Ka Nupepa Kuokoa, Volume XLII, Number 37, 9 Kepakemapa 1904 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

4

 

mea apau, a o ke kali wale aku no a hiki mai, aka i ka hala loa ana o kekahi manawa a kuu loa ka ikiiki o ka hooikaika hoowehiwehi ana, aia hoi ua hooho ia ae la i ka ikeia ana aku o kekahi pualikoa kaualio e nee ae ana kokoke i ke kakela a manao wale ae la no lakou o ka Emepera ia me na ihe e kuku ana iluna ma na aoao o na lio a e pa olino ana i ka maka o ka la, a aole i liuliu loa ua ikuwa mai la ka pihe o waho me na huro leo hooho olioli a i ka nanaia ana aku ka hana e hoopii mai ana ua huakai nei i ka piina e hiki mai ai i ke Kakela Turona.

            Aia iluna o ka aleo ma ka puka-pa e ku ana ke Kaunawahine Tekela i ukaliia e ke Kaunawahine Henerika no ka nana ana i ka huakai Emepera e hoea mai ana a no ke ake e ike e aku i’ka helehelena o ka Emepera.  Ua kauoha aku no ke Kaunawahine Tekela i ka makuakane e ku makaukau oia ma ka ipuka e hamama ana a e apo aku i ka Emepera i kona wanawa e komo mai ai a o laua no hoi kekahi e kokua pu aku ai iaia—o na kaunawahine a elua, a aia no hoi na koe o ke Kauna Paele ke ku makaukau la ma ko lakou wahi i haawiia no lakou me ka lakou mau ihe loloa e o ana iloko o ka lewa lani.

            Aole no i liuliu loa ua oili mai la ka huakai Emepera ma ka hoopiina a lakou e pii mai ana a o ka Emepera no ke kanaka mua loa i ikeia aku ai ame kona hoa ma ka aoao oiai na pii palua mai ka huakai e like me ke akea o ke alanui a lakou e pii mai ana; a o na mea oluna o ka aleo ua hooholo koke no laua i ko laua manao o ka Emepera io no ia ke kanaka nona ka aahu kapa-kila e hulali ana i ka la a mamua no hoi a ka huakai, e kau ana maluna o ka lio keokeo e ka’inapu ana me ka haaheo nui; a ma kona aoao e ukali ana kekahi aliikoa kiekie.  A mahope pono o laua e ukali mai ana kekahi poe kaualio, a pela iho o ka Emepera Rodolofo e pii mai ana i ke Kakela Turona oiai nae oia he mea hoomalu mai ka laina koa kiai o na Akibihopa aku mai ke kakela aku he manawa aole i hala loa.

            O ka poe oluna o ka pa huiia me na kaunawahine e kuku ana iluna o ka aleo ua hiki ole ia lakou ke uumi iho i ko lakou mau hooho mahalo no ka nui kilakila maoli o ke kulana o ke koa manua loa ame kona poe ukali no apau a ua uwa leo nui ae la lakou me ka pa’ipa’i nui ana o Tekela a nona iho ua nui ino kona olioli ame ka haaheo no kona Emepera.

            No ke Kauna Paele oia no kekahi i puiwa nui i ka hiwahiwa maoli io no o ka huakai Emepera aka ua loi koke aku la no oia i ke ano o ka huakai—i kona manao me he huakai hoolewa la ia no ke kanu aku i ka mea i make, a no Hilda hoi ua hekau iho la na hiohiona na kaumaha maluna o kona helehelena a haule pahu kona manaolana no ka mea ua upu mua aku oia o Konorado no ka mea e hele ana ma ka aoao o ka Haku Rodolofo eia nae aole ona ike aku.

            “E ka makua,? wahi a Tekela i pane mai ai i ke Kauna Paele, “ina e kii mai oe ia mana e iho aku ilalo alaila ua makaukau maua no ke ku ana ma ka ipuka no ka hookipa mai i ka Emepera.”  Ua pane aku o Tekela me ke ano pihoihoi he wa ia o ka nui eehia o ka hana hookipa.

            Ua hoolohe aku no ke Kauna Paele i keia noi a ke kaikamahine a aole no hoi i u iho aia lakou apau ma ka ipuka, oiai nae aia na manao kuemi iloko o ke Kauna aole nae e hiki iaia ke haalele i kona kulana i ku la a o ke ku aku a hiki i ka hopena o na hana oia wale no ka mea e hoomanawanui wale aku ai me ka hookuanui ana, a aia ma kona aoao akua kana wahine me na kuli haalulu nui a o ke Kaunawahine Tekela na kona aoao hema e ku ana me kona man papalima i haliiia e ka haikea no ka nui pihoihoi eia nae aia no ka wahine ui me ia.

