Ka Nupepa Kuokoa, Volume XLII, Number 40, 30 September 1904 — HOI MAI IA MISIONARI HAWAII. [ARTICLE]

HOI MAI IA MISIONARI HAWAII.

Mai Kapalakiko mai i keia pule aku nei i hiki mai ai o Rev. D. Punua Mahihila, me kana "\vahine. kekahi hoi o na kiimu misionari Hawaii i hoounaia aku no na Paeaina Kilipati. Ua laweia ae laua e ka mokukuna Yine, he moku hoi i hoolimalimaia e ka Papa Bosetona e halihali aku i na pono o na kumu misionari i hoounaia aku malaila. Ma ka po Sabati nei i haiolelo ae ai 0 Rev. D. Punua Mahihila ma ka iuakini o Kaumakapiii, a ma ka hoolohe ana aku i kana mau olelo he oia mau no ka makaukau ma ka olelo makuahine, oiai nae ua piha na makahiki he umi-kumamalua o ka noho ana iwaena o na Kilipati. Ua hoike ae oia ua onipa-a ke Aupuni o ke Akua ma na Aina E, a ke laha la ka ewanelio malaila. Ua hoolahaia na buke baibala, a ua apo nui mai na kanaka. O ka mea nana e alakai hewa nei i na kanaka i keia manawa oia no na kahuna katolika e noho nei malaila. O kekahi o na mea hou ano nui i ha'iia mai, oia ka papaia ana o ka oihana hoonaauo i na keiki ma ka Paeaina Kilipati, a ua hanaia hoi keia e ko Pelekane mana nui e noho la malaila. O Maiana, ka mokupuni a keia mau kumu misionari i noho ai a hiki w*ale 1 ke kauohaia ana aku nei e hoi mai no ka hoomaha ana a no ka noho loa iho no paha. e like me ka mea e ikeia nei iwaena o na misionari kahiko i law e aku i ka lamaku o ke ola nia na Aina E.