Ka Nupepa Kuokoa, Volume XLII, Number 37, 9 September 1904 — Page 2

Ka Nupepa Kuokoa

KE KILOHANA POOKELA NO KA LAHUI HAWAII.

 

NUPEPA KUOKOA, POALIMA, SEPATEMABA 9, 1904

 

KA NUPEPA KUOKOA

NO KA MAKAHIKI $2.00

NO EONO MAHINA            $1.00

 

SUBSCRIPTION RATES

ONE YEAR   $2.00

SIX MONTHS           $1.00

 

O NA OLELO HOOLAHA APAU E HOOUNAIA MAI ANA NO KA HOOLAHA MALOKO O KELA NUPEPA, E HOOUNA PU MAI ME KA AUHAU, A INA AOLE, AOHE NO E HOOKOMOIA.  E HOIKEIA AKU NO KA AUHAU OLELO HOOLAHA KE UI MAI I KE KEENA NEI.

 

O na Dala apau o ka Pepa e hoouna pololei mai i ka HAWAIIAN GAZETTE COMPANY, LTD.

 

HOOPUKAIA E KA HAWAIIAN GAZETTE CO., LTD.

Hookomoia ma ka Hale Leka o Honolulu, Panalaau o Hawaii, ma ke ano Mea o ka Papa Elua.

 

DAVID L. A-I, : : Lunahooponopono

S. K. NAWAA, : Kokua Lunahooponopono

A. W. PEARSON, : : : : : Lunanui

Honolulu, Oahu.

 

POALIMA : SEPATEMABA 9, 1904.

 

(Picture of Keikialii Kuhio.)

 

KUHIO KA MOHO ELELE REPUBALIKA.

Ma ka noho ana mai nei o ka Ahaelele Republika i Hilo i ka hebedoma aku nei i hala i ikeia ae ai ua lawe ae ke Keikialii Jonah Kuhio Kalanianaole i ka hanohano o ka moho elele lahui i ka Ahaolelo Nui no ka aoao kalaiaina Repubalika, o ka pau loa no hoi keia o na powewehi a ike moakaka loa ia ae la na moho elele o na aoao kalaiaina a ekolu - Repubalika.  Demokarata ame Home Rula. a mai keia manawa aku no e hoomakili mau ai i ka noonoo no ka hoopaa ana i ka manao maluna o hookahi o lakou a e koho aku i ka wa koho balota e hiki mai ana i Novemaba 8, 1904, e hiki mai ana iaia mai ka hapanui ae.

 

Mahope koke iho no o ko Kuhio waeia ana e na elele o ka Aha ame ka ohohia nui no hoi ka hanaia ana o ia wae moho ana, ana hoi i haawi aku ai i kona ae ame ka hooikaika e hookauwa iaia iho no ka pono o ha ʻ i, ia manawa no oiai i Hilo i poha mai ai kona leo.  a o ia no hoi kana pukuniahi kalaiaina mua loa o keia kau koho balota, a malaila i piha ae ai ke kahea puhi ohe o ka hotele o Hilo i na leo ikuwa i ka hooho mahalo i ke kanakamakua maoli o kana mau oleloa ʻ o i na oiwi ponoi.  oiai ma kana olelo ponoi no oia i hooaiai ai i kona mau manao pane i na ninau kikoo-la a na alakai Home Rula i kipa ae ilaila e like me ia e puka aku nei ma keia helu o ke Kilohana.

 

O keia haiolelo ana o ke Keikialii me ke akahai a hoike i na mea i ku i ka oiaio pili i ke kalaiaina o a aina e nee nei i keia mau la ame ka hamau a hoonui ole i ka ino o kana kakauolelo i hanaia mai hoi me ke ano kanakamakua maopopo - ke olelo nei makou oia no na hana e hoike ae ai nona iho.  oia hoi.  ina he kanakamakua na olelo ame na manao i puka mai alaila he kanakamakua ku la no ke Alii, kahi hoi i puka mai ai ia mau olelo a loheia hoi na manao.  a makou i hoomaopopo mua e aku ai i kona kulana kanakamakua io no a aole no he kuleana a kanakamakua ole ai oia.

 

Aka hoi no Kumalae ma, na Home Rula hoohaunaele o Honolulu nei i miki aku nei ilaila a hoike ae i ke ano keonimana ole ma o na hana pupuka i panaiia aku i kela aha kanaka maikai i malamaia i kela po ke pane nei makou oia mau hana ana aku la no ka mea i hoike ae i ke ano o ua poe Home Rula la - oia hoi ua kulike aku ia no ko lakou ano me ke ano o na hana i hanaiia e lakou, a o ke ano aku la no hoi ia o ke a ʻ o ana o ka lakou aoao kalaiaina.

