Ka Nupepa Kuokoa, Volume XLII, Number 26, 24 June 1904 — Page 2
| This text was transcribed by: | Matthew Shim |
| This work is dedicated to: | For Trudi S. Shim, Skylar E. Shim & Rory D. Shim |
NUPEPA KUOKOA, IUNE 24, 1904.
KA NUPEPA KUOKOA
NO KA MAKAHIKI $2.00
NO KONO MAHINA 1.00
SUBSCRIPTION RATES
ONE YEAR $2.00
SIX MONTHS 1.00
O NA OLELO HOOLAHA APAU E HOOUNAIA MAI ANA NO KA HOOKAHA MALOKO O KEIA NUPEPA, E HOOUNA PU MAI ME KA AUHAU, A INA AOLE, AOHE NO E HOOKOMOIA. E HOIKEIA AKU NO KA AUHAU OLELO HOOLAHA KE UI MAI I KE KEENA NEI.
O na Dala apau o ka Pepa e hoouna pololei mai i ka HAWAIIAN GAZETTE COMPANY, LTD.
HOOPUKAIA E KA
Hawaiian Gazette Co., Ltd.
Hookomoia ma ka Hale Leka o Honolulu, Panalaau o Hawaii, ma ke ano Mea o ka Papa Elua.
DAVID L. A-I, Lunahooponopono
S. K. NAWAA, Kokua Lunahooponopono
A. W. PEARSON, Lunanui
HONOLULU, OAHU.
POALIMA IUNE 24, 1904.
KE KALAIAINA KOHO PERSIDENA.
E like me ia e puka mai nei pela ka nui o na hoomaopopo ana i o kakou nei no ka pii iakaika o na hana kalaiaina koho peresidena o Amerika Huipuia no ke koho ana i na moho a ka lehulehu e koho ai ma o ka poe la i kohoia na lakou ke koho peresidena ana, a o ka moho e lawe ana i ka hanohano o ka noho peresidena o Amerika Huipuia no ka eha makahiki e like me ka mau, oia aku la ka Peresidena.
A o na kanaka e hoomaopopoia nei no ka lilo ana i mau moho no ua noho nui ia oia ka na aoao kalaiaina ko'iko'i e elua o Amerika e hooikaika nei--ka aoao Repubalika ame ka aoao Demokarata. Ma ka aoao Repubalika aia wale no he hookahi inoa wae moho no ka noho peresidena e hooikaikaia nei a i maopopo loa hoi i ka lehulehu Amerika a ke o nei hoi i keia mau la a ka Ahaelele Repubalika Lahui i noho iho nei i ka Poalua iho la e noonoo ai a e nele ole ai kona hooikaika no ke koho ana iaia i moho a o ua moho la oia no ka Peresidena Rusawla--i moho Repubalika no ka noho peresidena no keia kau koho iho, a i ka nana aku aole he hoohalahala o ka waeia ae o Rusaewla i moho ma ua noho la eia nae e kau aku na maka i ka hua o na hana e puka mai ana o ka Ahaelele Repubalika Lahui e noho mai la.
Aole wale o keia aka aia he mau kaeaea elua o ua aoao la no ka waeia mai waena ae o laua i moho hope-peresidena a ua aiai no hoi ka ikaika a keia mau kanaka a elua--ke Kakauolelo Taft ame Fairbanks. He mau Repubalika no laua a elua a o ka mea e waeia ae ana a puka, oia aku la ka moho hope-peresidena o na Repubalika, a maluna iho la o keia poe kanaka ke kulana ano nui o ke kalaiaina Repubalika o Amerika i keia mau la, eia nae, aole e u loa iho e loaa mai ai ka hua o na hana i hanaia, alaila o ka ikeia no hoi ia o ka moho.
Aole i like ka aoao Demokarata me ko na Repubalika oiai ua kaulua na ino Demokarata no ka noho peresidena i like ole me ko na Repubalika, oiai aia o Hearst ka opio ke pa olino la iwaena o kekahi mau mokuaina ame na teritori e like me Hawaii Elele i hele aku la nona, eia nae i ka hoomaopopo ana i na anoi e kulia mai nei o Parker Demokarata ka mea ikaika loa no ka lilo ae i moho Demokarata no ka noho peresidena a me he la o Parker ana ka mea ikaika o na moho Demokarata koe wale no o ke kali aku a puka mai ka hua o na hana a ka Ahaelele Wae Moho Demokarata ke noho mai ia Aha i Sana Lui.
