Ka Nupepa Kuokoa, Volume XLII, Number 34, 19 ʻAukake 1904 — Page 2

Ka Nupepa Kuokoa

KE KILOHANA POOKELA NO KA LAHUI HAWAII.

2     NUPEPA KUOKOA, POALIMA, AUGATE 19, 1904.

KA

NUPEPA KUOKOA

No ka Makahiki ...      $2.00

No Eono Mahina ...       1.00

SUBSCRIPTION RATES.

One Year  ...               $2.00

Six Months ...                1.00

O NA OLELO HOOLAHA APAU E HOOUNAIA MAI ANA NO KA HOOLAHA MALOKO O KEIA NUPEPA, E HOOUNA PU MAI ME KA AUHAU, A INA AOLE, AOHE NO E HOOKOMOIA. E HOIKEIA AKU NO KA AUHAU OLELO HOOLAHA KE UI MAI I KE KEENA NEI.

O na Dala a pau o ka Pepa nei e hoouna pololei

mai i ka HAWAIIAN GAZETTE

COMPANY, LTD.

HOOPUKAIA E KA

HAWAIIAN GAZETTE CO. LTD.

Hookomoia ma ka Hale Leka o Honolulu,

Panalaau o Hawaii, ma ke ano

Mea o ka Papa Elua

DAVID L. A-I, Lunahooponopono.

S. K. NAWAA, Kokua Lunahooponopono

A. W. PEARSON, Lunanui  

Honolulu, Oahu.

POALIMA :   AUGATE  19, 1904.

KA MAKUA O KE KUO-

KOA.

Aole paha he poe kahiko mai ka makahiki 1861 a mahope mai e ola nei i keia mau la i kanaka i na la o ia makahiki i nele ole ka hoomanao no "Wini" oia hoi o Mr. Henry M. Whitney ma kona kulana kakau nupepa ka mea hoi nana i hookumu i keia Nupepa Kuokoa no ka pono o ka lahui Hawaii ke Kilohana Pookela hoi no lakou, a e hapai mau nei ia kulana no a hiki i keia manawa no ka pono o ua lahui nei e like me ka hookumu ana o ka makua o ka pepa.

O ua kanaka hoopomaikai nei i ka lahui Hawaii ma kona kulana a oihana hoolaha manao akea a ma na oihana e ae ana i lawelawe ai he keiki hanau no hoi no Hawaii aloha, ua haalele mai oia i keia noho mauleule ana mahope iho no nae o ka haawi ana i kana maikai loa no ka pono o ka aina hanau ame ka lahui oiwi ame ka lehulehu a oiai he hoololi wahi noho wale ana no keia kulana i loaa iho la iaia no ka noho ana i kahi mau loa, ke manaoio nei makou aole loa e nalohia kana mau hana hoopomaikai mai na hoomanao e like me ka mau loa o kona ola ana ma kahi ona i noho aku la.

Mahope iho o ka hoonaauaoia ana i Amerika Huipuia kahi hanau o na makua, ua loaa aku la ka leo kahea mai kahi aku o ka hanau ana, a i kekahi la ua pae mai iuka o ka aina, a hala na la o ka hoolala ana, aia hoi ua puka ae la ka Nupepa Kuokoa no kona manawa mua loa iloko o Honolulu i ka 1861, a ume ikaika ia na oiwi Hawaii nona, a mai ia manawa mai no ka makahehi nui ia o ka Nupepa a hiki keia la--a o ua opio la i pae mai iuka o ka aina oia no ka mea nana i hookumu i keia nupepa Kuokoa.  Mr. Wini a oia no hoi ka ona ia mau la.

Ua nui ka hoonaauaoia o na oiwi mai ka makapeni mai o Wini, a ke kanaka e hiki ole ae ke alo iho i ka ike iho i kona aie i ka maikai loa i panaiia, a oiai ua hala oia i kahi mau loa pela ka manaoio i loaa ia makou o ka mau o ka hoopukaia o na mea hoonaauao maloko o na kolamu o ka pepa ana i hookumu ai ma o kona mau pani la aole no ka pono pilikahi aka no ka pono pili laula ma na mea like ole, a oia no ka makemake o ke kumu o ka pepa, kekahi kumu o kona hoomaele ana iaia mai ka nupepa mai o ke aupuni oiai ia mau la i oili loa, no ka makemake ole i ka punukuia.

O ka mahu ola ke pu-a i ke aouli, a nalohia ka ike-na a ka maka aole loa e make na hana maikai i pu-a mai na puuwai lahalaha mai--a o kekahi o ia poe oia no ka makua "Wini" o ka Nupepa Kuokoa.  Aloha no.

KA MAKEKE KUAI I'A O KE

AUPUNI.

