Ka Nupepa Kuokoa, Volume XLII, Number 43, 21 October 1904 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

4               NUPEPA KUOKOA, POALIMA, OKATOBA 21, 1904.               @

 

     "He ike no ke aupuni i ka Nihiliti iloko o ka bebe."

     "Pela no, aka nae o ke kumuhopii ua hanaia e kekahi o ko oukou lala."

     "Owai kona inoa?"

     "O Sotia kona inoa, ke Kaunawahine Alamazofa hoi."

     "He oiaio anei kena au e ha'i mai nei?"

     "He oiaio ma na ano apau."

     "Aole no nae hoi ia he mea e hoike mai ana ua hana hewa mai oia i keia ahahui," i pane mai ai ke alakai o na Nihiliti.

     "E akahele oe," wahi a Wete i pane aku ai me ka, leo malie, "a mai hoopuka nui oe i na olelo e pai ana ia Kaunawahine Alamazofa."

     "O oe ke akahele," wahi a ua kanaka la i pane mai ai me ka leo huhu, "a mai hoopuka mai oe i kekahi mea e hiki ole ana ia oe ke hooiaio mai."

     "Eia nae ua hoea mai o Kaunawahine Alamazofa i Sana Peteroboro nei no ke kumakaia ana ia Kauna Gerenigofa ma ke ano he Nihiliti."  i panai aku ai o Wete ma ka leo kuoo.

     "Heaha kau hooiaio no kau i ha'i mai nei?"

     "O ia ka hiki ana mai o ke kaunawahine ianei me ka ike ole o kona hoa, oia no o Gerenigofa, a o ka oiaio o kona hiki ana aku imua o ka Emepera i keia kakahiaka a loaa mai ke kauoha iaia mai ka Emepera mai no ke oki ana i ke poo o keia opiowahine, oiai no nae ua ae mua ka Emepera e hookauluaia ka hooko ana i ka hoopa'i no na la elima, aole he mea nana e hoole mai."

     "He mau olelo imiapa wale no kena au."

     "E akahele oe i kau mau olelo."  wahi a kekahi o na a=lala o ka akakuka i pane mai ai i kona lohe ana i na olelo a ko lakou alakai.  "Aole he mea e hooopaapaa ae ai i ka oiaio o na olelo a keia kanaka malihini, no ka mea ua ikeia o Kaunawahine Alamazofa i keia auwina la e holo ana no ka halepaahao, a he hooiaio ana hoi keia i kona hiki ana mai i Sana Peteroboro nei, oiai no nae ua maopopo mua aia oia i Parisa kahi i noho ai."

     Aia o Wete i keia manawa ma kahi kokoke loa i ke kanaka nana i hoopuka i na olelo a kana i ike ae nei, a i kona ike ana aia he hookahi iwaena o keia poe i huli mai a kokua i kona aoao, ua nee loa aku la oia a pili me ua, kanaka la, a hawanawana aku la iaia:

     "E kokua mai oe ia'u, a i ole e hoike no wai i ka Gerenigofa hana kumakaia."

     O ka manao i loaa ia Wete a hoalaia mai keia mau olelo, oia keia:  Ina o keia kanaka a he hooloha no Gerenigofa, alaila he mea hikiwawe loa ke ala ana mai o ka maka'u iloko ona a makemake ole hoi e kau aku ka pilikia maluna o kona hoaloha, a ma keia ano e hoao ana na kanaka la e ume aku i ka Wete mea i manao ai e hoike aku imua o keia ahakuka.

     "Eia nae hoi," wahi a kekahi i pane ae ai, "aole o'u maopopo pehea i lilo mai ai ka hiki ana mai o ke kaunawahine ianei, a i ole o ka hana a ua kaunawahine nei i hana ai maluna o keia opiowahine, i kumu e pili ai ke kipi i keia ahahui.

     "Aole loa," wahi a ke kanaka i kokua mai ai ma ko Wete aoao, "eia nae aole e hiki ia kakou ke hoole ae i ke kahua a keia kanaka e ku nei."

     "No keaha hoi?"