            O na koa kaualio n=mahope koke iho o ka Emepera ua holomana mai la lakou imua a kuku laina ae la ma na aoao o ke alanui mamua pono o ka puka-pa a oia no hoi ka mea nana i huna ae i ka helehelena o ka Emepera mai ka ike pono ia aku a aole no hoi i huliu ua ku makaukau iho la na koa kanalio no ka hele ae o ko lakou Emepera a oia no hoi ka manawa i pii mai ai ka Emepera imua no ka ipukapa e hamama aku ana nona.

            Me ka moeuhane mua ole o ke Kaunawahine Tekela ame ka poe no apau o ke kakela aia hoi ua puiwa loa ia o Tekela i ka ike ana aku a hoomaopopo koke iho la i ka Emepera i ka hookokoke loa ana mai i ka puka-pa me Konorado e ukali ana ma kona aiai, a kahea leo nui ae la oia no ka nui puiwa a hina aku la oia iluna o ka makuakane no ke kakoo ana iaia mai kona hina aku ilalo i ka honua.  Ua huli ino mai la ke Kauna Paele i hope no ka hoomaopopo ana heaha la ka mea i hina aku maluna ona a e mea aku ana oia e pane leo ikaika e like no me kona ano mau aia hoi ua pane koke aku la a Tekela iaia me ka leo ano hawanawana me ka pihoihoi nui:

            “E ka maua, e ka makua, e nana aku!  Owai ka Emepera?”

            Ua huli hou aku la ke Kauna Paele imna a nana pono aku la a pane ae la me ka leo ikaika:

            “Aole kela o ka Eme[era, aka o Rodolofo no. Aia ihea ka Emepera?”

            Me ka hikiwawe o ka noonoo ame ka hoohakalia ole ua pane koke aku la o Tekela i ka mamua mamuli o kona hoomaopopo koke ana:

            “O ka Haku Rodolofo no ka Emepera.”

            Ua pii mai la a Rodolofo ame Konorado ma kona aiai a lele iho la mai kona lio iho a pela no hoi o Konorado a oia hoi ka manawa i ky iho ai na mea apau.

            “E kuu Haku Kauna,” i pane aku ai o Rodolofo, “ke ike nei oe i ka maalahi loa o ka lawepioia o ke kakela i ka manawa e hiki mai ai o ke koa oiaio.”

            Ua kunana wale iho la no ke Kauna Paele me ka pane leo ole no ka mea aole naopopo o ka mea e olelo aku ai, eia nae, aole i hooka’ulua iho o Rodolofo oiai aia kona mau maka maluna o na hiohiona u’i o Tekela a pau pu hoi me kona puuwai ilaila.

            “Tekela,” i pane aku ai oia me ka leo oluolu haahaa a hopu aku la i ka lima palupalu iloko o kona a hapai ae la no ka koni ana, “e hookipa ohaoha ia anei ke Alii i huli hoi mai nei e like me ko Rodolofo hookipaia?”

            “Ae—e ka Mea Kiekie,” i pane aku ai o Tekela me ka leo haahaa o ke ano hawanawana, iaia no hoi i alawa ae ai ia Rodolofo oiai no hoi ko Rodolofo mau maka maluna o ka u’i o Tarevis.

            “E haawi anei ke Kaunawahine Tekela i kona ae e lilo i Emeperesa Tekela?”

            “O ka olioli nui o ka makaainana oiaio oia ka hoolohe i ke kauoha a kona poo-aupuni,” wahi a Tekela i pane aku ai me ka minoaka e kalii ana maluna o kona mau papalina i kona puuwai hoi e hakukoi ana me ke aloha kane io me ka paha oha’o nui ne nae.

            Alaila hapai hou ae la ka Emepera i ka lima palupalu o ka u’i nohea a honi iho la no ka lua o ka manawa.

            “Ke mannao nei wau,” wahi a ke Kauna Paele i pane kikoo-la ae ai, “aohe he waiwai o ko’u ku hou ana ma keia wahi me he hehepa la.”

            Ua aka leo nui ae la ka Emepera a pela no hoi ke Kaunawahine Tekela, a o keia olohewa ana o ke Kauna kekahi mea nana i hoomalani ae ia lakou apau a hu ae la ka aka o na mea apau i loke i keia hoopuoho, a aia no hoi ua minoaka iluna me na koa e ku laina ana.