I ka Poaono i hala i kuu hamama hou ia ae ai ka Makeke Pa o ke Aupuni ma Ainahou, a malaila pu ae no hoi ka hana puhiohe o ke Teritore kahi i paani ai no ka wehe ana o ka makeke, a ka lehulehu no hoi i hiki kino ae ai ilaila a ike i kapiha, a ma ka hoikeia ana mai aia ma kahi o ke kanawalu dala a oi ka loaa o ke kuai i'a o kekahi o na pakaukau kuai i'a--ka loaa o ia la, ma ka aoao o ka mea maauauwa ma ke anuu kiekie.

O keia mau hiohiona i loaa i ka makeke kahiko oia ka mea nana e hoike ae i ka ohohia hou o ka mea nana e hoike ae i ka ohohia hou o na hana maauauwa iloko olaila, no ka mea ina aole ka nui kanaka i hoea aku ilaila aole e loaa kela heluna, dala kiekie i kekahi pakaukau hookahi oiai na pakaukau kuai e ae apau aole i nele ke komo loaa ia o na huina malalo iki mai aka i ka pu'ipu'i no.

O kekahi mea i maopopo loa ma keia hiohiona i loaa i ka makeke kahiko oia no ka nui io o ka i'a, no ka mea aole wale e hiki aku ka loaa o ia la hookahi i kekahi pakaukau kuai i'a ma ka huina 80 a oi ina aole i nui ka i'a a hui ia hoi me ka hapanui o na pakaukau kuai i'a, alaila ua lawa iho la ke kui ana o ka lei e kupono me na hiohiona ohohia o ka Poaono i hala. 

O kekahi mea i hoomaopopoia oia ka nee mau o ke kuai i'a iloko olaila i na la e ae e like me kona ano mau mamua, i nele ole ai i ka hoopiha ia o na pakaukau me ka i'a ame ka io holoholona mawaho ae o na mea ai ulu, a i nele ole ai ka hoea mau aku o ka poe makemake kuai i'a o ke kulanakauhale. a i ke hoea ana aku aole no i hooneleia no ka mea ua makaukau ka makeke.

O ka mea i oi loa i ko keia mau mea i hoike mua ia ae nei oia no ka lawe nui ia o n apakaukau kuai, a mai ka huina holookoa mai aia he mau pakaukau kuai, a mei ka huina holookoa mai ala he mau pakaukau kakaikahi wale no koe a o ka pau loa no ia--oia hoi ua hului pau ia ae na pakaukau kuai i ka laweia a ua hookaaia na uku hoolimalima a he mau la hoomakaukau wale no no ka noho hana aku oiai nae ka hapanui aia i kahua kahi i noho ai.

Na ka hooemiia ana i ka hoolimalima o na pakaukau kuai ame ka lokahi nui o ka poe na lakou e hului nui mai nei i na i'a nunui o ka hohonu, na i'a i makemake nui ia e ko lakou hoa lahui iho ame na Pake pu. alaila. ua ikaika ka umeia o na maauauwa a lawe ana i wahi kuai no lakou.  O ka emi keia i hiki aku ma kahi o ka ewalu a eono dala o ke pakaukau--a o ka like ole o na auhau mamuli ia  o ka like ole o na kulana kahua o na papakuai.

A o ke pakaukau ma ka la hookahi wale no ke kuai e like me ka poe maauauwa limu, opihi, uala, kuiolo, inamona, na wa-hi lawalu, opae ame na mea like ua loaa ia lakou i ka hapalua o ke dala no ka la hookahi a ua ionoia mai ua hoea aku kekahi poe makemake maauauwa no ka la, a ke huiia me ka ka poe kuai io holoholona i hoopaa mua i ko lakou mau pakaukau alaila o lakou iho l ano na ikaika o ua makeke aupuni nei e nee mua ai.  He hookahi mea i maopopo ma ka aoao o ka poe makemake i'a--o na kupa ko'iko'i o ka aian ame na Kepani ame na oiwi no o lakou ka poe nele ole i ka maalo ae ilaila.

O ke ola o ka oihana kalepa oia no ka makaukau o ka mea kalepa me na waiwai kupono a nui kupono, a o ka muimuiaia, e ka poe makemake, maluna o ia kahua e nee ai keia makeke e pono ai, ame na oihana kalepa e ae no, oia hoi, e lawa ka makeke me ka poe maauauwa a e lawa hoi ua poe maauauwa nei me na lako kuai kupono a piha mau ia aku hoi e ka lehulehu makemake kuai e pono ai.

Aia no kahi hapa o Amerika Huipuia iloko o ka hapopo o ke kulana holomua o Hawaii, a i kekahi poe hoi he hapa keia Teritori no Pilipine.  Nui ka akaaka i ka lohe ana aku he like no na aahu o ka poe hele pule o Hawaii me ko lakou.  Nui io no ka hapopo.  I auwe wale ai no ka hoi ke Kanekoa Dickey o Maui.

