@oi nui a holo aku la no hoi imua no kahi a kona makua e ku ana.

       "O mai hoopilikia oe iaia," wahi ana i puoho ae ai me kona mau lima e puili ana kekahi i kekahi e hoike ana i kona nui kaumaha.

       Alaila akaaka henehene mai la ka makua no ka lanakila i loaa iaia.

       "Ua heluhelu aku nei wau i ko mea huna iloko ou a ahuwale ia'u a aole e hiki ia oe ke huna mai a'u aku.  Heaha ka kela ilio Kristiano i kamailio mai nei ia oe?"

       "Aohe, aohe."

       "Ua ike no wau i kana mea i hoike mai nei ia oe, aka he hoopunipuni wale no ia ana i ha'i mai la ia oe."

       No ka nui puiwa loa o ke kaikamahine i keia mau olelo ua ano emi iho la a ano maka'u mai la o Beni, no ka mea wahi ana he mau olelo ikaika loa ia i pa aku la i ke kaikamahine a malia paha e lilo no ia i mea e hoonawaliwali ai a hoano-e i ke kaikamahine a he mea hookuemi hoi i ka manao o ka moi.

       "Heaha--heaha kana mea i hoike mai ia oe?" i palua aku ai ka ninau ana a hookuu aku la no hoi kona lima i ka poheoheo o ka panipuka a hookokoke hou mai la i ke kaikamahine.

       Ua ano kuemi hou aku la o Zira i hope no ka mea ma keia manawa ua hoi koke mai la no kona noonoo maikai a hoomaopopo koke iho la oia i ka naaupo o kana hana pihoihoi wale ana.  Ua noonoo koke iho no o Zira i ka ike a hoomaopopo io o Beni i kona hui ana me ka naita Kristiano, aka, ua ike pu no oia aole loa o Beni i haupu iki no ka papahana mahuka ana i hooholo ai me kana aloha, a no ia mea ua hooholo paa iho la kona noonoo aole loa oia e hoike, a aole no e pono e ikeia, ana no hoi i olioli loa ai i ka hoohaili ole ia o ka noonoo o ka makuakane ma ia mea.

       "Alaila e make no o Kale o Leona.  E hoomanao e ke kaikamahine, e make no o Kale o Leona, a e haawi koke aku no wau ia oe iloko o ka lima o ka nioi me ka hoohakalia ole, a o kona---"

       Mamua o ka hoopau loa ana aku o Beni i kana mau olelo hooku@ahihi noonoo ua hina aku la o Zira ilalo a waiho maule aku la iluna o ka papahele.  No keia mea ua puiwa loa ka lunakanawai a me ka maka'u no a me ka hopohopo nui no hoi oia, no ka mea ua ike koke no oia---o ka poino o ke kaikamahine oia kona poino i ka moi oiai oia ka mea a ka moi i hoopaa mai ai no ka malama pono ana ia Zira.  Aole oia i hoohakalia aku ua lele koke aku la oia ma kahi o ke kino e waiho ana a hapai ae la i ke poo o ke kaikamahine a hookau iho la iluna o kona u-ha.

       "Ua ma'i anei oe, e Zira? E kamailio mai ia'u."

       Kaakaa ae la na maka o ka wahine opio a nana wale ae la no ia Beni ia Beni e nana iho ana maluna ona.

       "Aole oe i ma'i?" ia Beni i ninau aku ai me ka hopohopo nui iloko ona.  He maka'u uahoa ko ka makuakane no ka mea he maka'u kona no kona hoahewaia mai e ka moi a aole no ke aloha keiki.  E kamailio mai e Zira.  E ha'i mai aole oe i eha."

       "E maikai ae no wau i kou wa e kaawale aku ai."

       "Aka, mamua o ko'u haalele ana e ha'i mua mai oe i ka mea a kela ilio Kristiano i waiho mai ai ia oe," wahi a ka lunakanwai i pane aku ai me kona hoala ana ae ia Zira a noho iluna me kona ku pu ana ae iluna a olioli iho la oia no kona malele koke ana mai ke kaikamahine maule aku.

