Ka Nupepa Kuokoa, Volume XLII, Number 32, 5 August 1904 — Page 2

Ka Nupepa Kuokoa

KE KILOHANA POOKELA NO KA LAHUI HAWAII.

 

2               NUPEPA KUOKOA, POALIMA, AUGATE 5, 1904.               9

 

KA Nupepa Kuokoa

                                                                                    NO KA MAKAHIKI………………………………$2.00

                                                                                    NO EONO MAHINA……………………………….1.00

                                                                                                                        SUBSRIPTION RATES

                                                                                    ONE YEAR………………………………………..  $2.00

                                                                                    SIX MONTHS…………………………………….    1.00

O NA OLELO HOOLAHA APAU E HOOUNAIA MAI ANA NO KA HOOLAHA

MALOKO O KEIA NUPEPA, E HOOUNA PU MAI ME KA AUHAU, A INA AOLE,

AOHE NO E HOOKONOIA.  E HOIKEIA AKU NO KA AUYMAU OLELO

HOOLAHA KE UYI MAI I KE KEENA NEI.

O na Dala apau o ka Pepa e hoouna pololei mai i ka

HAWAIIAN GAZETTE COMPANY, LTD.

HOOPUKAIA E KA

Hawaiian Gazette Co., Ltd.

Hookomoia ma ka Hale Leka o Honolulu,

Panalaau o Hawaii, ma ke ano Mea o ka Papa Elua.

DAVID L. A-I,……Lunahooponopono

S. K. NAWAA, ….Kokua Lunahooponopono

A. W. PEARSON,……Lunanui

HONOLULU, OAHU.

POALIMA, AUGATE 5, 1904.

 

NO NA MAKEKE KUAI I'A.

     E like me ia e puka aku nei pela iho la ka nui o ka ike pili i na makeke kuai i'a o ke kulanakauhale i keia mau la oi loa aku i ka makeke o ke Aupui i kai o Ainahou, oiai oia ka i ma'ule iki iho nei a i keia manawa ua pii hou ae, a i ka nana ana i na kulana o keia poe makeke, oia hoi, na makeke elua o na Pake ame keia no hoi aia he haawina ano hukihuki o ka oihana kuai i'a iwaena o lakou.

     Mai ka manawa i weheia ai ka makeke o ke Aupuni a hiki wale i ka wa i ku ai ka makeke o na Pake mauka iki iho o Ulakoheo kahiko ua ikeia ka pii maikai ana o ka oihana kuai i'a iloko o ia wahi, aka i ka manawa i wewehia ai keia makeke hou, mai ia manawa mai ka emi ana mai o ka ikaika kuai o ka makeke kahiko a pii hoi ka makeke hou.  A i ka paa ana ae nei o ka lua o na makeke hou o na Pake aia hoi ka ulumahiehie o ka holomua iloko o ka makeke hope i hanaia iho nei a ano emi mai ka makeke mua a iloko  keia mau mea apau aia no ka makeke o ke Aupuni ma kona kulana nawaliwali, aole no nae i ka make loa no ka mea aia no he ola iloko ona ma ka malama mau la ana o ke kuyai ia o na mea ai ulu - a aole he wa i ha'o ai.

     Ma keia mau la iho nei ua hoalaia ae he ola hou iloko o ka makeke kahiko, ka makeke i manaoia e hoolilo i awahi hoahu ukana a i wahi no na mea e ae no ka hookomo loaa ana iloko o ka waihona Aupuni, - ma ka hooholo lokahi ana o na Kepani lawai'a e hoihoi i ka hoolilo ana i ka lakou i'a e loaa mai ai iloko o keia akeke, a i ka hooiaioia ana o ia au upu ana aia hoi ua lilo ae la ka Poakahi i hala iho nei he wa hana nui no ke kakauolelo o ke Keena o na Hana Hou i ka hoomaopopo ana i na noi kuleana pakaukau kuai i'a iloko o ua makeke neim a pela ia e ikeia aku nei aia he mau papakuai i'a e hoonaia mai nei ilaila.

     Aole wale ilaila pau ka makemake o keia poe lawai'a aka wahi a akou e lawe ae lakou i mau pakaukau kuai i'a no lakou ponoi iho a hui pu aku iloko o ka oihana kuai i'a me ka poe maauauwa i'a - alaila k hooluuluia na mea apau ma ka aoao o ka makeke kahiko e lik me ia i hoakakaia ae la huiia me na mea aku i koe no kona holomua alaila ua hiki ke hoomaopopo iho aia oia ma ke kulana pii e lawa ai ka ikaika no ka huki like ana ma ka hukihuki kaula - o na makeke Pake ma kekahi aoao a o keia no hoi ma kekahi aoao, - oia iho la ke kulana piha o keia poe makeke i keia manawa.

