Ka Nupepa Kuokoa, Volume XLII, Number 29, 15 July 1904 — Page 4
| This text was transcribed by: | Jean Howard |
| This work is dedicated to: | Awaiaulu |
Ka Nupepa Kuokoa
KE KILOHANA POOKELA NO KA LAHUI HAWAII.
Julai 15, 1904
Ua hoopuiwaia o Generala Garisa i kona lohe anai keia pane a Wete, ame ka hikiwawe oia i lalau aku ai i ka bele a hookani aku la
“Eia anei o Peterofa maanei?” i ninau aku ai o Generala Garisa i ka manawa i hoea mai ai ke kiai puka o kona keena.
“Ae.”
“E hai aku iaia e hele koke mai’i o’u nei.”
“Aole i liuliu iho komo ana kekahi opio kanaka kino eleu me kona helehelena hoihoi, e aahu ana hoi i ka lole makaainana, a ku ana imua o kona haku.
“Aole anei o oe ka mea nana i lawe ae i ka leta mai ka lima ae o Ivana horawiki a lawe aku i ka wahine lawelawe o Kaunawahine Radolinisiki?” i ninau koke aku ai o Generala Garisa.
“Ae, owau no.”
“Na Ivana Horawiki no anei i haawi mai i ua leta la iloko o kou lima?”
“Ae.”
“Aole anei oe i haawi aku i ua leta la i kekahi mea okoa aku mamua o kou haawi ana aku i ka wahine lawelawe?”
“Aole loa: na’u ponoi no i haawi aku i ua leta la.”
“Ke hooiaio mai nei anei oe i keia mau mea au e hai mai nei?”
“Ae.”
“Pehea he makemake no anei kou e ninaninau aku iaia?’ i hui ae ai o Generala Garisa a ninau aku ia Wete.
“Ina oe e oluolu mai ana. Pehea la i hilinai ai o Ivana Horawiki e haawi mai ia oe i na leta la? I ninau aku ai o Wete.
Kau aku la na maka o na kanaka la maluna o Generala Garisa me he mea la e ninau aku iaia ina paha ua hiki iaia ke hai aku i ka haina o ka ninau i waihoia aku iaia, a pane aku la:
“Na Kauna Gerenigofa i hoolauna aku ia’u iaia.”
“Ua ike anei oe i ka wa i kakauia ai keia leta?”
“Aole.”
“Heaha ko Ivana Horawiki kulana i ka manawa ana i haawi mai ai i keia leta ia oe?”
“Ma ka’u nana aku ua hauoli maoli no oia.”
“Malaila no anei o Kauna Gerenigofa i ka manawa au i lawe mai ai i ka leta?”
“Ae.”
“Heaha kona kulana ia manawa?”
“E huli mai ana kona kua ia’u, nolaila aole------------,”
“Heaha kona kulana ia manawa?” i ninau aku ai o Generala Garisa me ke kalakala o kona leo.
“Ma ka’u hoomaopopo aku ua ano makau oia.”
“Ua pau ae la, “ wahi a Weta i pane aku ai.
“Ua hiki ia oe ke puka aku iwaho,” i panai aku ai o Generala Garisa.
MOKUNA IX
PAPALEO O WETE ME GENERALA GARISA
“Well, poehea kou manao i keia?” i ninau aku ai o Wete, mahope iho o ka hala ana aku o keia makai o Rusia.
Aole i pane koke aku o Generala Garisa i keiea ninau, aka holoholo ae la oia iloko o ka lumi no kekahi manawa, me ka nui o kona noonoo, a pane aku la me ka malie o kona leo:
“Ke manao nei wau e pono ia’u e hilinai aku maluna ou.”
“Mahalo. Ke manao nei wau ke hoomaopopo nei kaua ia kaua iho mai ka manawa mua loa o ko kaua hui ana a hiki i keia manawa.”
“He kanaka oe o ka lahui okoa, a o kau mea nui wale no e pana nei oia ka pono o kau hihia ame ke kaunawahine, aole anei pela?”
“Ae.”
“Owau nei hoi, eia iloko o ko’u puuwai ka pono no ko’u alii.”
“Ua pololei kela.”
“Eia nae aole e hiki ia’u ke lawe ae i na hoike e hooiaio ana i kou mau manao hoohuoi au i hoikeike mai nei ia’u a hiki i ko’u ike maopopo ana.”
