Ka Nupepa Kuokoa, Volume XLII, Number 42, 14 October 1904 — Page 3

Ka Nupepa Kuokoa

KE KILOHANA POOKELA NO KA LAHUI HAWAII.

 

NUPEPA KUOKOA, POALIMA, OKATOBA 14, 1904   @

 

KALE O LEONA

 

Ka Naita Puuwai Hao Wiwoole

 

KA HOOPAKELE O KE KAIKAMAHINE ALII I LAWE MALUIA.

 

MOKUNA V.

 

HUI HOU NO KA LUA O KA MANAWA.

 

            "Alaila aole a'u ninau hou ana i koe ia oe." wahi a ka Mahomeda no ke ano lawa ole nae o kona makemake.

            "Aka, he ninau ka'u i makemake ai e ninau ia oe." wahi a Kale Kristiano. Ua i iho nei oe ua hoomapopo oe i ka hana o'u i hooounaia mai ai ianei. Ke makemake nei wau e loaa kekahi mai ia oe mai la @a mikiona la."

            "Ua loaa ia ike ia'u ma o na mea kumau la e ola nei?"

            "A@ wahi a ka naita i hooho ae ai, "alaila ua hiki anei ia oe ke hoike mai i na mea nei? Ua ike anei oe i ka'u mea e huli nei?"

            "Ke manao nei wau ua ike wau."

            "Heaha?"

            "Aole e hiki ia'u ke hoike aku a hiki i ka wa ou e hooiaio mai ai i kuu manaoio no ka mea au e huli nei."

            Ma keia mau olelo ua aneane loa o Kale e hooholo iho ke hele nei kela kanaka ma ke ano he ku iaia, oiai ua hooia aku ka Mahomeda aole oia he kiu eia nae aole i nele ka hoohuoi o Kale.

            "Aohe a'u kokua nou pili i kou ike i ka'u mea e huli nei," wahi a ke Kristiano i pane aku ai.

            "Pela no e loaa ole ai ia'u na kokuaia mai; a aole no a'u kokua e hiki ke panai aku nau." wahi a Abadala i pane aku ai me ka hoo@ ana ae e ku iluna no ka hele ana. "Ua hele mai nei au malia a loaa ka'u kekahi hooaiai ana pili i ko ka Moi Keoni o Leona ame Kase@a manao aa e onou mai i kana mikiona iloko o Garanda nei me ka maka o ka pahikaua, a i ole hoonuinui mai i mea e loaa ai ia mea a@a."

            "A ke hooia aku nei wau ia oe aole hookahi manao i loaa i ka Moi Keola pili ia ano."

            "Ke manaoio nei wau i kau olelo."

            "E ke Keonimana Mahomeda," wahi a Kale. "ke ike nei au i ka nui loa o kou aloha no Garanda nei."

            "Aloha no Garanda?" i hooho ae ai o Abadala. "E ka naita hanohano, aole oe e hiki ke heluhelu i na mea i palapalaia iloko o kuu puuwai; aka, e haalele wau ia oe i keia manawa. E oluolu e kala mai ia'u no ko'u hele aku ma kahi no a'u i komo mai nei. Malia e hui hou kaua. A ina e hui ana kaua alaila he oi aku ana ke kamahao o ia hui ana mamua o keia. E akahele nae oe no ka lunakanawai."

            "Ma ka hoopau ana o na olelo a ka Mahomeda ua nehe aku la oia i kahi o ka pukaaniani a uu ae la i ke aniani iluna a ee aku la no ka hemo ana iwaho a emoole ua nalo aku la iloko o ka pouli.

            Ku ae la o Kale o Leona a holoholo iho la me ka noonoo nui iloko eha e nalu ana i ke ano maoli o keia Mahomeda, ina paha i oiaio e like me kana i hoike mai ai aole he kiu, aka ua nui ke kanalua o ka naita no ka oiaio o ia olelo. O kekahi ana i noonoo ai oia no ka loaa o na hoohuoi iloko o ka Mahomeda pili i kana mikiona me he la ua maopopo iaia, eia nae aole i loaa ka ka naita olelo hoohele a hoi wale oia e hiamoe.

