Ka Nupepa Kuokoa, Volume XLII, Number 40, 30 September 1904 — AUWAHA WAI NUI MA MAUI. [ARTICLE]

AUWAHA WAI NUI MA MAUI.

Ua hooholo ae nei ka Hui Mahiko o Wailuku e hoomaka koke ia ka hana ana i auwaha wai nui mai Waihee a hiki i kona mau aina e waiho nei ma Wailuku aine Waikapu i hiki ke hookahe aku ia 42,000,000 galani wai.

E hanaia aku ana keia auwaha ma kahi kiekie ae mai ka auwaha e waiho nei i keia manawa a e kahe nei hoi ka wai no na aina o W T aihee ame ka hui Hawaiian Commercial. E komo loa aku ana hoi keia auwaha iloko o na awawa ame na kumupali o ka aina o Wailuku ma ka hana ana hoi i ka lua pao. Aia ka hana ana o keia auwaha ma ka lima o Jas. T. Taylor, ka haole eneginia o Honolulu nei, a eia oia ma kona kahua hana no ka makaukau e hoohana aku i keia hana.

He hapalua o ka wai e kahe nei i keia manawa aia ma ka hoolimalima i ka Hui Hawaiian Commercial ame Mahiko. aka ke aneane aku nei e pau ua hoolimalima la, nolaila e koe nui iho ana ka wai i ka hui o Wailuku Ke paa mai keia auwaha hou he mea ia e hoomahuahua aku ana i ka waiwai e puka aku ana mai keia hui aku ma keia mua aku.