Ka Nupepa Kuokoa, Volume XLII, Number 29, 15 July 1904 — Page 3

Ka Nupepa Kuokoa

KE KILOHANA POOKELA NO KA LAHUI HAWAII.

NUPEPA KUOKOA, POALIMA, IULAI 15, 1904.

 

KE KAUNAWAHINE

: O KE :

Kulanakauhale o Tarevis.

KE ALOHA I KA MAKA PAHIKAUA.

 

MOKUNA  XXXI.

KA HUAKAI EMPERA NO PALANIPOKA.

Ma keia manawa a na hoaloha e hui nei aia laua a elua iluna o ka honua kahi i nonoho ai - o ka Sure o ka hoolohe aku a o ka Roga no hoi ka haʻi waha ana i kana mau mele.  I kela ame keia manawa aole i nele ka holoholo iki o ka Panapua Roga, aole nae i ka @@@@@@ loa aku, no ka makaala ana no i kana hana kiai a hoi hou mai n@@a noho pu me kona hoaloha a hoomau aku no i kana mau @@@.

 

Aole no i liuliu loa ua lohe koke aku  ia na pepeiao o ka Panapua Sure i ka hoailona a kona Haku i waiho mai ai iaia e hoike ana aia @@@ @@@@@@@@@ ame Konorado ma ke ala ua hoononohu loa iho la oia @@@ @@ hookuio ana iaia iho me he la aole oia i lohe i kekahi kani, @@@ @@@ ka Panapua Roga i hikilele ae ai me ke ano kunahihi o kona mau h@@hiona a noho hamau hoolono aku la no ke kani hou mai, a @@ huli mai la oia a nana pono mai la i kona hoaloha me ka pane leo @@@ eia nae o ka nana ana o kona mau maka iaia a me he la e ninau @@@ mai ana no ina paha ua lohe aku oia i kekahi mea i kani iho ai.

 

"Ke hoomanao no anei oe i kela mau lalani mele au i haʻiwaha mai ai iaʻu."  wahi a Sure i pane aku ai, "oia kela mau lalani mele @@@@ hoolohe ai a ano hiamoe ai au.  E haʻi hou mai oe ia mele a e hoolohe aku wau a naʻu ia e ike i ka like ole o kela haʻiwaha ana au me ko keia."

 

Me na olelo hoopalaueka wale no a Sure ame ka hiki ole iaia ke @@@@ @@ he kani io ia ua hoomau mai la o Roga i ua mele nei, a ma keia manawa ua nee aku la ka Panapua Sure a ano kokoke i kona @@ a haka pono aku la no hoi kona mau maka i ona la a e hoolohe @@ no hoi me ka oni ole, a me he la i ka ianei (Sure) hoomaopopo @@ @@@@@@ loa io mai o Roga iaia a kahe palanehe aku la no hoi na @@@@@@@ mai ona aku me a maikai nui.   Eia nae ua hamau koke iho la oia me ka hoopau pono ole aku i ka pauku holookoa, alaila huli mai la oia ia Sure a hawanawana mai la iaia.

 

"Heaha kela?  He lala laau kela i haki mai la.  Ke hoomaopopo loa ia wau.  Aole anei oe i lohe aku la e Sure?"

 

"Aohe hookahi e Roga, koe wale no na kahe leo palanehe ana o na lalani mele maikai kaʻu e hoolohe nei.  E hoomau aku i ke kahe moekahi ana aole hoi o ka mokumoku i ka maikai o ke mele.  Heaha aku e Roga?"

 

"A, ua nui loa kou makemake i na mele nolaila ua lahilahi mai kou hoolono ana i na nakeke o na wahi e ae, he mea no hoi e hoike mai ana i kou lilo aku i haku mele e like me aʻu.  Aia io me oe ia haawina iini haku mele a no keaha la i hooko ole ia ai?"

 

"Aole e hiki iaʻu ke pane ia ninau aka he hookahi mea i maopopo iaʻu oia ka hiki iaʻu ke hoomaopopo i ke kumu o ka hala a ke kiina a ka pua mai ka ma ka ae.  Malia paha ina no owau kekahi haku mele aole no paha e hiki iaʻu ke hoomaopopo loa i kahi hemahema mamua o ka hoomaopopo e ia mai e ko waho.  Nolaila e hoomaka hou aku i na mele i koe no ka mea aole au i lohe i kekahi haʻi mele ana au e like me keia i keia po."