 

Eia nae, ma na mea apau i waihoia aku e ke Keikialii ua lilo ia i puupuu ikaika loa no ua poe Home Rula nei i nele ole ai ke po-ha ana o ko lakou lae i ka a-la Repubalika.  ua woki oe e mumule ana - e oie nae ia ikeia ka hooia ana aku i ka pololei io o na hooaiai a ke Alii.

 

Ua manao na Home Rula o ka hoonui ana i ka ikaika o ko lakou aoao oia ka hoonui aku i na haiolelo hoino wale ana no ha ʻ i - a wahi a ka olelo aohe hewa o ia mea no ka mea ua hanaia maloko o ke kalaiaina.  ke manao nei makou he mau oleloa ʻ o moowini loa ia a aole no ia he kalaiaina o ke kulana noeau a malamalama.  eia nae, iloko o ka noonoo o ka poe maikai aole e nele ko lakou ike hou i keia oiaio - oia hoi, o ka mea hoonui ino wale oia no ke emi ana ilalo oiai na kela ino no e huki iaia ilalo, a o ka mea i nou ma ʻ uwale ia i ua ino nei oia mea auanei ke pa ole i ka pohaku o ka ino, kona kumu e pii ai iluna no ka hoopomaikai pono pililaula.

 

A maluna o keia kahua i lawe ae ai ka Moho Elele Repubalika me ia i kahiko nona ma kela kau hooikaika holo balota mawaho ae o na maikai i papahiia maluna @@ o kona nui k@@@, a no keia mea no hoi kekahi makou i haawi ai i ko makou limaakau @ ke kakoo nona i elele no kakou, e pono ai i ka lehulehu, pili loa aku i ka poe kuleana koho balota e pulama iaia @@ ke koho laulima ana.  A no keia no hoi i hana aku ai na Repubalika i ka maikai ana no ka mea oia nei ka moho i oi aku ke kupono mamua o kona mau hoa mokomoko o ka noho elele.

 

MAI IA KAMEHAMEHA NO

I REPUBALIKA AI.

Ke olelo nui makou mai a Kamehameha mai no i Repubalika ai o Hawaii Paeina a puka-a-maka loa i keia mau ia ke kumu i hoopau loa ia ae ai na powewehi i ke au o ka manawa i nee ai mai ia mau la kahiko loa mail.

 

Mamua aku o ka noho moi ana ae o Kamehameha I a iloko o na manawa a ua moi aloha aina nui wale nei i komo nui ai iloko o na kaua.  ola na wa o Hawaii aole i noho mana ka kumuoiaio Repubalika, oia hoi, "he aupuni o ka lehulehu, a no ka lehulehu no ia.  a ma o ka lehulehu la no hoi ia e kakooia ai."  oiai e noho ana na kamaaina o Hawaii Paeaina iloko o ka lima kakauha o na alii like ole - o na alii i loaa ia lakou na lanakila ma na kahuakaua - a he nohona hoi ko na makaainana me ka nele i ke kuokoa aohe leo ka pono pilipaa o kela ame keia mea hanu ola uhane i haawiia mai e ka Mea Nana oia i hana.

 

O keia pono kuokoa o ke kanaka a wahine nona iho oia kekahi o na mea i makee loa ia e na kumuoiaio Repubalika, a o keia nohona kuokoa a ano kuokoa ua hiki no ke oleloia ae oia ka mea oikela @ na kumuoiaio Repubalika i makee loa ai, ke kumu i haawi a molia ai ke kanaka i manaoio ia mea he Repubalika i kona ola i loaa ai la haawina kuokoa i kona hoakanaka.  e like me na Amerika o ka aoao Akau o Amerika Huipuia ma ka laulima pu ana me ko lakou alakai ka Peresidena Linekona a noho kuokoa ai na paele me ka olioli nui a hiki wale i keia la a kakou Hawaii e ikemaka nei i ka oiaio o ia mea.

 

A o ka haawi ana o molia ana o na Amerika o ka Akau i ko lakou ola maluna o na kahuakaua malalo o ke kuahaua kaua a ka Peresidena Linekona a noho kuokoa na paele - o ia hana haawi ola no ka makee kuokoa o ka hoakanaka no ia hana no i hoike ae i ke kulana Repubalika oiaio o ia poe Amerika o ka Akau, no ka mea oia iho la ka iini nui o keia mea he Repubalika.

 

A e like me ka oiaio ia Peresidena Linekona ame kona poe makaainana i hana Repubalika ai, pela no ka oiaio o ia mea i kau aku ai maluna o ka Na ʻ i Aupuni Kamehameha I oiai o na hooikaika ana a ka Na ʻ i Aupuni maluna o na kahuakaua aole oia a hookahua no ka imi ana i kona pono ponoi iho aka no ke kaa o ka lanakila ma kona aoao i hiki ai iaia ke hookomo i ka maluhia iloko o ka Paeaina holookoa, a na ka maluhia hoi ia e hoolokahi i ka noonoo kanaka ma ka nohona kuikahi i puka mai ai ka pono kuokoa o ke kanaka ka haawina pookela a Peresidena Linekona i hooikaika nui ai.