Ma ka hookuku ana i na hana o keia mau aoao kalaiaina nunui a elua o Amerika Huipuia aole i hiki ke hoole ae i ko laua lilo i mau aoao alakai iloko o ka aina, a i ka hookuku ana i ko laua mau ikaika aole no e kihi ke hoohewahewa ae i ka like ole o ko laua ikaika oiai iloko o ka makahiki i oia ai ka aoao Repubalika ua oi ae ka waiwai o kana mau hana mamua o ka ka aoao Demokarata, oiai nae he waiwai no ka ka Demokarata hana aole no nae i oi aku maluna o ka ka Repubalika, a i keia kau wae moho hoi aia no na haawina ano nawaliwali ma ka aoao Demokarata ke kumu e pii oi mau ai ka ikaika o Repubalika maluna o kona hoa, oia hoi, ma ka loaa ana o elua kaeaea Demokarata waeia i moho peresidena he kulana makele lua hoi ia i ka ikaika koho no ka lilo ana i moho a makou e hoomaopopo nei ua emi iho ia i ka ikaika pukahi o na Repubalika no ka wae moho ana oiai he hookahi wale no inoa e pulamaia nei no ka wae ae i moho, a i ka nana aku aole e nele ka lawe haaheo ae o Rusawela i ka noho peresidena e like me ka lanakila e loaa ana iaia ma kona waeia mai e ka Ahaelele Wae Moho Repubalika ke mau ka pukahi o ke koho wae moho ana.
A e like me na haawina ohaoha o na Repubalika o ka aina nui peia no i pulamaia mai ai na Repubalika Hawaii ma ke kulana elele a ua pii ke kulana o ua poe elele Hawaii ia ma ka laweia ana ae o ke kulana o Hoa Hope Peresidena o ka Ahaelele Lahui Repubalika o ka Elele Hawaii Kuhio ame ka lawe haaheo ia ana ae o ke kulana o ka lala Komite-lahui Repubalika e Lobikana o Hawaii nei, e nele ole ai hoi ka ikeia mai o keia poe Repubalika Hawaii, he haawina i oi ae mamua o ko na Elele Demokarata Hawaii e hele la no ke kakoo ana ia Hearst oiai ke ano haka-nu mai nei ke ohohiaia o Kearst, a e like me ia haawina haka-nu maluna ona peia no ka nele ole o ka pahoia mai o ia ano haka-nu maluna o Elele Demokarata Hawaii ma, eia mae aloe i pau ka hana.
KAMEHAMEHA O KA MANAWA E NEE NEI.
O na manao i hooaiaila e ke Kumupoo U. Thompson o ke Kulanui o Kamehameha a ke Kuokoa i hoopuka ai i ka helu i hala oia kekahi o na manao kupono loa e hooko'iko'i iho ka noonoo o kakou Hawaii no ka pono ame ke oia o keia mau kula Kamehameha no na manawa e nee mai nei. ke kumuhana hoi a makou i makemake nui ai e kalele aku iloko o ko kakou noonoo iho, oiai aia maluna o na Hawaii apau mai na makua a na keiki ke ko'iko'i o ke ola o keia mau kula ma a no ka pono o na Hawaii a ke hoohemahemaia ia pono o ka hemahema no hoi ia o kona pili ana ia Hawaii oiwi e like me ka pahemo aku o kekahi mea mai ke kanaka aku nona ia mea ma ka hoohemahema ana o ua kanaka la nona ia mea.
O ka makee nui o na Hawaii i keia mau kula, na kula o Kamehameha ka home e hoonaauaoia ai na keiki Hawaii oia ka haawina kupono loa e ha'o ole mai ka puuwai aku. a i mea e maopopo ai aia ia haawina maikai iloko olaila o na hana e hanaia ai ka hoike maopopo aia ia haawina iloko o ka puuwai a o ua poe ia ka poe aloha io i keia mau kula, a o ka loaa io ana o ia mau haawina no ke kula oia no ka pahola like ana o ia mau haawina maluna o ka makuahine alii ke kumu o na kula, ke "Alii Pauahi."
A ma ko kakou aoao ka makou kalele nui no na hana e hana ai e ikeia ai ka makee kula io--oia hoi, e pono e hoounaia na keiki ilaila no ka hoonaauao ana, a oia no hoi ka piha mau o ua mau kula nei a o kekahi hapa hoi ia o ke ola o ke kula mawaho ae o na haawina ola i loaa mua oiai aia ia ua makuakau ma ka hooponopono ana o ka Papa Kahu Waiwai o Pauahi kahi hoi e waeia mai ai na kumu kupono no ke kula ame na mea like.
A ina nei no ka ha'o o ka haawina hoopiha i na kula me na haumana Hawaii alaila aole e nele ka piha me na haumana me ka nana ole ae heaha la a owai la no ka mea he mea pono e hoopihaia ke kula me lakou, a oiai he mau kula ia no na Hawaii aole ma kekahi ano e ae aka mamuli o ke aloha lahui i hookumuia iloko o kela puuwai alii "ua kukuluia no na Hawaii," oia ke kumu i kuleana ole ai na Hawaii e hoohemahema a i kaa ko'iko'i ai keia hana hoopiha kula me na haumana; a o ia no hoi ko lakou pomaikai ma ia mahele oiai e pono lakou e olioli no ia pomaikai no ka mea ua haawiia mai no lakou e hoohana ai.