            “Aole pela e kuu Haku,” wahi a ka Emepera.  “O ka maua e kamailio ai no maua iho aole no i hoohalahalaia ka loheia e waho mai, ua oi aku no nae ka maikai ina maua wale iho no.”  Alaila huli ae la o Rodolofo ia Hilda a pane aku la me na olelo hoolana manao iaia i ike aku ai.  “Ua hoolilo aku wau ia Konorado i Haku, eia nae ua hoike mai oia ia’u me ka nana ole ae i kona kulana hanohano ma ke ano he Haku, aia no kona aloha me ke wahine opio kulana haahaa.  @olaila aole e liuliu e lilo no kakou i mau ohana hanohano, ka poe i hooikaika no ko lakou pono oiai lakou maluna o ka iliwai o ka muliwai Mose’le.”

            “Tekela,” i hawanawana aku ai o Rodolofo ia laua i komo aku ia iloko o ka lumi hookipa. “aole ou kahu hanai i keia manawa no ka mea ua hookuu mai nei ka Akibihopa o Tarevis i kona kuleana kahu hanai maluna ou, a ua hoopau ae nei oia i keia kaua a ua uhi iho ka maluhia maluna o ka aina holookoa, a aole no hoi e kaa malalo iho o ekolu Akibihopa e lawelawe ai i ka berita laa ma ko kaua mare.”

            O ka Haku Konorado ame ka wahine opio Hilda i hipunia ko lana puuwai e ke aloha ua lilo ae no lana i hookahi a ua lalamaia ko laua mare me ka hanohano o ke kulana hanohano “Haku:” a o kahi Panapua Ioane Sure aole oia e poinaia no ka mea aia oia ma ke kulana kiekie o ka oihana a’o oihana kana panapua no ke Aupuni i nele ole ai kona hilinaiia e kona Haku aole nae e loaa aku i ko ka Barona Sigifarai vona Burunofela. A o ka aina loi aia iloko o ka maluhia malolo o ka hoomalu o na poo-aupuni i aloha nui ia e na makaainana—ka Emepera Rodolofo ame ka Emepera Tekela. 

 

KA HOPENA.

 

_________________________

 

KALE O LEONA

Ka Naita Puuwai Hao Wiwoole - - -

KA HOOPAKELE O KE KAIKAMAHINE ALII I LAWE MALUIA.

MOKUNA I.

KA NAITA O LEONA.

 

________________________

 

            “He makemake au e ike i ha puka ana o ka la,”  wahi a ke kanaka Mahomeda.

            “Ua oi aku ka maikai loa o ka moe malie iluna o ka moe mamua o kou holoholo iwaho nei no ka ike aoa i ka la.

            Ia manwa koke no ua pii koke ae la no i ka manawa pokole no ka hu’na ana ia ano kunahihi, a hoi hou iho la a kona ano kaumaha, e hakapono ano na maka ona ia Pidero me ka pane pu ana aku:

            “Ua hanaia mai ka la me na mea e ae apau a oia no ka mea i oikele loa aku o ke ao holookoa nei a he aloha wau i ka nana ana iaia.  E hele olua ma ko olua alahele a na’u no e kokolo malie aku e like me ka hiki ia’u.”

            “Aole hoi pela.” wahi a ka naita.  “O kuu hoahele nei he wahi ano kaokoa ae no kahi ona mai ka hapanui mai o na kanaka, a aole mana e haalele ia oe i like me ke ano mau o na kristiano.  E Pidiro, e hookau ae iaia mahope ou iluna o kou lio.  Ua ike wan aole ou makemake e hooluu wale i ka mea nawaliwali.”

            Me ka hooka’ulua ole hou iho ame ka eleu no hoi ua lele koke iho la o Pidiro Bamabino mai kona lio iho a kokua ae la i ka Mahomeda a kau ana iluna o ka lio mahope no nae.  Me ka hana nui nae ka hooikaika ana o ka Mahomeda a kau iluna.

            “E ka naita maikai,” wahi a ke kanaka au maloeloe, ia lakou ekolu i hoomau aku ai no ke kulanakauhale.  “Aole au i makemakee ninau nui aku ia oe, aka ina ua makemake nui oe hikiwawe i ke kulanakauhale alaila ke noi aku nei wau ia oe e ae mai i ko’u makemake oiai ua like aku la ko’u manao me kou o ka hikiwawe.”