     "E hoomaopopo mai kakou, ma kekahi ano i maopopo ole ia kakou ua ike keia he lala o Kaunawahine Alamazofa no keia ahahui, ua loaa no hoi ka ike iaia nei mamuli o ka Kaunawahine Alamazofa hana i huikau aku ai keia opiowahine a loaa ka pilikia maluna ona a kapaia hoi oia he Nihilite, a ua hooikaika hoi o Kaunawahine Alamazofa ma na ano apau e hooko ia kona manao puni koko maluna o keia wahine, e like me ko kakou ike ana ae nei na ua kaunawahine nei i kii aku i ke kakuoha i ka Emepera no ke oki ana i ke poo o keia opiowahine, a nana no i lawe aku i ka halepaahao."

     "Aole wale hoi oia," wahi a Wete i pane aku ai, i kona manawa i ike ai i ka ikaika o na manao kokua o keia kanaka iaia, "aka ke hoike aku nei wau imua o oukou, ua hoopiiia o Kauna Gerenigofa imua o ka Emepera e keia kaunawahbine."

     "He mau olelo wale no keia au aole no nae he hiki ia oe ke hooiaio mai."

     "Pela io no, aka he hiki ia'u ke ha'i aku i na mea apau e hiki ai ke hooiaio ia keia mau mea a'u e hoike aku nei."

     "E hoike mai hoi ha oe."

     "E pono ia oukou ke hoomaopopo mua mai o ka'u mea wale no e li'a nei oia ka lawe ana aku i keia opiowahine a kaawale aku aku mai na pilikia e hoopuni nei iaia."

     "Ke maopopo la ia makou ia mea."

     "Ua ha'i mua aku nei hoi wau he makaikiu wau i hoohanaia mai no ko Ivana pono.  O kona pono ame ko keia opiowahine ua kulike loa.  Nolaila o ko'ui kokua ana aku i keia opiowahine oia kekahi hapa o ka'u hana i hoohaunaia mai ai."

     "Ua pololei kau."

     "Ua loaa aku ia'u keia opiowahine iloko o ka poino mamuli o ko Kaunawahine Alamazofa lili.  Ua hele aku wau i ke poo o ka oihana makai a ha'i aku iaia i ka'u mea i ike ai no keia mea.  Ua like no kana mau olelo e like me ka oukou i pane mua mai nei, oia hoi he olelo wale no aole he oiaio iloko olaila."

     "Ke manao nai makou oia no ka haina i loaa mai ia oe."

     "Eia nae aole i hiki i ke poo o ka oihana makai ke hoohewahewa ae aia he oiaio iloko o ka'u mau mea i hoike aku ai iaia, a ia manaoio mai hoi oia he pololei ka'u i ha'i aku ai iaia."

     "Pela anei?"

     "Ae, ua manaoio mai oia, aka ua olelo mai oia ia'u e imi aku i na hooiaio mamua o kona haawi ana mai ia'u i na kokua ana maluna o ka'u hana i kipa aku ai e ike iaia."

     "A ua imi aku anei oe i ka oiaio o kau mea i ha'i aku ai iaia?"

     "E nana mai oukou.  Ua hahai aku wau mahope o Sofia Alamazofa no Parisa, kahi hoi ana i holo aku ai me Kauna Gerenigofa, ma ke ano he mau agena ma-lu no ke aupuni o Rusia nei, a ilaila wau i kiai makaala loa aku ai ia laua, a ma ia kiai ana a'u i hiki ai ia'u ke komo aku iloko o kekahi halawai a ka poe Nihiliti, a lohe hoi i na mea i hoonohonohoia no ka pepehi ana aku i ka Emepera.  Ua hoouna koke mai wau i na mea apau a'u i lohe ai ia Generala Gerisa, a o ka hopena he ekolu poe i hopu ia."

     "He kanaka koa maoli no oe i kou hele mai ianei a ha'i mai ia makou i keia mau mea."

     "E hoomanao oukou ua hana aku wau i ka'u hana no ka poe wale no o kkau mea e kiai makaala loa nei, a oia no hoi keia opiowahine."

     "Pela io no, aka ina he oiaio kau mau olelo i hai mai nei, alaila o kau hana ana pela ka mea nana i hoohamani mai i ka makou papahana."

     "Aole pela; no ka mea ina i holopono ia hana a oukou i hoonohonoho ai, aole o oukou, aka o kekahi hapa o oukou, e hana nei hoi iwaena o oukou, ua lakou e hoololi ae i keia hana a oukou i hoonohonoho ai i mea no lakou e pomaikai ai a e poino ai hoi oukou."

     Ua hoike mua mai nei oe ia manao mamua aku nei.  Heaha kou manao maoli?"

