Ka Nupepa Kuokoa, Volume XLII, Number 31, 29 July 1904 — HOOMAKA KA HANA PUHIAHI Akahi a Kukuluia he Hale Puhi Opala no Honolulu. HE HALE PUHI KINO KANAKA KEKAHI KE MAKEMAKE NAE KA OHANA. [ARTICLE]

HOOMAKA KA HANA PUHIAHI

Akahi a Kukuluia he Hale Puhi Opala no Honolulu.

HE HALE PUHI KINO KANAKA KEKAHI KE MAKEMAKE NAE KA OHANA.

Ua hoomaka ae nei ke Keena o na Hou i ke kukulu ana i ka oihana puhiahi opala, a no ka mea ua ikeia he hana keia e pono e lawelaweia me ke akamai pela e hanaia ai ma ka la hana. O J. R. Logan ka mea nana i lawe mai i na pono hao o ka hale puhiahi opala, oia no ka mea nana e hana nei i kē kukulu ana i keia hale. O na pono like ole no keia mea aole i kala i hoea mai ai i Honolulu nei a! mamuli no hoi ia o ke kauoha o ka Papa Ola i ka manawa o ke kau ahulau o ka ma'i eleele (bubonika) i ka makahiki 1899-1900 eia nae aole i hoohanaia no ke dala ole ia manawa no ke kukulu ana. Nolaila ua waiho wale ia aku ia mau pono hale i Kakaako a no keia mau makahiki i nee iho nei a hiki mai 1 keia manawa ka w r aiho wale ana o ia mau pono, a i hiki pu ai no hoi i ka manawa a ka Ahaolelo i hala i hooholo ai e hanaia ua hoowaiwaiia ua mau pono la ma ka hooholoia ana i haawlna o $10,000 no ke kukulu ana i ka hale. _ Ke nei ka Lunanūi Holloway o na Hana Hou e koe koena iho ana keia $10.000 mai na hoolilo o ke kuleulu ana i keia hale puhiahi opala ana hoi i manao ai o ia koena e hooliloia no ke kukulu ana i wahi hale nui kupono no ka hana puhiahi kino kanaka o ka poe make, a e hanaia ia puhiahi e like me ka makemake o ka poe e noi ana no ke puhiahi ana. O keia hana puhiahi i ke kino kanaka o keia manawa aole i weheia no ka lehulehu aka i ka hana wale. no a ka Papa Ola no na make no lakou na ma'i a ka Papa Ola e ike ai aole i kupono no ke kanu ana, a lakou i maopopo loa ai o ke kanu ana ia kino iloko o ka honua he mea hoopoino ia i ka poe ola. O keia hale puhiahi opala he hale uinihapa ana ia a manae iho o ka hale pauma o na mea ino e ku nei i Kakaako e ku ai keia hale. Aia he papahele hi-o ana kekahi e hanaia ai, kahi o na kaa opala e pii aku ai a hiki i ke kahua oluna alaila e hoohuli mai ai i ke kaa no keia papahele hi-o e nele ole ai ka helelei o na opala a

komo iloko o ke kapuahi e aa ikaika ana no ko lakou mamaia mai a lilo i lehu. He liana okoa ae no kekahi e pakuiia aku ana iloko o keia hale oia no ka hoomakaukau ana I wahi e puhiahi ia ai na holoholona make, a he hoopau loa ana hoi ia i ka lawe ana ia lakou iwaho o ka moana no ke kiloi ana a e hoopau ana hoi ia lilo. Ma ka nana aku aia ke lana nei ka manao e hoomaalahiia ana ka oihana lawe opala a houuku mai i ka lilo no ka lawe ana i na mea make iwaho o ka moana. » i > - —