Ka Nupepa Kuokoa, Volume XLII, Number 30, 22 July 1904 — HE REPUBALIKA O JOHN WISE. [ARTICLE]

HE REPUBALIKA O JOHN WISE.

Ua lilo ae nei o John Wise i Repubalika i keia manawa. O keia loli ana ae nei o ke kulana kalaiaina o John Wise mai na kulana mua ana i ku ai oia ka aoao Home Rula a mahope mai .ka aoao Demokarata a komo iho la ma ka aoao Repubalika, ma Kawaihae, Hawaii, kahi i hanaia iho ai ia mea iloko o kekahi halawai kalaiaina i malamaia ilaila ma ke ahiahi Poakolu. Ma kela ahiahi ua nui na Hawaii i akoakoa ae ilaila no ka hui pu ana iloko o na hana o ia po a no ka hoolohe ana i na haiolelo pili kalaiaina, a iwaena o na haiolelo oia no o Mr. A. B. Loebenstein ka mea hoi nana i ha'i ae i na manao hoeueu e like me ka mau. Ma keia oielo a keia keonimana ua komo mai Ia o John Wise a kokua pu i na hana ma Jce ano maheleolelo na Loebenstein mit ka olelo Hawaii no ka pono o na Hawail a oia no hoi ka manawa i hoike ae ai o John Wise i kona manao ponoi ma ka hookuu pono ana mal ia mea oia hoi e noho ma ke kahua Repubalika a wahl ana e hooikaika ana oia ma na mea apau e loaa ka lanakila i ka aoao Repubalika iloko o Novemaba e hiki mai ana.