       "Aohe, aohe."

       "He olelo no kana i waiho mai ia oe," wahi a Beni me ka pii hou ana ae o kona huhu a holoholo iho la iloko o ka lumi.  "Ua ha'i mai anei kela ia oe aole oe he kaikamahine na'u.  Aka he hoopunipuni nui kela."

       Alaila huli pono ae la o Zira a nana aku la ia Beni me na maka ikaika a ano maka'u iho la o Beni.  Ua hoomanao pu ae la o Zira i na olelo a kana aloha e pili ana no Beni Hame a i keia manawa ke hoomaopopo loa la oia i ka oiaio o na hoohuoi i loaa iaia, a no ka mea ua ike koke aku oia i na hiohiona mae iloko o ka helehelena o Beni.

       "Beni Hame," wahi a Zira, "nau no i hoohaili mai nei i ka hui ana o ka naita Kristiano me a'u i keia po, a maluna o ia mea ke waiho aku nei wau nau no ia e hooiaio aku a mai kauka'i mai na'u e hooia no ka mea aole he hookahi pane e loaa aku ana mai ia'u aku.  E ha'i aku wau ia oe---a e hooiaio aku no wau ia oe---o ka hoohaili olelo ana maluna o ko'u kaikamahine ole ana nau aole ia na'u i hoopuka aku nei ia oe aka nau no ia i olohewa mai nei me ke koi ole ia aku, a na keia mau olelo au i hoala hou mai i kuu noonoo maluna o na olelo a kuu wahine malama, oiai nae ua ano poina au ia mau olelo no ka mea ua hoopukaia ia he elua makahiki ae nei i hala."

       "He kaikamahine oe na'u," wahi a Beni Hame i pane aku ai.  "Aole i hoike aku ko wahine malama ia oe pela."

       "A ina wau he kaikamahine nau alaila e malama oe ia'u ma ke ano mau o ka makua," i pane aku ai o Zira me ke ake iloko ona e hoomau aku i ka laua olelo maluna o ia kumuhana.

       "I malama no wau ia oe ma ke ano he keiki oe na'u a na'u no e a'o aku ia oe i ka hana ma ka aoao o ka makua; a ilaila hoi oe e ike ai i ka mana piha o ka makua maluna o ke keiki, a maloko o ia mana oe e noho ai a hiki i ka manawa ou e waihoia aku ai iloko o ka mana o ke kane mare.  Aole oe e haalele i keia wahi a hiki i ka manawa e laweia aku ai oe no loko o ka lumi o ka Halealii o ka Moi."

       "A o ka mea i loaa mai ia oe mai na ilio Kristiano mai i keia po," wahi a Beni i hoomau aku ai," me oe no ia a ina makemake oe e mo-ku no iloko iho ou alaila aia wale aku no ia ia oe, eia nae, aole he wahi waiwai o ia mea ia oe, a he mea pono ia oe e hawanawana ma ia mea iloko o kuu pepeiao, a oia no hoi ka maikai loa mamua o kou hawanawana aku iloko o ko ha'i.  E haalele iho ana wau ia oe iloko o kou lumi a nau no ia e noonoo iho me ko'u nana ole i kau olelo hooholo e hooholo ai.  Mai poina iki nae oe, oia hoi, mai keia manawa aku e kukulu kiai aku ai wau maluna ou a makaala loa i kou mau wahi apau e hele ai.  Aole oe e kaawale aku mai ka hale aku nei ke ole e loaa aku kekahi leo mai a'u aku."