Holopono ke koho balota elele o na Repubalika a puni ka Paeaina maloko o na mahele koho, a he moekahi ka waiho ana o ka manao, he hoike ana keia i ka pii mau o ka noeau o ke kalaiaina i kela ame keia kau, oiai o ka mahele ehiku hakaka o ka apana koho elima ua ua nalohia aku kela haawina paee, ke kumu i pio wale ai ka hoopuoho a Birbe ma.

Eia me ka hui hana kini huaai o Maui a Bolouwina e hooikaika mai nei he mau kini halakahiki i makaukau no ke kuai, a aia i ka makeke kuai kahi i pakaukauia ai no ke kuai ana, ma ka halekuai o Kahului.  Oia iho la no ka ikeika o ka holomua o ia hana hoowaiwai o ka aina, kekahi o na kumu lawa kupono e paipai ai i ko Haiku poe e mahi iho i ko lakou mau kuleana me ka halakahiki.

Oia ka pono e Pauoa--O ka hoomakili i ka noonoo ma na mea o ke au hou e nee nei a hookahi ka au like ana me ka hapanui, a iloko o ka auwai o ka holomua oiai o ka aoao Repubalika mai kinohi mai no ka puka mau o kana mau hana a i hoowaiwai nui hoi i na mea apau me ka nana ole ae i kona aoao kalaiaina.

O ka ka Repubalika mau mea maikai loa i hoohua mai ai iloko o Amerika Huipuia ua kaana like ia iwaena o na Repubalika ame na Demokarata, a pela oe e Pauoa i ike iho la i ka hua o ka aoao Repubalika iloko o Hawaii nei ma o ka mana hooponopono aupuni e ku nei pau pu ka Home Rula, Demokarata ame Repubalika i ke kaanaia e ka mana hooponopono aupuni hou o kakou.  Ma kekahi olelo ana ae e pono ai he mana hooponopono ia aole no ka mea hookahi, a aole no ka aoao kalaiaina aka no na mea apau.

O kau i koho iho la e Pauoa ua hana aku ia i ka maikai loa no na mahele e ae apau e uhai ai a oi loa aku o ke koho a komo iloko lilo loa o ka puuwai, kahi e ulu ai ka aa mole a paa, i lilo ai i Repubalika oiaio, a aole o ke koho malani wale a i ke kolo ana o ke aa ma kahi papau aole e liuliu o ka maloo no ia.  Pehea oe e Maui Home Rula.

Hoouluhua Nui.

AOLE PAHA PELA NA OLELO A KO

HONOLULU NEI POE.

O ka poe manao maikai he hoonaukiuki i kahi wa.

Ina ike oe i ke kumu, aole no oe e puiwa ana.

Ua loaa anei oe i ka puupuu maneo?

Aole hoi i ma'i kupono no ka waiho ana i kahi moe:  aole he ola maikai e oluolu ai.

O kela maneo e hoonioni mau ana.

Hiki ole ke hoomanawanui, hiki ole ke oluolu.

Hoouluhua i kou noonoo, aneane hoopupule ia oe.

Aole anei o ke ola ame ka oluolu oia ka mea i ake nui ia?

Ua hiki oe ke ola ina oe e hoolohe mai ana i ke a'o a kela keonimana.

O Mr. Frank Leibly o alanui S. Main, Helu 326, o Wilkesbarre, Pa., U.S.A., eia kana olelo:

"Me ka hauoli wau e hoike aku nei i ka hana kamahao a ka Laau Doans ma ka ma'i puupuu maneo.  Ua looiaia wau ia haawina i ka makahiki i hala.  Ua hoao ae wau i na  laau apau i oolahaia no hoi eia nae, aole he loaa mai o ka oluolu.  Mahope o kekahi mau hoao ana ua hoomaka mai la wauu e oluolu a hoomau aku la i ka lawe ana i ka Doan laau a i kela wa a'u e kakau nei.  No ka olelo ae ua hauoli wau no kela ola ana, he hapa wale no ia o ka'u hoomaikai.  e hooia aku ana wau i keia laau ina e loaa mai ka manawa no ia mea.  Ua hiki ia oukou ke hoolaha aku i ka'u mau olelo i na wa apau a oukou e makemakie ai a e loaa no hoi wau i na manawa apau ma S. Main alanui, helu 326, a e hooia no au no ia laau.

O ka Laau Huaale a Doan ke kuaiia nei e na hale kuai laau apau:  he 50 keneta ke kumukuai.  E hoounaia no e The Holister Drug Co, na agena no ko Hawaii Paeaina. ma ke eke leta ke loaa mai ke kumukuai.

E hoomanao i ka inoa DOAN's, a mai i ka mea hoopilipili wale.

 KA LIKE OLE O DEMOKA-

RATA AME REPUBALIKA.

(Hoomau ana.)