 

Alaila hoomaka hou aku la ka haku mele i kana hoaeae a ua pahee maoli no na olelo me he wai la e kahe malie ana a ua nanea io no laua, aka, no kahi pana pua o ke kakela Turona aole i nele kona hoolono a lohe io aku la no oia i ke kani ana mai aole nae ma kahi mua aka ma ke kukulu akau a hoomaopopo koke iho la no oia ua palekana aku la kona Haku ame Konorado ma kekahi aoao a mawaho o ka laina kiai o na Akibihopa.

 

Ua noho malie loa iho oia me ka hooholo loa ana o kona noonoo i ka puka laelae io o na hoahele o ka po, a hooholo pu iho la no oia e kali iki iho mamua o ka hana ana e hui aku ai me na hoahele ona o ka po.  E kali iki no oiaa a hala kekahi manawa ana e hoomaopopo ai i ka hiki io aku o Rodolofo me Korado ma ka lihi muliwai.  A oiai he elua mele i koe no ka hoaeaeia mai ua hoomanawanui iki iho la oia a hiki io no i ka panina o ka pauku hope o ke mele hope loa, alaila paʻi aku la oia i ka poohiwi o ka panapua o na Akibihopa a pane aku la me ka leo kuoo.

 

"Ina ma kekahi ulia e Roga e mau ole aku ai kuu ola, makemake au e hoomanao oe i kuu mau olelo hope.  O na lalani mele hope au ie hooaeae mai nei e haʻi aku ana wau ia oe e ola mau loa ana lakou a e waiho aku no ko kaua mau poo iloko o ka honua aia no ia mau lalani mele la au ke ola la.  O koʻu manaoio maoli keia ma keia lohe ana aku la aʻu.  Ua nui ka maikai o na lalani mele.  Ehia au pua e Roga?"

 

"Pua?  Kupanaha.  Heaha ka pili o ka pua i ka kaua kumuhana mele?  He mea maa mau iaʻu ka lawe pu ana he elima pua a he elima me aʻu i keia manawa, eia nae mai ka hoomaka ana mai o keia ku kiai ana aole hookahi o lakou i hoohanaia.  Aka i ka mea e pili ana i kela mau lalani mele hope loa, aole anei oe i hoomaopopo i ka ------"

 

"E kuu hoaloha Roga, gudibai."

 

Ua hoopukaia aku keia mau olelo hope e Sure me ka leo ano haalulu a lele aku la oia iloko o ka ulunahele iloko o ka pouli a hoomaka aku la e holo me ka mama nui i hiki i kona mau wawae ke @@w@ iaia a haalele iho la i kona hoa panapua me ka noonoo puiwa @@@ ame ka haohao nui a hoomaopopo ole iho la i kana hana e kana aku ai no keia hana kamahao a kona hoaloha.  He mau minute @@@@ ku lohaloha ana me ka pau nui o kona noonoo maluna o keia @@@ hana kamahao o kona hoaloha a hilikau pu ae la me na olelo @@@ a kona hoaloha no na mea e haʻiia oiai nae ka Panapua Sure @@ mamao loa la mai kahi aku o ke kiai.

 

Mahope iho o ka mao ana ae o keia ano kunahihi ua hoi hou mai la kona noonoo maikai a komo koke aku la iloko o kona noonoo kona apukaia e ka panapua o Turona a pii koke ae la kona uwila ia manawa a hoomanao koke ae la aia oia maluna o kana hana kiai ia manawa.  alaila ua @alau koke aku la oia i kana pana a hoomakaukau @@@ la no ke ki ana.

 

Ua hoomau aku no ka Panapua Sure ma kona alahele me ka mama nui me ka noonoo nae iloko ona e waihoia mai ana kekahi kauoha iaia no ke ku ana eia nae aole he pane leo ia mai a aole no hoi ana kali ana no ia mea.  Ua hoomau aku la no oia no ka holo ilalo o ka haalu a pii ana ma kekahi aoao @  oia no kahi i makaʻu nui ai no ka mea oia kahi ona e ike pono ia mai ai e ke kiai panapua o na Akihihopa, a malaila paha oia e loaa mai ai i ka pua no ka mea he ahuwale no ia wahi a e loaa pono io mai ai no, eia nae, ua hooholo iho no oia e hele aku imua ina nei no ka make oia iho la no.