     Ua loaa ka manaolana e huki nui ana ka makeke kahiko, pela na manao like ole pana ae ma ia mea hookahi, a o kekahi o na kumu kakoo oia no ka lilo ana aiu la o na Kepani lawai'a ma ka aoao o ka makeke kahiko, oiai, ua oleloia o lakou no na pouha-na o ka oihana lawai'a e hu'e mau ia nei na l'a like ole o ka hohonu o ka moana, a o lakou wale no ka poe e hoolako nei i na Pake maauauwa i'a o na makeke hou a elua, mawaho ae o na lawai'a loko ame na wahi lawai'a kakaikahi e komo nei, - a o ka malele ana mai la o keia poe lawai'a, o ka wiwi ana aku la no hoi ia o ka hoolako i'a la o na Pake, a he puipui hoi ia ma ka aoao o ka makeke kahiko.

     Alaila nana ae ma kekahi aoao, oia hoi, ka poe kuai i'a (aole ka poe maauauwa) ua loaa pu ae no keia manao, o na i'a a na Kepani e hooikaika a nei i ka lawa'a, oia hoi na i'a o ka hohonu, oia no na i'a nunui, e laa ka ulua, ke kahala, ame na i'a nunui e ae - o lakou na i'a i makemake nui ia a kuai nui ia e na Kepani ame na Pake pu, a o na hoolako ana o na Kepani lawai'a me ia ano i'a nunui no ka makeke kahiko oia ka mea nana e ume mai i na Kepani ame na Pake pu kekahi e kipa i ka makeka kahiko; a mawaho ae o keia poe aole e nele ka pina'i pu ae o na kupa ano ko'iko'i ilaila.

     A hookahua ka noono maluna o keia mau hiohiona e ikeia aku nei aole e nele ke o ae,, "aia lakou ma ke kulana tagawa."

    

KA OIHANA MAHI HALAKAHIKI.

     O ka oihana mahi halakahiki o Haiku a Mr. Balauwina e hooikaika mai nei mawaho ae o ka mahi huika ame na mea like, ua maikai ia no ka hoeueu ana i ka poe mahi o Maui oi loa aku o ka poe i pili kokoke loa aku i Haiku, eia nae aole e hiki ke maalo ae keia mea mai ka poe mahi apau o ka Paeaina.

    O ka manao i waihoia aku ai i ko Haiku poe mahi no ke komo pu ana iloko o ka oihana mahi halakahiki, he mea hoeueu nui ia lakou no ke komo ie aku iloko o ia hana a hookanakamakua ma ia mea.

     He nui na kumu i maikai loa ai e hiki ole ai i na oiwi Hawaii ke alo i ke komo ana iloko o ia hana a oiai aia maluna o lakou ka ikaika o ka pana o keia manao, aole wale no nae ia lakou aka i na mea no apau, o ke ko'iko'i loa aku o keia manao paipai pili no ia i ka poe mahi olaila - o kekahi o ia mau kumu e kakoo ana oia no ka hooaiai mua ia e ana mai e ka hui hana kini halakahiki no ka lawe kuaiia ae o ka lakou mau mala halakahiki i ka wa e oo ai.

     He mea paipai nui keia i ka poe mahi o ia mau wahi ame na wahi pili kokoke no ka mea o ke ku ana o keia hana hale hana halakahiki o ka maopopo ana no ia o kahi e hua mai ai o ka oihana mahi halakahiki e poho ole ai ua poe mahi liilii nei.  Aia a oo ka hala aole he hookua'u ana iho o ka noonoo no kahi e lilo ai o ka hua a ka lima i hana ai, no ka mea i hakalia no a pala o ka lawe koke ia no ia no ia e keia hui halakahiki no ke kumukuai kupono.

     Ua like loa keia pomaikai i hooaiaiia iho la i keia poe me ka pomaikai a ka poe mea kuleana e mahi ko mai nei o na Hilo Paliku - he hooikaika mahi ana malalo o ka aelike i hoopaaia ae i na aoao a elua - o ka mea nona ke kuleana i paa i ke ko ma kona hooikaika ana e mahi a i hoolawaia mai na pono hana apau e ka mahiko, a laweia no hoi ke ko e ka wiliko i ka wa e oo ai - a o ka hua o ia mea ua ohi no kekahi poe oiwi Hawaii i ka pomaikai a lakou no hoi i hooikaika pauaho ole ai mai ka mahiko mai kekahi aoao iloko o ka aelike no ke kumukuai maikai.

     Ua maikai keia hoala noonoo mahi ana iwaena o ka poe kuleana liilii no ka hoowaiwai ana i ko lakou mau kuleana mawaho ae o na pomaikai e ae he nui.

 

     Ma na mea e ikeia nei a e hoomaopopoia nei apuni ka Paeaina iwaena o na Repubalika mailoko mai o na halawai i malamaia iloko o na mahele koho o na apana koho - he halawai wae inoa moho no ke kohoia i mau lala no na komite wae moho elele i ka Ahaelele Paeaina Repubalika no ka wae inoa moho Elele Lahui no ka Ahaolelo Nui, he poe halawai i malamaia i ka la 22 o Iulai i hala iho nei - iloko olaila i loaa mai ai ka ike no ke apo ohaohaia o ke Keikiealii Kuhio i moho Elele Lahui Rebupalika no keia kau koho balota ae.