            "Me he la he hana hoao paha kekahi a keia Mahomeda no'u," wahi a Kale i kamailio iho ai iaia iho no, "Eia nae, aole loa he hookahi mea e loaa ana iaia mai a'u aku pili i ka mikiona o'u i hoounaia mai ai ianei. Pehea la oia e manao ai e hoike aku wau iaia? Ma ka manaoio i loaa ia'u aole au he me hiki ko hoolauwili wale ia @ mea no'u e hoike ai."

            A i ka wa no o Kale i waiho ai iluna o kona wahi moe a aole no hoi i liuliu loa ua pa'uhia aku la oia i ka hiamoe, a i ka wa i komo aku ai o Pidiro iloko o ka lumi me he la aole i hiamoe kona Haku.

           

MOKUNA VI.

 

KA WAHINE MARE I HOOWAHAWAHAIA.

 

            Iloko o kekahi o na lumi o ka Halealii e noho ana ka moi Mahomeda a kokoke iaia maluna o kekahi punee nani e noho ana he wahine nona na ano ame na kulana e hoike mai ana oia kekahi o na wahine mare a ka Moi Mahomeda. Aia no na hiohiona opio maluna ona oiai nae ke ano wahine u'i maluna ona ke ano emi aku la, a o kona hiohiona e hoike mai ana ia i ka nui kaumaha ame ka ehaeha olelo o ka naau.

            Aole nae e nele ka ikeia aku he wahine u'i oia i kona mau la, a e mau no ia ano u'i ona ina he maluhia ka nohona ohana, eia nae aia maluna ona na hiohiona haawina o ke aloha kane oiaio no ke nana ia aku ina no aole e ha'iia mai. A o keia wahine oia no ka @wai @ kekahi o na wahine a ka Moi Mahomeda i ikeia ma ka @a, a oia no hoi ka makuahine o ke keikikane hookahi a ka Moi Mahomeda. E uwe ana oia.

            "He oiaio keia olelo au?" i ninau aku ai o Emina iaia i ku @ iluna me kona mau lima ma kona mau aoao a kuwili iho la @ mai ana na piha loa oia i ke kaumaha.

            "He oiaio ia mau olelo a'u e Emina," wahi a ka Moi.

            "A@ hoi kau mea e manao nei e lawe mai ia Zira i wahine @.

            "Ae."

            "@ Mahomeda, he hana hoomainoino loa ia au e manao nei e @. @ he pono iki o ia mea. Aole anei au i noho hooponopono.

            "@ aole a'u mea hoohalahala a aole no e loaa kekahi hewa @."

            "@ anei au i noho aloha mau nou?"
            "@ mau hana ame kou noho ana i hoike maopopo mai @paa ia'u."

            "@ no o keia ike ou no'u, eia nae ke manao nei oe e hoo@ kekahi wahine ma ko'u wahi a kiola aku ia'u iwaho.
            "@a lealea, e Emina."

            "@ lealea? A ua kahiko anei au a pupuka e hiki ole ai @ aloha no'u?

            "@aka nei kou wahine u'i e Emina."

            "@ aloha ole maoli keia."

            "@oonoo nui oe no ia mea e Emina. Aole au i manao no @ha aku ia oe. Aole oe e kaawale aku mai ka Halealii @ kou wahi mau no oe e noho mau ai."

            "@ ko'u wahi mau iloko o ka Halealii!" i pane ae ai ka wahine @ uwe. "Ua manao anei oe he lilo wau o ka hoolawa wale @ pono i kupono wale no i na holoholona? Aole pela e Ma@. O kou aloha ia'u ko'u iini. O ko'u iini nui o kela wahi @ puuwai e kuleana mau loa ia e a'u. Aole oe e lawe mai @mahine a ka lunakanawai iloko o kou puuwai."