       Ia Beni Hame i hookuu iho ai i kana mau olelo i ke kaikamahine ua huli ae la oia i ka puka a wehe mai la i ka panipuka a aole no hoi i u iho ua nalo aku la oia iloko o ka pouli o ka holo a paniia mai la no hoi ka puka a noho hookahi iho la o Zira iloko o kona lumi me ka noonoo nui i na mea i hanaia ia po mawaena ona ame ke kanaka i kapa iaia iho he makuakane nona me ka poina ole nae iaia o na hoomanao ana no na mea i kukaia e ia ame kana aloha no ka mahuka ana mai o Garanda aku a mai kaupoku hale aku no hoi o ke kanaka ana i manao mau ai he makua nona.  He mau minute no ia o Zira i noho malie iho ai ma kona wahi i hoonohoia ae ai e Beni, a i ka hoi pono ana mai o kona noonoo ua ku koke ae la oia iluna me ka hoolanalana ana ae iaia iho.

       "Mawaena o ka naita Kristiano ame Beni Hame aia he mea huna i maopopo ole," wahi a Zira e nune ana iloko iho a hoopuka leo ia ae la e lohe ole ia mai ai e na pepeiao okoa, me kona kau pu ana ae i kona lima iluna ma kona lae.  "Ma ka hauoli o'u i loaa mai ia'u mai kuu naita Kristiano mai, ke manaoio nei wau aia he maka'u a hohewale iloko o Beni Hame no ka Naita Kale o Leona---he maka'u i oi aku maluna o na olelo e hiki ai iaia ke hoike ae i ke akea ina he manao aa kona e hana pela.  Ua ike a hoomaopopo loa aku nei wau i na hiohiona maka'u iluna o kona helehelena i kona manawa i hoopuka mai nei i ka inoa o kuu aloha."

       A i ke kaikamahine i hoonoho pono iho ai iaia a maalo ae la na uluku nui ana a hoi mai la na noonoo maikai ana a maluna hoi o kana aloha a no ka papahana hoopakele iaia mai ka hana kumakaia aku ua ha'uha'u iho la oia o ke ano uwe, eia nae aole he leo i puke hou mai iaia ae e loheia mai ai.  A me ka hikiwawe no hoi ua hoohikilele ia ae la kona noonoo i kona hoomanao koke ana ae i kekahi mea, a me ia noonoo oia i ku koke ae ai a hele aku la i kahi o kona pahu-ume e ku ana ma kekahi kihi o kona lumimoe.

       Ua wehe mai la oia i kekahi pani a iloko o ka ume i lawe mai ai oia he wahi holowaa, lawe ae la oia ia mea a iluna o kona pakaukau ma kahi o ka ipukukui e ku ana.  Ua piha oloko i na mea makamae kumuwaiwai nui o na ano like ole, a lawe pakahi ae la oia i na mea oloko me ke akahele a waiho iho la iluna o ke pakaukau kokoke i ka ipukukui.  Pela oia i lawe pakahi ai a hiki i ka mea ana i makemake ai.  He ke'a gula ia o ke ano maikai loa i hanaia me ka maiau nui.  I na kukuna o ka malamalama kukui e pa olino ana maluna o o ua ke'a nei oia i paa a omou ia me na pohaku makamae waiwai nui ua hulali ae la, a nana malie iho la o Zira maluna o ke ke'a me ka hamau loa.

       "O ka mea keia a kuu wahine malama i haawi mai ai ia'u, a he mea oiaio na kuu makuahine io mai no keia," wahi a Zira i namunamu iho ai, "o ke ke'a Kristiano keia a kuu aloha Kale i olelo mai ai ia'u.  Alaila he Kristiano anei kuu makuahine?"

       "E kiai, e kiai mai ia'u," wahi a Zira i pane hou ae ai mahope o ka hamau iki ana a iaia no hoi i hapai ae ai i ke ke'a iluna, aka e ha'i aku wau ia oe e Beni Hame a piha ke kaukani aole loa e ko kou makemake."

 

MOKUNA IX.

 

HUI HOU ME ABADALA.

 

       "Oia maoli no anei kou manao?" i pane ae ai o Pidiro Bamabino iaia i nana pono aku ai i kona haku me ke kamahao nui.