            A no keia paipai a ka Mahomeda ua hoomaka aku la lakou e holo a me ka maikai no hoi ia holo ana a hiki wale i ko lakou hoea ana i kekahi puu piiku, a malaila no hoi i hele malie aku ai na holoholona ma ka pii ana.

            “Ke hele nei oe o hui pu iloko o na lealea hakoko o ka la apopo, aole anei pela?” i ninau aku ai ka Mahomeda oopa, me ka alawa pu ana ae o kona mau maka maluna’o ke kanaka opio.

            “Aole au i maopopo he lealea kahi o ia ano,” i pane aku ai ka naita me na maka hoihoi i ka lohe ana i ka meahou.  “Aka, ke manaoio nei wau e hiki aku ana wau ilaila ina he lealea kekahi e malamaia ana.”

            “Ae, e malamaia ana he lealea houhou ihe a e nui ana na maka hanohano e hiki kino ae ana ilaila no ka ikemaka ana,” wahi hou a ka Mahomeda.

            “Ke hauoli loa nei wau,” wahi a Pidiro, “owau ana kekahi makaikai e hiki aku ana ilaila, no ka mea owau no ka mea e paa aku i ka palekana o kuu haku.”

            Ma ka manawa e kamailio ana o Pidiro aia oia ke paipai pu la i ka a-i o kona lio a ou haaheo ae la kona kino ma ka nana ana i ke kulana hiehie o ka naita opio a hui pu aku la no hoi ka Mahomeda ma ia haawina hookahi o ka hooho mahalo i ka naita opio no kona kulana hanohano a hiehie hui.

            “Mai Leona mai nei oe, e ka naita hanohano,” wahi a ka Mahomeda i pane aku ai mahope iho o kona nana hoohihi nui ana i ka naita.

            “Ae,” wahi a ka naita.

            “A he kauna no hoi.”

            “Ae.”

            “O ke Kauna o Valedolida no hoi oe,” wahi hou a ka Mahomeda.

            “Ike maoli kou maka,” i pane aku ai ka naita me kahi minoaka.

            “Ua loaa ia ike ma ka hoomaopopo ana i kela mau hulu Okalika e welo la,” wahi hou a ka Mahomeda.

            “Pela, pololei.  No’u iho, owau o Kale, ke Kauna o Valedolida, a he naita oiaio no Leona.”

            “A heaha ka hana a ke Kauna Kale o Valedolida e hele loa nei i ka hema?”

            “He huakai makaikai keia,” wahi a ka naita, a mahope iho o ka nana pono ana i na maka o ka Mahomeda na pane hou aku la oia:

            “Oiai, o oe ka mea mua loa i hui mai me a’u, ma ka inoa hea wau i kahea aku ai ia oe?”

            “No ka hoike ana i ka oiaio, e ka naita maikai,” wahi a ka Mahomeda me ka nanaina ano e e halii ana maluna ona, aohe he nana i ka inoa o’u e kapaia mai ana.  Ma na ano apau ke manao nei wau aole paha e hui hou ana kaua a’u no hoi e manaoio nei aole paha e loaa ia’u he manawa e panai aku ai i ka’u maikai no kau kokua maikai i haawi mai ai na’u.  Eia nae, he kahea mau ia wau ma ka inoa Abadala, a ina he kupono ia inoa i kou manao alaila ua hiki oe ke kahea mai ia’u ma ia inoa.”

            Ma keia mau olelo hoakaka a ke kanaka Mahomeda ua ulu mai ka hoohuoi iloko o ka naita opio—no ke ano maikai o na olelo ame ke ano kupanaha o kona aahu a ke huiia me kona hiohiona aole e nele ka loaa o ka manao e noii pono aku i kona ano.

            “He kamaaina anei oe no ke kulanakauhale o Garanda?”  i ninau aku ai ka Naita Kale.

            “No ia wahi no a no na wahi e ae no hoi.”

            “A ma ka nana aku nae ia oe a me kou makemake e hiki koko ilaila me he la aia he hana nui me oe ke kali mai la ia oe.”

            “Ae.”

            Ua haawiia aku keia huaolelo kukai “ae” e ka Mahomeda me ke ano-e ke kumu i komo pu mai ai o Pidiro iloko o keia hoohuoi o kona haku opio a no ia mea na ninau aku la oia iaia.

            “Ma ka inoa o ka noono@ maikai, he kanaka kamahao maoli oe.”