     U puka mai keia hiohion manao aole mailoko mai o hookahi mahele koho aka ua oili mai ia mai ka nui lehulehu mai o na mahele koho apuni ka Paeaina, ina aole i ka pau loa o na mahele alaila i ka oi loa aku maluna hele koho aka ua oilshrdleutaaoinshrdlu o ka hapanui.  Mai kekahi mau ma hele koho mai ua loaa keia manao e haawi a'oia na elele no ke koho ana ia Elele Kuhio i moho ma  o na olelo hooholo la a aole wale o ia aka o ka moekahi o ka manao o na mahele no ia kumuhana hookahi.

     I ka nana ana i keia me he la aia he hookahi pana o ka manao wae ia Kuhio i Elele Lahui i loaa iloko o na Repubalika ma ke kulana hamau ma ka wa mamua o keia mau halawai a ma ka wa o na halawai wae i hoike akea ia ae ai ia ano, aia nae a hiki mai i ka wa e noho ai ka Ahaelele Repubalika Nui e maopopo ai na mea apau.

     Alaila i ka wa e ku ai i ka io e like me na mea e upuia aku nei, oia hoi Kuhio no na Repubalika, Iaukea no na Demokarata mawaho ae o Wilder e puaia mai nei ame Kale Motale a ka poe Home Ruia i koho iho la, he hookahi mea aiai loa oia no ka na Repubalika.

 

KA LIKE OLE O DEMOKARATA AME REPUBALIKA.

     Aole paha i maopopo i kanaka Hawaii ke ano o ka aoao kalaiaina "Demokarata" e koiia nei kanaka e komo aku a e haalele iho i ka aoao Home Rula, a malia ke heluhelu i keia mau lalani i unuhiia mai kekahi nupepa oloko, manao au e kaakaa ana na maka o ua poe la e olelo nei he Demokarata lakou, e hoopau manawa mai nei maloko o na nupepa i ka pai i ka aoao hou a lakou i komo aku nei, a e hookohukohu nei mahope o ia aoao Demokarata.

    "WASINETONA, Mar. 3. - Ua heluheluia he leta ma keia la iloko o ka Hale Ahaolelo i kakauia e Grover Cleveland (Peresidena iho nei i pau) e paolapala ana ia Lunamakaainana Weba o Carolina Akau, e hoole ana i kona paina pu ana, oiai oia he Peresidena, me kekahi ili eleele o C. H. J. Taylor, e like me ia i kukala ia ai e Lunamakaainana Scott o ka mokuaina o Kansas i kela mau la aku nei.

     Ua hoike aku o Scott i kona kuhihewa ma kona kukala ana ia mea, oiai, akahi no a hoole ia ka oiaio o ia lono.  Ua hoomakaia ke kalaimanao ana no ka ninau lahui a ia manawa i hoopuka akau ai o William ke alakai o ka aoao Demokarata o ka Hale i na olelo hoomakakeaka a keehi i ko Peresidena Rusawela koho ana aku ia Booker T. Wakinekona (he paele) e paina pu me ia ma ka papaaina hookahi.  Wahi ana i olelo ai "I keia kakahiaka i loaa mai ai kela pane mai ia Cleveland mai" a oiai oia i heluhelu aku ai, ua hooho na Demokarata me ka leo hauoli, a penei ua leta la;

     Princeton, N. J., Mar. 2.

     I ka mea Hanohano E. Y. Webb, Hale o na Lunamakaainana.  Wahinekona D. C.

     Aloha oe: - He mea ole ia'u ka hapai ana ae o Mr. Scott i ko'u inoa no na hana hookaulana manao ino ma ka papahele o ka Hale Lunamakaainana.  I pane no kau i ninau mai ai, ke olelo nei au, o kana i olelo ae ai, ua ai pu au me ka paele . H. J. Taylor ma ka Hale Keokeo, he hoopunipuni loa ia, a he hakuepa ia mau olelo.

     No Mr. Taylor hoi, ua hoomaopopo ia mai ia'u, mamua iho o kona hookohu ia ana i Luna Kakau Kope no na palapala kuai ma Wakinetona, ua noho oia ma ke kulana hope ma ke keena o ka loio kulanakauhale ma Kansas City.  Ua hoapono ia kona hookohu e ka Senate a ua noho na ka oihana me ka hookele naauao a mikiala i kana hana.  Ua make iho nei oia,  Aole he nema aku o kahi poe i ke kanaka i make.  Ma ka'u ninaninau ana no ko Mr. Taylor kupono no ka oihana, a me ko'u kamaaina ana me ia ame ka'u hakilo ana nona oiai oia e noho ana ma ka oihana, ua hoomaopopo au ua kipehi wae ia no kona kulana e Mr. Scott.  Hookahi mea a Scott i olelo ai a i hooia loa aku oia me ka oiaio a oia keia "He negero eleele oia."  Ua alakai ia au ma ka manaoio ana, aole i maopopo loa iaia (Scott) me kana i olelo ae ai "aohe i kanamai ka eleele."