       "Oia maoli no a e ao," i pane aku ai o Kale.  "Ke olelo nei wau i ka mea oiaio."

       "Alaila e hoomaikaiia mai oe e na lani.  E kokua no wau ia oe a hiki i ke kulu koko hope loa iloko o kuu kino," wahi a Pidiro i pane aku ai.

       "Aohe o'u kanalua nou no ia mea, e Pidiro."

       "Alaila pehea oe e hana ai a heaha kau papahana no ka hooko ana?"

       "Ua pau i ka hooponoponoia.  E makaukau ana o Zira i ka hele pu ana me kaua eha po mai keia po aku.  Ua ike no oe he mau lio holo ko kaua a ikaika no hoi, a iloko o ka manawa kupono e loaa ai ke kolu o ka lio no Zira."

       O na olelo keia a ka naita Kristiano ame kona ukali Kristiano ia laua e hoi ana mai ka hale aku o ka lunakanawai.  Ma keia manawa a laua e kamailio ana ua hoea aku laua ma ke alanui aupuni e moe pololei ana i ko laua hokele.

       "E kuu Haku Kale aia kekahi mea ke hakilo nei ia kaua mai kela aoao mai o ke alanui," wahi a Pidiro i pane aku ai.

       Alaila huli ae la ke poo o ka naita opio ma kahi i kuhikuhi leo ia aku iaia a ike io aku la oia i kekahi kanaka e ku ana iloko o ka pouli omamalu ma ka malu pouli o na hale nunui e ku ana ma kahi aoao o ke alanui me ka hiki loa iaia ke ike aku he hookahi io no oi ua kanaka la.  Ma keia mea ua hele wikiwiki aku la o Kale no mua a pela no hoi ke kiu e hele awiwi ai ma kekahi aoao o ke alanui.  A ina no oia o Kale e hele malie iho a o ka hele malie iho la no ia o ua kanaka kiu nei.

       "Ke hakilo io nei kela kanaka," wahi o Pidiro i kona haku.

       "Ke manao nei wau ua ike no wau i kela kanaka," wahi a ka naita me kona ku pu ana iho.

       "Hamau," wahi a Pidiro i puana mai ai.  "Ua poina anei oe e walaau nui nei a loheia mai oe?"

       "Heaha ka poino ma ia mea?"

(Aole i pau.)

 

Ua Waiwai kona

Ola ana.

 

HE HOPENA HAUOLI MAHOPE O KE KAAMAI ANA NO EWALU MAKAHIKI.

 

HA'I AE O MRS. MILLER I KA HIKI ANA E HOOLAIA KONA MA'I PILIKIA, A HE POMAIKAI KEIA NO NA MEA APAU.

 

       "No ewalu makahiki," wahi a Mrs. Mollie E. Miller, e noho nei ma W@mington, Ohio, "e noho ana wau me ka loaa mau i ke poniuniu ame ke kapalili o ka puuwai a mahope o ka hanau ana mai o ka'u kaikamahine he elima makahiki i hala ae nei ua noho iho la wau me ka nawaliwali.  Ua loaa mau ia'u ka haupuupu, paupauaho a hiki pono ole ke hiamoe.  I kela ame keia mahina e noho ana wau no hookahi pule me ka mauleule mau a o keie hoi ka mea nana i hoonawaliwali loa mai ia'u a hiki ole ia'u ke hele ae iloko o ko'u hale.  I ka manawa e kokoke mai ai na haawina o keia ano e hoopihaia no ko'u puuwai i ka maka'u, a he lehulehu na manawa i komo mai ai ka manao iloko o'u e make wau e pono ai mamua o ke ola ana.