 

Aole no paha i hoomaopopo o Kamehameha I he hana Repubalika kana i kukulu ai.  a i hooikaika ai maluna o na kahuakaua.  a i hoomaopopo pu ole iho ai oia i kona kulana, oia hoi, he moi Repubalika oia, a me ia ano hoomaopopo ole no paha ona ia kulana la a hiamoe wale aku la no, aka, ke manaoio nei makou, ua ike a hoomaopopo o Kamehameha I he pololei a he oiaio a he pono maoli kana kahuahana i kukulu a komo kaua maoli i mea e puka ai  hookoia ua kahua la ana i manaoio ai he pono ia no kona lehulehu.  A ina ua ola mai oia a hiki wale i keia mau la a kakou e hauoli nei, alaila ke manaoio nei ke Kuokoa aole e nele ka loaa o na hooaiai ana iaia pili i na kumuoiaio Repubalika ana hoi e hoomakili ai i kona noonoo a ike iho i ka Repubalika o kana kahuahana i kukulu ai a komo kaua ai, a loaa no hoi ka lanakila a hoohuiia na mokupuni apau i hookahi, malalo o hookahi aupuni.  A ke loaa iaia ia ike no ka Repubalika aole e nele kona kapa iaia iho he moi Repubalika oia.

 

A o keia kahuahana no a Kamehameha I i kukulu ai a lilo ai na mokupuni apau o ka Paeaina i hookahi malalo o ke aupuni hookahi.  ke kumu i holoi pau ia ai na aupuni liilii o na alii e ae, e laa ko Hawaii, Maui, Oahu, ame Kauai a kakou i hoomaopopo ai iloko o ko kakou moolelo Hawaii - ke olelo nei makou, na ia mau hana lanakila no a Kamehameha i eha ai kona ili ame kona mau koa, i hoike ae, mai iaia mai no ka hoomakaia ana o ka hookoia o na kumuoiaio Repubalika.  oia hoi, "he aupuni o ka lehulehu, a no ka lehulehu no ia aupuni a na ka lehulehu no hoi e kakoo" a makou no hoi e hoomaopopo pu la oia no ka manawa mua loa o ka hookipaia ana o na ano Repubalika iloko o Hawaii Paeaina.  e like me ka nui o na hoomaopopo ana pili ia mau au kahiko o Hawaii aloha.  pela hoi i puka ai ke poomanao "Mai a Kamehameha mai no i Repubalika ai."

 

Aka, aole ilaila a ia manawa wale no a pau ke ku ana o keia haawina nui a Kamehameha I i kukulu ai aka ua nee mai ia e like me ka nee malie o ke au o ka manawa - he nee malie kuemi ole a hoi hope ole aka he nee mau imua.    a o kekahi o na mea nana i hooikaika i ka nee mua ana.  oia no ke kumukanawai o ke Aupuni o Kamehameha I.  "He Malamahoe ko ʻ u kanawai - E hele ka elemakule, ka luahine ame ke keiki a moe i ke ala aohe mea hoopilikia." a ma kekahi olelo ana he kumukanawai Repubalika ia.  oiai aia ka helena kuokoa o ke kane.  ka wahine ame ke keiki ma ke ala me ka hoopilikia ole ia, ka me hoi a na kumuoiaio Repubalika i makee nui ai e kakoo e like me ka makou i hooaiai mua ae nei.

 

A o kakou no hoi na hoike no ka oiaio o keia mea no ka mea mai ia mau la mai no ka nee maluhia ana o na mea apau a hiki wale i keia la.  oia hoi, o ka hele kuokoa o ke kanaka nona iho me ka hoopilikia ole ia, a makou e manaoi nei i ke kuleana ole o kekahi oiwi Hawaii o keia la e hauoli nei i ka maikai loa a Kamehameha I ame na kupuna o kakou i hala i hooikaika ai a i eha ai ka ili i ka ihe.  e hookuukuu wale i ke kakoo ana i na kumuoiaio Repubalika a lakou i hoomaopopo ole ai oia ia a lakou hoi i manaoio ai he kahuahana pono a pololei ia, a ke Kuokoa e manaoia pu nei i ka nui aku o ka hoahewa ma ko kakou aoao i ke kupaa ole maluna o lakou oiai aia ia kakou ka ike moakaka no ia mau kumuoiaio mamua o ka na kupuna o kakou i hala.  A oiai he wa keia no ia kumu o ka hana he mea pono i ka hoakanaka e hoohana iaia iho aole no kona ponoi iho aka no ka pono pililaula e like me Kamehameha I ame kona poe koa i hana ai.