“No keaha hoi?” i ninau koke aku ai o Wete, a ia manawa pu no hoi ua ala hou mai la na manao inaina iloko o Wete no ka loaa mau mai o na kuia i ka wa e aneane aku ana e mohala pono kana hana.
“No ka mea, o keia kauna me keia kaunawahine he mau mea laua i ike nui ia iloko o ka poai o ka poe kiekie, a ua hilinai piha ia laua, a ikeia manawa a kaua e kukai nei, eia laua ma ke ano he agena ma-lu no ke Aupuni nei ma Farani.”
“Ahe, pela ka!”
“Ke hoomaopopo mai la oe i ko’u hilinai piha ia oe, ma ko’u hai ana aku nei i keia mea huna ia oe? I keia manawa eia ko’u ola iloko o kou poholima.”
“Aole loa wau e hahai ana i kekahi mea e pili ana i keia mea au i hai mai nei ia’u, a e pono ia oe ke hilinai mai e hooko ana wau e like me ka’u i ae aku nei ia oe.”
“E ae ana anei oe e oiaio mai ia’u?”
“Ae.”
“A e hai mai ana hoi oe ia’u i kau mau mea apau i ike ai a i hoohuoi ai?”
“E hai koke aku no wau ia oe. He oiaio, he loihi loa keia, a e hai aku ana wau ia oe ma ke ano nui. I ka manawa e mauleule ana o Kauna Bazarofa, ua ha’i ae oia na Kaunawahine Alamazofa oia i hanai i ka laau make, a ua hana hoi ua kaunawahine la pela mamuli o ko Kauna Bazarofa ike ana he Nihiliti ua kaunawahine la.”
“Na Kaunawahine Radolinisiki anei i hai aku ia oe i keia mea?”
“Ae.”
“A ke manaoio nei oe ua hai mai oia ia oe i ka mea oiaio?”
“Aole a’u mea e hoopaapaa aku ai no ka oiaio o keia mau mea ana i hai mai ai ia’u.”
“Pela pu no hoi me a’u. Eia nae e lilo ana keia i mea ole ke loaa ole na hoike oiaio i hooiaioia.”
“Ina pela e hana like kaua maluna o keia hihia, o oe no ke kaunawahine a owau hoi no ka Emepera.”
“Ke ae aku nei wau i kau. Ke palekana aku no hoi keia poe iapuwale mai ia kaua aku he hana hilahila loa ia no kaua.”
“F. poho ia kaua ke hoomaopopo i ko kaua kahua e ku nei. I keia manawa ke hele lanakila mai nei o Kauna Gerenigofa ame Kaunawahine. Alamazofa a hiki i ka manawa e hiki ai ke loaa ia kaua na hooiaio kupono e hiki ai ke hoahewa ia laua.”
“Ae.”
“A eia hoi o Kaunawahine Radolinisiki ke paa hewa mai nei.”
“Aole ona mana ia mea, no ka mea ke manaolana nei oia e hiki mai ana no ka mauawa e hoohiu ia aku ai oia me kana mea e aloha nei.”
“A ke kaumaha nei wau, no ka mea aole wale o kona hoopaahao ia kekahi mea e ku nei i keia manawa, aka he mea okoa aku no kekahi.”
“Heaha ia mea okoa?”
“E hoomanao oe no ke okiaa ae o kona poo.”
“Pehea hui ka hoopaa a ke kuhina?”
“Pela io no kona manao, aka nae he kanaka wale iho no ia i hele i ka mana umi, a he hiki hoi i ka nui aune o ka poe hanohano e noho nei ma Rusia nei i lilo i mau hoaloha no Kaunawahine Alamazofa ke hoololi aku i kana mea i hoopaa mai ai ia oe.
“Heaha hoi ka mea a keia poe e makemake nei e lawe i ke ola @ keia opiowahine hewa ole?”
“Ua hele aku nei o Kaunawahine Alamazofa a ua waiho iho nei i kona mau hoaloha ikaika mahope nei na lakou e hooko aku i kona makemake, a ua maopopo ae nei no hoi ia kaua, aia maluna o Kaunawahine Radolinisiki kona inaina nui, a ke ake nei e hooko koke ia kona makemake, nolaila e hana aku ana keia mau hoaloha ona mahope nei i ka lakou mau hana e hooko ia ai ka makemake o ko lakou hoaloha.”
