Ka Nupepa Kuokoa, Volume XLII, Number 25, 17 June 1904 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

Iune 17, 1904

 

 

                Ua hooko koke ia keia mau hoololi ana ko Wete kuoo nui, me he mea la aole oia i hana i kekahi hana apuka, a ia manawa hookahi no hoi i l ohe ak ai lakou nei i ka nakeke mai o ka puka.  O hoike ana hoi eia na makai ke hoao mai nei e puka iwaho, a ua maopopo no hoi ia Wete aole e hala he mau minute a o ka hiki mai no ia o ua poe la i ka puka e puka loa ai iwaho o ka hale.

 

                “O oe kekahi e noho iho maanei,”  wahi a Wete i pane aku ai i ka ukali o ke kaunawahine, a pii aku la oia iluna o ke kaa a noho iho la ma kahi o ke kahukaa a hopu iho la i na kaulakaohi.

 

                Ia manawa i puka mai ai ka makamua o na makai mailoko mai o ka hale, a ike iho la a Wete aole ana manawa i koe e hana aku ai i kana hana oia wale no, a ua paa hoi kona manao e hoopakele aku i ke kaunawahine ana e ahai nei.  Hili aku la oia i na lio, a o ia no hoi ka manawa i holo aku ai na lio me ka puahi nui.  I ka ike ana o na makai i keia hoohokaia ana o lakou ame keia holo ana o ke kaa, ua ki like aku la lakou mau pupanapana.  Ua maopopo mua ia Wete o ia ana ka hana e hana ia mai ana maluna ona, a iaia e holo ana, e oni ana kona paukukino ame kona poo i o a ianei, a ma keia hana ana ua halahu ae la na poka maluna o kona poo.

 

                Aole wale o keia wale no ka pilikia i loaa aku iaia, a ua maopopo mua no hoi ia Wete ia mau pilikia.  O na koa apau o Rusia he poe makai lakou, a ia manawa ua piha na alanui o Sana Petersburg i na koa.  He mea oiaio aia ko lakou mau manao maikai maluna o ka poe i hookaumahaia, aka ua maopopo mua no ia Wete aole loa keia poe e kokua mai ana, imua o ka maka o ka lehulehu e nana mai ana.  Aole wale oia aka oiai eia oia ke holo nei maluna o ke kaa o kekahi mea hanohno, nolaila aole e loaa mai ana na kokua nona.

 

                Hiki aku la ko laua nei kaa i ke kihi alanui mua loa a huli aku la ia nei ma ia kihi, a mai hala loa no paha laua me ka loaa ole o na kuia ina aole i loheia ke kani ana o na pu a eia kekahi poe koa ke hookolo nei.  Ma ko laua nei alahele i holo aku ai e holo mai ana he eha koa, a me ke kali ole iho o keia poe, ua lele like aku la lakou a paa mai la i na lio.  Ua maopopo ia Wete i ka wa i huli ai na poo o na lio aole loa e hemo ana, nolaila hopu iho ke kumu hoi i pipika ae ai lakou a hookuu ae la i ka paa ana i na lio, a holo hou aku la laua nei.

 

                Na keia uluao’a i ala ae i koi aku i na kanaka e hele ana ma na alanui e hele ae e ike i keia mea i ala mai, a ua pihaku’i ae la na alanui a laua nei e holo aku ana i na kanaka i ka manawa pokole loa.  Ike iho la o Wete he mea hiki ole iaia ke holo hou aku maluna o ke kaa me ka loaa ole o na ulia i ka poe el hele ana, a ina oia e homau aku ana i ko laua hele ana a loaa mai he mau kuia e loaa pono ana ke kaunawahine a e hopu ia ana laua.  Nolaila hook@  aku la o Wete i ko laua kaa ma kahi nui o na kanaka a hoopili aku la ma ka’e o ke alanui, lele iho la oia ilalo a wehe aku la i ke panipuka o ke kaa a huki aku la i ke kaunawahine e noho haalulu ana iluna o ke kaa iwaho.

 

                “E hookaawale i ke alanui no maua, e ka poe e aloha ana i kona aina!”  wahi a Weta i hawanawana iho ai i ka poe e ku kokoke ana ma ka laua nei wahi i ku ai.