 

KA LIKE O OLE O KE DEMOKARATA AME KA REPUBALIKA.

(Hoomauia.)

Ma na halawai ana mai nei o na Ahaelele Nui ma Kikako ame Sana Lui oiai, o ka aoao Repubalika ke malamaia ana ma Kikako.  ua ikeia, he mau Paele kekahi e hui ana iloko o na hana o ia aoao kalaiaina.  e haiolelo ana no ka pono o ia aoao ame na moho.   a e hoike ana i ka lanakila ame ke kuokoa i loaa ia lakou mamuli o na hana hoopau kauwakuapaa i hanaia e ka Repubalika iloko o ka makahiki 1861.  Aole pela ma Sana Lui kahi a na Demokarata e hauwalaau ana, a o ka ahaelele i hele ia aku nei e Iaukea ma e hookohukohu Demokarata ai.  Ma ia ahaelele, aole loa he kanaka ili eleele i launa mai a i lilo paha he elele a wahaolelo no ia poe iloko o ia Aha Demokarata.  A i ka wa i ikeia ai ia mea.  ua hoomakeaka aku kekahi kamaaina o Sana Lui ma ka i ana aku i kekahi elele "E auhea oe.  ua ike mai nei au i kekahi paele-pakini e aahu mai ana i ke pihi ma ke ano he hoa elele no oukou."  Ku nana iho la ka elele, i keia hoolele hauli a pane aku la.  "E. aole pela.  Ina he Pake aku la kau i ike ai e kau mai ana na pihi o ka nohona elele, alaila e ae aku wau i kau ua pololei, aka, no ka negero, aole loa."  na ka manao ia mai no paha he mau Paniolo.

 

Ma ke kau kiure i malamaia ma Kohala (pela wale mai no ko ʻ u lohe, a ua hoike ia mai ka pololei oia lohe e kekahi poe i ikemaka) ma ka malama o Iulai i hala iho la, o ka hapanui o na kiure i akoakoa ma ia kau he poe Hawaii wale no.  I ikeia no na kau kiure he lehulehu e kauoha ia ana e hana i ke kaulike mawaena o ka makaainana ame ke aupuni.  a iloko o ia mau makahiki lehulehu a lakou i kauohaia ai e hele ae.  aole loa i ikeia he mau hemahema ko lakou ma ka lawelawe ana i ka hana.   Eia iho nei a hele ae nei ka loio Akepoka, kekahi o na alakai o ka aoao Demokarata ma ia kau.  a hoala ia ka ninau e ua alakai la o ka aoao Demokarata i ke kupono o na kanaka Hawaii ke lilo i lala no ka papa kiure, a i ikeia ka hoala mua loa ia o keia ninau i ke kupono o na Hawaii ili ulaula e noho ke kiure, a o ka mea i ikeia ma ua aha la, ua pau na keiki kupono o ka aina i mahele iki ae no i kahi olelo haole, aka, aole hoi o ka lewa loa e like me ua alakai Demokarata la, i ke kipakuia, a "ahu ana ka hoka i kapakai."  He poe keia i hele ae i Kohala iloko o ka inea ame ka luhi o ke alahele, e hoolimalima ana i ka holoholona, e haalele ana i ka ohana, e hele ana me ka pololi i ke alanui, aka, aole i kali ke alakai Demokarata a pau ae ka lakou wahi hana i kauohaia ai e ka.  Aha, aka, o ke kaiehu koke aku la no ka ia me na hana hoohilahila.  He ku hoi kau i ke aloha i ua poe Hawaii la i ke kipakuia, a manao au, aole paha e poina ana ua poe la ia Demokarata ma i na kau a kau.  Lohe hou mai au he hikiwawe hoi kau o ua alakai la o ke Demokarata me kahi paalolo ona i ka hele i ka hale oiai e paina la hanau ana ka mea hanohano C. H. Pulaa, o ka ʻ peku koke mai la no ia ua alakai Demokarata la i ka mihi mai mamua o ka poe i hiki ae no kana hana aloha ole i hana ai ia mau la.  a hooili aku la i ka hewa maluna o ka aoao Repubalika ma ka i ana "he kanawai ia i hanaia e ka aoao Repubalika a i ka Hale o na Lunamakaainana i hooholo ia ai."  No ka ike ana o ua alakai lalau nei a ke Demokarata, ua loaa iaia na helehelena o ka hoihoi ole ia, nolaila miki koke ae ke kolohe i ka uwe ma ka hooili ana na ha ʻ i ka hewa.   O ka pololei maoli na ke Demokarata ka hewa, oiai, iloko o na makahiki he ekolu mahope mai o ka mana ana o ke kanawai Kumu o ke Teritore, aole loa i hana iki ka Repubalika i kekahi hana o ia ano ma Hawaii Komohana.  No a nele o ua Demokarata la i ka hoike ae i kekahi hana e kaulana ai, nolaila kii ma na hana e maewaena ai kanaka Hawaii o ka aoao Komohana o Hawaii, a hoike ae i kana kalaiaina i manao ai he pono.  Ina io o ka pono ia e Demokarata, a ua like ko oukou manao me nei alakai a oukou i ikeia he kuhalahala i na wa apau, alaila, o ka ʻ u pule, "e hoopakele mai ke Akua i kuu lahui mai na hana hoomaewaewa a keia aoao kalaiaina e alakai ia nei e na Apokaka ame ka poe puni wale i ka hoowalewale ia mai."