     Kau aku la ko Wete mau maka maluna o ke kanaka ana i hoomaka'uka'u mua aku ai, a ike aku la oia i ka hoike ana mai o ua kanaka la i kekahi hoailona e hoomaopopo aku ai o Wete, aole i makemake ua kanaka la e ha'i ae o Wetre i kana mea i ike ai e pili ana no Gerenigofa.  Ua panai aku o Wete i ka ua kanaka la me kekahi hoailona a ua kanaka la i ike mai ai, alaila hoomau aku la oia i kana kamailio ana:

     "Heaha ka waiwai ia'u e ha'i aku i keia mau mea apau me ko oukou ae mua ole e hana mai ana oukou i kekahi hana e pono ai wau ame keia opiowahine, he hana kokua hoi i hiki ai ia maua ke hemo aku mawaho o keia aina lapuwale o oukou?"

     Maanei i pane awiwi ae ai kahi kanaka a Wete i hoomaka'uka'u ai, a Wete hoi i hoomaopopo aku ai he hoaloha ua kanaka la no Gerenigofa:

     (Aole i pau.)

 

RUSIA AME IAPANA

MA KE

Kahua Enaena o ke Kaua

Kakauia e Bernard H. Kelekolio.

     NA KUKUA'IOLELO I MALAMAIA MAWAENA O RUSIA AME IAPANA - ULUHUA O IAPANA I NA HANA HOLOLOIAHILI A RUSIA A HOOHOLO OIA NO KE KAUA - ULUPAIA NA MOKUKAUA O RUSIA E NA AUMOKUKAUA TOPIDO O IAPANA.

     Helu 42.              Mr Kurin ia Barona Komura.

                                    St. Petersburg, Ianuari 26, 1904.

     (Telegalama).                               Loaa, Ianuari 27, 1904

     E pili ana i kau teleghalama o ka la 26 iho nei, ua hoike mai ke Kuhina Nui o na Aina E e malaaia ana he halawai mawaena o na poo Aupuni, e laa ke kuhina o ka Oihana Kaua, ke Kuhina Nui o ka Oihana Marina ame kekahi mau poo Aupuni ae, no ka noonoo ana i keia ninau, a o ka lakou mea e hooholo ana iloko o keia halawai e malamaia aku ana, e waihoia aku ana no ia imua o ka Emepera no kana mau hoapono ana, a ua hoike pu mai no hoi oia ia'u ua loaa ia lakou ka manaolana e hoea mai ana o Adimarala Alakipi ilaila; aka, o keia manaolana, ua kapaeia ia i keia manawa, a o kona mau manao maluna o keia ninau ko'iko'i e loaa mai ana no ia ma ke telegalapa.  Malalo o keia mau kumu i hoikeia ae la maluna, wahi ana i olelo mai ai, ua hiki ole iaia ke hoike pololei mai i ka la hea la e makaukau ai ka pane o ke Aupuni Imipiriela; aka, ua hiki iaia ke olelo ma kona aoao, aole e hoolohi ia ana ka pane no kekahi mau la.  Ua hoike pu mai oia ia'u ua loaa mai iaia kekahi mau lono mai ke Keena Kaua mai e pili ana no ka hoouna o ke Aupuni Imipiriela o Iapana i na koa, poka ame na mea lako kaua e ae i ka aina o Korea, me ka ninau pu mai ia'u ina ua hiki ia'u ke hoakaka aku iaia i na mea io e pili ana i keia mau olelo.  Ua hoike aku au iaia aole i maopopo ia'u kekahi o keia mau mea ana i hoike mai ai, a ua kaumaha no hi au mamuli o ka hiki ole ana ia'u ka hoakaka ana aku iaia.  Ua pakui mai oia ma ka olelo ana o keia mau hana ma ka aoao o ke Aupuni Imipiriela o Iapana ua hoano-e ae ia i ka manao oke Aupuni Imipirela o Rusia oiai no na kukaiolelo e malamaia ana me ke kulana maikai mawaena o na Aupuni Imipiriela a elua.  E telegalapa mai oe ia'u e pili ana i ka oiaio o keia mea, ina he oiaio, na hoakaka piha ana.

 

     Helu 44               Barona Komura ia Mr. Kurino.

     (Telegalama).       Tokio, Ianuari la 28, 1904.