 

                E like me ka Wete i noi aku ai, pela ho hoi i hookoia mai ai, a loaa ae la he moali no laua nei e hele aku ai.  Hookomo aku la o Wete i kona lima malalo o ka poaeae o ke kaunawahine, a alakai aku la iaia, e kuikuilima ana hoi a hele ana me ka awiwi.  Hiki aku la laua nei i ke kihi alanui mua i loaa aku ai ia laua nei a huli ae la laua, a akahi no a kuu iho ko laua mau manao a manaolana ae no hoi ua palekana.

 

                “Pehea, e hiki ana no anei ia oe ke hele wawae no ke koena o ka kaua huakai?”  i nanau iho ai o Wete i ke kaunawahyine.

 

                “Ae, e kuu hoaloha koa lua ole; aka hoi heaha la kau e lawe nei i ke koikoi o keia mea maluna ou?”

 

                “Mai ninau mai oe ia mea.  O ka mea nui wale no ina ua loaa ia oe ka ikaika no ka hele ana, alaila e palekana ana kaua.”

 

                I mea e loaa ole mai ai na mana hoohuoi no ka laua nei hele ana, ua hoopau ae la laua nei i ka laua hele awiwi ana, a hele aku la laua nei e like me ka poe e makaikai a e holoholo po ana.  Wehe ae la no hoi o Wete i ke kuka ame ka papale o ke kahukaa ana i fulu ai.

 

                Ke lohe la no laua nei i ka hauwalaau mai mahope o laua nei, aka aole ia he mea na Wete e maka’u ai, a e like me ka maalea o ka alopeka, pela o Wete e maka’u ai, a e like me ka maalea o ka alopeka, pela o Wete i hoonalowale ai ia laua iloko o keia aluka kanaka nui.  Ma kahi o ko laua hoomau ana aku i ka laua hele ana imua, ua hoohuli ae la o Wete i ko laua alahele a hoi hou aku la ihope ma kahi e holo mai ana na makai a hiki i ko laua kokoke ana i ka hale a laua i haalele aku ai, a ku aku la lana nei ma kahi pouliuli e like me ka lehulehu e makaikai ana i na hana i hanaia a e nune ana hoi i na mea i alal mai.  Mahope o ka pau ana o ka uluao’a, alakai aku la o Wete i kona hoa a loaa kekahi kaa ia laua, kau aku la laua nei iluna a holo aku la no waho o le kulanakauhale, kahi hoi a laua nei i huli hoi mai ai maluna o kekahi kaa okoa no kahi a ke kaunawahine i ha’i mua ai iaia oia kona wahi e noho pee ai.

 

                He wahi home keia no kekahi wahine ilihune, aka nae o ka wahine nona ua ome la aole oia i poina i ke Kaunawahine Radolinsiki ame kana mau hana maikai i hana aku ai iaia i na wa i hala, a i kona lohe ana i ka manao o keia huakai hele po a ke kaunawahine, ua wehe hamama mai la oia i kona home.  Mahope o na hooponopono ana a Wete no ke Kaunawahine, alaila noonoo iho la oia nona iho.  Una maopopo iaia he mea pono ole iaia ke hele aku me ka hunahuna ole iho i kona helehelena, a oiai o ka hana ana i hana ai, ka hoomahuka ana hoi i ke pio o ke aupuni, he hewa koikoi loa ia, nolaila noi aku la oia i ka oluolu o ka wahine nona ka home a laua nei i kipa aku ai, e haawi mai i kekahi lumi nona e hooponoono ai nona iho, a ua hookoia mai me ka hauoli.

 

                Iaia i puka mai ai iwaho, mahope o kona hoololi ana i k ona helehelena, he keonimana kona kulana o na makahiki he kanaha, a he kanaka Amerika kulana kiekie no hoi.

 

                “E noho oe maanei e kuu kauna wahine, a hiki i ko Ivana manawa e kii mai ai ia oe, a i ole owau paha.” wahi a Wete.

 

                I kinohi aole i maopopo ia Kaunawahine Fadolinisiki o Wete keia e ku aku nei imua ona, a ua komo koke na manao pihoihoi iloko ona malia paha he kiu keia i uhai mai mahope o laua; aka i ko Wete hoomaopopo ana i keia haawina maluna o ke kaunawahine, i puana mai ai oia i na olelo maluna, a o keia ka mea nana i hoomaalili i @ ke kaunawahine mau manao a ninau koke aku la oia:

 

                “Alaila, ke manaoio nei oe na hookuu io ia no o Ivana?”

