Ka Nupepa Kuokoa, Volume XLII, Number 39, 23 September 1904 — Page 4
| This text was transcribed by: | Lianne Hee |
| This work is dedicated to: | Maxine Leinaala Porter Hee |
Ka Nupepa Kuokoa
KE KILOHANA POOKELA NO KA LAHUI HAWAII.
NUPEPA KUOKOA, POALIMA SEPATEMABA 23, 1904.
aku i ka Emepera i ko Gerenigofa kulana maoli, a hoao aku hoi e ha’i aku iaia na loaa mai he hoohuoi iloko o’u no Sotia, alaila e minoaka mai ana kela ia’u a ha’i mai na loaa mua ia ike iaia.”
“Pela ka’u e manao nei.”
“Alaila he mea pono ia kaua ke waiho i keia papahana a kaua, a hoohuli aku i ko kaua noonoo ana no Vera?”
“Aia no nae hoi a ike pono aku kaua i ka hana e hana ia mai ana. Malia paha e hoololi ana ka Emepera i kona manao mamuli o ke koi aku a na hoaloha o Sotia?”
“Ke manao nei wau aole oia e hoololi ana. Ua hoopaa aku oia i kana olelo aole e hoopa ia aku o Vera no na la elima.”
“Ina pela he mea pono ia kaua ke kali aku a hiki i ko kaua manawa e kii ia mai ai. Malia paha o loaa mai he wahi pomaikai ia kaua ma keia hele ana mai nei. Malia paha o keia hiki ana mai nei o ke duke kiekie maanei he hana okoa no hoi kana.”
“Ina pela ia kaua e kali ana he mea pono ia kaua ke hoolala no ko Vera pono.”
“Ua pono kela! O ka’u ia e makemake nei.”
“Eia ua papahana la a’u: E hoike aku ana wau ia oe i ka puka e komo ai ma keia alahele huna a’u i ha’i mua aku nei ia oe, a nau ia e koho iho i kekahi po pouli, ma kahi paha o ka hora umi o ka po, e hele ae oe a hoomahuka aku i ke kaunawahine.”
“E holo ana keia alahele huna ihea?”
“E holo pololei ana a hiki i ka iumi e paa mai nei ke kaunawahine. E hoike aku ana no wau ia oe i na mea apau. He mea pono ia oe e hoonalonalo i ke kaunawahine a me kekahi kaalio i makaukau mau no ko olua holo ma lu aku. E haawi aku no wau i mau palapala hookuu no olua e hemo aku ai mawaho aku o ke kulanakauhale, a malaila aku e hana aku ai oe i ka mea hiki ia oe ke hana. Malaila pau ka’u hana a aole loa wau e kokua hou aku ana ia oe.”
“He mea pono anei ia’u ke hele aku a ha’i aku ia Vera no ia mea mamua o ka hoea ana mai o ia manwa?”
“Aole he mea nana e papa aku ia oe. A i ole no hoi na’u no hoe e ha’i mua aku iaia.”
“Alaila aole he kiai ia o keia alahele?”
“Aole loa he poe i ike owau wale no.”
“Pehea hoi i ike ole ai kekahi poe okoa aku?”
“Pehea la, a o ka loaa ana ia’u ma ka ulia wale no, a i loaa hoi ia’u i ko’u manawa e noho poo ana ma ua kakela la. E hoomaopopo iho oe o keia kekahi o na kakela kahiko loa mamua aku o ka manawa o Petero ka Nui. Na keia alii naauao i hooholo he wahi ikaika loa keia e paaia ana e kekahi o kona mau makainana, a nolaila i kuai ai oia a lilo mai iaia, a hooliloia ae i halepaahao a mai ia manawa mai a hiki i keia manawa ka paa ana o keia kakela i ke Aupuni.”
“Pehea e loaa aku ai ua alahele huna la ia’u?”
“Ke hoomaopopo nei no anei oe i ke kahua e ku nei ka halepaahao?”
