Ka Nupepa Kuokoa, Volume XLII, Number 33, 12 August 1904 — KE KANAWAI LIMAHANA [ARTICLE]

KE KANAWAI LIMAHANA

Ma ka Poaono i hala i loaa mai ai ka lono oiaio ia Kiaaina Atkinson mai Hilo mai ua hala aku he kanakblu poe Hawaii no ka hana ana i ke alanui Aupuni o Ookaia-Kukaiau, malalo o ka aelike a L. M. Whitehouse no ka hana ana ia alanui, a mawaho ae o keia he umikumamalima poe kupa Amerika i hele aku no ka hana ana malalo o keia haole.

Ke hoohanaia nei keia poe no 51.25 ukuhana o ka la hookahi, eia nae he umi hora hana o ka ia. Ua hoouna koke aku o Kiaaina Atkinson i ka lohe e hana na limahana i ewahi hora hana 0 ka la, e like hoi me ke kanawai e ku nei. Ua loaa pu mai no hoi ka lono oiaio ia Kiaaina Atkinson, eia no kekahi poe Kepani ke hoohanaia mai nei ma keia alanui. .1 kona lohe ana i keia mea, ua kauoha koke aku oia i ka Lunanui o na Hana Hou e hoouna aku i ka lono telegarapa no Hilp e hoike aku ana e hooko koke ia no ka manao o ke kanawai e piii i ka hoohana ana i na limahana kupa Amerika ma na hana Aupuni ke hoomau ia keia hoohana ana 1 na Kepani ma keia hana Aupuni. "Aole loa e alelolua ma keia," wahi a Kiaaina Atkinson, "aia ilaila na limahana, a he mea pono ia lakou e huli aku i na hana e hana ai i ka hana me na limahana kupa Amerika." OLELO HOOHOLO ■ MAHALO IA ATKINSON. Ma ka Poaono i hala i waihoia aku ai imua o Kiaaina Atkinson keia Olelo Hooholo malalo iho nei, e ka Hūi o na Hanalima Akamai ame Limahana o Honolulu nei: Oiai: Ua ike aku nei ka Hui o na Hanalima Akamai ame Limahana o Honolulu, Teritori o Hawaii, i ke kupaa ana o ka Mea Hanohano Kiaaina Kuikawa o Hawaii ma ke kakoo ana i na limahana kupa Amerika, a

Oiai: O ka limahana kupa Amerika oia ke £&hua o ke kalai aupuni oiaio, a Oiai: Ke noi nei na limahana kupa Amerika i noonoo kaulike i loaa i kela ame keia kanaka noonoo maikai, a oia hoi ke kaupaona-o ke kaulike o ka ike ana i ka hoa kanaka ame ka holomua, a Oiai no hoi: Me ka lawe ole ana i keia kahua e helelei ana ke kalai aupuni ame ka nohona hoaloha ana iloko o ko Hawaii Paeaina iloko o ka lua mimilo e kue ana i ko Amerika nohona a e hookapeke ana hoi i ka nohona maikai ame na noonoo maikai, nolaiia e HOOHOLOIA: Ke 'hoike nei ka Hui 0 na Hanalima Akamai ame Limahana 1 kona mahalo ma ke akea i ke Kiaaina Kuikawa Atkinson mamuli o ke kahua paa ana i hooholo ai i kona manao, a ke hooikaika aku nei makou e kiai aku me ka makaala me ka paa o ka manao aole e alhue ia ka pono hanau o ka 11mahana kupa Amerika, kona nohona hoomanawanui a ku i ka pono, kona ikeia mai me kona kulana kalai aupuni, a e HOOHOLO hou ia no hoi: Ke kauohaia nei ka Peresidena o keia Hui o na Limahana Akamai ame Limahana e waiho kino aku i ke kope o keia Olelo Hooholo imua o Kiaalna Kuikawa Atkinson. Kakaulnoaia i keia la elima o Augate, 1904. HUI O NA LIMAHANA AKAMAI AME LIMAHANA O HONOLULU. (Kakauinoaia) THOMAS CAHALAN, Peresldena. (Kakauinoaia) GEO. A. CROZIER, Kakauolelo ame Puuku.