 

                “Ke manao nei wau o ia maoli no ke ano.  Ina aole i komo mai ia manao iloko o’u me he mea la aole loa wau e hooikaika e palekana mai oe e like me ka’u i hana ai i keia po.”

 

                “Ke hoomaopopo ole aku la wau i kau i ha@ mai nei.”

 

                “Owau pu no hoi kekahi e hoomaopopo ole nei i ka’u hana i hana ai.  Aka nae i mea e holopono ai ka Kaunawahine Alamazofa papahana he mea pono e paa oe iloko o ka halepaahao a e hookuu ia mai hoi o Ivana.  Ea ke hoomaopopo ole nei wau i na mea apau wau i ka Kaunawahine Alamazofa papahana.”

 

                “Nui no paha kau hana maikai i hana mai ai no’u!  Aole loa wau e poina ana i keia hana au!”

 

                “E kali malie oe a hiki i ko’u manawa e hoohui ai ia Ivana ame oe, a hiki hoi olua i ka aina e noho ai olua me ka loaa ole mai o na mea nana e hoopoino i ko olua ola, alaila ia wa oe e noonoo ae ai no ka’u hana maluna ou.”

                                                                                                (Aole i pau.)

 

RUSIA AME IAPANA

 

---:MA KE:--

 

Kahua Enaena o ke Kaua

 

Kakauia e Bernard H. Kelekolio

 

-----------------

 

HOAKAKA: ----E na makamaka heluhelu:

 

                Mamuli o ka ike o ko’u lunaikehala a kamaaina no hoi, he Lahui kakou i iini nui i ka heluhelu ana i keia mea. “He Moolelo Kaua.”  Ua hooholo iho au, e kakau i ka moolelo o keia mau Aupuni Mana Nui i hoikeia ae nei maluna.  He moolelo keia e pili ana i ko laua mau kulana pakahi iho ko laua kulana hooponopono Aupuni ana, a o ka oi loa aku no hoi, oia na kumu nana i alako aku ia laua e paio maluna o ke kahua enaena o ke kaua i ko laua mau iini pakahi iho.  Eia no hoi iloko o ke kino lahilahi o keia nanea hoolele hauli, e hoikeia aku ana ka ikaika ame ka mana o keia Aupui Nui o Rusia iwaena o na poai Aupuni Nui o ke ao nei, na kahua kaua he nui wale a kana mau keiki i alo ai ame ka nui inea a lakou i hoomanawanui ai;  ka ikaika o kona mau pualikoa kaua i heluia hoi maluna o na miliona a miliona ame ka pouhana hoi o kona mau aekai, Kona mau aumokukaua.

 

                Eia no iloko o keia moolelo e ikeia ana na kii o na pualikoa kaua ame na mokukaua o na Aupui elua i hoikeia ae nei maluna, na Kenerala ame na Akimarala o llaua pakahi.  E hoikeia ana no iloko o ke kina uhane ole o keia moolelo,  ke alahele i oili mai ai o Iapana mai ka nohona kupouli mai o na kenekulia kulipolipo a kau ma ke kiekiena o kekahi o na Mana ikaika o ke ao nei; kona kaua ana me ke Aupuni Nui o Kina a pulelo mai la me ka lei mae ole o ka lanakila ame ka hanohano; ka haawi ana mai o ke Aupuni Nui o Kina ia Poto Ata ame Manekekuria ia Iapana mahope o ke kaua; ka keke ana o ka niho o ka bea huluhulu, oia hoi o Rusia ia Iapana mamuli o ka lilo ana o na wahi i hoikeia ae nei maluna iaia ; ka waiho hou ana o Iapana ia Poto Ata ame Manekekuria iloko o ka poholima o Kina; ka huakai kokua o na Mana Nui o Europa ame Amerika Huipuia no ke kulanakauhale o Pekina i ka makahiki 1900; ka noho ana o Rusia iloko o ka aina o Manekekuria; kona uhaki ana i kana olelo aelike me Iapana ame na Mana Nui; kona hoao ana e apo ia Korea malalo o kona mana; na kukai olelo i malamaia mawaena o Rusia ame Iapana e pili ana no ka mana kuokoa o ke Aupuni o Kina iloko o ka aina o Manekekuria ame ke kuokoa o ka aina o Korea; na hana hoopalaleha a Rusia e pili ana no kana pane ia Iapana; na hooliuliu kaua ana a Rusia; ke oki ana o Iap;ana i na kukai kamailio ana mawaena ona ame Rusia; ka lele kaua ana o na aumokukaua topito o Iapana i ke kakahiaka nui uanuanu o ka la 8 o Feberuari maluna o na mokukana o Rusia ma Poto Ata, a ia la hookahi no hoi, ka wawai ia ana o na mokukaua Rusia “Variaka” (VariagP ame “Koreita” (Korietz) e na aumokukaua o Iapana malalo o Akimarala Uriu ma ke awa o Kilimapo (Chemulpo) ma Korea.  O keia mau mea apau i hoikeia ae la maluna, e olino aku ana ia maloko o keia wahi nanea pokole, a me he mea la, e lilo ana keia wahi moolelo hoolele hauli i panana no kela ame keia home mai Hawaii hoi a Niihau, e hoomalamalama ana i ka lahui i na kumu ame na alahele i hookumuia mai ai o keia kaua e uleleia mai nei i keia mau la.