A i mea e mau ai ka holopono o ka hoouna ana i na keiki ua kaa ko'iko'i aku ka hana nui ma ka aoao o na makua o ka hoomakaulii ana i ko lakou mau loaa no ka hoolawa ana i na ukukula oiai oia iho la no ka mea e mau ai na keiki ma ke ala hoonaauao, a i loaa ai keia lawa pono mau o na haawina ukukula pili no ia i na makua i makemake nui i ka hoomakaulii.
E like me ka mau o ke ola o ke kula pela ka pili mau o kona kulana hoonaauao--o na haawina hoonaauao o keia mau kula i ka wa i hoomaka ae ai ua emi loa iho ko lakou kiekie i ko na haawina a'o o kei mau la, a e like me ka oiaio o ia pela ka oiaio o ka pii mau o na haawina a'o o keia mau kula a emi iho ko na wa e nee ana, a e like me ia mau anuu hoonaauao ana pela na anuu o na haumana mai kahi hanauna aku a kahi hanauna aku, oiai hoi e oi loa ae ana ka naauao o na wahine opio ame na kane opio o na hanauna e hiki mai ana i ko na hanauna o ka manawa ano, aia nae, aia maluna o ka hanauna o ka manawa ano ka holomua o na hanauna o na wa e hiki mai ana ma ka hoomahele ana kekahi ma ka makou alanui i hooaiai mua iho nei.
Nolaila e noono a hooko e ka hoa Hawaii i keia e like me ka hakukoi nui o ka noonoo maluna o na mea e pomaikai ai ka nohona.
O ke kuha'u ana o na Home Rula o Maui i keia mau la e like me na lono i loaa mai, oia ko lakou kunana i kahi a lakou e ku nei me ka ninau ana o ka noonoo ua hana anei ia aoao i ka maikai loa no ka lehulehu e nele ole ai ka pomaikai o na Home Rula no lakou pakahi iho, ina aia lakou iloko a ka haawina pomaikai o ka lehulehu, a aole wale no hoi ia o ka ninau e ui mau ai aka aia no he mau ano e ae kakahi a mlia paha aole i loaa ka haina i kekahi poe Home Rula o Maui i keia manawa. a o ka pane a kekahi poe Home Rula i kipa mai i o makou nei a makou e hooaiai nei e loaa ai i haina no na Home Rula o Maui o keia mau la e ku kulanalana mai nei oai hoi. aole he pomaikai pililaula a pilikahi i loaa oiai nae ua nui ka hooikiaika me ka pauaho ole me ka hoolilo pu ana aku i ke kino, ka manawa ame kahi pono lako no ke Rakoo ana i ka aoao kalaiaina.
Wahi hou a kekahi poe he aoao paniku ia i ka hooponopono kalaiaina ano hou o keia mau la e hele nei. o ke au malamalama o ke kenekulia iwakalua, ma ke ke'ake'a a hapala hoomeamea mau o na alakai a e pili mau i ke ano kahiko i hui pu ia me ka hoopaakiki naaupo ino loa o na elemakule ke kumu e helelei mai nei na oipo Home Rula a ke pau nei iloko o kekahi mau aoao kalaiaina Repubalika ame Demokarata kekahi kumu e ikeia aku nei o Demokarata ua ala mai. Ke manao nei makou o ka alalai ana i na ano maikai o na kalaiaina o keia au hou e hele nei oia alalai ana ka mea no nana e hoike ae i ka hapopo io no o na alakai, alaila heaha ka waiwai e pili wale aku ai no ilaila, oiai kekahi hapa o ka lehulehu ke nee mua nei, oiai lakou e nakuhele mai ana mahope. ko lakou kumu no hoi e kaa mau ai i hope. O ka hele like ka naauao.
KA EHA ILOKO O KA OPU, ua like no ia me ka niho popo, aole he poino eia nae ne mea hoopilikia i ke ano o ke oia ana. O ka poe i mae i ka loaa mau ia ano e houoli ana lakou ke ike i ka loaa ana o ka mea nana e hoola kikiwawe me ka lawe ana i hookahi a i ole i elua manawa i ka laau Chamberlain's Colic, Cholera and Diarrhoea. Eia ke kuaiia nei ma na halekuai laau lapaau apau. Benson, Smith & Co., Ltd. na Agena ma Hawaii nei.
Makemake e Mare ke Loaa ka Hana.
Ina eia kekahi opiowahine ma Hawaii nei i makemake e mare i kane haole mai Amerika mai, alaila ua hiki no ke ko ia iini ke hooikaika oia e loaa ka hana na ua ilikea ia ma Honolulu nei e loaa ai paha ka ukuhana o $100 o ka mahina. Aia ma Wasinetona D. C., keia haole makaleho nei i ko Hawaii nei mau wahine. I keia manawa eia oia ke hana nei a he $75 kona ukuhana no ka mahina, eia nae aole keia he hana paa mau. He mea maikai no hoi i ka opiowahine Hawaii e makemake ana e loaa ua puakea la ke uku ae i ka ukumoku ame ka ukukaaahi e hiki ai ia laua ke hu he alo a he alo i ka olu kohai o ka ohai o Hawaii nei.