(Aole i pau.)   KANIAHIKU.

 

ME KA LIMAAKAU KANA HOOMAIKAI.

Mr. Lunahooponopono: - Ma na kalaimanao au i hooaiai ai me ke Kuokoa i kela pule iho l e pili ana i na moho elele (Delegate to Congress).  ke haawi nei au i ko ʻ u limaakau o ka hoomaikai no ka noeau o ia mau wahi hopunaolelo.  O na kanaka e lelele ana i o a ianei he poe wale no ia e ake ana i ko lakou pono ponoi iho.

 

He mea pono ko Oahu e kaakaa ka maka a e wae ia D. L. Ai. i moho Senatoa.  ola ka aina i na kanaka noonoo noeau.

Owau no.  PETER N KAHOKUOLUNA.

 

KA HIKI ANA E HOOKAAWALE I KA PILIKIA E KE ANU.

Ua ike no na poe apau i ka pilikia e loaa mai ana mamuli o ka loaa ana i ke anu koikoi loa.  a he mea hoi keia e koi ana ia lakou e noho iloko o ka hale a hiki i ka hala ana o ka pilikia.  He nui a lehulehu hoi.  na poe i makemake ole e haule ko lakou mau manawa a e hauoli ana no hoi lakou ke lohe aku i ka pilikia koikoi e loaa ana ma o ka loaa ana i ke anu i hiki hoi ke palele ae ma ka loaa koke ana i ka laau Chamberlain ʻ s Cough Remedy.  Aole o ke ola wale no kana e haawi ana aka he ola hikiwawe a kau@ale aku hoi i ka loaa ana i ka numonia.  Ke kualia nei ma na halekuai apau.

BENSON, SMITH & CO., LTD., na agena ma Hawaii nei.

 

BILL HUIHUI.

E hakaka kuikuipuupuu ana me Tim Murphy ma ka Halekeaka Opiuma, po Poalima, Sep 16.  Ua ae o Murphy e hoohaule ia Huihui iloko o na puni eono.

 

E KE KINO IKE OLE IA O KA MANAWA, HEAHA HOI KO KA PO?

(Hoomauia.)

Maluna o na keonimana ekolu e kau hiwahiwa mai ana maluna o na hokua o ko lakou mau lio na maka o na makaainana e kau aku ana, aka. ma ka ʻ u nana aku a hakilo hoi.  ua nui ka ohohia o na makaainana maluna o ke keonimana nona ka lio nani lua ole e ku makaukau ana iwaena.  Aole wale oia he keonimana ma ka olelo ana, aka, he puaalii na Hawaii aina a ina la aole i haule kela hae aloha o kakou i kokua nui ia hoi me ka ikaika e ke keonimana maluna o ka lio e ku ana ma ka aoao komohana, me ka hoohewahewa ole, he moi oia no keia mau paemoku.  Aole paha pela ka manao o ka Mea Kiekie.  I keia mau la e nee nei o keia puaalii a kakou hoi i manolana ai e noho mai ana maluna o ka nohokalaunu o Hawaii, a nana mai i ka pono o kona mau makaainana, he hooikaika nei ma kekahi alanui e ae e hana i ka pono o kona mau makaainana ponoi.  Aole oia maluna o ka nohokalaunu i keia mau la, aka, aia oia maluna o kela lio nani lua ole e ku makaukau ana no ka lawe haaheo ana aku iaia a noho ma na paia ihiihi o ka Ahaolelo Nui o ke Aupuna Makua, he mau paia i kamaaina mua i kona mau maka oluolu, a me he mea la ke

(E nana ma ka aoao 5.)

 

E Hoolohe mai I ka Leo o ko Honolulu nei Poe.