            "@na, aia no ia kuleana me a'u a na'u no e hana aku i na @ ko'u lealea. Aohe a'u waiwai i kau mau olelo a'o."

            "@ hoolohe mai ia'u e Mahomeda," wahi a Emina me kona ku @ iluna mai ka noho ana i noho ai. "Aole oe i ike i ke ano @ ka wahina ina manao oe me keia oe e hana mai ai ia'u. Ua hana @ke wau a ua auamo i na ko'iko'i apau no kou pono, a no na makahiki he nui i hala ae i noho hoopono ai au mamuli ou, a i keia manawa hoi ke kiolaia nei au me he opala la a o ka mea hoi i oi loa ke ino oia no ka lawe ia mai o kekahi mea okoa a hoonoho iho ma ko'u wahi. O, e Mahomeda aole anei e hiki ia oe ke hoomaopopo i ka nui ehaeha i koni aku iloko o kuu uhane ma o kela ano manao i hookumuia e oe?"

            "E hoomalu i kou noonoo e ka wahine." i hooho ae ai ka Moi me ke ano emi ana iho o kona kino mai ka wahine aku i noho pu me ia no ka wa loihi me ke akahai a aloha kane maopopo, a holo ae la ka lia o ka eeke iloko o ke kino o ka moi.

            "Aole loa e loaa ia'u ka maluhia a hiki wale i ka wa ou e hoopaa mai ai aole oe e lawe mai ia Zira i wahine nau."

            "Ua hooholo wau e lilo oia i wahine na'u."

            "A ua hooholo oe e hana pela.'

            "Me ka oiaio loa."

            "Alaila e Mahomeda e hele aku ma ke ala au i koho ai," i olelo hou aku ai o Emina me ka leo malie o ke ano ko'iko'i maopopo, oiai nae ka enaena o ke ahi iloko o na maka mohaha maikai o ka wahine me ka hiki ole ke nalo ae mai ka ikeia aku. "E hele aku ma ke ala au i koho ai," wahi hou ana i pane aku ai, a o ka lua no hoi ia o ka manawa no ia olelo hookahi no," a e kiola aku ia'u mai ia oe mai, a e like me ke aloha i kunipaa ia iloko o'u nou pela no ka nui o ka inaina iloko o'u nou. O ke aloha o'u nou oia no ka mea nana e hoomaalili ole mai i ka inaina iloko o'u nou. A ina e pio ia kukui ua like loa ia me ka mimiki paa o ka hau a paa e like me ka hau oluna o Mauna Nevada, a e like no oe iloko o'u me kekahi mea i aihue aku i ke ola mailoko aku o'u."

            "E akahele e Emina; e akahele kau mau olelo hooweliweli."

            "A heaha ka hewa ina e hooweliweli wau?"

            "He oi lua ole ka pahi oki poo a ka mea lawe ola."

            Alaila pii koke ae la ka haikea iloko o ka helehelena o Emina e hulili ae la kona mau maka iloko o ka huhu nui.

            "Aole au i hooweliweli aku ia oe," wahi ana i hawanawana aku ai, iaia i kaomi iho ai i kona umauma me kona mau lima no ka nui kapalili o kona puuwai. "Ua maopopo no oe i ko'u ano i ka haaheo like loa me kou ano haaheo; aka ina he manao kou maluna o kekahi wahine okoa aku i oi aku ka maikai o kona noho mai ianei alaila aole oe i ike pihapono no'u. E hoihoi mai i ko puuwai no kuu aloha nou a e hoike mai ia'u no ko'u kuleana wahine mare nau e like me ka mau, a'u no hoi i haawi ai ia'u iho nou a lilo loa e like me kou makemake."

            "Ua lohe aku nei oe i ka'u olelo hooholo," wahi a ka moi i pane leo ikaika aku ai. "A no e haalele mai ia'u."