     E pili ana i kau telegalama o ka la 26 iho nei, e oluolu oe e ike koke aku ia Kauna Lamedofa a olelo aku iaia, ua hoomana ia mai oe e kou Aupuni e hoole aku me ka ikaika i ka oiaio o ia mau olelo no ka hoouna o ke Aupuni Imipiriela o Iapana i na koa, na poka ame na lako kaua o na ano like ole.  He mea oiaio, ua hoouna aku ke Aupuni Imipiriela o Iapana i na koa, na poka ame na lako kaua e ae aka, e like me ka mea kupono a i kaupalenaia hoi malalo o ke kuikahi me ke aupuni o Korea.  Mahope iho o keia e ui aku oe ia Kauna Lamedofa, i mea hoi e hoomalamalama hou ia ae kou kulana maluna o keia ninau e pili ana i ke ano maoli o ka olelo hooholo a ka halawai i malamaia e na poo aupuni ma ka la 28 iho nei o keia mahina o Ianuari, a ina ua hiki hoi iaia ke hoike mai me ke kohokoho ole i ka la e haawi ia mai o ka pane o ke Aupuni Imipiriela o Rusia.

 

     Helu 45.               Mr. Kiurino ia Barona Komura.

                                    St. Petersburg, Ianuari 28, 1904.

     (Telegalama.)       Loaa, Ianuari 29, 1904.

     Ua oluolu ka manao o Kauna Lamedofa i kau mau hoakaka ana maloko o kau telegalama o keia la. E pili ana i ka'u ninau no ka akoakoa o na pualikoa Rukii kokoke i ka muliwai Ialu, ua manao oia aole ia he oiaio, a ua hoike pu mai oia i ke ano kaumaha o ka laweia ana o keia mau mea mailoko mai o a olelo nupepa.  Ua hoao aku au e like me ka hiki ia'u e loaa ka olelo hooholo a ka halawai hui i noho iho nei.  Ua olelo mai oia ua hiki ole iaia ke hoike ae i ka manao nui o ka olelo hooholo i hooloia i kela po a ka halawai i noho ai.  E hoouna koke ia aku ana keia olelo hooholo imua o ka Emepera, a mahope o ka ike ana o kela ame keia ame keia poo aupuni i ka Emepera he mea hiki ole iaia ma kona aoao, ke hoopuka ae i keia mau mea.  Ua hoakaka mai oia ia'u e hui kino ana ka Duke o Aliki ame ke Kuhina Nui o ka Oihana Kaua me ia i ka Poalua; a ua loaa iaia ka manaolana e loaa ana ka pane a e hoouna ia aku ana ia Adimarala Alakipi i kekahi la ae.  Ua hoike aku au iaia me ka maka'u ole ma ko'u aoao, oia hoi, o ka hoao ana o ke Aupuni nui o Rusia e houlolohi me kana pane, aole wale ia he mea e hoano0e ai na aupuni elua, aka, he mea ia e maikai ole ai ka nohona hoaloha ana.  Ua pakui aku i keia mau olelo oiai eia ke ao holookoa ke nune nei i hooikaika oia ma kona aoao e loaa koke na pane i hiki ai ke hoona ia i ke Aupuni Imipiriela o Rusia.  Ua pane mai oia oiai ua ike no oia a ua hoomaopopo no hoi i ke kulana e ku nei mawaena o na aupuni elua, a oiai hoi ua pau na la i hoikeia ae nei maluna o ka halawai ana o na poo aupuni me ka Emepera, he mea hiki ole iaia ke hooikaika e hoololi i na kumuhana i hoolala mua ia; a ua hooia mai oia ia'u e hooikaika ana oia e like me ka hiki iaia e loaa koke ona pane i keia Poalua ae o keia pule.

 

     Helu 46.              Barona Komura ia Mr. Kurino.

     (Telegalama).       Tokio, Ianuari 30, 1904.