 

Ua nui maoli kona naenae a ua paupauaho maoli a iaia e hanu nui ana ua hu ae la ka makani a hala ana no hoi ka pua a ka panapua a hoomanao koke ae la oia ua hala aku la ia make ona a e he eha wale no pua i koe.  Iaia no e hoomau ana i ka pii ana aia hoi ua hu hou ae la ka makani o ka pua i kiia mai a aneane loa e ku kona ihu a ike ana oia i ua pua la i ke komo ana iloko o ka honua a koe ka hulumanu o hope o ka pua mamua pono iho ona.  Me ka nana ole ae ia mea ua pii aku no oia me ka holo nui ana a hiki wale i ka manawa i pau ai ke aho a waiho a make aku la oia iluna o ka honua a he lohe ana no hoi kana i ka hu ana o ka makani no ke kolu o ka pua aole no nae oia i ku.  a no keia moe ana o ka panapua o Turona ua manao wale mai no kona hoaloha ua make.  aka aole i hoomau loa o Mr. Sure no ka mea ua ku hou ae no oia iluna a hoomau aku la no i ka pii ana no ke kau aku iluna.  a aole no hoi i u iho ua halahu hou ae la ka pua a aneane loa e lilo ke ola, me ka hoomanao pu iho o ua Sure nei he hookahi pua i koe a ke kiai, ana hoi i hoomaopopo iho oia e hooponopono loa ia mai ana ke ki hope ana no ke hookoe oʻa ole iho iloko o ka hoaloha.

 

Ia manawa a Sure e hooikaika ana i ka pii ana oiai kona hoaloha panapua e kunana mai ana ma kahi aoao.  ua hooholo iho no o Sure e hoomau aku imua a hiki i ka wa e hui ai me kona haku me ka nana ole ae ina oia e kiia mai ana a make a i ole hala paha, wahi ana he mea liilii wale no ia.  a he olioli nui hoi ia nona i ka hooko ana i ke kauoha a kona haku me ka pelukua ole e kumakaia ai i kona haku.  Aia ka hou ke iho makawalu la ma kona mau papalina a komo aku la iloko o kona mau maka.  eia nae, aole i nanaia ia mau keʻakeʻa a hiki wale no i kona hookokoke loa ana aku i ke kiekiena a oia no hoi ka manawa i hu ae ai ka makani a ku pono ana ka pua ma kona papale kila me ka pahiʻa ikaika ana aku a oia no hoi ka pua hope loa a ke kiai.  eia nae aole i lilo ke ola o ka panapua o Turona.  ua manao wale iho no nae oia ina paha ua ku io mai oia i ka pua.  Mahope o ka hala ana o kekahi mau minute o kona kunana ana no ka nui poniuniu i ka loaa pono mai i ka pua a ka panapua kiai a hoi hou mai la kona noonoo i ka maikai alaila hooholo koke iho la oia a nee aku imua a hui me kona haku oiai aia ka hoomaopopo me ia aole i lilo kona ola.

 

A hiki oia i ke kiekiena ua huli aku la oia ma kekahi aoao e nana ana i ka muliwai a iho paukiki aku la oia me ka hookaulua hou ole iho a hoomaopopo koke iho la oia aia oia ke aneane aku nei i ka lihi muliwai a emoole ua ike aku la oia ia Konorado iluna o ka waapa me ka pou e koo hele mai ana no ka lihi muliwai kahi a Sure i ike aku ai i kona Haku Rodolofo e kali ana iaia a ia Konorado no hoi no ka pili aku o ka waapa.  a hakalia no hoi a pili ka waapa ua kau aku la ka Emepera i ukali pu ia hoi e ka Panapua Sure oiai ua hiki aku no oia i ka manawa i pili mai ai ka waa a o ka holo nihi aku la no hoi ia o ko lakou waapa ma ka lihi hema kahi o ka malu pouli o na puu e malu ana i ole ai lakou e ikeia mai e na koa e hoomoana ana i Alakena.