       "I kekahi la o kela kau haulelau aku nei ua hoike ikaika mai la kekahi o ko'u mau hoaloha i na mea e pili ana i ka laau Dr. Williams' Pink Pills for Pale People a koi ikaika mai la oia ia'u e hoao i keia mau huaale no ko'u ma'i.  Mamua o ka pau ana ia'u o ka pahu mua hoomaka mai la wau e ike i ko'u maikai mai, a o keia hoi ka manawa iloko o keia mau makahiki loih a'u i ike ai i ka loaa mai o ka ikaika ia'u.  Ua hoomau aku la wau i ka law ana i keia mau huaale me ka loaa o ka manaolana e loaa mai ana ka lanakila a i ka pau ana o na pahu eha ua lilo iho la wau i wahine ola.  O ka nawaliwali, ka molohi, ke kupilikii o na manao a'u i ike ai mamua ua nalo aku lakou.  Ke hauoli nei wau i ko'u lawe ana i keia mau huaale a ke hooiaio aku nei i ka hana a keia mau huaale i na mea apau e ike mai ana i keia."

       I ka manawa e inoino ai ke koke e kau ana na haawina nawaliwali i na lala apaua o ke kino; no ka mea o ke koko e kau ana na haawina nawaliwali i na lala apau o ke kina a aia hoi ke ola o na lala apau mauna o ke koko.  O ka hoolaia ana o kekahi o na mai'i e like iho la me ko Mrs. Miller, a kakou hoi i ike ae nei i ka loohia ana o ke kino ame ka noonoo i na haawina popilikia a loaa no nae ke ola he hoike kamahao ia e waiwai ai ka loaa ana o kekahi laau no ke koko.

       O ka Huaale Akala a Kauka Williams no ka Poe Haikea oia ka laau kupono loa no na wahine lehulehu e hoololi ae ai i ke kaumaha i mea hauoli, he mea hoi e hiki ai ia lakou ke hookaawale aku i na haawina kaumaha o keia ola ana.  O ka anaemia, ke kupono ana o ka manawa ame ka mauleule e hiki no ke hoolaia me ke kamahao e keia mau huaale.  Aole wale o ke ola wale no o na ano nawaliwali apau i pili i na wahine aka ke hoolako nei keia mau huaale i ke ole ame ka maikai o ke koko a me na aahuki a hookomo aku hoi i ke ola e hiki ai ke loaa ke ola ikaika mau o ke kino.  Ke kuaiia nei e na halekuai laau lapaau apau.

 

"O ka Hilinai"

 

wahi a Haku Chatham "he mea kanu ulu lolohi ia."  He manaoio ko na kanaka apau i ka lakou mea e ike ai me ko lakou mau maka, a ma ke kumu laula ua pololei maoli no.  O na mea e kapakapaia nei he manaoio hapopo aole loa ia he manaoio maoli ma na ano apau.  E pono e hoikeia mai na kumu ame na kumu hooia kupono i ikeia ai ka mole ame ke kahua o keia hoaie.  I na mea e pili ana i ka laau e like me keia, ke ninau mai nei ka lehulehu.  "Ua hoolaia anei kekahi poe e ae?  Ua hooluoluia anei na palapu e like me kou?  Ua lokahi like anei ka waiwai io o keia au malamalama?  I na pela, ua kupono maoli no i ka hilinai; a i na au e hoopa ia mai ana e kakahi o keia mau ma'i e like me ka hoakaka a keia laau, e paulele ana au me ko'u manaoio apau malalo o kona mana no ko'u lanakila ame ko'u palekana."

       Maluna o keia mau laina, ua lawe ae ka.

 

WAMPOLE'S PREPARATION

 

i ka hanohano kiekie loa o na laau iwaena o na kanaka loea lapaau ame na kanaka noeau apuni ke ao malamalama.  Ua manaoio aku lakou i keia laau e like me ko lakou manaoio ana i na kanawai kumu o ke kanaka ame kekahi mau mea e ae.  O keia laau kamahao ua like kona momona me ka wai o ka meli i awaiaulu pu ia me na mea hooulu a hoola o ka Pure Cod Liver Oil i lawe ia mai, e makou mai ke akepaa o ka i'a Cod makamaka hou, mai a paipaiia me ke Compound Syrup o ka Hypophosphites ame ka Extracts o ka Malt ame ka Wild Cherry.  He hikiwawe loa keia laau i ka anai ana i na mea make ame kekahi mau mea e ae iloko o ke kino, he hooikaika hoi i na mikini paahana o ka waihona o loko a he hoonoono mai i ka ai, a he laau pahu-a ole i na ma'i haalulu, piwa, alaala haanou, na ma'i o ka puu ame ka akemama, a pela aku.