Ua loaa mai keia ike i ke Komite Hoeueu o Hawaii nei a ua ha'i mai ua opio ilikea ia aole loa oia e hoololi ana i kona manao no ka mare ana aku i ka mea e makemake aku ana iaia a e hooko ana hoi i na mea i ha'iia ae nei maluna, a o na kukai ana apau maluna o keia haawina e hoouna ae i keia komite, aole no nae e lilo ana keia komite i agena no keia opio makemake wahine. O keia malalo iho nei kekahi hapa o kana leta i leta mai ai, e waiho ana hoi i ka hapa i hoikeia ae nei maluna:
"Ke maopopo ole nei ia'u ina paha ua kaa aku keia malalo o kou malu; aka i ka manawa o'u i ike ai i kau hoolaha iloko o ka buke Strand, ua hooholo iho wau e kakau aku a ike hoi heaha la ka hana e loaa mai ana ia'u ma Hawaii.
"Ina he maikai ko'u limakakau alaila ua kupono wau i malama buke, a no na mea e pili ana i ko'u ano ame na mea aku i koe ke manao nei wau ua hiki ia'u ke hoike aku i ko'u kulana maikai.
"Ke loaa nei ia'u i keia manawa he $75 o ka mahina ma ke ano he mea hooponopono buke no---, eia nae aole keia he hana paa a ke makemake nei wau e loaa hou mai.
"He iwakalua-kumamakolu ka nui o ko'u mau makahiki a aole hoi wau i mare wahine, aka ke loaa ia'u he hana paa ua hiki no ia'u ke hooponopono no ia mea a e noho no hoi wau ma Hawaii.
"Ina aole i ku keia i ka makemake o kou komite alaila mai hoouluhua mai ia'u ma ka panai ana mai i keia leta oiai aole o'u makemake i ka haina e loaa mai ana i ku ole a e ha'i ole mai ana hoi i ka pomaikai no'u.
"P. S.--O na hana apau ua makemake no wau ina nae aia he waiwai iloko o lakou."
Ua waiho ae nei o Miss Kate Kelley, kela wahine haole i noho iho nei ma ke ano he kakauolelo ekahi no ke Keena o ke Kakauolelo, i kona kulana, a e hoi aku ana oia no Amerika.
Ke hoolala ia mai nei na hana hoomanao no ka la 4 o Iulai e nee mai nei. E malama ia ana ia la e like me ka mea mau.
Ua hoio aku nei maluna o ka mokuahi Sierra o ka Poalua nei o Iaukea, Laiana ame Coke, na elele Demokarata, a e hiki aku ana lakou i Sana Lui i ka Ahaelele Lahui Demokarata.
HOOLAHA AINA AUPUNI.
HOOLAHA AINA AUPUNI.
Ma ka Poalua, Iulai 5, 1904, ma ka hora 12 awakea, mamua iho o ke alo o ka Hale Hookolokolo, e kuai ia aku ana ma ke kudala akea ka hoolimalima o na aina malalo iho nei e waiho la ma Anahola, Kauai:
25 eka aina mahi laiki.
14 eka oi aku a emi mai paha, aina kula.
Manawa hoolimalima, 5 makahiki mai Augate 1, 1904, aku.
Uku Hoolimalima haahaa, $542.00 no ka makahiki, e uku hapa makahiki ana ma ka hookaa mua.
No ke kii aina ame na mea aku i koe e ike ai ma ke Keena o na Aina Aupuni, Honolulu, Oahu.
JAS. W. PRATT,
Komisina o na Aina Aupuni.
Keena Aina Aupuni, Iune 3, 1904.
HOOLAHA MANA HOOKOLOKOLO
ILOKO O KA AHA KAAPUNI O KA APANA KAAPUNI ELIMA, TERITORI O HAWAII. HOOPONOPONO NO WAIWAI HOOILINA MA KE KEENA. ILOKO O KA WAIWAI O KAMALI O KOLOA, KAUAI, I MAKE.
Kauoha o ka Hoolaha o ka Hoolohe Palapala Noi no ka Apono i ka Hoike Papahelu Waiwai Hope Loa. ka Puunaue ame ka Hookuu ana.
Ma ka heluhelu ana ame ka waiho ana mai i ka Palapala Noi ame ka Hoike Papahelu Waiwai o R. K. Ainaike, ka Lunahooponopono o ka Waiwai o Kamali o Koloa, Kauai, i make, iloko hoi oiaiia i noi ai oia e aeia iaia he $44.64 ana hoi i auhau iaia iho me $177.80, a ke no nei e noii pono ia ua hoike ia a e aponoia, a e hanaia i kauoha hope loa no ka puunaue ana o ka waiwai i koe iho iloko o kona mau lima i ka poe apau i kuleana iloko olaila, e hookuu ana iaia ame kona poe hope hoopaa mai na ko'iko'i kou aku ma ke ano Lunahooponopono Waiwai.
