Ka Nupepa Kuokoa, Volume XLII, Number 33, 12 August 1904 — OWAI KA I MAKEMAKE E KOMO I KE KULA KOA? [ARTICLE]

OWAI KA I MAKEMAKE E KOMO I KE KULA KOA?

E hemo maikai mai ana o Clarence K.' Lyman, ka haumana a Hawaii nei i hookomo aku ai i ke Kula A'o Koa o West Point ma ka malama ae nei o lune, a e hookohuia ae ana oia i lukanela iloko o ko Amerika pualikoa. Nolaila o keia hakahaka e pani ia ana no e Hawaii nei, a i mea e hiki ai ke hoopiha aku he mea pono e hoike mua ia a ike ia ka makaukau o ka haumana e makemake ana e komo aku lloko o keia kula, a e malama ia ana ka hoike iloko o ka mahina o Feberuari o keia niakahiki ae. Ua waiho aku nei o Elele Lahui Kuhio i keia hana ma ka lima o Atkinson, ke kahukula nui o Hawaii nei, a nana e hoomakaukau i na palapala o na.haawina e hoikeia ai. O ka haumana e holopono ana ma kana mau haawina i hoike ia, e huli pono ia ana kona olakino malalo o ka oihana 1: a e ku nei ma ke kahua koa McKinley ma Waikiki. O ka poe e makemake ana e komo aku iloko o keia kula oia ka poe mawaena o 17 ame 22 makahiki. Ina aia na makahiki o ka haumana ma'waena o ka 17 ame 18 alaila i elima \apuai ekolu iniha kona kiekie aole hoi e emi iho malalo olaila, a i 100 hoi paona kona kaumaha; mai ka 18 a 19, aole e emi iho malalo o 5 kapuai 3% iniha ke kiekie, a i 105 paona hoi kona kaumaha; maluna aku o ka 19 aole e emi mai malalo o 5 kapuai 4 iniha, a i 110 paona hoi ke kaumaha. I haumana maikai o kona nohona a eleu hoi.

Ma ka la 4 o keia mahina i hoohuiia ae ai ma ka berita maemae o ka mare m a Keeiuka o George K. Lineoln, o Kohala ame Miss Jane Kaliko Haili, o Ktei, S. Kona, Hawaii. Ua malamala ae he paina mahope o ka mare, a ua kipa ae na hoaloha e ike ia laua. E hoopomaikai ia mai ka paa mare, a e hoohauoliia mai hoi ko laua mau la.