 

                Nolaila, me keia mau wahi hoakaka pokole no na aupuni elua e paio nei ma ke kahua mokomoko o ke kaua, ke manaolana nei ka mea kakau, e apo pumehana mai ana na kini heluhelu o ka kakou Hiwahiwa nei iaia, a e hookipa ana hoi iaia iloko o ko lakou mau home pakahi.

 

                He lahui kakou i kaulana ma na kihi eha o keia poepoehonua nei no ka hamama o ko kakou mau uuwai ma na ano apau a he nei no ka hamama o ko kakou mau puuwai ma na ano apau a he piha lokomaikai no hoi, a no keia kumu, he noi haahaa aku nei au i ko’u mau hoaloha apau mai Hawaii a hoea i Niihau, a i na kini heluhelu no hoi o ka Hiwahiwa a ka Lahui, “E HEA MAI HOI IAIA NEI, HE MALIHINI”

 

Me ka haahaa,

BERNARD H. KELEKOLIO

------------

 

KE AUPUNI NUI O RUSIA, KONA KULANA, KONA

HOOPONOPONO AUPUNI ANA, AME KONA MOOLELO PIHA

 

                O keia inoa o “Rusia” ua lohe pinepine mau kakou, aka, ua ike a ua hoomaopopo anei kakou i ka nui o kona mau palena aina, kona mau kanaka, ka nui o kona ikaika ame kona mana?  I kumu e hoomaopopo ai kakou me ka hoohewahewa ole, e ike ana kakou, o keia mana nui o Rusia he aupuni nui ia e moe ana ma ka poli pumehana o kela aina nui o Europa, a nona hoi ka nui iliaina i hoea aku ma kahi o ka Ewalu Miliona, ame Elima Haneri Kaukani mile kuea.  Maloko o Nova Zembla ame ka Anemoku o Kamia (Taimyr peninsular) ua o aku kona mau palena maloko o ka poepoe Artika a hoea i ke 77 deg. 2 min. ame 77 deg. 40 min. ma ka latitu akau; o kona mau palena ma ka Hema ua hoea aku ia ma ke 38 deg. 50 min. maloko o Amenia (Armenia), 35 deg. Maloko o na mokuaina o Afgan, ame 42 deg. 30 min. ma na kapakai o ka moana Pakipika.  Ma ke komohana, ua o aku kona mau palena a hoea i ka 20 deg. 40 min. ma ka lonitu Hikina a maloko hoi o na mokuaina o Lapalana (Lapland), he 18 eg. 32 min. maloko o na mokuaina o Polana (Poland) a he 29 deg. 42 min. ma ke Kai Eleele, a o kona mau palena aina ma ka Hikina—ka Lae Hikina ma ke Kai Kowa o Belina (Berina Strait) ua o aku ia a hoea i na degere 191 ma ka @ Hikina.