            Huli ae la o Emina a hele aku la mai ke alo aku o kana moi aloha nui ai. O na aakoko iloko o ka wahine i holo halana wale ia e kona koko mamua aku--i keia manawa ua holopuni ae ia iloko o kona mau aa me ka ikaika, a o kona mau maka ua piha me ke ahi o ka inaina a me he la ua okomoia aku iloko o kona mau lima he ikaika e loaa ai na umii o ke keikikane mai iaia aku.

            A i ka wahine no hoi i nalo aku ai mai ka lumi aku a ka moi e noho ana ua ku koke ae la o Mahomeda iluna a holoholo iho la.

            "Ma ka inoa o Ala," wahi ana i pane iho ai iaia iho no, "ua oi aku kona noonoo inoino loa maluna o keia mea a'u e hana nei mamua o ka mea a'u i upu wale ai nona, aka iloko o ka manawa kupono e poina ai oia. E loaa no iaia ka maha o ka noonoo ina no wau e oluolu ana iaia a aole no hoi wau i makemake i mea ia nona e hookaumaha wale ai. Ua ike no wau ua aloha wau iaia ana no hoi i hoomaopopo ai paha i ko'u aloha io no iaia. Aka no Zira he opiopio oia a he wahine nani ma kona helehelena."

            O ka hopunaolelo hope loa o ka Mahomeda i puana ae ai ua puka mai ia mai ka puuwai mai me ka makemake nui iloko ona a kau iho la na nanaina o ka olioli maluna o kona helehelena me ka hoopaa ana iho e hooko aku i ka makemake. Ua loaa no iaia ka manao e hookaawale aku i kana wahine punahele aka mamuli o kona maka'u nona oia i hoohakalia ai. I maka'u oia iaia i keia manawa no ka mea e oi aku ana kona hana i ka inoino nona mamua o na ano hoopololei ona mamua aku.

            Aka o keia mau nune maka'u iloko ona no kana wahine he mea ole ia iaia mamuli o ka paa o kona manao e lawe mai ia Zira i wahine nana no ka nani maoli o kona helehelena a he opiopio no hoi, a ua oi paumiia ae kona i ka kana wahine mua; a no keia mea no hoi i haawi ai ka moi ia Beni Hame i ka oihana lunakanawai o Garanda.

            I ka wa i haalele iho ai o Emina i ke aloalii o kana kane ua hoi pololei aku la oia no kona lumi ponoi iho a ma ka aoao o kona moe i kukuli iho ai oia a hookuu aku la i kona mau waimaka o ka ehaeha no ka mea ua piha loa. He manawa loihi no ia ana i uwe ai a mahope mai i akakuu mai ai kona kaumaha a olu iki iho la kona puuwai.

            Nona iho pili i ka moi he aloha kona i pilipaa loa iaia wale no a he oiaio a ka wahine e aloha ai i kana kane, a o ua kane la oia no ka makuakane o kana keiki hookahi i puka aku mai kona puhaka aku a iaia no hoi i lilo aku ke aloha o keia keiki a laua a lilo no hoi oia i punahele. O ke aloha o keia wahine i kana kane he aloha ia o ka wahine oiaio a makuahine maikai o ka home.

            Ua ku ae la oia e hele aku la i kahi o ke aniani-nana nui e ku ana a nana pono iho la i kona ano o ia manawa a hoomaopopo iho la oia i ka like ole o kona hiohiona i keia manawa me kela o na wa i hala ae; alaila huli ae la oia a hookani aku la i ka bele kahea no ke komo mai o kekahi o kana mau kauwa lawelawe. I ka wa i komo mai ai ke kauwa ua kauoha aku la oia e hoomakaukau iaia iho ame ka lawe pu mai i kihei no kona hakuwahine, alaila haalele iho la ke kauwa a hele aku la o Emina i ka pahuume a iloko o kekahi o na pahu o ua ume nei i unuhi mai ai oia i kekahi wahi pahikaua pokole.