 

WAHI A KAUA W. A. YOUNG O CANADA.

 

       "O ka laau i hoomakaukauia o ke cod liver oil ua haawi mai ia ia'u nei i ka manao haopono ame kekahi mau hua maikai e ae ma ka'u mau ma'i i lawelawe ai o na makahiki like ole."

       He laau hoi keia i hanaia me ka naauao o keia au malamalama hou a he laau holomua mamua o na laau e ae apau.

       E loaa no ma na hale kuai laau apau.

 

       Aneane ma kahi o hookahi haneri poe koa Kepani, i noho ma Hawaii nei, i kau aku maluna o ka mokuahi Amerika Maru i ka Poakolu nei a hoi aku no Iapana no ka hooko ana i ke kauoha i loaa mai ia lakou.

 

HOOLAHA MANA HOOKOLOKOLO

 

ILOKO O KA AHA HOOKOLOKOLO KAAPUNI O KA APANA KAAPUNI EKOLU.  TERITORE O HAWAII---HOOPONOPONO WAIWAI HOOILINA MA KE KEENA.  ILOKO O KA WAIWAI PAA O REV. S. C. LUHIAU, I MAKE O KOHALA AKAU, MEA I MAKE.

 

Kauoha o ka Hoolaha o ka Hoolohe Palapala Noi no ka Hooponopono Waiwai Ana.

       Ma ka heluhelu ana ame ka waihoia ana mai o ka Palapala Noi a Carrie Luhiau, ka wahinekanemake a Rev. S. C. Luhiau, e hoike ana o S. C. Luhiau o Kohala Akau.  Hawaii, ua make kauoha ole oia ma Kohala Akau, ma ka la 29 o Feberuari, A. D. 1904, e waiho ana hoi he waiwai paa iloko o ko Hawaii Paeaina i kupono no ka hooponoponoia, a e noi ana e hoopukaia i mau palapala hooponopono waiwai ia Carrie Luhiau.

       Ua kauoha pu ia no hoi o ka Poalua, ka la 29 o Novemaba, A. D. 1904, ma ka hora umi (10) a. m. oia iho la a o keia ka manawa i hooholoia no ka hoolohe ana i ua palapala noi la i oleloia iloko o ke keena o keia aha ma Kailua, Hawaii, a ma keia manawa no hoi a me kahi i hoikeia ae nei o na poe apau i pili i keia e hiki ae lakou a hoike ae i ke kumu, ina he mau kumu ka lakou, no keaha la e ae ole ia ai ke noi i oleloia, he hoolaha o ke Kauoha e hoolahaia ma na olelo Hawaii ame Enelani no ekolu pule neepapa iloko o na nupepa Pacific Commercial Advertiser ame Kuokoa iloko o Honolulu.

       Hanaia ma Kailua Hawaii.  Okatoba 21, 1904.

JOHN ALBERT MATTHEWMAN.

Lunakanawai o ke Aha Hookolokolo

       Kaapuni o ka Apana Kaapuni Ekolu.

Ikemakaia:

       JOHN P. CURTS.

Kakauolelo o ka Aha Hookolokolo Kaapuni o ka Apana Kaapuni Ekolu.

3039---Oct. 38, Nov. 4, 11, 18.

 

HOOLAHA HOOKO MORAKI.

 

HOOLAHA MANAO PANIKU A KUAI A KA MEA PAA MORAKI.

 

ZELUBABERA KAKINA AME KAAI Z. KAKINA.