 

Eia nae ua hoomaopopo mua no ka Emepera e maalahi loa ana ka lakou huakai ma ia wahi aku, oiai ua ike oia aia ke kikowaena o ka manao nui o na Akihihopa ame na koa o laua i ke Kakela Turona a noonoo ole ia mai owaho, a ina nei no ko lakou ikeia mai e loaa ana ka manao no lakou he poe oihana kalepa lakou iloko o na palena aina o na Akibihopa, a me ia manao i loaa i ka Emepera pela iho la ka nee ana o ka huakai me na manao mama a kaumaha ole.  A i ka wa no hoi e nee awiwi ana aia ka Panapua Sure ke hiamoe la no ka nui luhi mamuli o na hana hoopuhili ana i ka panapua kiai.

 

I ko lakou hiki ana i ka huina o ka muliwai me ko Rine a e kau aoao mai ana ke kauhale o Kobulena.  akahi no a makili ae na maka o ka Panapua Sure a o ka makamua o kana olelo pili no ia i kona pololi a makemake e ai a oia hoi ka manawa i liuliu ae ai no Konorado no kana misiona huli lio no lakou oiai ua piha kona mau ekeeke me na dala gula o ka Akibihopa Iseneboga.  ke gula kumakaia kakela hoi, i loaa ai ko lakou mau holoholona e hele ai ma ka aina no ke kulanakauhale Empera o Palanipoka.  A mamuli no hoi o keia mau apana dala gula a Konorado i olu iho ai ka manao o ka Emepera no ka hoohuoiia mai o Konorado e na koa o Tarevis, ke hui aku oia me lakou a nana ia e hoike aku i kona pili i ka Akibihopa, ana hoi e hoomaopopo la aole oia e keʻakeʻa mai e hala wale ai ka manawa no ka nee mua mau ana o ka lakou huakai.

 

Aole io no i poho ka manaolana o ka Emepera no ka mea ua loaa io aku no ko lakou poe lio he ekolu ko lakou nui mai ke kauhale o ka aoao o ka muliwai e moekahi ai a hiki i Palanipoka a oiai aia he mau kauhale ma na aoao elua o ka muliwai ma ia mau wahi no lakou kekahi mau hana hoopukapuka waiwai o ke kuai hoolilo lio a hoolimalima lio aku.  Me keia mau lako i loaa ia lakou ua hoomaopopo hou iho no ka Emepera he mau lepo no ia a lakou e naku aku ai, oiai aia he mau kualono a oawa kekahi imua o ko lakou alanui e hiki aku ai i ka hopena o ka huakai e nele ole ai ko lakou hele aku iloko o na kahawai i pae ai ma kahi aoao.  Aole wale o ia, aka o ka hihipeʻa o ke kuahiwi oiai he wahi paa wale no ia i ka laau loloa iloko o na wahi kakaawala e loaa aku ai na kauhale i nohoia e kanaka me ka maopopo ole nae o na alanui e alakai pololei ana i Palanipoka.

 

O ka wehewehe ana ae no ia o kaiao ia lakou e hoomakaukau ana no ko lakou paina kakahiaka, ka ainakakahiaka maikai mua loa i loaa ia lakou no kekahi mau la loihi oiai iloko o ke Kakela Turona a hiki wale ia kakahiaka.  a i ka hala ana o kekahi mau manawa o ka hoomaha iki ana mahope iho o ua ainakakahiaka nei o lakou ua kamoe aku la ka lakou huakai no kahi i makemake nui ia e hiki.

 

Ma keia huakai no hoi a lakou e hoomau ana ma ka aina, a oiai he wahi mau wahi ia i malihini ia lakou ua hoolimalima aku no lakou i alakai no lakou a hiki i kahi e pau ai kana wahi kamaaina, alaila e hoolimalima hou aku ai lakou i alakai hoi no lakou - o ke kanaka nae i kamaaina ia mau wahi aku a pela iho lakou i hele ai e hookuu a hoolimalima alakai mau ana, he haawina poina ole i na kupa o ia mau wahi a i kamailio nui ia iwaena o lakou a i na hanauna hou ke kumu i paanaau ai i ko lakou poe o keia huakai pakuikui alakai oia no ka huikai a ka Emepera Rodolofo i manaoia ua hala i ka aina hemolele i ke kaua.