Ua kauoha pu ia no hoi o ka Poalima ka la 29 o Iulai, 1904, ma ka hora umi a. m. imua o ka Lunakanawai o ka Aha i oleloia ma ke Keena Hookolokolo o ka Aha i oleloia ma Lihue, Mokupuni o Kauai, o kahi ame ka manawa i hoike mua ia ae nei oia kahi ame ka manawa no ka hooloke ana i ka Palapala Noi ame ka Hoike Papahelu Waiwai i oleloia, a o ka poe apau i kuleana iloko o keia mea e hiki ae lakou ilaila ma ka manawa i oleloia a hoike ae i ke kumu, ina he kumu kekahi a lakou no keaha la e hiki ole ai e aeia ke noi, a e waiho pu ae i na koike kupono no ka poe i kuleana io i ka waiwai i oleloia. A he hoolaha o
HOOLAHA MANA HOOKOLOKOLO
keia Kauoha e hoolahaia ma ka olelo Hawaii iloko o ka Nupepa Kuokoa he nupepa i pa'iia a hooiahaia iloko o Honolulu, no ekolu pule neepapa, o ka hoolaha hope loa aole e emi malalo o elua pule mamua o ka manawa i hoopaaia iloko nei no ka hoolohe i oleloia.
Hanaia ma Lihue, i keia la 18 o Iune, 1904.
Na ka Aha:
(Kakauinoaia) JNO. A. PALMER.
Kakauolelo.
3021--June 24,--July 1, 8, 15.
ILOKO O KA AHA KAAPUNI O KA APANA KAAPUNI ELIMA. TERITORE O HAWAII. HOOPONOPONO WAIWAI HOOILINI MA KE KEENA. ILOKO O KA WAIWAI O JAMES UPAPA UNAUNA O KOLOA, KAUAI, I MAKE.
Kauoha o ka Hoolaha o ka Hoolohe Palapala Noi no ka Apono i ka Hoike Papahelu Waiwai Hope loa, ka Puunaue ame ka Hookuu ana.
Ma ka heluhelu ana ame ka waiho ana mai i ka Palapala Noi ame ka Hoike Papahelu Waiwai o R. K. Ainaike, ka Lunahooponopono o ka Waiwai o James Upapa Unauna o Koloa, i make, iloko hoi olaila i noi ai oia e aeia aiai he $125.25 ana hoi i auhau ai iaia iho me $247.50, a ke noi nei e noii pono ia ua hoike la a e aponoia a e hanaia i kauoha hope loa no ka puunaue ana o ka waiwai i koe iho iloko o kona mau lima i ka poe apau i kuleana iloko olaila, e koohuu ana iaia ame kona poe hope hoopaa mai na ko'iko'i hou aku ma ke ano Lunahooponopono Waiwai.
Ua kauoha pu ia no hoi o ka Poalima, ka la 29 o Iulai, A. D. 1904, ma ka hora umi a. m., imua o ka Lunakanawai o ka Aha i oleloia ma ke Keena Hookolokolo o ka Aha i oleloia ma Lihue, Mokupuni o Kauai, o kahi ame ka manawa i hoike mua ia aw nei oia kahi ame ka manawa no ka hoolohe ana i ka Palapala Noi ame ka Hoike Paphelu Waiwai i oleloia, a o ka poe apau i kuleana iloko o keia mea e hiki ae lakou ialaila ma ka manawa i oleloia a hoike ae i ke kumu, ina he kumu kekahi a lakou, no keaha ia e hiki ole ai ke aeia ke noi, a e waiho pu ae i no hoike kupono no ka poe apau i kuleana io iloko o ka waiwai i oleloia. A he hoolaha o keia Kauoha e hoolahaia ma ka olelo Hawaii iloko o ka Nupepa Kuokoa, he nupepa ia pa'iia a i hoolahaia iloko o Honolulu, no ekolu pule neepapa, o ka hoolaha hope loa aole e emi malalo o elua pule mamua o ka manawa i hoopaaia iloko nei no ka hoolohe i oleloia.
Hanaia ma Lihue, i keia la 18 o Iune, 1904.
Na ka Aha:
(Kakauinoaia) JNO. A. PALMER.
Kakauolelo.
3021--June 24,---July 1, 8, 15.
HOOLAHA ME KE KAUOHA
MA KE KAUOHA.
UKU O NA AUHAU WAI.
E like me ia iloko o ka Pauku 1, Mokuna XXVI o na Kanawai Ahaolelo o 1886:
O ka poe apau no lakou na kuleana wai a i ole o ka poe e uku ana i na auhau wai ma keia ke ha'iia aku nei ka lohe o na auhau wai no ka eono mahina e pau ana i Dekemaba 31, 1904, e ku ana i ka uku ana a e ukuia ma ke keena o ka Honolulu Oihana Wai ma ka la ekahi o Iulai, 1904.