            Nana pono iho la oia i ka pahikaua e hulali ae ana a hookomo iho la iloko o kona poli a aole no hoi i liuliu ua komo hou aku la ke kauwa a kokua aku la i kona hakuwahine no ke komo lole ana.

            "Aia e Mada--e ukali mai ia'u," wahi a Emina iaia i hule ae ai a puka aku la iwaho o ka lumi. "E hoomanao e Mada aole loa e ha'iia keia i kekahi mea uhane ola no ka mea ke hele nei wau no ka ike ole ia."

            Alaila haawi aku la ka wahine hana i kona hoomaikai ma ke kulou haahaa ana a hahai aku la no hoi i ka hakuwahine e like me ia i kuhikuhiia mai iaia e hana.

            Ua hele aku la o Emina ma ke alahuna a i ka hala ana o ka papahele lalo o ka Halealii ua komo aku la oia iloko o kekahi holo a puka e hemo ai iwaho i puka aku ai oia--he puka hoi e huli ana i ka mauna. O ka ulu nui o ka meahihi na ia mea i huna ae iaia mai ka ikeia mai e ka maka kanaka, a me na wawae auau oia i hele aku ai no ka wailele o Dalo pololei i kahi uwapo helewawae i hanaia mai kahi aoao a kahi aoao.

            A i kona hiki ana aku ilaila a kaa ma kahi aoao o ka muliwai ua kia pololei aku la oia i kona ala no ka home o ka Lunakanawai Beni Hame. Iaia e hele ana mai ia wahi aku ua nalo ae la ke ano wahine mai iaia aku a iloko o kona puuwai ka pana ikaika o ka hooko i ka mea i upuia e hana aku me ka limaikaika o ke keikikane a Mada hoi i hoomaopopo iho ai he ano hou loa keia o kona haku wahine i loaa iaia i keia manawa, a i loaa ole hoi i na wa he lehulehu i hala aku.

            Aole no he loihi loa o kahi i koe mai ka home mai o ka luna kanawai a me ke auau no hoi o kona mau wawae ua hiki aku la oia ilaila a komo aku la no hoi ma ka puka-pa a hookokoke aku la no hoi i ka hale ma kahi no nae o na wahine e noho mau ai. O ka hoea ana aku la o ka wahine a ka moi he mea nui loa ia e hoohakalia ole ia hoi kona nanaia mai ame ka hookoia o kana makemake, a me ka hoohakalia ole ia no hoi ua laweia aku la oia iloko o ka lumi o Zira oiai olaila kahi o kona makemake, a noho iho la no hoi kana wahine hana me na wahine o ka hale o Beni.

            O keia hoea ana aku o ka Moiwahine ua lilo ia i mea hoopuiwa nui ia Zira, eia nae, ua hoike mai oia i kana hookipa maikai ana i kona moiwahine e like me ka maikai loa e hiki ai iaia ke panai aku ma kona aoao. A mahope iho o ke akakuu ana o ka hanu nui ana ua huli ae la o Emina a ninau aku la ia Zira:

            "O kaua wale no anei keia?"

(Aole i pau.)

 

MAKAIKIU

 

WETE DETONA

 

Ke Ahi Lalapa Pio ole i na Nihiliti

 

Ke Kanaka Amerika Koa lua ole

 

MOKUNA XXVII.

 

NIHILITI A I OLE KOA RUKINI.

 

            "Aole loa wau e paa ana ia lakou. Ke hoomanao mai la paha oe i kahi pahi pokole au i haawi mai ai ia'u? Heaha kela? i hooho ae ai o Vera.

            "He mau koa ekolu. He mea pono ia lakou e nana pono no ko lakou ana ola pakahi i keia manawa. He lehulehu na manawa a'u i pale ae ai i ka pepehi kanaka, aka i ka hopena e ike ia ai o ko lakou ola paha ke lilo ana a o ko'u paha, aka e hoao ana wau o ko lakou ola ke lilo mai."

