Ka Nupepa Kuokoa, Volume XLII, Number 40, 7 October 1904 — AUHEA OE E ALOHA AINA Lalau kau Pane i ke Kuokoa, eia no wau o Kaniahiku. EIA IHO KE KII E HOIKE ANA I KA HOOKAEILI AME KA NELE I KA UHANE ALOHA A KO AUNA E PAINUU NEI. [ARTICLE]

AUHEA OE E ALOHA AINA

Lalau kau Pane i ke Kuokoa, eia no wau o Kaniahiku.

EIA IHO KE KII E HOIKE ANA I KA HOOKAEILI AME KA NELE I KA UHANE ALOHA A KO AUNA E PAINUU NEI.

j Mahalo wau i kou pane ana mai ia'u ma kau o ka la 24 iho nei o Sept., a e hoole ana, aole na ko oukou auna . Demokarata i hoao e hoohaunaele i halawai a makou ma Kalihi. E hooleole wale no ce a ua ikemaka ia e ka poe e kuku ana malaila ia po, aole oe e pekele. Mai wahahee hou na ka Repubalika ia hana. • Aohe maa.o ka Repuhalika i ka hoohaunaele wale no i ka lakou mau halawai, a ina he makemake kou e ike i ke Demokarata nana ua hana hoohaunaele ia po, e hele ae oe ma kuu keena ma Alanui Hotele. a na'u oe e hoike aku. Nui no kou akamai e Aloha Aina, aka, aohe oe e pakeie, he hopu hewa na olelo, a he hiiikau e like me ke kanaka e aneane ana e pihoio. O ka mea oiaio e Aloha Aina. he aoao hookae ili kou aoao Deir.okarata. He hookae ili ke kahua o ke Demokarata mai kinohi- mai, a ina oe e hoole ana ia mea, maopopo kou wahahee. Eia mei na kii e hoike ana i na hana manaonao o kou aoao e Aloha Aina 'ma ka Mokuaina o Georgia, e like me ka'u i hoike ai ia oe i keia pule aku hei, a'u e olelo nei, he aoao kalaiaina KOALA KANAKA JLI ELEELE ka aoao Demokarata. Aohe paha ou menemene e Aloha Aina ia mau hana, ea? Ina e hoomaka mai kekahi aoao kalaiaina e KOALA i kanaka ili eleele, alaila, o kau anei ia e Aloha Aina e olelo ai, "aole he hookae ill ke Demokarata." Hele pela e Aloha Aina, mai a'o i kou lahui i ka mea a kou naau , i ike ai he hewa, o hoopa'i mei auanei na Lani ia oe. a hoaa e like me na nupepa he lehulehu wale i make o na la i hala aku nei. Wahi hou au ma kau pane," ke Kuokoa a ka poe mikanele na lakou i aihue i ka Nohoalii ame ka aina a kakou." Nani no hoi kou noonoo ana pela. Eia hou no oe ke wahahee mai nei, Aohe i pili ke Kuokoa ma ka kaua mau | kalaimanao ana. A ina no paha he I hoao oe e hoike ae i ke akea i ka j mea oiaio. e ike ia mai ana kou mau ' poopoo. E auhea oe, heaha hoi ka mea i helu ole mai ai oe i ko oukou auna ; e kapa. nei he Derr.okarata a 1 ikeia na ' alakai o oukou . Heaha o C. P. laukea. he Aihue Aina no ka mea he Hoohuiaina. Pehea o "W. A. Kinney, 'ke.poo alakai a oukou? Like pu.

Nana i kakauinoa i ke kuikahi Hoo-1 hui Aina me ke Aupuni makua. Pe- ' hea iho o W*. C. W*ilder. Like pu. Oia kekahi o na Komisina i heie i Wakinekona e hoohuj ai i ka aina. Pehea iho o Sam Damon. Oia auna hookahi' no. Ke kuhina waiwai ia o ke aupuni Piki. he Demokarata maopopo me Aloha Aina. a ua nou ia aku la kona | mau puka aniani i ka pohaku e Aloha Aina. Pehea hoi o' Kauka Maka-Iu: oia no ka makua o ka hoohuiaina, a he "Demokarata no hoi. Nui a lehulehu oukou e na Demokaraa i makemake i ka hoohuiaina, au e Aloha Aina e olelo n:ai nei he Aihue Aina ia, aka, nahu ilio la no nae oe i ko alelo. a no kou komo pu ana aku me keia auna Demokarata i kupono ai ko nupepa ke kapaia he "Aihue Aina" aole o Alolia iVina, oiai ua hala kou nani i ke au o Nawahi. Aole loa e puka o C. P. laukea, he j mea hoopaapaa ole ia. Aia oia ma ka ! huelo mahope ioa. A e ike ana no oe e j Aloha Aiiia ia mea, a nolaila he men ! makehewa no'u ke koho iaia, .no. l.a I mea, ina au e hana ana pela, ua :ike i ia pne ko'u kiola wale no i ko'u balota , i ka makani. A o kekahi, aole A*au i i makemake e haawi aku i ko'u balota i ke kanaka Aihue Aina a Hoohui Aina e like me C. P. laukea. O Kalanianaole ka'u Moho a o ka ka hapanui ana, no ia, no ka mea he Alii Aloha Kanaka; Aloha Aina a Aloha Lahul. Hele pola mahope o'u e Demokarata! KANIAHIKU.