     Kou no me ka Oiaio.

     GROVER CLEVELAND.

     Wahi a Webb i hoomau aku ai.  "He hoaloha o Cleveland no na negero, aole o ka hoaloha hupo,  Aole loa oia ma ka olelo a ma ka hana paha i hooulu i na moeuhane iloko o ka negero ua like kona kulana launa ana me ka lii keokeo.  "Ua pa'ipa'iia keia au olelo e na Demokarata.  A wahi hou ana "oiai oia he hoaloha no ka ili eleele, he hoaloha no oia no ka poe haole o ka Hema, a ua minamina oia no ko makou ninau lahui, a he oi aku ia mamua o ka Peresidena Rusawela i hana ai.

     Wahi a William ke alakai Demokarata, ua ai pu o Peresidena Rusawela me Booker T. Wakinekona ka paele i kumu e hoomaikeike aku i ka poe o ka Hema he kulike no ke kulana, oiai aole he manao o ka Hema pela.  I ka wa e hooulu ia ai kekahi ninau no ka hookohu ia ana o ka ili eleele no ka oihana ma ka Hema, ua hoike ia mai "aole he nana ia ma o ka ili" aka wahi a William "heaha la ka mea e hookohu ole ia ai i Pake i lunaleta no ke kapakai o ka Pakipika."

     Wahi no a William, he hookamani ka olelo ana iho he like ke kulana o na kanaka apau ma ka launa ana, me ka nana ole ae i ka ili, lahui, a pela aku.

     Ninau aku nei o Scott, nawai no i kakoo aku nei ka like o ke kulana o ka paele.

     Pane mai o William "ua maopopo ia'u o ke kulana kalaiaina o ko oukou poai (Repubalika) no na makahiki he iwakalua, oia keia me ka nana ole ae i ka ili, lahui a pela aku, ua kaulike na kanaka apau ma ke ano kaoaiaina, aole hoi oia wale no.  Ua hoike ae ke poo o ko oukou ohana kalaiaina i ke kumuhana, oia hoi, ua hiki ke launa like no, ma ke kono ana i ke kanaka ili eleele e noho pu me ia ma ke pakaukau hookahi e paina pu.  Ina, aole i hana ka Peresidena i kela hana no ke ake e hookaulana i ke kulana noho like, alaila, ua hana ia me ka waiwai ole.  Wahi a ua alakai Demokarata la, aohe ana hoopaapaa me ka Peresidena "ua hiki no iaia ke kono i ke kanaka ili eleele e ai pu me ia, aka ua kali no nae oia a lilo i Peresidena, alaila hana iho la pela i mea e ike ia ai a puni ke ao."

     Auhea oe e ka mea heluhelu, aia no ua Demokarata nei.  Mai ke au mai o ka hookauwa kuapaa mai ka hoi ka hoomawahawaha i ka ili eleele a hiki no i keia manawa, a oia, aoao e hoopailua ana i ka lahui ili eleele a ulaula, oia aku ka kakou lahui e komo aku ai e kakoo.  Hele pela.  Hookahi wale iho no kakoo a ka poai Demokarata e i iho ai, oia keia, "hoao ke Demokarata ma o Peresidena Cleveland la e hoihoi i aupuni Moi," he oiaio ia, aka, no keia kumu no nae, i mau ai no ka noho ana o kanaka Hawaii malalo o na mahiko ma na palapala kepa, a i mau ai no ka loaa ole o ka mana koho i kanaka Hawaii.  He inoa hoopailua ia ke Demokeko-karata.

     Ina i hookoia ka ke Demokarata i makemake ai no Hawaii, oia oi, e hoomau no i ke Aupuni Pi Ki, ma ka ae ole ana i ka hoohuiaina heaha iho ka waiwai e loaa i kanaka Hawaii?  Mau no ka nele o kanaka i ka pono koho, mau ka noho hookauwaia ma ke kepa kanaka, a mau no ka lilo o ke kuokoa o kanaka Hawaii i mea ole.  Aohe mea loaa, a o ke kani no ia o ka aka o ua poe Demokarata nei o ka aina makua hui hoi me na wahi kauna e pena hapala puna mai nei ia lakou, hele loa i ka launa ole.  Eia no ka mea oiaio, a ua malamalama e like me ka la.  No ke ake oihana o ka poe i ike aole he loaa o ka hana ia lakou mai ka aoao kalaiaina Repubalika, nolaila, komo i ke Demokarata, me ka manaolana, ina e koho ia he Peresidena Demokarata i keia Novemaba ae nei ma ka aina makua, alaila, loaa iho ka lakou nei mau papaa palena.  Aole no ke aloha maoli i ka aoao kalaiaina e like me ka poe o ka Hema a me na Demokarata haole e noho nei ma Hawaii, aka, no kela ake oihana.  E nana iho i ka poe e pai nei he Demokarata lakou i neia manawa, ua hiki ke heluia lakou apau.  A o ka mea aka ina e haule mai ana ka moho a ua poe Demokarata nei ma keia kau koho Peresidena, he ahu hoi kau o ka hoka.