“Ae.”
“Ke hoomanao nei no nae paha oe i kekahi lua pohaku ma kahi he eha haneri i-a ma ka aoao akau?”
“Ae; ke hoomaopopo loa nei wau.”
“O keia kakela a kaua e kamailio nei ua kukuluia mai na pohaku i hanaia mai keia lua mai, a mai ia manawa mai a hiki i keia manawa aole loa i lawe hou ia na pohaku mai keia wahi mai.”
“Ke hoomanao nei wau i ko’u koho wale ana no i kekahi la a’u i hele aku ai e ike ia oe.”
“Ua nana aku no anei oe iloko o ua lua la?”
“Ae.”
“Alaila ke hoomanao nei oe i kahi puu me na nihoniho i oki ia iloko o ka pohaku e hoike ana i kahi i laweia mai ai kekahi o na pohaku?”
“Ae.”
“A ke hoomaopopo nei no oe i kahi kumulaau wolonata e ku ana ma ke kihi hikina o ua lua la?”
“Ae, ke hoomanao nei no wau ia mea.”
“Ina oe e hele aku ana a hiki i keia wahi kumulaau a pii aku oe ma ka iaia oiaio loa, e ike ana no oe, ke nana pono loa oe, he mau pohaku i hoonohonohoia e like me ke ano o ke ke’a. Oia hoi ua okiia iloko o ka pohaku e like me ke ke’a.”
“Ae.”
“O ua iaia la he ikaika, a ua hiki ia oe ke kau aku maluna ona me ka pilikia ole a hiki i kou kau ana iluna o ka pohaku a kaua e kamailio nei.”
“Ae.”
“Ke nana pono loa iho oe e ike ana oe he wahi paalima i paoia iloko o ka pohaku ma ka aoao hema o ke ke’a.”
“Ma ka aoao malalo?”
“Ae. E hookomo aku oe i kou manamanalima iloko o ua lua la a huki mai ia oe, a e ike ana no oe o ka pohaku ma ka hapa maluna o ka huina hi-o e haule ana iloko o ka lua. E komo aku oe iloko o ka lua a hele aku imua. Mai nei aku aole oe e hoolalahu oiai he pololei wale no ke alahele ahe maalahi no hoi.”
“Alaila aole he pilikia ke komo aku wau iloko olaila a ho-a ae i ke kukui?”
“Aole loa.”
“Pehea, e pani paha wau i ka puka ke komo wau iloko?”
“Ae; he paa ua puka la me ka maalahi loa ke huki oe i kahi paalima e loaa aku ana no ia oe iloko o ka lua.
“Pehea hoi ke hiki aku wau ma kekahi aoao o keia alahele?”
“Ke hiki aku oe i ka palena o ke alahele e ike ana oe i kekahi lina keleawe. E huki oe i ua lina la –aia ua lima la maluna ae o kou poo-a o ke kihi o ka lumi a Vera e paa nei e nee no ia.”
“Ke kihi?”
“Ae. O keia kekahi o na hana akamai loa i hanaia i ole e loaa keia alahele huna, a ma ka’u hookolo ana ma ke kikeke ana i na paia o ua lumi la aole loa i loaa mai ia’u he wahi ano-e o ke kani e hiki ai ke loaa na manao hoohuoi.”
“Mahalo. Ke manao nei wau ua hiki ia’u ke lawe ae ia Vera mai kona wahi e hoopaaia nei, a i hiki ole ia’u ke lawe aku iaia mai keia aina aku, alaila he mea kupaianaha loa ia.”
“Mai ha’i mai oe ia’u i kau hana e hana aku ai a hemo mai keia aina aku, no ka mea e hoomaopopo mai oe i ka’u oihana e hana nei, a maluna olaila e hana aku ana wau i na hana apau e paa mai ai oe ia’u.”
“E hoao no wau ma na ano apau e kaawale mai ia oe mai.”