Ua koi aku keia aoao e malamaia ke ola o ke Aupuni mai na loaa dute maluna o na waiwai komo mai o na aina e, a na ua mau dute la e hoohana ai ka hoohoihoi ana i ka mikiala hana oloko o ka aina. i kumu e loaa ai ka hana i ka poe apau e makee ana i ka hookuonoono.  Hapai ae oia i ke kulana o ke kanaka paaua. a koi aku e uku pono ia oia ma ke dala e emi ole ai kona waiwai io a e mahuahua ai ka loaa pule; e hoohoihoi ana i ka mea mahiai i loaa ke kumukuai makepono o kana i luhi ai:  e kakoo ana i ka mekanika ame ka mea kukulu hale hana e loaa ka iliwai a kaulike ana i ke Aupuni ma ke kalepa lauia ana no kapomaikai ame ke kukulu ana i ka aina ma ke kahua hoonaueue ole ia.

Ua kue aku oia i ka haawiia o ka aina iwaho o ka poe ake home hookuonoono, a koi maoli ia ka Ahaolelo Lahui e hooholo i kanawai maalahi no na Home Hookuonoono e pahola ana iloko o ka aina.  Malalo o ka lakou wehewehe ana i ke Kumukanawai ua hapai ae lakou i ke kukulu hoakea a hoolako i na uwapo ma na kapakai ame na muliwai no ka hooholomua ana aku i ka oihana kalepa.  Ua kakoo aku oia i ke kukulu ana i alahao mai kahi aoao o ka aina a hiki i ka Pakipika no ka hoopomaikai ana i ka aina holookoa, a e kokua aku ke Aupuni makua ma ka haawi ana aku i na hoohoihoi ana ia hana.

Ma ia kahuahana i hoolala ai ka aoao Repubalika i na kumuhana ano nui, e hoololi ana i ke kulana kau kanawai. a o ka oi aku no nae, o ka ho'iho'i ana ae i ke kulana hooponopono aupuni a ka lahui.  He opiopio ka aoao kalaiaina ia mau la, a ua manao wale ia o na kumuhana a ua aoao la i hoolala ai, he mau moeuhane palaualelo, aka, ua ike ia, ua hookoia na itamu apau o ua aoao la ma ia kahuahana a ua kohoia e ka Peresidena Aberahama Linekona e hooko ana i ka leo kahea a ua aoao kalaiaina la.

Loaa aku i ka aoao Repubalika na limahana e hele wale ana me na aahu weluwelu ma na alanui o ka Akau, a ma ka Hema hoi e ukuia ana na limahana me na moali huipa ma ke kua, a e noho ana iloko o na kaulahao.

Hapai ae nei oia i ka limahana i ke kulana o ka ulakolako ame ke kuokoa, a hoomahuahua ia aku ka loaa a ka limahana ma ke kiai ana i ka luhi o kona lima ame kona lae mai ka paonioni ana mai o na aupuni e.  Kukulu aku nei oia i ke ana dala i ka papahele kiekie o ka maikai, a i ikeia la, o ke dala Amerika he mea makemake ia ma na wahi apau o ke ao honua.  Mamuli o na kanawai mohala o ka hoohoihoi hookuonoono, hooliloia na waoakua o ke Komohana i aina mahi nana e malama nei kekahi hapa o ka poepoe honua i ka palaoa, he waoakua i ikeia o ka home o ka bulako (pipi puhuluhulu).

Kukulu aku oia he umi mokuaina nunui mai ia waoakua mai. kahi i manaoia mamua aku o ke komo ana o keia aoao kalaiaina, he waoakua kupono wale no e noho ia e ka bukalo ame ka Ilikini.  Nana i hoala na alanui hao mai ka Mississippi a i ke kapakai Pakipika a hoakea ia na awa kumoku o ka aina no ka hoohoihoi ana i ke kalepa.

Ua hana ka aoao Repubalika i keia mau mea apau i kumu e hapaiia ai ka Lahui, a e hookuikahi ai i na makaainana no ka imi ana i ka pono Laula no ka aina a nona ponoi.  A eia na kanawai o ka aoao Repubalika i hooholo ai a i hookoia e na alakai o ia aoao no na makahiki aneane he kanaha.

1.  Ke Kanawai Home Hookuonoono i hooholoia e ka Ahaolelo Repubalika a i kakauinoaia e Aberahama Linekona.

2.  Na Kanawai no ke dala ame ka pepa dala banako, i loaa i na makaainana he dala e hiki ole ai ke hoemiia kona waiwai io ma na wahi apau o ka aina.

3.  Ka hoololi ana i na loaa kuloko, ma kahi e kauia ana ka auhau maluna o ka waiona, paka ame ke kika, a loaa he aneane he hapalua o na dala no ka hoolilo o ke aupuni.

4.  Ka hoololi umi-kumamakolu o ke Kumukunawai. e hoopau ana i ka hookauwakuapaa.

4.  Ka hoololi umi-kumamakolu o ke Kumukunawai. nana i hoolilo aku i ka makaainana o ka mokuaina a teritore i makaainana no ke Aupuni Lahui, a e papa ana i ka hoohaiki ia o ka pono o na makaainana.