 

       Ke haawiia aku nei ka hoolaha ma ka mana o ke kuai iloko o kekahi moraki i hanaia e Zelubabera Kakina ame Kaai Z. Kakina, kana wahine mare, no Kawaihau, Mokupuni o Kauai, Teritore o Hawaii, na mea moraki, ia Albert S. Wilcox, mea paa moraki, o Lihue, o ka Mokupuni o Kauai i oleloia, i hanaia hoi i ka la 16 o Okatoba, 1990, a i kakaukopeia iloko o ke Keena Hoona Aina ma Oahu, iloko o ka buke 215 a ma na aoao 207 a hiki i ka 209, o ka mea paa moraki i oleloia Albert S. Wilcox ke manao nei e paniku i ka moraki i oleloia no na kumu i uha'iia i hoikeia iloko olaila, oia hoi:  no ka uku ole ia ana o ke kumupaa ame ka ukupanee i ka manawa e uku ai.

       Ke haawi pu ia aku nei no hoi ka hoolaha o ka waiwai o hooliloia ma ka moraki i oleloia, a e hoakakala nei hoi malalo iho nei, e kuaiia aku ana ma ke kudala akea ma ne Keena Kudala o Jas. F. Morgan, Alanui Kaahumanu, Honolulu, Mokupuni o Oahu, Teritore o Hawaii, ma ka Poaono, ka la 5 o Novemaba, A. D. 1904, ma ka hora 12 awakea o ka la i oleloia.

       O ka waiwai e kuaiia aku ana, e like me ia i hoikeia ae nei maluna, penei no ia:

       AKAHI:  O kela mahele apau o ka aina nona ka iliaina o hookahi (1) eka e waiho la ma ka Ahupuaa o Olohena ma ka Mokupuni o Kauai i oleloia, oia no hoi ka aina i hoikeia ma ka palapala kuai mai ia Mrs. Wahinekaiu ia Kaai Z. Kakina i oleloia, i hanaia i ka la 23 o Maraki, 1898, a i kakaukopeia iloko o ke Keena Hoona Aina ma Honolulu, Mokupuni o Oahu iloko o ka buke 210 a ma na aoao 241 ame 242.

       ELUA:  O na pono apau, ka inoa, na kuleana ame ka waiwai paa o Zelubabera Kakina i oleloia ame Kaai Z. Kakina i oleloia iloko a i ka Ahupuaa o Wainiha, Apana o Hanaei, iloko o ka Mokupuni o Kauai i oleloia, iloko a i ka Hui Kuai Aina o Wainiha ame kona mau waiwai, oia no hoi ka waiwai i hoakakaia iloko o ka palapala kuai mai ia Josaia Lauakeae ame kana wahine mare Mrs. Mereana Lauakeae i hanaia i Ianuari 18, 1883, a i kakau kope ia iloko o ke Keena Hoona Aina i oleloia iloko o ka Buke 78, aoao 167 ame 168, a iloko o ka palapala kuai mai ia A, Pahee ia Zelubabera Kakina i oleloia i kakau kope ia iloko o ke Keena Hoona Aina i oleloia ma ka la 10 o Iune, 1889, iloko o ka Buke 118, aoao 23.

       Ma ke dala kuike ka makemake a ma ke dala gula Amerika no hoi a ma ka aoao o ka mea kuai mai na lilo palapala apau.

       No na mea aku i koe e ike ae ia Smith & Lewis, na Loio o ka Mea Paa Moraki, Helu 207 Judd Building (Hale), Honolulu.

       Hanaia ma Honolulu, Okatoba 7, 1901.

              ALBERT S. WILCOX.

                     Mea Paa Moraki.

3037--Oct. 14, 21, 28--Nov. 4.

 

NANA ANA AOHE AUHAU

 

Na Kauka Huki Niho Noeau…

 

He hanaia ka hana me na Auhau haahaa loa.

 

F. L. FERGUSON,

Lunahoohana.

Helu 215 Alanui Hotele, mamua iho o Young Building.