Ina no oe e hoolohe mai ana i kou poe hoaloha ame na hoanoho ou e ha ʻ i aku ana lakou ia oe i ka mea e ola ai na eha hu ʻ i o ke kua ame na pilikia o ka puumimi, ke ano haalulu, ame ke ano ikiiki i ulu mai na puupaa mai.  E heluhelu iho i ka hoike a keia kamaaina o Honolulu nei:

 

Ma ka leka i kakauia i ka la 10 o Ianuari, 1899, ua hoike ae o Mr. Jurgen Walter o keia kulanakauhale ia kakou i keia mau mea malalo iho nei:

 

O ka nui o ko ʻ u mau makahiki he 79 - he manawa i hala loa mawaho o ka palena maikai o ke ola an - a he makua no hoi wau o ewalu keiki.  No ka mea ua hala loa ko ʻ u mau makahiki i ka nui loa eia nae ua loaa ke ola ia ʻ u mai na huaale kuahaneenee ame puupaa a Doan.

 

No kekahi mau makahiki wau i noho ai iloko o ka eha o kuu kua aka mahope iho o kuu lawe ana i na huaale (kuaiia e a ʻ u mai ka halekuai laau lapaau o Hollister ma) ua loaa mai ia ʻ u ka pomaikai nui a ua lawa maoli ko ʻ u hooho mahalo no na huaale i hana mai ai ia ʻ u i ka maikai loa."

 

He hoomaemae ko ko kakou mau puupaa i ke koo a e hana ana laua i ka la ame ka po.   I ka manawa maikai o na puupaa ua hiki ia laua ke hookaawale i na mea inoino o 500 anoano liilii i ka la a i ka manawa o ke ola pono ole ua hapa pu iho la ka hana a waihoia iho la he mau anoano o na mea inoino iloko o ke koko no ka mea aole i pau pono i ka laweia.

 

A na keia koena i hoouiu nui mai na ma ʻ i ame na hoiailona ma ʻ i - ka nalulu.  wela puni, mae wale o ka ili, lumakika, liilii o ka puumimi, hapopo o na maka, kuli o na pepiao, poniuniu, kapalili pinapinai o ka puuwai, malohi, ame na ma ʻ i e ae pili i ka mimi.  Aka i na malama maikai ia ka oihana hoomaemae aole he pilikia ana o na puupaa.

 

He kuaiia na huaale kuahaneenee ame puupaa a Doan e ka poe hana lapaau ame na halekuai laau lapaau apau no 50 keneta o ke poho hookahi a e loaa aku no ma ke ekeleka no ka hooko ana i na kauoha laau ke loaa mai ke kumukuai i ka Hollister Drug Co., na agena no ka Paeaina Hawaii.

 

HOOLAHA MA KE KAUOHA

 

KULA HANAI KAIKAMAHINE O MAUNAOLU.

 

PAIA, MAUI. - E hoomaka ana kona kau kula e nee mai nei ma ka la 14 o Sepatemaba.  Ua lawa na lumi i koe no umi-kumamalima mau haumana kaikamahine.  O na makua e makemake ana e hoouna mai i ka lakou mau keiki i keia kula he mea pono ia lakou e kakau koke mai i kumupoo.

            MISS C. M. SNOW.

8027 - Aug. 5, 12, 19, 26 - Sept. 2, 9.

 

HOOLAHA KAKAUINOA.

E nono ana ka Papa Kakauinoa o ka Mokupuni o Oahu ma na wahi i akakaia malalo iho nei, no ka nana pono ana i ka poe na lakou na noi no ke kakauinoaia o ko lakou poe inoa ma ke ano koho balota ma ke kau koho balota e hiki mai ana a e hooholo aponoia ko lakou kupono io no ke koho balot.

 

Ma Honolulu Hale manae iho o ka Haleleta.   Iloko o Honolulu mawaena o ka hora ehiku ame umi a.m. a maena o na hora eha ame ehiku p.m. o na la apau koe ke Sabati e hoomaka ana i ka la 7 o Sepatemaba 1904.  a homau mai ia la mai a hiki i ka la 17 o Sepatemaba, 1904 apau pu me ia la.

 

POAKAHI. SEPATEMABA 19, 1904:

Ma Puuloa i kahi Honolulu Kaaahi - hora 7:45 a 9:30 a.m.

Ma Aiea i Kahi Hoolulu Kaaahi - hora 9:40 a 11:25 a.m.

Ma ka Hale Hookolokolo o Manana - hora 4 a 7 p.m.

 

POALUA, SEPATEMABA 20, 1904:

Ma Waipahu Halewili - hora 8:15 a 11:30 a.m.

Ewa Halewili - hora 1 a 3:30 p.m.

Waianae Hale Hookolokolo - hora 5 a 7 p.m.

 

POAKOLU, SEPATEMABA 21, 1904:

Wahi Hoolulu Kaaahi o Makua - hora 10 a 11 a.m.

Waialua Hale Hookolokolo - hora 1 a 3 p.m. a mai ka hora 5 a 8 p.m.

 

POAHA, SEPATEMABA 22, 1904:

Kahuku Halewili - hora 1 a 3 p.m.

Laie Hale (Hall) - hora 5 a 8 p.m.

 

POALIMA, SEPATEMABA 23, 1904:

Ma Hauula Hale Hookolokolo - hora 8 a 9 a.m.

