Ka Nupepa Kuokoa, Volume XLII, Number 27, 1 July 1904 — MALAMAIA ME KA MAIKAI NA RUKINI PAAHAO. [ARTICLE]

MALAMAIA ME KA MAIKAI NA RUKINI PAAHAO.

Mai ka manawa i hoomaka ai ke kaua a ka la 24 o Mei. ua paa aku iloko o ka lima o na lapana a ke malamaia/ nei me ka maikai he 464 poe koa Hukini—he 19 aliikoa, 36 aliikoa palapala komikina ole, ame 409 poe koa. Eia nae ma ke ano mau o ka oihana kaua he ano moolelo kahiko no keia a e malamaia nei e ke aupuni, he elua nae o lakou i hoao e lele iloko o ke kai no ka manao e make aole nae i ko no ka mea ua hoopakeleia laua. O ka manao nui o ka hoao ana o keia mau koa Rukini e lawe i ko laua ola oia no ka manao i loaa iloko o laua no ka pepehi ma'uwale ia mai o iakou e na lapana i ka manawa e kau ai iuka o ka aina. Eia nae ua hoopuiwa loa ia laua no ka maikai o k& malamaia ana o na koa paahao, no ka mea i ka hoea ana aku iuka o ka aina ua hookipa maikai ia mai lakou e na lapana a komo iho la ka hilahila iloko o keia mau koa elua no keia hana maikai i panaiia mai. Ua hooponoponoia ae he huakai makaikai no na aliikpa Rupini paaahao e na aliikoa lapaiia no ka makaikai ana i kela wahi kaulana na waipuna waiwela o Dogo. Ke hoomakaukauia nei na aahu no na aliikoa no keia huakai e hoolalaia nei.—Japan Gazette. (Nupepa Kepani.)