6.  Ka hoololi umi-kumamakolu o ke Kumukunawai. e pahola ana i ka pono koho me ka nana ole i ka ili a kulana.

7.  Ke Kanawai Pono Kivila, nana i haawi aku i na makaainana apau i na pono kiai malalo o na kanawai.

8.  Ke kokua ana aku ma ka uku hoomau ana i ka poe i loohia i ka eli lua dala (mine) nana i hoowaiwai ma ia alahele i ka aina holookoa.

10.  Ka hoomauia ana o ka uku dala ma ke dala paa, aole ma ka bila alualu.

11.  Ka hoemi ana i na lilo pooleta. ka hoala ana i ka bila haleleta, ke kukulu ana i na lumileta maluna o na kaaahi, ka lawe leta i na kauhale, ame na hana hooulu o ia keena o ka lehulehu, nana i hoomaikeike i ke ao holookoa i ka lawa o keia agena o ka lehulehu ma ia apana hana.

12.  Ka hoala ana i na Kahua Hoopakela Ola ma na Kahakai ili o na moku.

13.  Ka hanai, hoolaupai a hoopulapula i na i'a o ke kai.

(Aole i pau.)

KANIAHIKU.

O KA LOLI ANA O KA WAI E INU AI oia ka mea nana e hookipa mau nei i ka ma'i hi.  Mamuli o keia o ka poe kaahele mau he lawe mau lakou i omole laau Chamberlain's Colic, Cholera and Diarrhoea Remedy i hiki ai ke lapaau koke ia ke loaa i ka ma'i.  O kela ka laau i loaa ole kona lua ma ka hoola ano i na ma'i o ka opu.  He laau loaa ole no hoi keia ia oe e kaahele ana iluna o na kaaahi ame na mokuahi, a aole hoi he hoohewahewa ana o keia na wahi i kupono loa no keia laau.  E kuai mua i omole mamua o kou kaahele ana.  Ke kuai ia nei ma na halekuai lapaau apau.  BENSON, SMITH & CO., LTD. na Agena ma Hawaii nei.

Ikeia na Repubalika o Hawaii

HILO, Augate 12.---I ka wa o ke koho balota o na ele Repubalika i ka Ahaelele Nui ame ua lala o na komite apana ua puka mai la ka hua o ka hana. kahi i ikeia iho ai ua @aa aku ka lanakila i ke kalapu o na Repubalika opio o Hilo.  O keia malalo iho na hua o na mahele koho o ka Apana Koho Lunamakaainana Ekahi:

Na elele i ka Ahaelele Nui:  Puna. H. J. Lyman:  Olaa. J. F. Clay:  Waiakea.  John Bohnenberg.  John T. Brown, M. K. Kealawaa:  Hilo, Chas. Akau.  C. S. Smith. S. L. Desha. L. A. Andrews. M. S. de Gouvea. J. T. Stacker:  Papaikou, J. T. Moir@ Hakalau, H. V. Patton:  Laupahoehoe W. G. Walker: Kukaiau.  Albert Horner:  Honokaa.  Sam P. Furitado:  Kukuihaele. wm. Horner.

Elele i ka Aha komite Apana:  Puna, L. D. Keliipio, Daniel Kaaloha:  Olaa, Thos. E. Cook, Frank de Rosa. G. Supe. Waiakea, G. F. Affonso, sam Kalilikane, D. K. Namahoe. John McGuire, H. B. Nalimu ame O. W. Rose:  Hilo.  W. H. Beers, W. A. Todd, R. A. Lyman, Jr., I. E. Ray, F. Brughelli, John Kai, Jr., M. S. Pacheco, Chas. Siemsen.  J. K. Paakao. Papaikou, J. V. Jakins:  Hakalau.  D. Mackenzie:  Laupahoehoe.  Jas. Mattoon:  Kukaiau, Albert Horner:  Honokaa.  Jos. Pritchard:  Kukuihaele. H. K. Kuikai.

Ia Hilo e hana ana i kona aia no hoi o Kohala iloko o kona mau mahele koho, oia no hoi na mahele koho o ka Apana Koho Elua, a i ka hiki ana mai i ka pahu hopu o na hana ua ikeia iho la ke a'u iki ame ke a'u nui o ka mahelekoho ekahi wale no nae ka i loaa mai a oia keia malalo iho nei:

I ka Ahaelele Nui:  E. A. Fraser, H. L. Holstein.  E. E. Olding.

Komite Apana:  Holstein, Fraser ame Pulaa.

Mawaho ae o keia ua malamaia ae he halawai akea e na kupa o Kohala Akau, a mailoko mai o ia halawi i hooholoia ai e kukuluia i aupuni kalana o ke ano lahilahi a o ka mokupuni o Hawaii holookahi no ia aupuni kalana.