     Nolaila, mahalo au i ko Kalauokalani kupaa mahope o ka aoao Home Rula a hooikaika e kupaa no ka poe mahope o ia aoao i komo mua, a i ka wa e ikeia ai ua pau ka waiwai ame ka mana o ka aoao Home Rula, e hookuene a komo iho ma ka aoao Repubalika ka aoao kalaiaina i ike ole i ka hookauwa kuapaa a i hoolilo i ke kanaka Hawaii ma ka hoohuaina ana, i mea uhana kuokoa, e like me ka ke Akua i hana mai ai.  Ma ka ili ua like ole, aka, ma ka uhane ame ka noho ana, ua kaulike.

     Ka ke Demokarata no paha e i mai ai ia kakou Hawaii, he aoao maikai a hoopono maoli no lakou, aka, heaha

     (E nana ma ka aoao 5.)

 

     O KA LOLI ANA O KA WAI E INU AI oia ka mea nana e hookipa mau nei i ka ma'i hi.  Mamuli o keia o ka poe kaahele mau he lawe mau lakou i omole laau Chamberlain's Colic, Cholera and Diarrhoea Remedy i hiki ai ke lapaau koke ia ke loaa i ka ma'i.  O keia ka laau i loaa ole kona lua ma ka hoola ana i na ma'i o ka opu.  He laau loaa ole no hoi keia ia oe e kaahele ana iluna o na kaaahi ame na mokuahi, a aole hoi he hoohewahewa ana o keia na wahi i kupono loa no keia laau.  E kuai mua i omole mamua o kou kaahele ana.   Ke kuai ia nei ma na halekuai lapaau apau.  BENSON, SMITH & CO., LTD., na Agena na Hawaii nei.

 

HOOLAHA A KE KAUOHA.

 

HOOLAHA AINA AUPUNI.

     Ma ka Poaono, Sepatemaba 3, 1904, ma ka hora 12 awakea a ma ke alo iho o ka Hale Hookolokolo, Honolulu, e kuaiia aku ai ma ke kdala akea he elua Apana Aina Aupuni o ka aina hanai hooholona e waiho la i Hanalei Kauai, e like me ia malalo iho nei.

     Apana 1.  nona ka iliaina o @.25 eka, oi iki a emi mai; kumukuai haahaa $9,000.00.

     Apana 2.  nona ka iliaina o $94.75 eka, oi iki a emi mai, kumukuai haahaa $4,000.00.

     Ma ke dala kuike ka makemake a ma ke dala gula amerika no hoi.

     No na kii palapala-aina ame na mea e ae pili ilaila, e ninau ae i ke Keena o na Aina Aupuni, Hale Hookolokolo, Honolulu.

                                                                                    JAS. W. PRATT,

                                                                                    Komikina o na Aina Aupuni.

                                                                                    Honolulu, H. T. Augate 1, 1904.

                                                                                    3027 - Aug. 5, 19 - Sept. 2.

 

HOIKE A KA FIRST AMERICAN SAVINGS AND TRUST COMPANY OF HAWAII, LTD.

Territori o Hawaii

Kulanakauhale o Honolulu

Mokupuni o Oahu

     Ma o ka hoohikiia ana o Cecil Brown ame W. G. Cooper, ua hoike pakahi ae laua ma ka palapala a olelo ae he mau lunanui laua, o Cecil Brown.  ka Peresidena, a o W. G. Cooper ka Mea Malama Dala no ka First American Savings and Trust Company of Hawaii, Ltd., a o ka papa huahelu malalo iho nei he hoike piha pono ia, he oiaio, pono a pololei no na hana o ua hui la i oleloia ka First American Savings and Trust Company of Hawaii, Ltd., i oleloia a hiki i ka la 30 o Iune, 1904, a pau pu me ia la.

     O ke kumupaa o ka hui he $250,000 i maheleia iloko o 250,000 mahele o $100.00 waiwai io o ka mahele hookahi.  O ka heluna o na mahele i hoopukaia 250,000 a ua uku piha ia na mahele.

     Na Loaa no na aie o ka Hui ma ka la 1 o Iulai oia keia malalo iho:

                                                Kumupaa…………………………………………………………………………………………$250,000.00

                                                Na Dala i hookomoia…………………………………………………………………………….  351,718.60

                                                Puka ame Poho…………………………………………………………………………………..         918.86

                                                Na Loaa Waiwai e ae o ka Hui ma ka la 1 o Iulai, 1904, oia keia malalo iho:

                                                Na Bila loaa mai…………………………………………………………………………………   348,410.00

                                                Na Bona ame na Mahele Huikau………………………………………………………………..     96,880.00

                                                Dala Kuike ma ka KUOKOA - Galley 6

                                                Banako………………………………………………………………………………………….    135,426.07

                                                Mahele Ukupanee……………………………………………………………………………….       4,609.39

                                                Waiwai Paa………………………………………………………………………………………    17,275.00

                                                Na Palapala Hoopaa Waiwai e ae…………………………………………………………………         37.00

 

                                                                                                                                                                                                         $602,637.46    $602,637.46

     (Kakauinoaia)   CECIL BROWN, Peresidena.