No na auhau wai uku ole ia apau e koe ana ma Iulai 15, 1904, a i ole he 15 la mahope o ka wa e uku ai i na auhau wai e pakuiia aku ai ma ke ano he kaki o umi pa-keneta, a e ku no i ka uku a e ukuia e ka mea iaia ka uku ana o ke kuleana wai.
O na kuleana wai uku ole ia apau loa e koe ana ma ka ia 15 o Augate, 1904, (he 30 la mahope iho o ka haule ana o ka manawa uku) e oki koke ia ai ia mau kuleana wai me ka hoolaha hou ole ia aku.
O na auhau wai apau e ukuia ma ke kena o Honolulu Oihana Wai iloko o ka Hale Manahooko, oiai ua hooneeia ae ia keena a ke keena o ke Kakauolelo Kiekie, Keena o na Hana Hou.
J. H. HOWLAND,
Lunanui o Honolulu Oihana Wai.
Honolulu, T. H., Iune 19, 1904.
3020---Iune 17, 24.
HOOLAHA HOOKO MORAKI.
HOOLAHA MANAO E PANIKU O NO KE KUAI.
WONG SHIU KING.
Malalo a me ka pono o ka mana o ke kuai i hanaia iloko o kekahi moraki i ka la 7 o Dekemaba, 1900, i hanaia e Wong Shiu King, Ho Poi, Lum Fai, Y. Chook Hin, Pang Kin Fai, ame Wing Sun Hing, no Honolulu lakou apau, Mokupini o Oahu, Poe Moraki Mai, ia Yee Sing Tie (he hui) no Honolulu i olelo mua ia ae nei, Poe Paa Moraki, a i kakau kopeia iloko o ka Buke Helu 213, aoao 490-493, o ke Keena Hoono Aina o ke Aupuni (he moraki hoi i hooliloia e Yee Sing Tie i oleloia Lewers & Cooke, Ltd., he Hui Hawaii e lawelawe oihana kalepa ana iloko o Honolulu i olelo mua ia ae nei, ma kekahi palapala i hanaia ia ka la 1 o Novemaba, 1902 a i kakau kopeia iloko o ka Buke Helu 239, aoao @@@ ame 389, iloko o ke Keena Hoona Aina i oleloia) a mamuli o ka Mokuna XXXIII o na Kanawai Ahaolelo o 1874 e pili ana i ke "Kanawai i hanaia no ke Kuai o ka waiwai morakiia me ka hoopii ole ame ke Kauoha o ke Kuai" ame ke Kanawai (Mokuna IX o na Kanawai Ahaolelo o 1890) e pakui ana ia mea hookahi, o Lewers & Cooke, Ltd. i oleloia, ma keia ke haawi nei i ka hoolaha no ka manao e paniku i ka moraki i oleloia no na kumu i uha'iia, e hoike ana: o ka uku ole ia i ka manawa e uku au i ka huina kumupaa o Elua Kaukani Dala $2,000.00) i hoopaaia e ka moraki i oleloia.
Ke haawai pu ia aku nei no hoi ka hoolaha o ka waiwa apau i hoopaaia iloko o ka moraki i oleloia e kuaiia ana ma ke kudala akea ma na keena kudala o Will W. Fisher, Helu 1@0, Alanui Kalepa, Honolulu i olelo mua ia ae nei, ma ka Poaono, la 3 o Iulai 1904, ma ka hora 12 awakea o ka la i oleloia.
HOOLAHA HOOKO MORAKI.
O ka waiwai i hoopaaia iloko o ka moraki i oleloia oia keia:
O kela apana a mahele o ka aina apau loa @he hapa o ka aina i hoakakaia iloko o ka R. P. 1@85, L. C. A. 6245 ia Kalaeokekoi no Kalakini) e waiho ia ma Kamakela, Honolulu i olelo mua ia ae nei a i ikeia ka Apana Helu 2 o ka Home Hookuonoono Buckle a i apoia a hoakaka maopopo loa ia e like me ia malao iho nei: E hoomaka ana ma ka ma-ka ma ka aoao Hikina Hema o ke Alanui Vineyard i mamao he 191 1-3 kapuai Hikina Hema mai ke kihi aku o na alanui Liliha me Vineyard a malaila aku holo:
(1) Hema 53 deg. 50 min. Kom., 83 5-10 kapuai ma ka Apana Helu i o ka Home Hookuonoono Buckle; malaila aku hoio
(2) Hema 36 deg. 10 min. Hik., 73 kapuai ma Alanui-olo-li Buckle; malaila
(3) Akau 53 deg. 50 min. Hik., 89 5-10 kapuai ma ka Apana Helu 3 o ka Home Hookuonoono Buckle; malaila aku
(4) Akau 40 deg. 45 min. Kom., 75 2-10 kapuai ma ke Alanui Vineyard i oleloia a hiki i kahi hoomaka ai a nona ka iliaina o 6496 kapuai kuea.