            “A he ao kupaianaha no keia.  Aole anei oe i hoomaopopo ia mea?”

            “Ke manaoio nei wau he pololei kau i ha’i mai la,” wahi a Pidiro i pane aku ai ma keia manawa no hoi ua hiki aku la lakou iluna o ka puu a he wahi palahalaha aku ia o ka aina a waiho kalae mai la no hoi ke kulanakauhale o Garanda imua o lakou.

            A ma keia wahi aku ua hoomaka aku la na holoholona e holokuku a me ia ano hoi a hala wale kekahi manawa ua hiki aku la lakou i ka puka o ke kulanakauhale.  Aole no lakou i ninaninau nui ia a aeia lakou e komo iloko, a ia kalou @ (right side of the rest of this column is unreadable) kulanakauhale aia n kamaaina ke holoke la i @ hana.

            “Maanei,” wahi a ka Mahomeda ia lakou @ kahi alanui ololi ma ka aoao hikina o ke @ ai olua ia’u.”

            “Aole e lawe loa aku no mana ia oe a @ wahi a ka naita.

            “Maanei ua lawa ka ohia kokua.  ina @ halo no ke kokua i panaiia mai ia’a aole au e @ ia oe.”

            Me ka eleu no hoi i kokua iho ai o Pidiro i @ hookuu ana iaia ilalo mai ka lio iho.  I ke kuu @ nele ka ike o ke kauna opio i ka eha io o na kanaka @ ole ke hele iaia i hoao aku ai e hele.  Eia nae ua @ i ka naita e hiki no iaia ke hoomanawanui no ka @ no kona e hana pela.

            “E Kale o Valedolida,” wahi a ka Mahomeda i @ i huli aku ai a nana i ka naita,”  ua olelo mai oe @ keia au i hele mai nei, aka ino he hana pu kahi @ ke ha’i aku nei wau ia oe e akahele a makaala loa @ i ua mea la.”

            “Ma o Sana Jago la, e ka Haku Kale, heaha kau @ kelo kanaka ano-e?” i ninau aku ai o Pidiro.

            “Aole he mea i loaa ia’u nona.” wahi a ka @ huoi a ha’oha’o me ka nalu nui hoi iloko o kona @

loaa ole o ka pane kupono aole oia i pane hou aku @

            Me ka maalahi loa ua loaa aku la i ka naita @ maikai a malaila oia i kapa aku ai me kona @ Esq.. a mahope iho o ka hoomaopopo ani i na @ lawaia me ka ai kupono ua komo aku la laua iloko @ kauoha aku la ka naita i ainakakahiaka nona @

 

(Aole i pau.)

 

___________________

 

RUSIA AME IAPANA

--: MA KE:--

Kahua Enaena o ke Kaua

Kakauia e Bernard H. Kelekolio.

 

NA KUKA’IOLELE I MALAMAIA MAWAENA O RUSIA @ IAPANA—ULUHUA O IAPANA I NA HANA @ HILI A RUSIA A HOOHOLO OIA NO KE KAUA @NA MOKUKAUA O RUSIA E NA AUMOKUKAUA @ O IAPANA.

 

__________________

 

            Helu 13.   Mr. Kurino ia Barona Komu@ Pookulanakauhale o St. Petersburg, Sepatemaba la @ (Telegalama).

            Ua ike au ia Kauna Lamedofa inehinei.  Me ka @ kekea ola ia ka hoomaopopo pono ia ana ka manao @ manao ana i apoia maloko o kau telegalama o ka la @ iho @ ka manao pu uo hoi e hoomaikeike pono aku i ke Aupuni @ o Rusia i ka manao ano nui o ke Aupuni o Iapana e kal@ na o keia kumuhana, ua hoomakaukau iho au he Palapala @ haawi aku la maloko o kona poholima.  Ua malama ia iho @ na o maua he mau kukaikamailio ana maluna o keia @ manao ano nui o kane pane ua like no ia me ia malolo iho @