     (Kakauinoa ia)  W. G. COOPER, Mea Malama Dala.

     Hooia a hoohikiia imua o u i keia la 25 o Iulai, 1904.

                                                W. P. ROTH,

     Notari no ka Lehulehu, Apana Hookolokolo Kaapuni Ekahi.

     Ma keia ke hooia nei wau o ka hoike maluna ae, he kope oiaio a pololei ia o ka hoike maoli a papa huahelu o ka The First American Savings and Trust Company of Hawaii, Ltd., i hoohikiia imua o'u i keia la 25 o Iulai, 1904.

     Hoiikeia e kuu pulima ame ka sila i keia la 25 o Iulai, 1904.

                                              W. P. ROTH,

     Notari no ka lehulehu, Apana Hookolokolo Kaapuni Ekahi.

     3036 - Iulai 29 - Aug. 5, 12.

 

HOOLAHA HOOKAPU.

     Ma keia ke haawiia aku nei ka hoolaha ua hookohu aku wau ia Kinekake i lunanana no ke kuleana lawai'a o Hamohamo, Waikiki.   O na palena o ke kuleana lawai'a i oleloia e hoomaka ana ma ka po'ina-nalu maluna o ka pa-ala eleele i ikeia o Paliiki, kokoke i kahi noho o Cunha a malaila aku holo iwaho i ke kai i ke kuanalu a holo ma ke kuanalu ma ke komohana a hiki i ka ma-ka kupono ma kekahi aoao o ke kikowaena o ke kahawai i ikeia o Apuakehau ma ka po-ina-nalu a malaila aku holo hikina ma ka po-inanalu a hiki i kahi i hoomaka ai.

     Ke papaia aku nei na kanaka apau loa i ka hele ana maluna olaila a lawe i na i'a mai ia kai lawai'a aku me ka loaa ole o ke ae mai ia Kinekake aku i oleloia malalo o ka hoopa'i o ke kanawai.

                                              LILIUOKALANI,

     Ma o kona loio ponoi, J. O. CARTER.

     Honolulu, T. H. Iulai 27, 1904.

     303026 - Iulai 29 - Aug. 5, 12, 19.

 

HOOLAHA HOPE.

     Ua hoonoho aku au i Hope Oiaio a ku i ke Kanawai ia Yuen Chong o Pahala, Kau, Hawaii, e lawelawe ma ko'u inoa ponoi, i ka oihana kalepa ame na oihana e ae e pili ana ia'u iloko o ka Teritore o Hawaii, U. S. A.  E hoomaka ana mai keia la 25 o Iulai, 1904.

                                              L. CHONG.

     Pahala, Kau, Iulai 25, 1904.

     3027.

 

HOOLAHA HOOPAU HUI.

     Ma kela ke haawiia aku nei ka hoolaha o ka hui i ku iho nei mawaena o John B. Watson ame Charles P. West o Honolulu, malalo o ka inoa hui Watson &West ua hoopauia a hookuu loa ia ma ka la 12 o Iulai, A. D. 1904, ma o ka hana o ke kanawai: oia hoi, o John B. Watson i oleloia, i keia manawa, oia ka ona maoli o ka hana kalepa mikini humuhumu lole i lawelaweia iho nei e ka hui i oleloia a e hoomauia aku ana ia hana kalepa ma kona wahi e ku nei.  A aole mea e ae kue wale no o John B. Watson i oleloia ka mea kuleana e ohi i na aie ame na helu waiwai e ae i kuleanaia e ka hui i oleloia.

 

HOOLAHA MA KE KAUOHA

     (Kakauinoaia)  JOHN B. WATSON.

     Honolulu, Iulai 15, 1904.

     3025 - Julyu 22, 29; Aug. 5.

 

OLELO HOOLAHA.

     Ma keia ke haawiia aku nei ka hoolaha, oia hoi mai keia la aku ke papa lloa nei wau i ke komohewa o kekahi kanaka a iho a komo paha maluna o na aina i ikeia ua kuleanaia e a'u mai Huehue a hiki i Kaumalumalu, Kona Akau. koe wale no a loaa aku ka ae mai ia'u aku.

     Iulai 18, 1904.

                                                J. A. MAGUIRE.

     3026 - Iulai 29 - Aug. 5. 12.

 

HOOLAHA HOOKO MORAKI.

 

HOOLAHA MANAO PANIK A KUAI KA MEA PAA MORAKI.

KAUHOLA (K.)