 

I ke paa pono ana o ka la i ke kukulu wela oia la i hoomaha iho ai na kamahele ma kekahi wahi kauhale no elua a oi hora a oia no hoi ka iho aui ana aku o ka la e olu ai ka hele ana, a ma ka loaa ana he alakai hou no lakou i ake loa ai ka Emepera a hiki aku lakou i Tauraso mamua o ka uhi ana mai o ka pouli o ka po no ka mea mai ia wahi aku ua maopopo iaia ke alanui e hiki maalahi ai i kona kulanakauhale o Palanipoka, a me ia manaolana ua hooko io ia no, no ka mea ua hiki io aku no lakou ilaila iloko o ka wa kupono mamua o ka poeleele ana, a o ka ninau wale no oia ka hoomau aku ia po no ka hoohiki loa ana aku i Palanipoka.

 

No Konorado aole ana hoohalahala i waiho aku i kona haku, aka he hooko wale no me ka manao maikai a oiai ua luhi maoli no ma keia huakai ma ka aina maluna o ka lio aole no i ulu mai na manao hoohalahala iaia e ui aku ai i kona haku no ka hoomaha ia po a hoomau aku i ka huakai i kekahi la ae; aka, o kahi panapua, oiai aia ka luhi nui me ia ma keia kau ana ma ka lio, no ka mea ua noho wale ia e ia iloko o ke Kakela Turona no na makahiki elua  me ke kau ole iluna o ka lio ua lilo ia hooikaika kino ole ana iluna o ke kua o ka lio i mea hoonui loa i kona luhi a na ia mea i koi aku iaia e ui aku i kona haku.

 

"Ua ike wau i kekahi mau ano o ke kulanakauhale Emepera o Palanipoka e kuu Haku." wahi ana i pane aku ai, "a he akahele loa lakou i ka hookipa lehulehu ana i kanaka iloko o kona mau paia.  Aole kakou e hookipaia ana ke hiki aku kakou ilaila i ka manawa o ka po ina nei no ka manao ana e hele i keia po.  Nolaila he waiwai ole no ka kakou hele ana i keia po, a oi loa aku ka maikai e hoomaha na holoholona i kuu aku ai keia luhi nui o ka hele ana mai nei a i ka la apopo e nele ole ai ka loaa o ka ikaika hou i no holoholona o kakou.  A o kekahi no hoi aole no e weheia mai ana ka puka ina e noi aku ina no oe ka Akibihopa o Tarevis.

 

"O ko kakou hiki koke ana ilaila oia ke kaa ana ma ko kakou aoao ka hana hoala aku i ua poe la o ke kulanakauhale i ke kakahiaka nui o ka la apopo," wahi a Rodolofo i pane aku ai me ka leo oluolu.

 

"Aka e kuu Haku aia mawaho o ka puka o ke kulanakauhale ke poe limakoko a powa - na Aikupika ame kekahi poe e ae a e nele ole ai ko kakou powaia mai no ka makemake e laweia aku ai ko kakou mau waiwai ina he poe dala nui kakou.  aʻu hoi e manao nei ua oi aku kakou pakele ke hoomaha ianei a la apopo hoomaka hou ka huakai."

 

"Aia no me aʻu he ike maopopo loa i ke ano o keia kulanakauhale ma ke ano owau kekahi kamaaina noho loihi olaila.  aʻu no hoi e ike la aole au i malihini ia mau mea, aka e hoomanao e kuu panapua ia kakou e ai lawa pono nei ianei aia ko kakou poe o ke Kakela Turona iloko o ka wi no ka ai ole a o ko kakou hikiwawe ma ka kakou huakai oia auanei ke alanui e hoopau koke ia ae ai ko lakou pilikia, a o ko kakou hiki ana i Palanipoka mawaena o keia po ame kaiao oia ka hooko ana ia manao hoopakele i ka poe e noho la iloko o ka pilikia, ina nae aia ia ano haawina makee pono i ko haʻi me kakou."

(Aole i pau.)

 

 

MAKAIKIU

WETE  DETONA

Ke Ahi Lalapa Pio i na Nahiliti

Ke Kanaka Amerika Koa lua ole

 

MOKUNA  VIII.