 

                Aohe mea a ka makamaka heluhelu o keia nanea @  e hoohewahewa ae ai i ka nui laula maoli no o keia Aupuni @  kaua e hele like ai ma ke kino o ka moolelo.  O keia @   Rusia e like me ka mea i hoike mua ia ae nei maluna, he aupuni @  i kau nui ia ka weli e na mana nui o Europa mai @  ikeia ai he nui kona mana ame kona ikaika.  E like no @   loli ana o ke au o ka manawa, pela no oia i hoon@   kona mau palena aina mai Europa aku a hoea i keia la @  mau palena ma na kapakai o ke Kai Melemele.  O kana @ i maa a walea no hoi ma o kona ma Kubina Nui la @   mau Kenerala Nui a i paa no hoi ma ko lakou mau @   ka pahele, ka hoopunipuni ame ka piha i na hana kupono @  na la o Napoliona Ekahi e noho hoomalu ana i ke @   Aupuni Nui o Farani i na la kulipolipo, oiai ia manawa @  no, e paila mau ana ka huila o ke kana iwaena o na @  kela manawa, o keia inoa o “Rusia” ka mea nana i hooka@   weli i na Mana Nui apau, a koe hookahi no paha o Napoliona @  mea e hoomaopopo loa ai kaua he Aupuni ikaika maoli @  Rusia, e alawa ae kaua i na olelo kaulana a ke @  Napoliona Ekahi, a naua hoi keia mau huaolelo e @  Rusia:

 

                “O ko’u lele kaua ana maluna o ka Mana Nui o Rusia @  hoopilikia mai ia’u, a nana no hoi i hoonaueue i ko’u @     Ua lele kaua aku au maluna o na mana nui o Kelemania.  @  ame Pelekane, me ko’u manaolana la hoi aole e komo pu mai @   Rusia iloko olaila.  He hookahi haneri makahiki mai ko’u @  e lilo anei ke ao nei he Rukini a i ole he Repubalika.”  O keia @  olelo ae la maluna a ke keiki kaeaea o Farani, ke keiki @  i hooka aku i ka weli o na Mana Nui o Europa, a hoonau!  I ko lakou mau noho kalaunu, he mau olelo ia e hoike piha @  ana i ka ikaika ame ka mana piha o keia Aupuni pahele nui @  i maka’u waleia ai no e na mana o Europa.  No na makahiki @  lehulehu nui wale kona haka ana ma o a maanei o kela aina @  o Europa, me ka manaolana e loaa kekahi wahi kupono @  hoomoana ai i kona mau mokukaua, a i awa paa oleia hoi e @  hau, aka, i na manawa apau loa ana e hoao ai e hooko ia aku ia makemake ona, ua halawai aku la no oia me ka ulia o ka pakalak@

 

                Aole hoi no ia nele ana a hook oleia hoi kona makemake i @  paupauaho mai iaia, aka, me ka nui ikaika ame ka maalea, na@    aku la kona mau maka, e like me kekahi bea huluhulu akahi @      ala ae mai ka moe kulipolipo mai, ma ka Hikina.  O ka hopena aka o keia, e halawai aku ana no kaua mahope.

 

                O keia mana nui o Rusia e hakoko pu nei me ka “Pelekane @  o ka Hikina.”  Oia hoi o Iapana ua apoia eia he elua mau mahele @  ka mahele Europiana ame ka mahele Asiana, ma kekahi oelo ana@   Rusia ma Europa ame Rusia ma Asia.  O ka mahele ma Asia @ 6,500,000 mile kuea me 16,000.000 mau kanaka; o ka mahele ma Europa oia hoi o Rusia, Finilana (Finland) ame Polana (Poland) @  542, 347 mile kuea.  O ke kulana hooponopono aupuni ana o Rusia i keia mau la ua like no ia me ka Mana Nui o Kelemania, aka o Rusia, ua oi ae ka mapa o kona Emepera mamua o na mea e @  apau iloko o ka aina, a o kona leo, ua like no ia me ka leo o ka Mea Kiekie Loa, oiai, ua nana aku na makaainana o keia aina @ laula maluna ona e like me ko lakou makuakane.  O ke kahua paa maoli o ka hooponopono Aupuni ana, oia no ka Emepera, i @  huiuia me ka Ahaolelo, ka Mana Hooko ame ka Mana Kaukana wai, a ua hoopuniia hoi oia (ka emepera) me eha Aha Kukama @ like ole-ke komite o na kuhina, ka aha kukama-lu o ke Aupuni, @  senate ame ka aha kuka o ka Ekalesia.  O keia mau Aha like @  i hoikeia ae nei maluna, oia maoli no na po@hana o keia Mana @  o Rusia, ame keia mau Aha kuka e kaana like ai ka Emepera @  ka lakou ma a’o ana.  O ka hana hoonaauao ma Rusia ua like @  ia me kekahi mau mana nui no o Europa, aka, o ka poe i ikeia wa@  no, aole hoi o ka poe ilihune a no keia kumu, he mau miliona @ miliona o kona mau makaainana aole i hiki ke heluhelu ame @  kakau.  O ka nani o kona mau halepule oia ka mea i keana nui @ e na makaikai kaapuni o ke ao nei, a ua hoohalikelikeia me ka @  nani o Palani.