            "Owai kela?" wahi a kekahi a na koa i hooho nui mai ai i kona ike ana mai ia laua nei.

            "He mau hoaloha e hele holoholo ana. E hookuu mai ia maua, a i ole e ala mai no kekahi hana ko'iko'i," i panai aku ai o Wete.

            I keia manawa aia laua nei ke hele la iloko o kekahi alanui e a ana kona mau kukui, a e ikeia ana na kanaka e kiei mai ana iwaho o na puka aniani o na hale e ku ana ma kela ame keia aoao o ke alanui, aka aole he poe e holoholo ana mawaho. I ka manawa i loheia ai ka hoailona, ua kauohaia lakou e hoi aku iloko o na hale.

            "E nana ae kakou i keia hoaloha," wahi a kekahi koa i pane aku ai i kona mau hoa me ko lakou neenee ana mai.

            "He mea pono na kekahi o oukou e nana mai ia'u, malia paha ua ike no hoi oukou ia'u," wahi a Wete i pane aku ai.

            Nee awiwi aku la o Wete imua o na koa, oiai ua loaa ka manao iloko ona e pono lakou e hookaawale ole kekahi me kekahi i loaa ai ka manawa nona e haawi aku ai i na ai a ka u'i maluna o lakou apau loa. Kau mai la na maka o kela ame keia koa maluna o ka kakou Wete, eia nae aole i hoohakalia iho ka kakou Wete a haawi aku i manawa na keia poe koa e nana pono loa mai ai maluna ona.

            I kona kokoke loa ana a mamua hoi o ka hiki ana i keia poe ke hana mai i kekahi hana maluna ona, ua hapai ae la oia i kana pu raifela me ka hikiwawe, a hou aku la imua a loaa aku la ke kanaka mua loa a waiho maule ana iluna o ka lepo. Mamua o ka hiki ana i kekahi mau koa iho ke hoohana mai i ka laua mau pu ua loaa aku la laua i kekahi hauna ikaika loa a waiho ana laua iluna o ka lepo. O ke kanaka mua i kona ala ana ae mai kona waiho mauleule ana, a ia Wete hoi i hahau ai a waiho na koa elua ilalo, ua ki mai la ua koa nei i kana pu a loaa lihi mai la ua Wete nei a kakou i ka poka malalo o kona poaeae. Ua ike iho la ka kaua Wete i ka wela o ka poka i kiia mai ai, eia nae aole oia i nana ae ia mea, aka lele aku la oia a haawi iho la i kekahi hauna pu ikaika loa i ke koa nana oia i ki mai, a waiho hou ana ua koa la iluna o ka lepo.

            I keia manawa i ikeia aku ai kekahi heluna koa i ka holo ana mai no kahi a laua nei e ku ana, a lohe aku la no hoi laua nei i ke pahupahu mai o kekahi mau kapuai wawae mai kekahi wahi mamao loa mai e hoike ana aia kekahi pualikoa ke hele mai la no kahi i loheia ai ke kani ana o ka pu. Me he mea la o ka hopena paha keia o ka laua holoma-lu ana, a aia hoi ke kaunawahine e ku la me kona makaukau i na manawa apau e hooko i ka make maluna iho ona, oiai ua wehe ae la oia i kahi pokole a paa ae la ma kona lima me ka manao paa e lawe ae i kona ola ke ike oia i ka make ana o kona hoaloha. No Wete hoi aole loa he hopohopo iloko ona. I kona ike ana i kekahi anaina kanaka i puka mailoko mai o ka hale e ku kokoke ana i kahi a laua e ku ana, ua hopu awiwi aku la oia ia Vera a huki awiwi aku la iloko o ke anaina kanaka e kuku ana, a komo aku la laua iloko o ka hale.