“A e oluolu mai hoi oe e paa kou waha a mai hoopuka iki oe kekahi mea e pili ana no keia alahele ame Vera pu no hoi.”
“E hooikaika no wau ma na ano apau e lawe aku iaia ma kahi e loaa hou ole mai ai na noonoo ana iloko ou nona.”
“Alaila ua maopopo ae la mawaena o kaua ina wau e hele aku ana e hui me ka Emepera a hooikaika aku iaia e hooka’ulua i ka hookau ana aku i ka hoopa’i maluna o Vera a holopono ole, e kii aku ana oe iaia a hoomahuka aku e like me ka kaua i hoonohonoho mua iho nei?”
“Ae.”
Ua hookahi paha hora ko laua nei kali ana aku mawaho a ia manawa i hoomaka mai ai o Gerisa e uluhua, nolaila ua kahea hou aku la oia i ke kanaka kiai puka a ninau aku la iaia ina paha ua maopopo i ka Emepera ka mea e kali aku nei no ka hui ana aku me ia.”
“Ae, e ka mea hanohano, no ka mea ua i mai ka Emepera ia’u he mea pono no i ka generala e hoomanawanui i ke kali ana nona,” i panai mai ai ke kanaka kiai puka.
Ia lakou e kamailio nei ia manawa i kaui ai kekahi pele, a holo awiwi aku la ke kanaka kiai puka, a i kona hulihoi ana mai i ha’i mai ai oia i ka manao o ka Emepera e kali aku no o Gerisa. O keia ka mea nana i hoala mai i na manao pihoihoi iloko o laua nei, no ka mea ua loaa ia laua he manao ua koho e mai no ka Emepera i ka manao o ke kipa ana aku o Generala Gerisa e ike iaia.
“He manao no ko keia paa ia o kaua ma keia wahi,” wahi a Wete i hawanawana aku ai i kona hoa.
“Aole he hoopaapaa ana no ia mea. Weli, e manaolana no nae kaua e hiki mai ana no ka manawa, ina no nae oe e kokua mai ana ia’u ma kou hookolo ana aku i na mea a kana e hoohuoi nei, a e hiki no ia’u ke lilo i mea nui e hoohewahewa ole ae ai ka Emepera i ka oiaio o ka’u hana e hana nei nona.”
“Ina wau e hemo malaelae aku ana mai keia wahi aku, ke hoopaa aku nei wau e hana no wau i na hana apau e hiki ai ke huai ia ae ka oiaio o keia mau hana apau a kaua e hana nei, a ke ha’i aku nei wau ia oe, ina aole wau i hoopaa ia’u iho e hana no Kaunawahine Radolinisiki, aole loa wau e aa e kia i na hana a keia poe Nihiliti.”
“Ke manao nei wau aole no hoi oe i nele loa i ka puuwai a aole hoi oe e kokua aku ana i ka lakou mau hana hoomana’ona’o?”
“Aole: aka aole he hewa ia’u ke i ae na komo mai no ka manao aloha iloko o’u no lakou no ka nui o ka lakou mau hana hewa e hana nei.”
Pii koke ae la na poohiwi o Generala Gerisa a pane mai la ia Wete:
“Ke manao nei wau ua loaa mai kela manao iloko ou mamuli o kou kanaka Amerika ana, aole anei pela?”
“Ke manao nei anei oe aole loa he hana hewa o kou mau hoa makaainana?”
“E ninau mai oe ia’u ia ninau ke hiki mai i ka manawa e lilo ai wau i kuhikuhi puuone no ka Emepera, a ia manawa wau e ha’i aku ai ia oe i ka haina.”
“A” wahi a Wete i hooho ae ai, “alaila o ia ka pahuhopu o kou manaolana?”
“Ae, a e hiki mai ana no ka manawa e lilo ai wau i kuhina kalaiaina, a ke hiki io mai ia manawa, aole anei oe e ae mai ana e lilo o oe ke poo o ka oihana makai?”