     I kulike ai me ka olelo o kekahi palapala moraki i hanaia ma ka la 9 o September, A. D. 1898, mawaena o Kauhola (k.) o Makua, Waianae, Oahu, ame C. B. Maile o Honolulu, Oahu.  I oleloia, a i kopeia ma ka Keena Kakau Kope o ke Aupuni, Buke 180, aoao 477 ame 478, a i hooliloia mai ia moraki ia Douglas Kaona ma kekahi Palapala Hoolilo i hanaia ma ka la 2 o July, A. D. 1904, a i kopeia ma ka Buke Aupuni o ke Keena Kakau Kope i oleloia a no ka hookaa ole ia o ke kumupaa ame ka ukupanee; nolaila ke manao nei ka mea malama moraki i oleloia o ka mea malama moraki i oleloia o ka mea paa moraki i oleloia, e pani, a ke hoolaha aku nei no ke kuai ana ma ke kudala ma ka Hale Kudala o J. F. Morgan, ma Alanui Kaahumanu, Honoluolu.  Helu 847, ke hiki aku ma ka la 6 o Augate, A. D. 1904 a o ka waiwai i oleloia ma ia moraki, penei no ia:

     He apana aina ma Makua, Waianae, Mokupuni Oahu, nona ka Palapala Sila Nui Helu 3624, Kuleana Helu 9054 i hookoia no Kaawa no Manua, nona ka nui he 9 eka oi aku e emi mai a i loaa mai iaia ma ka Palapala Kuai a D. K. Mahu ma ka la 4 o September, A. D. 1878, a i kopeia ma ka Buke Aupuni 93, aoao 155 ame 156, a ke hoike pu ia aku nei o na lilo no ka hana ana i na palapala. na ka mea e kuai mai.  Kuike ke dala ma ke dala gula o Amerika.

     No na mea i koe, e nineu ia

                                                DOUGLAS KAONA.

                                                Mea Malama Moraki o ka Mea Paa Moraki.

                                                Ma o kona loio la, J. P. Ball, Alanui Moi, Helu 3.  Waity Building.

     3024 - July 15, 22, 29 Aug. 5.

 

HOOLAHA MANAO PANIKU A KUAI A KA MEA PAA MORAKI.

LAWRENCE H. DEE.

     Ma keia ke haawiia aku nei ka hoolaha mamuli o ka mana o ke kuai i hanaia iloko o kekahi moraki i hanaia i ka la 7 o Feberuari, A. D. 1903, e Lawrence H. Dee, o Honolulu, mokupuni o Oahu, Teritori o Hawaii.  (o Louisa H. Dee i oleloia ua hui iloko o keia ma ka hookuu ana a haalele loa i kona kuleana wahine mare iloko a i pili i ka aina i hoakakaia iloko nei) ia J. F. Humburg, Kahu, mea paa moraki, he moraki hoi i kakau kope ia iloko o ke Keena Kakau Kope Aina o ke Aupuni i Oahu, iloko o ka Buke Helu 247, aoao 52, 53, 54 ame 55, o ka mea paa moraki J. F. Humburg, Kahu, ke manao nei e paniku i ka moraki i oleloia no na kumu i uhaiia, e hoike ana, o ka uku ole ia o ke kumupaa ame ka ukupanee i ka manawa e uku ai.

     Ke haawi pu ia aku nei no hoi ka hoolaha o ka waiwai apau i hoopaaia iloko o ka moraki i oleloia e kuaiia aku ana ma ke kudala akea ma ka Hale Inu Rama Hoffman, e ku nei ma ke kihi hema o na alanui Hotele ame Nuuanu iloko o Honolulu i oleloia, ma ka Poaono, ka la 10 o Augate, A. D. 1904, a ka hora 12 awakea o ka la i oleloia:  koe nae ka waiwai i hoakakaia iloko o ka pauku ekahi (1) oloko nei, a ma keia ke haawiia aku nei ka hoolaha o ua waiwai la i oleloia i hoakakaia iloko o ua pauku ekahi (1) nei e kuaiia aku ana ma ke kudala akea e Will E. Fisher ma kona keena kudala ma Alanui Alakea ame Kalepa iloko o Honolulu i oleloia ma ka Poaono i oleloia ma ka hora 1 p.m. o ka la 13 i oleloia o Augate, A. D. 1904.

     O ka waiwai i hoopaaia iloko o ka moraki i oleloia oia iho kela:

     (1)  O kela apana a mahele apau loa o ka aina e waiho la ma Alanui Young.  Iloko o Honolulu i oleloia, oia no hoi ka hapalua Hikina o ka Apana Helu 13, he hapa o ka Apana "A" o ka Palapala Sila Nui Helu 78, a oia no hoi ka aina i hooliloia ia Lawrence H. Dee i oleloia ma kekahi palapala kuai aina o E. May McGregor i hanaia i ka la 16 o Iune, A. D. 1901, a i kakau kope ia iloko o ke Keena Kakau Kope Aina i oleloiailoko o ka Buke Helu 130, aoao 363, pau pu me kela apana o ka aina nona ke alo e waiho la ma ke alanui Young i oleloia e pili la me ka mahele o ka aina i hoakakaia maluna ae ma ka aoao Kamaki Kuea (Thomas Square) nona hoi ke alo i anaane aku i ka 25 kapuai a o ke koena o ka aina ua hooliloia mai ia'u mai ia John Grace mai ma kekahi palapala kuai aina i hanaia i ka la 7 o Okatoba, A. D. 1890, a i kakau kope ia iloko o ke Keena Kakau Kope i oleloia iloko o ka Buke Helu 232, aoao 87 et seq.