Waikane Luakini - hora 12 awakea a 1 p.m.

Kaneohe Hale Hookolokolo - hora 6 a 10 p.m.

 

POAONO, SEPATEMABA 24, 1904:

Kailua (Sam Bo) - hora 9 a 10 a.m.

Ma ke keena o ka Halewili o Waimanalo - hora 11 a.m. a 12 awakea.

 

E huli hoi mai no ka Papa Kaukauinoa o ka poe koho balota i Honolulu i ka Poakahi, Sepatemaba 26, 1904, no ka hoopaa inoa mawaena o na hora 4 am 7 p.m.

            WILLIAM T. RAWLINS,

Lunahoomalu o ka Papa Kakauinoa Koho Balota.

Honolulu, Augate 8, 1904.

3028 - Aug. 12, 19, 26; Sept. 2, 9

 

HOOLAHA I KA POE KOHO BALOTA O KAUAI AME NIIHAU.

O ka Papa Kakauinoa o ka Poe Koho Balota no Kauai ame Niihau e noho ana mai ka hora 8 a.m. a hiki i ka hora 3 p.m. ma keia mau wahi i hoakakaia malalo iho nei:

 

Waioli Hale Hookolokolo, Hanalei, Sepatemaba 12 ame 13.

Halekuai o Kilauea Sugar Co., Kilauea, Sepatemaba 14 ame 15.

Halekuai o Makee Sugar Co., Kealia, Sepatemaba 16 ame 17.

Kapaa Hale Hookolokolo, Kapaa, Sepatemaba 19 ame 20.

Hanamaulu Halekuai, Hanamaulu, Sepatemaba 21 ame 22.

Keena o W. H. Rice, Lihui, Sepatemaba 23, 24 ame Okatoba 8.

Keena o Koloa Sugar Co., Koloa, Sepatemaba 26 ame 27.

Halekuai o J. I. Silva, Eleele, Sepatemaba 28 am 29.

Social Hall (Hale Hoohauoli), Makaweli, Sepatemaba 30 ame Okatoba 1.

Waimea Hale Hookolokolo, Waimea, Okatoba 3 ame 4.

Keena o Kekaha Sugar Co., Kekaha, Okatoba 5 ame 6.

Niihau, Okatoba 7.  O keia la aole no i maopopo loa kona hookoia a malia o hoololiia.

            W. G. SMITH, Lunahoomalu.

            A. H. RICE.

            W. J. SHELDON.

Papa Kakauinoa o ka Poe Koho Balota no Kauai ame Niihau

3028 - Aug 12, 19, 26, Sep. 1, 8.

 

HOOLAHA HOOKO MORAKI.

HOOLAHA MANAO PANIKU A KUAI A KA MEA PAA MORAKI.

 

N. L. AME M. F. SCOTT.

Ma keia ke haawiia aku nei ka hoolaha mamuli o ka mana kuai iloko o kekahi moraki i hanaia i ka la 1 o Okatoba, 1902 a i kakau kope ia iloko o ke Keena Kakau Kope Aina o ke Aupuni iloko o Honolulu, Teritore o Hawaii, iloko o ka Buke Helu 239, aoao 389 ame 390.  i hanaia mawaena o Nettie L. Scott ame M. F. Scott, na Mea Moraki Mai, ame H. Hackfeld & Co., Ltd., he hui, ka Mea Paa Moraki, o ka Mea Paa Moraki i oleloia ke manao nei e paniku i ka moraki i oleloia no na kumu uhakila, e hoike ana: - o ka uku ole ia o ke kumupaa ame ka ukupanee i ka manawa e uku ai.

 

Ke haawi pu ia aku nei no hoi ka hoolaha o ka waiwai apau i hooliloia e na Mea Moraki Mai i oleloia e kuaiia aku ana ma ka kudala akea ma ke alo iho o ka hale hookolokolo ma Kailua, Kona Akau, Hawaii, ma ka Poaono, ka la 24 o Sepatemaba, 1904, ma ka hora 12 awakea o ka la i oleloia.

 

O ka waiwai i hoopaaia maloko o ua moraki la i oleloia oia keia malalo iho:

1.  He umi (10) mahele (mahele ole ia) iloko o kela aina i ikeia ka "Hui Aina Holualoa" e waiho la i Kona Akau, Hawaii, i kuai hooliloia ma ka palapala kuai aina i ua Hui la i oleloia e W. R. Castle ame kana wahine mare, 1 Dekemaba 31, 18@7, a he palapala kuai hoi i kakau kope ia iloko o ka Buke Helu 108, aoao 451-3.