ʻUA MAWEHE KA PILINA MAWAENA O KAUA."

"Heaha kau e hoomaopopo nei?" i ninau aku ai o Wete.

 

"Aole anei ou ike mai." i puana hauoli ae ai ua kaunawahine la, "o keia ka leta ana i hoouna aku ai ia Kaunawahina Alamazofa i kona manawa i ike ai i ke ino o keia wahine."

 

"Aka ke olelo nei o Ivana ma kana leta he kanaka lanakila oia, a ke hoi nei oia no Amerika."

 

Ua minoaka malie ae la ua kaunawahina la, a puana ae la:

 

"O, ua hele mai oia e ike iaʻu mamua o kona haalele ana iho, a mahope mai ua hoololi ae la oia i kona manao."

 

I keia manawa i aka leo ae ai o Wete, a pane aku la:

 

"A mahope aku oia manawa ua paa aku la oia i ka hopuia."

 

"O, heaha la kaʻu mea e hana aku ai ina aole oe i hiki mai nei no ke kokua ana iaʻu?  O, lapuwale maoli no keia wahine."

 

"Nani ia ua ike maopopo ae la oe i koʻu kulana i keia manawa.  no laila e lilo keia i haawina hoopaanaau nau ma keia mua aku a mai hilinai iki oe i kekahi mea e hoea mai ana na Ivana Horawiki, aia wale no a naʻu e haʻi aku ia oe a i lawe mai paha.  Malia e paa loa aku ana wau i ka hana e hiki ole ai iaʻu ke hui pinepine mai me oe, nolaila e noho iho oe me ka manaolana e hiki mai ana no ka manawa e hookuu ia ai oe.  E noho hauoli ana anei oe ma keia wahi au e noho nei?"

 

ʻO, aole aʻu mea e nana ae ai e like hoi me ka loaa ana mai o ka manaolana iloko oʻu ke hiki mai ka hopena e loaa ana iaʻu ka maha."

 

"A pehea kou mau noonoo ana i keia manawa he maikai anei?"

 

"Ae, he maikai koʻu mau noonoo no ka mea ua loaa iaʻu he hoaloha aʻu e hilinai piha nei."

 

"Mahalo.  E haalele iho ana wau ia oe," wahi a Wete me kona minoaka ana iho.  "E noho mau oe me na manaolana iloko ou, a mai hoopau i kou mau manao hilinai maluna o Ivana ame aʻu nei."

 

"Aole loa wau e hoopau ana ia mau manaolana ana."  wahi a ke kaunawahine i pane aku ai, me kona helehelena hoihoi, oiai ua loaa aku la iloko ona na manaolana maikai a Wete i hookomo aku ai.

 

"Ano," wahi a Wete i puana ae ai iaia i hemo aku ai mawaho o ka pa o ka halepaahao, "ano e hele aku ana wau e hui me keia tiga, a e hoao aku ana wau e hoomalielie aku iaia."  O keia mau huaolelo a Wete i hoopuka ai, ua pili lakou i ke Kaunawahine Alamazofa.

 

Ua hele aku la oia me ka awiwi no ka hale o ua kaunawahine la a ninau aku la oia no ua kaunawahine la.

 

"Aole oia maanei," i panaiia mai ai ka ianei ninau e ke kanaka kiai puka.

 

"Ahea oia hoi mai i kauhale nei?" i ninau hou aku ai o Wete.

 

"Aole i maopopo ia mea iaʻu."

 

"Ihea kona wahi i hele aku nei?"

 

"Kulikuli, aole ia oe ia wahi." i pane kikoola mai ai ua kiai la ia Wete, a o keia hoi ka pane kikoola nana i hapai mai i ko Wete inaina, a ninau aku la oia me ka leo okalakala:

 

"He hiki anei ia oe ke heluhelu mai i keia?" a hoike aku la o Wete i kona palapala a ke kuhina i haawi mai ai iaia.

 

"Ke manao nei wau ua hiki no iaʻu ke heluhelu," i pane mai ai ua kiai la me ka hopo ole.

 

"Ina pela e heluhelu mai oe i keia," a ia manawa i haawi aku ai o Wete i kona mau palapala, a heluhelu iho la ua kanaka la, a i ka pau ana ua pii koke ae la kona makau.