Pau pu me na hale, na hana hou, na kuleana ame na pono hooilina apau o ua waiwai la a i pili aku ilaila i kaa aku nae malalo o ka moraki i hoopaaia ia A. A. Halelea, Kahu o ka Waiwai o J. H. Coney, i hanaia i Iune 28, 1900, a i kakau kopeia iloko o ka Buke Helu 207, aoao 333-340, o ke Keena Hoona Aina i oleloia, a i ka huina no hoi o Umi-kumammalima Haneri Dala ($1,500) ame ka ukupanee i hoopaala.
LEWERS & COOKE, LTD.,
Ma o F. J. Lowery, Peresidnea,
Mea Paa Moraki.
Ma ke dala kuike ka makemake a ma ke dala gula Amerika no hoi a ma ka aoao a ka mea kuai mai na lilo palapala apau.
No na mea aku i koe e ike ae ia Holmes & Stanley, Honolulu, na Loio no ka Mea Paa Moraki.
Hanaia Iune 9, 1904.
3019---June 10, 17, 24---July 1.
HOOLAHA MANAO E PANIKU A KUAI A KA MEA PAA MORAKI.
MAILE (w) AME H. Y. WELEWELE
E like me na mea i hoopaaia iloko o kekahi moraki i hanaia e Maile (w) iloko o kona pono ame H. Y. Welewele, kana kane mare, i Pae Kamaka, kahu no na keiki oo ole a S. K. Kamaka o Honolulu, Oahu, i hanaia i ka la 22 o Ianuari, A. D. 1901, a i hoopaaia iloko o ke Keena Kakaukope Hoona Aina, iloko o ka buke 215 a ma na aoao 458 a kihi i ka aoao 460, ke haawi ia aku nei ka hoolaha ke manao nei ka mea paa moraki e paniku aku i ka moraki no na kumu i uha'iia, oia hoi: ka uku ole ia ana o ke kumupaa ame ka uke-panee i ka wa e uku ai.
Ke haawi pu ia aku nei no hoi ka hoolaha mahope o ka hala ana o na pule ekolu mai ka la o keia hoolaha ana, o ka waiwai i paa iloko o ka moraki i oleloia e hoolahaia aku ana no ke kuai kudala akea ana, ma na keena kudala o James F. Morgan, iloko o Honolulu, ma ka Poaono ka la 18 o Iune, A. D. 1904, ma ka hora 12 awakea o ka la i oleloia.
E loaa no na mea aku i koe mai ia J. M. Vivas, loio o ka mea paa moraki.
Hanaia ma Honolulu, Mei 4, 1904.
PAE KAMAKA, Kahu.
Mea Paa Moraki.
O ka waiwai i paa iloko o ka moraki i oleloia oia keia malalo iho nei:
He apana a mahele o ka aina (mahi laiki) non hoi ka iliaina o 1 A. 3 R. ame 30 Per., e waiho la ma Hanamaulu, Puna, Mokupuni o Kauai, i hoakakaia hoi iloko o Palapala Sila Nui (grant) Helu 7210, Kuleana Helu 8600 ia Keolanui.
3016---mei 20, 27---Iune 3, 10 17.
O keia kuai maluna ae ua hoopaneeia a ka Poaono, Iulai 9, 1904.
JAMES F. MORGAN.
3021---Iune 24,---Iulai 8. Lunakudala.
HOOLAHA MANAO PANIKU A KUAI A KA MEA PAA MORAKI.
JESSE P. MAKAINAI.
Ke haawi ia aku nei ka hoolaha, i kulike ai me ka mana kuai i hoopaaia iloko o kekahi moraki i hanaia i ka la 10 o Aperila, 1902, i hanaia e Jesse P. Makainai, o Honolulu, Mokupuni o Oahu, Teritore o Hawaii, Mea Moraki ia Joshua K. Brown, Jr., o Honolulu i oleloia, Mea Paa Moraki, a i kakaukope ia iloko o ke Keena Kakaukope, Oahu, iloko o ka buke 236 a ma na aoao 123 a hiki i ka 124, ke manao nei ka mea paa moraki e paniku i ka moraki i oleloia no na kumu i uha'iia, oia hoi; ka uku ole ia o ke kumupaa ame ka uku-panee i ka manawa e uku ai.
Ke haawi pu ia aku nei no hoi ka hoolaha o ka waiwai i paa iloko o ka moraki i oleloia e kuai ia aku ana ma ke kudala akea ma na keena kudala o James F. Morgan, alanui Kaahumanu, Honolulu, Teritore o Hawaii, ma ka Poaono, ka la 25 o Iune, 1904, ma ka hora 13 awakea o ka la i oleloia.