            I kulike ai me kona ike maa mau o ka nohona ana o na @ he @ iloko o ke Keena o na Aina E, o na ninau ano pili @ malama mau ia no ia maluna o ke kumuhana o kekahi Mana @ ame ka pane a kekahi, a he mea maa mau ole no hoi i ka @ ana i ke kumuhana a hookahi Aupuni oia ka loina e malam@ na kukaikamailio ana.  Ua kauohaia aku nei o Barona Ro@ Emepera e noii kupono i ke kumuhana a ke Aupuni Imipi@ pana.  a ia manawa hookahi no hoi e hoomakaukau i mau @ ku-e me ke kuaikamailio pu no nae me Adimarala Alak@ apono ana ke Aupuni Imipiriela o Iapana i komo iloko @ kamailio ana, e pono no e apono koke ia na kumuhana a @ na kumuhana-ku-e a Rusia oia ka loina e hele ai no ka @ i na kukaikamailio ana.  Ua hoike aku ai ia Kauna Lam@ loaa io i ke Aupuni Imipiriela o Rusia kela manao ame @ e mau ka nohona hoaloha ana o na Aupuni elua ua manao @ hana, pono ma ka aoao o ke Aupuni o Rusia e a’o i ko @ hoahana apono aku i na kumuhana o ke Aupuni Imipiri@ a i ole hoi ia, o ka loina ano nui i apo ia iloko o na kumu@ Aupuni Imiperiela o Iapana i hoohikiwawe ia ai hoi ka @ na Aupuni elua, oiai ua ano hopohopo au ina e komo mai @ marala Alakipi maloko o keia kukaiolele ana me ka manao @ .  Ua olelo mai  oia i ka manawa i waiho mai ai ke Aupuni @ o lapana i kana mau kumuhana imua o Rusia, he elua @ hele i loaa iaia, o ke kapae loa ana ia mau kumuhana oia @ o ka lua hoi, ke apono ana aku iaia me ka pumehana a @ hoi iloko o ke apo gula o ke kukaikamailio ana.  Ua lakou @ Aupuni o Rusia i ke kumuhana hope oia hoi ka malama @ kukaikamailio; aka nae o keia hana ma ka aoao o Rusia aole @ hoike ana mai ua ae malaelae ia aku ia mau kumuhana; @ muli o ka hooholoia ana mawaena o na aupuni elua e @kukaiolelo ana, ua hooholo iho lakou no ka noonoo kuio ana @  kumuhana me ka hoomakaukau pu hoi i ke kumuhana @ ai hoi ke hooliloia na kumuhana elua oia ke kahua paa @ ai o na kukaikamailio ana.  O kekahi, wahi ana, aia iloko @ kou mau kumuhana kekahi mau hopuna olelo i kulike @ pono o ke Aupuni Imipiriela o Rusia, a o kekahi hoi kupono @ Ioliia; a aole i hiki iaia ke olelo e apono ana ke aupuni @ o Rusia i ka kakou kumuhana a i ole hoi i kona mau loina @ aka, me na kumuhana ku-e a ke aupuni o Rusia.

            Mahope o ka hooikaika pauaho ole ana no ka hooko i @ nui o ke Aupuni Imipiriela o Iapana, na hooholo iho au @ kiki ka hoololi ana i ka manao paa o Kauna Lamedofa: a @ au aole he alahele e ai a Iapana e uhaiaholo ai aka, o ka @ aku no i ka manao o Kauna Lamedofa.  E haalele ana o Kauna Lamedofa ianei i ka la @ no ke kulanakauhale o Darmstadt @ Emepera.

 

            Helu 14.                        Barona Komura ia Mr. Kuri@ (Telegalama.)  Tokio Sepatemaba la 9, 19@

            E pili ana i kau telegalama o ka la 5 iho nei, ke ka@ nei oe ma keia e hoike aku ia Kauna Lamedofa ua ae ek Aupuni Imipiriela o lapana e malamaia na kukaikamailio ana ma @ nakauhale o Tokio a e hoike pu aku oe ua hilinai nui ke Aupuni o Iapana e a’o ia ke Kuhina Nui o Rusia na Tokio @ ano oia ka mea a hoohikiwaweia ai o ka panaiia ana mai o na @ hana ku-e a ke Aupuni Imipiriela o Rusia me ka ulolohi @ no ka hoomaka koke ana e malama i na kukaikamailio ana.

 

            Helu 15.                       Mr. Kurino ia Barona Domua.

(Telegalama).              St. Petersburg.  Sepatemaba la 9, 19@  Loaa, Sepatemaba la 10, 1903

            Ua ike an ia Kauna Lamedofa i keia la.  Ua hoike mai oia @ ma o ke kanoha la a ka Emepera, no ka hoomakaukau ana i na @ muhana ku-e e like me ka hikiwawe i hiki ia laua, a no ka hoomaka ana hoi i malama i na kukaikamailio; ua manao oia he mea pono ole ke a’o ana maluna o ia kumuhana hookahi.

 

(Aole i pau.)