“Pehea i ala mai ai keia manao iloko ou?”
“Mahope koke iho o kou hala ana mai, ua kono ikaika ia mai oia mai ka poai mai o ka poe kiekie e hooko koke aku i ka hoopai i kania aku maluna o Kaunawahine Radolinisiki?”
“Alaila, heaha ka hana e hana aku ai?”
(Aole i pau)
RUSIA AME IAPANA
-:MA KE:-
Kahua Enaena o ke Kaua
Kakauia e Bernard H. Kelekolio
-------------------
KE AUPUNI NUI O RUSIA, KONA KULANA, KONA HOOPONOPONO AUPUNI ANA, AME KONA
MOOLELO PIHA.
--------------
KA HANAU HOU ANA O IAPANA—KAMADOA PERE O AMERIKE KA HOOLA
O IAPANA UUKU—KE KAUA MAWAENA ONA AME KINA I KA MAKAHIKI 1894
O ke ku ana o keia mau aumokukaua laau o Kamadoa Pere maloko o ke awa a Yedo, ua lilo ia he mea nui i na keiki Iapana. O ka la ia i papakema hou ia ai o Iapana me ka momi laahia o ke kuikai kalepa mawaena ona ame Amerika, a o ka hookomo ana o keia aumokukaua iloko o ke awa kapu o Iapana, aole ia i hoohanaia me ka maalahi ame ke keakea oleia. Ua hoao mai na Iapana mauka mai o ka aina e lele kaua maluna o na aumokukaua, aka, o na pukuniahi kani alapine o na aumokukaua o na Amerika nana i hamau aku ia lakou e noho me ka maluhia ame ka hoomakaukau ole.
I ka manawa o Kamadoa Pere ame kona mau aliimoku i lele aku ai iuka o ka aina no ka halawai pu ana me na komikina Iapana, me na hae e pulelo ana i ka welelau olu makani ame na pahikaua e olino ana i ka maka o ka la, ua pi-oo na mea apau, aka, i ka manawa o Kamadoa Pere i waiho aku ai i ka leta a ka Peresidena imua o na Komisina Kepani, ua apo mai la lakou iaia me ka pumehana. Nolaila ma keia e ike ana kaua, na Amerika i hoohamama mua i ka ipuka o keia aupuni uuku o ka Hikina i ko ke ao nei oihana kalepa, a iloko o ia au a Kamadoa Pere i hehi aku ai i kela mau lepo aloha o Nippon, aole he wahi uwea telegarapa, uwea telepona, kaaahi, a he nui wale aku o na mea ono hou i ike ia ma Iapana. Mamuli o ka lawe ana mai o Kamadoa Pere i kekahi mau makana makamae mai ka Peresidena mai o Amerika, ua hookaawaleia ae la kekahi la no ka hoohana ana aku i keia mau makana. O keia mau makana a ka Peresidena, he uwea olelo telegarapa ame kekahi kii o ke kaahi, a i ka hoea ana mai o ka la e hoohanaia ai o keia mau mea, ua pihaku’i a nonanona no hoi ke kahua me na kanaka ame na wahine. O ka uwea telegarapa ua kaei ia ae no ia mai ke kihi mai o kekahi hale a hoea i ke kihi o kekahi hale, a i ka manawa i makaukau ai, aia hoi ua pa-e mai la ka leo mai kekahi kihi mai o ka hale a hoea ana i kekahi kihi.
O na makaainana o Iapana iloko o keia hora e hoohanaia nei keia mau makana, aia ke haka pono la ko lakou mau maka maluna o keia mau uwea ano ole, a kahaha iho la ko lakou naau i ka ikemaka ana i ke kupaianaha ame ka holopono o ka hanaia ana o keia hana. O ke kii kaaahi, mamuli o kekahi uwea uuku i hoopaaia malalo o keia wahi kii, ua hooholoia aku no ia maluna o kekahi alanui hao uuku i hanaia no keia kumu a ua liko no hoi keia i mea e hookahaha ai i ka manao o na Kepani.