Maloko no hoi o ka halawai i kohoia ai he komite e ike aku ai i ka ahaolelo pili i keia kumuhana, a o na lala ua waeia mai lakou mai na aoao kalaiaina pakahi mai a o keia malalo iho nei ua poe keonimana nei:

Repubalika, E. Fraser, lunahoomalu:  Demokarata, Palmer P. Woods:  Home Rula.  H. M. Kaniho.

HOOLAHA HOOKO MORAKI.

HOOLAHA MANAO PANIK@ KU-

AI A KA MEA PAA MORAKI.

KAUHOLA (K.)

I kulike ai me ka olelo o kekahi palapala moraki i hanaia ma ka la 9 o September, A. D. 1898, mawaena o Kauhola (k.) o Makua, Waianae, Oahu, ame C. B. Maile o Honolulu, Oahu, i oleloia, a i kopeia ma ka Keena Kakau Kope o ke Aupuni, Buke 180 aoao 477 ame 478, a i hooliloia mai ia moraki ia Douglas Kaona ma kekahi Palapala Hoolilo i hanaia ma ka la  2 o July, A. D. 1904, a i kopeia ma ka Buke Aupuni o ke Keena kakau Kope i oleloia a no ka hookaa ole ia o ke kumupaa ame ka ukupanee;  nolaila ke manao nei ka mea malama moraki i oleloia o ka mea paa moraki i oleloia, e pani, a ke hoolaha aku nei no ke kuai ana ma ke kudala ma ka Hale Kudala o J. F. Morgan, ma Alanui Kaahumanu, Honolulu, Helu 847, ke hiki aku ma ka la 6 o Augate, A. D. 1904 a o ka waiwai i oleloia ma ia moraki, penei no ia:

He apana aina ma Makua, Waianae, Mokupuni Oahu, nona ka Palapala Sila Nui Helu 3634, Kuleana Helu 9054 i hookoia no Kawaa no Manua, nona ka nui he 9 eka oi aku a emi mai a i loaa mai iaia ma ka Palapala Kuai a D. K. mahu ma ka la 4 o September, A. D. 1878, a i kopeaia ma ka Buke Aupuni 93, aoao 155 ame 156, a ke hoike pu ia aku nei o na lilo no ka hana ana i na palapala, na ka mea e kuai mai.  Kuike ke dala ma ke dala gula o Amerika.

No na mea i koe, e ninau ia

DOUGLAS KAONA,

Mea Malama Moraki o ka Mea Paa Moraki.

Ma o kona loia la, J. P. Ball, Alanui Moi, Helu 3, Walty Building,

3024--July 15, 22, 29 Aug 5.

O ke kuai o ka moraki maluna ae ua hoopaneeia a ka Poaono, Augate 20, ma kahi ame ka manawa i hoikeia maluna ae.

JAMES F. MORGAN,

Lunakudala.

HOOLAHA MA KE KAUOHA

KULOA HANAI KAIKAMAHI-

NE O MAUNAOLU.

PAIA, MAUI.---E hoomaka ana kona kau kula e nee mai nei ma ka la 14 o Sepatemaba.  Ua lawa na lumi i koe no umi-kumamalima mau haumana kaikamahine.  O na makua e makemake ana e hoouna mai i ka lakou mau keiki i keia kula he mea pono ia lakou e kakau koke mai i ke kumupoo.

HOOLAHA KAKAUINOA.

E noho ana ka Papa Kakauinoa o ka Mokupuni o Oahu ma na wahi i hoakakaia malalo iho nei, no ka nana pono ana i ka poe na lakou na noi no ke kekauinoaia o ko lakou poe inoa ma ke ano koho balota ma ke kau koho balota e hiki mai ana a e hooholo aponoia ko lakou kupono io no ke koho balota.

Ma Honolulu Hale manae iho o ka Haleleta, iloko o Honolulu mawaena o na hora ehiku ame umi a.m. a mawaena o na hora eha ame ehiku p.m. o na la apau koe ke Sabati, e hoomaka ana i ka la 7 o Sepatemaba, 1904, a hoomau mai ia la mai a hiki i ka la 17 o Sepatemaba, 1904, a pau pu me ia la.

POAKAHI, SEPATEMABA 19, 1904:

Ma Puuloa i kahi Hoolulu Kaaahi---hora 7:45 a  9:30 a.m.

Ma Aiea kahi Hoolulu Kaaahi---hora 9:40 a 11:25 a.m.

Ma ka Hale Hookolokolo o Manana---hora 4  a  7 p.m.  

POALUA, SEPATEMABA 20, 1904:

Ma Waipahu Halewili---hora 8:15 a 11:30 a.m.

Ewa Halewili---hora 1 a  3:30 p.m.

Waianae Hale Hookolokolo---hora 5 a  7 p.m.

POAKOLU, SEPATEMABA 21, 1904:

Ma Puuloa i kahi Hoolulu Kaaahi---hora 7:45 a  9:30 a.m.

POAKAHI, SEPATEMABA 22, 1904:

Ma Puuloa i kahi Hoolulu Kaaahi---hora 7:45 a  9:30 a.m.

