Ka Nupepa Kuokoa, Volume XLII, Number 42, 14 October 1904 — OI AKU KEIA. [ARTICLE]
OI AKU KEIA.
>la ka pau ana o na hana a ka Papa Kakauinoa koho balota o keia kau. o ka Mokupuni o Oahu nei. ma ka po Poaono nei. ua ikeia iho ua oi aku ka nui o ka poe koho o keia kau i ko ka w a i hala. Elua makahiki i hala ae nei he 6366 ka nui o ka poe koho ma keia mokupuni. i keia kau hoi he 6631, ua like hoi ia me 265 ka oi i keia kau o ko ke kau i hala. He 674S oia ka nui o na poe i hele ae imua o ka Papa. a mailoko mai o keia huina 117 poe i hooleia. Mailoko mai o keia huina he 63 poe i hooleia no ka Apana Eha. a he 54 no ka Apana Elima. Ma Kalihi na Repubalika i haiolelo ai i ka po Poakahi nei. Ohaohaia na haiolelo a na moho.