O ka waiwai i paa iloko o ka moraki i oleloia oia iho keia:
O keia pa-haie a hapa o ka aina apau loa e waiho ia ma Kalauopalena, Kalihi, Mokupuni o Oahu, Teritore o Hawaii, oia no hoi ka Apana 2, Palapala Sila Nui Helu 4164, L. C. A. helu 1313-B, ia Kauwahi, nona hoi ka iliaina o 92-100 o ka eka a oia no hoi ka aina i hooliloia Jesse P. Makainai i oleloia ma ka palapala hoolilo a Lipeka Kauahi, i hanaia i ka la 27 o Dekemaba, 1900, a i kakaukopeia iloko o ka buke 217, aoao 237, ko Hawaii Keena Hoona Aina.
Pau pu me na pono apau, na mana apau ame na mea e pili ana i ka waiwai i hoikeia.
Ma ka dala kuike ka makemake a ma ke dala gula Amerika no hoi, a ma ka aoao a ka mea kuai mai na lilo palapala apau.
No na mea aku i koe e ike ae ia Smith & Lewis, Kauka Hale (Judd Building), Honolulu.
Hanaia ma Honolulu, Iune 1, 1904.
JOSHUA K. BROWN, JR.,
Mea Paa Moraki.
3018---Iune 3, 10, 17, 24.
3019---Iune 10, 17, 24---Iulai 1.
HOOLAHA KUMAU
LEWERS & COOKE
LUI AME KUKE, Kaupaenaia
Na Mea Hookomo mai a Kuai ako i na
LAKO HANA HALE
O keia ame Kena Ano.
Malaila e loaa ai na mea malalo @
NA PAPA N. W., NA PAPA HOLE, PILI HALE, NA PUKA, NO OLEPELEPE AME NA PONO PUKA ANIANI, NA KUI, AME NA MEA MILI @ KA OIHANA KAMANA, NA PONO PENA.
NA PENA LIKE OLE AME NA HULU PENA, NA ANIANI, NA P@PA HALE, PALE KUKA ANIANI, MOENA, ETC.
O na kauoha pono hale apau loa a hiki mai ana ia makou e hooko koke ia no me ka eleu ame na KUMUKUAI HAAHAA LOA.
LEWERS & COOKE
Hui Alahao ame Aina o Oahu
MANAWA HOLO
Mei 1, 1903.
MAI HONOLULU AKU
No Waianae, Waialua, Kahuku ame na wahi Hoolulu ma ke alahao--
*9:15 a. m., *3:30 p. m.
No Pearl City, Ewa Mill, ame na wahi hoolulu ma ke alahao--†7:30 a. m.,
*9:15 a. m., *11:05 a. m., *8:15 p. m.,
*3:20 p. m., †4:15 p. m., *5:15 p. m.,
‡9:30 p. m., †11:15 p. m.
MAI WAHO MAI.
Ku i Honolulu mai Kahuku, Waialua, ame Waianae mai *8:36 a. m.,
*5:31 p. m.
Ku i Honolulu mai Ewa Mill ame Pearl City mai---†6:50 a. m., †7:46 a. m.,
*8:36 a. m., *10:38 a. m., *2:05 p. m. ,
*4:31 p. m., *5:31 p. m., *7:40 p. m.,
*$5:31 p. m., *7:40 p. m.
*Kela ame keia la.
‡Sabati wale no.
†Koe ke Sabati.
G. P. DENISON,
Lunahoohana.
F. C. SMITH,
G. P. & T. A.
Kakela me Kuke
[KAUPALENAIA]
Poe Kalepa mo ke Komisina
: : A HE : :
POE LAWELAWE KOPAA
Poe Agena no na Ma hiko Lehulehu.
KAKAU T. MITAMURA
Alanui Kukui Oloii Helu 68, Honolulu.
Na Hora Hana:
Hora 9 a. m. a 12 m; 6:30 p. m. a 7:30 p. m. Sabati, Hora 9 a. m. a 10:30 a. m.
Telepone Blue 2366 P. O. Box 842.
Poe Akepau i loaa hou ke Ola Kino Maikai.
Ke hoike mau mai nei na Kauka ia makou mai na wahi like ole mai o ke ao nei no ka nui o ka poe i aneane o loaa i ka ma'i Akepau i hoopakele ia mai keia ma'i mai mamuli o ka laau
"Ayer's Cherry Pectoral."
Ke loaa i keia laau e loaa ana i ka ma'i ka maha no ka wa mau loa e aole no kekau manawa pokole e like me kekahi ano laau okoa ae.
Aohe Laau Kunu i oi ae o ka maikai mamua o ka LAAU KUNU
"Ayer's Cherry Pectoral."
He mea maikai e ike kakou i keia me ka mea ua hooia keia laau ia ka poe i loaa i keia haawina no aneane kanaone makahiki. E malama mau i keiaa @@@. Ina aole au omole laau kunu o ke@ ano, e kuai koke mamua o ka loaa ana i ke kunu. Ina ua loaa kakahi @ok@ o ka ohana i ke anu e hooinu i keia laau a e loaa no ka maha.
Hoomakaukau ia e Kauka J. C. Ayer & Co., Lowell, Mass, U. S. A.
E loaa no keia mau Huaale ma @@ halekuai laau a pau.