Iloko o kela mau makahiki a Kamadoa Pere i hiki aku ai ilaila aole he hookahi wahi iniha alahao iluna o ka aina, aka, i ka maka hiki 1872, umi kumamaiwa makahiki mahope iho o ka hoea ana o Kamadoa Pere, ua hoomoeia aku he 18 mile alanui hao iloko o ke kulanakauhale no ka halihali ohua ana. I ka makahiki 1903 i hala aku nei, he 4237 mile alanui hao i hoomoeia mai kekahi kihi o ka aina a hoea i kekahi kihi, a o kela mau kaaahi a Pere i haawi makana aku ai i ka Emepera o Iapana, ua hoolilo maoli ia ae iloko o ka mea i-o, nona ka heluna o 1,427 kaaahi nunui, 4, 864 kaa halihali ohua ame 21,505 kaa ukana. Iloko o na makahiki 1901-1902, ua halihali aku keia mau kaaahi nunui o Iapana i na kanaka nona ka heluna he 111,211,208, ame na tona ukana nona ka heluna kiekie o 14,409,752. O ka uwea telegarapa i hoomoeia ai e na loea o ka mokukaua o Kamadoa Pere i kona manawa i lele ai iuka o ka aina, na ulu ae ia a hoea i keia la, he 84,000 mile kona loa, ame 2,198 mau keena lawelawe iloko o ka aina. O ke kelepona, ka mei i ike mua ia ma Iapana iloko o ka makahiki 1890, ua hooiia ae kona ulu hikiwawe ana mamua o ka uwea olelo telegarapa ma na heluna mile. Iloko o ka makahiki 1903 i au-i ae nei, he 108,000 mile telepona iloko o ka aina.
Iloko o na la a Komodoa Pere e noho ana iloko o Ipana ma ke kulanakauhale o Yedo, i na makahiki 1853-1854, aole lilo loa he wahi moku e holo ana ma na kai o ka Hikina e pulelo ana hoi i ka Hae Ulaula o Iapana. Iloko o ka makahiki 1901, he 5,415 mau moku nunui nona na huina tona o 919,968 e holo ana ma na kai o ka Paki pika ame na kai o ka Hikina, e pulelo ana i ka Hae Ulaula o Iapana. O ka nui moku Nippon Yusen Kaisha he 70 ona mau mokuahi @ nona ka huina tona 9 221, 871.
Ma keia e ka makamaka heluhelu e ike ana kana aole @ Iapana i hiamoe, aka, e like me ka naauao i hoopalahalaha ia @ ilaila e ka mana ikaika o na aumokukaua o Kamadoa Per! Awa o Yedo, pela o Iapana uuku i apo aku ai i ke kukui malamalama @ o ka naanao, a e like me ka hikiwawe o kona kapili ana i kona @ mokuahi nunui no ka hoohana ana aku i kona mau oihana kalepa! A hoouna aku no na pe-a like ole o ka poepoe honua, pela no oia@ hooikaika aku ai e kapili i kona mau mokukaua ponoi iho, a i na p@ kapili moku o Amerika. Pelekane ame Kelemania, oiai, ua ka@ no o Iapana uuku maluna o kona mau aumokukaua, kona ha@ ame ka mialuhia o kona mau kapakai.
E pili ana no Rusia, ua hoike ae keia Iapana naauao i kona@ manao, nona hoi ka inoa o Mekia Wasuke Jikemura, a penei@ “O Rusia, he aupuni a he Mana Nui hweahewa ia e apoia @ poli o Europa, a o kona mau lako oihana kaua, na hookomo ak@ na manao ilihia ame ka mahalo iloko o na aupuni uuku e poa@ ana iaia, a iloko o na makahiki pokole i kaahope ae nei i ka @ o ka ninau ano nui e pili ana ia Manekekuria i hapaiia ae ai@ ena ona ame Iapana, me Rusia e hoopuipui ana i kona mau @ kaua ma ka Hikina ame na pualikaua helewawae ame puali@ e hoouna puapuahuluia ana ma ka aina o Manekekuria, he @ wale no hoailona i ikeia aku oia hoi, o ka manao nui o Rusia @ ke kaupale loa ana ia Iapana me kekahi leo mai na mea e pili ana @ hopena o Manekekuria ame Korea, a e apo aku ia laua a @ mai malalo o ka Hae Kaha Pe-a o Rusia. O ke kuokoa o ka @ Mailie o ke Kakahiaka, ma kekahi olelo ana ae hoi o Korea ame @ kulana paa o Kina he mau ninau ano nui ia e pili ana i ke @ ka make o Iapana, ana hoi e hiipoi ai me ka nana ole ae i ke @ kuai ame ka hoolilo, ina he mea hiki, ke ola o ke aupuni.