2.  O kela palapala hoolimalima i hanaia e Kalihiwa Davis ia Nettie L. Scott, pau pu me ka aina i hoakakaia iloko olaila, ame ka manawa o na makahiki i koe aole i pau:  E hookoe ana no nae i kela hapa o ka aina i oleloia e paa nei i ke kahua ame na hale o ke Kula o Holualoa, ame ka hapa i puni a paa i ka pahale ame ka apana o ka hale o na Mea Moraki Mai, a pau pu no hoi na hale e ae ame na hana hou e waiho la maluna iho.

            H. HACKFELD & CO., LTD.,  Mea Paa Moraki.

 

Ma ke dala kiuke ka makemake a ma ke dala gula Amerika no hoi a ma ka aoao o ka mea kuai mai na lilo palapala apau.

 

No na mea aku i koe e ike ae ia H. Hackfeld & Co., Ltd., Honolulu, a i Kailua.  a i ole ia G. F. Ma#dwell, Loio o ka Mea Paa Moraki, Holualoa, Kona Akau, Hawaii.

 

Hanaia ma Honolulu Augate 26, 1904.

3030 - Aug. 26. - Sept. 2, 9, 16.

 

HOOLAHA KUMAU

 

Kakela me Kuke

(KAUPALENAIA)

Poe Kalepa ma ke Komisina

:: A HE::

POE LAWELAWE KOPAA

Poe Agena no na Mahiko Lehulehu.

 

 

Hui Alahao ame Aina o Oahu

MANAWAHOLO

Mei 1, 1903.

 

MAI HONOLULU A@@

No Waianae, Wailua, Kahuku ame na wahi hoolulu ma ke alahao -

            *9:15 a.m., *3:30 p.m.

No Pearl city, Ewa, Mokuamana a me na wahi hoolulu ma ke alahao - @

            *9:15 a.m., *11:05 a.m. @@@@@

            *3:20 p.m., + 4:15 p.m. @@@@@

            + 9:30 p.m., +11:15 p.m.@@@@@

MAI WAHO MAI

Ku i Honolulu mai Kahuku Waianae

            ame Waianae mai @

            *5:31 p.m.

Ku i Honolulu mai Ewa Mill ame Pearl City mai - +6:50 a.m. @@@@@@@

            *8:36 a.m., *10:38 a.m. @@@@@@

            *4:31 p.m., *@:31 p.m., @@@@@@

 

            *5:31 p.m., *7:40 p.m.           

 

*Kela ame keia la.

+ Sabati

+ Koe ke Sabati.

 

G. P. DENISON, Lunahoohana.

            F. C SMITH.

            G. P. & T. A.

 

Na Papale I-e Nunui.

O na Lede ame na Keonimana o na ano hou e loaa no ma kahi o

            FUKURODA

Helu 2# - #2    Alanui Hotele

 

HUI HOOLEWA HONOLULU

Ke hooiaio nei keia hui i kana mau hana kokua i kona mau iaia.  I keia wa ua oi mamua o 1300 lala a ke @ mau nei i keia ame kela la.

            J. H. TOWNSEND.    Kakauolelo

 

UA UKU AKU KA

FIDELITY FUNDING CO.

Iloko o na makahiki elua i hala ae nei i ka poe i hoahu i ka lakou @@@@@@ he $350,000.

 

Na ka FIRST NATIONAL BANK OF HAWAII e ku nei ma Honolulu @

e hooiaio mai i keia @

            $1.00 o ka pule no @  he $150.00

 

O na papa hoike ame @ ke poe e uku pule @ e loaa no ma ke Keena o

            R. D. HIGHTOWER.

            Agena ma Hawaii

            41 ame 52 Young Block, @

 

O KE. . .

Koko Ino ka mea loaa ai na Pilikia ma ke Kino.

 

E Heluhelu i keia mau Manao O KA LAAU

AYER ʻ S SARSPARILLA

            -KA

laau nana e hookaawale na ma'i apau mai kou koko aku. He @ ai, a he laau e hooikaika ana @ mau lala apau. O ka Laau @ Sarsaparila ka laau kaulana @ ke ao holookoa. Ina e @ lawelawe ana i keia laau @ ke ola kino maikai a me ke koko maemae, hoi hou mai ka @ lehelehe, pu'ipu'i maikai, @ papalina, a loaa ke @ kai.

            He loaa na pu'u-paa @ laau Ayer's Sarsaparila., @ ana mai ka ma'i puu-paa @ Disease ame na ma'i @ ikaika aku nei makou e @ ano laau ma kahi i ike ia na @ paa apau.

            Hoomakaukau ia e Kauka @ & Company, Lowell, Massachusetts.

            E loaa no keia mau Huaale ma ka hale kuai laau apau.

 

            ST. PETERSBURG, Sept. 7 - @ manaoia nei maanei ua hiki @ pani ke oki ae i ko Generala @ auhee ana. Ke manaolana @ nei e hiki ae ana ka @ holookoa ma Mukden i ka la apopo.