 

                Huli ae kaua, e ka makamaka heluhelu o keia wahi nanea @  kole a nana i kona mau pualikoa ame kona mau aumokukaua.  O kona mau pualikoa kaua aina, iloko o keia mau  la ua manao wale@  ia no, oia kekahi o na pualikaua ikaika loa ma ke ao nei a wiw@  no hoi.  He kaena keia na na Mana Nui o Europa e pili ana @  kona mau pualikoa helewawae, aka, o kona mau pualikoa kau @  i kapaia ma ka inoa o na pualikoa “Kosaka” oia ka weli maoli @  na Mana Nui o Europa.  O ka hapanui o keia poe kaualio i @  ma keia inoa, he poe mahiai wale no ka hapanui, a o ka lakou @ hana mainoino i paa no hoi maloko o ka moolelo, he mau @  e poina ole ia no na makahiki he nui e hoea mai ana.  Iloko @ pualikoa kaua lio i kapaia ma ka inoa o ka pualikoa Kosaka @  Dona (Cossack of the Don), iloko olaila ka hilinai piha o ka Empera o Rusia, a me he mea la no hoi ma kekahi olelo ana @  iloko o ka pualikoa helewawae ame ka pualikoa kaualio @     keia mana nui kau e ka weli.  Rusia.  O na hana wiwoo@  koa Rusia ma na kahua kaua apau a lakou i alo ai me ka @  nawanu, iloko no hoi o ka nui anu ame ka inea ame ka @  ikeia e na mana nui o Europa ame kekahi mau mana e ae @  hoopaaia aku ia iloko o kona moolelo, aohe mana nana e @  mau mea i hoopaaia ai iloko olaila.

 

                Aka, he mau olelo wale no paha keia, a no ka mea, ke hoike @  nei ka mana uuku o ka Hikina oia hoi o Iapana, he hiki @  iaia ke ku aku e paio me keia Mana Nui i kau nui ia hoi @  Mamuli o ka hooikaika pauaho ole a kona kiaaina nui e @  ma Manekekuria, ka mea hanohano Akimarala Alakipi @   Alexieff), ua pahola aku ka mana o ke Aupuni o Rusia maluna@  hoi o ka manaolana ikaika loa i loaa iaia aole loa e @  ana o Iapana e kaua me keia Aupuni Nui o Rusia, no @  i paakiki loa ai o Rusia e hoole i na koi a ka mana uuku @

                                                                                                (Aole i pau)

---------------------------------------------------------------------

 

He Huaale Maikai

 

                Aole he like o na

“HUAALE A AYERS”

 

Me na huaale e ae no ka mea he mau huaale kokua kela i ka hana a na naau, a he laau hoomaha maikai loa hoi.  Ina he paa kou hanalepo o na

 

“HUAALE A AYERS.”

 

ka laau e hemo maikai ai, a e hemo maikai ai, a e homo maikai mau ana hoi mahope aku oia manawa.

 

                Aole loa he hiki i kekahi kanaka ke Olelo ae he maikai kona ola kin@ ina aole he hemo o kona hanalepo he hookahi manawa o ka la, a oi aku paha.  Ina i maopopo kela kanawai e ke ola i na kanaka apau, aole loa e like ka nui o ka poe ma’i me ka mea e ike ia nei i kela mau la.

 

                Ua hana ia owaho meke kopaa he maikai loa ka lawe ana.

 

                Aohe mau Huaale i oi ae ka maikai mamua o na.

 

“HUAALE A AYERS”

 

                Hoomakaukau ia e Kauka J.C. Ayer & Company, Lowell, Mass. U.S.A.

 

                E loaa no keia mau Huaale ma ka Hale Kuai Laau o Hollister, alanui Papu.

 

-------------------------------------------------

 

 

(picture)

 

KE KULA KIEKIE MA HONOLULU

 

==================================================