“E ninau mai oe ia ninau,” wahi a Wete i pane aku ai me kona minoaka ana iho, “i ka manawa e lilo io ai oe i Kuhina Kalaiaina, alaila ia manawa wau e haawi aku ai i ka haina o kau ninau.”
Hala ae la he hora hou, a eia no o Wete ma ke ku aku nei e kali ana o ka hoea mai o ko laua manawa e kii ia mai ai, a ia manawa i ano e hou ae ai ko laua nei mau noonoo. Aole i liuliu iho lohe aku la laua nei i ka nakeke mai ma kekahi lumi e pili kokoke ana i ko laua nei lumi e noho ana, a hoomaopopo iho la laua nei eia kekahi mea ke hele mai nei. Ua weheia mai la ka puka a hamama, a iloko o ko Wete manaolana poho, ame ko Gerisa pahaohao, i ike aku ai lana nei i ka puka ana mai o ke Duke Kiekie e alakai ana i ke Kaunawahine Alamazofa. E paa ana no na aahu kaahele o ua kaunawahine la, a ma ia ano i maopopo ai ia Wete ma ua hele loa ae oia no ka halealii i kona manawa i lele ae ai mai kona kaa mai.
Kau mai la na maka hulili o na kaunawahine la maluna o Generala Gerisa, a wehe ae la i kekahi palapala mai kona poli ae, a pane mai la me ka leo malie:
‘He kauoha ano nui keia mai ka Emepera mai, o ia hoi e oki koke ia ko Kaunawahine Radolinisiki poo i keia manawa ano.”
Ua nau iho la ko Gerisa mau ku’i, aka kunou haahaa aku la oia me he mea la aole keia he mea ano nui loa iloko o kona noonoo. Hala aku la ua kaunawahine la me ka hooio nui, alaila huli ae la o Gerisa ia Wete:
“Ua ha’i mai nei hoi oe he eono hora kona haule hope mamua ou.”
“He mea oiaio ua haule io no oia. Ke manao nei wau ua loaa aku ka manao hoohuoi iloko ona, nolaila ua telegarapa e mai oia, alaila hai iho la i kaaahi nona. E hoomaopopo iho kaua ua lilo keia i ninau nui nana e noonoo ai a ua like keia me ka make ame ke ola iaia.”
(Aole i pau.)
RUSSIA ame IAPANA
-: MA KE :-
Kahua Enaena o ke Kaua
Kakauia e Bernard H. Kelekolio.
NA KUKA’IOLELO I MALAMAIA MAWAENA O RUSIA AME IAPANA – ULUHUA O IAPANA I NA HANA HOLOLOIAHILI A RUSIA A HOOHOLO OIA NO KE KAUA – ULUPAIA NA MOKUKAUA O RUSIA E NA AUMOKUKAUA TOPIDO O IAPANA.
3. 3. Olelo paa ma ka aoao o ke Aupuni Imipiriela o Rusia aole e hoopoino a ke’ake’a hoi i ka hoomohala hou ia ana o ko Iapana oihana kalepa ame hana lima maloko o ka aina o Korea, a aole hoi e ku-e a kupale aku hoi i na hana e lawelawe ia ana no ka hoomalu ana ia mau kuleana i hoikeia ae nei maluna.
4. 4. Ka apono ana ma ka aoao o ke Aupuni Imipiriela o Rusia i ko Iapana kuleana nui e hoouna i na pualikoa maloko o Korea no na kumu nui i hoikeia ae nei e ka Pauku maluna a i ole ia no ka hoopio ana i na kaua kuloko a haunaele paha i manaoia ai e ala mai ana na ninau ano nui pili lahui.
5. 5. Olelo paa ma ka aoao o ke Aupuni Imipiriela o Iapana aole e lawelawe i kekahi mau hana pili i ka oihana kaua ma na kapakai o Korea i hiki ke hooweliweli i ke kuokoa o ka lawelawe oihana kalepa ana maloko o na kai kuono o Korea.