     E pili ana i kau telegalama o ka la 28 iho nei o keia mahina, ke a'o ia aku nei oia e ike koke oe ia Kauna Lamedofa me ka hoohakalia ole a e hoike aku iaia i keia manao piha i kulike hoi me keia:

     Oiai ua hoike mai ke aupuni Imipiriela o Rusia i ko lakou manao piha ma o Kauna Lamedofa la i ke Aupuni Imipiriela o Iapana ua loaa ia lakou ka manaolana e loaa koke aku ana ka lakou pane ma ka Poalua o keia pule ae, ke a'o ia aku nei oe ma keia e olelo aku oe ia Kauna Lamedofa, oiai, ua ike a ua hoomaopopo ke Aupuni Imipiriela o Iapana he mea makehewa ka hooloihi ana aku @  kamailio ana, ua manao piha ke Aupuni Imipiriela o Iapana @ loaa ana ka pane a ke Aupuni Imipiriela o Rusia mamua @ la i hoike mua ia ae nei e Kauna Lamedofa.  Oiai ua @ Kauna Lamedofa ua manao oia e makaukau ana ka pane @ Imipiriela o Rusia i keia Poalua ae, a ua hiki ole no hoi @ ka pane mamua aku o ka la i hoikeia ae nei mamua @ Aupuni Imipiriela o Iapana ina e hoohanohano ia mai @ ka pane a ke Aupuni Imipiriela o Rusia ma ka la i @ maluna, oia hoi ka Poalua o keia pule ana, a ina aole @ hooko ia ma keia la, alaila, o ka la hea la e haawi ia @ a ke Aupuni Imipiriela o Rusia."

     Ina e waiho mai ana o Kauna lamedofa imua ou i @ kaukau ai o ka pane a ke Aupuni Imipiriela o Rusia, @ ia la hookahi, a e ui aku iaia i ke ano o ka lakou pane.

 

     Helu 47.              Mr. Kurino ia Barona Komura.

                                  St. Petersburg, Feberuari 1, 1904

     (Telegalama).       Loaa, Februari la 1, 1904.

     E pili ana i kau telehalama o ka la 30 iho nei o ka mahina @ o Ianuari, ua hele koke aku au a halawai me Kauna @ ahiahi o kekahi la ae, oia oi ka la 31.  Ua olelo mai @ maopopo lea no iaia ke kuhohonu o ke kulana hana i @ mawaena o na Aupuni Imipiriela a elua, a ua iini nui @ kona aoao e loaa koke na ka pane a waiho aku imua  @ Imipiriela o Iapana me ka hoolohilohi hou ole aku @ nawa; aka, o ka ninau ano nui e ku nei mawaena o na @ Imipiriela a elua aole ia he ninau uuku, aka, he ninau @ lilo ia ai kekahi mau noonoo kupono ana maluna olaila @ no hoi, wahi ana, o ka manao nui o na kuhina o ke Aupuni @ ela o Rusia e kaana ia ana no ia me ka manao o Adimarala @ ko Rusia kiaaina nui ma ka aina o Manekekuria, a ma@  kumu, ka ulolohi o na hana e ikeia nei mawaena o na @ E pili ana no ka la e makaukau ai ka pane a hoouna ia ak@ puni Imipiriela o Iapana, aole i hiki iaia ke hoike maopopo @aia ka olelo hooholo maloko o ka poholima o ka Emepiriela @ nae e hooikaika ana oia ma na ano apau e hooko koke ia @ hana.

 

     Helu 48.              Barona Komura ia Mr. @

                                    Tokio, Feberuari la 5, 1904.

     (Telegalama).       Loaa 2:15 @ 

     Oiai o ka hooloihi hou ana aku i ka malamaia ana @ @ kamailio ana e pili ana no na kulana o na aupuni @ @ aole loa ia i hiki ke apo hou ia aku ma ke kulana maikai @ @ ke Aupuni Imipiriela o Iapana, mahope o kekahi mau @@ ana e OKI a e HOOPAU loa i ke kukaikamailio e malamaia @ @ waena o na Aupuni elua oa No Ka Lawelawe Ana i @ @ Hana Kuokoa ma Kons Aoao no ke kupale ana aku i ko @ @ lana i hooweliweliia a no ka hoomalu ana hoi i ko lakou @ @ ame ko lakou mau pono.  I kulike ai me keia ke a'o ia aku @ @ kakau aku ia Kauna lamedofa, mahope hoi o ka loaa ana @ @ telegalama ia oe, i kekahi Palapala i kakauinoaia a i kulike @ @ manao me keia malalo iho:

     Kona Alii ka Emepera o Iapana, ua loaa iaia ka hanohano i @ @ ai me na a'o ana i waihoia mai e kona Aupuni, e hoike aku ana @ @ Hanohano ke Kuhina Nui o ko na Aina E o Kona Alii ke Emepera o na Rukini apau, i keia Palapala Nui e like me keia malalo @ @