“Aole loa he wahi kumu no Iapana e hoomakaukau ai a @ hopo paha i ka nui hewahewa o ko Rusia mau pualikoa kaua. @ hiki iaia (Iapana) ke hoolei ma ke kahua enaena o ke kaua he @ mau pualikoa kaua i ao pono ia no na makahiki he nui no ka @ wai pu ana me kona hoa paio, ke Kolia o ke ao nei, a i ka hora@ ka minute e hea mai ai ka poino maluna o ka aina, he koa na makaainana apau o Iapana. O ke aloha i ka Emepera ame ka aina @ kuahine, ua hoohui aku ia i na makaainana apau o Iapana he @ kahi puuwai ame hookahi manao, a o ke kulana koa ame ka wiwo ole o na makahiki lehulehu i hala, ua mau no ia i ka papahi maluna o ko makou kulana ame ka hanohano o ko makou aian makuahine. Ua oi aku ko makou hauoli i ke apo ana aku i ka make mmua o ka hanohano, a ua makaukau mau no hoi makou no ka make ana no ka aina hanau, me ka maopopo ole i ka manawa o ko makou hoopioia”
“He oiaio, o Rusia he enemi ia no na lahui kanaka o ke ao nei, a he mana kue mau i ka nohona malamalama no na kenekulia he @ o ka poepoe honua nei. Imua o na maka o ko makou makaainana ke paio nei makou no na loina kiekie loa, a o keia kaua he akaku no ia e hoike mai ana, ke paio nei o Iapana no ke kaulike a no ka pomaikai o ko ke ao nei.
“He oiaio no hoi, ua paio aku ke aupuni o Tureke i ka mana nui e Rusia, aka, na kokua aku o Palani ame Kelemania ia Tureke, a me keia mau kokua no nae, na lanakila no o Rusia maluna o ka enemi. Ua lele kaua no o Napoliona Bonepate maluna o Rusia aka, ua loaa mai no iaia na kokua ana a Kelemania, Aukekulia, Italia ame Kepania, a o ka hanohano oikelakela loa ua papahiia mai no ia maluna o ka mana uuku o Iapana e paio hookahi nei me keia mana nui hapuku aina a ko ke ao nei i weli nui ai no na makahiki he nui wale i kaahope ae nei.”
O ka iini nui o Iapana malamalama oia no ka hookaawale ana i na kikania kuku mai ke alanui laula aku e hoea ai ma ke kula malaelae o ka oihana kalepa no ka pomaikai o ko ke ao nei, me ka nana ole ae ina oia he eleele, he ulaula, he keokeo, he melemele a pela wale aku, he Kristiano a Pegana paha. O keia iini nui o Iapana oia hookahi no ko Pelekane ame Amerika Huipuia.
E like me ka mea i hoike mua ia ae nei e pili ana no ke Kuokoa o Korea, he ninau ano nui ia e pili ana i ke ola ame ka make ia lapana ame ke aupuni o Kina i ka makahiki 1894.
O ka ninau ano nui nana i alako aku ia Iapana ame Kina e paio maluna o ke kahua kaua oia no ka ninau e pili ana i ke “Kuokoa” o ke aupuni malie o ke kakahiaka (Korea). Oiai ke Aupuni nui o Kina e iini nui ana e hoohola aku i kona hooponopono aupuni ana maluna o ka aina o Korea, ua ku mai ke aupuni o Iapana ma kekahi aoao a hoike mai la i kona manao i ke aupuni nui o Kina, ma ka olelo ana aku iaia, “he aupuni kuokoa o Korea, a no ia kumu, aole loa i hiki ia oe ke hana aku e like me kou makemake.”
Aole no i maliu o Kina i keia mau olelo a Iapana, aka, me ka manao uahoa o ka hookano ame ka haakei, ua hoao aku la oia e hooko i kona makemake me ka nana ole ae i ke kulana o Iapana. I kela mau la, ua nui ka pioo o na aupuni elua a o ka huaolelo kaua, oia wale no ke loheia aku ana ma na pipa alanui o na upuni elua.
(Aole i pau)
(Large drawing)
ALANUI PAPU I KA 1886 E NANA ANA MAUKA MAI ALANUI MOI AKU