Wahi Hoolulu Kaaahi o Makua---hora 10 a 11 a.m.

Waialua Hale Hookolokolo---hora @  a  3 p.m. a mai ka hora @

POAHA, SEPATEMABA 23, 1904:

Kahuku Halewili---hora 1 a  3 p.m.

Laie Hale (Hall)---hora  5 a 8  p.m.

POALIMA, SEPATEMABA 24, 1904:

Ma Hauula Hale Hookolokolo---hora 8 a  9 a.m.

Waikane Luakini---hora 12 awakea a 1 p.m.

Kaneohe Hale Hookoloko---hora 6 a 10 p.m.

POAONO, SEPATEMABA 25, 1904.

Kailua (Sam Bo)---hora 8 a 10 a.m.

Ma ke keena o ka Halewili o Waimanalo---hora 11 a.m. a 12 awakea.

E huli hoi mai no ka Pope Kaukauinoa o ka poe koho balota i Honolulu i ka Poakahi, Sepatemaba 28, @ no ka hoopaa inoa mawaena o na hora 7 ame 10 a.m. a mawaena o na hora 4 ame 7 p.m.

WILLIAM T. RAWLINS,

Lunahoomalu o ka Papa Kakauinoa

Koho Balota.

Honolulu, Augate 8, 1904.

HOOLAHA I KA POE KOHO BALOTA

O KAUAI AME NIIHAU.

O ka Papa kakauinoa o ka Poe Koho Balota no Kauai ame Niihau e noho ana mai ka hora 8 a.m. a hiki i ka hora 3 p.m. ma keia mau wahi i hoakakaia malalo iho nei:

Waioli  Hale Hookolokolo, Hanalei Sepatemaba 12 ame 13.

Halekuai o Kilauea Sugar Co., Kilauea, Sepatemaba 14 ame 15.

Halekuai o Makee Sugar Co., Kealia, Sepatemaba  16 ame 17.

Kapaa Hale Hookolokolo, Kapaa, Sepatemaba 19 ame 20.

Hanamaulu Halekuai, Hanamaulu, Sepatemaba 21 ame 22.

Keena o W. H. Rice, Lihue, Sepatemaba 23, 24 ame Okatoba 8.

Keena o Koloa Sugar Co., Koloa, Sepatemaba 26 ame 27.

Halekuai o J. I. Silva, Elele, Sepatemaba 28 ame 29.

Social Hall (Hale Hoohauoli), Mkaweli, Sepatemaba 30 ame Okatoba 1

Waimea Hale Hookolokolo, Waimea, Okatoba 3 ame 4.

Keena o Kekaha Sugar Co., Kekaha, Okatoba 5 ame 6.

Niihau, Okatoba 7.  O keia la aole no i maopopo loa kona hookoia a malia o hoololiia.

W. G. SMITH, Lunahoomalu.

A. H. RICE.

W. J. SHELDON.

Papa Kakauinoa o ka Poe Koho Balota no Kauai ame Niihau.

HOOLAHA AINA AUPUNI.

Ma ka Poaono, Sepatemaba 3, 1904, ma ka hora 12 awakea a ma ke alo iho o ka Hale Hookolokolo, Honolulu, e kuaiia aku ai ma ke kudala akea he elua Apana Aina Aupuni o ka aina hanai holoholona e waiho la i Hanalei Kauai, e like me ia malalo iho nei.

Apana 1, nona ka iliaina o 987.25 eka, oi iki a emi mai:  kumukuai haahaa $9,000.00.

Apana 2, nona ka iliaina o 894.75 eka, oi iki a emi mai:  kumukuai haahaa $4,000.00.

Ma ke dala kuike ka makemake a ma ke dala gula Amerika no hoi.

No na kii palapala-aina ame na mea e ae pili ilaila, e ninau ae i ke Keena o na Aina Aupuni, Hale Hookolokolo, Honolulu.

JAS. W. PRATT,

Komikina o na Aina Aupuni.

Honolulu, H. T. Augate 1, 1904.

HOOLAHA HOOKAPU.

Ma keia ka haawiia aku nei ka hoolaha ua hookohu aku wau ia Kinekake i lunanana no ke kuleana lawai'a o Hamohamo, Waikiki.  O na palena o ke kuleana lawai'a i oleloia e hoomaka ana ma ka po-ina-nalu maluna o ka pa-ala eleele i ikeia o Paliiki, kokoke i kahi noho o Cunha a malaila aku holo iwaho i ke kai i ke kuanalu a holo ma ke kauanalu ma ke komohana a hiki i ka ma-ka kupono ma kekahi aoao o ke kikowaena o ke kahawai i ikeia o Apuakehau ma ka pi-ina-nalu a malaila aku holo hikina ma ka po'ina-nalu a hiki i kahi i hoomaka ai.