     "Ua nana aku ke Aupui Imipiriela o Iapana i ke Kuokoa @ ke Kahuapaa o ka Emepera o Korea ma ke ano oia maoli no ka @ kupono loa no kona (Iapana) pono iho ame kona maluhio, a @ @ o keia kumu, ua hiki ole i ke Aupuni Imipiriela o Iapana @ @ wale aku no i na hana e hanaia ana e kekahi Mana Nui, e hooponiia a e hooweliweli ana hoi i ka nohona Kuokoa o ia Emepera @ @ Kahuapaa.  O ke ku-e hoomau a ke Aupuni Imipiriela o Rusia @ @ paku-i ame na hoololi o ko Iapana mau kumuhana, oiai o @ @ hoapono ana i keia mau paku-i ame na hoololi he hooiaio ana @ @ i ke Kuokoa maoli ame ka kahuapaa o ka Emepera o Korea a @ @ hoomalu ana hoi i ko Iapana kuleana nui iloko o ia aina, hoi @ @ me na hoole a ke Aupuni Imipiriela o Rusia i ka hoomaopopo ana i ko Kina kuleana nui maloko o kela aina nui o Maneke@ @ weliweli nui ia nei ma o ka paa mau ia ana o ia aina e na @ @ o ke Aupuni o Rusia, me ko lakou nana ole ae i ke Kuikahi a paa @ @ mawaena ona ame ke aupuni o Kina ame kana mau olelo @ @ imua o na Mana Nui no ka waiho ana aku ia aina nui malalo @ @ ke aupuni nui o Kina, ua lilo ia he mea nnui i ke Aupuni Imipiriela o Iapana a ua hooholo iho oia e lawe a noonoo i na mea ana i manao ai ua lawa ia no ke kupale ana aku i kona kahua i hooweliweliia.

     Imua o na hana hoololoiahili a ke Aupuni Imipiriela o Rusia i hoakaka ole ia hoi na kumu, ame na hana hoeueu o ka oihana kaua moana ame ka oihana kaua aina i hiki ole hoi i ke Aupuni Imipiriela o Iapana ke nana aku ia lakou me ka manao maikai, ua hi@ @ aupuni Imipiriela o Iapana iloko o na mahina ehiku i malamaia ai o na kukaikamailio ana ina degere hoomanawanui he nui he nau hooiaio ana hoi imua o ko ke ao nei i ko Iapana iini nui e kapae ia ma@ kona kulana aku ame ke Aupuni Imipiriela o Rusia i na mea apana e loaa ole ai na kuee ana mawaena o na aupuni elua ma keia mua aku.  Oiai, iloko o keia mau hana hooikaika nui ma ka aoao o ke Aupuni Imipiriela o Iapana ua ike maopopo lea iho la oia Iapana aole e hoapono mai ana ke Aupuni Imipiliriela o Rusia i kana mau noi haahaa ana, he mau noi hoi, ina e hoapono ia ana e ka Aupuni Imipiriela o Rusia he mea hoohewahewa ole e kukulu paa ia no ka maluhia mawaena o na Aupuni Imipiriela a elua ma ka Hikina Loa Mamuli o keia mau kumu i hoikeia ae nei maluna, aole he alanui @ @ a ke Aupuni Imipiriela o Iapana e hele ai, aka, o ke Oki a Hoopau ae i ke kukaikamailio e malamaia nei mawaena o na Aupuni elua.

     "Ma ka hoapono ana i keia alahele e malama no ke Aupuni Imipiriela o Iapana i ke kuleana e lawelawe ai i na hana kuokoa ana @ manao ai he mau hana ia ua lawa no ke kupale ana aku i kona ma@ kumu ana i hooweliweliia, a no ka hoomalu ana hoi i kona mau kuleana nui iloko o ia aina ame kona mau pono apau loa.

     "Ka Mea Nona Ka Inoa malalo Iho Nei, Etc.

     (Aole i pau.)

 

     ILAMUKU OYAMA.

     KE KAEAEA O IAPANA NANA E HOOKUEMI MAU NEI IA GENERALA KUROPATKIN.

 

     GENERALA STOESSEL.

     KO RUSIA AHIKANANA KE KI HOI NANA E PAA NEI IA POTO ATA I KEIA MAU LA.