            I ko laua manawa i kaa aku ai iloko o ka ho-lo, oia no ka manawa a Wete i hopu aku ai a paa ke kaunawahine a hapai ae la iaia iluna a pii aku la i kekahi alapii e holo ana no ka lua o ka hale. Lohe aku la oia i ka haluku mai o na kapuai wawae mahope ona, a iaia i hiki aku ai i ke anuu hope loa o ke alapii ua huli mai la oia e hahau i ke kanaka e pii kokoke aku ana mahope ona.

            "Uwoki!" i kauoha mai ai ua kanaka la, "Heaha ko olua hewa?"

            "Aole o maua hewa. Ke holo mahuka nei maua mai ka halepaahao aku."

            "Ma ke kumu hoopii hea olua i hoopaaia ai?"

            "No ka maua Nihiliti."

            "Ua hewa anei olua?"

            "Aole, aka e hewa ana maua ke hemo la'ela'e aku maua. Ino maoli no keia aupuni!" wahi a Wete i pane aku ai me ka hookoikoi loa ana iho i kona leo.

            "Aole anei oe he koa?"

            "Aole; ua aihue wau i ke kuka ame ka papale kapu i ka manawa a maua i holo mahuka mai nei."

            "E molia no anei oe i kou ola maluna o ka oiaio o kau mau mea i ha'i mai nei?"

            "Ae."

            "A pehea hoi ka wahine?"

            "Na'u e kamailio no'u iho," i pane aku ai o Vera me ke koa maoli no, "aole wau i ike owai la oe aole hoi i kau hana e hiki ai ke hana mai no maua, aka ke hoohiki aku nei wau imua ou e hana no wau i na hana apau ehiki ana i'u ke hana e ku-e aku ai i keia aupuni hookaumaha nui wale, i loaa ole kekahi wahi hooiaio a hoike hoi a i hooneleia mai hoi i ka hookolokolo pono ana imua o ka aha hookolokolo, eia nae ua ahewaia mai wau a e oki ia ko'u poo no ka hoomaalili ana aku i ka inaina o kekahi wahine no'u."

            "Alaila o oe o Kaunawahine Vera Radolinisiki?"

            "Ae."

            "Alaila aole wau e hoapaapa ana ia olua," wahi a ua kanaka nei me kona huli ana aku e haalele ia laua nei.

            "E ku iho!" i kauoha aku ai o Wete. "Eia oe ke manao nei e hana aku i kekahi hana pono ole. Ina he hiki ia oe ke hoopakele ae ia maua e hana aku oe pela, a e hoike aku no wau i ko oukou poe Nihiliti i ka hana e manaoia nei e hooneoneo i na Nihiliti."

            "Owai oe?"

            "Owau ke kanaka nana i hoike aku i ke poo o ka oihana makai e pepehi ia ana ka Emepera."

            "Alaila he kipi oe?"

            "Aole; ua like no ko'u aloha aina e like me kou. Aole anei ou lohe aku! Aole anei ou ike aku aia na koa i ka puka i keia manawa? E hoopakele anei oe ia maua ame kou aina, a i ole e hookuu ana anei oe ia maua e hopuia mai e na koa a lawe ia aku, a e kau mai hoi ka hopena mainoino maluna o na Nihiliti?"

            "Ina pela e hahai mai olua mahope o'u! Ina he hana kolohe wale no keia au, e lilo koke no kou ola a e oi aku ana hoi ka nui o na poino e kau ana maluna o na Nihiliti?"

 

MOKUNA XXVIII.

 

HUI HOU ME NA NIHILITI.

 

            Ua holo aku la ua kanaka la mamua o laua nei a hiki aku la i kekahi lumi, a wehe aku la i kekahi puka uuku, a kono mai la ia laua nei e komo aku. Ia laua no a komo aku o ke pani koke ia ae la no ia o ka puka. Ke lohe aku la no lakou nei i ka haluku mai o na koa ma ke alapii a laua i pii mai ai.

            "E hahai mai ia'u," i kauoha mai ai ua kanaka la.

            Hopu mai la ua kanaka la i ko Wete lima a pela no hoi o Wete.