     (2)  O kela aina hoolimalima e waiho la ma ke kihi Hema o na Alanui Nuuanu ame Hotele iloko o Honolulu i oleloia nona hoi ka manawa hoolomalia i pau ole o 4 makahiki a pau pu me na waiwai pakahi apau loa, na waiwai kuai, na pono hale apau iloko olaila i komo ole iloko o ke kuleana hoolimalima i hoakakaia o na mea apau i ikeia ka Hale Inu Rama o Hoffman.

                                                J. F. HUMBURG, Kahu,

                                                Mea Paa Moraki.

                                                Hanaia i Iulai, 19, 1904.

                                                Frank E. Thompson, Loio ao ka Mea Paa Moraki.

     3025 - July 22, 29, Aug. 5, 12

 

HOOLAHA KUMAU

 

Kakela me Kuke

(KAUPALENAIA)

Poe Kalepa ma

ke Komisine

A HE

POE LAWELAWE KOP@

Poe Agena no na Mahiko Lehulehu.

 

Hui Alahao ame Aina o Oahu

MANAWAHOLO

Mei 1, 1903.

 

MAI HONOLULU @

No Waianae, Waialua, Ka@ ame na wahi hoolulu ma ke @

9:15 a.m., 3:30 p.m.

No Pearl City, Ewa Mill @ @ @

hoolulu ma ke alahao @ #

9:15 a.m., 11:05 a.m. @ @

3:20 p.m., 4:15 p.m. @ @

9:30 p.m., 11:15 p.m.

 

MAI WAHO MAI

            Ku i Honolulu mai Kahuku Waialua,

ame Waianae mai @ @

5:31 p.m.

Ku i Honolulu mai Ewa Mill ame Pearl City mai

6:50 a.m. @ @

8:36 a.m., 10:38 a. m. @ @

4:31 p.m., 5:31 p.m. @ @

5:31 p.m., 7:40 p.m.

*Kela ame keia la.

+Sabati wale no.

=Koe ke Sabati.

G. P. DENISON,

Lunahoohana.

F. C. SMITH,

G.P. & T. A.

 

KAUKA T. MITAMURA

Alanui Kukui Ololi Helu 68, @ ula

Na Hora Hana:

Hora 9 a.m. a 12 m: 6:30 p.m. @

p.m. Sabati, Hora 9 a.m. a @ @

Telepone Blue 2366        P.O.Box @

 

Na Papal I-e Nunui.

O na Lede ame na Keoniana@

ano hou e loaa no ma @ o

FUKURODA

Helu 28-32        Alanui @

 

HUI HOOLEWA HONOLULU

Ke hooiaio nei keia hui i kona mae hana kokua i kona mau lala. 

I keia wa ua oi mamua o 1300 lala a ke ao mau nei i kela ame keia la.

J. H. TOWNSEND, Kakauolelo.

 

UA UKU AKU KA

Fidelity Funding Co.

Iloko o na makahiki elua i @ @ @ @

i ka poe i hoahu i ka lakou @ @ @

he $380,000.

Na ka FIRST NATIONAL @ @

HAWAII e ku nei ma Ho@ @ @

e hooiaio mai i keia mea. @ @ @

$1.00 o ka pule no 100 pule @ @

he $150.00

O na papa hoike ame ka i @ @

ka poe e uku pule ia nei ame @ @

e loaa no ma ke Keena o

R. D. HIGHTOWER.

Agena ma Hawaii. @

41 ame 52 Young Block @

 

Ina He Makemake

KOU I KA

Lauoho Maikai

E HELUHELU I KEIA.

Malia paha ke pau nei kou lauoho

ka helelei, a koe kakaikahi E @

i ka laau mamua o ka pau loa ano

i ka helelei, e hana i laau e @ hou

ai.  O ka laau

"Laau Hooulu Lauoho a Ayer's"

ka mea e ulu hou ai.  He nani ke

lauoho ke ulu mai, a he nui hou.

Ina he nawali ka ulu ana o kou lauoho, o ka

"Laau Hooulu Lauoho a Ayer's"

ka mea e manoanoa ai ka ulu ana, o

ke loaa i kela laau pau loa ka helelei

ana.  I na he piha kou poo

ke Kepia, o ka

"Laau Hooulu Lauoho a Ayer's"

ka laau e pau ai a maemae kou pea.

Ke loaa i keia laau e hoi hou ana ka

ulu ana o kou lauoho a like me ke

kou wa bebe.

Hoomakaukau ia e Kauka J. C. Ayer

& Company, Lowell, Mass. U. S. A.

E loaa no keia mau Huaale ma ko

Hale Kuai Laau o Holliter, alanui

Papu.