Ke papaia aku nei na kanaka apau loa i ka hele ana maluna olaila a lawe i na i'a mai ia kai lawai'a aku me ka loaa ole o ka ae mai ia Kinekake aku i oleloia malalo o ka hoopa'i o ke kanawai.

LILIUOKALANI.

Ma o kona loio ponoi, J. O. CARTER.

Honolulu, T. H. Iulai 27, 1904.

HOOLAHA HOOKAPU.

Ma keia ka haawiia aku nei ka hoolaha ua hookohu aku wau ia John Kiaaina, i lunanana no kuu aina Kahala ame ka pono lawai'a o ua aina la i oleloia.  O na palena o ke kuleana lawai'a e hoomaka ana ma ka palena-aina o Waiale ma kahakai e holo ana iwaho i ke kai a hiki i kuanalu a mailaila aku ma ke kuanalu holo komohana a hiki i ke "puhi" a malaila aku holo hikina ma ka pa-ala a hiki i ke aeone a malaila aku holo ma ka po'ina nalu a hiki i kahi i hoomaka ai.

Ke papaia aku nei na kanaka apau loa i ka hele ana maluna olaila a lawe i na i'a mai ia kai lawai'a aku me ka loaa ole o ka ae mai ia John Kiaaina i oleloia malalo o ka hoopa'i o ke kanawai.

LILIUOKALANI.

Ma o kona loio ponoi, J. O. CARTER.

Honolulu, T. H. Iulai 27, 1904.

HOOLAHA HOPE.

Ua hoonoho aku au i Hope Oiaio a ku i ke Kanawai ia Yuen Chong o Pahala, Kau, Hawaii, e lawelawe mau ko'u inoa ponoi.  i ka oihana kalepa ame na oihana e ae e pili ana ia'u iloko o ka Teritore o Hawaii, U.S.A. E hoomaka ana mai keia la 25 o Iulai, 1904.

L. CHONG.

Pahala, Kau, Iulai 25, 1904.

MISS C. M. SNOW.

Kakela me Kuke

[KAUPALENAIA]

Poe Kalepa ma

ke Komisina

A HE

POE LAWELAWE K@

Poe Agena no na K@

hiko Lehulehu

Hui Alahao ame Aina o Oahu

Manawa Holo

Mei 1, 1903.

[graphic: engraving of locomotive steam train]

MAI HOOLULU AKU

No Waianae, Waialua, Kahuku ame na wahi hoolulu ma ke alahae---

*9:15 a.m., *  3:30 p.m.

No Pearl City, Ewa Mill, ame na wahi hoolulu ma ke alahao--- +7:30 a.m.

*9:15 a.m., * 11:05 a.m., *8:15 p.m.

*3:20 a.m., +  4:15 p.m., *5:15 p.m.

#9:30 a.m., + 11:15 p.m.

MAI WAHO MAI

Ku i Honolulu mai Kahuku, Waialua, ame Waianae mai *8:36 a.m.,

*5:31 p.m.

Ku i Honolulu mai Ewa Mill ame Pearl City mai--- +6:50 a.m. +7:46 a.m.,

* 8:36 a.m., *10:38 a.m., *2:05 p.m.

* 4:31 a.m., * 5:31 p.m., *7:40 p.m.

*5:31 p.m., * 7:40 p.m.

* Kela ame keia la.

+ Sabati wale no.

# Koe ke Sabati.

G P. DENISON, Lunahoohana.

F. C. SMITH, G. P. & T. A.

KAUKA T. MITAMURA

Alanui Kukui Ololi Helu 68, Honolulu.

Na Hora Hana: 

Hora 8 a 10 kakahiaka; hora 1 a 3 ame hora 6 a 8:00 p. m. Sabati:  Hora 6 a 8 p. m.

Telepone Blue 2366.     P. O. 842.

Na Papale-I-e N@

[line unreadable]

[line unreadable]

FUKURODA

Helu 28-32     Alanui Hotele

HUI HOOLEWA HONOLULU

Ke hoolaio nei kela hui i kana mau hana kokua i kona mau lala.  I keia wa ua oi mamua o 1300 lala, a ke pii mau nei i kela ame keia la.

J. H. TOWNSEND, Kakauolelo.

[line unreadable]

Fidelity Funding Co.

[paragraph unreadable]

[paragraph unreadable]

[paragraph unreadable]

[paragraph unreadable]

R. D. HIGHTOWER,

Agena nui ma Hawaii nei.

41 ame 42 Young Block, Honolulu.

Ina He Makemake

--KOU I KA--

Lauoho Maikai

E HELUHELU I KEIA

Maila paha ae paa

[section unreadable]

"Laau Hoolulu Lauoha a Amerika

[section unreadable]

"Laau Hooulu Lauoho a Amerika

[section unreadable]

"Laau Hoolulu Lauoha a Amerika

[section unreadable]

Hoomakaukau ia e Kauka @

[section unreadable]

Hale Kuai Laau o Hollister @

Papu.