6. 6. Olelo paa no ke kukulu ana i kaei kuokoa ma na pe’a aina o Korea Manekekuria e o ana i ke 50 kilometa ma na aoao pakahi a elua, a iloko hoi o keia kaei kuokoa aole hoi e hookomo na aupuni elua i hoikeia ae nei maluna i ko laua mau pualikoa me ka apono ole o kekahi.
7. 7. Ka apono ana ma ka aoao o ke Aupuni Imipiriela o Iapana, o ka aina o Manekekuria aia mawaho o kona palena a mawaho hoi o kona kuleana a me ka apono ana ma ka aoao o ke Aupuni Imipiriela o Rusia o ka aina o Korea, aia mawaho o kona @ hoi o kona kuleana.
NA HALEALII O KA EMEPERA O RUSIA.
(pitures)
KA HALEALII MA CATOHINA.
KA HALEALII ALEXAN@@@ MA@@@
KA HALEALII MA MOSCOW
KA HALEALII @ MA ST. PETERSBURG
3. 8. Ka apono ana ma ka aoao o ke Aupuni Imipiriela @ i ko Rusia kuleana kuikawa maloko o ka aina @ ke kuleana e Rusia a hoohana i na hana ana e @ ai ua mau kuleana ia.
4. 9. Olelo paa ma ka aoao o ke Aupuni @ e ke’ake’a i ko Rusia oihana kalepa a kuleana @ makaainana e noho nei ilaila mamuli o ke K@ ame Korea: olelo paa ma ka aoao o ke Aupuni @ aole e ke’ake’a i ko Iapana kuleana oihana kalepa @ o kona mau makaainana e noho ana ilaila mamuli o @ waena ona ame Kina.
5. 10. Olelo paa aole e ke’ake’a ia ka hoohuiia ana @ o Korea ame na alanuihao o Kina Hikina
i ka manawa @ ia aku ai o ia mau alanuihao i ka muliwai lalu.
3. 11. O keia olelo paa e mana no ia mamua ae @ i hooholoia mawaena o ke Aupuni Imipiriela
o Rusia @ e pili ana i ka aina o Korea.
Helu 23. Barena Komua ia M@
(Telegalama) Tokio, Novemaba @
Ua hoea mai o Barona Rosena imua o’u ma ka @ keia mahina o Okatoba, a hoike mai la imua o’u e ka @ loli Paa a’u hoi i panai aku ai ma ke ano oia na haule @ mau Kumuhana ku-e e like me ia i hoikeia maloko o @ ma o ka la 30 o ka mahina o Okatoba ua hala aku ia @ mea i a’o ia iaia mai ke Aupuni Imipiriela o Rusia @ kumu, ma ka la 1 o Novemaba, e telegalapa aku @ piha o ia mau Hoololi Paa i kona Aupuni me ke @ mau a’o hou. Mamuli o keia kumu ke a’o ia aku @ Hope Kokua o ke Kuhina o na Aina E, e like me ka @ ia oe ma kahi hoi o Kauna Lamedota, a hoike aku iaia @ makaukau ana i na kumuhana maloko o keia ninau @ hia ke Aupuni Imipiriela o Iapana i ka noonoo paha @ makemake ame ka iini nui o ke Aupuni Imipiriela o Rusia @ aku oe iaia ma ka noonoo ana i mau Olelo Hoopaa ma@ Aupuni elua no ka ike ana i ke Kuokoa ame ke kulana @ tore o ke Aupuni o Kina maloko o Korea, e noi wa@ Aupuni Imipiriela o Iapana i mau hooiaio hou ana i @ Rusia i hoapono mau ai, a i ka manawa e noonoo ia @ kau o Rusia e hana ia mau Olelo Paa e pili ana i ka aina @ ke kumu o ke kapae ia ana ae o ke Aupuni Nui o Kina @ maopopo loa ia. Ua makaukau loa ke Aupuni Imipiriela @ e ae, oia hoi, o ka ninau ano nui e pili ana ia Manekekuria @ hoopilikia ole ia o ke Iapana mau kuleana kuikahi iloko @ ninau ia mawaena wale no o ke Aupuni Imipiriela o Rusia Aupuni Nui o Kina; aka, he mau kuleana ahe mau @ kalepa ko Iapana iloko o ia mau pe’a aina, a na manao @ Imipiriela o Iapana ma ke kuahaua ia ana na kaa aku ka @ ia Manekekuria mawaho aku o kona palena ame kona @ he la ua loaa no iaia ke kuleana e noi aku i mau olelo @ aoao o ke Aupuni Imipiriela o Rusia aole e ke’ake’a i @ nohona o kona mau makaainana ame kona mau pono oihana @ i kulike ai hoi me ke Kuikahi mawaena ona ame ke aupuni @ Kina. E hoike pu aku oe a e kuhikuhi hoi o ka Palapala @ ke Aupuni Imipiriela o Iapana ke kumu i ala mai ai o @ kamailio ana, na loaa iaia na anaina ame na akaku e hoea @ ka pahu gula o ka aelike ma na mea e pili ana i ko laua mau @ i hui ma ka Hikina Loa. Aole loa i manao ke Aupuni Imipiriela Iapana oia hoi, ke Aupuni Imipiriela o Rusia, ma ka a@ kela Palapala Kono a ke Aupuni Imipiriela o Iapana, e @ like hoi me na olelo o ka Pauku VII o ka lakou mau K@ ku-e, - e kaupalena i ka hoakaka nui i manao ia ma kela @ aina kahi hoi o na kuleana nui a me na pono oihana kalepa o @ e ikeia nei.
Helu 24. Mr. Kurino ia Barona Kom@
St. Petersburg, Nobvemaba 3, @
(Telegalama). Loaa, Novemaba 3, @
Ua ike au i ka Hope Kokua o ke Kuhina o na Aina @ la 2 o keia mahina. Ua olelo mai oia, ma ke ano o kona mau @ ponoi iho, ke hana mau nei ke Aupuni Imipiriela o Iapana @ kauoha hookahi no maloko no nae o na mamalaolelo like @ mau kauoha a Iapana na nui loa. Ua ninau aku au iaia @ lana hea la i nui loa ai ka kakou kauoha i ke Aupuni @ Rusia me ko’u pakui pu aku aole kakou i noi a hu aku ma@ ka palena, aka, o ka hoapono wale no ma ka aoao o ke Aupuni Imipiriela o Rusia i ka ihiihi o ke Kuikahi e ku nei i keia @ pili ana no ke kuleana o kona mau makaainana ame ka @ kalepa iloko o Manekekuia. Ua olelo mai la oia aole i @ Barona Rosena iaia i kekahi mea e pili ana i keia kumu@ mea kuia wale no, wahi ana i olelo mai ai, oia ka @ alahao o Korea ame ke alahao o Manekekuria. No @ pili ana i na he mau kuia e ae kekahi, na pane mai oia, @ ke kuia i maopopo i ke Aupuni Imipiriela o Rusia, oiai @ apono ia keia no ka manawa: a ma ka hopena o ka mana@ mailio ana ua noi aku au iaia e hoohana aku i kona ike @ noeau no ka loaa ana o kekahi mau apono ana maluna o @ oiai ke Aupuni Imipiriela o Iapana ua iini nui loa e hoea @ ka pahu gula o ka aelike, a ua kono ikaika aku au iaia @ Kauna Lamedofa maluna oia mau manao hookahi, a @ hiki, e hele aku imua o ka hanohano ihiihi o ka Emeperela @ aku imua ona i keia ninau. Ua olelo mai oia ua ae oia @ apau e hana e like me ia, me ka olelo pu ana mai e huli @ o Kauna Lamedofa ma ka pule hope o keia mahina.
( Aole i pau.)