 

"Aole wau i maopopo mua o oe kekahi kanaka iloko o ka oihana makai," i pane ae ai ua kanaka la.

 

"I ka wa hea e hoi mai ai ke kaunawahine?" i hoomau aku ai o wete i kana ninau ana.

 

"Aole wau i ike ia mea; aka oale oia e hoi koke mai ana no kekahi manawa loihi.

 

"Pehea ka loihi?"

 

"He mau mahina paha.  Aole wai i maopopo."

 

"Ihea kona wahi i hele aku nei?"

 

"Aole no wau i maopopo ia mea."

 

"Ihea hoi oia i hele aku ai ma kou manao ana?"

 

"Ua lohe aku wau i kona wahine ukali i ka hoopuka ana ae i kekahi mea e pili ana no Parisa."

 

"I ka wa hea la oia i hele aku ai?"

 

"I ka poe nei, a ma ke kaaahi e haalele ana ia nei i ka hora umi-kumamakahi."

 

"Ka lapuwale nui, ka maalea nui!" i hooho ae ai o Wete, me kona hoomaka ana e haalele aku i ke kana kiai puka.

 

"Ea, aole oe e haʻi i koʻu haʻi ana aku nei i keia mau mea apau ia oe?"  wahi a kahi kanaka kiai puka.

 

"Aole," i panai aku ai o Wete me ka leo kaumaha, a hoomaka aku la oia e hele, a iloko o na minute pokole hiki hou oia imua o Generala Garisa.

 

"Auwe, eia hou no ka oe," wahi a Generala Garisa i pane mai ai i ko ianei hoea ana aku imua ona.

 

"Ma ke kaaahi hea i holo aku ai o Ivana Horawiki mai nei aku?" i ninau awiwi aku ai o Wete.

 

"Ma ke kaaahi o ka hora umikumamakahi o ka po nei," wahi a Generala Garisa i pane mai ai me ka minoaka, oiai ua maopopo aku la iaia ke kumu o ko Wete ninau ana aku ia ninau.

 

Ku iho la o Wete ma ka luliluli ana o kona poo me ka puai leo ole  "Pehea, ua loli a anei kou manao maluna o kau mau ea i hoike mua mai ai i keia kakahiaka?" i ninau aku ai o Generala Garisa.

 

"Aole i loli kaʻu mea i manao ai, a aole no hoi i loli ae ke kulana o kaʻu hihia."

 

"Pehea hoi na mea e pili ana i ka Ivana leta e haawi mai ana i kona aloha hope loa ia Vera?"

 

"Alaila ua ike oe i na mea e pili ana ia mea?"

 

"Ke manao mai nei paha oe he haawi wale aku makou i na leta a ka poe i hopuia no ka hewa kalaiaina me ko makou heluhelu mua ole?"

 

"Alaila ke manao nei oe ma kou heluhelu ana i ua leta la @@ aloha iʻo no o Ivana ia Kaunawahine Alamazofa?"

 

"Well, pela ka nana aku i hoike mai nei.  Aole wale no hoi oia, aka ua kakau mai oia i ua leta la a holo pu aka ma ke kaaahi hookahi me Kaunawahine Alamazofa mai nei aku."

 

"Ina paha aole nana i kakau mai i ua leta la?"

 

"Ina paha nana io no?  Na kekahi o ko makou poe i lawe i ua leta la mai kona lima ponoi mai."

 

"Ke sua nei anei oe no keia?"

 

"Aole he hoopaapaa ana malaila."

 

"Ua ike anei oe i ua leta la?"

 

"Aole, aka eia me aʻu i keia manawa ke kope o ua leta la."

 

"Eia mai ua leta la.  E ae mai ana anei oe e huli pono i keia mea?"

 

Haawi aku la o Wete i ua leta la, a lalau mai la no hoi o Generala Garisa a heluhelu iho la.  Mahope iho ua kau aku la kona mau maka maluna o Wete.

 

"O ko Ivana limakakau no anei keia?" i nanau ia aku ai o Wete.

 

"Ae."

 

"Ae."

 

"I ka wa hea la i kakauia ai?"

 

"I ka manawa i kapeke ai ka pilina a laua me Kaunawahine Alamazofa," i pane aku ai o Wete me ka hookoikoi ana i kona leo.